TITUS
Black Yajur-Veda: Kathaka-Samhita
Part No. 35
Previous part

Sthanaka: 35  
Anuvaka: 1  
Line : 7  Pada: a     bʰadráṃ kárṇebʰiś śr̥ṇuyāma devā bʰadráṃ paśyemākṣíbʰir * yajatrāḥ /
      FN Mittwede, Textkritische Bemerkungen, p. 144: paśyemākṣábʰir

Line : 8  Pada: b     stʰiraír áṅgais tuṣṭuvā́m̐sas tanū́bʰir * vyàśema deváhitaṃ yád ā́yuḥ //
      FN emended. Ed.: tunū́bʰir. Mittwede, Textkritische Bemerkungen, p. 144

Line : 9  Pada: c     svastí na índro vr̥ddʰáśravās svastí naḥ pūṣā́ viśvávedāḥ /

Line : 10  Pada: d     svastí nas tā́rkṣyo áriṣṭanemis svastí no bŕ̥haspátir dadʰātu //

Line : 11  Pada: e     pŕ̥ṣadaśvā marútaḥ pŕ̥śnimātaraś śubʰaṃyā́vāno vidátʰeṣu jágmayaḥ /

Line : 12  Pada: f     agnijihvā́ mánavas sū́racakṣaso víśve mā devā́ ávasā́gamann ihá //

Line : 13  Pada: g     śatám ín nú śarádo ánti devā yátrā naś cakrā́ jarásaṃ tanū́nām /

Line : 14  Pada: h     putrā́so yátra pitáro bʰávanti mā́ no madʰyā́ rīriṣatā́yur gántoḥ //

Page: 51  
Line : 1  Pada: i     preddʰo agne dīdihi puro no 'jasrayā sūrmyā yaviṣṭʰa /

Line : 2  Pada: j     tvām̐ śaśvanta upayanti yājāḥ //

Line : 3  Pada: k     śrutkarṇāya kavaye vedyāya vacobʰir nākam upayāmi śam̐san /

Line : 4  Pada: l     yato bʰayam abʰayatvaṃ no astv agne devānām ava heḍa ikṣva * //
      FN Mittwede, Textkritische Bemerkungen, p. 144: heḍo yakṣva, heḍa iyakṣva

Line : 5  Pada: m     agniṃ vo devam agnibʰis sajoṣā yajiṣṭʰaṃ dūtam adʰvare kr̥ṇudʰvam /

Line : 6  Pada: n     yo martyeṣu nidʰruvir r̥tāvā tapurmūrdʰā gʰr̥tānnaḥ pāvakaḥ //

Line : 7  Pada: o     gʰr̥tapratīko gʰr̥tapr̥ṣṭʰo agnir gʰr̥tāhavano gʰr̥tam asya dʰāma /

Line : 8  Pada: p     gʰr̥tapruṣo haritas tvāvahantu gʰr̥taṃ piban yajatād deva devān //


Anuvaka: 2  
Line : 9  Pada: a     imo agne vītatamāni havyājasro * vakṣi devatātim accʰa /
      FN emended. Ed.: havyājasrā

Line : 10  Pada: b     prati na īm̐ surabʰīṇi vyantu //

Line : 11  Pada: c     sapta te agne

Pada: d     trayastrim̐śat * \
      FN emended. Ed.: trayistram̐śad

Pada: e     yan me manasas \

Pada: f     viśvakarmā * \
      FN emended. Ed.: viśvakamā. Mittwede, Textkritische Bemerkungen, p. 144

Pada: g     agniṃ yunajmi \

Pada: h     indʰānās tvā \

Line : 12  Pada: i     agnir na īḍita īḍitavyair devaiḥ pārtʰivaiḥ pātu

Pada: j     vāyur na īḍita īḍitavyair devair antarikṣyaiḥ pātu

Line : 13  Pada: k     sūryo na īḍita īḍitavyair devair divyaiḥ pātu

Pada: l     viṣṇur na īḍita īḍitavyair devair diśyaiḥ pātu \

Line : 14  Pada: m     agnir yajurbʰiḥ pūṣā svagākārais ta imaṃ yajñam avantu te mām avantv anu va ārabʰe 'nu mārabʰadʰvam * //
      FN emended. Ed.: mārabʰadʰvas. Mittwede, Textkritische Bemerkungen, p. 144


Anuvaka: 3  
Line : 16  Pada: a     pr̥tʰivi vibʰūvari * sinīvāly uraṃdʰa * ācitte manas te bʰuvo vivaste
      FN cf. ĀpŚS.14.17.3: bʰūvari
      FN cf. ĀpŚS.14.17.3: urandʰra. Mittwede, Textkritische Bemerkungen, p. 144

