TITUS
Black Yajur-Veda: Kathaka-Samhita
Part No. 18
Previous part

Sthanaka: 18  
Anuvaka: 1  
Page: 265  
Line : 1  Pada: a     agnís tigména śocíṣā yám̐sad víśvaṃ ny àtríṇam /

Line : 2  Pada: b     agnír no vam̐sate rayím //

Line : 3  Pada: c     yá imā́ víśvā bʰúvanāni júhvad ŕ̥ṣir hótā nyásīdat pitā́ naḥ /

Line : 4  Pada: d     sá āśíṣā dráviṇam iccʰámānaḥ paramaccʰád ávarām̐ ā́viveśa //

Line : 5  Pada: e     viśvákarmā vímanā yó vyòmā dʰātā́ vidʰātā́ paramó ná saṃvŕ̥k * /
      FN Mittwede, Textkritische Bemerkungen, p. 99: paramotá saṃdŕ̥k

Line : 6  Pada: f     sáṃ no mahā́ni sám íṣo mahantāṃ yátra saptarṣī́n pará ékam āhúḥ //

Line : 7  Pada: g     tá ā́yajanta dráviṇā sám asmā ŕ̥ṣayaḥ pū́rve jánimāni bʰūnā́ /

Line : 8  Pada: h     asū́rtā sū́rte rájasi ná sattā́ yé bʰūtā́ni samákr̥ṇvann imā́ni //

Line : 10  Pada: i     yó naḥ pitā́ janitā́ yó vidʰātā́ yó nas sató abʰy ā́ sán ninā́ya /

Line : 12  Pada: j     yó devā́nāṃ nāmadʰā́ éko ásti tám̐ saṃpraśnáṃ bʰúvanā yanty anyā́ //

Line : 13  Pada: k     ná táṃ vidātʰa yá idáṃ jajānānyád yuṣmā́kam ántaraṃ babʰūva /

Line : 14  Pada: l     nīhāréṇa prā́vr̥tā jálpyā cāsutŕ̥pa uktʰaśā́saś caranti //

Line : 15  Pada: m     viśvákarmā céd ájaniṣṭa devá ā́d íd gandʰarvó abʰavad dvitī́yaḥ /

Line : 16  Pada: n     tr̥tī́yaḥ pitā́ janitaúṣadʰīnām apā́ṃ gárbʰaṃ vyàdadʰāt purutrā́ //

Line : 17  Pada: o     paró divā́ pará enā́ pr̥tʰivyā́ paró devébʰir ásurair yád ásti /

Line : 18  Pada: p     kám̐ * svid gárbʰaṃ pratʰamáṃ dadʰra ā́po yátra devā́s samápaśyanta víśve //
      FN Oertel, Zur Kapiṣṭʰala-Kaṭʰa-Saṃhitā, p. 18

Line : 19  Pada: q     tám íd gárbʰaṃ pratʰamáṃ dadʰra ā́po yátra devā́s samápaśyanta víśve /

Line : 20  Pada: r     ajásya nā́bʰā ádʰy ékam árpitaṃ tátredáṃ víśvaṃ bʰúvanam ádʰi śritám //


Anuvaka: 2  
Page: 266  
Line : 1  Pada: a     cákṣuṣaḥ pitā́ mánasā hí dʰī́ro gʰr̥tám ene ajanan námnamāne /

Line : 2  Pada: b     yád íd dyā́vāpr̥tʰivī́ ápratʰetām ā́d íd ántā adadr̥hanta pū́rve //

Line : 3  Pada: c     kím̐ svid vánaṃ ká u sá vr̥kṣá āsīd yáto dyā́vāpr̥tʰivī́ niṣṭatakṣúḥ /

Line : 4  Pada: d     mánīṣiṇo mánasā pr̥ccʰátéd u tád yád adʰyátiṣṭʰad bʰúvanāni dʰāráyan //

Line : 5  Pada: e     kím̐ svid āsīd ārámbʰaṇam adʰiṣṭʰā́naṃ katamát svit katʰā́sīt /

Line : 6  Pada: f     yád íd bʰū́miṃ janáyan viśvákarmā ví dyā́m aúrṇon mahinā́ viśvácakṣāḥ //

Line : 7  Pada: g     yó viśvácakṣur utá viśvátomukʰo viśvátohasta utá viśvátaspāt /

Line : 8  Pada: h     sáṃ bāhúbʰyāṃ námate sáṃ yájatrair dyā́vāpr̥tʰivī́ janáyan devá ékaḥ //

Line : 9  Pada: i     yā́ te dʰā́māni paramā́ṇi yā́vamā́ yā́ madʰyamā́ viśvakarmann utémā́ /

Line : 10  Pada: j     śíkṣā sákʰibʰyo havíṣā svadʰāvas svayáṃ yajasva tanvàṃ juṣāṇáḥ //

Line : 11  Pada: k     víśvakarman havíṣā vāvr̥dʰānás svayáṃ yajasva tanvàm̐ svā́ hí te * /
      FN emended. Ed.: svā́hite. Raghuvira, KpS, xxv. Mittwede, Textkritische Bemerkungen, p. 99

Line : 12  Pada: l     múhyantv anyé abʰíto jánāsa ihā́smā́kaṃ magʰávā sūrír astu //

Line : 13  Pada: m     víśvakarman havíṣā várdʰanena trātā́ram índram akr̥ṇor avadʰyám /

Line : 14  Pada: n     tásmai víśas sámanamanta pūrvī́r ayám ugró vihavyò yátʰā́sat //

Line : 15  Pada: o     vācás pátiṃ viśvákarmāṇam ūtáye manoyújaṃ vā́je adyā́ huvema * /
      FN Raghuvira, KpS, xxv. Mittwede, Textkritische Bemerkungen, p. 99

Line : 16  Pada: p     sá no nédiṣṭʰam̐ hávanāny ā́gamad viśváśaṃbʰūr ávase sādʰúkarmā //


Anuvaka: 3  
Line : 17  Pada: a     úd enam uttarā́ṃ nayā́gne gʰr̥ténā́hutaḥ /

Line : 18  Pada: b     rāyáspóṣeṇa sám̐sr̥ja prajáyā ca bahúṃ kr̥dʰi //

Line : 19  Pada: c     índremáṃ prataráṃ kr̥dʰi sajātā́nām asad vaśī́ /

Line : 20  Pada: d     sám enaṃ várcasā sr̥ja devébʰyo bʰāgadā́ asat //

Page: 267  
Line : 1  Pada: e     yásya kurmó gr̥hé havír ágne táṃ * vardʰayā tvám /
      FN Mittwede, Textkritische Bemerkungen, p. 99

Line : 2  Pada: f     tásmai devā́ ádʰibruvann ayáṃ ca bráhmaṇaspátiḥ //

Line : 3  Pada: g     úd u tvā víśve devā́ ágne bʰárantu cíttibʰiḥ /

Line : 4  Pada: h     sá no bʰava śivás tvám̐ suprátīko vibʰā́vasuḥ //

Line : 5  Pada: i     páñca díśo daívīr yajñám avantu devī́r ápā́matiṃ durmatíṃ bā́dʰamānāḥ /

Line : 6  Pada: j     rāyáspóṣe yajñápatim ābʰájantī rāyáspóṣe ádʰi yajñó astʰāt //

Line : 7  Pada: k     sámiddʰe agnā́ ádʰi mā́mahāna uktʰápatra ī́ḍyo gr̥bʰītáḥ /

Line : 8  Pada: l     taptáṃ gʰarmáṃ parigŕ̥hyāyajantorjā́ yád yajñám áśamanta devā́ḥ //

