TITUS
Black Yajur-Veda: Kathaka-Samhita
Part No. 21
Previous part

Sthanaka: 21  
Anuvaka: 1  
Line : 14  Pada: a     agner bʰāgo 'si dīkṣāyā ādʰipatyam iti pursastād upadadʰāti

Pada: b     yajñamukʰaṃ vā agnir yajñamukʰaṃ dīkṣā yajñamukʰaṃ trivr̥t \

Line : 15  Pada: c     yajñamukʰam eva purastād dadʰāti


Line : 16  Pada: d     nr̥cakṣasāṃ bʰāgo 'si dʰātur ādʰipatyam iti dakṣiṇatas \

Pada: e     ye vai vidvām̐sas te nr̥cakṣaso 'nnaṃ dʰātā prajananam̐ saptadaśaḥ

Line : 17  Pada: f     prajābʰya eva prajātābʰyo 'nnam apidadʰāti

Line : 18  Pada: g     tasmāj jāto 'nnam abʰyāyaccʰati


Pada: h     mitrasya bʰāgo 'si varuṇasyādʰipatyam iti paścāt

Page: 37  
Line : 1  Pada: i     prāṇo vai mitro 'pāno varuṇaḥ

Pada: j     prāṇāpānā eva yajamāne dadʰāti \


Line : 2  Pada: k     indrasya bʰāgo 'si viṣṇor ādʰipatyam ity uttarāt \

Line : 3  Pada: l     ojo vā indra ojo viṣṇur ojaḥ pañcadaśas \

Pada: m     oja evottarād dadʰāti

Line : 4  Pada: n     tasmād uttarād abʰiprayāyī jayati //


Pada: o     vasūnāṃ bʰāgo 'si rudrāṇām ādʰipatyam iti purastāt \

Line : 5  Pada: p     yajñamukʰaṃ vai vasavo yajñamukʰaṃ rudrā yajñamukʰaṃ caturvim̐śas \

Line : 6  Pada: q     yajñamukʰam eva purastād dadʰāti \


Pada: r     ādityānāṃ bʰāgo 'si marutām ādʰipatyam iti dakṣiṇatas \

Line : 7  Pada: s     annaṃ vā ādityā annaṃ maruto 'nnaṃ pañcavim̐śas \

Pada: t     annam eva dakṣiṇato 'varunddʰe \


Line : 8  Pada: u     adityā bʰāgo 'si pūṣṇa ādʰipatyam iti paścāt

Line : 9  Pada: v     pratiṣṭʰā vā aditiḥ pratiṣṭʰā pūṣā pratiṣṭʰā triṇavaḥ

Pada: w     pratiṣṭʰityai


Pada: x     devasya savitur bʰāgo 'si br̥haspater ādʰipatyam ity uttarāt \

Line : 10  Pada: y     brahma vai br̥haspatir brahma catuṣṣṭomas \

Line : 11  Pada: z     brahmavarcasam evottarād dadʰāti


Pada: aa     savitr̥matī bʰavati

Pada: ab     tasmād udīcī brāhmaṇebʰyas saniḥ prasūtā


Line : 12  Pada: ac     dʰartraṃ catuṣṣṭoma iti purastāt \

Pada: ad     yajñamukʰaṃ vai catuṣṣṭomas \

Line : 13  Pada: ae     yajñamukʰam eva purastād dadʰāti //


Pada: af     yavānāṃ bʰāgo 'sy ayavānām ādʰipatyam iti dakṣiṇatas \

Line : 14  Pada: ag     māsā vai yavā annaṃ māsās \

Pada: ah     annam eva dakṣiṇato 'varunddʰe \


Line : 15  Pada: ai     r̥bʰūṇāṃ * bʰāgo 'si viśveṣāṃ devānām ādʰipatyam iti paścāt
      FN emended. Ed.: r̥bʰūnāṃ. Mittwede, Textkritische Bemerkungen, p. 108

Line : 16  Pada: aj     trayastrim̐śad devatās \

Pada: ak     devatāsv eva pratitiṣṭʰati


Pada: al     vīvarto aṣṭācatvārim̐śa ity uttarāt

Line : 17  Pada: am     tasmād dʰastau samāvadvīryau \


Pada: an     arkyasya vā eṣā vidʰām anuvidʰīyate \

Line : 18  Pada: ao     annam arko 'rko 'gnis \

Pada: ap     atty annaṃ yasyaiṣaivaṃ viduṣo vidʰīyate


Pada: aq     yā mukʰyās tāḥ purastād upadadʰāti \

Line : 19  Pada: ar     āsya mukʰyo jāyate ya evaṃ veda


Pada: as     yā annavatīs tā dakṣiṇatas \

Line : 20  Pada: at     āsyānnādo jāyate ya evaṃ veda


Pada: au     yāḥ pratiṣṭāvatīs tāḥ paścāt \

Line : 21  Pada: av     gaccʰati pratiṣṭʰāṃ ya evaṃ veda


Pada: aw     yā ojasvatīs tā uttarāt \

Pada: ax     āsya balī jāyate ya evaṃ veda


Line : 22  Pada: ay     ya evam etāsām r̥ddʰiṃ vedardʰnoti //


Anuvaka: 2  
Page: 38  
Line : 1  Pada: a     agne jātān praṇudā nas sapatnān iti purastād upadadʰāti

Pada: b     ya evainaṃ pūrvo 'tikrānto bʰrātr̥vyas taṃ tayā praṇudati


Line : 2  Pada: c     sahasā jātān iti paścāt \

Pada: d     ya evāsya paścād bʰrātr̥vyas taṃ tayāpanudate

Line : 4  Pada: e     pra śreyām̐saṃ bʰrātr̥vyaṃ nudate

Pada: f     prati pāpīyām̐saṃ nudate


Pada: g     catuścatvārim̐śas stoma iti dakṣiṇatas \

Pada: h     ṣoḍaśas stoma ity uttarāt \

Line : 5  Pada: i     vajro vai ṣoḍaśas \

Pada: j     vajras triṣṭup

Pada: k     traiṣṭubʰaś catuścatvārim̐śas

Pada: l     savyāpagrahaṇo vajro dakṣiṇāvisarjanas \

Line : 6  Pada: m     bʰrātr̥vyam eva parāṇudya tasmai vajram anuvisr̥jati


Line : 7  Pada: n     catuścatvārim̐śas stoma iti dakṣiṇata upadadʰāti

Pada: o     brahmavarcasaṃ vai catuścatvārim̐śas \

Line : 8  Pada: p     brahamavarcasam eva dakṣiṇato 'varunddʰe


Pada: q     ṣoḍaśas stoma ity uttarāt \

Pada: r     ojo vai ṣoḍaśas \

Line : 9  Pada: s     oja evottarād dadʰāti

Pada: t     tasmād uttarād abʰiprayāyī jayati //


Line : 10  Pada: u     pr̥tʰivyāḥ purīṣam asīti madʰye

Pada: v     purīṣaṃ vā ātmano madʰyam \

Pada: w     sātmānam evāgniṃ cinute


Line : 11  Pada: x     tā etā abʰrātr̥vyā nāmeṣṭakās \

Pada: y     nāsya bʰrātr̥vyo bʰavati ya evaṃ vidvān etā upadʰatte \


Line : 12  Pada: z     atʰaitā virājas \

Pada: aa     virājam eva paśuṣūttamāṃ dadʰāti

Line : 13  Pada: ab     tasmāt paśumān uttamāṃ vācaṃ vadati


Pada: ac     daśadaśopadadʰāti

Pada: ad     sayatvāya


Pada: ae     devā vai svargaṃ lokaṃ yantas teṣāṃ yāni ccʰandām̐sy aniruktāni svaryāṇy āsan \

Line : 14  Pada: af     tais saha svargaṃ lokam āyan \

Line : 15  Pada: ag     tāny r̥ṣayo 'nuprājijñāsanta

Pada: ah     tānīṣṭakābʰir niramimata

Line : 16  Pada: ai     tānīmāni ccʰandām̐si yāny ayajñavāhāni

Pada: aj     yāny eva devānāṃ cʰandām̐sy aniruktāni svargyāṇi tais saha svargaṃ lokam eti ya evaṃ vidvān etā upadʰatte //


Line : 18  Pada: ak     atʰaite stomabʰāgās \

Pada: al     br̥haspatir vā etāṃ yajñasya pratiṣṭʰām āharat \

Line : 19  Pada: am     yad eta upadʰīyante

Pada: an     yajñasya pratiṣṭʰityai


Pada: ao     br̥haspatir vā etat tejo yajñasya samabʰarat \

Line : 20  Pada: ap     yad eta upadʰīyante

Pada: aq     satejasam evāgniṃ cinute


Pada: ar     prajāpatiḥ prajā asr̥jata

Line : 21  Pada: as     tās stomabʰāgair evāsr̥jata

Pada: at     yad eta upadʰīyante

Pada: au     prajananāya


Line : 22  Pada: av     dakṣiṇato vai devānāṃ yajño 'vlīyata

Pada: aw     tam̐ stomabʰāgaiḥ pratyudastabʰnuvan

Page: 39  
Line : 1  Pada: ax     yad ete dakṣiṇata udañca upadʰīyante

Pada: ay     yajñasya pratyuttabdʰyai


Pada: az     saptasaptopadadʰāti

Line : 2  Pada: ba     savīryatvāya


Pada: bb     trīn madʰye

Pada: bc     pratiṣṭʰityai \


Pada: bd     atʰaitā nākasadas \

Pada: be     nākasadbʰir vai devās svargaṃ lokam āyan

Line : 3  Pada: bf     yad etā upadʰīyante

Pada: bg     svargasya lokasyābʰijityai //


Line : 4  Pada: bh     na vā amuṃ lokaṃ jagmuṣe kiñcanākaṃ tan nākasadāṃ nākasattvam \

Pada: bi     tā etās sarvapr̥ṣṭʰā nāmeṣṭakās \

Line : 5  Pada: bj     yad eva kiñca pr̥ṣṭʰā nāmeṣṭakā yad eva kiñca pr̥ṣṭʰānāṃ tejas tad avarunddʰe ya evaṃ vidvān etā upadʰatte \


