TITUS
Black Yajur-Veda: Kathaka-Samhita
Part No. 20
Previous part

Sthanaka: 20  
Anuvaka: 1  
Line : 7  Pada: a     apeta vīta vi ca sarpatāta iti devayajanam adʰyavasyati

Pada: b     yo vā asyā adʰipatiṃ devayajanam aniryācyāgniṃ cinute yamāya te 'gnayaś cīyante

Line : 9  Pada: c     yamo 'syā adʰipatir

Pada: d     yamam evāsyā adʰipatiṃ devayajanaṃ niryācyātmane 'gniṃ cinute \


Line : 10  Pada: e     iṣvagreṇa ha vā asyā anāmr̥tam iccʰanto na vividus \

Line : 11  Pada: f     yad etena devayajanam adʰyavasyati \

Pada: g     asyā evānāmr̥te 'gniṃ cinute \


Pada: h     uvāca ha sanāccʰava etan mā katipayatʰaṃ yajurāyatanād acucyavad iti

Line : 13  Pada: i     divaḥ priye dʰāmann agniś cetavyas \

Pada: j     ūṣā vai divaḥ priyaṃ dʰāma

Pada: k     yad ūṣān upavapati

Line : 14  Pada: l     diva eva priye dʰāmann agniṃ cinute \


Pada: m     iṣṭakā vā etā vaiśvānarīr aparimitā yat sikatās \

Line : 15  Pada: n     yat sikatā upavapati

Pada: o     tā evāvarunddʰe \


Pada: p     agner vā eṣā vaiśvānarasya priyā tanūr yat sikatās \

Line : 16  Pada: q     yat sikatā upavapati

Pada: r     tām evāvarunddʰe \


Page: 19  
Line : 1  Pada: s     ayam̐ so agnir iti \

Pada: t     etad viśvāmitrasya sūktam

Pada: u     etena vai viśvāmitro 'gneḥ priyaṃ dʰāmāvārunddʰa \

Line : 2  Pada: v     agner evaitena priyaṃ dʰāmāvarunddʰe


Pada: w     catasraḥ prācīr upadadʰāti

Line : 3  Pada: x     catvāri vai cʰandām̐si

Pada: y     ccʰandobʰir devās svargaṃ lokam āyan \

Pada: z     teṣāṃ diśas samavlīyanta

Line : 4  Pada: aa     ta etā diśyā apaśyan \

Pada: ab     tābʰir diśo 'dr̥m̐han

Pada: ac     yad dve purastāt samīcī upadadʰāti dve paścāt \

Line : 5  Pada: ad     diśāṃ vidʰr̥tyai \


Pada: ae     aṣṭā etā upadadʰāti \

Pada: af     aṣṭākṣarā gāyatrī

Line : 6  Pada: ag     gāyatrī svargaṃ lokam añjasā veda

Pada: ah     svargasya lokasya prajñātyai \


Line : 7  Pada: ai     aṣṭā etā upadadʰāti \

Pada: aj     aṣṭākṣarā gāyatrī

Pada: ak     gāyatro 'gnis \

Pada: al     yāvān evāgnis taṃ cinute \


Line : 8  Pada: am     aṣṭā etā upadʰāya trayodaśa lokaṃpr̥ṇayopadadʰāti

Pada: an     tā ekavim̐śatis saṃpadyante \

Line : 9  Pada: ao     ekavim̐śo vai stomānāṃ pratiṣṭʰā

Pada: ap     pratiṣṭʰā gārhapatyas \

Line : 10  Pada: aq     ekavim̐śasyaiva pratiṣṭʰām anu gārhapatyena pratitiṣṭʰati

Pada: ar     praty agniṃ cikyānas tiṣṭʰati ya evaṃ veda


Line : 11  Pada: as     pañcacitīkaṃ cinvīta pratʰamaṃ cinvānaḥ

Pada: at     pāṅkto vai yajñaḥ

Line : 12  Pada: au     pāṅktāḥ paśavas \

Pada: av     yajñaṃ caiva paśūm̐ś cāvarunddʰe


Pada: aw     tricitīkaṃ cinvīta dvitīyaṃ cinvānas

Line : 13  Pada: ax     traya ime lokās \

Pada: ay     eśv eva lokeṣv r̥dʰnoti \


Pada: az     ekacitīkaṃ cinvītottamaṃ cinvānas \

Line : 14  Pada: ba     ekavr̥d eva svargaṃ lokam eti


Pada: bb     pañca citayaḥ pañca purīṣāṇi

Line : 15  Pada: bc     tad daśa

Pada: bd     daśākṣarā virāḍ annaṃ virāḍ

Pada: be     virājy evānnādye pratitiṣṭʰati \


Line : 16  Pada: bf     astʰi vā iṣṭakā mām̐saṃ purīṣam \

Pada: bg     yad iṣṭakāṃ purīṣeṇābʰyūhati

Pada: bh     tasmād astʰi mām̐sena ccʰannam \

Line : 17  Pada: bi     na duścarmā bʰavati ya evaṃ veda


Pada: bj     samitam̐ saṃkalpetʰām iti saṃnivapati

Line : 18  Pada: bk     kṣatraṃ vā etā agnīnāṃ yaś cokʰāyāṃ bʰriyate yaś ca cīyate

Line : 19  Pada: bl     brahmaṇā kṣatram̐ sameti

Pada: bm     brahma yajus \

Pada: bn     brahmaṇaivainau saṃnivapati


Pada: bo     caturbʰis saṃnivapati

Line : 20  Pada: bp     catvāri vai cʰandām̐si

Pada: bq     ccʰandobʰir evainau saṃnivapati \

Pada: br     eṣā vā agneḥ priyā tanūr yac cʰandām̐si

Line : 21  Pada: bs     priyayaivainau tanvā sam̐śāsti

Pada: bt     yat saṃnyupya viharati

Line : 22  Pada: bu     tasmād brahmaṇā kṣatram̐ sameti brahmaṇā vyeti


Pada: bv     māteva putraṃ pr̥tʰivī * purīṣyam iti \
      FN emended. Ed.: pr̥tʰivīṃ. cf. 16.11:233.21. Raghuvira, KpS, xxvi. Mittwede, Textkritische Bemerkungen, p. 106

Page: 20  
Line : 1  Pada: bw     r̥tubʰir evainaṃ dīkṣayitvartubʰir vimuñcati


Pada: bx     prajāpatir viśvakarmā vimuñcatv iti

Line : 2  Pada: by     prajāpatim evāsyā vimoktāraṃ karoti //


Anuvaka: 2  
Line : 3  Pada: a     atʰaitā nairr̥tīs

Pada: b     tisraḥ kr̥ṣṇās tuṣapakvās \

Pada: c     yat kr̥ṣṇās \

Pada: d     eṣa hi taṃ varṇas sacate yaṃ nirr̥tir gr̥hṇāti \


Line : 4  Pada: e     etad vai nirr̥tyā bʰāgadʰeyam \

Pada: f     yat tuṣās \

Pada: g     rūpeṇa caiva bʰāgadʰeyena ca nirr̥tiṃ niravadayate


Line : 5  Pada: h     yad asya pāre rajasa iti vaiśvānaryādatte

Line : 6  Pada: i     svadayaty eva \


Pada: j     imāṃ diśam̐ haranti \

Pada: k     etām̐ hi taṃ diśam̐ haranti yaṃ nirr̥tir gr̥hṇāti \

Line : 7  Pada: l     eṣā vai nirr̥tyā dik

Pada: m     svāyām eva diśi nirr̥tiṃ niravadayate


Line : 8  Pada: n     svakr̥ta iriṇa upadadʰāti \

Pada: o     etad vā asyā nirr̥tigr̥hītam \

Pada: p     yatraivāsyā nirr̥tigr̥hītaṃ nirr̥tiṃ niravadayate //


Line : 9  Pada: q     parācīr upadadʰāti

Pada: r     parācīm eva nirr̥tiṃ niravadayate


Line : 10  Pada: s     tisra upadadʰāti

Pada: t     tredʰāvihito vai puruṣas \

Pada: u     yāvān evāsyātmā tasmān nirr̥tiṃ niravadayate


Line : 11  Pada: v     yaṃ te devī nirr̥tir ābabandʰeti śikyam adʰinyasyati

Line : 12  Pada: w     nairr̥to vai pāśas \

Pada: x     nirr̥tipāśād evainaṃ muñcati


Line : 13  Pada: y     pitr̥lokaṃ vā ete nigaccʰanti ye dakṣiṇā nairr̥tībʰiś caranti

Line : 14  Pada: z     devaloka āhavanīyas \

Pada: aa     yad āhavanīyam upatiṣṭʰate

Pada: ab     devalokam evopāvartate


Line : 15  Pada: ac     triṣṭubʰopatiṣṭʰate

Pada: ad     vīryaṃ vai triṣṭub

Pada: ae     vīryam evāsmin dadʰāti \


Pada: af     ekayā \

Pada: ag     ekadʰaivāsmin vīryaṃ dadʰāti //


Anuvaka: 3  
Line : 17  Pada: a     yāvān puruṣa ūrdʰvabāhus tāvatā veṇunā vimimīte \