Line : 17  Pada: b     ya ūrmir haviṣya indriyāvāṃs taṃ va r̥dʰyāsam \

Pada: c     somasyājyam asi haviṣo havir jyotiṣo jyotis \

Line : 18  Pada: d     viśveṣāṃ devānāṃ bʰāgadʰeyīs stʰa

Pada: e     devavītaye vo gr̥hṇāmi //

Page: 52  
Line : 1  Pada: f     saṃ vas siñcantu marutas saṃ pūṣā saṃ dʰātā

Pada: g     sam indras saṃ br̥haspatiḥ / saṃ vo 'yam agnis siñcatu

Line : 2  Pada: h     prajayā ca dʰanena ca / āyuṣmantaṃ kr̥ṇota mā //

Line : 4  Pada: i     māndā vaśāḥ //

Line : 5  Pada: j     āpo devīr gʰr̥tam id āpa āsann agnīṣomau bibʰraty ā́pa ít tā́ḥ /

Line : 6  Pada: k     tīvró ráso madʰupŕ̥cām araṃgamá ā́ mā prāṇéna sahá várcasā gan //

Line : 7  Pada: l     ā́d ít paśyāmy utá vā śr̥ṇomy ā́ mā gʰóṣo gaccʰati vā́ṅ na āsām * /
      FN Mittwede, Textkritische Bemerkungen, p. 144

Line : 8  Pada: m     mené bʰejānó amŕ̥tasya tárhi híraṇyavarṇā átr̥paṃ yadā́ vaḥ //

Line : 9  Pada: n     sám anyā́ yanty úpa yanty anyā́s samānám ūrváṃ nadyàḥ pr̥ṇanti /

Line : 10  Pada: o     tám ū śúcim̐ śúcayo dīdivā́m̐sam apā́ṃ nápātaṃ páritastʰur ā́paḥ //

Line : 11  Pada: p     ā́po hí ṣṭʰā́ mayobʰúvas tā́ na ūrjé dadʰātana /

Line : 12  Pada: q     mahé ráṇāya cákṣase //

Line : 13  Pada: r     yó vaś śivátamo rásas tásya bʰājayatehá naḥ /

Line : 14  Pada: s     uśatī́r iva mātáraḥ //

Line : 15  Pada: t     tásmā áraṃ gamāma vo yásya kṣáyāya jínvatʰa /

Line : 16  Pada: u     ā́po janáyatʰā ca naḥ //

Line : 17  Pada: v     sá īṃ vŕ̥ṣā janáyam̐s tā́su gárbʰam̐ sá īm̐ śíśur dʰayati táṃ rihanti /

Line : 18  Pada: w     só apā́ṃ nápād ūrjáyann apsv àntár vasudʰéyāya vidʰaté víbʰāti //

Page: 53  
Line : 1  Pada: x     ihá gāvaḥ prájāyadʰvam ihā́śvā ihá pūruṣāḥ /

Line : 2  Pada: y     ihó sahásradakṣiṇo rāyás póṣaḥ prájāyatām //

Line : 3  Pada: z     ayáṃ yajñó vardʰatāṃ góbʰir áśvair iyáṃ védis svapatyā́ suvī́rā /

Line : 4  Pada: aa     idáṃ barhír áti barhī́m̐ṣy * anyémáṃ yajñáṃ víśve avantu devā́ḥ //
      FN Mittwede, Textkritische Bemerkungen, p. 145

Line : 5  Pada: ab     sá * ā́ dáme sudúgʰā yásya dʰenús svadʰā́ṃ pīpāya subʰv ánnam atti /
      FN cf. R̥V.2.35.7, KpS.47.4:351.5: svá. Raghuvira, KpS, xxix. Mittwede, Textkritische Bemerkungen, p. 145

Line : 6  Pada: ac     só apā́ṃ nápād ánabʰimlātavarṇo 'nyásyevehá tanvā̀ viveṣa //


Anuvaka: 4  
Line : 7  Pada: a     skannā́ dyaús skannā́ pr̥tʰivī́ skannáṃ víśvam idám̐ havíḥ * /
      FN Raghuvira, KpS, xxix: jagat. Mittwede, Textkritische Bemerkungen, p. 145

Line : 8  Pada: b     skannā́do víśvā bʰūtā́ni prá skannáṃ jāyatām̐ havíḥ //

Line : 9  Pada: c     ihá gāvas \

Pada: d     ayáṃ yajñáḥ //

Line : 10  Pada: e     páyasvatīr ā́pa óṣadʰayaḥ páyasvan māmakáṃ vácaḥ /

Line : 11  Pada: f     apā́ṃ páyasvad yát páyas téna nas sahá vardʰatām //

Line : 12  Pada: g     yád avā́mr̥kṣac cʰakúnir múkʰena nirr̥te táva /

Line : 13  Pada: h     agníṣ ṭát sárvam̐ śundʰatu havyavā́ḍ gʰr̥tásūdanaḥ //

Line : 14  Pada: i     yád avā́mr̥kṣac cʰvápān múkʰena nirr̥te táva /

Line : 15  Pada: j     agníṣ ṭát sárvam̐ śundʰatu havyavā́ḍ gʰr̥tásūdanaḥ //

Line : 16  Pada: k     bʰūtír dadʰnā́ gʰr̥téna vardʰatām \

Pada: l     yajñáṃ yajñā́ya muñcatu svā́hā

Pada: m     gʰr̥téna vardʰatāṃ bʰūtís \

Line : 17  Pada: n     muñcémáṃ yajñáṃ muñcá yajñápatim ám̐hasas svā́hā //

Page: 54  
Line : 1  Pada: o     yā́s te agne samídʰo apsv àntár várṣman pr̥tʰivyā́ úpa sū́rye yā́ḥ /

