TITUS
Black Yajur-Veda: Kathaka-Samhita
Part No. 26
Previous part

Sthanaka: 26  
Anuvaka: 1  
Page: 120  
Line : 1  Pada: a     dʰiṣṇyā nyupyante \

Pada: b     anayor lokayor vidʰr̥tyai


Pada: c     ny anya upyante nānye

Pada: d     ye nyupyanta imaṃ tair lokaṃ dādʰāra

Line : 2  Pada: e     ye na nyupyante 'muṃ taiḥ

Pada: f     parāṅ hy asau loko 'niruktas \


Line : 3  Pada: g     agnir vai devebʰyo 'pākrāmat

Pada: h     sa pr̥tʰivīṃ prāviśat

Pada: i     taṃ jānudagʰne 'nvavindan \

Line : 4  Pada: j     tasmāj jānudagʰnaṃ kʰeyam

Pada: k     anuvidyaivaitān nivapati


Pada: l     cātvālān nivapati \

Line : 5  Pada: m     eṣā vā agner yonis

Pada: n     svād evainān yoner nivapati


Pada: o     yo vedyās tīrtʰaṃ veda na sadasyām ārtim ārcʰati

Line : 6  Pada: p     prācīnam āgnīdʰrāt pratīcīnaṃ cātvālāt tena saṃcaret \

Line : 7  Pada: q     etad vai vedyās tīrtʰam \

Pada: r     ya evaṃ veda na sadasyām ārtim ārcʰati


Pada: s     na pratyaṅ sado 'tīyād adʰvaryus \

Line : 8  Pada: t     udaraṃ vā etad yajñasya yat sadas \

Pada: u     udaraṃ yajñasya saṃkarṣet pramīyeta

Line : 9  Pada: v     jano vā eṣo 'dʰvaryor janam eti janatā janatām abʰītya jināti


Line : 10  Pada: w     yady atīyād aindryā saṃcaret \

Pada: x     aindraṃ vai sadas

Pada: y     svayaiva devatayā saṃcarati


Pada: z     na prāṅ havirdʰānam \

Line : 11  Pada: aa     śiro vā etad yajñasya yad dʰavirdʰānam \

Pada: ab     śiro yajñasya saṃkarṣet pramīyeta


Line : 12  Pada: ac     yady atīyād vaiṣṇavyā saṃcaret \

Pada: ad     vaiṣṇavaṃ vai havirdʰānam \

Pada: ae     svayaiva devatayā saṃcarati


Line : 13  Pada: af     tad āhuḥ kṣaitrapatyayaiva saṃcared iti \

Pada: ag     iyaṃ kṣetrasya patis

Pada: ah     tenāsyā naiti \


Line : 14  Pada: ai     amuṣmin vai loke soma āsīt

Pada: aj     taṃ dʰiṣṇyā agopāyan \

Pada: ak     taṃ gāyatry āharat \

Line : 15  Pada: al     neṣṭāpotroḥ prati gopītʰam \

Pada: am     tasmād ete hotre vyr̥ddʰe vyr̥ddʰasomapītʰe

Pada: an     tasmān na neṣṭrā na potrā bʰavitavyam \

Line : 16  Pada: ao     tasmād etau sam̐sacantā * iva yajatas
      FN Mittwede, Textkritische Bemerkungen, p. 124, 116

Pada: ap     tam ete 'nvāyan dvitīyāni nāmāni kr̥tvā

Line : 17  Pada: aq     tasmād brāhmaṇo dvināmārdʰukas

Pada: ar     taṃ paryaviśan bʰāgadʰeyam iccʰamānās

Line : 18  Pada: as     tebʰya etad bʰāgadʰeyam akalpayat \

Pada: at     yad dʰiṣṇyān vyāgʰārayati

Line : 19  Pada: au     svenaivainān bʰāgadʰeyena samardʰayati


Pada: av     teṣāṃ ye nediṣṭʰaṃ paryaviśam̐s te somapītʰaṃ prāpnuvann āhavanīya āgnīdʰro hotrīyas

Line : 20  Pada: aw     tasmād eta uparyupari vaṣaṭkurvantaṃ na him̐santi

Page: 121  
Line : 1  Pada: ax     prītā hi


Pada: ay     na pratyaṅ dʰiṣṇyān atisarped adʰvaryuḥ

Line : 2  Pada: az     prāṇā vai dʰiṣṇyāḥ

Pada: ba     prāṇān saṃkarṣet \


Pada: bb     na pratyaṅ hotāram \

Pada: bc     nābʰir vā eṣā yajñasya yad dʰotā \

Line : 3  Pada: bd     ūrdʰvaṃ nābʰyāḥ prāṇo 'vācīnam apānas \

Pada: be     apāne prāṇaṃ dadʰyāt pramīyeta //


Line : 4  Pada: bf     dakṣiṇato vai devānāṃ yajñaṃ rakṣām̐sy abʰyajayan \

Pada: bg     tam āgnīdʰrāt punar apājayan

Line : 5  Pada: bh     yad āgnīdʰrād dʰiṣṇyān viharanti

Pada: bi     yajñasyābʰijityai

Pada: bj     rakṣasām apahatyai


Line : 6  Pada: bk     jambʰo vai nāmāsura āsīt

Pada: bl     sa devānāṃ yajñam agirat

Pada: bm     sa āgnīdʰram api nāgirat \

Line : 7  Pada: bn     yad āgnīdʰrād dʰiṣṇyān viharanti

Pada: bo     tena yajño jīvas

Pada: bp     tena medʰyas \


Pada: bq     aṅgārān pūrvayos savanayor viharanti

Line : 8  Pada: br     śukravatī hi te


Pada: bs     śalākān dīpyamānām̐s tr̥tīyasavane

Line : 9  Pada: bt     tena tac cʰukravat


Pada: bu     sarvāṇy asya savanāni śukravanti bʰavanti ya evaṃ veda //


Line : 10  Pada: bv     prācībʰir vā āhutibʰir devā anyān asurān prāṇudanta pratīcībʰir anyān

Line : 11  Pada: bw     pratyañco dʰiṣṇyā vyāgʰāryante prācīr anyā āhutayo hūyante *
      FN emended. Ed.: huyante. Raghuvira, KpS, xxvii. Mittwede, Textkritische Bemerkungen, p. 124

Pada: bx     bʰrātr̥vyasya vinuttyai \


Line : 12  Pada: by     agner vā etā vaiśvānarasya priyās tanvo yad dʰiṣṇyās \

Line : 13  Pada: bz     yad dʰiṣṇyān vyāgʰārayati

Pada: ca     tā evaitat samuddʰarṣayati \


Pada: cb     agnir vā eṣa vaiśvānara upāvasr̥jyate yad agniṣṭomas

Line : 14  Pada: cc     sa īśvaro 'śānto yajamānaṃ ca sadasyām̐ś cābʰyuṣaḥ

Line : 15  Pada: cd     prorṇuvīta

Pada: ce     yajamāna ātmano 'nabʰidāhāya


Pada: cf     tr̥tīyasavane * vai yajñasyāśiṣa īrate
      FN emended. Ed.: savane. Mittwede, Textkritische Bemerkungen, p. 124

Line : 16  Pada: cg     yat prorṇuvīta tābʰya ātmānam antardadʰyāt \

Pada: ch     nābʰiṃ vai pitaro 'bʰisaṃjānate \

Line : 17  Pada: ci     āvir nābʰiṃ kurvīta \

Pada: cj     abʰīva karṇau prorṇuvīta

Pada: ck     nāśīrbʰya ātmānam antardadʰāti

Line : 18  Pada: cl     jānanty * enaṃ pitaras \
      FN emended. Ed.: jānantv. cf. KpS.40.4:266.14. Mittwede, Textkritische Bemerkungen, p. 124