Line : 9  Pada: m     daívyāya dʰartré jóṣṭre devaśrī́ś śrī́manāś śatápāt

Pada: n     parigŕ̥hya yajñám ayān //

Line : 10  Pada: o     hárikeśas sū́ryaraśmiḥ purástāt savitā́ jyótir údayān ájasram /

Line : 11  Pada: p     tásya pūṣā́ prasavé yāti devás saṃpáśyan víśvā bʰúvanāni gopā́ḥ //

Line : 12  Pada: q     devā́ devébʰyo adʰvarīyánto astʰur vītám̐ śamitám̐ śamitā́ yájadʰyai /

Line : 13  Pada: r     turī́yo yajñó yátra havyám éti táto vākā́ āśíṣo no juṣantām //

Line : 14  Pada: s     vímāna eṣá divó mádʰya āsta āpaprivā́n ródasī antárikṣam /

Line : 15  Pada: t     sá viśvā́cī abʰícaṣṭe gʰr̥tā́cī antarā́ pū́rvam áparaṃ ca ketúm //

Line : 16  Pada: u     ukṣā́ samudró * aruṇás suparṇáḥ pū́rvasya yóniṃ pitúr ā́viveśa /
      FN emended. Ed.: samudré. cf. 21.8:47.21. Mittwede, Textkritische Bemerkungen, p. 99

Line : 17  Pada: v     mádʰye divó níhitaḥ pŕ̥śnir áśmā vícakrame rájasaḥ pāty ántau //

Line : 18  Pada: w     índraṃ víśvā avīvr̥dʰan samudrávyacasaṃ gíraḥ /

Line : 19  Pada: x     ratʰī́tamaṃ ratʰī́nāṃ vā́jānām̐ sátpatiṃ pátim //

Line : 20  Pada: y     sumnahū́r * yajñá ā́ ca vakṣat /
      FN emended. Ed.: sumnahúr. cf. 21.8:48.6: sumnahūr. Raghuvira, KpS, xxiv. Mittwede, Textkritische Bemerkungen, p. 99

Pada: z     yákṣad agnír devó devā́m̐ ā́ ca vakṣat //

Line : 21  Pada: aa     vā́jasya mā prasavénodgrābʰéṇódajīgr̥bʰam /

Line : 22  Pada: ab     átʰā sapátnām̐ índro me nigrābʰéṇā́dʰarām̐ akaḥ //

Page: 268  
Line : 1  Pada: ac     udgrābʰáś ca nigrābʰáśca bráhma devā́m̐ avīvr̥dʰat /

Line : 2  Pada: ad     átʰā sapátnān indrāgnī́ me viṣūcī́nān vyàsyatām //



Anuvaka: 4  
Line : 3  Pada: a     krámadʰvam agnínā nā́kam úkʰyam̐ hásteṣu bíbʰrataḥ /

Line : 4  Pada: b     diváḥ pr̥ṣṭʰám̐ svar gatvā́ miśrā́ devébʰir ādʰvam //

Line : 5  Pada: c     prā́cīm ánu pradíśaṃ préhi vidvā́n agnér agne puró agne bʰavehá /

Line : 6  Pada: d     víśvā ā́śā dī́dyad víbʰāhy ū́rjaṃ no dʰehi dvipáde cátuṣpade //

Line : 7  Pada: e     pr̥tʰivyā́ ahám úd antárikṣam ā́ruham antárikṣād dívam ā́ruham /

Line : 8  Pada: f     divó nā́kasya pr̥ṣṭʰā́t svàr jyótir agām ahám //

Line : 9  Pada: g     svaryánto * nā́pekṣanta ā́ dyā́ṃ rohanti ródasī /
      FN Mittwede, Textkritische Bemerkungen, p. 99

Line : 10  Pada: h     yajñáṃ yé viśvátodʰāram̐ súvidvām̐so viteniré //

Line : 11  Pada: i     ágne préhi pratʰamó devayatā́ṃ * cákṣur devā́nām utá mártyānām /
      FN emended. Ed.: devāyatā́ṃ. Mittwede, Textkritische Bemerkungen, p. 100

Line : 12  Pada: j     íyakṣamāṇā bʰŕ̥gubʰis sajóṣās svàr yantu yájamānās svastí //

Line : 13  Pada: k     náktoṣā́sā sámanasā vírūpe dʰāpáyete śíśum ékam̐ samīcī́ /

Line : 14  Pada: l     dyā́vākṣā́mā rukmó antár víbʰāti devā́ agníṃ dʰārayan draviṇodā́ḥ //

Line : 15  Pada: m     ágne sahasrākṣa śatamūrdʰañ cʰatatejaś śatáṃ te prāṇā́s sahásraṃ vyānā́ḥ /

Line : 16  Pada: n     tvám̐ sāhasrásya rāyá īśiṣe tásmai te vidʰema vā́jāya svā́hā /

Pada: o     suparṇò 'si garútmān /

Line : 17  Pada: p     pr̥ṣṭʰé pr̥tʰivyā́s sīda

Pada: q     bʰāsā́ntárikṣam ā́pr̥ṇa

Pada: r     jyótiṣā dívam úttabʰāna /

Line : 18  Pada: s     téjasā díśa úddr̥m̐ha //

Line : 19  Pada: t     ājúhvānas suprátīkaḥ purástād ágne sváṃ yónim ā́sīda sādʰyā́ /

Line : 20  Pada: u     asmín sadʰástʰe ádʰy úttarasmin víśve devā́ yájamānaś ca sīdata //

Page: 269  
Line : 1  Pada: v     tā́m̐ savitúr váreṇyasya citrā́m ā́háṃ vr̥ṇe sumatíṃ viśvájanyām /

Line : 2  Pada: w     yā́m asya káṇvo áduhat prápīnām̐ sahásradʰārāṃ páyasā mahī́ṃ gā́m //

Line : 3  Pada: x     ágne vidʰema te paramé jánman vidʰéma stómair ávare sadʰástʰe /

Line : 4  Pada: y     yásmād yóner udā́ritʰa yájā táṃ prá tvé havī́m̐ṣi juhumas sámiddʰe //

Line : 5  Pada: z     préddʰo agne dīdihi puró nó 'jasrayā sūrmyā̀ yaviṣṭʰa /

Line : 6  Pada: aa     tvā́m̐ śáśvanta úpayanti vā́jāḥ //

Line : 7  Pada: ab     saptá te agne samídʰas saptá jihvā́s saptárṣayas saptá dʰā́ma priyā́ṇi /

Line : 8  Pada: ac     saptá hótrā anuvidvā́n saptá yónīṃr ā́pr̥ṇasvā gʰr̥téna //


Anuvaka: 5  
Line : 9  Pada: a     āśúś śíśāno vr̥ṣabʰó ná yudʰmó gʰanāgʰanáḥ kṣóbʰaṇaś carṣaṇīnā́m /

Line : 10  Pada: b     saṃkrándano 'nimiṣá ekavīráś śatám̐ sénā ajayat sākám índraḥ //

Line : 11  Pada: c     saṃkrándanenānimiṣéṇa jiṣṇúnā yutkāréṇa duścyavanéna dʰr̥ṣṇúnā /

Line : 12  Pada: d     tád índreṇa jayata tát sahadʰvaṃ yúdʰo nara íṣuhastena vŕ̥ṣṇā //

Line : 13  Pada: e     sá íṣuhastais sá niṣaṅgíbʰir vaśī́ sám̐sraṣṭā sá yúdʰa índro gaṇéna /

Line : 14  Pada: f     sam̐sr̥ṣṭajít somapā́ bāhuśardʰy ū̀rdʰvádʰanvā prátihitābʰir ástā //

Line : 15  Pada: g     bŕ̥haspate páridīyā rátʰena rakṣohā́mítrā́m̐ apabā́dʰamānaḥ /

