TITUS
Black Yajur-Veda: Kathaka-Samhita
Part No. 30
Previous part

Sthanaka: 30  
Anuvaka: 1  
Page: 181  
Line : 1  Pada: a     prajananaṃ vai pātnīvatas \

Pada: b     yad vai kiṃca yajñe pātnīvataṃ kriyate prajananam eva tat

Line : 2  Pada: c     parāṅ vā etarhi yajñaḥ parācīr devatās

Pada: d     tvāṣṭro bʰavati

Pada: e     parācīṣv eva devatāsu tvaṣṭāraṃ vr̥ṣāṇam apisr̥jati

Line : 3  Pada: f     so 'smai mitʰunaṃ karoti


Line : 4  Pada: g     vajro vā eṣa purastāt saṃmīyate yad ekādaśinī

Pada: h     sa īśvaraḥ pratyañcaṃ yajñam̐ saṃpuras * \
      FN Mittwede, Textkritische Bemerkungen, p. 136: saṃmuro

Line : 5  Pada: i     yat pātnīvato mīyate

Pada: j     pratyuttabdʰyai sayatvāya


Pada: k     manor vai kapālāny āsan \

Line : 6  Pada: l     tair yāvatoyāvato 'surān abʰyupādʰāt * te parābʰavan \
      FN Raghuvira, KpS, xxix: abʰyupādadʰāt. Mittwede, Textkritische Bemerkungen, p. 136

Pada: m     atʰa tarhi triṣṭāvarutrī * āstām asurabrahmau
      FN Mittwede, Textkritische Bemerkungen, p. 136

Line : 7  Pada: n     tā asurā abruvann imāni manukapālāni yācetʰām iti

Line : 8  Pada: o     tau prātaritvānā abʰiprāpadyetām \

Pada: p     vāyave 'gnā3i vāyava indrā3 iti

Line : 9  Pada: q     kiṃkāmau stʰa ity abravīt \

Pada: r     imāni nau kapālāni dehīti

Line : 10  Pada: s     tāny ābʰyām adadāt

Pada: t     tāny araṇyaṃ parāhr̥tya samapim̐ṣṭām \

Pada: u     tan manor gāvo 'bʰivyatiṣṭʰanta

Line : 11  Pada: v     tāny r̥ṣabʰas samaleṭ

Pada: w     tasya ruvato yāvanto 'surā upāśr̥ṇvam̐s te parābʰavan \

Line : 12  Pada: x     tau prātaritvānā abʰiprāpadyetām \

Pada: y     vāyave 'gnā3i vāyava indrā3 iti

Line : 13  Pada: z     kiṃkāmau stʰa ity abravīt \

Pada: aa     anena tvarṣabʰeṇa * yājayāveti
      FN emended. Ed.: tvarṣabʰena. Raghuvira, KpS, xxix. Mittwede, Textkritische Bemerkungen, p. 136

Pada: ab     tat patnī yajur vadantī pratyapadyata

Line : 14  Pada: ac     tasyā dyāṃ vāg ātiṣṭʰat

Pada: ad     tasyā vadantyā yāvanto 'surā upāśr̥ṇvam̐s te parābʰavan \

Line : 15  Pada: ae     tasmān naktam̐ strī candrataraṃ vadati

Pada: af     tau prātaritvānā abʰiprāpadyetām \

Line : 16  Pada: ag     vāyave 'gnā3i vāyava indrā3 iti

Line : 17  Pada: ah     kiṃkāmau stʰa ity abravīt \

Pada: ai     anayā tvā patnyā yājayāveti

Pada: aj     sā paryagnikr̥tāsīt \

Page: 182  
Line : 1  Pada: ak     atʰendro 'cāyan

Pada: al     manum̐ śraddʰādevaṃ triṣṭāvarutrī asurabrahmau jāyayā vyardʰayata iti

Line : 2  Pada: am     sa āgaccʰat

Pada: an     so 'bravīd ābʰyāṃ tvā yājayānīti

Pada: ao     nety abravīt \

Line : 3  Pada: ap     na vā aham anayor īśa iti \

Pada: aq     atitʰipatir vāvātitʰer īśa ity abravīt

Pada: ar     tā asmai prāyaccʰat

Line : 4  Pada: as     sa prativeśo vediṃ kurvann āsta

Pada: at     tā apr̥ccʰatāṃ ko 'sīti

Line : 5  Pada: au     brāhmaṇa iti

Pada: av     katamo brāhmaṇa iti //

Line : 6  Pada: aw     kiṃ brāhmaṇasya pitaraṃ kim u pr̥ccʰasi mātaram /

Line : 7  Pada: ax     śrutaṃ ced asmin vedyam̐ sa pitā sa pitāmahaḥ //

Line : 8  Pada: ay     iti

Pada: az     tā avittām

Pada: ba     indro vā iti

Pada: bb     tau prāpatatām \

Pada: bc     tayor yāḥ prokṣaṇīr āpa āsam̐s tābʰir anuvisr̥jya śīrṣe accʰinat

Line : 9  Pada: bd     tau vr̥ṣaś ca yavāṣaś cābʰavatām \

Pada: be     tasmāt tau varṣeṣu śuṣyatas \

Line : 10  Pada: bf     adbʰir hi hatau

Pada: bg     tāṃ paryagnikr̥tām udasr̥jat *
      FN emended. Ed.: udāsr̥jat. Raghuvira, KpS, xxix. Mittwede, Textkritische Bemerkungen, p. 136