Line : 2  Pada: p     tā́s te gaccʰantv ā́hutīr gʰr̥tásya devāvyè yájamānāya śárma //


Anuvaka: 5  
Line : 3  Pada: a     yajñásya hí stʰá r̥tvíjā índrāgnī kálpanā yuvám /

Line : 4  Pada: b     hutā́hutásya tr̥mpatam áhutasya hutásya ca //

Line : 5  Pada: c     hutásya cā́hutasya cā́hutasya hutásya ca /

Line : 6  Pada: d     pītāpītásya sómasyāsyá havyásyéndrāgnī

Pada: e     vītáṃ píbatam ā́gatam //

Line : 7  Pada: f     mémáṃ yajñáṃ támo vidan mártvíjo mó imā́ḥ prajā́ḥ /

Line : 8  Pada: g     mā́ yás sómaṃ píbād imám̐ sám̐sr̥ṣṭam ubʰáyaṃ kr̥tám //

Line : 9  Pada: h     mā́ no dʰvāriṣuḥ * pitáro mótá devā́ mā́ nas sábandʰur utá vānyábandʰuḥ /
      FN Mittwede, Textkritische Bemerkungen, p. 145: dʰvārṣuḥ

Line : 10  Pada: i     mā́ no duśśám̐so agʰáśam̐sa īśatā́hruto 'yáṃ yajñó ápy etu devā́n //

Line : 11  Pada: j     saptártvíjas saptá sádām̐sy eṣāṃ dáśa kṣípo aśvínā páñcavājā /

Line : 12  Pada: k     prāṇó vyānò 'pānó mána ā́kūtam agnís * svā́hā devā́ havír idáṃ juṣantām //
      FN Oertel, Zur Kapiṣṭʰala-Kaṭʰa-Saṃhitā, p. 112


Anuvaka: 6  
Line : 14  Pada: a     ātmā́ yajñásya rám̐hyā suṣvāṇáḥ pavate sutáḥ /

Line : 15  Pada: b     pratnā́ni pāti kā́vyaḥ //

Line : 16  Pada: c     goṣā́ indo nr̥ṣā́ asy aśvasā́ vājasā́ utá /

Line : 17  Pada: d     ātmā́ yajñásya pūrvyáḥ //

Page: 55  
Line : 1  Pada: e     ātmanván nábʰo duhyate gʰr̥táṃ páya r̥tásya yónir amŕ̥taṃ víjāyate /

Line : 2  Pada: f     samīcīnā́s sudā́navaḥ prīṇanti tán * náro hitám ávamehanti péravaḥ //
      FN R̥V.9.74.4: táṃ

Line : 3  Pada: g     devā́ devéṣu śrayantām \

Pada: h     pratʰamā́ dvitī́yeṣu śrayantām \

Pada: i     dvitī́yās tr̥tī́yeṣu śrayantām \

Line : 4  Pada: j     yé stʰá tráya ekādaśā́s

Pada: k     tráyaś ca trim̐śác ca

Pada: l     tráyaś ca trī́ ca śátā ca

Line : 5  Pada: m     tráyaś ca trī́ ca sahásrā

Pada: n     tá imáṃ yajñám avantu

Pada: o     té mā́m avantu \

Pada: p     ánu va ā́rabʰe * \
      FN emended. Ed.: ārabʰe

Pada: q     ánu mā́rabʰadʰvam //


Anuvaka: 7  
Line : 7  Pada: a     vásavas tvódīrayantu

Pada: b     rudrā́s tvodīrayantu * \
      FN emended. Ed.: tvodīrpayantu

Pada: c     ādityā́s tvóccʰrayantu

Pada: d     víśve tvā devā́ dr̥m̐hantu //

Line : 9  Pada: e     dʰruvā́ dyaúr dʰruvā́ pr̥tʰivī́ dʰruváṃ víśvam idáṃ jágat /

Line : 10  Pada: f     devā́ ha dʰármaṇā dʰruvā́ yájamānaḥ paśúbʰir dʰruváḥ //

Line : 11  Pada: g     diví divyā́n dr̥m̐hāntárikṣe 'ntarikṣyā̀n dr̥m̐ha pr̥tʰivyā́ṃ pā́rtʰivān dr̥m̐ha //