Line : 16  Pada: h     prabʰañján sénāḥ pramr̥ṇó yudʰā́ jáyann asmā́kam edʰy avitā́ rátʰānām //

Line : 17  Pada: i     balavijñāyás stʰáviraḥ právīras sáhasvān vājī́ sáhamāna ugráḥ /

Line : 18  Pada: j     abʰívīro abʰíṣatvā sahojíj jaítrāyaṇo * rátʰam ā́tiṣṭʰa govít //
      FN Mittwede, Textkritische Bemerkungen, p. 100: jaítrāyaṇī, jaítrāya ṇo

Line : 19  Pada: k     gotrabʰídaṃ govídaṃ vájrabāhuṃ jáyantam ájmā * pramr̥ṇántam ójasā /
      FN ájma in other texts

Line : 20  Pada: l     imám̐ sajātā ánuvīrayadʰvam índram̐ sákʰāyam ánu sáṃvyayadʰvam //

Page: 270  
Line : 1  Pada: m     abʰí gotrā́ṇi sáhasā gā́hamāno 'dayó vīráś śatámanyur índraḥ /

Line : 2  Pada: n     duścyavanáḥ pr̥tanāṣā́ḍ ayudʰyò 'smā́kam̐ sénā avatu prá yutsú //

Line : 3  Pada: o     índra eṣāṃ netā́ bŕ̥haspátir dákṣiṇā yajñáḥ purá etu sómaḥ /

Line : 4  Pada: p     devasenā́nām abʰibʰañjatīnā́ṃ jáyantīnāṃ marúto yantu mádʰye //

Line : 5  Pada: q     índrasya vŕ̥ṣṇo váruṇasya rā́jña ādityā́nāṃ marútām̐ śárdʰa ugrám /

Line : 6  Pada: r     mahā́manasāṃ bʰuvanacyavā́nāṃ gʰóṣo devā́nāṃ jáyatām údastʰāt //

Line : 7  Pada: s     asmā́kam índras sámr̥teṣu dʰvajéṣv asmā́kaṃ yā́ íṣavas tā́ jayantu /

Line : 8  Pada: t     asmā́kaṃ vīrā́ úttare bʰavantv asmā́n u devā avatā bʰáreṣv ā́ //


Anuvaka: 6  
Line : 9  Pada: a     śukrájyotiś ca citrájyotiś ca

Pada: b     satyájyotiś ca jyótiṣmām̐ś ca

Pada: c     satyáś cartapā́ś cā́tyam̐hās \

Line : 10  Pada: d     īdŕ̥ṅ cānyādŕ̥ṅ ca

Pada: e     sadŕ̥ṅ ca prátisadr̥ṅ ca

Pada: f     mitáś ca sáṃmitaś ca sábʰarās \

Line : 11  Pada: g     r̥táś ca satyáś ca

Pada: h     dʰruváś ca dʰarúṇaś ca

Pada: i     dʰartā́ ca vidʰartā́ ca vidʰārayás \

Line : 12  Pada: j     r̥tajíc ca satyajíc ca

Pada: k     senajíc ca suṣéṇaś ca \

Pada: l     ántimitraś ca dūréamitraś ca gaṇás \

Line : 13  Pada: m     īdŕ̥kṣāsa etādŕ̥kṣāsa ū ṣú ṇas sadŕ̥kṣāsaḥ prátisadr̥kṣāsa étana

Line : 14  Pada: n     mitā́saś ca sáṃmitāso no adyá sábʰaraso maruto yajñé asmín \

Line : 15  Pada: o     índraṃ daívīr víśo marútó 'nuvartmānas \

Pada: p     yátʰéndraṃ daívīr víśo marútó 'nuvartmānó 'bʰavann evám imáṃ yájamānaṃ daívīś ca víśo mā́nuṣīś cā́nuvartmāno bʰavantu //


Anuvaka: 7  
Line : 18  Pada: a     vā́jaś ca me prasaváś ca me

Pada: b     práyatiś ca me prásr̥tiś ca me

Pada: c     dʰītíś ca me krátuś ca me

Page: 271  
Line : 1  Pada: d     sváraś ca me ślókaś ca me

Pada: e     śrāváś ca me śrútiś ca me

Pada: f     jyótiś ca me svàś ca me

Line : 2  Pada: g     prāṇáś ca me vyānáś ca me \

Pada: h     apānáś ca mé 'suś ca me

Pada: i     cittáṃ ca ma ā́dʰītaṃ ca me

Line : 3  Pada: j     vā́k ca me mánaś ca me

Pada: k     cákṣuś ca me śrótraṃ ca me

Pada: l     dákṣaś ca me bálaṃ ca me \

Line : 4  Pada: m     ójaś ca me sáhaś ca me \

Pada: n     ātmā́ ca me tanū́ś ca me

Pada: o     śárma ca me várma ca me \

Line : 5  Pada: p     áṅgāni ca me 'stʰā́ni ca me

Pada: q     párūm̐ṣi ca me śárīrāṇi ca me \

Pada: r     ā́yuś ca me jarā́ ca me

Line : 6  Pada: s     jyaíṣṭʰyaṃ ca ma ā́dʰipatyaṃ ca me

Pada: t     manyúś ca me bʰā́maś ca me \

Pada: u     ámaś ca mé 'mbʰaś ca me

Line : 7  Pada: v     jemā́ ca me mahimā́ ca me

Pada: w     varimā́ ca me pratʰimā́ ca me

Line : 8  Pada: x     varṣmā́ ca me drāgʰvā́ * ca me
      FN Mittwede, Textkritische Bemerkungen, p. 100: drāgʰmā́

Pada: y     vr̥ddʰáṃ ca me vŕ̥ddʰiś ca me //


Anuvaka: 8  
Line : 9  Pada: a     satyáṃ ca me śraddʰā́ ca me

Pada: b     jágac ca me dʰánaṃ ca me

Pada: c     krīḍā́ ca me módaś ca me

Line : 10  Pada: d     váśaś ca me tvíṣiś ca me

Pada: e     sūktáṃ ca me sukr̥táṃ ca me

Pada: f     jātáṃ ca me janiṣyámāṇaṃ ca me

Line : 11  Pada: g     vittáṃ ca me védyaṃ ca me

Pada: h     bʰūtáṃ ca me bʰaviṣyác ca me

Pada: i     sugáṃ ca me supátʰaṃ ca me \

Line : 12  Pada: j     r̥ddʰáṃ ca ma ŕ̥ddʰiś ca me

Pada: k     kl̥ptáṃ ca me kŀ̥ptiś ca me

Line : 13  Pada: l     matíś ca me sumatíś ca me

Pada: m     śáṃ ca me máyaś ca me

Pada: n     priyáṃ ca me 'nukāmáś ca me

Line : 14  Pada: o     kā́maś ca me saumanasáś ca me

Pada: p     bʰágaś ca me dráviṇaṃ ca me

Pada: q     bʰadráṃ ca me śréyaś ca me

Line : 15  Pada: r     vásyaś ca me yáśaś ca me

Pada: s     yantā́ ca me dʰartā́ ca me

Pada: t     kṣémaś ca me dʰŕ̥tiś ca me

Line : 16  Pada: u     saṃvíc ca me jñā́traṃ ca me

Pada: v     víśvaṃ ca me máhaś ca me

Pada: w     sū́ś ca me prasū́ś ca me

Line : 17  Pada: x     sī́raṃ ca me lāyáś ca me //


Anuvaka: 9  
Line : 18  Pada: a     r̥táṃ ca me 'mŕ̥taṃ ca me \

Pada: b     ayakṣmáṃ ca mé 'nāmayac ca me

Pada: c     jīvā́tuś ca me dīrgʰāyutváṃ ca me \

Line : 19  Pada: d     anamitráṃ ca mé 'bʰayaṃ ca me

Pada: e     sugáṃ ca me śáyanaṃ ca me

Page: 272  
Line : 1  Pada: f     sūṣā́ś ca me sudínaṃ ca me \

Pada: g     ū́rk ca me sūnŕ̥tā ca me

Pada: h     páyaś ca me rásaś ca me

Line : 2  Pada: i     gʰr̥táṃ ca me mádʰu ca me

Pada: j     ságdʰiś ca me sápītiś ca me

Pada: k     kr̥ṣíś ca me vr̥ṣṭíś ca me

Line : 3  Pada: l     jaítraṃ ca ma aúdbʰidaṃ * ca me
      FN cf. KpS.28.9:147.4: audbʰidaṃ.