Line : 6  Pada: bk     atʰaitāḥ pañcacūḍās \

Pada: bl     yajamānāyatanaṃ vai patnyas \

Line : 7  Pada: bm     yan nākasatsu pañcacūḍā upadadʰāti

Pada: bn     nāka eva yajamānaṃ pratiṣṭʰāpayati \

Line : 8  Pada: bo     apsaraso vā etās \

Pada: bp     etad rūpaṃ kr̥tvā patnyo bʰūtvāmuṣmiṃl loke yajamānam upaśerate


Line : 9  Pada: bq     paścāt prācīm ekām upadadʰāti

Pada: br     tasmāt paścāt prācī patny anvāste


Line : 10  Pada: bs     tanūpānīr vā etā yajamānasya

Pada: bt     sarvam āyur eti ya evaṃ vidvān etā upadʰatte *
      FN sic

Line : 11  Pada: bu     etā vai devatās svargyās

Pada: bv     tābʰir eva svargaṃ lokam eti \


Pada: bw     etā vai devatā abʰicaraṇīyās \

Line : 12  Pada: bx     yaṃ dviṣyāt taṃ brūyād amuṃ vo jambʰe dadʰāmīti \

Pada: by     etābʰya evainaṃ devatābʰya āvr̥ścati tājak pradʰanvati //


Anuvaka: 3  
Line : 14  Pada: a     āyos tvā sadane sādayāmīti \

Pada: b     āyur evottamaṃ dadʰāti

Pada: c     tasmād āyuḥ prāṇānām uttamam \


Line : 15  Pada: d     svayamātr̥ṇṇā bʰavati

Pada: e     prāṇānām utsr̥ṣṭyai

Pada: f     svargasya lokasyānukśātyai


Line : 16  Pada: g     prājāpatyo 'śvas \

Pada: h     yad aśvam upagʰrāpayati

Pada: i     prajāpatinaivainaṃ cinute \


Line : 17  Pada: j     atʰaiṣā vikarṇī

Pada: k     devānāṃ vā eṣā vikrāntir

Pada: l     yad vikarṇī

Pada: m     devānām evainaṃ vikrāntim anu vikramayati


Line : 18  Pada: n     vāyumatī

Pada: o     prāṇo vai vāyur āyus svayamātr̥ṇṇā \

Pada: p     āyuś caivāsmin prāṇaṃ ca samīcī dadʰāti


Line : 19  Pada: q     saṃ vā enam etad inddʰe yac cinoti

Line : 20  Pada: r     dīpayati vāyumatyā

Pada: s     saṃvatsaramukʰyaṃ bʰr̥tvāgniṃ cinvīta //

Pada: t     saṃvatsaro vā agnir vaiśvānaras

Line : 21  Pada: u     tasyāhorātrāṇīṣṭakās \

Pada: v     āpteṣṭakam evainaṃ cinuta r̥dʰnoti


Page: 40  
Line : 1  Pada: w     yan naivaṃ cinuyāt priyayainaṃ tanvā vyardʰayet \

Pada: x     yad evaṃ cinute

Pada: y     priyayaivainaṃ tanvā samardʰayati

Line : 2  Pada: z     satanūr evaitad vaiśvānaraś cīyate \


Pada: aa     r̥tavyā upadadʰāti \

Pada: ab     r̥tūnāṃ vidʰr̥tyai


Line : 3  Pada: ac     dvedve upadadʰāti

Pada: ad     dvaudvau hy r̥tavas \


Pada: ae     catasro madʰyamāyāṃ cityām upadadʰāti \

Pada: af     antarikṣam iva vā eṣā yā madʰyamā citis \

Line : 4  Pada: ag     śitʰilam ivāntarikṣam \

Pada: ah     catasro diśas \

Line : 5  Pada: ai     dikṣv eva pratitiṣṭʰati \


Pada: aj     r̥tubʰyo vā etā devā niramimata

Pada: ak     tadr̥tavyānām r̥tavyātvam

Line : 6  Pada: al     āyantamāyantam r̥tuṃ pratitiṣṭʰati ya evaṃ vidvān etā upadʰatte //


Line : 7  Pada: am     nānāprabʰr̥tayo bʰavanti samānodarkās

Pada: an     tasmāt samānasya saṃvatsarasya nānā rūpāṇi \


Line : 8  Pada: ao     avakām upadʰāyeṣṭakām upadadʰāti \

Pada: ap     agner vā eṣā vaiśvānarasya yonir yad avakā

Line : 9  Pada: aq     sva evainā yonā upadadʰāti

Pada: ar     śāntyā anuddāhāya \

Line : 10  Pada: as     r̥dʰnoti ya evaṃ vidvān etā upadʰatte \


Pada: at     atʰaitā viśvajyotiṣaḥ

Pada: au     prāṇabʰr̥to vā etā yajamānasya

Line : 11  Pada: av     prāṇam eva pratʰamayā dādʰāra vyānaṃ dvitīyayāpānaṃ tr̥tīyayā \

Line : 12  Pada: aw     etā vai devatās svargyās

Pada: ax     tābʰir eva svargaṃ lokam eti \

Pada: ay     etā vai devatā jyotiṣmatīr

Line : 13  Pada: az     agnir evāsyāsmiṃl loke jyotir bʰavati vāyur antarikṣe sūryo divi

Line : 14  Pada: ba     sarve 'smā ime lokā jyotiṣmanto bʰavanti \


Pada: bb     adʰipativatīr bʰavanti \

Line : 15  Pada: bc     ādʰipatyam evaitābʰir gaccʰati


Pada: bd     lokaṃ pr̥ṇa ccʰidraṃ pr̥ṇeti

Pada: be     yad evāsyonaṃ yac cʰidraṃ tad āpūrayati \


Line : 16  Pada: bf     atʰo sīda dʰruvā tvam iti

Pada: bg     dr̥m̐haty evainām


Pada: bh     indrāgnī tvā br̥haspatir iti \

Line : 17  Pada: bi     ojo vai vīryam indrāgnī

Pada: bj     ojasaivainaṃ vīryeṇa cinute


Pada: bk     tā asya sūdadohasa iti

Line : 18  Pada: bl     tasmāt paruṣiparuṣi sūdas


Pada: bm     somam̐ śrīṇanti pr̥śnaya iti \

Line : 19  Pada: bn     annaṃ pr̥śnī \

Pada: bo     annam evāvarunddʰe


Pada: bp     triṣv ārocane diva iti

Pada: bq     trīṇi savanāni

Line : 20  Pada: br     savaneṣv evainaṃ cinute \


Pada: bs     anuṣṭub anucarā bʰavati

Pada: bt     prāṇo vā anuṣṭup

Pada: bu     tasmāt prāṇas sarvāṇy aṅgāny anusaṃcarati

Line : 21  Pada: bv     vāg vā anuṣṭub

Pada: bw     yad evāsyātra na kriyate yan na cīyate tad vācā kalpayati tad bʰiṣajyati //


Anuvaka: 4  
Page: 41  
Line : 1  Pada: a     yā āgneyīr gāyatrīr mūrdʰanvatīs tābʰis tisr̥bʰis tisraḥ pūrvārdʰa upadadʰāti \

Line : 2  Pada: b     atʰa triṣṭubbʰir atʰa jagatībʰir atʰānuṣṭubbʰir atʰa paṅktibʰir atʰa yat kiñcāgneyaṃ cʰandas

Line : 3  Pada: c     tisra ekena ccʰandasā tisra ekena

Pada: d     sarvam agnim anūpadadʰāti \


Pada: e     etām̐ ha vai yajñasenaś caitraś citiṃ vidāṃcakāra

Line : 4  Pada: f     tayā ha vai sa ānardʰa \

Pada: g     r̥dʰnoti ya evaṃ vidvān etā upadʰatte

Line : 5  Pada: h     paśavo vai cʰandām̐si

Pada: i     vāmaṃ devānām \

Pada: j     paśūn eva vāmaṃ bʰrātr̥vyasya vr̥ṅkte //


Line : 6  Pada: k     ātmā vā āhavanīyo bʰrātr̥vyo dʰiṣṇyas \

Pada: l     yad gārhapatya upadadʰyād bʰrātr̥vye vāmaṃ paśūn dadʰyāt \

Line : 7  Pada: m     āhavanīya upadadʰāti \

Pada: n     ātmann eva vāmaṃ paśūn dʰatte


Line : 8  Pada: o     saiśottaravedir nāma citis

Pada: p     tasmād etā uttamāyāṃ cityām upadʰīyante \

Line : 9  Pada: q     uttamas samānānāṃ bʰavati ya evaṃ vidvān etā upadʰatte


Pada: r     paśur vā agnir

Line : 10  Pada: s     agnimukʰān prajāpatiḥ paśūn asr̥jata

Pada: t     yat pañca citayas

Pada: u     tasmāt pāṅktāḥ paśava ucyante

Line : 11  Pada: v     yat tisras

Pada: w     trivr̥d dʰy agnir

Pada: x     yad dve

Pada: y     dvipād yajamānaḥ

Pada: z     pratiṣṭʰityai


Line : 12  Pada: aa     dvyakṣaraṃ loma dvyakṣaraṃ carma * dvyakṣaraṃ mām̐saṃ dvyakṣaram astʰi dvyakṣaro majjā
      FN Mittwede, Textkritische Bemerkungen, p. 108: (tvac)

Pada: ab     tad daśa

Line : 13  Pada: ac     daśākṣarā * virāṭ
      FN emended. Ed.: daśākṣaraṃ. Raghuvira, KpS, xxvi. Mittwede, Textkritische Bemerkungen, p. 108