Pada: b     etāvad vai puruṣe vīryam \

Line : 18  Pada: c     vīryeṇaivainaṃ vimimīte


Pada: d     trīn puruṣān prāñcaṃ mimīte caturas tiryañcam \

Line : 19  Pada: e     tasmāt sapta puruṣān abʰy agnicid annam atti trīn parastāt trīn avastād ātmā saptamas \


Line : 20  Pada: f     aratnimātraṃ pakṣayor upadadʰāti prādeśamātraṃ puccʰe

Pada: g     puruṣeṇa vai yajñas saṃmitas \

Line : 21  Pada: h     yajñapuruṣā saṃmitam * \
      FN Mittwede, Textkritische Bemerkungen, p. 106

Pada: i     tasmāt pakṣapravayām̐si vayāṃsi


Pada: j     ṣaḍgavena kr̥ṣati

Page: 21  
Line : 1  Pada: k     ṣaḍ vā r̥tavas \

Pada: l     r̥tubʰir eva


Pada: m     tisrastisras sītās saṃpādayati

Pada: n     trivr̥d dʰy agnis

Line : 2  Pada: o     tā dvādaśa saṃpadyante //

Pada: p     dvādaśa māsās saṃvatsaras

Pada: q     saṃvatsarasyaiva vidʰām anuvidʰīyate \

Line : 3  Pada: r     atʰo r̥tubʰir eva kr̥ṣṭvā saṃvatsare pratitiṣṭʰati \


Pada: s     iyaṃ vā agner atidāhād abibʰet

Line : 4  Pada: t     saitad dviguṇaṃ kr̥ṣṭaṃ cākr̥ṣṭaṃ cākuruta

Pada: u     yat kr̥ṣṭaṃ cākr̥ṣṭaṃ ca bʰavati \

Line : 5  Pada: v     asyā anatidāhāya \

Pada: w     atʰo dviguṇenaivāsyā vīryam udyaccʰate \

Pada: x     etāvanto vai paśavo dvipādaś ca catuṣpādaś ca

Line : 6  Pada: y     tān etad agnau pratidadʰāti


Pada: z     yad udīca utsr̥jed rudrāya paśūn apidadʰyād apaśus syāt \

Line : 7  Pada: aa     yad dakṣiṇā pitr̥bʰyo nidʰūvet \

Pada: ab     yat pratīco rakṣām̐si hanyur

Line : 8  Pada: ac     dakṣiṇā prācas sūryam abʰy utsr̥jati

Pada: ad     sūryo vai paśūnāṃ prāṇaḥ

Line : 9  Pada: ae     prāṇam evainān abʰy utsr̥jati \


Pada: af     oṣadʰīnām r̥gbʰir oṣadʰīnāṃ pʰalāni vapati

Line : 10  Pada: ag     rūpeṇaivānnam avarunddʰe \


Pada: ah     annasyānnasya vapati

Pada: ai     sarvam evānnam avarunddʰe


Pada: aj     yasya na vapati tena vyr̥dʰyate

Line : 11  Pada: ak     yasya na vapet tan manasā dʰyāyet

Pada: al     tenaiva tad avarunddʰe


Pada: am     caturdaśabʰir vapati

Line : 12  Pada: an     sapta vai grāmyā oṣadʰayas saptāraṇyās

Pada: ao     tā evobʰayīr avarunddʰe \


Line : 13  Pada: ap     annam arko 'rko 'gnir

Pada: aq     arka evaitad arkaś cīyate


Pada: ar     kr̥ṣṭe vapati

Pada: as     kr̥ṣṭe hy āśiṣṭʰam oṣadʰayaḥ pratitiṣṭʰanti \

Line : 14  Pada: at     anusītaṃ prajātyai


Pada: au     dvādaśasu sītāsu vapati

Pada: av     dvādaśa māsās saṃvatsaras

Line : 15  Pada: aw     saṃvatsareṇaivāsmā annaṃ pacati //


Anuvaka: 4  
Line : 16  Pada: a     digbʰyo loṣṭān samasyati

Pada: b     digbʰya ūrjam̐ saṃbʰarati \

Pada: c     ūrjy evāgniṃ cinute


Pada: d     yāṃ janatāṃ dviṣyāt tasyā diśa āhared iṣam ūrjam aham ita ādīti \

Line : 17  Pada: e     iṣam evāsyā ūrjam ādatte

Line : 18  Pada: f     kṣodʰukā bʰavati \


Pada: g     uttaravediṃ nivapati \

Pada: h     uttaravedyām̐ hy agniś cīyate \

Pada: i     atʰo yajñaparur eva nāntareti

Line : 19  Pada: j     paśavo vā uttaravediḥ

Pada: k     paśūn evāvarunddʰe \


Pada: l     agne tava śravo vaya iti ṣaḍr̥cena nivapati

Line : 20  Pada: m     ṣaḍ vā r̥tavas saṃvatsaras

Pada: n     saṃvatsaro 'gnir vaiśvānaras \

Line : 21  Pada: o     rūpeṇaiva vaiśvānaram avarunddʰe \


Pada: p     aṣṭākṣarā pratʰamā \

Pada: q     aṣṭāśapʰāḥ paśavaḥ

Line : 22  Pada: r     paśūn evāvarunddʰe \

Pada: s     ūnātiriktā mitʰunāḥ

Pada: t     prajātyai

Pada: u     samudraṃ vai nāmaitat prajāpateś cʰandas

Page: 22  
Line : 1  Pada: v     samudrāt paśavaḥ prajāyante

Pada: w     paśūnāṃ prajātyai \


Pada: x     indro vai vr̥trāya vajraṃ prāharat

Line : 2  Pada: y     sa tredʰābʰavat spʰyas tr̥tīyaṃ yūpas tr̥tīyaṃ ratʰas tr̥tīyam \

Line : 3  Pada: z     yad aśīryata tāś śarkarāḥ

Pada: aa     paśur vā agnir vajraś śarkarās \

Pada: ab     yac cʰarkarābʰiḥ pariminoti

Line : 4  Pada: ac     vajreṇaivāsmai paśūn parigr̥hṇāti

Pada: ad     tasmāt paśavo vajreṇa vidʰr̥tās

Line : 5  Pada: ae     tasmāt stʰeyān astʰeyaso nādatte


Pada: af     daśabʰirdaśabʰiḥ pariminuyād annakāmasya

Line : 6  Pada: ag     daśākṣarā virāḍ annaṃ virāḍ

Pada: ah     virājy evānnādye pratitiṣṭʰati


Pada: ai     navabʰirnavabʰir abʰicaratas

Line : 7  Pada: aj     trivr̥d vajras \

Pada: ak     vajram eva bʰrātr̥vyāya praharati


Pada: al     saptabʰissaptabʰiḥ paśukāmasya

Line : 8  Pada: am     sapta prāṇāḥ

Pada: an     prāṇebʰyo 'dʰi paśavaḥ prajāyante

Pada: ao     paśūnāṃ prajātyai \


Line : 9  Pada: ap     aparimitya śarkarās sikatā vyūhed yaṃ kāmayetāpaśus syād iti \

Pada: aq     aparigr̥hītam evāsya retaḥ parāsiñcaty apaśur bʰavati


Line : 10  Pada: ar     parimitya śarkarās sikatā vyūhed yaṃ kāmayeta paśumān syād iti

Line : 11  Pada: as     parigr̥hītam evāsmai retas siñcati paśumān bʰavati


Line : 12  Pada: at     ccʰandām̐si vā agner yonis somo retodʰās \

Pada: au     yac cʰandobʰir nyupya saumyā vyūhati

Line : 13  Pada: av     yonā eva reto dadʰāti vyūhati

Pada: aw     tasmād yonau garbʰā vardʰante


Line : 14  Pada: ax     samānaprabʰr̥tayo bʰavanti nānodarkās

Pada: ay     tasmāt samānād yoner nānārūpāḥ prajāyante


Line : 15  Pada: az     gāyatryā brāhmaṇasya vyūhet \

Pada: ba     gāyatro hi brāhmaṇas

Pada: bb     triṣṭubʰā rājanyasya

Line : 16  Pada: bc     traiṣṭubʰo hi rājanyas \

Pada: bd     jagatyā vaiśyasya

Pada: be     jāgato hi vaiśyas \

Line : 17  Pada: bf     yatʰāccʰandasam eva //


Anuvaka: 5  
Line : 18  Pada: a     upām̐śv anvāha \

Pada: b     anirukto vā etarhy agnir yarhy avyāvr̥ttas

Pada: c     tasmād upām̐śv anvāha


Line : 19  Pada: d     ccʰandām̐sy anvāha

Pada: e     ccʰandobʰir vā agnir uttaravedim ānaśe

Pada: f     tasmāc cʰandām̐sy anvāha


Line : 20  Pada: g     sūryasya vā etad adʰvānaṃ yanti yad aśvaṃ prāñcaṃ ca pratyañcaṃ cākramayanti