Pada: m     rayíś ca me rā́yaś ca me

Pada: n     puṣṭáṃ ca me púṣṭiś ca me //

Line : 4  Pada: o     vibʰú ca me prabʰú ca me

Pada: p     pūrṇáṃ ca me pūrṇátaraṃ ca me

Pada: q     kúyavaṃ ca mé 'kṣitiś ca me \

Line : 5  Pada: r     ánnaṃ ca mé 'kṣuc ca me

Pada: s     vrīháyaś ca me yávāś ca me

Pada: t     mā́ṣāś ca me tílāś ca me

Line : 6  Pada: u     nīvā́rāś ca me śyāmā́kāś ca me \

Pada: v     áṇavaś ca me priyáṅgavaś ca me

Line : 7  Pada: w     godʰū́māś ca me masū́rāś ca me

Pada: x     mudgā́ś ca me kʰálvāś ca me //


Anuvaka: 10  
Line : 8  Pada: a     áśmā ca me mŕ̥ttikā ca me

Pada: b     giráyaś ca me párvatāś ca me

Pada: c     síkatāś ca me vánaspátayaś ca me

Line : 9  Pada: d     híraṇyaṃ ca mé 'yaś ca me

Pada: e     sī́saṃ ca me trápu ca me

Line : 10  Pada: f     śyāmáṃ ca me lohitāyasáṃ ca me \

Pada: g     agníś ca ma ā́paś ca me

Pada: h     vīrúdʰaś ca ma óṣadʰayaś ca me

Line : 11  Pada: i     kr̥ṣṭapacyáṃ ca me 'kr̥ṣṭapacyáṃ ca me

Pada: j     grāmyā́ś ca me paśáva āraṇyā́ś ca me

Line : 12  Pada: k     vittáṃ ca me víttiś ca me

Pada: l     bʰūtáṃ ca me bʰū́tiś ca me

Pada: m     vásu ca me vasatíś ca me

Line : 13  Pada: n     kárma ca me śáktiś ca me \

Pada: o     ártʰaś ca ma émaś ca me \

Pada: p     ityā́ ca me gátiś ca me \

Line : 14  Pada: q     agníś ca ma índraś ca me

Pada: r     sómaś ca ma índraś ca me

Pada: s     savitā́ ca ma índraś ca me

Line : 15  Pada: t     sárasvatī ca ma índraś ca me

Pada: u     pūṣā́ ca ma índraś ca me

Pada: v     bŕ̥haspátiś ca ma índraś ca me

Line : 16  Pada: w     mitráś ca ma índraś ca me

Pada: x     váruṇaś ca ma índraś ca me

Pada: y     dʰātā́ ca ma índraś ca me

Line : 17  Pada: z     tváṣṭā ca ma índraś ca me

Pada: aa     marútaś ca ma índraś ca me

Pada: ab     víśve ca me devā́ índraś ca me

Line : 18  Pada: ac     pr̥tʰivī́ ca ma índraś ca me \

Pada: ad     antárikṣaṃ ca ma índraś ca me

Pada: ae     dyaúś ca ma índraś ca me

Line : 19  Pada: af     sámāś ca ma índraś ca me

Pada: ag     nákṣatrāṇi ca ma índraś ca me

Pada: ah     díśaś ca ma índraś ca me //


Anuvaka: 11  
Page: 273  
Line : 1  Pada: a     am̐śúś ca me raśmíś ca me \

Pada: b     ádābʰyaś ca mé 'dʰipatiś ca me \

Pada: c     upām̐śúś ca me 'ntaryāmáś ca me \

Line : 2  Pada: d     aindravāyaváś ca me maitrāvaruṇáś ca me \

Pada: e     āśvináś ca me pratiprastʰā́naś ca me

Line : 3  Pada: f     śukráś ca me mantʰī́ ca me \

Pada: g     āgrāyaṇáś ca me kṣullakávaiśvadevaś ca me

Line : 4  Pada: h     dʰruváś ca me vaiśvānaráś ca me \

Pada: i     aindrāgnáś ca me vaiśvadeváś ca me

Pada: j     marutvatī́yaś ca me mahendrī́yaś ca me

Line : 5  Pada: k     sāvitráś ca me sārasvatáś ca me

Pada: l     pātnīvatáś ca me hāriyojanáś ca me

Line : 6  Pada: m     srúcaś ca me camasā́ś ca me

Pada: n     vāyavyā̀ni ca me droṇakalaśáś ca me

Line : 7  Pada: o     pūtabʰŕ̥c ca mé 'pūtabʰr̥c ca me

Pada: p     grā́vāṇaś ca me 'dʰiṣávaṇe ca me \

Pada: q     avabʰr̥tʰáś ca me svagākāráś ca me \

Line : 8  Pada: r     agníś ca me gʰarmáś ca me \

Pada: s     arkáś ca me sū́ryaś ca me

Line : 9  Pada: t     prāṇáś ca me 'śvamedʰáś ca me

Pada: u     pr̥tʰivī́ ca mé 'ditiś ca me

Pada: v     dítiś ca me dyaúś ca me

Line : 10  Pada: w     śákvarīr áṅgulayo díśaś ca me yajñéna kalpantām \

Pada: x     vratáṃ cartúś ca saṃvatsaráś ca tápaś cāhorātré ūrvaṣṭīvé br̥hadratʰantaré ca me yajñéna kalpetām //


Anuvaka: 12  
Line : 12  Pada: a     triyáviś ca me triyavī́ ca me

Pada: b     dityavā́ṭ ca me dityauhī́ ca me

Line : 13  Pada: c     páñcāviś ca me pañcāvī́ ca me

Pada: d     trivatsáś ca me trivatsā́ ca me

Pada: e     turyavā́ṭ ca me turyauhī́ ca me

Line : 14  Pada: f     paṣṭʰavā́ṭ ca me paṣṭʰauhī́ ca me \

Pada: g     ukṣā́ ca me vaśā́ ca me \

Line : 15  Pada: h     anaḍvā́m̐ś ca me dʰenúś ca me \

Pada: i     r̥ṣabʰáś ca me vehác ca me \

Pada: j     ékā ca me tisráś ca me

Line : 16  Pada: k     tisráś ca me tráyastrim̐śac ca me

Pada: l     cátasraś ca me 'ṣṭaú ca me \

Pada: m     aṣṭaú ca me 'ṣṭā́catvārim̐śac ca me //

Line : 17  Pada: n     vā́jaś ca prasaváś cāpijáś ca krátuś ca vākpatíś ca vásuś ca svàr maurdʰnó mūrdʰā́ vaiyaśanó vyàśvām̐ āntyó 'ntyo bʰauvanó bʰúvanasya pátiḥ prajā́patir *
      FN registered without prajāpatiḥ in VC