Pada: bh     tayārdʰnot

Line : 11  Pada: bi     tā imā manāvyāḥ prajās \

Pada: bj     yat paryagnikr̥taṃ pātnīvatam utsr̥jati

Pada: bk     yām eva manur r̥ddʰim ārdʰnot tām r̥dʰnoti


Line : 12  Pada: bl     saṃstʰāpyā3 na sam̐stʰāpyā3 iti mīmām̐sante

Line : 13  Pada: bm     sravati vai yajño 'sam̐stʰitas

Pada: bn     tam̐ sravantaṃ yajamāno 'nu parāsravati prajayā ca paśubʰiś ca

Line : 14  Pada: bo     sam̐stʰāpya eva

Pada: bp     yajñasya pratiṣṭʰityai


Pada: bq     yadi sam̐stʰāpayed yāvanti paśor avadānāni tāvanty ājyasyāvadyet \

Line : 15  Pada: br     ayātayāmam̐ hy etat prājāpatyaṃ yad ājyam

Line : 16  Pada: bs     ayātayāmo devānāṃ prajāpatis

Pada: bt     tad eva sam̐stʰāpayati tad u na sam̐stʰāpayati \

Line : 17  Pada: bu     ubʰayam eva karoti //


Anuvaka: 2  
Line : 18  Pada: a     aindravāyavāgrā agre gr̥hyante 'tʰa śukrāgrā atʰāgrāyaṇāgrās \

Pada: b     gāyatro vā aindravāyavas traiṣṭubʰaś śukro jāgata āgrāyaṇas \

Page: 183  
Line : 1  Pada: c     etāvanti vai cʰandām̐si

Line : 2  Pada: d     ccʰandobʰir devās svargaṃ lokam āyan \

Pada: e     cʰandobʰir eva svargaṃ lokam eti \


Pada: f     āgrāyaṇaś caturtʰe 'han \

Line : 3  Pada: g     jāgato vā āgrāyaṇas \

Pada: h     jaganmukʰa eṣa trirātras \

Pada: i     yad eva ccʰanda āpnoti tenottaraṃ trirātraṃ pratanute \


Line : 4  Pada: j     aindravāyavāgrāḥ pañcame 'han

Line : 5  Pada: k     gāyatro vā aindravāyavaḥ

Pada: l     prāṇo gāyatrī

Pada: m     prāṇam eva madʰyato dadʰāti

Line : 6  Pada: n     tasmān madʰyataḥ prāṇas \


Pada: o     śukrāgrāṣ ṣaṣṭʰe 'han \

Pada: p     traiṣṭubʰo vai śukras

Pada: q     triṣṭubanta eṣa trirātras \

Line : 7  Pada: r     antam evainam abʰyudūhati


Pada: s     śukrāgrā eva saptame 'han \

Pada: t     traiṣṭubʰo vai śukras

Line : 8  Pada: u     triṣṭummukʰa eṣa ccʰandomaḥ

Pada: v     pratyuttabdʰyai sayatvāya \

Pada: w     atʰo yad eva ccʰanda āpnoti tenottaraṃ trirātraṃ pratanute \


Line : 9  Pada: x     āgrāyaṇāgrā aṣṭame 'han \

Pada: y     jāgato vā āgrāyaṇas \

Line : 10  Pada: z     jaganmadʰya eṣa ccʰandomas \

Pada: aa     cʰandasām eva vyūham anuvyūhati \


Pada: ab     aindravāyavāgrāḥ prāyaṇīya aindravāyavāgrā udayanīye

Line : 11  Pada: ac     prāṇo vā aindravāyavaḥ

Line : 12  Pada: ad     prāṇenaiva prayanti prāṇenodyanti


Pada: ae     prāṇā vai grahās

Pada: af     tān etan mohayati yad vyatihāraṃ gr̥hṇāti

Line : 13  Pada: ag     yad agrān yad agrān gr̥hṇīyāt taṃ dʰārayan nā sādayitor āsīta

Line : 14  Pada: ah     prāṇā vai grahāḥ

Pada: ai     prāṇān evāyatanaśa āpādayati \

Pada: aj     atʰottaraṃ prasr̥tā gr̥hyante \


Line : 15  Pada: ak     evam̐ ha vai keśino dālbʰyasya vam̐śavraścane grahāñ jagr̥hus

Pada: al     sa hovāca luśākapiḥ kʰārgaliḥ katʰaṃ grahān agrahīṣṭeti \

Line : 16  Pada: am     ittʰamittʰam iti hāsmā ūcus

Line : 17  Pada: an     sa hovāca tryanīkam asya prajā bʰaviṣyatīti

Pada: ao     tataḥ pañcālās tredʰābʰavan

Line : 18  Pada: ap     yasyaivaṃ grahā gr̥hyante tryanīkam asya prajā bʰavati //


Anuvaka: 3  
Line : 19  Pada: a     aindravāyavāgrān gr̥hṇīta yaḥ kāmayeta yatʰāpūrvaṃ prajābʰyaḥ kalpeteti

Line : 20  Pada: b     yajñasya vai kl̥ptam anu prajābʰyaḥ kalpate

Pada: c     yajñasyākl̥ptam anu na kalpate

Pada: d     yatʰāpūrvam eva prajābʰyaḥ kalpayati

Line : 21  Pada: e     na kanīyāñ jyāyām̐sam atikrāmati \


Pada: f     aindravāyavāgrān gr̥hṇīyād āmayāvinaḥ

Page: 184  
Line : 1  Pada: g     prāṇena vā eṣa vyr̥dʰyate yasyāmayati

Pada: h     prāṇa aindravāyavaḥ

Line : 2  Pada: i     prāṇenaivainam̐ samardʰayati


Pada: j     maitrāvaruṇāgrān gr̥hṇīran yeṣāṃ dīkṣitānāṃ pramīyeta

Line : 3  Pada: k     prāṇāpānābʰyāṃ vā ete vyr̥dʰyante yeṣāṃ dīkṣitānāṃ pramīyate