Pada: cm     gʰnanti vā etat somaṃ yad abʰiṣuṇvanti

Line : 19  Pada: cn     yāvantaḥ prasr̥ptās syus te sarve 'gniṣṭomam upagāyeyur

Pada: co     anto vā agniṣṭomas \

Line : 20  Pada: cp     antam evainam āgatya samīrayanti \


Pada: cq     indriyāya vai kaṃ brāhmaṇas somaṃ pibati

Line : 21  Pada: cr     yad upagāyed indriyaṃ nissvaret

Pada: cs     tasmān nopageyam \


Pada: ct     saṃvatsaro vā agniṣṭomas \

Page: 122  
Line : 1  Pada: cu     dvādaśāgniṣṭomasya stotrāṇi

Pada: cv     dvādaśa māsās saṃvatsaras

Pada: cw     saṃvatsaraṃ prajā anuprajāyante

Line : 2  Pada: cx     yad agniṣṭomasya stotre 'pa upapravartayati

Pada: cy     prajananāya


Line : 3  Pada: cz     yad vai patnī yajñe karoti tan mitʰunam \

Pada: da     yat patny apa upapravartayati

Pada: db     mitʰuna eva retaḥ prasiñcati \


Line : 4  Pada: dc     udgātrā patnīm̐ saṃkʰyāpayati

Pada: dd     vr̥ṣā vā udgātā

Pada: de     patnyāḥ prajāḥ prajāyante

Line : 5  Pada: df     vr̥ṣāṇam evāsyām apisr̥jati

Pada: dg     prajananāya \


Pada: dh     ūrubʰyāṃ pravartayati \

Line : 6  Pada: di     ūrubʰyām̐ hi prajāḥ prajāyante

Pada: dj     prajananāya \

Pada: dk     antarata iva nu devatā \

Pada: dl     antarato hy eṣā vīryaṃ karoti


Line : 7  Pada: dm     dūram uparyudūheta \

Pada: dn     ahrītamukʰy asyā jāyate


Pada: do     na dakṣiṇā pravartayet \

Line : 8  Pada: dp     yad dakṣiṇā pravartayet pitr̥bʰyaḥ prajāṃ nidʰūvet \


Pada: dq     udīcīḥ prācīḥ * pravartayati \
      FN emended. Ed.: udīcīḥ prācī. Oertel, Zur Kapiṣṭʰala-Kaṭʰa-Saṃhitā, p.26. Mittwede, Textkritische Bemerkungen, p. 124

Line : 9  Pada: dr     eṣā vai manuṣyāṇāṃ diṅ *
      FN < diś

Pada: ds     manuṣyaloka evainā upaprajanayati //


Anuvaka: 2  
Line : 10  Pada: a     upasadbʰir vai devā imāṃl lokān abʰyajayan * \
      FN emended. Ed.: vyajayan. Mittwede, Textkritische Bemerkungen, p. 124

Pada: b     tān vaisarjanair abʰivyasr̥janta yatʰā grāmas saṃgrāmād visr̥jyate

Line : 11  Pada: c     tad vaisarjanānāṃ vaisarjanatvam \


Pada: d     prāñcam̐ somam ime praṇayanti

Line : 12  Pada: e     prācīṃ patnīm udānayanti \

Pada: f     imān evaital lokān abʰiprayanti \


Pada: g     agninā vai mukʰena devā imāṃl lokān abʰyajayan gārhapatyenemam āgnīdʰreṇāntarikṣam āhavanīyenāmum \

Line : 14  Pada: h     yad gārhapatyas \

Pada: i     imaṃ tena lokam abʰijayati

Pada: j     yad āgnīdʰras \

Pada: k     antarikṣaṃ tena

Line : 15  Pada: l     yad āhavanīyas \

Pada: m     amuṃ tena


Pada: n     svargāya vā eṣa lokāya prahriyate

Pada: o     dvābʰyāṃ gārhapatye juhoti

Line : 16  Pada: p     dvipād yajamānas \

Pada: q     asyām evainam ākramayati

Pada: r     yad āgneyyāgnīdʰre juhoti \

Line : 17  Pada: s     antarikṣa evainam ākramayati

Pada: t     yad viṣṇavyāhavanīye juhoti

Pada: u     svargam evainaṃ lokaṃ gamayati

Line : 18  Pada: v     svargo hi loka āhavanīyas \


Pada: w     rakṣām̐si vā etam etarhi jigʰām̐santi pracyutam ito 'prāptam adas

Line : 19  Pada: x     tvam̐ someti saumyā gārhapatye juhoti

Line : 20  Pada: y     saumīr imāḥ prajāḥ

Pada: z     prajābʰya evainaṃ prāha

Pada: aa     juṣāṇo aptur iti \

Line : 21  Pada: ab     aptum evainaṃ kr̥tvemām atinayati

Pada: ac     yad āgneyyāgnīdʰre juhoti \

Pada: ad     agnim evainaṃ kr̥tvāntarikṣam atinayati *
      FN emended. Ed.: apinayati. Raghuvira, KpS, xxvii. Mittwede, Textkritische Bemerkungen, p. 124

Page: 123  
Line : 1  Pada: ae     yad vaiṣṇavyāhavanīye juhoti

Pada: af     svargam evainaṃ lokaṃ gamayati

Line : 2  Pada: ag     svargo hi loka āhavanīyas


Pada: ah     sarvebʰyo vā eṣa āhriyate manuṣyebʰyaḥ pitr̥bʰyo devebʰyas

Line : 3  Pada: ai     tvam̐ someti saumyā gārhapatye juhoti

Pada: aj     saumīr imāḥ prajāḥ

Line : 4  Pada: ak     prajābʰya evainaṃ prāha

Pada: al     juṣāṇo aptur iti

Pada: am     pitr̥bʰya evainaṃ prāha

Pada: an     yad āgneyyāgnīdʰre juhoti \

Line : 5  Pada: ao     agnis sarvā devatās \

Pada: ap     devatābʰya evainaṃ prāha //


Pada: aq     vaiṣṇavo vai somas

Line : 6  Pada: ar     taṃ devatayā vyardʰayati yad anyāmanyāṃ devatāṃ karoti

Pada: as     yad vaiṣṇavyāhavanīye juhoti

Line : 7  Pada: at     svayaivainaṃ devatayā samardʰayati


Pada: au     sarvān vā etad varuṇo gr̥hṇāti yad dīkṣite manuṣyān pitr̥̄n devān \

Line : 8  Pada: av     tvam̐ someti saumyā gārhapatye juhoti

Line : 9  Pada: aw     saumīr imāḥ prajāḥ

Pada: ax     prajā eva varuṇapāśān muñcati

Pada: ay     juṣāṇo aptur iti

Line : 10  Pada: az     pitr̥̄n eva varuṇapāśān muñcati

Pada: ba     yad āgneyyāgnīdʰre juhoti \

Pada: bb     agnis sarvā devatās \

Line : 11  Pada: bc     devatā eva varuṇapāśān muñcati

Pada: bd     so 'nr̥ṇa imāṃl lokān abʰivisr̥jamāna eti

Line : 12  Pada: be     tad vaisarjanānāṃ vaisarjanatvam //

Pada: bf     tasmād āhur api vā etarhy āraṇyebʰyaḥ paśubʰyo visr̥jata iti \


Line : 13  Pada: bg     āgnīdʰre grāvavāyavyāni sādayati

Pada: bh     prāñcam̐ somaṃ praṇayati \

Line : 14  Pada: bi     etair vā etaṃ gʰnanti

Pada: bj     hantr̥bʰir evainaṃ vyāvartayati

Pada: bk     na hantr̥̄n pratipadyate ya evaṃ veda


Line : 15  Pada: bl     na * purastāt pratipadyeta
      FN Ed lacks na. This sentence must be prohibition. cf. KpS.40.5:268.20. Mittwede, Textkritische Bemerkungen, p. 124