Page: 274  
Line : 1  Pada: o     iyáṃ te rā́ṇ mitró yantā́si yámanas \

Pada: p     ūrjé tvā

Line : 2  Pada: q     vr̥ṣṭyaí tvā

Pada: r     prajā́nāṃ tvā́dʰipatyāya \

Pada: s     ā́yur yajñéna kalpatām \

Pada: t     máno yajñéna kalpatām \

Line : 3  Pada: u     prāṇó yajñéna kalpatām \

Pada: v     cákṣur yajñéna kalpatāṃ *
      < kalpatām

Pada: w     śrótraṃ yajñéna kalpatām \

Pada: x     vā́g yajñéna kalpatām

Line : 4  Pada: y     ātmā́ yajñéna kalpatām \

Pada: z     brahmā́ yajñéna kalpatām \

Pada: aa     pr̥ṣṭʰáṃ yajñéna kalpatām \

Line : 5  Pada: ab     yajñó yajñéna kalpatām

Pada: ac     ŕ̥k ca sā́ma ca

Pada: ad     stómaś ca yájuś ca

Pada: ae     br̥hác ca ratʰantaráṃ ca

Line : 6  Pada: af     svàr devā́ * aganma
      FN Mittwede, Textkritische Bemerkungen, p. 100: devā

Pada: ag     prajā́pateḥ prajā́ abʰūvan \

Pada: ah     amŕ̥tā abʰūma

Pada: ai     véṭ svā́hā //


Anuvaka: 13  
Line : 8  Pada: a     vā́jasya nú prasavá íti ṣáṭ //

Line : 9  Pada: b     víśve adyá marúto víśva ūtī́ víśve bʰavantv agnáyas sámiddʰāḥ /

Line : 10  Pada: c     víśve mā devā́ ávasā́gamann ihá víśvam astu dráviṇaṃ vā́je asmín //

Line : 11  Pada: d     ā́ mā vā́jasya

Pada: e     vā́jasya nú //

Line : 12  Pada: f     vā́jo mā saptá pradíśaś cátasro vā parāvátaḥ /

Line : 13  Pada: g     vā́jo mā víśvair devaír dʰánasātā ihā́vatu //

Line : 14  Pada: h     vā́jo me adyá prásuvāti dā́naṃ vā́jo devā́n havíṣā vardʰayāti /

Line : 15  Pada: i     vā́jasya hí prasavé nánnamīti víśvā ā́śā vā́japatir jayeyam //

Line : 16  Pada: j     vā́jaḥ purástād utá madʰyató no vā́jo devā́n r̥túbʰiḥ kalpayāti /

Line : 17  Pada: k     vā́jasya hí prasavé nánnamīti sárvā ā́śā vā́japatir bʰaveyam //

Line : 18  Pada: l     sáṃ mā sr̥jāmi páyasā pr̥tʰivyā́s sáṃ mā sr̥jāmy adbʰír óṣadʰībʰiḥ /

Line : 19  Pada: m     sò 'háṃ vā́jam̐ sanāmy * agnéḥ //
      FN Raghuvira, KpS, xxvi, Mittwede, Textkritische Bemerkungen, p. 100: sanomy

Line : 20  Pada: n     páyaḥ pr̥tʰivyā́ṃ páya óṣadʰīṣu páyo divy àntárikṣe páyo dʰāḥ /

Line : 21  Pada: o     páyasvatīḥ pradíśas santu máhyam //


Anuvaka: 14  
Page: 275  
Line : 1  Pada: a     r̥tāṣā́ḍ r̥tádʰāmāgnír gandʰarvás

Pada: b     tásyaúṣadʰayo 'psaráso mudā́ nā́ma

Pada: c     sá na idáṃ bráhma kṣatráṃ pātu

Line : 2  Pada: d     tásmai svā́hā váṭ

Pada: e     tā́bʰyas svā́hā váṭ

Pada: f     suṣumṇás sū́ryaraśmiś candrámā gandʰarvás

Line : 3  Pada: g     tásya nákṣatrāṇy apsaráso bekúrayo nā́ma

Pada: h     sá na idáṃ bráhma kṣatráṃ pātu

Line : 4  Pada: i     tásmai svā́hā váṭ

Pada: j     tā́bʰyas svā́hā váṭ

Pada: k     sam̐hitó viśvásāmā sū́ryo gandʰarvás

Line : 5  Pada: l     tásya márīcayo 'psarása āyúvo nā́ma

Pada: m     sá na idáṃ bráhma kṣatráṃ pātu

Line : 6  Pada: n     tásmai svā́hā váṭ

Pada: o     tā́bʰyas svā́hā váḍ

Pada: p     bʰujyús suparṇó yajñó gandʰarvás

Line : 7  Pada: q     tásya dákṣiṇā apsarásas stavā́ nā́ma

Pada: r     sá na idáṃ bráhma kṣatráṃ pātu

Pada: s     tásmai svā́hā váṭ

Line : 8  Pada: t     tā́bʰyas svā́hā váṭ

Pada: u     prajā́patir viśvákarmā máno gandʰarvás

Pada: v     tásyarksāmā́ny apsarása éṣṭayo nā́ma

Line : 9  Pada: w     sá na idáṃ bráhma kṣatráṃ pātu

Pada: x     tásmai svā́hā váṭ

Line : 10  Pada: y     tā́bʰyas svā́hā váḍ

Pada: z     iṣiró viśvávyacā vā́to gandʰarvás

Pada: aa     tásyā́po 'psarása ū́rjo nā́ma *
      FN Mittwede, Textkritische Bemerkungen, p. 100

Line : 11  Pada: ab     sá na idáṃ bráhma kṣatráṃ pātu

Pada: ac     tásmai svā́hā váṭ

Pada: ad     tā́bʰyas svā́hā váṭ //

Line : 12  Pada: ae     sá no bʰuvanasya pate yásya ta upári gr̥hā́ virāṭpate //

Line : 13  Pada: af     asmaí bráhmaṇe 'smaí kṣatrā́ya máhi śárma yaccʰa svā́hā //

Pada: ag     samudro 'si nabʰasvān ārdradānus \

Line : 14  Pada: ah     śaṃbʰur mayobʰūr abʰi mā vāhi svāhā

Pada: ai     māruto 'si marutā́ṃ gaṇas \

Line : 15  Pada: aj     śaṃbʰur mayobʰūr abʰi mā vāhi svāhā \

Pada: ak     avasyur asi duvasvān \

Pada: al     śaṃbʰur mayobʰūr abʰi mā vāhi svāhā //


Anuvaka: 15  
Line : 17  Pada: a     agniṃ yunajmi śavasā gʰr̥tena divyam̐ suparṇaṃ vayasā br̥hantam /

Line : 18  Pada: b     tena vayaṃ patema bradʰnasya viṣṭapam̐ svo ruhāṇā adʰi nāka uttame //

Line : 19  Pada: c     imau te pakṣā ajarau patatriṇo yābʰyāṃ rakṣām̐sy apaham̐sy agne /

Line : 20  Pada: d     tābʰyāṃ vayaṃ patema sukr̥tām u lokaṃ yatrarṣayo jagmuḥ pratʰamāḥ purāṇāḥ //

Page: 276  
Line : 1  Pada: e     indur dakṣaś śyena r̥tāvā hiraṇyapakṣaś śakuno bʰuraṇyuḥ /

Line : 2  Pada: f     mahān sadʰastʰe dʰruva ā niṣattas \

Pada: g     namas te astu

Pada: h     mā mā him̐sīḥ //

Line : 3  Pada: i     divo mūrdʰāsi pr̥tʰivyā nābʰir ūrg apām oṣadʰīnām /

Line : 4  Pada: j     viśvāyuś śarma sapratʰā namas patʰe viśvasya mūrdʰann adʰitiṣṭʰasi śritaḥ //

Line : 5  Pada: k     samudre te hr̥dayam antar āyur udno dehy udadʰiṃ bʰindʰi * /
      FN Mittwede, Textkritische Bemerkungen, p. 101: binddʰi

Line : 6  Pada: l     divaḥ parjanyād antarikṣāt pr̥tʰivyās

Pada: m     tato mā vr̥ṣṭyāva //


Anuvaka: 16  
Line : 7  Pada: a     samās tvāgna r̥tavo vardʰayantu saṃvatsarā r̥ṣayo yāni satyā /

Line : 8  Pada: b     saṃ divyena dīdihi rocanena viśvā ābʰāhi pradiśaḥ pr̥tʰivyāḥ * //
      FN TS, KS: pradiśaḥ pr̥tʰivyāḥ, KpS: pradiśaḥ pr̥tʰivyām.