Pada: h     tasmād asā ādityaḥ prāṅ caiti pratyaṅ ca


Line : 21  Pada: i     prājāpatyo 'śvas \

Pada: j     yad aśvam ākramayati

Line : 22  Pada: k     prajāpatinaivainaṃ cinute \


Pada: l     apāṃ pr̥ṣṭʰam asi yonir agner iti puṣkaraparṇam upadadʰāti

Page: 23  
Line : 1  Pada: m     sva evainaṃ yonau cinute

Pada: n     śāntyā anuddāhāya //


Pada: o     vardʰamāno mahām̐ ā ca puṣkara iti

Line : 2  Pada: p     vardʰate hy eṣa yo bʰavati


Pada: q     divo mātrayā variṇā pratʰasveti

Line : 3  Pada: r     pratʰayaty eva


Pada: s     brahma yajñānaṃ pratʰamaṃ purastād iti rukmam upadadʰāti

Line : 4  Pada: t     brahmamukʰābʰir vai prajāpatiḥ prajābʰir ārdʰnot \

Pada: u     r̥ddʰyai \


Pada: v     ekavim̐śatinirbādʰo bʰavati

Line : 5  Pada: w     pratiṣṭʰityai \

Pada: x     ekavim̐śatir devalokās

Pada: y     tebʰya eva bʰrātr̥vyaṃ nirbādʰate \


Line : 6  Pada: z     adʰastān nirbādʰān kuryāt \

Pada: aa     bʰrātr̥vyasya nigr̥hītyai


Pada: ab     na pr̥tʰivyāṃ nāntarikṣe na divy agniś cetavyas \

Line : 7  Pada: ac     yat pr̥tʰivyāṃ cinvītauṣadʰīś śucā nirdahet \

Pada: ad     yad antarikṣe vayām̐si

Line : 8  Pada: ae     yad divi divam

Pada: af     amr̥tam̐ hiraṇyam \

Pada: ag     yad rukmam upadadʰāti \

Pada: ah     amr̥ta evāgniṃ cinute //


Line : 9  Pada: ai     hiraṇyagarbʰas samavartatāgra iti puruṣam̐ hiraṇyayam * upadadʰāti
      FN cf. KpS.31.7:179.8: hiraṇmayam. MS.3.2.6:23.13: púruṣo hiraṇyáyaḥ.

Line : 10  Pada: aj     yajamānalokam evaitena dādʰāra * \
      FN emended. Ed.: dadʰāra. Raghuvira, KpS, xxvi. Mittwede, Textkritische Bemerkungen, p. 106

Pada: ak     atʰo madʰyejyotiṣam evāgniṃ cinute


Line : 11  Pada: al     drapsaś caskandety abʰimr̥śati

Pada: am     hotrāsv evainam̐ satye pratiṣṭʰāpayati


Pada: an     sarpaśīrṣair upatiṣṭʰate

Line : 12  Pada: ao     mr̥tyava evainaṃ paridadāti * \
      FN emended. Ed.: paridadʰāti. Raghuvira, KpS, xxvi. Mittwede, Textkritische Bemerkungen, p. 106

Pada: ap     atʰo yā sarpe tviṣis tām evāvarunddʰe


Line : 13  Pada: aq     yad upadadʰyāt pramāyukas syāt \

Pada: ar     yat samīcīnam itaraiś śīrṣair upadadʰyād grāmyān paśūn dam̐śukās syur

Line : 14  Pada: as     yad viṣūcīnam āraṇyān

Pada: at     yajur eva vadet

Pada: au     tenaiva tāṃ tviṣim avarunddʰe

Line : 15  Pada: av     tena śāntam

Pada: aw     etasmād dʰa vai purāgnicitam adidr̥kṣanta

Pada: ax     sarvā hy etās tviṣīr avāruddʰa yāgnau yā sarpe yā sūrye \


Line : 16  Pada: ay     atʰaitad vāmadevasya rākṣogʰnaṃ yajñamukʰe

Line : 17  Pada: az     yajñamukʰe vai yajñaṃ rakṣām̐si jigʰām̐santi

Pada: ba     rakṣasām apahatyai


Pada: bb     pañcarcaṃ bʰavati

Pada: bc     pāṅkto 'gnir

Line : 18  Pada: bd     yāvān evāgnis tasmād rakṣām̐sy apahanti


Pada: be     sarvā diśo 'nuparicāraṃ juhoti

Line : 19  Pada: bf     digbʰya eva rakṣām̐si hanti


Pada: bg     srucā upadadʰāti \

Pada: bh     ime evaitad upadʰatte


Pada: bi     tūṣṇīm upadadʰāti

Line : 20  Pada: bj     na hīme yajuṣāptum arhati \


Pada: bk     ātmā vai puruṣo bāhū srucau

Pada: bl     yat srucā upadadʰāti

Line : 21  Pada: bm     sātmatvāya


Pada: bn     dakṣiṇato vai devānāṃ rakṣām̐sy āhutīr niṣkāvam ādan \

Page: 24  
Line : 1  Pada: bo     tāni kārṣmaryeṇāntaradadʰata

Pada: bp     yat kārṣmaryamayīṃ * dakṣiṇata upadadʰāti
      FN emended. Ed.: kārṣmaryamayīr. Raghuvira, KpS, xxvi. Mittwede, Textkritische Bemerkungen, p. 107

Line : 2  Pada: bq     rakṣasām antarhityai //


Pada: br     gʰr̥tena pūrayati

Pada: bs     vajro vai kārṣmaryo vajro gʰr̥tam \

Pada: bt     vajra eva vajraṃ dadʰāti


Line : 3  Pada: bu     gāyatryopadadʰāti

Pada: bv     gāyatro vā agnir gāyatraccʰandās

Line : 4  Pada: bw     svenaivainaṃ cʰandasā samardʰayati


Pada: bx     dadʰnaudumbarīṃ pūrayati \

Pada: by     annaṃ vai dadʰy ūrg udumbaras \

Line : 5  Pada: bz     anna evorjaṃ dadʰāti


Pada: ca     triṣṭubʰopadadʰāti \

Pada: cb     aindrī vai triṣṭub annam indriyam

Pada: cc     indriyam evānnādyam avarunddʰe \


Line : 6  Pada: cd     iyaṃ vai kārṣmaryamayy asā audumbarī

Pada: ce     yad audumbarīm uttarām upadadʰāti

Line : 7  Pada: cf     tasmād asā asyā uttarā


Pada: cg     mūrdʰanvatī

Pada: ch     mūrdʰaivaitābʰyāṃ kriyate


Line : 8  Pada: ci     virājy agniś cetavyas

Pada: cj     srug vai virāḍ

Pada: ck     yat srucā upadadʰāti

Pada: cl     virājy evāgniṃ cinute //


Anuvaka: 6  
Line : 10  Pada: a     yāṃ vā avidvān adʰvaryur iṣṭakāṃ pratʰamām upadadʰāti tayā yajamānasya prāṇam apidadʰāti prajāyāś ca paśūnāṃ ca

Line : 11  Pada: b     svayamātr̥ṇṇā bʰavati

Pada: c     prāṇānām utsr̥ṣṭyai

Line : 12  Pada: d     svargasya lokasyānukśātyai


Pada: e     prājāpatyo 'śvas \

Pada: f     yad aśvam upagʰrāpayati

Line : 13  Pada: g     prajāpatinaivainaṃ cinute \


Pada: h     iyaṃ vai svayamātr̥ṇṇā \

Pada: i     imām evaitad upadʰatte


Line : 14  Pada: j     yadi manyeta pūrvo mātikrānto bʰrātr̥vya iti prācīm udūhet \

Pada: k     ya evainaṃ pūrvo 'tikrānto bʰrātr̥vyas tam anayā praṇudate


Line : 15  Pada: l     yadi manyeta paścān me bʰrātr̥vya iti pratīcīm apohet \

Line : 16  Pada: m     ya evāsya paścād bʰrātr̥vyas tam anayāpanudate

Pada: n     pra śreyām̐saṃ bʰrātr̥vyaṃ nudate

Line : 17  Pada: o     prati pāpīyām̐saṃ nudate //


Pada: p     yadi manyeta sadr̥ṅ mayeti vicālayet \

Line : 18  Pada: q     yā vā iyaṃ prajā vyadʰūnuta parā tā abʰavan \

Pada: r     iyam evainaṃ vidʰūnute \


Line : 19  Pada: s     atʰaiṣā dūrveṣṭakā

Pada: t     paśur vā agnir

Pada: u     na paśava āyavase * ramante
      FN Mittwede, Textkritische Bemerkungen, p. 107