Pada: bm     rudro vā agniḥ paśavo 'm̐śavas \

Pada: bn     rudrāya paśūn apidadʰyād apaśus syāt


Line : 16  Pada: bo     paścāt prāñcaḥ prapadyante

Pada: bp     śrīr vai somaḥ

Pada: bq     paścād iva prāṅ śriyam āpnoti

Line : 17  Pada: br     tasmāt paścāt prācīḥ prajāḥ kṣetrāṇy abʰijayantīr yanti


Pada: bs     purastād gataśrīḥ prapadyeta

Line : 18  Pada: bt     purastād eva pratyaṅ śriyam āpnoti \

Pada: bu     imam eva lokam abʰi pratitiṣṭʰati


Line : 19  Pada: bv     paścāt somaṃ prapādayanti

Pada: bw     purastād yajamānaḥ prapadyate \

Pada: bx     ubʰayata evāsmai śriyaṃ parigr̥hṇāti \


Line : 20  Pada: by     urv antarikṣaṃ vīhīti \

Pada: bz     antarikṣadevatyo hy eṣa etarhi \


Line : 21  Pada: ca     adityās tvag asy adityās sadane sīdeti \

Pada: cb     ādityo vai somaḥ pr̥tʰivy aditiḥ

Pada: cc     pr̥tʰivyā anas saṃbʰr̥tam \

Line : 22  Pada: cd     sva evainaṃ yonau dadʰāti //


Pada: ce     deva savitar eṣa te soma iti

Line : 23  Pada: cf     savitā vai devānām adʰipatis \

Pada: cg     manuṣyā etam ataḥ prācīnaṃ gopāyanti

Page: 124  
Line : 1  Pada: ch     tasmā evainam̐ saṃprayaccʰati

Pada: ci     gopītʰāya \


Pada: cj     etat tvaṃ deva soma devān upāgā iti

Line : 2  Pada: ck     devo hy eṣa devān upaiti \


Pada: cl     idam ahaṃ manuṣyān saha prajayā saha rāyaspoṣeṇeti

Line : 3  Pada: cm     sahaiva prajayā paśubʰir imaṃ lokam upāvartate


Pada: cn     namo devebʰyas svadʰā pitr̥bʰya iti

Line : 4  Pada: co     namo hi devānām̐ svadʰā pitr̥̄ṇām \


Pada: cp     nir druho nir varuṇasya pāśān mukṣīyeti

Line : 5  Pada: cq     druha evainaṃ varuṇapāśān muñcati


Pada: cr     svar abʰivyakʰyam iti \

Pada: cs     ime vai lokās svar

Line : 6  Pada: ct     imān eva lokān abʰivipaśyati \


Pada: cu     agne vratapā iti \

Pada: cv     agninā vā eṣa tanvaṃ viparidʰatte tānūnaptre

Line : 7  Pada: cw     sainam īśvarā him̐sitor

Pada: cx     agninaivaitat tanvaṃ yatʰāyatʰaṃ kurute \

Line : 8  Pada: cy     etarhi vā eṣa devais tanvaṃ visr̥jate

Pada: cz     tad vaisarjanānāṃ vaisarjanatvam \


Line : 9  Pada: da     yātmanas tāṃ pūrvāṃ brūyāt \

Pada: db     yad itarasya pūrvāṃ brūyād īśvaro nikamas \

Line : 10  Pada: dc     yaṃ dviṣyāt tasyottarāṃ * brūyāt \
      FN emended. Ed.: tasyottaraṃ. Mittwede, Textkritische Bemerkungen, p. 125

Pada: dd     agnir vai rudras \

Pada: de     rudrāyaivainam apidadʰāti tājak pradʰanvati //


Anuvaka: 3  
Line : 12  Pada: a     na dīkṣitena hotavyam \

Pada: b     havir vai dīkṣito rudro 'gnir

Pada: c     yaj juhuyād dʰavirbʰūtam ātmānaṃ rudrāyāpidadʰyāt \


Line : 13  Pada: d     yan na juhuyād yajñaparur antariyāt \

Pada: e     yadi krītas somas syād dīkṣitasyāgnau juhuyāt \

Line : 14  Pada: f     visr̥ṣṭo hi tarhi yajñaḥ

Pada: g     pretā āhutayo bʰavanti


Line : 15  Pada: h     yady akrīto 'raṇī cājyaṃ cādāya paretyāgniṃ matʰitvā vaiṣṇavyarcā yūpasyānte juhuyāt \

Line : 16  Pada: i     vaiṣṇavo vai yūpas

Pada: j     svayaivainaṃ devatayāccʰaiti \


Pada: k     aty anyān agāṃ nānyān upāgām iti \

Line : 17  Pada: l     ati hy anyān eti nānyān upaiti


Pada: m     yān nājujoṣaṃ pari tān avr̥jam iti

Line : 18  Pada: n     yān hi na juṣate pari tān vr̥ṇakti \


Pada: o     arvāk tvā parebʰyo 'vidaṃ paro 'varebʰya iti \

Line : 19  Pada: p     arvāg gʰy enaṃ parebʰyo vindati paro 'varebʰyas


Pada: q     taṃ tvā juṣāmahe vanaspate devayajyāyā iti

Line : 20  Pada: r     devayajyāyai hy enaṃ juṣate


Pada: s     juṣṭaṃ viṣṇava iti

Line : 21  Pada: t     yajño vai viṣṇus \

Pada: u     yajñāyaivainaṃ juṣṭaṃ karoti


Pada: v     devas tvā savitā madʰvānaktv iti

Line : 22  Pada: w     gʰr̥taṃ vai devānāṃ madʰu

Pada: x     medʰyam evainaṃ yajñiyaṃ karoti \


Pada: y     oṣadʰe trāyasvainam iti

Line : 23  Pada: z     varmeva karoti


Pada: aa     svadʰite mainam̐ him̐sīr iti

Pada: ab     vajro vai svadʰitis \

Pada: ac     ahim̐sāyai


Page: 125  
Line : 1  Pada: ad     yaḥ pratʰamaś śakalaḥ parāpatati tam āharet \

Pada: ae     etaṃ vā etasya parāpatantaṃ tejo 'nuparāpatati

Line : 2  Pada: af     satejasam evainaṃ minoti //


Pada: ag     yo dakṣiṇāvr̥n na taṃ vr̥ścet \

Pada: ah     gartyas sa *
      FN < sas

Line : 3  Pada: ai     ya udaṅṅ āvr̥to * na tam \
      FN Mittwede, Textkritische Bemerkungen, p. 125: āvr̥tto

Pada: aj     stʰūṇyas * sa *
      FN Mittwede, Textkritische Bemerkungen, p. 125: gʰūrṇyas
      FN < sas


Pada: ak     ya ūrdʰvaśākʰa ūrdʰvaśakalas taṃ vr̥ścet \

Line : 4  Pada: al     eṣa vai yūpyas \

Pada: am     ya eva yūpyas taṃ vr̥ścati


Pada: an     yo 'śuṣkāgro bahuśākʰo bahuparṇas taṃ vr̥ścet \

Line : 5  Pada: ao     oṣadʰayo vai vanaspatayaḥ paśava oṣadʰayaḥ

Pada: ap     paśubʰir evainam̐ samardʰayati


Line : 6  Pada: aq     yaś śuṣkāgro 'śākʰo 'parṇas taṃ vr̥śced yaṃ dviṣyāt tasya \

Pada: ar     oṣadʰayo vanaspatayaḥ paśava oṣadʰayaḥ

Line : 7  Pada: as     paśubʰir evainaṃ vyardʰayati


Pada: at     ya udaṅ prāṅ upanatas taṃ vr̥ścet \

Line : 8  Pada: au     eṣa vai medʰam abʰyupanatas \

Pada: av     ya eva medʰam abʰyupanatas taṃ vr̥ścati


Pada: aw     dyāṃ mā lekʰīr antarikṣaṃ mā him̐sīḥ pr̥tʰivyā saṃbʰaveti

Line : 9  Pada: ax     vajro vai yūpas \

Pada: ay     eṣāṃ lokānām ahim̐sāyai \


Line : 10  Pada: az     udañcaṃ prāñcaṃ praśrayati \

Pada: ba     eṣa vai devalokas \

Pada: bb     devalokam evainam upapraśrayati //


Line : 11  Pada: bc     vanaspate śatavalśo virohety āvraścane juhoti

Pada: bd     vanaspatiṣv eva bʰūmānaṃ dadʰāti

Line : 12  Pada: be     tasmād eta āvraścanād bʰūyām̐so jāyante


Pada: bf     sahasravalśā vi vayaṃ ruhemeti \

Line : 13  Pada: bg     āśiṣam evāśāste


Pada: bh     yaṃ tvāyam̐ svadʰitis tetijānaḥ praṇināya mahate saubʰagāyeti

Line : 14  Pada: bi     mahate hy eṣa saubʰāgyāya praṇīyate yo yajñāya praṇīyate


Line : 15  Pada: bj     ya ārohas taṃ vr̥śced yaṃ dviṣyāt tasya \

Pada: bk     ayonir vā eṣo 'nāyatano ya ārohas \

Line : 16  Pada: bl     ayonim evainam anāyatanaṃ karoti


Pada: bm     yas svārut taṃ vr̥ścet \

Pada: bn     eṣa vai yonimān āyatanavān * yas svārut \
      FN Mittwede, Textkritische Bemerkungen, p. 125: anāyatanavān statt ānāyatanavān

Line : 17  Pada: bo     yonimantam evāyatanavantaṃ yajamānaṃ karoti


Line : 18  Pada: bp     gulpʰadagʰne vr̥ścet

Pada: bq     parur hi gulpʰas \

Pada: br     yajñaparuṣā saṃmitam \


Pada: bs     jānudagʰne vr̥ścet

Line : 19  Pada: bt     parur hi jānu

Pada: bu     yajñaparuṣā saṃmitam \


Pada: bv     yāvaty anakṣasaṅgas syāt tāvati vr̥ścet \

Pada: bw     yajñaparuṣā saṃmitam \

Line : 20  Pada: bx     paśūnām apratinodāya //


Anuvaka: 4  
Page: 126  
Line : 1  Pada: a     paśusaṃmito vraṣṭavyas \

Pada: b     daśāratnis \

Pada: c     daśa vai paśoḥ prāṇā ātmaikādaśas \

Line : 2  Pada: d     aṣṭā aśrayo dve paruṣī ātmaikādaśaḥ

Pada: e     paśusaṃmitam eva vr̥ścati


Pada: f     stomasaṃmito vraṣṭavyas \

Line : 3  Pada: g     navāratnis

Pada: h     tejasā trivr̥tā saṃmitaḥ


Pada: i     pañcadaśāratnir vraṣṭavyaḥ

Line : 4  Pada: j     pañcadaśena saṃmitas \

Pada: k     vajraḥ pañcadaśas \

Pada: l     vajreṇa saṃmitas


Pada: m     saptadaśāratnir vraṣṭavyas

Line : 5  Pada: n     saptadaśena saṃmitaḥ

Pada: o     prajāpatis saptadaśaḥ

Pada: p     prajāpatinā saṃmitas \


Line : 6  Pada: q     ekavim̐śatyaratnir vraṣṭavyas \

Pada: r     ekavim̐śena saṃmitas \

Pada: s     asā āditya ekavim̐śas \

Line : 7  Pada: t     amunādityena saṃmitas


Pada: u     saptavim̐śatyaratnir vraṣṭavyas

Pada: v     saptavim̐śena saṃmitas

Pada: w     triṇavā ime lokās \

Line : 8  Pada: x     ebʰir lokais saṃmitas


Pada: y     trayastrim̐śadaratnir vraṣṭavyas

Pada: z     trayastrim̐śena saṃmitas

Line : 9  Pada: aa     trayastrim̐śad * devatās \
      FN emended. Ed.: trim̐śad. Mittwede, Textkritische Bemerkungen, p. 125