Line : 12  Pada: h     ā́ tvāhārṣam antár abʰūr dʰruvás tiṣṭʰā́vicācalat /

Line : 13  Pada: i     víśas tvā sárvā vāñcʰantu mā́ tvád yajñó ádʰibʰraśat //

Line : 14  Pada: j     dʰruváṃ dʰruvéṇa havíṣā havír áva sómaṃ nayāmasi /

Line : 15  Pada: k     yátʰā na índraḥ kévalīr víśo balihŕ̥tas kárat //

Line : 16  Pada: l     svā́hā divá ā́pyāyasva

Pada: m     svā́hāntárikṣād ā́pyāyasva

Pada: n     svā́hā pr̥tʰivyā́ ā́pyāyasva \

Line : 17  Pada: o     āyurdʰā́ asi dʰruva \

Pada: p     ā́yur me dʰehi

Pada: q     vayodʰā́ asi dʰruva

Pada: r     váyo me dʰehi

Page: 56  
Line : 1  Pada: s     tanūpā́ asi dʰruva

Pada: t     tanvàṃ me pāhi

Pada: u     cakṣuṣpā́ asi dʰruva

Pada: v     cákṣur me pāhi

Line : 2  Pada: w     varcodʰā́ asi dʰruva

Pada: x     várco me dʰehi //

Line : 3  Pada: y     adʰvaryò 'yáṃ yajñó astu devā óṣadʰībʰyaḥ paśúbʰyo me dʰánāya /

Line : 4  Pada: z     víśvasmai bʰūtā́ya dʰruvó astu devās sá pinvasva gʰr̥távad deva yajña //

Line : 5  Pada: aa     ihaívaídʰi mā́pacyoṣṭʰāḥ párvata ivā́vicācalat /

Line : 6  Pada: ab     índra ivehá dʰruvás tiṣṭʰehá yajñám u dʰāraya //

Line : 7  Pada: ac     imám índro adīdʰarad dʰruváṃ dʰruvéṇa havíṣā havíḥ /

Line : 8  Pada: ad     tásmai sómo ádʰibruvat tásmā u bráhmaṇaspátiḥ //

Line : 9  Pada: ae     dʰruvā́ dyaúr dʰruvā́ pr̥tʰivī́ dʰruvā́saḥ párvatā imé /

Line : 10  Pada: af     dʰruváṃ víśvam idáṃ jágad dʰruvó rā́jā viśā́m asi //


Anuvaka: 8  
Line : 11  Pada: a     ásave svā́hā

Pada: b     vásave svā́hā

Pada: c     vasudʰéyāya svā́hā

Pada: d     bʰūpatáye svā́hā

Line : 12  Pada: e     bʰúvanapataye svā́hā

Pada: f     bʰūtā́nāṃ pátaye svā́hā

Pada: g     bʰūtā́ya svā́hā //

Line : 13  Pada: h     drapsáś caskanda pr̥tʰivī́m ánu dyā́m imáṃ ca yónim ánu yáś ca pū́rvaḥ /

Line : 14  Pada: i     samānáṃ yónim ánu saṃcárantaṃ drapsáṃ juhomy ánu saptá hótrāḥ //

Page: 57  
Line : 1  Pada: j     yás te drapsás skándati yás te am̐śúr bāhúcyuto dʰiṣáṇāyā upástʰe /

Line : 2  Pada: k     adʰvaryór vā pári vā yáḥ pavítrāt tát te juhomi mánasā váṣaṭkr̥tam //

Line : 3  Pada: l     yó drapsó am̐śúḥ patitáḥ pr̥tʰivyā́ṃ parivāpā́t puroḍā́śāt karambʰā́t /

Line : 4  Pada: m     dʰānāsomā́n mantʰína indra śukrā́t svā́hākr̥tam índrāya táṃ juhomi * //
      FN emended. Ed.: juhāmi. Mittwede, Textkritische Bemerkungen, p. 145

Line : 5  Pada: n     yás te drapsó mádʰumām̐ indriyā́vān svā́hākr̥taḥ púnar apyéti devā́n /

Line : 6  Pada: o     adʰvaryór vā pári vā yáḥ pavítrāt tát te juhomi mánasā váṣaṭkr̥tam //

Line : 7  Pada: p     yás te drapsás skándati yás te am̐śúr aváś ca yáḥ paró diváḥ /

Line : 8  Pada: q     ayáṃ devó bŕ̥haspátis sáṃ tát siñcatu rā́dʰasā //


Anuvaka: 9  
Line : 9  Pada: a     vísr̥ṣṭadʰenās salilā́ gʰr̥taścyúto vasantó grīṣmó mádʰumanti varṣā́ḥ /

Line : 10  Pada: b     śarád dʰemantá r̥távo mayobʰúva * udaprúto nábʰasī sáṃvasantām //
      FN emended. Ed.: mayābʰúva. Mittwede, Textkritische Bemerkungen, p. 145

Line : 11  Pada: c     ā́ naḥ prajā́m

Pada: d     ā́ devā́nām

Pada: e     tvám agne vratapā́ asi //

Line : 12  Pada: f     yád vo vayáṃ praminā́ma vratā́ni vidúṣāṃ devā áviduṣṭarāsaḥ /