Pada: v     paśubʰya evaitad āyatanaṃ karoti

Line : 20  Pada: w     paśūnāṃ dʰr̥tyai


Pada: x     kāṇḍātkāṇḍāt prarohantīti

Pada: y     pratiṣṭʰityai


Line : 21  Pada: z     sahasreṇa śatena ceti

Pada: aa     sahasravatī prajāpatinā saṃmitā

Pada: ab     gaccʰati sāhasrīṃ puṣṭiṃ paśūnāṃ ya evaṃ vidvān etām upadʰatte \


Line : 22  Pada: ac     atʰaiṣā vāmabʰr̥t \

Pada: ad     etayā vai devā asurāṇāṃ vāmaṃ paśūn avr̥ñjata

Page: 25  
Line : 1  Pada: ae     vāmam evaitayā paśūn bʰrātr̥vyasya vr̥ṅkte


Line : 2  Pada: af     dviyajur bʰavati

Pada: ag     bʰrātr̥vyalokam eva dviyajuṣā vr̥ṅkte

Pada: ah     dvitīye hi loke bʰrātr̥vyas \


Line : 3  Pada: ai     hiraṇyaśīrṣṇī bʰavati

Pada: aj     hiraṇyajyotir eva svargaṃ lokam eti //


Line : 4  Pada: ak     prabāhuk kācā āhatau bʰavatas

Pada: al     tasmāt prabāhug akṣyau \


Pada: am     atʰaite retassicau \

Line : 5  Pada: an     asau vai svarāḍ iyaṃ virāḍ

Pada: ao     uttānāyām̐ striyāṃ pumān retas siñcati \

Line : 6  Pada: ap     asā asyāṃ retas siñcati \

Pada: aq     iyaṃ prajanayati \

Pada: ar     agnir atti

Pada: as     saretasam agniṃ cinute

Line : 7  Pada: at     prajāyate 'tty annaṃ ya evaṃ vidvān ete upadʰatte


Pada: au     svarāḍ asīti dakṣiṇata upadadʰāti

Line : 8  Pada: av     tasmād dakṣiṇataḥ pumān striyam upaśaye


Pada: aw     yadi pūrvavayase cinvītobʰe saha pratʰamāyāṃ cityām upadadʰyāt

Line : 9  Pada: ax     samīcī evāsmai retas siñcatas \


Line : 10  Pada: ay     anyatarām upadadʰyād yaṃ dviṣyāt tasya

Pada: az     retasaivainaṃ vyardʰayati


Pada: ba     yady uttaravayase cinvīta pratʰamāyām anyāṃ cityām upadadʰyād uttamāyām anyām \

Line : 12  Pada: bb     reta eva siktam ābʰyāṃ parigr̥hṇāti \


Pada: bc     r̥tavye upadadʰāti \

Pada: bd     r̥tūnāṃ vidʰr̥tyai


Line : 13  Pada: be     dvedve upadadʰāti

Pada: bf     dvaudvau hy r̥tavas \


Pada: bg     atʰaiṣā tryālikʰitā

Pada: bh     devāś ca vā asurāś ca samāvad eva yajñe 'kurvata

Line : 14  Pada: bi     yad eva devā akurvata tad asurā akurvata

Line : 15  Pada: bj     te devā etāṃ tryālikʰitām apaśyan \

Pada: bk     tām uttaralakṣmāṇam upādadʰata

Pada: bl     tad asurān ānvavāyan \

Line : 16  Pada: bm     tato devā abʰavan parāsurā abʰavan

Pada: bn     ya evaṃ vidvān etām uttaralakṣmāṇam upadʰatte bʰrātr̥vyasyānanvavāyāya bʰavaty ātmanā parāsya bʰrātr̥vyo bʰavati \


Line : 18  Pada: bo     adʰaralakṣmāṇam upadadʰyād yaṃ dviṣyāt tasya \

Pada: bp     asurayonim evainam anuparābʰāvayati \

Line : 19  Pada: bq     ime vai lokās tryālikʰitā \

Pada: br     imān evaitayā lokān āpnoti


Pada: bs     yasyā mr̥da ukʰāṃ kurvanti tasyā etāṃ kuryāt

Line : 20  Pada: bt     tenaivāsya sarvā iṣṭakā jyotiṣmatīr yajuṣmatīr bʰavanti //


Anuvaka: 7  
Line : 22  Pada: a     medʰo vā eṣa paśūnāṃ yat kūrmas \

Pada: b     yat kūrmam upadadʰāti \

Pada: c     etam evainaṃ medʰam abʰisaṃjānānāḥ paśava upatiṣṭʰante


Line : 23  Pada: d     jīvantam upadadʰāti

Pada: e     sa hi medʰyas \


Pada: f     catuṣpād bʰavati

Page: 26  
Line : 1  Pada: g     catasro diśas \

Pada: h     dikśv eva pratitiṣṭʰati


Pada: i     mahī dyauḥ pr̥tʰivī ca na iti

Line : 2  Pada: j     dyāvāpr̥tʰivyor evaitayā rūpe dādʰāra


Pada: k     dadʰnā ca madʰunā cābʰyanakti \

Line : 3  Pada: l     apāṃ vā eṣa oṣadʰīnāṃ raso yan madʰu

Pada: m     yan madʰunābʰyanakti \

Pada: n     apām evauṣadʰīnāṃ rasam avarunddʰe

Line : 4  Pada: o     medʰo vā eṣa paśūnām ūrg dadʰi

Pada: p     yad dadʰnābʰyanakti

Pada: q     paśūnām eva medʰa ūrjaṃ dadʰāti \


Line : 5  Pada: r     iṣṭakacid vā anyo 'gniḥ paśucid anyas \

Pada: s     yaj jīvantaṃ kūrmam upadadʰāti

Line : 6  Pada: t     tenaivainaṃ paśucitaṃ karoti \

Pada: u     eṣa vai svargasya lokasyottamapadī

Line : 7  Pada: v     yatʰā kṣetravit prajānann añjasānyān nayaty evam evainam eṣa svargaṃ lokam abʰinayati //


Line : 8  Pada: w     viṣṇor nābʰā agniś cetavyas \

Pada: x     yo 'nābʰim agniṃ cinute yajamānasya nābʰim anupraviśati

Line : 9  Pada: y     sa enaṃ nirdahati \

Pada: z     eṣā vai viṣṇor nābʰis \

Line : 10  Pada: aa     yad ulūkʰalam upadadʰāti

Pada: ab     viṣṇor eva nābʰā agniṃ cinute \


Pada: ac     audumbaraṃ bʰavati \

Line : 11  Pada: ad     ūrg vā udumbaras \

Pada: ae     ūrjam eva madʰyato dadʰāti yajamāne ca prajāsu ca

Pada: af     tasmān madʰyataḥ prajā ūrg ūrjayati //


Line : 12  Pada: ag     prādeśamātraṃ bʰavati \

Pada: ah     etāvatī hi viṣṇor nābʰis \

Line : 13  Pada: ai     vaiṣṇavyā karmaṇyayopadadʰāti *
      FN emended. Ed.: karmaṇyabʰyopadadʰāti. Mittwede, Textkritische Bemerkungen, p. 107

Pada: aj     karma hy etat kriyate \


Pada: ak     atʰaiṣokʰā \

Pada: al     ojo vā etad vīryam̐ saṃbʰriyate

Line : 14  Pada: am     yad ukʰā \

Pada: an     oja eva vīryam avarunddʰe \

Pada: ao     eṣāṃ vā etal lokānāṃ jyotir avarunddʰe

Line : 15  Pada: ap     jyotir madʰyato dadʰāti


Pada: aq     madʰyejyotiṣam agniṃ cinute

Pada: ar     tasmān madʰyato jyotir upāsate


Line : 16  Pada: as     sikatābʰiḥ pūrayati svenāyatanena \

Pada: at     agner vā etad vaiśvānarasya bʰasma yat sikatās \

Line : 17  Pada: au     rūpeṇaiva vaiśvānaram avarunddʰe


Pada: av     yad ūnām upadadʰyāt kṣodʰuko yajamānas syāt

Line : 18  Pada: aw     pūrṇām * upadadʰāti \
      FN emended. Ed.: pūrṇam. Raghuvira, KpS, xxvi. Mittwede, Textkritische Bemerkungen, p. 107

Pada: ax     akṣodʰuko yajamāno bʰavati \

Line : 19  Pada: ay     anupadasvad annam atti


Pada: az     gʰr̥tena pūrayati \

Pada: ba     etad vā agneḥ priyaṃ dʰāma yad gʰr̥tam \

Line : 20  Pada: bb     priyeṇaivainaṃ dʰāmnā samardʰayati //


Anuvaka: 8  
Page: 27  
Line : 1  Pada: a     ekavim̐śatiṃ māṣān pratinyupya puruṣaśīrṣam āharati \