Pada: ab     devatābʰis saṃmitas \


Pada: ac     cʰandassaṃmito vraṣṭavyaḥ

Pada: ad     pañcāratniḥ paṅktyā cʰandasā saṃmitas \

Line : 10  Pada: ae     ṣaḍaratnir aticcʰandasā saṃmitas

Pada: af     saptāratniś śakvaryā saṃmitas \

Line : 11  Pada: ag     aṣṭāratnir gāyatryā saṃmitas \

Pada: ah     navāratnir br̥hatyā saṃmitas \

Pada: ai     daśāratnir virājā saṃmitas \

Line : 12  Pada: aj     ekādaśāratnis triṣṭubʰā saṃmitas \

Pada: ak     dvādaśāratnir jagatyā saṃmitas

Line : 13  Pada: al     trayodaśāratnis sādʰyair devais saṃmitas \


Pada: am     br̥hann aparimito vraṣṭavyas \

Line : 14  Pada: an     yūpād vai devās svargaṃ lokam āyan

Pada: ao     svargasya lokasya samaṣṭyai


Pada: ap     ya eva kaśca puruṣād varṣīyān syāt taṃ vr̥ścet \

Line : 15  Pada: aq     eṣā vai yūpasya mātrā

Pada: ar     yāvān eva yūpas taṃ vr̥ścati


Line : 16  Pada: as     caṣālaṃ bʰavati

Pada: at     caṣālād vai devās svargaṃ lokam āyan

Pada: au     svargasya lokasya samaṣṭyai \


Line : 17  Pada: av     indro vai vr̥trāya vajraṃ prāharat

Pada: aw     tasya yāvad ālabdʰam āsīt tat prāśīryata

Line : 18  Pada: ax     tac caṣālaṃ pratyavr̥ñjan

Pada: ay     yac caṣālaṃ bʰavati

Pada: az     draḍʰimna evālabdʰyā aśitʰilatvāya \


Line : 19  Pada: ba     iyad bʰavati \

Pada: bb     etāvad dʰi tad ālabdʰam āsīt \


Pada: bc     na yūpasyātirecayet \

Pada: bd     yad atirecayed arbudinīr janayas syur


Line : 20  Pada: be     yāvad uttamam aṅgulikāṇḍaṃ tāvad atirecayet \

Pada: bf     yajñaparuṣā saṃmitam \

Page: 127  
Line : 1  Pada: bg     paśūnām apratinodāya

Pada: bh     yad vai yajñasyātiricyate sādʰyān tad devān abʰyatiricyate

Line : 2  Pada: bi     yajñasya tad atiricyate yad yūpasyātiricyate

Pada: bj     sādʰyān eva tena devān prīṇāti \


Line : 3  Pada: bk     anyasya vr̥kṣasya caṣālaṃ kuryād yasya ca yūpas syād yaṃ kāmayeta bʰrātr̥vyam asmai janayeyam iti

Line : 4  Pada: bl     bʰrātr̥vyā vā etasyānye vanaspatayas \

Line : 5  Pada: bm     bʰrātr̥vyam evāsya lokam abʰyārohayati \

Pada: bn     alokam enaṃ karoti //


Anuvaka: 5  
Line : 6  Pada: a     pr̥tʰivyai tvāntarikṣāya tvā dive tveti yūpaṃ prokṣati \

Pada: b     ebʰya evainaṃ lokebʰyaḥ prokṣati \


Line : 7  Pada: c     asmai vai lokāyaudumbarī mīyate 'muṣmai yūpas

Pada: d     tasmād itaḥ parāñcaṃ yūpaṃ prokṣaty amuto 'rvācīm audumbarīm

Line : 8  Pada: e     anayor lokayor vidʰr̥tyai


Pada: f     devasya tvā savituḥ prasava ity abʰrim ādatte

Line : 9  Pada: g     savitr̥prasūta evaināṃ devatābʰir ādatte \


Line : 10  Pada: h     idam ahaṃ rakṣaso grīvā apikr̥ntāmīti

Pada: i     bʰrātr̥vyo vai rakṣas \

Pada: j     bʰrātr̥vyasyaiva grīvā apikr̥ntati


Line : 11  Pada: k     śundʰantāṃ lokāḥ pitr̥ṣadanā iti

Pada: l     śundʰaty evainam

Pada: m     atʰo yad evāsya kʰanantaḥ krūraṃ kurvanti tac cʰamayati


Line : 12  Pada: n     yavamatīr avasiñcati \

Pada: o     annaṃ vai yavās tejo yūpas \

Line : 13  Pada: p     anna eva tejo dadʰāti \

Pada: q     annaṃ vai yavā vajro yūpas \

Pada: r     anna eva vajraṃ dadʰāti //


Line : 14  Pada: s     pitr̥ṣadanaṃ tvā lokam āstr̥ṇāmīti

Pada: t     yad vā etam apabarhiṣaṃ minuyur gartamit syāt \

Line : 15  Pada: u     asyā uttarārdʰa * oṣadʰayas \
      FN Mittwede, Textkritische Bemerkungen, p. 125: uttarārdʰam

Pada: v     asyā evainam uttarārdʰe minoti \

Line : 16  Pada: w     agartamitam evākas


Pada: x     svāveśo 'sy agregā netr̥̄ṇām iti yūpaśakalam avāsyati \

Line : 17  Pada: y     r̥kṣo vā eṣa taṣṭo 'paśavyas

Pada: z     satvacasam evainaṃ minoti


Pada: aa     gʰr̥tena dyāvāpr̥tʰivī āpr̥ṇetʰām iti

Line : 18  Pada: ab     gʰr̥tenaiva dyāvāpr̥tʰivī vyunatti

Pada: ac     tasmād oṣadʰayo 'nabʰyaktā rebʰante


Line : 19  Pada: ad     devas tvā savitā madʰvānaktv iti

Pada: ae     gʰr̥taṃ vai devānāṃ madʰu

Line : 20  Pada: af     medʰyam evainaṃ yajñiyaṃ karoti //


Pada: ag     supippalā oṣadʰīs kr̥dʰīti caṣālaṃ pratimuñcati \

Line : 21  Pada: ah     oṣadʰīr eva pʰalaṃ grāhayati

Pada: ai     tasmād etā akr̥ṣṭapacyāḥ pacyante


Line : 22  Pada: aj     gʰr̥tenāgniṣṭʰām anakti

Pada: ak     tejo vai gʰr̥taṃ yajamāno 'gniṣṭʰā *
      FN emended. Ed.: 'gniṣṭʰāḥ. Oertel, Zur Kapiṣṭʰala-Kaṭʰa-Saṃhitā, p.26. Mittwede, Textkritische Bemerkungen, p. 125

Pada: al     tejasaiva yajamānam̐ samardʰayati \


Page: 128  
Line : 1  Pada: am     āntam̐ saṃtatam anakti

Pada: an     tejasas saṃtatyai \

Pada: ao     aviccʰedāya


Pada: ap     yaṃ dviṣyāt tasya viccʰindyāt

Line : 2  Pada: aq     tejasaivainaṃ vyardʰayati


Pada: ar     sarvato 'nakti

Pada: as     sarvata evainaṃ tejasā samardʰayati


Line : 3  Pada: at     dyām agreṇāspr̥kṣa āntarikṣaṃ madʰyenāprāḥ pr̥tʰivīm upareṇādr̥m̐hīr iti

Line : 4  Pada: au     vajro vai yūpas \

Pada: av     eṣāṃ lokānāṃ vidʰr̥tyai //


Pada: aw     tā vāṃ vāstūnīti vaiṣṇavyāvaharati

Line : 5  Pada: ax     vaiṣṇavo vai yūpas

Pada: ay     svayaivainaṃ devatayāvaharati


Line : 6  Pada: az     viṣṇoḥ karmāṇi paśyateti vaiṣṇavyā kalpayati

Pada: ba     vaiṣṇavo vai yūpas

Pada: bb     svayaivainaṃ devatayā kalpayati \


Line : 7  Pada: bc     agniṃ praty agniṣṭʰāṃ kuryāt

Pada: bd     tejo vā agnir yajamāno 'gniṣṭʰā *
      FN emended. Ed.: 'gniṣṭʰāḥ. Oertel, Zur Kapiṣṭʰala-Kaṭʰa-Saṃhitā, p.26. Mittwede, Textkritische Bemerkungen, p. 125