Line : 13  Pada: g     agníṣ ṭád víśvam ā́pr̥ṇāti vidvā́n yébʰir devā́m̐ r̥túbʰiḥ kalpáyāti //

Line : 14  Pada: h     mádʰuś ca mā́dʰavaś ca vā́santikā r̥tū́

Pada: i     śukráś ca śúciś ca graíṣmā r̥tū́

Line : 15  Pada: j     nábʰaś ca nabʰasyàś ca vā́rṣikā r̥tū́

Pada: k     iṣáś corjáś ca śāradā́ r̥tū́

Pada: l     sáhaś ca sahasyàś ca haímantikā r̥tū́

Line : 16  Pada: m     tápaś ca tapasyàś ca śaiśirā́ r̥tū́

Pada: n     tá imáṃ yajñám avantu

Line : 17  Pada: o     té mām avantu \

Pada: p     ánu va ā́rabʰe \

Pada: q     ánu mā́rabʰadʰvam //


Anuvaka: 10  
Line : 18  Pada: a     ásave svā́hā

Pada: b     vásave svā́hā

Pada: c     vibʰáve svā́hā

Pada: d     vívasvate svā́hā

Line : 19  Pada: e     śū́ṣāya svā́hā

Pada: f     sam̐sarpā́ya svā́hā

Pada: g     malimlucā́ya svā́hā

Pada: h     gaṇaśríye svā́hā

Page: 58  
Line : 1  Pada: i     candrā́ya svā́hā

Pada: j     jyótiṣe svā́hā \

Pada: k     abʰibʰáve svā́hā \

Pada: l     ádʰipataye svā́hā

Pada: m     dívāpatáye svā́hā \

Line : 2  Pada: n     índrasya gráho 'sy ágr̥hīto grāhyàs \

Pada: o     devā́nāṃ pū́r asi tā́ṃ tvā práviśāmi tā́ṃ tvā prápadye sahá gr̥haís sahá prajáyā sahá paśúbʰis sahártvígbʰis sahá sadasyaìs sahá somyaís sahá dakṣiṇī́yais sahá yajñéna sahá yajñápatinā //

Line : 5  Pada: p     indrāgnī́ paridʰī́ máma

Pada: q     vā́to * devapurā́ kr̥tā́
      FN emended. Ed.: vā́tā. Mittwede, Textkritische Bemerkungen, p. 145

Pada: r     tát tvendragraha prápadye ságus sā́śvas sápūruṣas sahá yán mé 'sti téna //

Line : 6  Pada: s     áriṣṭyā ávyatʰyai saṃveśā́yopaveśā́ya gāyatryaí cʰándase 'bʰibʰúve svā́hā \

Line : 7  Pada: t     áriṣṭyā ávyatʰyai saṃveśā́yopaveśā́ya triṣṭúbʰe jágatyā anuṣṭúbʰe cʰándase 'bʰibʰúve svā́hā //


Anuvaka: 11  
Line : 9  Pada: a     dyaúś ca tvā pr̥tʰivī́ ca śrīṇītām

Pada: b     áhaś ca tvā rā́trī ca śrīṇītām \

Pada: c     vā́k ca tvā mánaś ca śrīṇītām

Line : 10  Pada: d     ā́paś ca tvaúṣadʰayaś ca śrīṇantu \

Pada: e     ŕ̥k ca tvā sā́ma ca śrīṇītām \

Line : 11  Pada: f     stómaś ca tvā yájuś ca śrīṇītām \

Pada: g     br̥hác ca tvā ratʰaṃtaráṃ ca śrīṇītām \

Line : 12  Pada: h     yajñáś ca tvā dákṣiṇā ca śrīṇītām \

Pada: i     sū́ryaś ca tvā candrámāś ca śrīṇītām \

Line : 13  Pada: j     dárśaś ca tvā pūrṇámāsaś ca śrīṇītām \

Pada: k     bráhma ca tvā kṣatráṃ ca śrīṇītām

Line : 14  Pada: l     arkáś ca tvāśvamedʰáś ca śrīṇītām \

Pada: m     śrītás tvám̐ śrītò 'hám

Pada: n     índur índum ávāgan \

Line : 15  Pada: o     tásya ta inda indriyā́vata índrapītasya sárvagaṇas sárvagaṇasyópahūta úpahūtasya bʰakṣayāmi //


Anuvaka: 12  
Page: 59  
Line : 1  Pada: a     víśvā agne tváyā vayáṃ dʰā́rā udanyā̀ iva /

Line : 2  Pada: b     átigāhemahi dvíṣaḥ //

Line : 3  Pada: c     yā́ devy áṣṭakā́sy apásām apástamā svápā asi /

Line : 4  Pada: d     tásyai ta enā havíṣā vidʰema tváṃ yajñé váruṇasyāvayā́ asi //

Line : 5  Pada: e     śrútkarṇāya //

Line : 6  Pada: f     ánumaté 'numanyasva na idáṃ yád bʰeṣajáṃ kr̥ṇumáhe tanū́ṣu /