Line : 4  Pada: l     prāṇāpānau vai mitrāvaruṇau

Pada: m     prāṇāpānā eva mukʰataḥ pariharante

Line : 5  Pada: n     tasmān mukʰataḥ prāṇāpānau \


Pada: o     āśvināgrān gr̥hṇītānujāvaras \

Pada: p     aśvinau vai devānām ānujāvarau

Line : 6  Pada: q     tā agraṃ paryaitām

Pada: r     aśvinā etasya devatā ya ānujāvaras

Line : 7  Pada: s     tā evānvārabʰate

Pada: t     tā enam agraṃ pariṇayataḥ


Pada: u     śukrāgrān gr̥hṇīta gataśrīr

Line : 8  Pada: v     asau vā ādityaś śukras \

Pada: w     eṣo 'ntas \

Pada: x     antaṃ manuṣyaś śriyo gatvā nivartate \

Line : 9  Pada: y     antād evāntam ālabʰate

Pada: z     na tataḥ pāpīyān bʰavati yādr̥ṅ san yajate


Line : 10  Pada: aa     mantʰyagrān gr̥hṇītābʰicaran \

Pada: ab     ārtapātraṃ vā etad yan mantʰipātram \

Pada: ac     mr̥tyunaivainaṃ grāhayati \


Line : 11  Pada: ad     uktʰyāgrān gr̥hṇītābʰicaryamāṇas

Pada: ae     sarveṣāṃ vā etat pātrāṇām indriyaṃ vīryaṃ yad uktʰyapātram \

Line : 12  Pada: af     sarveṇaivainam indriyeṇātiprayuṅkte //


Line : 13  Pada: ag     mā tvat kṣetrāṇy araṇāni ganma māpaspʰarīḥ payasā mā na ādʰak /

Line : 14  Pada: ah     mā vayam eno 'nyakrṭaṃ bʰujema

Pada: ai     sarasvaty abʰi no neṣi vasyaḥ //

Line : 15  Pada: aj     iti

Pada: ak     mr̥tyor vai kṣetrāṇy araṇāni

Pada: al     tenaiva mr̥tyoḥ kṣetrāṇi na gaccʰati \


Pada: am     āgrāyaṇāgrān gr̥hṇīta yasya pitā pitāmahaḥ puṇyas syād atʰa tan na prāpnuyāt \

Line : 17  Pada: an     vācā vā eṣa indriyeṇa vyr̥dʰyate yasya pitā pitāmahaḥ puṇyo bʰavaty atʰa tan na prāpnoti \

Line : 18  Pada: ao     ura ivaitad yajñasya vāg iva yad āgrāyaṇas \

Pada: ap     vācaivainam indriyeṇa samardʰayati


Line : 19  Pada: aq     pūrṇān grahān gr̥hṇīyād āmayāvinaḥ

Pada: ar     prāṇān vā etasya śug r̥ccʰati yasyāmayati

Page: 185  
Line : 1  Pada: as     prāṇā grahāḥ

Pada: at     prāṇān evāsya śuco muñcati


Line : 2  Pada: au     pūrṇān grahān gr̥hṇīyād yarhi parjanyo na varṣet

Pada: av     prāṇān vā etarhi prajānām̐ śug r̥ccʰati yarhi parjanyo na varṣati

Line : 3  Pada: aw     prāṇā grahāḥ

Pada: ax     prāṇān eva prajānām̐ śuco muñcati

Line : 4  Pada: ay     tājak pravarṣati //


Anuvaka: 4  
Line : 5  Pada: a     kṣetrasya pate madʰumantam ūrmiṃ dʰenur iva payo asmāsu dʰukṣva /

Line : 6  Pada: b     madʰuścutaṃ * gʰr̥tam iva supūtam r̥tasya naḥ patayo mr̥ḍayantu //
      FN cf. 4.15:41.2: madʰuścyútaṃ

Line : 7  Pada: c     upayāmagr̥hīto 'si \

Pada: d     adityai tvā caturūdʰnyai //

Line : 8  Pada: e     udīrayata marutas samudrato yūyaṃ vr̥ṣṭiṃ varṣayatʰā purīṣiṇaḥ /

Line : 9  Pada: f     na vo dasrā upadasyanti dʰenavaś śubʰaṃ yātām anu ratʰā avr̥tsata //

Line : 10  Pada: g     upayāmagr̥hīto 'si \

Pada: h     adityai tvā caturūdʰnyai //

Line : 11  Pada: i     mahīm ū ṣu mātaram̐ suvratānām r̥tasya patnīm avase huvema /

Line : 12  Pada: j     tuvikṣatrām ajarantīm urūcīm̐ suśarmāṇam aditim̐ supraṇītim //