Line : 8  Pada: be     tejasaiva yajamānam̐ samardʰayati


Pada: bf     yaṃ dviṣyāt tasyettʰaṃ vettʰaṃ vā namayet

Line : 9  Pada: bg     tejasaivainaṃ vyardʰayati


Pada: bh     brahmavaniṃ tvā kṣatravanim iti \

Pada: bi     āśiṣam evāśāste


Pada: bj     brahma dr̥m̐ha kṣatraṃ dr̥m̐heti \

Line : 10  Pada: bk     āśiṣam evāsmā āśiṣṭāṃ dr̥m̐hati


Pada: bl     tad viṣṇoḥ paramaṃ padam iti vaiṣṇavyodīkṣate

Line : 11  Pada: bm     vaiṣṇavo vai yūpas

Pada: bn     svayaivainaṃ devatayodīkṣate //


Anuvaka: 6  
Line : 13  Pada: a     ardʰaṃ vedyāṃ yūpāvaṭasya kuryād ardʰaṃ bahirvedi

Pada: b     parimitasya cāparimitasya cāvaruddʰyai


Line : 14  Pada: c     nāvir uparasya kuryāt \

Pada: d     yad āvir uparasya kuryād gartamit syāt \


Line : 15  Pada: e     nāparivītam avasr̥jet \

Pada: f     yad aparivītam avasr̥jet kṣodʰuko yajamānas syānn nagnaṃbʰāvuko 'dʰvaryus \


Line : 16  Pada: g     ūrg vai raśanā

Pada: h     madʰyaṃ prati * parivyayati \
      FN Mittwede, Textkritische Bemerkungen, p. 126

Pada: i     ūrjam eva madʰyato dadʰāti yajamāne ca prajāsu ca

Line : 17  Pada: j     tasmān madʰyataḥ prajā ūrg ūrjayati \


Pada: k     araśanaṃ minuyād yaṃ dviṣyāt tasya \

Line : 18  Pada: l     ūrg vai raśanā \

Pada: m     ūrjaivainaṃ vyardʰayati \


Pada: n     ūrdʰvām udūhed avācīṃ yaṃ dviṣyāt tasya \

Pada: o     ūrg vai raśanā \

Line : 19  Pada: p     ūrjaivainaṃ vyardʰayati \


Pada: q     upari dūre parivyayed yadi kāmayeta varṣed iti \

Pada: r     adbʰyo vā eṣa oṣadʰibʰyo varṣati yarhi varṣati \

Line : 20  Pada: s     oṣadʰayo raśanā \

Pada: t     oṣadʰīr eva nedīyo vr̥ṣṭyāḥ karoti

Line : 21  Pada: u     tājak pravarṣati \


Pada: v     adʰo dūre parivyayed yadi kāmayeta na varṣed iti \

Line : 22  Pada: w     adbʰyo vā eṣa oṣadʰibʰyo varṣati yarhi varṣati \

Pada: x     oṣadʰayo rśanā \

Pada: y     oṣadʰīr eva davīyo vr̥ṣṭyāḥ karoti

Line : 23  Pada: z     ciraṃ pravarṣati


Pada: aa     parivīr asi pari tvā daivīr viśo vyayantām iti

Page: 129  
Line : 1  Pada: ab     daivīr vā etā viśo yad oṣadʰayas \

Pada: ac     oṣadʰayo raśanā

Line : 2  Pada: ad     yajamāno yūpas \

Pada: ae     yajamānam eva prajā abʰi * saṃmukʰāḥ karoti
      FN Mittwede, Textkritische Bemerkungen, p. 126


Pada: af     parīmaṃ rāyo manuṣyam iti

Line : 3  Pada: ag     paśavo vai rāyaḥ

Pada: ah     paśubʰir evainam̐ samardʰayati \


Pada: ai     antarikṣasya sānūpeṣeti svarum upohati \

Line : 4  Pada: aj     antarikṣadevatyo hy eṣa etarhy uparīvāsmāl lokād adʰo 'muṣmāt

Line : 5  Pada: ak     svayaivainaṃ devatayopohati *
      FN emended. Ed.: devatayāpohati. Raghuvira, KpS, xxvii. Mittwede, Textkritische Bemerkungen, p. 126


Pada: al     pitr̥̄ṇām uparam \

Pada: am     manuṣyāṇām ūrdʰvam

Pada: an     uparāt \

Line : 6  Pada: ao     oṣadʰīnāṃ raśanāṃ prati

Pada: ap     viśveṣāṃ devānām ūrdʰvaṃ raśanāyās \

Pada: aq     indrasya caṣālam \

Line : 7  Pada: ar     sādʰyānām atiriktam

Pada: as     evam iva vā eṣu lokeṣu pitaro manuṣyā devās

Line : 8  Pada: at     sarvadevatyo yūpas

Pada: au     sarvābʰir evainaṃ devatābʰis samardʰayati \


Pada: av     agner ardʰād upanataṃ yūpasya kuryād bahiṣṭān nirṇatam

Line : 9  Pada: aw     agner vā ardʰād upanatena yajamānāya lokaṃ karoti bahiṣṭān nirṇatena bʰrātr̥vyam \

Line : 10  Pada: ax     yajñān nirṇudate //


Pada: ay     yajñena vai devās svargaṃ lokam āyan \

Pada: az     te 'kāmayantemaṃ no lokam anyo nānuprajānīyād iti

Line : 11  Pada: ba     te diśo 'yopayan

Line : 12  Pada: bb     yad diśo 'yopayam̐s tad yūpasya yūpatvam \

Pada: bc     te 'muṃ lokaṃ gatvā vya tr̥ṣyan \

Line : 13  Pada: bd     te 'vidur amutaḥpradānād vā ihājagāmeti

Pada: be     ta etaṃ punaḥ prāyaccʰan \

Pada: bf     tenārdʰnuvan \

Line : 14  Pada: bg     eṣa vai yajñasya tantus \

Pada: bh     eṣa uttamapadī

Pada: bi     yatʰā vai mayūkʰāt tantraṃ tāyata evam ato yajñas tāyate

Line : 15  Pada: bj     tam̐ ha sma vā etaṃ purāvr̥hyaiva juhvati

Pada: bk     yat svaruṃ juhoti \

Line : 16  Pada: bl     etasyaiva niṣkrītyai

Pada: bm     so 'sya niṣkrītaḥ prītas svagākr̥ta imāṃl lokān upatiṣṭʰate


Line : 17  Pada: bn     dyāṃ te dʰūmo gaccʰatv antarikṣam arciḥ pr̥tʰivīṃ bʰasma svāheti \

Line : 18  Pada: bo     imān evainaṃ lokān gamayati //


Anuvaka: 7  
Line : 19  Pada: a     sādʰyā vai nāma devā āsan pūrve devebʰyas

Pada: b     teṣāṃ na kiṃcana svam āsīt

Pada: c     te 'gniṃ matʰitvāgnau juhvata āsata

Line : 20  Pada: d     tasmād bandʰoḥ paśavo 'jāyanta

Pada: e     tasmād āgneyās sarve paśava ucyante

Line : 21  Pada: f     yad agniṃ matʰitvā paśum ālabʰate

Pada: g     prajātam evainam ālabʰate

Line : 22  Pada: h     atʰo yatʰāpūrvam eva karoti


Pada: i     tad āhuḥ paśum ālabʰyāgnir matʰitavya * iti \
      FN Mittwede, Textkritische Bemerkungen, p. 126

Page: 130  
Line : 1  Pada: j     agnis sarvā devatās

Pada: k     sarvā eva devatāḥ paśavas \

Pada: l     ālabdʰāya janayati


Line : 2  Pada: m     paśunā sarvāṇi savanāni paśumanti vīryāvanti kartavyāni

Pada: n     yad vapayā prātassavane caranti

Line : 3  Pada: o     tena tat paśumad vīryāvat \

Pada: p     yad dakṣiṇābʰir madʰyandine

Pada: q     tena tat paśumad vīryāvat \

Line : 4  Pada: r     yad itareṇa paśunā tr̥tīyasavane

Pada: s     tena tat paśumad vīryāvat

Line : 5  Pada: t     sarvāṇy asya savanāni paśumanti vīryāvanti bʰavanti ya evaṃ veda //