Pada: ad     tasmād vairājāḥ paśava ucyante

Pada: ae     yo jānudagʰnas sa gāyatracit \

Line : 14  Pada: af     yo nābʰidagʰnas sa triṣṭupcit \

Pada: ag     yaḥ puruṣamātras sa jagaccit \


Pada: ah     śyenacitaṃ pakṣiṇaṃ cinvīta svargakāmas \

Line : 15  Pada: ai     śyeno vai vayasāṃ kṣepiṣṭʰas

Pada: aj     svargasya lokasya samaṣṭyai \


Line : 16  Pada: ak     alajacitaṃ pakṣiṇaṃ catussītaṃ cinvīta pratiṣṭʰākāmas \

Line : 17  Pada: al     catasro diśas \

Pada: am     dikṣv eva pratitiṣṭʰati //


Pada: an     kaṅkacitam̐ śīrṣaṇvantaṃ cinvīta yaḥ kāmayeta saśīrṣāmuṣmiṃlloke syām iti

Line : 18  Pada: ao     saśīrṣaivāmuṣmiṃl loke bʰavati //


Line : 19  Pada: ap     praugacitaṃ cinvīta yadi manyeta pūrvo mātikrānto bʰrātr̥vya iti

Line : 20  Pada: aq     praugacitā vai devā asurān prāṇudanta ya enān pūrve 'tikrāntā āsan

Line : 21  Pada: ar     ya evainaṃ pūrvo 'tikrānto bʰrātr̥vyas taṃ tena praṇudate \


Pada: as     ubʰayataḥpraugaṃ cinvīta yadi manyeta paścān me bʰrātr̥vya iti

Page: 42  
Line : 1  Pada: at     ya evāsya paścād bʰrātr̥vyas taṃ tenāpanudate

Line : 2  Pada: au     pra śreyām̐saṃ bʰrātr̥vyaṃ nudate prati pāpīyām̐saṃ nudate //


Line : 3  Pada: av     ratʰacakracitaṃ cinvītābʰicaran

Pada: aw     ratʰacakracitam̐ ha sma vai devā asurebʰyo vajram iyadbʰyas tvety abʰyavasr̥janti

Line : 4  Pada: ax     vajram eva bʰrātr̥vyāya praharati


Pada: ay     str̥ṇuta enam̐ samūhyaṃ cinvīta paśukāmaḥ

Line : 5  Pada: az     paśavo vai purīṣam \

Pada: ba     paśūn evāsmai samūhati


Line : 6  Pada: bb     sarvata uttaravediṃ nivapati *
      FN emended. Ed.: nirvapati. Oertel, Zur Kapiṣṭʰala-Kaṭʰa-Saṃhitā, p.26. Mittwede, Textkritische Bemerkungen, p. 108

Pada: bc     paśavo vā uttaravediḥ

Pada: bd     paśūn evāvarunddʰe //


Line : 7  Pada: be     paricāyyaṃ cinvīta sajātakāmaḥ

Pada: bf     parīva vai sajātā viśanti

Line : 8  Pada: bg     sajātair evainaṃ paricinoti //


Pada: bh     droṇacitaṃ cinvītānnakāmaḥ

Pada: bi     pātreṇa vā annam adyate

Line : 9  Pada: bj     tenaiva mukʰenānnamatti //


Pada: bk     śmaśānacitaṃ cinvīta yaḥ kāmayeta pitr̥loka r̥dʰnuyām iti

Line : 10  Pada: bl     śmaśānacitā vai yamo 'muṣmiṃl loka ārdʰnot

Line : 11  Pada: bm     pitr̥loka evardʰnoti //


Pada: bn     gāyatracitaṃ pakṣiṇaṃ cinvīta svargakāmas \

Line : 12  Pada: bo     agnir vai tat pakṣī bʰūtvā svargaṃ lokam apatat \

Pada: bp     yad āhur gāyatrī pakṣiṇī bʰūtvā svargaṃ lokam apatad iti

Line : 13  Pada: bq     svargasya lokasya samaṣṭyai \


Pada: br     anye 'gnaya ūrdʰvāś cīyante nyañco 'nye

Line : 14  Pada: bs     ya ūrdʰvāś cīyante te 'muṣmai lokāya ye nyañcas te 'smai

Line : 15  Pada: bt     yad ūrdʰvas tiṣṭʰan hiraṇyaśalkaiḥ prokṣati

Pada: bu     tenaivainam ūrdʰvaṃ cinute

Pada: bv     svargasya lokasya samaṣṭyai //


Anuvaka: 5  
Line : 17  Pada: a     dīkṣáyā virā́ḍ āptavyā̀


Pada: b     tisró rā́trīr dīkṣitás syāt

Pada: c     trípadā virā́ṭ \

Line : 18  Pada: d     virā́jam evā́pnoti


Pada: e     ṣáḍ rā́trīr dīkṣitás syāt

Pada: f     ṣáḍ vā́ r̥távas * saṃvatsarás
      FN emended. Ed.: r̥táva r̥távas. cf. 9.1:104.11, 20.4:21.20, 22.6:62.18, MS.1.7.3:111.19, 3.4.6:52.12, KpS.8.4:97.23, 31.6:177.14, 31.20:197.12, 34.1:205.2, TS.5.2.6.1, 5.4.2.2, 5.6.7.1, 7.4.2.2, 7.5.1.4. Mittwede, Textkritische Bemerkungen, p. 108

Line : 19  Pada: g     saṃvatsaró virā́ṭ \

Pada: h     virā́jam evā́pnoti


Pada: i     dáśa rā́trīr dīkṣitás syāt \

Pada: j     dáśākṣarā virā́ṭ \

Line : 20  Pada: k     virā́jam evā́pnoti


Pada: l     dvā́daśa rā́trīr dīkṣitás syāt \

Pada: m     dvā́daśa mā́sās saṃvatsarás saṃvatsaró virā́ṭ \

Line : 21  Pada: n     virā́jam evā́pnoti


Pada: o     tráyodaśa rā́trīr dīkṣitás syāt

Pada: p     tráyodaśa mā́sās saṃvatsarás saṃvatsaró virā́ṭ \

Page: 43  
Line : 1  Pada: q     virā́jam evā́pnoti


Pada: r     páñcadaśa rā́trīr dīkṣitás syāt

Line : 2  Pada: s     páñcadaśārdʰamāsásya rā́tryo 'rdʰamāsaśas saṃvatsará āpyate

Pada: t     saṃvatsaró virā́ṭ \

Line : 3  Pada: u     virā́jam evā́noti


Pada: v     cáturvim̐śatiṃ rā́trīr dīkṣitás syāt \

Pada: w     cáturvim̐śatis saṃvatsarásyārdʰamāsā́ ardʰamāsaśás saṃvatsará āpyate

Line : 4  Pada: x     saṃvatsaró virā́ṭ \

Line : 5  Pada: y     virā́jam evā́pnoti


Pada: z     mā́saṃ dīkṣitás syāt \

Pada: aa     yó vaí mā́sas sá saṃvatsarás

Pada: ab     saṃvatsaró virā́ṭ \

Line : 6  Pada: ac     virā́jam evā́pnoti


Pada: ad     catúro māsó dīkṣitás syāt \

Pada: ae     catúro vā́ etáṃ māsó vásavo 'bibʰarus

Line : 7  Pada: af     té pr̥tʰivī́m ā́jayan gāyatrī́ṃ cʰándas \

Pada: ag     aṣṭaú rudrā́s

Line : 8  Pada: ah     tè 'ntárikṣam ā́jayam̐s triṣṭúbʰaṃ cʰándas \

Pada: ai     dvā́daśādityā́s

Pada: aj     té dívam ā́jayañ jágatīṃ cʰándas

Line : 9  Pada: ak     táto vaí té vyāvŕ̥tam agaccʰañ cʰraíṣṭʰyaṃ devā́nām \

Pada: al     tásmād dvā́daśa māsó bʰr̥tvā́gníṃ cinvīta

Line : 10  Pada: am     dvā́daśa mā́sās saṃvatsarás saṃvatsarò 'gnír vaiśvānarás

Line : 11  Pada: an     tásyāhorātrā́ṇī́ṣṭakās \

Pada: ao     āptéṣṭakam evaínaṃ cinute \

Pada: ap     r̥dʰnóti

Pada: aq     vyāvŕ̥tam evá gaccʰati śraíṣṭʰyam̐ samānā́nām \


Line : 12  Pada: ar     gāyatráṃ purástād gāyati

Pada: as     śíro vaí devā́nāṃ gāyatráṃ gāyatrò 'gnís

Line : 13  Pada: at     tásmād gāyatráṃ purástād gāyati \


Pada: au     āgnipāvamānyā́m

Pada: av     ayáṃ vā́vá yáḥ pávate sá prāṇás \

Line : 14  Pada: aw     múkʰaṃ devā́nām agnís \

Pada: ax     mukʰatá evá prāṇáṃ dadʰāti

Pada: ay     tásmān mukʰatáḥ prāṇás \


Line : 15  Pada: az     ratʰantarám uttarā́d gā́yati br̥hád dakṣiṇatáḥ

Pada: ba     pakṣā́ evā́syópadadʰāti \

Line : 16  Pada: bb     iyáṃ vaí ratʰantarám asaú br̥hát \

Pada: bc     ābʰyā́m evaínaṃ párigr̥hṇāti


Pada: bd     yajñāyajñī́yaṃ * púccʰe gā́yati śróṇyāṃ vāmadevyám
      FN Mittwede, Textkritische Bemerkungen, p. 108

Line : 17  Pada: be     ātmā́ vaí yajñāyajñī́yaṃ * tanū́r vāmadevyám \
      FN Mittwede, Textkritische Bemerkungen, p. 108

Line : 18  Pada: bf     sā́tmānam evaínam̐ sátanūṃ cinute


Pada: bg     hŕ̥dayam apikakṣé

Pada: bh     tásmād apikakṣé hŕ̥dayam anr̥cáṃ bʰavati

Line : 19  Pada: bi     tásmād anastʰákam̐ hŕ̥dayam


Pada: bj     arkyaìḥ párigāyati \

Pada: bk     arkó vā́ agnír

Line : 20  Pada: bl     arkám evā́rkyaìḥ párigāyati

Pada: bm     śā́ntyai //


Anuvaka: 6  
Page: 44  
Line : 1  Pada: a     saṃvatsaró vā́ antarā́ támas svargáṃ lokám \