Pada: b     amedʰyā vai māṣā amedʰyaṃ puruṣaśīrṣam

Line : 2  Pada: c     amedʰyenaivāmedʰyaṃ krīṇāti \


Pada: d     ekavim̐śatir bʰavanti \

Pada: e     ekavim̐śo vai puruṣas \

Line : 3  Pada: f     yāvān evāsyātmā taṃ krīṇāti


Pada: g     saptadʰātr̥ṇṇāṃ valmīkavapāṃ pratinidadʰāti

Line : 4  Pada: h     vyr̥ddʰaṃ vā etat prāṇais

Pada: i     sapta śīrṣaṇyāḥ prāṇāḥ

Pada: j     prāṇair evainat samardʰayati


Line : 5  Pada: k     yamagātʰā gāyati

Pada: l     yamalokād evainad vr̥ṅkte


Pada: m     tisro gāyati

Pada: n     traya ime lokās \

Line : 6  Pada: o     ebʰya evainal lokebʰyo vr̥ṅkte

Pada: p     tasmād gāyate na deyaṃ

Pada: q     gātʰā hy eva tad vr̥ṅkte \


Line : 7  Pada: r     apa vā etasmād indriyaṃ krāmati prāṇāś śīrṣan vīryaṃ cakṣuś śrotraṃ vāk \

Line : 8  Pada: s     vyr̥ddʰendriyaṃ vā etad amedʰyam \

Pada: t     mr̥taśīrṣam iti vā etad āhur

Pada: u     medʰyam̐ hiraṇyam \

Line : 9  Pada: v     yad dʰiraṇyaśalkaiḥ pratyasyati

Pada: w     medʰyam evainad yajñiyaṃ karoti \


Pada: x     ukʰāyām apidʰāya pratyasyati

Line : 10  Pada: y     pratiṣṭʰām evainad gamayitvā prāṇais samardʰayati


Pada: z     sahasradā asi sahasrāya tveti puruṣaśīrṣam upadadʰāti

Line : 11  Pada: aa     puruṣo ha tvai sahasraṃ paśūn yaccʰati

Pada: ab     sahasram anye paśavas \

Line : 12  Pada: ac     yan madʰye puruṣaśīrṣam upadadʰāti

Pada: ad     sayatvāya \


Pada: ae     atʰaitāni paśuśīrṣāṇi \

Pada: af     etā ha vai sāhasrīr iṣṭakās somadakṣaḥ kauśreyaś śyāmaparṇāyopadadʰau

Line : 13  Pada: ag     tato vai sāhasrīṃ puṣṭiṃ paśūnāṃ jagāma

Line : 14  Pada: ah     gaccʰati sāhasrīṃ puṣṭiṃ paśūnāṃ ya evaṃ vidvān etā upadʰatte


Line : 15  Pada: ai     purastāt pratīcīnam aśvasya śira upadadʰāti paścāt prācīnam r̥ṣabʰasya

Line : 16  Pada: aj     goaśvān evāsmin samīco dadʰāti


Pada: ak     samīcīnāny upadadʰyād yaṃ kāmayeta paśumān syād iti

Line : 17  Pada: al     samīca evāsmin paśūn dadʰāti


Line : 18  Pada: am     viṣūcīnāny upadadʰyād yaṃ kāmayetāpaśus syād iti

Pada: an     vimukʰān evāsmāt paśūn karoti //


Line : 19  Pada: ao     nāntarā paśuśīrṣāṇi vyaveyād adʰvaryur

Pada: ap     yaviṣṭʰo vai nāmaiṣo 'gniḥ

Line : 20  Pada: aq     prāṇān asya yuveta pramīyeta \


Pada: ar     ekam upadʰāyaitais sarvair upatiṣṭʰeta

Pada: as     tad vā sarvato 'nuparihāram̐ sādayet

Line : 21  Pada: at     tenaiva sarvāṇy upadʰīyante

Pada: au     nārtim ārcʰaty adʰvaryur na bʰreṣaṃ nyeti \


Line : 22  Pada: av     etāvanto vai paśavo dvipādaś ca catuṣpādaś ca

Pada: aw     tān etac cʰucārpayati \

Page: 28  
Line : 1  Pada: ax     amum āraṇyam anu te diśāmīti

Pada: ay     grāmyebʰya eva paśubʰya āraṇyān paśūñ śucam anūtsr̥jati

Line : 2  Pada: az     tasmād ete samāvat paśūnāṃ prajāyamānānāṃ kaniṣṭʰās \

Line : 3  Pada: ba     śucā hy eta r̥tāḥ //


Anuvaka: 9  
Line : 4  Pada: a     paśúr vā́ agníḥ

Pada: b     paśór eṣá yónir víkriyate

Pada: c     réto 'pasyā̀s \

Pada: d     yád apasyā̀ upadádʰāti

Line : 5  Pada: e     yónā evá réto dadʰāti


Pada: f     yadā́ vaí paśús saṃvártaté 'tʰa jāyate

Line : 6  Pada: g     paśávaś cʰandasyā̀s \

Pada: h     yád apasyā̀ ánu ccʰandasyā̀ upadádʰāti

Pada: i     paśūnā́ṃ prájātyai


Line : 7  Pada: j     páñcópadadʰāti

Pada: k     pā́ṅktāḥ paśávas \

Pada: l     yā́vān evá paśús táṃ prájanayati \


Pada: m     iyáṃ vā́ agnér atidāhā́d abibʰet

Line : 8  Pada: n     saítā́ apasyā̀ asr̥jata

Pada: o     tā́ úpādʰatta

Pada: p     yád apsyā̀ upadʰīyánte \

Line : 9  Pada: q     asyā́ ánatidāhāya \

Pada: r     uvā́ca heyám ádad ít sá bráhmaṇā́nnaṃ yásyaitā́ upadʰīyánta íti \

Line : 10  Pada: s     átti bráhmaṇā́nnaṃ yá eváṃ vidvā́n etā́ upadʰatté


Pada: t     páñca purástāt pratī́cīr úpadadʰāti

Line : 11  Pada: u     tásmāt purástāt pratyáṅ paśúr jāyate

Pada: v     páñca dakṣiṇatá údīcīs

Line : 12  Pada: w     tásmād dakṣiṇatáḥ púmān stríyam úpaśaye //

Pada: x     páñca paścā́t prā́cīs

Line : 13  Pada: y     tásmāt paścā́t prācī́naṃ réto dʰīyate


Pada: z     páñcottarā́c cʰandasyā̀ḥ

Pada: aa     paśávo vaí cʰandasyā̀ uttarā́dāyatanāḥ paśávaḥ

Line : 14  Pada: ab     paśū́n evá prájātān svám āyátanam abʰipáryūhati

Line : 15  Pada: ac     paśūnā́m áhim̐sāyai


Pada: ad     nóttarā́d apasyā̀ úpadadʰyāt \

Pada: ae     yád upadadʰyā́d abʰīpatáḥ prajā́ váruṇo gr̥hṇīyāt \

Line : 16  Pada: af     apasyā̀ ánu prāṇabʰŕ̥ta úpadadʰāti

Pada: ag     rétasy evá sikté prāṇáṃ mánaś cákṣuś śrótraṃ vā́caṃ dadʰāti

Line : 17  Pada: ah     tásmāt prāṇán páśyañ śr̥ṇván vádan paśúr jāyate \


Line : 18  Pada: ai     ayáṃ puró bʰū́r íti yā́ḥ prāṇávatīs tā́ḥ purástād úpadadʰāti

Line : 19  Pada: aj     prāṇám evá purástād dadʰāti

Pada: ak     tásmāt prā́ṅ paśúḥ prā́ṇiti \


Pada: al     ayáṃ dakṣiṇā́ viśvákarméti yā́ mánasvatīs tā́ dakṣiṇatás \

Page: 29  
Line : 1  Pada: am     mána evá dakṣiṇató dadʰāti

Line : 2  Pada: an     tásmād dákṣiṇó 'rdʰo manasvítaras

Pada: ao     tásmād dakṣiṇató mána úpacaranti \


Pada: ap     ayáṃ paścā́d viśvávyacā íti yā́ś cákṣuṣmatīs tā́ḥ paścā́t \

Line : 3  Pada: aq     cákṣur evá paścā́d dadʰāti

Pada: ar     tásmāt prā́ṅ paśúḥ paśyati \


Line : 4  Pada: as     idám uttarā́t svàr íti yā́ś śrótravatīs tā́ uttarā́t \

Line : 5  Pada: at     śrótram * evóttarā́d dadʰāti
      --
      FN emended. Ed.: śótram ( *c cʰótram).