Line : 13  Pada: k     upayāmagr̥hīto 'si \

Pada: l     adityai tvā caturūdʰnyai //

Pada: m     eṣa te yonir

Pada: n     adityai tvā caturūdʰnyai //


Line : 14  Pada: o     vr̥ṣṭir vai devebʰyo 'pākrāmat

Pada: p     saiṣu lokeṣv aśrayata

Pada: q     tāṃ devā anveṣṭum adʰriyanta

Line : 15  Pada: r     ta etaṃ graham apaśyan \

Pada: s     tam agr̥hṇata

Pada: t     tenaibʰyo lokebʰyo vr̥ṣṭim̐ saṃprācyāvayan \

Line : 16  Pada: u     tam etaṃ vr̥ṣṭikāmo gr̥hṇīta


Pada: v     kṣetrasya pate madʰumantam ūrmim iti \

Line : 17  Pada: w     asau vai kṣetrasya patir amuto varṣati \

Pada: x     udīrayata marutas samudrata iti

Line : 18  Pada: y     marutas sr̥ṣṭāṃ vr̥ṣṭiṃ nayanti

Pada: z     mahīm ū ṣu mātaram̐ suvratānām iti \

Pada: aa     iyam aditir asyāṃ varṣati \

Page: 186  
Line : 1  Pada: ab     etā vai devatā varṣasyeśate

Pada: ac     tā evopadʰāvati \

Pada: ad     ebʰya eva lokebʰyo vr̥ṣṭim̐ saṃpracyāvayati


Line : 2  Pada: ae     catusstanaṃ pātraṃ bʰavati

Pada: af     catasro diśas \

Line : 3  Pada: ag     digbʰya eva vr̥ṣṭim̐ saṃpracyāvayati

Pada: ah     yaṃ pratʰamam̐ stanam anupadyate tasyā diśo 'bʰy etad * varṣati \
      FN Mittwede, Textkritische Bemerkungen, p. 136: diśo 'dʰy etad

Line : 4  Pada: ai     api pātre kriyamāṇe varṣati


Pada: aj     mr̥nmayena gr̥hṇāti

Pada: ak     dārumayeṇa juhoti

Line : 5  Pada: al     na hi mr̥nmayam āhutim ānaśe //


Anuvaka: 5  
Line : 6  Pada: a     upayāmagr̥hīto 'si

Pada: b     prajāpataye tvā prajābʰyas \

Pada: c     eṣa te yoniḥ

Pada: d     prajāpataye tvā prajābʰyas \

Line : 7  Pada: e     upayāmagr̥hīto 'si

Pada: f     prajābʰyas tvā prajāpataye \

Pada: g     eṣa te yoniḥ

Line : 8  Pada: h     prajābʰyas tvā prajāpataye * \
      FN emended. Ed.: prajāpate

Pada: i     upayāmagr̥hīto 'si \

Pada: j     antarikṣāya tvā vanaspatibʰyas \

Line : 9  Pada: k     eṣa te yonir

Pada: l     antarikṣāya tvā vanaspatibʰyas \

Pada: m     upayāmagr̥hīto 'si

Line : 10  Pada: n     vanaspatibʰyas tvāntarikṣāya \

Pada: o     eṣa te yonir

Pada: p     vanaspatibʰyas tvāntarikṣāya \

Pada: q     upayāmagr̥hīto 'si \

Line : 11  Pada: r     adbʰyas tvauṣadʰībʰyas \

Pada: s     eṣa te yonir

Pada: t     adbʰyas tvauṣadʰībʰyas \

Pada: u     upayāmagr̥hīto 'si \

Line : 12  Pada: v     oṣadʰībʰyas tvādbʰyas \

Pada: w     eṣa te yonir

Pada: x     oṣadʰībʰyas tvādbʰyaḥ //

Line : 13  Pada: y     ud u tyaṃ jātavedasaṃ devaṃ vahanti ketavaḥ /

Line : 14  Pada: z     dr̥śe viśvāya sūryam //

Line : 15  Pada: aa     upayāmagr̥hīto 'si

Pada: ab     sūryāya tvā \

Pada: ac     eṣa te yonis

Pada: ad     sūryāya tvā //

Line : 16  Pada: ae     vācaspatiṃ viśvakarmāṇam ūtaye manoyujaṃ vāje adyāhuvema /

Line : 17  Pada: af     sa no nediṣṭʰam̐ havanāny āgamad viśvaśambʰūr avase sādʰukarmā //

Line : 18  Pada: ag     upayāmagr̥hīto 'si \

Pada: ah     indrāya tvā viśva karmaṇe \

Pada: ai     eṣa te yonir

Pada: aj     indrāya tvā viśvakarmaṇe //

Line : 20  Pada: ak     mahīm ū ṣu mātaram̐ suvratānām r̥tasya patnīm avase huvema /

Line : 21  Pada: al     tuvikṣatrām ajarantīm urūcīm̐ suśarmāṇam aditim̐ supraṇītim //

Line : 22  Pada: am     upayāmagr̥hīto 'si \

Pada: an     adityai tvā \

Pada: ao     eṣa te yonir

Pada: ap     adityai tvā //


Pada: aq     saṃtatir vā ete grahās \

Page: 187  
Line : 1  Pada: ar     yatʰā vai śālaivam̐ saṃvatsaras \

Pada: as     yatʰā śālāyāḥ pakṣasī evam̐ saṃvatsarasya pakṣasī

Line : 2  Pada: at     yatʰā madʰyamo vam̐śa evaṃ divākīrtyam \

Pada: au     yad ete na gr̥hyeran viṣūcī saṃvatsarasya pakṣasī vyavasram̐seyātām ārtim ārcʰeyur

Line : 3  Pada: av     yad ete gr̥hyante

Line : 4  Pada: aw     yatʰā śālāyāḥ pakṣasī madʰyamaṃ vam̐śam abʰisamāyaccʰanty evam evaitat saṃvatsarasya pakṣasī divākīrtyam abʰisaṃtanvanti