Pada: b     jyótiṣmatīr etā́s sāhasrī́r íṣṭakās \

Line : 2  Pada: c     yád dʰiraṇyaśalkaíḥ prokṣáti

Pada: d     jyótiṣaivā́smai saṃvatsaráṃ vívāsayati


Line : 3  Pada: e     sahásrasya pramā́si sahásrasya pratimā́sī́ti

Pada: f     sahásrasaṃmitā hī̀mé lokā́s \


Line : 4  Pada: g     gʰnánti vā́ etád agnér yád asyā́tra ná kriyáte yán ná cīyáte \

Pada: h     amŕ̥tam̐ híraṇyam \

Line : 5  Pada: i     yád dʰiraṇyaśalkaíḥ prokṣáti \

Pada: j     amŕ̥tenaivā́sya tanvàṃ pr̥ṇakti \


Pada: k     imā́ me agna íṣṭakā dʰenávas santv íti

Line : 6  Pada: l     dʰenū́r evaínāḥ kurute

Pada: m     tā́ enaṃ kāmadúgʰā amúṣmiṃl loká úpatiṣṭʰante


Line : 7  Pada: n     rudráṃ vaí devā́ yajñā́n nírabʰajan

Pada: o     sá devā́n ā́yatayābʰiparyā́vartata

Line : 8  Pada: p     té devā́ etác cʰatarudríyam apaśyan \

Pada: q     ténainam aśamayan

Pada: r     yác cʰatarudríyaṃ juhóti

Pada: s     ténaivaínam̐ śamayati //


Line : 9  Pada: t     jānudagʰné 'gre juhoti \

Pada: u     asyā́ evá rudrám ávayajate \

Pada: v     átʰa nābʰidagʰné \

Line : 10  Pada: w     antárikṣād evá rudrám ávayajate \

Pada: x     átʰa puruṣamātré \

Pada: y     amúṣyā evá rudrám ávayajate \

Line : 11  Pada: z     itá evórdʰváṃ rudrám ávayajate \


Pada: aa     átʰa puruṣamātré \

Pada: ab     átʰa nābʰidagʰné \

Pada: ac     átʰa jānudagʰné \

Line : 12  Pada: ad     amúta evā́rvā́ñcaṃ rudrám ávayajate


Pada: ae     tát ṣáṭ sáṃpadyate

Pada: af     ṣád vā́ r̥távas \

Line : 13  Pada: ag     r̥túbʰya evá rudráṃ nirávayajate *
      FN St: níravayajate


Pada: ah     gavīdʰukāsaktúbʰir vā jartílair vā kusayasarpíṣā vā mr̥gakṣīréṇa vā juhoti

Line : 14  Pada: ai     yád grāmyéṇa juhuyā́d grāmāvacāríṇaṃ rudráṃ kuryāt \

Line : 15  Pada: aj     āraṇyénaivā́raṇyám abʰí rudráṃ nirávayajate \


Pada: ak     arkaparṇéna juhoti \

Line : 16  Pada: al     arkó vā́ agnír

Pada: am     arkéṇaivaínam arkā́d ádʰi nirávayajate \


Pada: an     úttarasya pakṣásya yā́ caraméṣṭakā tásyāṃ juhoti \

Line : 17  Pada: ao     eṣā́ vaí rudrásya dík

Pada: ap     svā́yām evá diśí rudráṃ pratihŕ̥tyā́vayajate


Line : 18  Pada: aq     paśúr vā́ agnís \

Pada: ar     etárhi vā́ eṣá jāyate yárhi cīyáte

Pada: as     yátʰā vatsó jātás stánaṃ prépsaty eváṃ vā́ eṣá etárhi bʰāgadʰéyaṃ prépsati

Line : 19  Pada: at     sá yájamānaṃ caivā́dʰvaryúṃ ca dʰyāyati

Page: 45  
Line : 1  Pada: au     yác cʰatarudríyaṃ juhóti

Pada: av     bʰāgadʰéyenaivaínam̐ śamayati \


Line : 2  Pada: aw     áṅgiraso vaí svargáṃ lokáṃ yántas tè 'jā́yāṃ gʰarmáṃ prā́siñcan

Pada: ax     sā́ śócantī parṇáṃ párāmr̥śat

Line : 3  Pada: ay     sò 'rkò 'bʰavat

Pada: az     tád arkásyārkatvám \

Pada: ba     yád arkaparṇéna juhóti

Pada: bb     sayonitvā́ya


Line : 4  Pada: bc     yáṃ dviṣyā́t tásya saṃcaré paśūnā́ṃ nyasyet \

Pada: bd     yáḥ pratʰamáḥ paśúr ākrā́mati tá ā́rtim ā́rcʰanti *
      FN Mittwede, Textkritische Bemerkungen, p. 108: sá ā́rtim ā́rccʰati

Line : 5  Pada: be     yā́ uttamā́s tā́ yájamānaṃ vācayet \

Pada: bf     etā́ vaí devátās svargyā̀s

Line : 6  Pada: bg     tā́bʰir evá svargáṃ lokám eti \


Pada: bh     etā́ vaí devátā abʰicaraṇī́yās \

Pada: bi     yáṃ dviṣyā́t táṃ brūyād amúṃ vo jámbʰe dadʰāmī́ti \

Line : 7  Pada: bj     etā́bʰya evaínaṃ devátābʰya ā́vr̥ścati

Line : 8  Pada: bk     tāják prádʰanvati //


Anuvaka: 7  
Line : 9  Pada: a     aśmann ūrjaṃ parvate śiśriyāṇām ity adbʰiḥ pariṣiñcati

Pada: b     prajāpater vā eṣa raso yad āpaḥ

Line : 10  Pada: c     prajāpater evainaṃ rasena tarpayati

Pada: d     sa enaṃ tr̥ptaḥ prīto 'kṣudʰyann upatiṣṭʰate \


Line : 11  Pada: e     aśman te kṣud yaṃ dviṣmas taṃ te śug r̥ccʰatv iti

Pada: f     yam eva dveṣṭi tam asya kṣudʰā ca śucā cārpayati


Line : 12  Pada: g     triḥ pariṣiñcati

Pada: h     traya ime lokās \

Line : 13  Pada: i     ebʰya evainaṃ lokebʰyaś śamayati


Pada: j     triḥ punar apariṣiñcan paryeti

Pada: k     tat ṣaṭ saṃpadyate

Line : 14  Pada: l     ṣaḍ vā r̥tavas \

Pada: m     r̥tubʰya evainam̐ śamayati


Pada: n     yady abʰicaret triḥ punar apariṣiñcan parītya yā dakṣiṇā śroṇis tasyāṃ prakṣiṇīyād idam aham amum āmuṣyāyaṇam amuṣya putraṃ prakṣiṇāmīti

Line : 16  Pada: o     yaivāgnau śuk tām ādāya tayainam arpayati

Pada: p     taṃ bʰidyamānam anv ārtim ārcʰati


Line : 17  Pada: q     yan nāma gr̥hṇāti

Pada: r     mūlam evāsya ccʰinatti //


Line : 18  Pada: s     varuṇamenir vā eṣa saṃcitas \

Pada: t     maṇḍūkena vikarṣati

Pada: u     maṇḍūkasyāyuṣā vyeti

Page: 46  
Line : 1  Pada: v     na grāmyān paśūn hinasti nāraṇyān \

Pada: w     tasmād etaṃ vasantā ca prāvr̥ṣi cābʰigaccʰati

Line : 2  Pada: x     śucā hy eṣa r̥tas \


Pada: y     avakayā ca vetasaśākʰayā ca vikarṣati \

Pada: z     apāṃ vā etac cʰaro yad avakāpām etat puṣyaṃ yad vetasas \

Line : 3  Pada: aa     āpaś śāntās \

Pada: ab     śāntābʰir evāsya śucam̐ śamayati


Line : 4  Pada: ac     tisr̥bʰis

Pada: ad     trivr̥d vā agnir

Pada: ae     yāvān evāgnis tasya śucam̐ śamayati


Line : 5  Pada: af     prajāpatiḥ prajā asr̥jata

Pada: ag     tā akṣudʰyan \

Pada: ah     tābʰyo 'nnaṃ prāyaccʰat

Pada: ai     tā abruvan no * 'bʰūd iti \
      FN abruvann annaṃ no?