Pada: au     tásmād uttarā́t paśúr bʰū́yaś śr̥ṇoti \


Pada: av     iyám upári matír íti yā́ vā́ṅmatīs tā́ mádʰye

Line : 6  Pada: aw     vā́cam evá madʰyató dadʰāti

Pada: ax     tásmān madʰyató vā́g vadati \


Line : 7  Pada: ay     akṣṇayópadadʰāti

Pada: az     tásmād akṣṇayā́ṅgāni paśávo háranto yanti


Line : 8  Pada: ba     yā́ḥ purástād upā́dadʰāt tā́bʰir vásiṣṭʰa ārdʰnot \

Pada: bb     yā́ dakṣiṇatás tā́bʰir bʰarádvājas \

Line : 9  Pada: bc     yā́ḥ paścā́t tā́bʰir jamádagnir

Pada: bd     yā́ uttarā́t tā́bʰir viśvā́mitras \

Pada: be     yā́ mádʰye tā́bʰir viśvákarmā

Line : 10  Pada: bf     yá evám etā́sām ŕ̥ddʰiṃ védardʰnóti

Pada: bg     yá evám āsāṃ kŀ̥ptiṃ véda kálpate 'smai

Line : 11  Pada: bh     yá evám āsāṃ bandʰútāṃ véda bándʰumān bʰavati

Pada: bi     yá evám āsāṃ nidā́naṃ véda nidā́navān bʰavati

Line : 12  Pada: bj     yá evám āsām āyátanaṃ védāyátanavān bʰavati

Pada: bk     yá evám āsāṃ pratiṣṭʰā́ṃ véda gáccʰati pratiṣṭʰā́m \

Line : 13  Pada: bl     nidā́navān āyátanavān bʰavati yá eváṃ véda //


Anuvaka: 10  
Line : 15  Pada: a     atʰaitā āśvinīr

Pada: b     utsannayajño vā eṣa yad agniḥ

Pada: c     ko ha tad veda yāvad etasya na kriyate yāvan na cīyate tad etābʰiḥ kalpayati tad bʰiṣajyati

Line : 17  Pada: d     pañcaitā upadadʰāti

Pada: e     pāṅkto 'gnir

Pada: f     yāvān evāgnis tasmai bʰeṣajaṃ karoti \

Pada: g     agner evaitābʰir diśaḥ kalpayati \


Line : 18  Pada: h     adityās tvā pr̥ṣṭʰe sādayāmīti \

Pada: i     imān evaitayā lokān dādʰāra \


Line : 19  Pada: j     r̥tavyā upadadʰāti \

Pada: k     r̥tūnāṃ kl̥ptyai


Pada: l     pañcopadadʰāti

Pada: m     pañca vā r̥tavas \

Line : 20  Pada: n     yāvanta evartavas tān kalpayati


Pada: o     samānaprabʰr̥tayo bʰavanti samānodarkās

Line : 21  Pada: p     samānaprabʰr̥tayo hy r̥tavas samānodarkās \


Pada: q     ekayā vyāhr̥tyā vyāvartayati

Pada: r     tasmād r̥tavo vyāvartante //

Line : 22  Pada: s     tasmāt samānasya saṃvatsarasya nānārūpāṇi * \
      FN Mittwede, Textkritische Bemerkungen, p. 107


Pada: t     āśvinīr anvr̥tavyā upadadʰāti

Page: 30  
Line : 1  Pada: u     retasy eva hita r̥tūn upadadʰāti

Pada: v     tasmād reto hitam r̥tūn anu prajāyate \


Line : 2  Pada: w     r̥tavyā anu vāyavyā upadadʰāti \

Pada: x     r̥tūṣv eva prāṇaṃ dadʰāti

Line : 3  Pada: y     tasmād ete samānāḥ pariyanto na jīryanti

Pada: z     tasmād r̥tūn anu vāyur āvarīvartti


Line : 4  Pada: aa     vāyavyā anv apsyā upadadʰāti

Pada: ab     tasmād vāyur vr̥ṣṭiṃ vahati

Pada: ac     vr̥ṣṭim evaitābʰir avarunddʰe


Line : 5  Pada: ad     yad ekadʰopadadʰyād ekam r̥tuṃ varṣet \

Pada: ae     anuparihāram̐ sādayati

Line : 6  Pada: af     tasmād r̥tumr̥tuṃ varṣati \


Pada: ag     apasyā anu vayasyā upadadʰāti

Pada: ah     paśavo vai vayasyās \

Line : 7  Pada: ai     yad apasyā anu vayasyā upadadʰāti

Pada: aj     tasmāt paśavo nānāmanaso nānāvratās \

Line : 8  Pada: ak     apa evābʰi samanasas \


Pada: al     apasyā upadʰāya vayasyā upadadʰyād yaṃ kāmayeta paśumān syād iti

Line : 9  Pada: am     saṃjñānaṃ vā etat paśūnāṃ yad āpaḥ

Pada: an     paśūnām eva saṃjñāne 'gniṃ cinute paśumān bʰavati


Line : 10  Pada: ao     vayasyā upadʰāyāpasyā upadadʰyād yaṃ kāmayetāpaśus syād iti

Line : 11  Pada: ap     paśūnām evāsaṃjñāne 'gniṃ cinute 'paśur bʰavati //


Line : 12  Pada: aq     catasraḥ purastād upadadʰāti

Pada: ar     tasmāt purastāt paśur aṇīyān \

Pada: as     tasmāc catvāri cakṣuṣo rūpāṇi dve śukle dve kr̥ṣṇe


Line : 13  Pada: at     mūrdʰanvatīs

Pada: au     tasmāt purastāt paśūnāṃ mūrdʰā


Line : 14  Pada: av     pañcapañcābʰitaḥ

Pada: aw     paśos sayatvāya

Pada: ax     tasmāt prāṅ paśuḥ pravaṇas \


Line : 15  Pada: ay     basto vaya iti dakṣiṇata upadadʰāti

Pada: az     vr̥ṣṇir vaya ity uttarāt \

Pada: ba     am̐sā evāsyopadadʰāti


Line : 16  Pada: bb     vyāgʰro vaya iti dakṣiṇe pakṣe

Pada: bc     sim̐ho vaya ity uttarasmin

Pada: bd     pakṣayor eva vīryaṃ dadʰāti


Line : 17  Pada: be     vyāgʰro vaya iti pūrvām \

Pada: bf     sim̐ho vaya ity aparām \

Line : 18  Pada: bg     tasmāt puro vyāgʰro jāyate paścāt sim̐haḥ


Pada: bh     puruṣo vaya iti madʰye

Pada: bi     tasmāt puruṣaḥ paśūnām adʰipatiḥ //


Anuvaka: 11  
Line : 20  Pada: a     indrāgnī avyatʰamānām iṣṭakāṃ dr̥m̐hataṃ yuvam iti \