Line : 7  Pada: g     yád vo * tokéṣu tanúṣu prajā́su yád góṣv * óṣadʰīṣv apsú //
      FN also KpS.47.12:357.2: vo
      FN Raghuvira, KpS, xxix: goṣv aśveṣv. Mittwede, Textkritische Bemerkungen, p. 146


Anuvaka: 13  
Line : 8  Pada: a     hiraṇyagarbʰáḥ //

Line : 9  Pada: b     tád ít padáṃ ná víciketa vidvā́n yán mr̥táḥ púnar ápy éti jīvā́n /

Line : 10  Pada: c     trivŕ̥d bʰúvanaṃ yád ratʰavŕ̥j jīvó gárbʰo ná mr̥tás svā́hā //

Line : 11  Pada: d     ā́pyāyasva

Pada: e     sáṃ te páyām̐si * //
      FN emended. Ed.: páyāṃsi. Mittwede, Textkritische Bemerkungen, p. 146

Line : 12  Pada: f     ā́pyāyasva madintama sóma víśvebʰir am̐śúbʰiḥ /

Line : 13  Pada: g     bʰávā nas suśrávastamas sákʰā vr̥dʰé //


Anuvaka: 14  
Page: 60  
Line : 1  Pada: a     apsv àgne //

Line : 2  Pada: b     tápo ṣv * àgne ántarām̐ amítrān tápā śám̐sam áraruṣaḥ párasya /
      FN emended. Ed.: 'ṣv. Mittwede, Textkritische Bemerkungen, p. 146

Line : 3  Pada: c     tápo vaso cikitānó acíttān ví te tiṣṭʰantām ajárā ayā́saḥ //

Line : 4  Pada: d     yó nas sánutyo abʰidā́sad agne yó ántaro mitramaho anuṣyā́t /

Line : 5  Pada: e     tám ajárebʰir vŕ̥ṣabʰis táva svaís tápā tapiṣṭʰa tápasā tápasvān //

Line : 6  Pada: f     sá smā kr̥ṇotu ketúm ā́ náktaṃ cid dūrá ā́ saté /

Line : 7  Pada: g     pāvakó yád vánaspátīn prá smā mināty ajáraḥ //

Line : 8  Pada: h     nahí te agne tanvàḥ krūrám ānā́śa mártaḥ * /
      FN Mittwede, Textkritische Bemerkungen, p. 146: mártyaḥ

Line : 9  Pada: i     kapír babʰasti téjanam̐ sváṃ jarā́yu gaúr iva //

Line : 10  Pada: j     meṣá iva yád úpa ca ví ca cárvati yád apsaradrū́r * úparasya kʰā́dati /
      FN Mittwede, Textkritische Bemerkungen, p. 146

Line : 11  Pada: k     śīrṣṇā́ śiro vákṣasā vákṣa ejáyann am̐śúṃ babʰasti háritebʰir āsábʰiḥ //

Line : 12  Pada: l     suparṇā́ vā́cam akratópa dyávy ākʰaré kŕ̥ṣṇā iṣirā́ anartiṣuḥ /

Line : 13  Pada: m     nyàṅ níyanty úparasya niṣkr̥táṃ purū́ réto dadʰire sūryaśvítaḥ //