Line : 6  Pada: aj     annaṃ pāvakam \

Pada: ak     yat pāvakavatīr bʰavanti \

Pada: al     annādyāya

Pada: am     kam asmā agniś cikyānāya bʰavati


Line : 7  Pada: an     saptabʰir vikarṣayati

Pada: ao     sapta vai cʰandām̐si

Pada: ap     ccʰandobʰir evāsya śucam̐ śamayati \


Line : 8  Pada: aq     aṣṭābʰir vikarṣati \

Pada: ar     aṣṭākṣarā gāyatrī

Pada: as     gāyatro 'gnir

Pada: at     yāvān evāgnis tasya śucam̐ śamayati //


Line : 9  Pada: au     saṃlupyotkare 'dʰyasyati \

Pada: av     eṣā vā asyām̐ śuk

Line : 10  Pada: aw     cʰucy * evāsya śucaṃ dadʰāti
      FN < śucy


Pada: ax     yaṃ dviṣyāt tam abʰyasyet \

Pada: ay     śucaivainam arpayati


Pada: az     pañcagr̥hīta ājye pañca hiraṇyaśalkān avāsyati

Line : 11  Pada: ba     tejo vai hiraṇyam āyur gʰr̥tam \

Line : 12  Pada: bb     tejasaivāsyāyur vyāgʰārayati \

Pada: bc     atʰo paṅktyaivāhutyāgnim ālabʰate


Pada: bd     namas te harase śociṣa ity adʰikrāmati

Line : 13  Pada: be     namaskr̥tya hi śreyām̐sam upacaranti \


Pada: bf     akṣṇayā vyāgʰārayati \

Line : 14  Pada: bg     ajāmitvāya


Pada: bh     nr̥ṣade veḍ iti

Pada: bi     pratiṣṭʰityai


Pada: bj     hutādo vā anye devā ahutādo 'nye \

Line : 15  Pada: bk     agnicid attvaitān ubʰayān avarunddʰe

Pada: bl     yaj juhoti cāva cokṣati

Pada: bm     tān eva prīṇāti tān avarunddʰe te 'syobʰaye prītā yajñe bʰavanti //


Line : 16  Pada: bn     gurumuṣṭināvokṣati

Line : 17  Pada: bo     sa hi prājāpatyatamas

Pada: bp     tenāsya na hutaṃ bʰavati nāhutam \


Pada: bq     kr̥ṣṇājinasyopānahau kurute

Line : 18  Pada: br     brahmaṇo vā etad rūpaṃ yat kr̥ṣṇājinam \

Pada: bs     mr̥tyur agnis \

Pada: bt     brahmaṇaiva mr̥tyor antardʰatte \

Line : 19  Pada: bu     antar mr̥tyor dʰatte \


Pada: bv     antar annādyād anyatarām upānahaṃ kurvīta \

Line : 20  Pada: bw     antar mr̥tyor dʰatte \

Pada: bx     avānnādyaṃ runddʰe


Pada: by     prāṇair vā eṣa paśubʰir vyr̥dʰyate yo 'gniṃ cinute

Line : 21  Pada: bz     taṃ pratʰamo 'dʰikrāmati prāṇadā vyānadā iti

Pada: ca     prāṇair evainam̐ samardʰayati


Line : 22  Pada: cb     varcodā varivodā iti

Pada: cc     prajā vai varcaḥ paśavo * varivaḥ
      FN emended. Ed.: paśavā. Mittwede, Textkritische Bemerkungen, p. 108

Pada: cd     prajayā caivainaṃ paśubʰiś ca samardʰayati


Page: 47  
Line : 1  Pada: ce     prāṇadā apānadā ity avarohati

Pada: cf     rūpeṇaiva


Line : 2  Pada: cg     dvābʰyām \

Pada: ch     dvipād yajamānaḥ

Pada: ci     pratiṣṭʰityai //


Anuvaka: 8  
Line : 3  Pada: a     indro vai vr̥tram ahan \

Pada: b     tam̐ hataṣ ṣoḍaśabʰir bʰogair asināt

Pada: c     so 'gninā pāpmano bʰogān apidahya vaiśvakarmaṇābʰyāṃ pāpmano niramucyata

Line : 4  Pada: d     yad āgneyyā juhoti \

Line : 5  Pada: e     agninaiva pāpmano bʰogān apidahya vaiśvakarmaṇābʰyāṃ pāpmano nirmucyate \


Line : 6  Pada: f     ekaikayā juhuyād yadi kāmayeta ciraṃ pāpmano mucyeteti *
      FN Mittwede, Textkritische Bemerkungen, p. 109: mucyeyeti

Pada: g     ciram eva pāpmano mucyate


Line : 7  Pada: h     sakr̥t sarvān anūddrutyottamayā * juhuyād yadi kāmayetājiraṃ pāpmano mucyeteti * \
      FN Mittwede, Textkritische Bemerkungen, p. 109: anudrutyottamayā
      FN Mittwede, Textkritische Bemerkungen, p. 109: mucyeyeti

Line : 8  Pada: i     ajiram eva pāpmano mucyate //


Pada: j     ṣoḍaśaṃ bʰavati

Pada: k     ṣoḍaśakalaḥ puruṣas \

Line : 9  Pada: l     yāvān evāsyātmā taṃ pāpmano muñcati \

Pada: m     atʰo ṣoḍaśabʰir hi sa taṃ bʰogair asināt \


Line : 10  Pada: n     nānā sūktābʰyāṃ juhoti

Pada: o     sūktayor nānāvīryatvāya


Pada: p     samidʰa ādadʰāti

Line : 11  Pada: q     bʰāgedʰeyam evāsmā apidadʰāti

Pada: r     yatʰā janam eśyate 'vasaṃ karoty evam evaitad agnaya ātitʰyaṃ kriyate


Line : 12  Pada: s     tisra ādadʰāti

Pada: t     trivr̥d dʰy agnir

Pada: u     yāvān evāgnis tasmā ātitʰyaṃ karoti \


Line : 13  Pada: v     auḍumbarīr bʰavanti \

Pada: w     ūrg vā uḍumbaras \

Pada: x     ūrjam evāsmā apidadʰāti


Line : 14  Pada: y     gʰr̥tenānaktI \

Pada: z     etad vā agneḥ priyaṃ dʰāma yad gʰr̥tam \

Pada: aa     priyam evāsmai dʰāmātitʰyaṃ karoti \


Line : 15  Pada: ab     ud u tvā viśve devā iti

Pada: ac     prāṇā vai viśve devāḥ

Line : 16  Pada: ad     prāṇair evainam udyaccʰate

Pada: ae     manuṣyā vai viśve devās \

Pada: af     manuṣyair evainam udyaccʰate \


Pada: ag     agne bʰarantu cittibʰir iti

Line : 17  Pada: ah     yasmā evainaṃ cittāyodyaccʰate tenainam̐ samardʰayati //


Line : 18  Pada: ai     pañca diśa iti

Pada: aj     diśa evainam anupraṇayati


Pada: ak     dve parigr̥hyavatī bʰavatas \

Pada: al     rakṣasām apahatyai


Line : 19  Pada: am     harikeśas sūryaraśmir iti

Pada: an     sāvitrī

Pada: ao     prasūtyai


Pada: ap     devā devebʰyo adʰvarīyanto astʰur iti \

Line : 20  Pada: aq     āśiṣām evaiṣa dohas \


Pada: ar     vimāna eṣa iti

Pada: as     svargasyaivaiṣa lokasya vimānas \


Line : 21  Pada: at     ukṣā samudro aruṇas suparṇa ity aśmānam āgnīdʰre sādayati \

Line : 22  Pada: au     anārambʰaṇam iva vā etad anāyatanam iva yad antarikṣam

Pada: av     antarikṣam āgnīdʰram \

Line : 23  Pada: aw     yad āgnīdʰre sādayati \

Pada: ax     āyatanam eva karoti


Pada: ay     madʰye divo nihitaḥ pr̥śnir aśmeti \

Page: 48  
Line : 1  Pada: az     annaṃ pr̥śnī \

Pada: ba     annam evāvarunddʰe


Pada: bb     dvābʰyām̐ sādayati

Pada: bc     dvipād yajamānaḥ

Pada: bd     pratiṣṭʰityai //


Line : 2  Pada: be     ṣaḍbʰir āgnīdʰrād yanti

Pada: bf     ṣaḍ vā r̥tavas \

Pada: bg     r̥tubʰir eva


Pada: bh     catasr̥bʰir ā puccʰāt \

Pada: bi     catvāri vai cʰandām̐si

Line : 3  Pada: bj     ccʰandobʰir eva \


Pada: bk     indram iti \

Pada: bl     indriyam evāvarunddʰe \


Pada: bm     avīvr̥dʰann iti

Pada: bn     vr̥ddʰim evopaiti


Line : 4  Pada: bo     vājā iti \

Pada: bp     annaṃ vai vājās \

Pada: bq     annam evāvarunddʰe \


Pada: br     anuṣṭubʰā vaiśvadevyā yanti

Line : 5  Pada: bs     vāg vā anuṣṭub

Pada: bt     vaiśvadevī vāk

Pada: bu     sarvāṇi vā eṣā rūpāṇi

Pada: bv     sarvāṇi rūpāṇy agnau citye kriyante

Line : 6  Pada: bw     tasmād etayā yanti


Pada: bx     sumnahūr iti

Pada: by     yajño vai sumnam \

Line : 7  Pada: bz     yajñam evāvarunddʰe


Pada: ca     vājasya mā prasavenodgrābʰenodajīgr̥bʰam iti

Pada: cb     brahma vā udgrābʰo brahma nigrābʰas \

Line : 8  Pada: cc     asā āditya udyann udgrābʰa eṣa nimrocan nigrābʰas \

Line : 9  Pada: cd     brahmaṇaivātmānam udgr̥hṇāti brahmaṇā bʰrātr̥vyam avagr̥hṇāti \


Pada: ce     atʰā sapatnān indrāgnī me viṣūcīnān vyasyatām iti \

Line : 10  Pada: cf     ojo vai vīryam indrāgnī

Pada: cg     ojasaiva vīryeṇa bʰrātr̥vyaṃ vinudate //


Anuvaka: 9  
Line : 12  Pada: a     kramadʰvam agninā nākam iti

Pada: b     svargasya lokasyākramaḥ


Pada: c     prācīm anu pradiśaṃ prehi vidvān iti

Line : 13  Pada: d     devalokam evopāvartate


Pada: e     viśvā āśā dīdyad vibʰāhīti

Line : 14  Pada: f     tasmād agnis sarvā diśo vibʰāti


Pada: g     pr̥tʰivyā aham ud antarikṣam āruham antarikṣād divam āruham iti \

Line : 15  Pada: h     eṣām evaite lokānām̐ saṃkramās


Pada: i     svaryanto nāpekṣanta iti

Line : 16  Pada: j     svargasya lokasya samaṣṭyai \


Pada: k     agne prehi pratʰamo devāyatām iti

Pada: l     deveṣu caiva manuṣyeṣu ca cakṣur dadʰāti \


Line : 17  Pada: m     iyakṣamāṇā * bʰr̥gubʰis sajoṣā iti
      FN emended. Ed.: iyakṣamānā. Mittwede, Textkritische Bemerkungen, p. 109