Pada: b     ojo vai vīryam indrāgnī

Line : 21  Pada: c     antarikṣam eṣā citis \

Pada: d     śitʰilam ivāntarikṣam \

Pada: e     prajā antarikṣam \

Pada: f     prajāsv evaujo vīryaṃ dadʰāti


Line : 22  Pada: g     svayamātr̥ṇṇā bʰavati

Pada: h     prāṇānām utsr̥ṣṭyai

Pada: i     svargasya lokasyānukśāntyai


Page: 31  
Line : 1  Pada: j     prājāpatyo 'śvas \

Pada: k     yad aśvam upagʰrāpayati

Pada: l     prajāpatinaivainaṃ cinute \


Line : 2  Pada: m     atʰaitā diśyās \

Pada: n     devānāṃ vai svargaṃ lokaṃ yatāṃ teṣāṃ diśas samaklīyanta

Line : 3  Pada: o     ta etā diśyā apaśyan \

Pada: p     tābʰir diśo 'dr̥m̐han

Pada: q     yad etā upadʰīyante

Line : 4  Pada: r     diśāṃ vidʰr̥tyai


Pada: s     rājñy asi prācī dig iti

Pada: t     tasmād eṣā diśāṃ rājñī


Line : 5  Pada: u     virāḍ asi dakṣiṇā dig iti

Pada: v     tasmād eṣā diśāṃ virājati


Pada: w     samrāḍ asi pratīcī dig iti

Line : 6  Pada: x     tasmād atra sāmrājyam \


Pada: y     svarāḍ asy udīcī dig iti

Pada: z     tasmād atra svārājyam


Line : 7  Pada: aa     adʰipatny asi br̥hatī dig iti

Pada: ab     tasmād eṣā diśām adʰipatnī \

Line : 8  Pada: ac     etāny eva sarvāṇi bʰavati ya evaṃ vidvān etā upadʰatte \


Pada: ad     āyur me pāhīti daśa purastād upadadʰāti

Line : 9  Pada: ae     nava vai puruṣe prāṇā nābʰir daśamī

Pada: af     prāṇān evāsmin dadʰāti


Line : 10  Pada: ag     jyotir me yaccʰety uttamām \

Pada: ah     jyotir evottamaṃ dadʰāti

Pada: ai     tasmād vāk prāṇānāṃ jyotir uttamam \


Line : 11  Pada: aj     daśaitā upadadʰāti

Pada: ak     daśākṣarā virāṭ \

Pada: al     virāṭ cʰandasāṃ jyotis \

Line : 12  Pada: am     cakṣur jyotis \

Pada: an     cakṣur eva prajānāṃ purastād dadʰāti


Pada: ao     mā cʰanda iti dakṣiṇata upadadʰāti

Line : 13  Pada: ap     tasmād dakṣiṇāvr̥to māsāḥ


Pada: aq     pr̥tʰivī cʰanda iti paścāt

Line : 14  Pada: ar     pratiṣṭʰityai \


Pada: as     agnir devatety uttarāt \

Pada: at     ojo vā agnir

Pada: au     ojo evottarād dadʰāti

Line : 15  Pada: av     tasmād uttarād abʰiprayāyī jayati


Pada: aw     dvādaśa dakṣiṇata upadadʰāti dvādaśa paścād dvādaśottarāt

Line : 16  Pada: ax     tāṣ ṣaṭtrim̐śat saṃpadyante

Pada: ay     ṣaṭtrim̐śadakṣarā br̥hatī

Line : 17  Pada: az     br̥hatī cʰandasām̐ svārājyam ānaśe

Pada: ba     svārājyaṃ gaccʰati ya evaṃ vidvān etā upadʰatte


Line : 18  Pada: bb     ṣaṭtrim̐śad etās \

Pada: bc     ṣaṭtrim̐śadakṣarā br̥hatī

Pada: bd     bārhatāḥ paśavo 'ntarikṣa

Line : 19  Pada: be     meṣā citiḥ paśavo 'ntarikṣam \

Pada: bf     paśuṣv eva paśūn dadʰāti \


Pada: bg     ādityadʰāmāno vā anye prāṇā aṅgirodʰāmāno 'nye

Line : 20  Pada: bh     ye purastāt ta ādityadʰāmānas \

Pada: bi     ye paścāt te 'ṅgirodʰāmānas \

Line : 21  Pada: bj     mūrdʰāsi rāḍ iti purastād upadadʰāti

Pada: bk     ya ādityadʰāmānaḥ prāṇās tām̐s tad dādʰāra

Line : 22  Pada: bl     yantrī rāḍ iti paścāt \

Pada: bm     ye 'ṅgirodʰāmānaḥ prāṇās tām̐s tad dādʰāra


Page: 32  
Line : 1  Pada: bn     sapta purastād upadadʰāti sapta paścāt

Pada: bo     tasmād adʰaraḥ prāṇa uttareṣāṃ prāṇānām ardʰabʰāk


Line : 2  Pada: bp     prajāpatiḥ prajās sr̥ṣṭvā tāsām akāmayata mūrdʰā syām iti

Line : 3  Pada: bq     sa etā mūrdʰanyā apaśyat tābʰir nirajihīta

Pada: br     tāsāṃ mūrdʰābʰavat

Line : 4  Pada: bs     tan mūrdʰanyānāṃ mūrdʰanyātvam \

Pada: bt     mūrdʰaiva samānānāṃ bʰavati ya evaṃ vidvān etā upadʰatte //


Anuvaka: 12  
Line : 6  Pada: a     āśus trivr̥d iti purastād upadadʰāti

Pada: b     yajñamukʰaṃ vai trivr̥t \

Pada: c     yajñamukʰam eva purastād viyātayati


Line : 7  Pada: d     vyomā saptadaśa iti dakṣiṇatas \

Pada: e     annaṃ vai saptadaśas

Pada: f     saptadaśam̐ saṃvatsaram annam anuprajāyate \

Line : 8  Pada: g     annam eva dakṣiṇato bʰavati

Pada: h     tasmād dakṣiṇena hastena puruṣo 'nnam atti


Line : 9  Pada: i     yat saptadaśavatīṃ * dakṣiṇata upadadʰāti
      FN emended. Ed.: saptadaśavatīr. Raghuvira, KpS, xxvi. Mittwede, Textkritische Bemerkungen, p. 107

Pada: j     tasmād dakṣiṇaṃ pakṣaṃ vayām̐sy anupariplavante \


Line : 10  Pada: k     ekavim̐śavatīṃ paścāt

Pada: l     pratiṣṭʰityai

Pada: m     paścād dʰi vayām̐si pratitiṣṭʰanti


Line : 11  Pada: n     pañcadaśavatīm uttarāt \

Pada: o     ojo vai pañcadaśas \

Line : 12  Pada: p     oja evottarād dadʰāti

Pada: q     tasmād uttarād abʰiprayāyī jayati \


Pada: r     agner bʰāgo 'si dīkṣāyā ādʰipatyam * iti
      FN Mittwede, Textkritische Bemerkungen, p. 107: pratūrtir aṣṭādaśa

Line : 13  Pada: s     purastād vai trivr̥tau \

Pada: t     abʰipūrvam eva yajñamukʰe viyātayati


Line : 14  Pada: u     pañcadaśavatīṃ * dakṣiṇatas saptadaśavatīm uttarāt
      FN emended. Ed.: pañcadaśavatīr. Raghuvira, KpS, xxvi. Mittwede, Textkritische Bemerkungen, p. 107

Pada: v     pakṣayos sayatvāya \


Pada: w     annaṃ vai saptadaśas \

Line : 15  Pada: x     yat saptadaśavatīm ubʰayata upadadʰāti \

Pada: y     annam evobʰayato dadʰāti

Pada: z     tasmād ubʰābʰyām̐ hastābʰyāṃ parigr̥hya puruṣo 'nnam atti \


Line : 16  Pada: aa     ekavim̐śatī bʰavati

Pada: ab     pratiṣṭʰityai \


Line : 17  Pada: ac     agner bʰāgo 'si dīkṣāyā ādʰipatyam iti \

Pada: ad     etadetad vai devā etābʰir aspr̥ṇvan \

Line : 18  Pada: ae     etadetad evaitābʰis spr̥ṇoti

Pada: af     tā etās spr̥tayo nāmeṣṭakās \


Pada: ag     ekayāstuvata prajā adʰīyanteti \

Line : 19  Pada: ah     etadetad vai devā etābʰir asr̥janta \

Pada: ai     etad evaitābʰis sarvam avarunddʰe \

Line : 20  Pada: aj     arkyasya vā eṣā vidʰām anuvidʰīyate \

Pada: ak     annam arko 'rko 'gnis \

Line : 21  Pada: al     atty annaṃ yasyaiṣaivaṃ viduṣo vidʰīyate //


Anuvaka: 13  
Page: 33  
Line : 1  Pada: a     devāś ca vā asurāś ca samāvad eva yajñe 'kurvata

Pada: b     yad eva devā akurvata tad asurā akurvata

Line : 2  Pada: c     te devā etāṃ caturtʰīṃ citim apaśyan \

Pada: d     tām anyatʰānūcyānyatʰopādadʰata

Line : 3  Pada: e     tad asurā nānvavāyan \

Pada: f     tato devā abʰavan parāsurā abʰavan

Line : 4  Pada: g     ya evaṃ vidvān etāṃ caturtʰīṃ citim upadʰatte bʰrātr̥vyasyānanvavāyāya bʰavaty ātmanā parāsya bʰrtr̥vyo bʰavati \


Line : 5  Pada: h     āśus trivr̥d iti purastād upadadʰāti

Line : 6  Pada: i     yajñamukʰaṃ vai trivr̥t \

Pada: j     yajñamukʰam eva purastād dadʰāti


Pada: k     vyomā saptadaśa iti dakṣiṇatas \

Line : 7  Pada: l     annaṃ vai saptadaśas \

Pada: m     annam eva dakṣiṇato 'varunddʰe \


Pada: n     ekavim̐śavatīṃ paścāt

Line : 8  Pada: o     pratiṣṭʰityai


Pada: p     pañcadaśavatīm uttarāt \

Pada: q     ojo vai pañcadaśas \

Pada: r     ojo evottarād dadʰāti

Line : 9  Pada: s     tasmād uttarād abʰiprayāyī jayati


Pada: t     pratūrtir aṣṭādaśa iti purastāt \

Pada: u     dvau trivr̥tau \

Line : 10  Pada: v     abʰipūrvam eva yajñamukʰe dadʰāti \


Pada: w     abʰīvartas savim̐śa iti dakṣiṇatas \

Line : 11  Pada: x     annaṃ vai savim̐ṣas \

Pada: y     annam eva dakṣiṇato 'varunddʰe


Pada: z     varco dvāvim̐śa iti paścāt \

Line : 12  Pada: aa     yad dve

Pada: ab     dvipād yajamānaḥ

Pada: ac     pratiṣṭʰityai

Pada: ad     yad vim̐śatis \

Pada: ae     dve virājā annaṃ virāṭ \

Pada: af     virājy evānnādye pratitiṣṭʰati


Line : 13  Pada: ag     tapo navadaśa ity uttarāt

Pada: ah     tasmāt savyo hastayos tapasvitaro bāhukucanaṃ nigaccʰati


Line : 14  Pada: ai     yoniś caturvim̐śa iti purastāt \

Pada: aj     yajñamukʰaṃ vai caturvim̐śas \

Line : 15  Pada: ak     yajñamukʰam eva purastād dadʰāti


Pada: al     garbʰāḥ pañcavim̐śa iti dakṣiṇatas \

Line : 16  Pada: am     annaṃ vai pañcavim̐śas \

Pada: an     annam eva dakṣiṇato 'varunddʰe

Pada: ao     yad daśa

Line : 17  Pada: ap     daśākṣarā virāḍ annaṃ virāḍ *
      FN emended. Ed.: annaṃ. cf. 20.1:19.15, 20.4:22.6, 23.8:84.16. Mittwede, Textkritische Bemerkungen, p. 107