Anuvaka: 15  
Page: 61  
Line : 1  Pada: a     agnínā tápo 'nvā́bʰavat

Pada: b     sū́ryeṇa téjas \

Pada: c     vāyúnā prāṇā́s \

Pada: d     índreṇa devā́s \

Line : 2  Pada: e     yámena pitáras

Pada: f     sárasvatyā manuṣyā̀s

Pada: g     saptadaśéna stómās \

Pada: h     vāmadevyéna sā́māni

Line : 3  Pada: i     gāyatryā́ cʰándām̐si

Pada: j     maṇyā́ rūpā́ṇi

Pada: k     híraṇyena várcām̐si

Pada: l     tiráścirājinā sarpā́s \

Line : 4  Pada: m     ajagaréṇāpsavyā̀s \

Pada: n     śyenéna patatríṇas \

Pada: o     vyāgʰréṇāraṇyā́ḥ paśavas

Pada: p     suparṇéna váyām̐si \

Line : 5  Pada: q     aśvattʰéna vánaspátayas \

Pada: r     odanénā́nnāni

Pada: s     yávenaúṣadʰayas \

Pada: t     aśvavr̥ṣéṇaikaśapʰāḥ paśávas \

Line : 6  Pada: u     vr̥ṣabʰéṇa gā́vas \

Pada: v     vr̥ṣṇínā́vayas \

Pada: w     basténājā́s \

Pada: x     candrámasā nákṣatrāṇi

Line : 7  Pada: y     brāhmaṇéna vā́cas \

Pada: z     vācā́ devátās

Pada: aa     striyā́ virā́ḍ *
      FN < virā́j

Pada: ab     grā́vṇā párvatās

Line : 8  Pada: ac     samudréṇā́pas \

Pada: ad     adbʰís satyám \

Pada: ae     satyénartám

Pada: af     r̥téna tápas

Pada: ag     tápasā parameṣṭʰī́

Pada: ah     parameṣṭʰínā mr̥tyúr

Line : 9  Pada: ai     mr̥tyúnā prajā́ḥ

Pada: aj     prajā́bʰis ságaras

Pada: ak     tanū́bʰiḥ prajā́patis

Pada: al     taír devaír anvābʰū́tir * ánu ca bʰūyāsam áti ca bʰūyāsaṃ brāhmaṇā́nām̐ śréṣṭʰaś ca bʰūyāsam //
      FN Mittwede, Textkritische Bemerkungen, p. 146: anvā́bʰūtir


Anuvaka: 16  
Line : 11  Pada: a     yásya droṇakalaśá upadásyati kaláśam evá tásyopavā́yantaṃ prāṇó 'nū́padasyati

Line : 12  Pada: b     prāṇó hí sómas

Pada: c     tád āhuḥ * páyó 'vanayed íti \
      FN emended. Ed.: āduḥ. cf. KpS.47.14:358.11. Raghuvira, KpS, xxix. Mittwede, Textkritische Bemerkungen, p. 146

Pada: d     átʰo kʰálv āhur antárhitam iva vā́ etád yát páyas \

Line : 13  Pada: e     híraṇyam evā́po 'bʰyávanayet \


Pada: f     híraṇyam abʰyúnnayet \

Line : 14  Pada: g     amŕ̥taṃ vā́ ā́pa ā́yur híraṇyam

Pada: h     amŕ̥tād evā́dʰyā́yur ātmán dʰatte


Pada: i     catvā́ro várā déyā brahmáṇa udgātré hótre 'dʰvaryáve \

Line : 15  Pada: j     eté vaí yajñásyéndrās

Pada: k     tā́n evá prīṇāti

Line : 16  Pada: l     saívá tátra prā́yaścittir


Pada: m     yásya camasá upadásyati camasám evá tásyopavā́yantaṃ prāṇó 'nū́padasyati

Line : 17  Pada: n     prāṇó hí sómas \


Pada: o     yám adʰvaryúr antamáṃ gráhaṃ gr̥hṇīyā́t tásya saṃpātám ávanayet

Line : 18  Pada: p     prā́yaścittyai vaí sómo gr̥hyate

Pada: q     prā́yaścittyaivā́smai prā́yaścittiṃ karoti

Page: 62  
Line : 1  Pada: r     sárvam ā́yur eti

Pada: s     saívá tátra prā́yaścittis \


Pada: t     yásya grā́vāpiśīryáte paśúbʰir vyr̥̀dʰyate

Line : 2  Pada: u     paśávo hí grā́vāṇas \

Pada: v     dyutānásya mārutásya brahmasāména stuvīran

Line : 3  Pada: w     paśávo vaí dyutānó mārutás

Pada: x     svénaivaínam̐ sā́mnā sáṃdadʰāti

Line : 4  Pada: y     paśumā́n bʰavati

Pada: z     saívá tátra prā́yaścittiḥ


Pada: aa     prajā́pataye svā́héty ábʰakṣaṇīyān uparavéṣv ávanayet

Line : 5  Pada: ab     prājāpatyó vaí sómaḥ

Pada: ac     pratiṣṭʰā́m evaínaṃ gamayati

Line : 6  Pada: ad     saívá tátra prā́yaścittis \


Pada: ae     yásya sómam abʰidáhed gráhān adʰvaryús spāśayeta stotrā́ṇy udgātā́ śastrā́ṇi hótā \

Line : 7  Pada: af     átʰa yatʰāpūrváṃ yajñéna careyuḥ

Pada: ag     páñca várā déyāḥ

Line : 8  Pada: ah     pā́ṅkto yajñás \

Pada: ai     yajñám evā́varunddʰe \

Pada: aj     avabʰr̥tʰáṃ gatvā́ púnar udétya purā́ dvādaśyā́ḥ púnar dīkṣeta

Line : 9  Pada: ak     yád dvādaśī́m atináyed antárdʰīyeta

Pada: al     tátra tā́ dákṣiṇā dadyād yā́ḥ pū́rvasmin dāsyán bʰávati

Line : 10  Pada: am     saívá tátra prā́yaścittiḥ //


Anuvaka: 17  
Line : 11  Pada: a     sárvān vā́ eṣò 'gnaú kā́mān práveśayate yò 'gním anvādʰā́ya vratám upaíti

Line : 12  Pada: b     sá yád ániṣṭvā prayāyā́d ákāmaprītā enaṃ kā́mā nā́nu práyāyur atejā́ avīryás syāt