Pada: n     svargam evainaṃ lokaṃ gamayati


Line : 18  Pada: o     pañcabʰir adʰikrāmati

Pada: p     pāṅkto 'gnis \

Pada: q     yāvān evāgnis tasmai namaskr̥tyādʰikrāmati //


Line : 19  Pada: r     naktoṣāsāgne sahasrākṣeti sam̐hitābʰyāṃ juhoti \

Line : 20  Pada: s     ahorātre eva saṃdadʰāti

Pada: t     tasmād ahorātre sam̐hite


Pada: u     kr̥ṣṇāyāś śvetavatsāyā juhoti \

Line : 21  Pada: v     ahnaivāsmai rātrīṃ pradāpayati

Pada: w     nānārūpā vai paśavo nānāvratās

Line : 22  Pada: x     ta etad eva prattim arūpayat


Pada: y     payasā juhoti \

Pada: z     etad evainam abʰisaṃjānānāḥ paśava upatiṣṭʰante


Line : 23  Pada: aa     dadʰnā svayamātr̥ṇṇāyāṃ juhoti \

Pada: ab     asau vai svayamātr̥ṇṇorg dadʰi \

Page: 49  
Line : 1  Pada: ac     amuṣyām evorjaṃ dadʰāti

Pada: ad     tasmād amuto 'rvācīm ūrjam upajīvanti


Pada: ae     suparṇo 'si garutmān iti gāyatryā sādayati \

Line : 2  Pada: af     asyām evainam ākramayati


Pada: ag     bʰāsāntarikṣam āpr̥ṇeti triṣṭubʰā \

Line : 3  Pada: ah     antarikṣam evainam ākramayati \


Pada: ai     ājuhvānas supratīkaḥ purastād iti jagatyā \

Line : 4  Pada: aj     amuṣyām evainam ākramayati \


Pada: ak     etābʰir evainaṃ devatābʰis sayujaṃ kr̥tvā pratiṣṭʰāpayati


Line : 5  Pada: al     tisr̥bʰis

Pada: am     trivr̥d vā agnir

Pada: an     yāvān evāgnis taṃ pratiṣṭʰāṃ gamayati //


Line : 6  Pada: ao     tām̐ savitur iti sāvitryādadʰāti

Pada: ap     prasūtyai \


Pada: aq     audumbarīm

Pada: ar     ūrg vā udumbaras \

Line : 7  Pada: as     ūrjam evāsmā apidadʰāti \


Pada: at     agniṃ vā ha vā agnicid duhe 'gnir vāgnicitaṃ duhe

Line : 8  Pada: au     kaṇvo ha vā etasya śrāyaso dohaṃ vidām̐cakāra

Pada: av     yatʰā gāṃ prattāṃ duha evam evaitayāgnim agnicid duhe \


Line : 9  Pada: aw     agne vidʰema ta iti \

Pada: ax     r̥ddʰyai


Pada: ay     vaikaṅkatīm

Line : 10  Pada: az     agner vai sr̥ṣṭasya vikaṅkataṃ bʰā ārcʰat

Pada: ba     tad evāvarunddʰe


Pada: bb     preddʰo agne dīdihi puro na iti śamīmayīm \

Line : 11  Pada: bc     śāntyai


Pada: bd     virājā \

Pada: be     eṣā vai sūrmī karṇakavatī \

Pada: bf     etām̐ ha vai somadakṣaḥ kauśreyas sattriṇaḥ papraccʰa vida yūyam̐ sūrmī3ṅ karṇakavatī3m iti

Line : 13  Pada: bg     yaivāraṇye tāṃ vidmeti

Pada: bh     paśavo vā etasyāḥ karṇaḥ

Pada: bi     paśūn evāvarunddʰe //


Line : 14  Pada: bj     etām̐ ha sma vai devā asurebʰyo vajram̐ śatagʰnīm iyadbʰyas tvety abʰyavasr̥janti

Line : 15  Pada: bk     vajram eva bʰrātr̥vyāva * praharati
      FN Mittwede, Textkritische Bemerkungen, p. 109

Pada: bl     str̥ṇuta * enam \
      FN emended. Ed.: str̥ṇvata. Mittwede, Textkritische Bemerkungen, p. 109


Pada: bm     sapta te agne samidʰa iti

Line : 16  Pada: bn     sāptāny evaitayā prīṇāti


Pada: bo     pūrṇayā srucā juhoti

Pada: bp     yatʰā vatsāya jātāya stanam apidadʰāty evam evāsmā etad bʰāgadʰeyam apidadʰāti


Line : 17  Pada: bq     dadʰnā purastāj juhoty ājyenopariṣṭāt \

Line : 18  Pada: br     ūrg vai dadʰi teja ājyam

Pada: bs     ūrjaṃ caivāsmim̐s tejaś ca samīcī uttame dadʰāti \

Line : 19  Pada: bt     atʰo ime evāsmai pradāpayati //



Anuvaka: 10  
Line : 20  Pada: a     atʰaitad apratiratʰam

Pada: b     etena vai devā asurān apratyabʰyajayan \

Pada: c     tad apratiratʰasyāpratiratʰatvam

Line : 21  Pada: d     apraty evaitena bʰrātr̥vyam abʰijayati \

Pada: e     eṣā vai gāyatrī jyotiṣpakṣā

Line : 22  Pada: f     tayaiva svargaṃ lokam eti


Pada: g     daśarcaṃ bʰavati

Pada: h     daśākṣarā virāḍ annaṃ virāḍ *
      FN emended. Ed.: annaṃ. cf. 20.1:19.15, 20.4:22.6, 23.8:84.16. Mittwede, Textkritische Bemerkungen, p. 107

Pada: i     virājy evānnādye pratitiṣṭʰati \


Page: 50  
Line : 1  Pada: j     etena ha sma vai bʰaradvājaḥ pratardanam̐ saṃnahyann eti *
      FN Mittwede, Textkritische Bemerkungen, p. 109: saṃnahyānveti

Pada: k     tato vai sa rāṣṭram abʰavat \

Line : 2  Pada: l     yaṃ kāmayeta rāṣṭram̐ syād iti tam etena saṃnahyann iyāt * \
      FN Mittwede, Textkritische Bemerkungen, p. 109: saṃnahyānvīyāt

Pada: m     rāṣṭram eva bʰavati


Line : 3  Pada: n     tad etad bʰuvanacyavaṃ nāma havis \

Pada: o     āstʰānādāstʰānād evaitena bʰrātr̥vyaṃ nudate


Line : 4  Pada: p     saṃgrāme kuryāt

Pada: q     taijano vā bāndʰuko vedʰmas syāt \

Pada: r     yady aṅgārāḥ prativeṣṭante praty amitrāṇām̐ senā veṣṭate \


Line : 5  Pada: s     atʰāgnaye vaiśvānāraya dvādaśakapālas

Line : 6  Pada: t     saṃvatsaro vā agnir vaiśvānaras \

Pada: u     eṣā saṃvatsarasya priyā tanūr yā vaiśvānarī

Line : 7  Pada: v     yad agnaye vaiśvānarāya

Pada: w     priyāyā evāsya tanva ātitʰyaṃ karoti //


Line : 8  Pada: x     kṣatraṃ vaiśvānaro viṇ marutas \

Pada: y     yad vaiśvānaraṃ mārutā anuhūyante

Pada: z     kṣatrāyaiva viśam anuniyunakti \


Line : 9  Pada: aa     uccair vaiśvānarasya yajaty upām̐śu mārutāñ juhoti

Pada: ab     tasmāt kṣatraṃ viśam ativadati


Line : 10  Pada: ac     paśur vā agnis \

Pada: ad     agnimukʰān prajāpatiḥ paśūn asr̥jata

Line : 11  Pada: ae     paśavo marutas \

Pada: af     yad vaiśvānaraṃ mārutā anuhūyante

Pada: ag     paśūnāṃ prajātyai


Pada: ah     yat prāṅ paryāvarteta devaviśā muhyet \

Line : 12  Pada: ai     yad dakṣiṇā pitr̥devatyas syāt \

Pada: aj     yat pratyaṅ rakṣasām̐ syāt \

Line : 13  Pada: ak     yad udaṅ mānuṣas syāt \

Pada: al     r̥juḥ pratiṣṭʰito hotavyas \

Pada: am     yajamānasya pratiṣṭʰityai \


Line : 14  Pada: an     atʰaite mārutās

Pada: ao     sapta saptakapālās

Pada: ap     saptasapta hi maruto saptadʰā gaṇās \


Line : 15  Pada: aq     gaṇena gaṇam anūddrutya * juhoti
      FN Mittwede, Textkritische Bemerkungen, p. 109

Pada: ar     gaṇaśa eva marutas tarpayati //


Pada: as     yo 'raṇye 'nuvākyo gaṇas tena madʰye juhoti

Line : 16  Pada: at     kṣatraṃ vā eṣa marutāṃ viḍ itare

Pada: au     kṣatram eva viśo madʰyameṣṭʰaṃ karoti


Line : 17  Pada: av     yadi kāmayeta viśā kṣatram̐ hanyām iti yo 'raṇye 'nuvākyo gaṇas tam itarair mohayet \

Line : 18  Pada: aw     viśaiva kṣatram̐ hanti


Pada: ax     yadi kāmayeta kṣatreṇa viśam̐ hanyām iti triṣṭubʰau yājyānuvākye kuryāt \

Line : 19  Pada: ay     ojo vai vīryaṃ triṣṭub

Line : 20  Pada: az     oja eva vīryaṃ viśa ādāya tāṃ kṣatrāyāpidadʰāti


Line : 21  Pada: ba     yaṃ kāmayeta kṣatrān nudeyeti yo 'raṇye 'nuvākyo gaṇas tenāgniṣṭʰaṃ ratʰavāhanaṃ vicālayet \