Line : 9  Pada: c     saṃ cedʰyasvāgne pra ca bodʰayainam uc ca tiṣṭʰa mahate saubʰagāya /

Line : 10  Pada: d     mā ca riṣad upasattā te agne brahmāṇas te yaśassas santu mānye //

Line : 11  Pada: e     tvām agne vr̥ṇate brāhmaṇā ime śivo agne saṃvaraṇe bʰavā naḥ /

Line : 12  Pada: f     sapatnahāgne abʰimātijit sve gaye jāgr̥hy aprayuccʰan //

Line : 13  Pada: g     ihaivāgne adʰi dʰārayā rayiṃ mā tvā nikran pūrvacito nikāriṇaḥ /

Line : 14  Pada: h     kṣatram agne suyamam astu tubʰyam upasattā vardʰatāṃ te aniṣṭr̥taḥ //

Line : 15  Pada: i     kṣatreṇāgne svena saṃrabʰasva mitreṇāgne mitradʰeye yatasva /

Line : 16  Pada: j     sajātānāṃ madʰyameṣṭʰeyāya rājñām agne vihavyò dīdihīha //

Line : 17  Pada: k     ati niho ati sridʰo aty acittim ati nirr̥tim adya /

Line : 18  Pada: l     viśvā hy agne duritā tara tvam atʰāsmabʰyam̐ sahavīraṃ rayiṃ dāḥ //

Line : 19  Pada: m     anādʰr̥ṣyo jātavedā aniṣṭr̥to virāḍ agne kṣatrabʰr̥d dīdihīha /

Line : 20  Pada: n     viśvā amīvāḥ pramuñcan mānuṣebʰyaś śivebʰir adya paripāhi no vr̥dʰe //

Line : 21  Pada: o     amutrabʰūyād adʰa yad yamasya br̥haspate abʰiśaster amuñcaḥ /

Line : 22  Pada: p     pratyauhatām aśvinā mr̥tyum asmād devānām agne bʰiṣajā śacībʰiḥ //

Page: 277  
Line : 1  Pada: q     ud vayaṃ tamasas pari jyotiṣ paśyanta uttaram /

Line : 2  Pada: r     devaṃ devatrā sūryam aganma jyotir uttamam //

Line : 3  Pada: s     br̥haspate savitar bodʰayainam̐ sam̐śitaṃ cit saṃtarāṃ sam̐śiśādʰi /

Line : 4  Pada: t     vardʰayainaṃ mahate saubʰagāya viśva enam anumadantu devāḥ //

Line : 5  Pada: u     kṣatrabʰr̥d agnir anibʰr̥ṣṭatejās sahasriyo dyotatām idʰyamānaḥ /

Line : 6  Pada: v     varṣman pr̥tʰivyā adʰi jātavedā ud antarikṣam āruhad agan dyām //


Anuvaka: 17  
Line : 7  Pada: a     ūrdʰvā asya samidʰo bʰavanty ūrdʰvā śukrā śocīm̐ṣy agneḥ /

Line : 8  Pada: b     dyumattamā supratīkasya sūnoḥ //

Line : 9  Pada: c     tanūnapād asuro viśvavedā devo deveṣu devaḥ /

Line : 10  Pada: d     patʰo anakti madʰvā gʰr̥tena madʰvā yajñaṃ nakṣati prīṇānaḥ //

Line : 11  Pada: e     narāśam̐so agne sukr̥d devas savitā viśvavāraḥ /

Line : 12  Pada: f     accʰāyaṃ yanti * śavasā gʰr̥tācīḥ //
      FN Mittwede, Textkritische Bemerkungen, p. 101

Line : 13  Pada: g     īḍānā vahniṃ namasāgnim̐ sruco adʰvareṣu prayatsu /

Line : 14  Pada: h     sa yakṣad asya mahimānam agneḥ //

Line : 15  Pada: i     stanī mandras suprayakṣuḥ / *
      FN Mittwede, Textkritische Bemerkungen, p. 101

Line : 16  Pada: j     vasuś cetiṣṭʰo vasudʰātamaś ca //

Line : 17  Pada: k     dvāro devīr anv asya viśvā vratā dadante agneḥ /

Line : 18  Pada: l     uruvyacaso dʰāmnā patyamānāḥ //

Line : 19  Pada: m     te asya yoṣaṇe divyo na yonir uṣāsānaktāgneḥ /

Line : 20  Pada: n     imaṃ yajñam avatām adʰvaraṃ naḥ //

Line : 21  Pada: o     daivyā hotārordʰvam imam adʰvaraṃ no 'gner jihvayābʰigr̥ṇītam /

Line : 22  Pada: p     kr̥ṇutaṃ nas sviṣṭam //

Page: 278  
Line : 1  Pada: q     tisro devīr barhir edam̐ sadantv iḍā sarasvatī bʰāratī

Pada: r     mahīr gr̥ṇānāḥ //

Line : 2  Pada: s     tan nas turīpam adbʰutaṃ purukṣu / tvaṣṭaḥ poṣāya viṣya nābʰim asme //

Line : 4  Pada: t     vanaspate 'vasr̥ja rarāṇas tmanā deveṣu / agnir haviś śamitā sūdayāti //

Line : 6  Pada: u     agne svāhā kr̥ṇuhi jātaveda indrāya havyam /

Line : 7  Pada: v     viśve devā havir idaṃ juṣantām //


Anuvaka: 18  
Line : 8  Pada: a     yenarṣayas tapasā sattram * āsatendʰānā agnim̐ svar ābʰarantaḥ /
      FN emended. Ed.: satram

Line : 9  Pada: b     tasminn ahaṃ nidadʰe nāke agniṃ yam āhur manavas stīrṇabarhiṣam //

Line : 10  Pada: c     taṃ patnībʰir anugaccʰema devāḥ putrair bʰrātr̥bʰir uta vā hiraṇyaiḥ /

Line : 11  Pada: d     nākaṃ gr̥hṇānās sukr̥tasya loke tr̥tīye pr̥ṣṭʰe adʰi rocane divaḥ //

Line : 12  Pada: e     ā vāco madʰyam aruhad bʰuraṇyur ayam agnis satpatiś cekitānaḥ /

Line : 13  Pada: f     pr̥ṣṭʰe pr̥tʰivyā nihito davidyutad adʰaspadaṃ kr̥ṇutāṃ ye pr̥tanyavaḥ //

Line : 14  Pada: g     ayam agnir vīratamo vayodʰās sahasriyo dyotatām aprayuccʰan /

Line : 15  Pada: h     vibʰrājamānas sarirasya madʰya upaprayāhi divyāni dʰāman //

Line : 16  Pada: i     saṃpracyavadʰvam upa saṃprayātāgne patʰo devayānān kr̥ṇudʰvam /

Line : 17  Pada: j     punaḥ kr̥ṇvantā pitarā yuvānānvātām̐sīt tvayi tatum etam //