Line : 5  Pada: ax     te sarve saha divākīrtye gr̥hyante

Line : 6  Pada: ay     yatʰā vai madʰyamo vam̐śa evaṃ divākīrtyam \

Pada: az     yad vai saubalas syād avaśīryeta //

Line : 7  Pada: ba     yad ete na gr̥hyante

Pada: bb     draḍʰimna evānunaddʰyā aśitʰilatvāya


Pada: bc     śukrāgrā etad ahar gr̥hyante

Line : 8  Pada: bd     traiṣṭubʰo vai śukras

Pada: be     traiṣṭubʰam etad ahaḥ

Pada: bf     pratyuttabdʰyai sayatvāya


Pada: bg     saurya etad ahaḥ paśur ālabʰyate

Line : 9  Pada: bh     sauryo graho gr̥hyate \

Pada: bi     asau vā āditya etad ahas

Pada: bj     tam eva pratyakṣam r̥dʰnuvanti


Line : 10  Pada: bk     ṣaḍ etad ahar atigrāhyā gr̥hyante

Pada: bl     paśus saptamas

Pada: bm     sapta prāṇās \

Line : 11  Pada: bn     asā ādityaś śiraḥ prajānām \

Pada: bo     sīrṣann eva prāṇān dadʰāti

Pada: bp     tasmāt sapta śīrṣaṇyāḥ prāṇās \


Line : 12  Pada: bq     indro vai vr̥tram̐ hatvā sa imāṃl lokān abʰyajayat

Pada: br     tasyāsau loko 'nabʰijita āsīt

Line : 13  Pada: bs     taṃ viśvakarmā bʰūtvābʰyajayat \

Pada: bt     yad vaiśvakarmaṇo gr̥hyate \

Line : 14  Pada: bu     amuṣya lokasyābʰijityai


Pada: bv     yanti vā ete 'smāl lokād ye vaiśvakarmaṇaṃ gr̥hṇate

Line : 15  Pada: bw     parāñca iva hi \


Pada: bx     ete na rohanti

Pada: by     ta īśvarāḥ prametor

Pada: bz     ādityam̐ śvo gr̥hṇīran \

Line : 16  Pada: ca     iyam aditir

Pada: cb     asyām eva tena pratitiṣṭʰanti \


Pada: cc     ā parārdʰāt saṃvatsarasyānyamanyaṃ gr̥hṇīran

Line : 17  Pada: cd     viśvāny anyena karmāṇi kurvāṇā yanty asyām anyena pratitiṣṭʰanti


Line : 18  Pada: ce     tā ubʰau saha mahāvrate gr̥hyete

Pada: cf     antam evāgatyobʰayor lokayor r̥dʰnuvanti vaiśvakarmaṇenāmuṣminn ādityenāsmin \


Line : 19  Pada: cg     arkyam uktʰaṃ bʰavati \

Pada: ch     annaṃ vā arkyam

Line : 20  Pada: ci     annāda eva tena pratitiṣṭʰanti //


Anuvaka: 6  
Line : 21  Pada: a     agnaye tvā pravr̥hāmi gāyatreṇa ccʰandasā \

Pada: b     indrāya tvā pravr̥hāmi traiṣṭubʰena ccʰandasā

Line : 22  Pada: c     viśvebʰyas tvā devebʰyaḥ pravr̥hāmi jāgatena ccʰandasā //

Page: 188  
Line : 1  Pada: d     agniḥ prātassavane pātv asmān vaiśvānaro viśvakr̥d viśvaśaṃbʰūḥ /

Line : 2  Pada: e     sa naḥ pāvako draviṇaṃ dadʰātv āyuṣmantas sahabʰakṣās syāma //

Line : 3  Pada: f     viśve devā maruta indro asmān asmin dvitīye savane na jahyuḥ /

Line : 4  Pada: g     sumedʰasaḥ priyam eṣāṃ vadanto vayam̐ syāma patayo rayīṇām //

Line : 5  Pada: h     idaṃ tr̥tīyasavanaṃ kavīnām r̥tena ye camasam airayanta /

Line : 6  Pada: i     saudʰanvanā amr̥tam ānaśānās sviṣṭaṃ no 'bʰi vasyo nayantu //

Line : 7  Pada: j     śukraṃ te śukreṇa gr̥hṇāmi \

Pada: k     ahno rūpe sūryasya raśmiṣu

Pada: l     reśīnāṃ tvā patmann ādʰūnomi

Line : 8  Pada: m     māndānāṃ tvā patmann ādʰūnomi

Pada: n     kūtanānāṃ tvā patmann ādʰūnomi

Line : 9  Pada: o     bʰandanānāṃ tvā patmann ādʰūnomi

Pada: p     devayānīnāṃ tvā patmann ādʰūnomi //

Line : 10  Pada: q     ā sīm ugrā acucyavur divo dʰārām asaścata /

Line : 11  Pada: r     kakubʰaṃ rūpam r̥ṣabʰasya rocate br̥hat * //
      FN emended. Ed.: bahat. Mittwede, Textkritische Bemerkungen, p. 136

Line : 12  Pada: s     somas somasya purogās \

Pada: t     śukraś śukrasya purogās \

Pada: u     yat te somādābʰyaṃ nāma jāgr̥vi tasmai te soma somāya svāhā //

Line : 13  Pada: v     trir vasubʰyo avapatʰās * trī rudrebʰyo avapatʰās * trir ādityebʰyo avapatʰās * \
      FN Mittwede, Textkritische Bemerkungen, p. 136: apavatʰās
      FN Mittwede, Textkritische Bemerkungen, p. 136: apavatʰās
      FN Mittwede, Textkritische Bemerkungen, p. 136: apavatʰās

Line : 14  Pada: w     yena rūpeṇa prajāpataye 'vapatʰās * tena mahyaṃ pavasva \
      FN Mittwede, Textkritische Bemerkungen, p. 136: apavatʰās

Line : 15  Pada: x     uśik tvaṃ deva soma gāyatreṇa ccʰandasāgneḥ pātʰa upehi

Line : 16  Pada: y     vaśī tvaṃ deva soma traiṣṭubʰena ccʰandasendrasya pātʰa upehi \