Pada: aq     virājy evānnādye pratitiṣṭʰati //

Pada: ar     yat pañcadaśa

Pada: as     yajñaḥ pañcadaśas \

Line : 18  Pada: at     vajram evopariṣṭād dadʰāti

Pada: au     rakṣasām apahatyai \


Pada: av     ojas triṇava iti paścāt \

Line : 19  Pada: aw     ime vai lokās triṇavas \

Pada: ax     eṣv eva lokeṣu pratitiṣṭʰati


Pada: ay     saṃbʰaraṇas trayovim̐śa ity uttarāt

Line : 20  Pada: az     tasmāt savyo hastayos saṃbʰāryataraḥ


Pada: ba     kratur ekatrim̐śa iti purastāt \

Line : 21  Pada: bb     vāg vā ekatrim̐śas \

Pada: bc     vācam eva yajñamukʰe dadʰāti


Pada: bd     bradʰnasya viṣṭapaṃ catustrim̐śa iti dakṣiṇatas \

Line : 22  Pada: be     asau vā ādityo bradʰnasya viṣṭapam \

Pada: bf     brahmavarcasam asā ādityas \

Page: 34  
Line : 1  Pada: bg     brahmavarcasam eva dakṣiṇato 'varunddʰe


Pada: bh     pratiṣṭʰā trayastrim̐śa iti paścāt

Line : 2  Pada: bi     trayastrim̐śad devatās \

Pada: bj     devatāsv eva pratitiṣṭʰati


Pada: bk     nākaṣ ṣaṭtrim̐śa ity uttarāt

Line : 3  Pada: bl     svargo vai loko nākas

Pada: bm     svarga eva loke yajamānaṃ pratiṣṭʰāpayati //


Anuvaka: 14  
Line : 5  Pada: a     ehy ū ṣu bravāṇi te //

Line : 6  Pada: b     yatro kvaca te mano dakṣaṃ dadʰasa uttaram /

Line : 7  Pada: c     tatrā sadaḥ kr̥ṇavase //

Line : 8  Pada: d     nahi te pūrtam akṣipad bʰuvan nemānāṃ vaso /

Line : 9  Pada: e     atʰā duvo vanavase //

Line : 10  Pada: f     āgnir agāmi bʰārato vr̥trahā purucetanaḥ /

Line : 11  Pada: g     divodāsasya satpatiḥ //

Line : 12  Pada: h     sa hi viśvāti pārtʰivā rayiṃ dāśan mahitvanā /

Line : 13  Pada: i     vanvann avāto astr̥taḥ //

Line : 14  Pada: j     sa pratnavan navīyasāgne dyumnena saṃyatā /

Line : 15  Pada: k     br̥hat tatantʰa bʰānunā //

Line : 16  Pada: l     agna āyāhi vītaye gr̥ṇāno havyadātaye /

Line : 17  Pada: m     ni hotā satsi barhiṣi //

Line : 18  Pada: n     agniṃ dūtaṃ vr̥ṇīmahe hotāraṃ viśvavedasam /

Line : 19  Pada: o     asya yajñasya sukratum //

Line : 20  Pada: p     agnir vr̥trāṇi jaṅgʰanat \

Pada: q     agnināgnis samidʰyate \

Pada: r     agnim̐ stomena bodʰaya \

Pada: s     agnir mūrdʰā

Line : 21  Pada: t     preddʰo agne \

Pada: u     agnim̐ hotāraṃ manye //

Line : 22  Pada: v     ebʰir no arkair bʰavā no arvāṅ svar ṇa jyotiḥ /

Line : 23  Pada: w     agne viśvebʰis sumanā anīkaiḥ //

Page: 35  
Line : 1  Pada: x     adʰa hy agne krator bʰadrasya

Pada: y     dakṣasya sādʰoḥ / ratʰīr r̥tasya br̥hato babʰūtʰa //

Line : 3  Pada: z     agnā yo martyo duvo dʰiyaṃ jujoṣa dʰītibʰiḥ /

Line : 4  Pada: aa     bʰasan nu ṣu pra pūrvya iṣaṃ vurītāvase //

Line : 5  Pada: ab     agnes stomaṃ manāmahe sidʰram adya divaspr̥śaḥ /

Line : 6  Pada: ac     devasya draviṇasyavaḥ //


Anuvaka: 15  
Line : 7  Pada: a     vaiśvānaro na ūtaye //

Pada: b     pr̥ṣṭo divi //

Line : 8  Pada: c     parjanyāya pragāyata divas putrāya mīḍʰuṣe /

Line : 9  Pada: d     sa no yavasam iccʰatu //

Line : 10  Pada: e     idaṃ vacaḥ parjanyāya svarāje hr̥do astv antaraṃ taj jujoṣat /

Line : 11  Pada: f     mayobʰuvo vr̥ṣṭayas santv asmai supippalā oṣadʰīr devagopāḥ //

Line : 12  Pada: g     samidʰo agna ājyasya vyantu

Pada: h     tanūnapād agna ājyasya vetu \

Pada: i     iḍo agna ājyasya vyantu

Line : 13  Pada: j     barhir agna ājyasya vetu

Pada: k     duro agna ājyasya vyantu

Pada: l     duro agna ājyasya vyantu \

Line : 14  Pada: m     iḍo agna ājyasya vyantu

Pada: n     barhir agna ājyasya vetu

Line : 15  Pada: o     duro agna ājyasya vyantu \

Pada: p     uṣāsānaktāgna ājyasya vītām \

Pada: q     daivyā hotārāgna ājyasya vītām \

Line : 16  Pada: r     tisro devīr agna ājyasya vyantu //

Pada: s     svāhāgnim \

Pada: t     svāhā somam \

Line : 17  Pada: u     svāhāgnim \

Pada: v     svāhā somam \

Pada: w     svāhā savitāram \

Pada: x     svāhā sarasvatīm \

Line : 18  Pada: y     svāhā pūṣaṇam \

Pada: z     svāhā marutas svatavasas

Pada: aa     svāhā viśvān devān

Pada: ab     svāhā dyāvāpr̥tʰivī

Line : 19  Pada: ac     svāhāgnim̐ hotāram \

Pada: ad     svāhā devā ājyapā juṣāṇā ājyasya vyantu

Line : 20  Pada: ae     tvam agne sapratʰā asi

Pada: af     tvam̐ soma mahe bʰagam

Pada: ag     agnir mūrdʰā

Pada: ah     bʰuvo yajñasya

Line : 21  Pada: ai     vr̥ṣā soma

Pada: aj     yā te dʰāmāni

Pada: ak     tat \

Pada: al     viśvā rūpāṇi

Pada: am     pāvakā nas \

Pada: an     ā no divaḥ

Line : 22  Pada: ao     pūṣā gā anvetu nas \

Pada: ap     śukraṃ te anyat //

Page: 36  
Line : 1  Pada: aq     iheha vas svatavaso marutas sūryatvacaḥ /

Line : 2  Pada: ar     śarmā sapratʰā āvr̥ṇe //

Line : 3  Pada: as     pra citram arkaṃ gr̥ṇate turāya mārutāya svatavase bʰaradʰvam /

Line : 4  Pada: at     ye sahām̐si sahasā sahante rejate agne pr̥tʰivī makʰebʰyaḥ //

Line : 5  Pada: au     viśve devās \

Pada: av     ye keca jmā

Pada: aw     mahī dyaur

Pada: ax     gʰr̥tavatī

Pada: ay     piprīhi devān

Pada: az     ā devānām \


Line : 6  Pada: ba     devaṃ barhir

Pada: bb     vasuvane vasudʰeyasya vetu


Pada: bc     devīr dvāras \

Pada: bd     vasuvane vasudʰeyasya vyantu


Line : 7  Pada: be     devī uṣāsānaktā

Pada: bf     vasuvane vasudʰeyasya vītām oṃ


Pada: bg     devī joṣṭrī

Pada: bh     vasuvane vasudʰeyasya vītām \


Line : 8  Pada: bi     devī ūrjāhutī

Pada: bj     vasuvane vasudʰeyasya vītām \


Pada: bk     devā daivyā hotārā

Line : 9  Pada: bl     vasuvane vasudʰeyasya vītām \


Pada: bm     devīs tisras tisro devīr

Pada: bn     vasuvane vasudʰeyasya vyantu


Line : 10  Pada: bo     devo narāśam̐sas \

Pada: bp     vasuvane vasudʰeyasya vetu


Pada: bq     devo agnis sviṣṭakr̥t \

Line : 11  Pada: br     śaṃ no bʰavantu

Pada: bs     vājevāje //


Line : 12  Pada: bt     iti śrīyajuṣi kāṭʰake carakaśākʰāyāṃ madʰyamikāyām apetavītaṃ nāma viṃśaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.