Line : 6  Pada: u     sarvābʰyo vā eṣa digbʰya r̥ddʰyā ālabʰyate yat paśur

Pada: v     yat prāñcam āprīṇanti

Line : 7  Pada: w     devalokaṃ tenābʰijayati

Pada: x     yad udañcam āprītaṃ nayanti

Pada: y     manuṣyalokaṃ tenābʰijayati

Line : 8  Pada: z     yad dakṣiṇataḥ parihr̥tyāvadyanti

Pada: aa     pitr̥lokaṃ tenābʰijayati

Pada: ab     yat pratīcīnam̐ samavattam̐ haranti \

Line : 9  Pada: ac     etāṃ tena diśam abʰijayati

Pada: ad     yad ūrdʰvas tiṣṭʰañ juhoti

Line : 10  Pada: ae     svargaṃ tena lokam abʰijayati


Pada: af     paśunā vai devās svargaṃ lokam āyan \

Pada: ag     te śarīram adʰūnvata

Line : 11  Pada: ah     svargo vapā

Pada: ai     yad vapayā prātassavane caranti

Pada: aj     svargasya lokasya samaṣṭyai

Line : 12  Pada: ak     yad itareṇa paśunā tr̥tīyasavane

Pada: al     śarīrasya niṣkrītyai


Pada: am     yārdrā bahuparṇā tayopākuryāt \

Line : 13  Pada: an     oṣadʰayo vai vanaspatayaḥ paśava oṣadʰayaḥ

Pada: ao     paśubʰir evainam̐ samardʰayati

Line : 14  Pada: ap     yā śuṣkāparṇā tayopākuryād yaṃ dviṣyāt tasya \

Pada: aq     oṣadʰayo vai vanaspatayaḥ

Line : 15  Pada: ar     paśava oṣadʰayaḥ

Pada: as     paśubʰir evainaṃ vyardʰayati //

Pada: at     gʰoro vā anyo vajraś śivo 'nyas \

Line : 16  Pada: au     yaś śuṣkas sa gʰoro ya ārdras sa śivas \

Pada: av     ya eva śivas tenopākaroti


Line : 17  Pada: aw     barhiṣopākaroti

Pada: ax     paśavo vai barhiḥ

Pada: ay     paśubʰir evāsmai paśūn upākaroti \


Line : 18  Pada: az     upāvīr asīti \

Pada: ba     upa hy eṣo 'vati


Pada: bb     upa devān daivīr viśaḥ prāgur iti

Line : 19  Pada: bc     daivīr vā etā viśo yat paśavaḥ

Pada: bd     paśūn evāsmā upākaroti


Pada: be     vahnīn uśija iti \

Line : 20  Pada: bf     r̥tvijo vai vahnaya uśijas \

Pada: bg     r̥tvigbʰya evainān upākaroti


Pada: bh     br̥haspate dʰārayā vasūnīti

Line : 21  Pada: bi     brahma vai br̥haspatir

Pada: bj     brahmaṇaḥ * prajāḥ prajāyante
      FN emended. Ed.: brahmaṇā. Raghuvira, KpS, xxvii. Mittwede, Textkritische Bemerkungen, p. 126

Pada: bk     brahmaṇaivaināḥ prajanayati


Page: 131  
Line : 1  Pada: bl     deva tvaṣṭar vasu raṇeti

Pada: bm     tvaṣṭā vai rūpāṇāṃ vikartā

Pada: bn     so 'smai rūpāṇi vikaroti


Line : 2  Pada: bo     revatī ramadʰvam iti

Pada: bp     brahma vai br̥haspatiḥ paśavo ravatīs \

Line : 3  Pada: bq     brahmaṇaivāsmai paśūn yaccʰati \


Pada: br     agner janitram asīti \

Pada: bs     agner hy etaj janitram \


Pada: bt     vr̥ṣaṇau stʰa iti

Line : 4  Pada: bu     na hy amuṣkāḥ prajāḥ prajāyante

Pada: bv     prajananāya \


Pada: bw     urvaśy asy āyur asi purūravā asīti

Line : 5  Pada: bx     mātā vā urvaśy āyur garbʰaḥ pitā purūravā reto gʰr̥tam \

Pada: by     yad gʰr̥tenāraṇī samanakti

Line : 6  Pada: bz     mitʰuna eva reto dadʰāti


Pada: ca     gāyatraṃ cʰando 'nuprajāyasva traiṣṭubʰaṃ jāgatam iti \

Line : 7  Pada: cb     etāvanti vai cʰandām̐si

Pada: cc     ccʰandobʰī reto hitaṃ prajāyate

Line : 8  Pada: cd     cʰandobʰir evāsmai reto hitaṃ prajanayati //


Pada: ce     dakṣiṇā vartayati \

Pada: cf     eṣā vā ādityasya prajaniṣṇus tanūs

Line : 9  Pada: cg     tām evānuprajāyate \


Pada: ch     agnī vā etarhi yajamānam abʰisaṃdʰattas \

Line : 10  Pada: ci     bʰavataṃ nas samanasā iti

Pada: cj     samanasā evainau karoti


Pada: ck     mā him̐siṣṭaṃ yajñapatiṃ mā yajñaṃ jātavedasā * iti \
      FN emended. Ed.: jātavedasa. Raghuvira, KpS, xxvii. Mittwede, Textkritische Bemerkungen, p. 126

Line : 11  Pada: cl     ātmano 'him̐sāyai


Pada: cm     śivau bʰavatam adya na iti

Line : 12  Pada: cn     śivā evainau kurute


Pada: co     rakṣasāṃ vā ete 'navajayāya paridʰīyante yat paridʰayas \

Line : 13  Pada: cp     yad uparyupari prahared rakṣobʰyas tīrtʰaṃ kuryāt

Pada: cq     saṃdʰinā vā praharaty agreṇa vā \

Line : 14  Pada: cr     atīrtʰenaiva * sruveṇa juhoti
      FN vātīrtʰenaiva instead of Ed.: vā tīrtʰenaiva. Raghuvira, KpS, xxvii. Mittwede, Textkritische Bemerkungen, p. 126

Pada: cs     saṃjagmānābʰyām evābʰyāṃ bʰāgadʰeyam apidadʰāti //


Anuvaka: 8  
Line : 16  Pada: a     sāvitrīm anvāha

Pada: b     savitr̥prasūta evainaṃ prajanayati \


Pada: c     ekadevatyām anvāha \

Pada: d     ekadʰaivainaṃ prajanayati


Line : 17  Pada: e     yad dvidevatyām anubrūyād bʰrātr̥vyam asmai dvitīyaṃ janayet \

Pada: f     dyāvāpr̥tʰivyām anvāha

Line : 18  Pada: g     prajānāṃ prajātānāṃ parigr̥hītyai


Pada: h     na dʰūmavatīm anubrūyāt \

Line : 19  Pada: i     indro vai yad vr̥tram aham̐s tasya yatrayatra vyr̥ddʰam āsīt tato dʰūma udāyata