Pada: z     asmatsakʰā deva soma jāgatena ccʰandasā viśveṣāṃ devānāṃ pātʰa upehi //


Anuvaka: 7  
Line : 18  Pada: a     devāś ca vā asurāś ca samāvad eva yajñe 'kurvata

Pada: b     yad eva devā akurvata tad asurā akurvata

Line : 19  Pada: c     te devā etam adābʰyam apaśyan \

Pada: d     tam agr̥hṇata \

Pada: e     agnaye tvā pravr̥hāmi gāyatreṇa ccʰandaseti

Line : 20  Pada: f     devatāś caiva tac cʰandām̐si cāpnuvan \

Pada: g     agniḥ prātassavane pātv asmān iti

Line : 21  Pada: h     savanāny eva tad āpnuvan \

Pada: i     śukraṃ * te śukreṇa gr̥hṇāmīti \
      FN cʰukraṃ. Ed.: āpnuvam̐ścʰukraṃ. Ch: āpnuvaṃ cʰukraṃ.

Page: 189  
Line : 1  Pada: j     ahorātrayor eva tad rūpe āpnuvan

Pada: k     reśīnāṃ tvā patmann ādʰūnomīti \

Pada: l     apām eva tad rūpāṇy āpnuvan \

Line : 2  Pada: m     te devā yāvān eva yajñas taṃ parigr̥hyājuhavus

Pada: n     tam̐ hutam asurā anvabudʰyanta

Line : 3  Pada: o     te 'bruvann adabʰan na iti

Pada: p     tad asyādābʰyatvam

Pada: q     atʰo yad enān dabdʰuṃ nāśaknuvan \

Line : 4  Pada: r     tad asyādābʰyatvam \

Pada: s     sa eṣa bʰrātr̥vyasyaiva dabdʰyai gr̥hyate //


Pada: t     nigrābʰyāṇāṃ gr̥hṇāti *
      FN emended. Ed.: gr̥hṇati. Mittwede, Textkritische Bemerkungen, p. 137

Line : 5  Pada: u     somo vai dadʰno gr̥hṇāti

Pada: v     somo hi dadʰi


Pada: w     catussrakti pātraṃ bʰavati

Line : 6  Pada: x     catasro diśas \

Pada: y     dikṣv eva pratitiṣṭʰati


Pada: z     gʰnanti vā etat somaṃ yad abʰiṣuṇvanti

Line : 7  Pada: aa     tasyaiṣātimokṣiṇī tanūr yad ādābʰyas

Pada: ab     tām evānv ahatām̐ hatas svaragaṃ lokam abʰy atimucyate

Line : 8  Pada: ac     tad anu yajamāno yajñāt

Pada: ad     sā hi yajamānas

Pada: ae     sa ha tvā amuṣmiṃl loke sarvatanūr yasyaiṣa gr̥hyate


Line : 9  Pada: af     vi vā etad yajñaṃ cʰinatti yat purābʰiṣotos sam̐stʰāṃ gamayati

Line : 10  Pada: ag     yad am̐śūn anabʰiṣutān apisr̥jati

Pada: ah     yajñasya saṃtatyā aviccʰedāya //


Line : 11  Pada: ai     na sāmānuktʰo * 'graho 'stīty āhur anāyatanas sa iti
      FN Mittwede, Textkritische Bemerkungen, p. 137: nāsāmā nānuktʰo


Line : 12  Pada: aj     trir vasubʰyo avapatʰā * iti \
      FN Mittwede, Textkritische Bemerkungen, p. 137

Pada: ak     etad uktʰam

Pada: al     eṣāśīs \


Pada: am     gaurivītam̐ sāma

Pada: an     devā vai yad brahma vyabʰajanta

Line : 13  Pada: ao     tato yad atyaricyata tad gaurivītam abʰavat \

Pada: ap     atiriktaṃ vai gaurivītam

Line : 14  Pada: aq     atiriktā atigrāhyās \

Pada: ar     atiriktenaivātiriktam āpnoti


Pada: as     yatra gaurivītam̐ sāma syāt tad api bahūn atigrāhyān gr̥hṇīyāt

Line : 15  Pada: at     tenaivainān sāmavata uktʰavato nidānavata āyatanavataḥ karoti


Line : 16  Pada: au     nidānavān āyatanavān bʰavati ya evaṃ veda //


Anuvaka: 8  
Line : 18  Pada: a     prajāpater jāyamānāḥ prajā jātāś ca yā imāḥ /

Line : 19  Pada: b     tā asmai prativedaya cikitvām̐ anumanyatām //

Line : 20  Pada: c     paśupateḥ paśavo virūpās sadr̥śā uta /

Line : 21  Pada: d     teṣāṃ yaṃ vavrire * devās tam̐ svarāḍ anumanyatām //
      FN Mittwede, Textkritische Bemerkungen, p. 137

Page: 190  
Line : 1  Pada: e     prajānantaḥ pratigr̥hṇanti pūrve prāṇam aṅgebʰyo adʰi niścarantam /

Line : 2  Pada: f     huto yāhi patʰibʰir devayānair oṣadʰīṣu pratitiṣṭʰā śarīraiḥ //

Line : 3  Pada: g     ye badʰyamānam anubadʰyamānā anvaikṣanta manasā cakṣuṣā ca /

Line : 4  Pada: h     agniṣ ṭām̐ agre pramumoktu devaḥ prajāpatiḥ prajayā saṃvidānaḥ //

Line : 5  Pada: i     ya āraṇyāḥ paśavo viśvarūpā virūpās santo bahudʰaikarūpāḥ /