Line : 18  Pada: k     udbudʰyasvāgne pratijāgr̥hi tvam iṣṭāpūrte sam̐sr̥jetʰām ayaṃ ca /

Line : 19  Pada: l     asmin sadʰastʰe adʰy uttarasmin viśve devā yajamānaś ca sīdata //

Line : 20  Pada: m     yena sahasraṃ vahasi yenāgne sarvavedasam /

Line : 21  Pada: n     tenemaṃ yajñaṃ no vaha svàr deveṣu gantave //

Page: 279  
Line : 1  Pada: o     ayaṃ te yonir r̥tviyo yato jāto arocatʰāḥ /

Line : 2  Pada: p     taṃ jānann agna āroha tato no vardʰayā rayim //

Line : 3  Pada: q     iṣṭo yajño bʰr̥gubʰir draviṇodā yatibʰir āśīrvām̐ atʰarvabʰiḥ /

Line : 4  Pada: r     iṣṭo agnir āhutas svāhākr̥taḥ pipartu naḥ /

Line : 5  Pada: s     iṣṭam̐ havis *
      FN Mittwede, Textkritische Bemerkungen, p. 101

Pada: t     svagedaṃ devebʰyo namaḥ //



Anuvaka: 19  
Line : 6  Pada: a     juhvam̐ saṃmārṣṭi

Pada: b     yajñamukʰaṃ vai juhūr

Pada: c     yajñamukʰam evālabʰate

Pada: d     juhvā vai devā virājam ahvayan \

Line : 7  Pada: e     taj juhvā juhūtvam

Pada: f     agnir vai virāḍ

Pada: g     agnim evaitad virājam̐ hvayati


Pada: h     ccʰandām̐si vai devebʰyo 'pākrāman yajñe bʰāgadʰeyam iccʰamānāni na vo 'bʰāgadʰeyāni * havyaṃ vakṣyāma iti
      FN emended. Ed.: bʰāgadʰeyāni. Oertel, Zur Kapiṣṭʰala-Kaṭʰa-Saṃhitā, p.25. Mittwede, Textkritische Bemerkungen, p. 101

Line : 9  Pada: i     tebʰya etac caturgr̥hītaṃ prāyaccʰann anuvākyāyai yājyāyai devatāyai vaṣaṭkārāya

Line : 10  Pada: j     yac caturgr̥hītena juhoti

Pada: k     ccʰandām̐sy eva bʰāgadʰeyavanti karoti


Line : 11  Pada: l     sāvitrāṇi juhoti

Pada: m     prasūtyai \


Pada: n     eti vā etad yajñamukʰād yad anāgneyam agre yajñasya kriyate

Line : 12  Pada: o     yad aṣṭau kr̥tvo gr̥hītvāṣṭā etāni juhoti \

Line : 13  Pada: p     aṣṭākṣarā gāyatrī gāyatro 'gnis

Pada: q     tena yajñamukʰān naiti

Pada: r     prasūtyai


Pada: s     sāvitrāṇi

Line : 14  Pada: t     yuñjate mana iti manasvanti

Pada: u     mano hy agre yujyate

Pada: v     manasā yajñas tāyate \


Line : 15  Pada: w     agnir jyotir iti jyotiṣmat

Pada: x     savitā vā etat pr̥tʰivyā jyotis samabʰarat \

Line : 16  Pada: y     yad evāsyātra nyaktaṃ tad etena saṃbʰarati


Pada: z     ṣaḍ r̥co bʰavanti

Pada: aa     ṣaḍ vā r̥tavas \

Line : 17  Pada: ab     r̥tuṣv eva pratitiṣṭʰati


Pada: ac     dve yajuṣī

Pada: ad     dvipād yajamānaḥ

Pada: ae     pratiṣṭʰityai


Pada: af     yadi kāmayeta devatāṃ yajñayaśasenāhutyārpayeyam ity r̥cam antataḥ kuryāt \

Line : 18  Pada: ag     devatām eva yajñayaśasenāhutyārpayati


Line : 19  Pada: ah     yadi kāmayeta yajamānaṃ yajñayaśasenāhutyārpayeyam iti yajur antataḥ kuryāt \

Line : 20  Pada: ai     yajamānam eva yajñayaśasenāhutyārpayati \


Pada: aj     r̥cā stomam̐ samardʰayeti

Line : 21  Pada: ak     samr̥ddʰyai


Pada: al     gāyatreṇa ratʰantaraṃ br̥had gāyatravartanīti \

Pada: am     iyaṃ vai ratʰantaram asau br̥had

Page: 280  
Line : 1  Pada: an     vyaṣṭyā āhutyā vā abʰikramam anvabʰikramya yajamāno vasīyān bʰavati \

Line : 2  Pada: ao     āhutyā apakramam anvapakramya pāpīyān bʰavati

Pada: ap     sakr̥t sarvāṇy anudrutyottamena * juhuyāt \
      FN Mittwede, Textkritische Bemerkungen, p. 101f.

Line : 3  Pada: aq     āhutyā evābʰikramam anvabʰikrāmati vasīyān bʰavati \


Line : 4  Pada: ar     ekaikena * juhuyād yadi kāmayeta sadr̥ṅ yajamānas syād iti
      FN Mittwede, Textkritische Bemerkungen, p. 102: ekamekam

Pada: as     yajūm̐ṣy eva nānā vīryāṇi karoti \


Line : 5  Pada: at     aṣṭā etāni bʰavanty āhutir navamī

Pada: au     trivr̥tam eva yajñamukʰam̐ saṃpādayati

Line : 6  Pada: av     trivr̥d dʰi yajñamukʰam


Pada: aw     ūrdʰvas tiṣṭʰañ juhoti \

Pada: ax     ūrdʰvo hi tiṣṭʰan vīryā̀vattaraḥ


Line : 7  Pada: ay     pūrṇayā srucā juhoti

Pada: az     pūrṇaḥ prajāpatiḥ

Pada: ba     prajāpatim evāpnoti //


Anuvaka: 20  
Line : 9  Pada: a     tvám̐ hy àgne pratʰamó manótāsyā́ dʰiyó ábʰavo dasma hótā /

Line : 10  Pada: b     tvám̐ sīṃ vr̥ṣann akr̥ṇor duṣṭárītu sáho víśvasmai sáhase sáhadʰyai //

Line : 11  Pada: c     ádʰā hótā nyàsīdo yájīyān iḍáspadá iṣáyann ī́ḍyas sán /

Line : 12  Pada: d     táṃ tvā náraḥ pratʰamáṃ devayánto mahó rāyé citáyanto ánugman //

Line : 13  Pada: e     vr̥téva yántaṃ bahúbʰir vasavyaìs tvé rayíṃ jāgr̥vā́m̐so ánugman /

Line : 14  Pada: f     rúśantam agníṃ darśatáṃ br̥hántaṃ vapā́vantaṃ viśváhā dīdivā́m̐sam //

Line : 15  Pada: g     padáṃ devásya námasā vyántaś śravasyávaś śráva āpann ámr̥ktam /

Line : 16  Pada: h     nā́māni cid dadʰire yajñíyāni bʰadrā́yāṃ te raṇayanta sáṃdr̥ṣṭau //

Line : 17  Pada: i     tvā́ṃ vardʰanti kṣitáyaḥ pr̥tʰivyā́ṃ tvā́ṃ rā́ya ubʰáyāso jánānām /

Line : 18  Pada: j     tváṃ trātā́ taraṇe cétyo bʰūḥ pitā́ mātā́ sádam ín mā́nuṣyāṇām //

Line : 19  Pada: k     saparyéṇyas sá priyó vikṣv àgnír hótā mandró níṣasādā yájīyān /