Line : 20  Pada: j     vyr̥ddʰād vā eṣa jātas \

Pada: k     vyardʰukam asmai bʰavati


Pada: l     yadi matʰyamāno na jāyeta rakṣogʰnīm anubrūyāt \

Line : 21  Pada: m     rakṣasām apahatyai \

Pada: n     anavānam anubrūyāt \

Pada: o     avānaṃ vā anu yajñaṃ rakṣām̐si jigʰām̐santi

Page: 132  
Line : 1  Pada: p     rakṣobʰya evātīrtʰaṃ karoti


Pada: q     gāyatrīṃ brāhmaṇasyānubrūyāt \

Line : 2  Pada: r     gāyatro hi brāhmaṇas

Pada: s     triṣṭubʰaṃ rājanyasya

Pada: t     traiṣṭubʰo hi rājanyas \

Pada: u     jagatīṃ vaiśyasya

Line : 3  Pada: v     jāgato hi vaiśyas \

Pada: w     yatʰācʰandasam eva //


Pada: x     devasya tvā savituḥ prasava iti raśanām ādatte

Line : 4  Pada: y     savitr̥prasūta evaināṃ devatābʰir ādatte \


Pada: z     r̥tasya tvā devahaviḥ pāśena pratimuñcāmīti

Line : 5  Pada: aa     yo vai yajñiyo medʰyas sa r̥tasya pāśas

Line : 6  Pada: ab     tenaivainam ālabʰate \


Pada: ac     amuṣmai juṣṭam iti

Pada: ad     yasyā eva devatāyā ālabʰate tasyā eva juṣṭaṃ karoti


Line : 7  Pada: ae     dʰarṣā mānuṣam̐ iti

Pada: af     vajro vai yūpaḥ paśavo mānuṣās \

Line : 8  Pada: ag     vajreṇaivāsmai paśūn yaccʰati \


Pada: ah     r̥kṣo vā eṣa taṣṭo 'medʰyas \

Pada: ai     yat paśuṃ niyunakti

Line : 9  Pada: aj     medʰyam evainaṃ yajñiyaṃ karoti //


Pada: ak     purastād vai paśavo medʰam upatiṣṭʰante

Line : 10  Pada: al     devatā etasmin prāṇās \

Pada: am     yat purastāt pratyañcam āprīṇanti

Pada: an     devatānām evainam ardʰam āprīṇanti \


Line : 11  Pada: ao     adbʰyas tvauṣadʰībʰya iti \

Pada: ap     adbʰyo vā eṣa oṣadʰibʰya ālabʰyate yat paśus \

Line : 12  Pada: aq     adbʰya evainam oṣadʰibʰyaḥ prokṣati \


Pada: ar     anu tvā mātā manyatām anu piteti

Line : 13  Pada: as     pitā ca hy etasya mātā cānumantārau \


Pada: at     āpo vai sarvā devatās

Line : 14  Pada: au     sarvadevatyaḥ paśus

Pada: av     sarvābʰir evainaṃ devatābʰis samardʰayati


Pada: aw     bahu vā eṣo 'medʰyam ayajñiyaṃ nigaccʰati yat paśus \

Line : 15  Pada: ax     āpo medʰyā yajñiyās \

Pada: ay     yad adbʰiḥ prokṣati

Line : 16  Pada: az     medʰyam evainaṃ yajñiyaṃ karoti \


Pada: ba     apāṃ perur asīty apa upagr̥hṇāti

Pada: bb     yāny antarato 'vadānāni tāni tan medʰyāni karoti


Line : 17  Pada: bc     svāttam̐ havyaṃ devebʰyo gʰr̥tavad ity uraḥ pratyupokṣati

Line : 18  Pada: bd     yāny adʰastād avadānāni tāni tan medʰyāni karoti


Line : 19  Pada: be     sarvata upokṣati

Pada: bf     sarvata evainaṃ medʰena samardʰayati


Pada: bg     śiro vā etad yajñasya yad āgʰāra ātmā paśus \

Line : 20  Pada: bh     yad āgʰāram āgʰārya paśum̐ samanakti

Pada: bi     śira eva yajñasyātman pratidadʰāti


Line : 21  Pada: bj     saṃ te vāyuḥ prāṇena gaccʰatām iti

Pada: bk     vāyum evāsya prāṇaṃ gamayati


Page: 133  
Line : 1  Pada: bl     saṃ yajatrair aṅgānīti

Pada: bm     devatā vai yajatrās \

Pada: bn     devatā evāsyāṅgāni gamayati


Line : 2  Pada: bo     saṃ yajñapatir āśiṣeti \

Pada: bp     āśiṣaiva yajamānam̐ samardʰayati //


Anuvaka: 9  
Line : 3  Pada: a     r̥tvijo vr̥ṇīte

Pada: b     cʰandām̐si vā r̥tvijas \

Pada: c     cʰandām̐sy eva tad vr̥ṇīte

Pada: d     tair asya vr̥tair yuktair vaṣaṭkārāḥ puro yujyante


Line : 4  Pada: e     hotāraṃ vr̥ṇīte

Pada: f     jagatīṃ tac cʰandasāṃ vr̥ṇīte \


Line : 5  Pada: g     agnidʰaṃ vr̥ṇīte

Pada: h     paṅktiṃ tac cʰandasāṃ vr̥ṇīte \


Pada: i     adʰvaryū vr̥ṇīte \

Pada: j     aticccʰandasaṃ tac cʰandasāṃ vr̥ṇīte \


Line : 6  Pada: k     antarā hotāraṃ cādʰvaryū cāgnidʰaṃ * vr̥ṇīte
      FN emended. Ed.: cagnidʰaṃ. Raghuvira, KpS, xxvii. Mittwede, Textkritische Bemerkungen, p. 127

Pada: l     tasmād agnir madʰyata oṣadʰīḥ praviṣṭas \


Line : 7  Pada: m     yad uttamas saṃyajati

Pada: n     tasmād upariṣṭān matʰyamāno jāyate


Line : 8  Pada: o     maitrāvaruṇaṃ vr̥ṇīte

Pada: p     gāyatrīṃ tac cʰadasāṃ vr̥ṇīte


Pada: q     brāhmaṇāccʰam̐sinaṃ vr̥ṇīte

Line : 9  Pada: r     triṣṭubʰaṃ tac cʰandasāṃ vr̥ṇīte


Pada: s     potāraṃ vr̥ṇīte \

Pada: t     uṣṇihaṃ tac cʰandasāṃ vr̥ṇīte


Line : 10  Pada: u     neṣṭāraṃ vr̥ṇīte

Pada: v     kakubʰaṃ tac cʰandasāṃ vr̥ṇīte //


Pada: w     paścājam iva vā etac cʰando yad anuṣṭup

Line : 11  Pada: x     paścājevaiṣā hotrā yad accʰāvākyā

Pada: y     tasmād accʰāvākam upaiva hvayante na vr̥ṇate \


Line : 12  Pada: z     atʰaitā āpriyaḥ

Pada: aa     prajāpatiḥ prajās sr̥ṣṭvā sa riricāna ivāmanyata

Line : 13  Pada: ab     sa etā āprīr apaśyat

Pada: ac     tābʰir ātmānam āprīṇīta

Line : 14  Pada: ad     yajñaḥ prajāpatir yajñātmā yajamānas \

Pada: ae     yad etāḥ pūrvārdʰe yajñasya kriyante

Line : 15  Pada: af     mukʰata eva yajamānam āprīṇāti


Pada: ag     prayājān yajati

Pada: ah     prāṇā vai prayājāḥ

Line : 16  Pada: ai     prāṇān eva tat prayajati

Pada: aj     tat prayājānāṃ prayājatvam


Pada: ak     anavānam āprīṇīyād yaṃ kāmayeta sarvam āyur iyād iti

Line : 17  Pada: al     prāṇā vai prayājās \

Pada: am     aviccʰinnān evāsmin prāṇān pratidadʰāti

Line : 18  Pada: an     sarvam āyur eti \


Pada: ao     ātmā vai paśor vapātmā yajamānasyāprīs \

Line : 19  Pada: ap     yad uttamāprīr vapāṃ pariśaye \

Pada: aq     ātmaivātmānaṃ pariśaye

Pada: ar     yajñasya saṃtatyā aviccʰedāya \


Line : 20  Pada: as     ekādaśa prayājā ekādaśānuyājā ekādaśopayajas \

Line : 21  Pada: at     etāvatīr vai devatās

Pada: au     sarvadevatyaḥ paśus

Pada: av     sarvābʰir evainaṃ devatābʰis samardʰayati


Page: 134  
Line : 1  Pada: aw     trayastrim̐śad vai devatās somapās trayastriṃśad asomapās \

Pada: ax     aṣṭau vasava ekādaśa rudrā dvādaśādityā vaṣaṭkāraś ca prajāpatiś ca te somapāḥ

Line : 2  Pada: ay     prayājā anuyājā upayajas te 'somapās

Line : 3  Pada: az     tasmāt te bahiryajñaṃ kriyante

Pada: ba     somena vai tad devān somapān prīṇāti

Line : 4  Pada: bb     paśunāsomapān \

Pada: bc     te 'syobʰaye prītā yajñe bʰavanti \


Line : 5  Pada: bd     etad dʰa vā uvāca śyāparṇas sāyakāyano 'ṣāḍʰaṃ kaiśinaṃ yatrainam adas somān nayati

Line : 6  Pada: be     yadi vai mā somān neṣyasy ubʰayair mā devais saha neṣyasi somapaiś cāsomapaiś ca

Line : 7  Pada: bf     videvas te yajño 'vahāsyate \

Pada: bg     atʰo yadryañcaṃ mā neṣyanti tatas tvābʰītya jyāsyanti \ iti

Line : 8  Pada: bh     te mīmām̐sitveto no bʰayaṃ nāstīti dakṣiṇā pratyañcaṃ ninyus

Line : 9  Pada: bi     tataḥ kuntayaḥ pañcālān abʰītya jinanti

Pada: bj     ya evaṃvidam̐ somān nayaty ubʰayair enaṃ devais saha nayati somapaiś cāsomapaiś ca

Line : 10  Pada: bk     videvo 'sya yajño 'vahīyate \

Line : 11  Pada: bl     atʰo yadryañcam enaṃ nayanti tata enam abʰītya jinanti //


Anuvaka: 10  
Line : 13  Pada: a     devāś ca vā asurāś ca samāvad eva yajñe 'kurvata