Line : 6  Pada: j     vāyuṣ ṭām̐ agre pramumoktu devo viśvakarmā prajayā saṃrarāṇaḥ //

Line : 7  Pada: k     yeṣām īśe paśupatiḥ paśūnāṃ catuṣpāda uta ye dvipādaḥ /

Line : 8  Pada: l     niṣkrītās te yajñiyaṃ bʰāgaṃ yantu rāyaspoṣā yajamānaṃ viśantu //

Line : 9  Pada: m     pramuñcamānā bʰuvanasya reto gātuṃ dʰatta yajamānāya devāḥ /

Line : 10  Pada: n     upākr̥tam̐ śaśamānaṃ yad astʰāt priyaṃ devānām apy etu pātʰaḥ //

Line : 11  Pada: o     nānā prāṇo yajamānasya paśunā yajño devebʰis saha devayānaḥ /

Line : 12  Pada: p     samyag āyur yajño yajñapatau dadʰātu //

Line : 13  Pada: q     upeta śamitāro devānāṃ dasitam̐ haviḥ /

Line : 14  Pada: r     paśoḥ pāśaṃ pramuñcata pāśaṃ yajñapater adʰi //

Line : 15  Pada: s     aditiḥ pāśān pramumoktv etān namaḥ paśubʰyaḥ paśupataye 'stu /

Line : 16  Pada: t     yo no dveṣṭy adʰaras sa padīṣṭa tasmin pāśān pratimuñcāma etān //

Line : 17  Pada: u     tvām u tye dadʰire pratʰamaṃ vicakṣyam̐ śr̥taṃ kartāram uta yajñiyaṃ ca /

Line : 18  Pada: v     agne sadakṣas satanūr hi bʰūtvātʰa vaha havyaṃ devebʰyo jātavedaḥ //

Page: 191  
Line : 1  Pada: w     jātavedo vapayā gaccʰa devām̐s tvam̐ hi hotā pratʰamo babʰūtʰa /

Line : 2  Pada: x     gʰr̥tasyāgne tanvā saṃbʰava satyās santu yajamānasya kāmāḥ //


Anuvaka: 9  
Line : 3  Pada: a     prajāpater vai paśavo 'jātāś * ca jāyamānāś ca rudrasya jātās \
      FN Mittwede, Textkritische Bemerkungen, p. 137

Pada: b     vyr̥ddʰena vā eṣa paśunā carati ya etayos santaṃ paśuṃ tam aniryācyaitayor ālabʰate

Line : 4  Pada: c     yayor eva paśus tayor evainaṃ niryācya tenānumatena prasūtena \

Line : 5  Pada: d     r̥dʰnoty eva


Pada: e     jīvan paśus svargaṃ lokaṃ gamayitavya ity āhur na mr̥tas svargaṃ lokaṃ gantum arhatīti

Line : 7  Pada: f     prajānantaḥ pratigr̥hṇanti pūrva iti

Pada: g     jīvantam evainam̐ svargaṃ lokaṃ gamayati


Line : 8  Pada: h     ye ca vai grāmyāḥ paśavo ye cāraṇyās ta etam ālabʰyamānam anudʰyāyanti

Line : 9  Pada: i     sa īśvaro yajamāno 'paśuḥ parābʰavitor

Pada: j     ye badʰyamānam anubadʰyamānā ya āraṇyāḥ paśavo viśvarūpā iti

Line : 10  Pada: k     paśūnām evaiṣā saṃpramuktiḥ


Pada: l     pañcaitāni juhoti

Line : 11  Pada: m     pāṅktāḥ paśavas \

Pada: n     yāvān eva paśus tam̐ svargaṃ lokaṃ gamayati //


Pada: o     yad avagʰrāpayati

Line : 12  Pada: p     tam eva nirdiṣṭam ālabʰate


Pada: q     paśur vai yajño yajñāt sa yajamāna etat paśum ālabʰata ity āhuḥ kvaitarhi yajamāno bʰavatīti


Line : 13  Pada: r     nānā prāṇo yajamānasya paśuneti

Line : 14  Pada: s     prāṇā evainayor vyāvartayati


Pada: t     yajñena vā enam etad vyardʰayati yan nānā prāṇa ity āha

Line : 15  Pada: u     samyag āyur yajño yajñapatau dadʰātv iti

Line : 16  Pada: v     yajñenaivainam̐ samardʰayati \


Pada: w     adʰirajjū vā etā amuṣmiṃl loke paśuś ca yajamānaś ca yayor etena pāśaṃ na pramuñcati \

Line : 17  Pada: x     upeta śamitāro devānāṃ dasitam̐ haviḥ paśoḥ pāśaṃ pramuñcata pāśaṃ yajñapater adʰīti

Line : 18  Pada: y     pāśam evainayoḥ pramuñcati varuṇapāśam \

Line : 19  Pada: z     sa ha tvā amuṣmiṃl loke 'parajjur yasyaivaṃ kriyate


Pada: aa     yady abʰicared yo no dveṣṭy adʰaras sa padīṣṭa tasmin pāśān pratimuñcāma etān iti stambʰaṃ vā dāru vābʰidadʰyāt

Line : 21  Pada: ab     pāśam evāsmin pratimuñcati varuṇapāśam


Pada: ac     āhavanīyaṃ vā etad vyardʰayati yat paśuśrapaṇaṃ karoti

Page: 192  
Line : 1  Pada: ad     tvām u tye dadʰire pratʰamaṃ vicakṣyam iti

Line : 2  Pada: ae     medʰyam evainaṃ yajñiyaṃ karoti


Pada: af     jātavedo vapayā gaccʰa devān iti

Line : 3  Pada: ag     svargam evainaṃ lokaṃ gamayati


Pada: ah     yadyad vā r̥ṣīṇāṃ ca devānāṃ ca yajñasyāpūtam āsīt tad etair apunata