Line : 20  Pada: l     táṃ tvā vayáṃ dáma ā́ dīdivā́m̐sam úpa jñubā́dʰo námasā sadema //

Page: 281  
Line : 1  Pada: m     táṃ tvā vayám̐ sudʰyò návyam agne sumnāyáva īmahe devayántaḥ /

Line : 2  Pada: n     tváṃ víśo anayo dī́dyāno divó agne br̥hatā́ rocanéna //

Line : 3  Pada: o     viśā́ṃ kavíṃ viśpátim̐ śáśvatīnāṃ nitóśanaṃ vr̥ṣabʰáṃ carṣaṇīnā́m /

Line : 4  Pada: p     prétīṣaṇim iṣáyantaṃ pāvakáṃ rā́jantam agníṃ yajatáṃ rayīṇā́m //

Line : 5  Pada: q     só agna īje śaśamé ca márto yás ta ā́naṭ samídʰā havyádātim /

Line : 6  Pada: r     yá ā́hutiṃ pári védā námobʰir víśvét sá vāmā́ dadʰate tvótaḥ //

Line : 7  Pada: s     asmā́ u te máhi mahé vidʰema námobʰir agne samídʰotá havyaíḥ /

Line : 8  Pada: t     védī sūno sahaso gīrbʰír uktʰaír ā́ te bʰadrā́yām̐ sumataú yatema //

Line : 9  Pada: u     ā́ yás tatántʰa ródasī ví bʰāsā́ śrávobʰiś ca śravasyàs tárutraḥ /

Line : 10  Pada: v     br̥hádbʰir vā́jais stʰávirebʰir asmé revádbʰir agne vitaráṃ víbʰāhi //

Line : 11  Pada: w     nr̥vád vaso sádam íd dʰehy asmé bʰū́ri tokā́ya tánayāya paśváḥ /

Line : 12  Pada: x     pūrvī́r íṣo br̥hatī́r āréagʰā asmé bʰadrā́ sauśravasā́ni santu //

Line : 13  Pada: y     purū́ṇy agne purudʰā́ tvāyā́ vásūni rājan vasútā te aśyām /

Line : 14  Pada: z     purū́ṇi hí tvé puruvāra sánty ágne vásu vidʰaté rā́jani tvé //


Anuvaka: 21  
Line : 15  Pada: a     hotā yakṣad br̥haspatiṃ cʰāgasya haviṣa āvayad adya madʰyato meda udbʰr̥taṃ purā dveṣobʰyaḥ purā pauruṣeyyā gr̥bʰo gʰasan nūnaṃ gʰāseajrāṇāṃ yavasapratʰamānām̐ sumatkṣarāṇām̐ śatarudriyāṇām agniṣvāttānāṃ pīvopavasanānāṃ pārśvataś śroṇitaś * śitāmata utsādato 'ṅgādaṅgād avattānāṃ karad evaṃ br̥haspatir juṣatām̐ havis \
      FN emended. Ed.: śoṇitaś. Mittwede, Textkritische Bemerkungen, p. 102

Line : 19  Pada: b     hotar yaja

Pada: c     hotā yakṣad aśvinā cʰāgasya haviṣa āttāṃ gʰastāṃ karata evam aśvinā juṣetām̐ havis \

Line : 20  Pada: d     hotar yaja

Pada: e     hotā yakṣat sarasvatīṃ meṣyā̀ haviṣa āvayad gʰasat karad evam̐ sarasvatī juṣatām̐ havis \

Line : 21  Pada: f     hotar yaja

Pada: g     hotā yakṣad indraṃ meṣasya haviṣa āvayad gʰasat karad evam indro juṣatām̐ havis \

Line : 22  Pada: h     hotar yaja //

Page: 282  
Line : 1  Pada: i     devebʰyo vanaspate havīm̐ṣi hiraṇyaparṇa pradivas te artʰam /

Line : 2  Pada: j     pradakṣiṇid raśanayā niyūyartasya vakṣi patʰibʰī rajiṣṭʰaiḥ //

Line : 3  Pada: k     hotā yakṣad vanaspatim

Pada: l     abʰi hi piṣṭatamayā rabʰiṣṭʰayā raśanayādʰita

Line : 4  Pada: m     yatra br̥haspateś cʰāgasya haviṣaḥ priyā dʰāmāni

Pada: n     yatrāśvinoś cʰāgasya haviṣaḥ priyā dʰāmāni

Line : 5  Pada: o     yatra sarasvatyā meṣyā haviṣaḥ priyā dʰāmāni

Line : 6  Pada: p     yatrendrasya meṣasya haviṣaḥ priyā dʰāmāni

Pada: q     yatra vanaspateḥ priyā pātʰām̐si

Line : 7  Pada: r     yatra devānām ājyapānāṃ priyā dʰāmāni

Pada: s     yatrāgner hotuḥ priyā dʰāmāni

Line : 8  Pada: t     tatraitān prastutyevopastutyevopāvasrakṣat \

Pada: u     rabʰīyasa iva kr̥tvī karad evaṃ devo vanaspatir juṣatām̐ havis \

Line : 9  Pada: v     hotar yaja //

Line : 10  Pada: w     vanaspate raśanayābʰidʰāya piṣṭatamayā vayunāni vidvān /

Line : 11  Pada: x     vahā devatrā didʰiṣo havīm̐ṣi pra ca dātāram amr̥teṣu vocaḥ //

Line : 12  Pada: y     piprīhi devām̐ uśato yaviṣṭʰa vidvām̐ r̥tūm̐ r̥tupate yajeha /

Line : 13  Pada: z     ye daivyā r̥tvijas tebʰir agne tvam̐ hotr̥̄ṇām asy āyajiṣṭʰaḥ //

Line : 14  Pada: aa     hotā yakṣad agnim̐ sviṣṭakr̥tam

Pada: ab     ayāḍ agnir agneḥ priyā dʰāmāni \

Pada: ac     ayāṭ somasya priyā dʰāmāni \

Line : 15  Pada: ad     ayāḍ br̥haspateś cʰāgasya haviṣaḥ priyā dʰāmāni \

Pada: ae     ayāḍ aśvinoś cʰāgasya haviṣaḥ priyā dʰāmāni \

Line : 16  Pada: af     ayāṭ sarasvatyā meṣyā̀ haviṣaḥ priyā dʰāmāni \

Line : 17  Pada: ag     ayāḍ indrasya meṣasya haviṣaḥ priyā dʰāmāni \

Pada: ah     ayāḍ vanaspateḥ priyā pātʰām̐si \

Line : 18  Pada: ai     ayāḍ devānām ājyapānāṃ priyā dʰāmāni

Pada: aj     yakṣad agner hotuḥ priyā dʰāmāni

Line : 19  Pada: ak     yakṣat svaṃ mahimānam

Pada: al     āyajatām ejyā iṣaḥ

Pada: am     kr̥ṇotu so adʰvarāñ jātavedās \

Line : 20  Pada: an     juṣatām̐ havis \

Pada: ao     hotar yaja //

Pada: ap     ā devānām

Pada: aq     iḍām agne //

Page: 283  
Line : 1  Pada: ar     agnim̐ sudītim̐ sudr̥śaṃ gr̥ṇanto namasyāmas tveḍya jātavedaḥ /

Line : 2  Pada: as     tvāṃ dūtam aratim̐ havyavāhaṃ devā akr̥ṇvann amr̥tasya nābʰim //


Line : 3  Pada: at     iti śrīyajuṣi kāṭʰake carakaśākʰāyām iṭʰimikāyāṃ camā nāmāṣṭādaśaṃ stʰānakaṃ saṃpūrṇam //

Line : 5  Pada: au     saṃpūrṇā ca iṭʰimikā //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.