Page: 51  
Line : 1  Pada: bb     etad vai rājanyasya kṣatraṃ bibʰarti

Pada: bc     kṣatram eva marutām \

Pada: bd     kṣatreṇaivainaṃ kṣatrān nudate \


Line : 2  Pada: be     indraṃ daivīr viśo maruto 'nuvartmāna iti \

Pada: bf     etad vai devānām anuvartma

Line : 3  Pada: bg     devānām evānuvartmanā yajamānāyānuvartma karoti

Pada: bh     saṃ vā enam etad inddʰe yac cinoti

Line : 4  Pada: bi     dīpayati marunnāmaiḥ //


Anuvaka: 11  
Line : 5  Pada: a     vasordʰārāṃ juhoti

Pada: b     vasor me dʰārāsad iti vā eṣā hūyate

Pada: c     gʰr̥tasya vā eṣā dʰārāmuṣmiṃl loke yajamānam upatiṣṭʰate


Line : 6  Pada: d     saṃtataṃ juhoti \

Pada: e     annādyasya saṃtatyai \

Line : 7  Pada: f     aviccʰedāya


Pada: g     yaṃ dviṣyāt tasya viccʰindyāt \

Pada: h     annādyam evāsya viccʰinatti


Line : 8  Pada: i     gʰr̥tena juhoti

Pada: j     tejo vai gʰr̥tam \

Pada: k     tejo vasordʰārā

Pada: l     tejasy eva tejo dadʰāti \


Line : 9  Pada: m     akl̥ptasya vā eṣā kl̥ptyai hūyate \

Pada: n     anavaruddʰasyāvaruddʰyai \

Pada: o     anabʰijitasyābʰijityai


Line : 10  Pada: p     prāṇaś cāpānaś ceti

Pada: q     prāṇāpānā eva yajamāne dadʰāti \


Pada: r     annaṃ ca cakṣuś ceti \

Line : 11  Pada: s     etad vā annasya rūpam \

Pada: t     rūpeṇaivānnam avarunddʰe


Pada: u     dvādaśaitāni dvādaśāni juhoti

Line : 12  Pada: v     dvādaśa māsās saṃvatsaras

Pada: w     saṃvatsareṇaivānnādyam avarunddʰe //


Pada: x     agniś cāpaś ceti \

Line : 13  Pada: y     eṣā vā annasya yonis

Pada: z     sayony evānnam avarunddʰe \


Pada: aa     ardʰendrāṇi juhoti

Line : 14  Pada: ab     devatānām avaruddʰyai

Pada: ac     yad ardʰendrāṇi juhoti

Pada: ad     tasmād indro devatānāṃ bʰūyiṣṭʰabʰāg

Line : 15  Pada: ae     indram uttaraṃ karoti \

Pada: af     indriya eva yajamānaṃ pratiṣṭʰāpayati \


Pada: ag     am̐śuś ca raśmiś ceti

Line : 16  Pada: ah     yajñamukʰam vā am̐śuś ca raśmiś ca

Pada: ai     yajñamukʰam evāvarunddʰe


Pada: aj     srucaś ca camasāś ceti \

Pada: ak     etāni vai yajñasya rūpāṇi

Line : 17  Pada: al     rūpair eva yajñam avarunddʰe \


Pada: am     avabʰr̥tʰaś ca svagākāraś ceti

Line : 18  Pada: an     pratiṣṭʰityai \


Pada: ao     agniś ca gʰarmaś ceti \

Pada: ap     etad vā agner brahmavarcasyam \

Pada: aq     tad evāvarunddʰe


Line : 19  Pada: ar     triyaviś ca triyavī ceti \

Pada: as     etāvanti vai paśūnāṃ vayām̐si

Pada: at     savayasa eva paśūn avarunddʰe \


Line : 20  Pada: au     ekā ca tisraś ceti

Pada: av     manuṣyaccʰandasaṃ vā ekā ca tisraś ca

Line : 21  Pada: aw     manuṣyaccʰandasam evāvarunddʰe


Pada: ax     catasraś cāṣṭau ceti

Pada: ay     devaccʰandasaṃ vai catasraś cāṣṭau ca

Page: 52  
Line : 1  Pada: az     devaccʰandasam evāvarunddʰe //


Pada: ba     yugmadayujau stomau mitʰunau

Pada: bb     prajātyai

Line : 2  Pada: bc     mitʰunam eva dvyuttareṇa karoti

Pada: bd     pra caturuttareṇa janayati \


Pada: be     ekā ca tisraś cety ā trayastrim̐śato juhoti

Line : 3  Pada: bf     trayastrim̐śad devatās \

Pada: bg     devatā evāvarunddʰe


Pada: bh     catasraś cāṣṭau cety aṣṭācatvārim̐śatas \

Line : 4  Pada: bi     aṣṭācatvārim̐śadakṣarā jagatī

Pada: bj     jāgatāḥ paśavaḥ

Line : 5  Pada: bk     paśūn evāvarunddʰe \

Pada: bl     asminn eva loke manuṣyaccʰandasenardʰnoty amuṣmin devaccʰandasena \

Line : 6  Pada: bm     ubʰau lokā ājayati


Pada: bn     vājaś ca prasavaś ceti

Pada: bo     trayodaśaitā vyāhr̥tayas trayodaśamāsas saṃvatsaras \

Line : 7  Pada: bp     antata eva saṃvatsaraṃ rohati \


Pada: bq     āyur yajñena kalpatām iti

Line : 8  Pada: br     yajñasyaivaiṣā kl̥ptis \


Pada: bs     r̥k ca sāma ceti \

Pada: bt     annādyaṃ vai vasordʰārā \

Pada: bu     annādyam eva vasordʰārayāvarudʰyānnādo bʰūtvā


Line : 9  Pada: bv     stomaś ca yajuś ceti

Pada: bw     devakṣatraṃ vai stomaś ca yajuś ca \

Line : 10  Pada: bx     antata eva devakṣatraṃ prāvasyati //


Anuvaka: 12  
Line : 11  Pada: a     devā́ vaí vājaprasavyà ājím ayus

Pada: b     tád agnír údajayat \

Pada: c     yád vājaprasavyàṃ juhóti \

Line : 12  Pada: d     annā́dyasyójjityai \


Pada: e     ánnasyānnasya juhoti

Pada: f     sárvam evā́nnam ávarunddʰe


Pada: g     yásya ná juhóti téna vyr̥̀dʰyate

Line : 13  Pada: h     yásya ná juhuyā́t tád idʰmé 'pi prókṣet

Pada: i     ténaivá tád ávarunddʰe \


Line : 14  Pada: j     aúdumbareṇa sruvéṇa juhoti \

Pada: k     ū́rg vā́ udumbáras \

Pada: l     ūrjaívā́nnā́dyam ávarunddʰe \


Line : 15  Pada: m     agnér vā́ eṣò 'bʰiṣekás

Pada: n     tásmād agnicíd várṣati ná dʰāvet \

Pada: o     yád dʰā́vaty annā́dyād dʰāvati \


Line : 16  Pada: p     átʰaité rāṣṭrabʰŕ̥taḥ

Pada: q     kṣatráṃ vā́ eṣò 'gnīnā́ṃ yác cīyáte \

Pada: r     eté vā́ etásya rāṣṭráṃ bibʰrati

Line : 17  Pada: s     tád rāṣṭrabʰŕ̥tāṃ rāṣṭrabʰr̥ttvám \

Pada: t     taír evā́smai rāṣṭráṃ saṃpráyaccʰati


Pada: u     ṣáḍ eté

Pada: v     ṣád vā́ r̥távas \

Line : 18  Pada: w     r̥túbʰir evā́smai rāṣṭrám̐ saṃpráyaccʰati \

Pada: x     átʰo r̥túṣv evá prátitiṣṭʰati //


Line : 19  Pada: y     mitʰunā́ ā́hutayaḥ

Pada: z     prájātyai


Pada: aa     dvā́daśa

Pada: ab     dvā́daśa mā́sās saṃvatsarás

Pada: ac     saṃvatsaréṇaivā́svami rāṣṭrám̐ saṃpráyaccʰati \

Page: 53  
Line : 1  Pada: ad     átʰo saṃvatsará evá prátitiṣṭʰati


Pada: ae     ratʰamukʰé trayodaśī́ṃ juhoti

Line : 2  Pada: af     vájro vaí rátʰas \

Pada: ag     vájreṇaivá díśo 'bʰíjayati

Pada: ah     tā́ díśo 'bʰíjitā rátʰeneyate


Line : 3  Pada: ai     vātahomā́ñ juhoti

Pada: aj     vā́tam evā́varunddʰe \

Pada: ak     agnicítam̐ ha tvā́ eṣò 'múṣmiṃl lokè 'bʰípavate


Line : 4  Pada: al     trír juhoti

Pada: am     tráya imé lokā́s \

Pada: an     ebʰyá evá lokébʰyo vā́tam ávarunddʰe \

Line : 5  Pada: ao     imé 'smai lokā́ vā́taṃ dʰunvanti \


Pada: ap     añjalínā juhoti

Line : 6  Pada: aq     hástāvadāno vaí vāyús \

Pada: ar     ná vaí vāyúm avadā́nair ā́ptum arhati \

Pada: as     ekadʰaívaínam āpnoti


Line : 7  Pada: at     samudró 'si nábʰasvān íti \

Pada: au     etā́ni vaí vā́tasya rūpā́ṇi

Pada: av     rūpaír evá vā́tam ávarunddʰe //


Line : 8  Pada: aw     prāṇó vaí gāyatrī́

Pada: ax     gāyatrám̐ havirdʰā́nam \

Pada: ay     vyānás triṣṭup

Pada: az     traíṣṭubʰam ā́gnīdʰram

Line : 9  Pada: ba     apānó jágatī

Pada: bb     jā́gatam̐ sádas \

Pada: bc     mádʰye divó níhitaḥ pŕ̥śnir áśméti \

Line : 10  Pada: bd     ásur vā́vá sá pŕ̥śnir áśmā \

Pada: be     ásum evá prāṇāpānáyor vyávadadʰāti

Pada: bf     prāṇāpānáyor vídʰr̥tyai \


Line : 11  Pada: bg     ékavim̐śatim̐ hotrī́ya úpadadʰāti \

Pada: bh     ekavim̐śó vaí stómānāṃ pratiṣṭʰā́

Line : 12  Pada: bi     prátiṣṭʰityai \


Pada: bj     ékādaśa brāhmaṇāccʰam̐syè \

Pada: bk     ékādaśākṣarā triṣṭúb

Line : 13  Pada: bl     vīryàṃ triṣṭúb

Pada: bm     vīryàm evā́varunddʰe \


Pada: bn     aṣṭā́aṣṭā ítareṣu \

Pada: bo     aṣṭā́kṣarā gāyatrī́

Pada: bp     gāyatryā́m evá prátitiṣṭʰati


Line : 14  Pada: bq     ṣáṇ mārjālī́ye

Pada: br     ṣáḍ vā́ r̥távas \

Pada: bs     r̥táva etáṃ dakṣiṇā́ páryaharan

Line : 15  Pada: bt     pitára r̥távas

Pada: bu     tásmād átra ṣáḍ úpadʰīyante //


Anuvaka: 13  
Line : 16  Pada: a     iyaṃ vām asya manmanas \

Pada: b     śuciṃ nu stomam \

Pada: c     maruto yad dʰa vo divas \

Pada: d     yā vaś śarma \

Line : 17  Pada: e     imam me varuṇa

Pada: f     tat tvā yāmi

Pada: g     kayā naś citraḥ //

Line : 18  Pada: h     kayā tac cʰr̥ṇve śacyā śaciṣṭʰo yayā kr̥ṇoti muhu kācid r̥ṣvaḥ /