Line : 4  Pada: ai     yad evāsya yajñasyāpūtaṃ tad etaiḥ punīte \


Pada: aj     āvyaṃ vā etais te 'pājayan \

Line : 5  Pada: ak     tad apāvyānām apāvyatvam

Pada: al     āvyam evaitair apajayati //


Anuvaka: 10  
Line : 6  Pada: a     tr̥tī́yasyāṃ vaí diví sóma āsīt

Pada: b     táṃ gāyatry ā́harat

Pada: c     tásya parṇám accʰidyata

Line : 7  Pada: d     sá parṇò 'bʰavat

Pada: e     tát parṇásya parṇatvám \

Pada: f     tásmāt sárve vr̥kṣā́ḥ parṇávantás \


Line : 8  Pada: g     atʰaiṣá evá parṇá ucyate

Pada: h     yát parṇaśākʰā́ bʰávati

Pada: i     tám evá sómam ávarunddʰe


Pada: j     devā́ * vaí bráhman sámavadanta
      FN emended. Ed.: davā́. Mittwede, Textkritische Bemerkungen, p. 137

Line : 9  Pada: k     tát parṇá úpāśr̥ṇot

Pada: l     suśrávā vaí nā́maiṣá

Pada: m     ná badʰiró bʰavati yá eváṃ véda


Line : 10  Pada: n     yát parṇaśākʰáyā prārpáyati

Pada: o     bráhmaṇaivaínāḥ prā́rpayati


Pada: p     prajā́patiḥ paśū́n asr̥jata

Line : 11  Pada: q     tā́n ayáṃ devò 'bʰyàmanyata

Pada: r     tám̐ śamyā́śamayat

Pada: s     tác cʰamyā́ś śamītvám \

Line : 12  Pada: t     yác cʰamīśākʰáyā prārpáyati

Pada: u     śā́ntyai \


Pada: v     apā́ṃ vā́ etád óṣadʰīnāṃ téjo yád darbʰā́s \

Line : 13  Pada: w     yád darbʰapiñjūlaíḥ prārpáyati \

Pada: x     apā́m evaínā óṣadʰīnāṃ téjasā prā́rpayati \


Line : 14  Pada: y     iṣé tvorjá íti \

Pada: z     íṣam evórjaṃ yajñé dadʰāti


Pada: aa     vāyávas stʰéti

Pada: ab     vāyúr vā́ antárikṣasyā́dʰyakṣas \

Line : 15  Pada: ac     antarikṣadevatyā̀ḥ paśávas \

Pada: ad     vāyúr evaínān antárikṣāya páridadāti


Line : 16  Pada: ae     prá vā́ enān etád ā́karoti yád vāyávas stʰéty ā́ha \

Pada: af     ā́raṇyasyeva hí vāyúr


Line : 17  Pada: ag     upāyávas stʰéti

Pada: ah     yájamānāyaivá paśū́n apā́karoti


Pada: ai     devó vas savitā́ prā́rpayatv íti

Line : 18  Pada: aj     prásūtyai


Pada: ak     śréṣṭʰatamāya kármaṇa íti

Pada: al     yajñó vaí śréṣṭʰatamaṃ kárma \


Page: 193  
Line : 1  Pada: am     ā́pyāyadʰvam agʰnyā devabʰāgám íti

Pada: an     vatsébʰyaś ca vā́ etā́ manuṣyèbʰyaś ca purā́pyāyante \

Line : 2  Pada: ao     átʰaitárhi devébʰya evaínā ā́pyāyayati


Pada: ap     prajā́vatīr anamīvā́ ayakṣmā́ íti

Line : 3  Pada: aq     prajā́vatīr evaínā amamīvā́ ayakṣmā́ḥ karoti //


Pada: ar     mā́ vas stená īśata mā́gʰáśam̐sa íti \

Line : 4  Pada: as     āśíṣam evā́śāste


Pada: at     pári vo rudrásya hetír vr̥ṇaktv íti

Line : 5  Pada: au     rudrám evá paśúbʰiḥ párivr̥ṇakti \


Pada: av     ágʰātuko 'sya rudráḥ paśū́n bʰavati yásyaiváṃ vidúṣo yáś caiváṃ * vidvā́n havíṣe gā́ḥ prārpáyati
      FN Mittwede, Textkritische Bemerkungen, p. 137: yásyaiváṃ

Line : 6  Pada: aw     dʰruvā́ asmín gópatau syātéti

Line : 7  Pada: ax     dŕ̥m̐haty evaínās \


Pada: ay     bahvī́r íti

Pada: az     bʰūmā́nam evaínā gamayati


Pada: ba     yájamānasya paśū́n pāhī́ti

Line : 8  Pada: bb     yájamānasya paśūnā́ṃ gopītʰā́ya


Pada: bc     pratī́cīm̐ śā́kʰām úpagūhati

Line : 9  Pada: bd     tásmād grāmyā́ḥ paśávas sāyám āraṇyā́d grā́mam ā́yanti

Pada: be     yát párācīm upagū́hed áraṇye hīyeran //


Line : 11  Pada: bf     ity ekottaraśataśākʰādʰvaryuprabʰedabʰinne śrīmadyajurvede kāṭʰake carakaśākʰāyāṃ madʰyamikāyāṃ pātnīvataṃ nāma triṃśaṃ stʰānakaṃ paripūrṇam // saṃpūrṇā ceyaṃ madʰyamikā // śubʰam astu // śubʰam astu // sarvajagatām //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.