Pada: b     yad eva devā akurvata tad asurā akurvata

Line : 14  Pada: c     tato devā etam upām̐śum apaśyan \

Pada: d     ta etasmin yajñam̐ sam̐stʰāpyam apaśyan \

Line : 15  Pada: e     tasminn eva yajñam̐ samastʰāpayan \

Pada: f     aṣṭau kr̥tvo 'bʰyaṣuṇvan

Pada: g     gāyatrīṃ tac cʰanda āpnuvan \

Line : 16  Pada: h     ekādaśa kr̥tvas

Pada: i     triṣṭubʰaṃ tat \

Pada: j     dvādaśa kr̥tvas \

Pada: k     jagatīṃ tat

Pada: l     trir vyagr̥hṇan

Line : 17  Pada: m     savanāny eva tad āpnuvan \

Pada: n     te devā yāvān eva yajñas taṃ parigr̥hyopodatiṣṭʰan hotum \

Line : 18  Pada: o     te 'surā apaśyañ juhvati vai devā iti

Pada: p     tān vajram udyatyābʰyapatan \

Line : 19  Pada: q     tān devā antaryāmenāntaradadʰataibʰyo lokebʰyas *
      FN emended. Ed.: lakebʰyas. Raghuvira, KpS, xxvii. Mittwede, Textkritische Bemerkungen, p. 127

Pada: r     tato devā abʰavan parāsurā abʰavan

Page: 135  
Line : 1  Pada: s     yasyaivaṃ viduṣa upām̐śuṃ juhvati yaś caivaṃ * vidvāñ juhoty ebʰya eva lokebʰyo bʰrātr̥vyam antardʰatte bʰavaty ātmanā parāsya bʰrātr̥vyo bʰavati \
      FN Mittwede, Textkritische Bemerkungen, p. 127: yasyaivaṃ


Line : 2  Pada: t     atʰa ha smāhāruṇa aupaveśiḥ

Line : 3  Pada: u     kim u sa yajeta ya upām̐śau yajñaṃ sam̐stʰāpyaṃ na vidyād iti \


Line : 4  Pada: v     aṣṭau kr̥tvo 'bʰiṣuṇoti

Pada: w     gāyatrīṃ tac cʰanda āpnoti \


Pada: x     ekādaśa kr̥tvas

Line : 5  Pada: y     triṣṭubʰaṃ tat \


Pada: z     dvādaśa kr̥tvas \

Pada: aa     jagatīṃ tat


Pada: ab     trir vigr̥hṇāti

Pada: ac     savanāny eva tad āpnoti \

Line : 6  Pada: ad     upām̐śā evaitad yajñam̐ saṃstʰāpya tena * sam̐stʰitenāriṣṭenāgʰātyena pracarati \
      FN Ch. Ed.: yajñas saṃstʰāpyate na. cf. KpS.41.8:285.10. Raghuvira, KpS, xxviii. Mittwede, Textkritische Bemerkungen, p. 127


Line : 7  Pada: ae     aṣṭāaṣṭā abʰiṣuṇuyād brahmavarcasakāmasya \

Pada: af     aṣṭākṣarā gāyatrī

Pada: ag     gāyatrīm eva yajñamukʰe 'dʰi viyātayati

Line : 8  Pada: ah     gāyatryām evaitat tejasi sve yonau svarge loke yajñamukʰaṃ tāyate

Line : 9  Pada: ai     mukʰyo bʰavati ya evaṃ veda


Pada: aj     nopayāmagr̥hīto 'sīti brūyāt \

Line : 10  Pada: ak     iyaṃ vā upayāmas \

Pada: al     anayā prāṇān apihanyāt \


Pada: am     na pavitraṃ vitanvanti \

Line : 11  Pada: an     antarikṣaṃ vai pavitram

Pada: ao     antarikṣeṇa prāṇān parigr̥hṇīyāt pramīyeta \


Pada: ap     ayaṃ vāva yaḥ pavate sa prāṇas

Line : 12  Pada: aq     tasyedam apagrāhaṃ prāṇimas \

Pada: ar     yan nopayāmagr̥hīto 'sīty āha na pavitraṃ vitanvanti

Line : 13  Pada: as     tasmād ayam aparigr̥hītaḥ kāmam ittʰaṃ cettʰaṃ ca pavate

Line : 14  Pada: at     tasmāt kāmaṃ prāṇimaḥ

Pada: au     prāṇapavitro vā upām̐śuḥ

Pada: av     prāṇair evainaṃ pāvayati


Line : 15  Pada: aw     ṣaḍ am̐śūn parigr̥hṇāti

Pada: ax     tasmāt ṣaṭ prāṇā dvandvaṃ pāvayati

Line : 16  Pada: ay     tasmāt prāṇā dvandvam


Pada: az     upām̐śusavanād upām̐śuṃ nigr̥hṇāti

Pada: ba     prāṇo vā upām̐śusavanaḥ

Line : 17  Pada: bb     prāṇa upām̐śuḥ

Pada: bc     prāṇād eva prāṇaṃ nigr̥hṇāti \


Pada: bd     uttara upām̐śusavano bʰavaty adʰare 'm̐śavaḥ

Line : 18  Pada: be     prāṇo vā upām̐śusavanaḥ prajā am̐śavaḥ

Pada: bf     prajāsv eva * prāṇaṃ dadʰāti
      FN emended. Ed.: evaṃ. cf. KpS.41.8:286.3

Line : 19  Pada: bg     tasmāt prāṇa uttamaḥ //


Anuvaka: 11  
Line : 20  Pada: a     kratvā dā astu śreṣṭʰo 'dya tvā vardʰan surekṇāḥ /

Line : 21  Pada: b     marta ānāśa suvr̥ktim //

Page: 136  
Line : 1  Pada: c     imā brahma brahmavāhaḥ kriyanta ā barhis sīda /

Line : 2  Pada: d     vīhi śūra puroḍāśam //

Line : 3  Pada: e     upa nas sūnavo giraś śr̥ṇvantv amr̥tasya ye /

Line : 4  Pada: f     sumr̥ḍīkā bʰavantu naḥ //

Line : 5  Pada: g     tā naś śaktaṃ pārtʰivasya maho rāyo divyasya /

Line : 6  Pada: h     mahi vāṃ kṣatraṃ deveṣu //

Line : 7  Pada: i     br̥haspate juṣasva no *
      FN < naḥ

Pada: j     agna āyāhi vītaye \

Pada: k     endra sānasiṃ rayim //

Line : 8  Pada: l     ā no bʰadrāḥ kratavo yantu viśvato 'dabdʰāso aparītāsa udbʰidaḥ /

Line : 9  Pada: m     devā no yatʰā sadam id vr̥dʰe asann aprāyuvo rakṣitāro divedive //

Line : 10  Pada: n     ā no mitrāvaruṇā //

Line : 11  Pada: o     ā vibādʰyā parirāpas tamām̐si ca jyotiṣmantaṃ ratʰam r̥tasya tiṣṭʰasi /

Line : 12  Pada: p     br̥haspate bʰīmam amitradambʰanaṃ rakṣohaṇaṃ gotrabʰidam̐ svarvidam //

Line : 13  Pada: q     pañca vyuṣṭīḥ //

Line : 14  Pada: r     sakʰe sakʰāyam abʰyāvavr̥tsvāśur na cakraṃ ratʰe 'varohyāsmabʰyaṃ dasma ram̐hyā /

Line : 15  Pada: s     agne mr̥ḍīkaṃ varuṇe sacā vido marutsu viśvabʰānuṣu /

Line : 16  Pada: t     tokāya tuje śuśucāna śaṃ kr̥dʰy asmabʰyaṃ dasma śaṃ kr̥dʰi //

Line : 17  Pada: u     agnim̐ hotāraṃ manye dāsvantaṃ vasum̐ sūnum̐ sahaso jātavedasam \

Pada: v     vipraṃ na jātavedasam /

Line : 19  Pada: w     ya ūrdʰvayā svadʰvaro devo devācyā kr̥pā /

Line : 20  Pada: x     gʰr̥tasya vibʰrāṣṭim anu vaṣṭi śociṣājuhvānasya sarpiṣaḥ //


Anuvaka: 12  
Line : 21  Pada: a     draṣṭré námas \

Pada: b     upadraṣṭré námas \

Pada: c     anudraṣṭré námaḥ

Pada: d     kʰyātré námas \

Pada: e     upakʰyātré námas \

Page: 137  
Line : 1  Pada: f     anukśātré námas \

Pada: g     śr̥ṇvaté námas \

Pada: h     upaśr̥ṇvaté námas

Pada: i     saté námas \

Pada: j     ásate námas \

Line : 2  Pada: k     jātā́ya námas \

Pada: l     janiṣyámāṇāya * námas \
      FN emended. Ed.: janiṣyámānāya. Mittwede, Textkritische Bemerkungen, p. 127

Pada: m     bʰūtā́ya námas \

Pada: n     bʰaviṣyaté námas \

Pada: o     cákṣuṣe námas \

Line : 3  Pada: p     śrótrāya námas \

Pada: q     mánase námas \

Pada: r     vācé námas \

Pada: s     bráhmaṇe námas \

Pada: t     śrāntā́ya námas

Line : 4  Pada: u     tápase námaḥ //


Line : 5  Pada: v     iti śrīmadyajurvedakāṭʰake carakaśākʰāyāṃ madʰyamikāyāṃ dʰiṣṇyaṃ nāma ṣaḍviṃśaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.