Line : 19  Pada: i     puru dāśuṣe vicayiṣṭʰo am̐ho 'tʰā dadʰāti draviṇaṃ jaritre //

Line : 20  Pada: j     ud uttamaṃ mumugdʰi no vi pāśaṃ madʰyamaṃ cr̥ta /

Line : 21  Pada: k     avādʰamāni jīvase //

Page: 54  
Line : 1  Pada: l     ud uttamaṃ varuṇa pāśam asmat

Pada: m     tvaṃ no agne

Pada: n     sa tvaṃ no agne //

Line : 2  Pada: o     anīkavantam * ūtaye 'gniṃ dʰībʰir havāmahe /
      FN emended. Ed.: anekavantam. Mittwede, Textkritische Bemerkungen, p. 109

Line : 3  Pada: p     sa naḥ parṣad ati dviṣaḥ //

Line : 4  Pada: q     sainānīkena suvidatro asme yaṣṭā devām̐ āyajiṣṭʰas svasti /

Line : 5  Pada: r     adabdʰo gopā uta naḥ paraspā agne dyumad uta revad didīhi //

Line : 6  Pada: s     sāṃtapanā idam̐ havir marutas taj jujuṣṭana /

Line : 7  Pada: t     yuṣmākotī riśādasaḥ //

Line : 8  Pada: u     yo no marto maruto durhr̥ṇāyus tiraś cittāni * vasavo jigʰām̐sati /
      FN Mittwede, Textkritische Bemerkungen, p. 109

Line : 9  Pada: v     druhaḥ pāśaṃ prati ṣū mucīṣṭa tapiṣṭʰena tapasā hantanā tam //

Line : 10  Pada: w     gr̥hamedʰā riśādaso maruto māpabʰūtana /

Line : 11  Pada: x     pramuñcanto no am̐hasaḥ //

Line : 12  Pada: y     pra budʰnyā va īrate mahām̐si pra nāmāni prayajyavas tiradʰvam /

Line : 13  Pada: z     sahasriyaṃ damyaṃ bʰāgam etaṃ gr̥hamedʰīyaṃ maruto juṣadʰvam //

Line : 14  Pada: aa     krīḍaṃ vaś śardʰo mārutam anarvāṇaṃ ratʰeśubʰam /

Line : 15  Pada: ab     kaṇvā abʰi pragāyata //

Line : 16  Pada: ac     atyāso na ye marutas svañco yakṣadr̥śo na śubʰayanta maryāḥ /

Line : 17  Pada: ad     te harmyeṣṭʰāś śiśavo na śubʰrā vatsāso na prakrīḍinaḥ payodʰāḥ //

Line : 18  Pada: ae     indrāgnī

Pada: af     śnatʰad vr̥tram

Pada: ag     ā tū na indra

Pada: ah     tvaṃ mahām̐ indra //

Line : 19  Pada: ai     viśvakarman haviṣā vāvr̥dʰānas svayaṃ yajasva pr̥tʰivīm uta dyām /

Line : 20  Pada: aj     muhyantv anye abʰito janāsa ihāsmākaṃ magʰavā sūrir astu //

Page: 55  
Line : 1  Pada: ak     vācaspatiṃ viśvakarmāṇam ūtaye manojuvaṃ vāje adyā huvema * /
      FN emended. Ed.: adyāhuvema. Raghuvira, KpS, xxvi. Mittwede, Textkritische Bemerkungen, p. 110

Line : 2  Pada: al     sa no nediṣṭʰam̐ havanāni joṣad viśvaśaṃbʰūr avase sādʰukarmā //


Anuvaka: 14  
Line : 3  Pada: a     uśántas tvā havāmaha uśántas sámidʰīmahi /

Line : 4  Pada: b     uśánn uśatá ā́vaha pitŕ̥̄n havíṣe áttave //

Line : 5  Pada: c     tvám̐ soma prácikito manīṣā́ tváṃ rájiṣṭʰam ánuneṣi pántʰām /

Line : 6  Pada: d     táva práṇītī pitáro na indo devéṣu rátnam abʰajanta dʰī́rāḥ //

Line : 7  Pada: e     tváyā hí naḥ pitáras soma pū́rve kármāṇi cakrúḥ pávamāna dʰī́rāḥ /

Line : 8  Pada: f     vanvánn ávātaḥ paridʰī́r áporṇu vīrébʰir áśvair magʰávā bʰavā naḥ //

Line : 9  Pada: g     tvám̐ soma pitŕ̥bʰis * saṃvidānó 'nu dyā́vāpr̥tʰivī́ ā́tatantʰa /
      FN cf. 17.19:264.4

Line : 10  Pada: h     tásmai ta indo havíṣā vidʰema vayám̐ syāma pátayo rayīṇā́m //

Line : 11  Pada: i     bárhiṣadaḥ pitara ūty àrvā́g imā́ vo havyā́ cakr̥mā juṣádʰvam /

Line : 12  Pada: j     tá ā́ gatā́vasā śáṃtamenā́tʰā naś śáṃ yór arapó dadʰāta //

Line : 13  Pada: k     ā́háṃ pitŕ̥̄n suvidátrām̐ avitsi nápātaṃ ca vikrámaṇaṃ ca víṣṇoḥ /

Line : 14  Pada: l     barhiṣádo yé svadʰáyā sutásya bʰájanta pitvás tá ihā́gamiṣṭʰāḥ //

Line : 15  Pada: m     úpahūtāḥ pitáras somyā́so barhiṣyèṣu nidʰíṣu priyéṣu /

Line : 16  Pada: n     tá ā́gamantu tá ihá śruvantv ádʰi bruvantu tè 'vantv asmā́n //

Line : 17  Pada: o     ágniṣvāttāḥ pitara éhá gaccʰata sádassadas sadata supraṇītayaḥ /

Line : 18  Pada: p     attā́ havī́m̐ṣi práyatāni barhíṣy átʰā rayím̐ sárvavīraṃ dadʰātana //

Line : 19  Pada: q     ágniṣvāttā ŕ̥tāvr̥dʰaḥ pítaro mr̥ḍatā sú naḥ /

Line : 20  Pada: r     pramuñcántu no ám̐hasaḥ //

Page: 56  
Line : 1  Pada: s     agniṣvāttā́n r̥tumáto havāmahe nárāśám̐se somapītʰáṃ yá ānaśúḥ /

Line : 2  Pada: t     tá ā́gamantu tá ihá śruvantv ádʰi bruvantu tè 'vantv asmā́n //

Line : 3  Pada: u     sá pū́rvayā nivídā kavyátāyór imā́ḥ prajā́ ajanayan mánūnām /

Line : 4  Pada: v     vivásvatā cákṣasā dyā́m apáś ca devā́ agníṃ dʰārayan draviṇodā́ḥ //

Line : 5  Pada: w     yó agníḥ kavyavā́hanaḥ pitŕ̥̄n yákṣad r̥tāvŕ̥dʰaḥ /

Line : 6  Pada: x     préd u havyā́ni vocati devébʰyaś ca pitŕ̥bʰya ā́ //

Line : 7  Pada: y     tvád agne kā́vyā tván manīṣā́s tvád uktʰā́ * jāyante rā́dʰyāni /
      FN emended. Ed.: uktā́

Line : 8  Pada: z     tvád eti dráviṇaṃ vīrápeśā ittʰā́dʰiye dāśúṣe mártyāya //

Line : 9  Pada: aa     vāyúr agregā́ḥ

Pada: ab     prá yā́bʰir yā́si //

Line : 10  Pada: ac     sī́rā yuñjanti kaváyo yugā́ vítanvate pŕ̥tʰak /

Line : 11  Pada: ad     dʰī́rā índrāya sumnayā́ //

Line : 12  Pada: ae     śunám̐ huvema magʰávānam índram asmín bʰáre nŕ̥tamaṃ vā́jasātau /

Line : 13  Pada: af     śr̥ṇvántam ugrám ūtáye samátsu gʰnántaṃ vr̥trā́ṇi saṃjítaṃ dʰánānām //

Line : 14  Pada: ag     úd u tyám \

Pada: ah     citráṃ devā́nām //

Line : 15  Pada: ai     índraṃ vayám̐ śunāsīrám asmín yajñé havāmahe /

Line : 16  Pada: aj     ihá devám̐ surā́dʰasam //

Line : 17  Pada: ak     índraṃ vayáṃ dʰánapatim̐ sūnúm anvā́rabʰāmahe /

Line : 18  Pada: al     sá naḥ pitéva putrébʰya ī́śānaś śárma yaccʰatu //


Line : 19  Pada: am     iti śrīmadyajurvedakāṭʰake carakaśākʰāyāṃ madʰyamikāyāṃ pañcacūḍaṃ nāma ekaviṃśaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.