Line : 13  Pada: c     sá prayāsyáñ juhuyāt //

Line : 14  Pada: d     túbʰyaṃ tā́ aṅgirastama víśvās sukṣitáyaḥ pŕ̥tʰak /

Line : 15  Pada: e     ágne kā́māya yémire //

Line : 16  Pada: f     íti

Pada: g     kā́mān evā́smin dadʰāti

Pada: h     kā́maprītā enaṃ kā́mā ánu práyānti

Line : 17  Pada: i     tejasvī́ vīryā̀vān bʰavati


Pada: j     sáṃtatir vā́ eṣā́ yajñásya yò 'gním anvādʰā́ya vratám upaíti

Line : 18  Pada: k     sá yád ániṣṭa udvāyā́d víccʰittir evā́sya sā́

Pada: l     prā́ñcam uddʰŕ̥tya mánasópaniṣṭʰeta

Page: 63  
Line : 1  Pada: m     mána iva vaí prajā́patiḥ

Pada: n     prājāpatyó yajñás \

Pada: o     yajñám evá sáṃtanoti


Line : 2  Pada: p     bʰū́r íti vyā́haret \

Pada: q     bʰūtó vaí prajā́patir

Pada: r     bʰū́tim evópaiti \


Pada: s     ā́yuṣā vā́ eṣá vīryèṇa vyr̥̀dʰyate yásyā́hitāgner agnír apakṣā́yati

Line : 3  Pada: t     sá yā́vac cʰámyayā parāvídʰyed yádi tā́vad apakṣā́yet tám̐ sáṃbʰaret //

Line : 5  Pada: u     idáṃ ta ékaṃ pará ū ta ékakṃ tr̥tī́yena jyótiṣā sáṃviśasva /

Line : 6  Pada: v     saṃvéśanas tanvè cā́rur edʰi priyó devā́nāṃ paramé janítre //

Line : 7  Pada: w     íti

Pada: x     bráhmaṇaivaínam̐ sáṃbʰarati

Pada: y     saívá tátra prā́yaścittis \


Pada: z     yadi parastarā́m apakṣā́yed anuprayā́ya vaset

Line : 8  Pada: aa     saívá tátra prā́yaścittis \


Pada: ab     óṣadʰīr vā́ etásya páyaḥ paśū́n práviśati yásya havíṣe 'pā́kr̥tā vatsā́ dʰáyanti

Line : 9  Pada: ac     vāyavyā̀ṃ * yavāgū́ṃ nírvapet \
      FN emended. Ed.: vāyavyā̀. Raghuvira, KpS, xxix. Mittwede, Textkritische Bemerkungen, p. 146

Line : 10  Pada: ad     vāyúr vaí páyasaḥ pradātā́

Pada: ae     tám evá bʰāgadʰéyenópadʰāvati

Pada: af     sò 'smai páyaḥ práyaccʰati \


Line : 11  Pada: ag     átʰóttarasmai havíṣe vatsā́n apā́vartayet

Pada: ah     saívá tátra prā́yaścittiḥ //


Anuvaka: 18  
Line : 13  Pada: a     ardʰáṃ vā́ etásya yajñásya mīyate yásya sāyáṃ dugdʰám̐ havír ā́rtim ārcʰáti \

Line : 14  Pada: b     índrāya vrīhī́n nirúpyópavaset

Pada: c     páyo vā́ óṣadʰayaḥ

Pada: d     páya evā́rábʰyópavasati


Page: 64  
Line : 1  Pada: e     yát prātás syā́t tác cʰr̥táṃ * kuryur
      FN emended. Ed.: cʰatáṃ. cf. KpS.47.16:360.20, TB.3.7.1.6.f. Raghuvira, KpS, xxix. Mittwede, Textkritische Bemerkungen, p. 146

Pada: f     aindrá ítaraḥ puroḍā́śas syāt

Pada: g     páyo vā́ óṣadʰayaḥ

Line : 2  Pada: h     páyasaivā́smai páyaḥ prádāpayati \

Pada: i     átʰóttarasmai havíṣe vatsā́n apā́vartayet

Line : 3  Pada: j     saívá tátra prā́yaścittis \


Pada: k     ubʰáyān vā́ eṣá devā́n bʰāgadʰéyena vyàrdʰayati yé yájamānasya sāyáṃ ca prātáś ca gr̥hám āgáccʰanti yásya sāyáṃ prātár dugdʰám̐ havír ā́rtim ārcʰáti \

Line : 5  Pada: l     odanáṃ páñcaśarāvaṃ nírvapet \

Pada: m     agníṃ devátānāṃ pratʰamáṃ yajet \

Pada: n     agnímukʰā evá devátāḥ prīṇāti \

Line : 6  Pada: o     agníṃ vā́ ánv anyā́ devátā índram anyā́s

Pada: p     tā́ evóbʰáyīḥ prīṇāti \

Line : 7  Pada: q     átʰóttarasmai havíṣe vatsā́n apā́vartayet

Pada: r     saívá tátra prā́yaścittis \


Line : 8  Pada: s     yát kīṭā́vapannena juhuyā́d áprajā apaśúr yájamānas syāt \

Pada: t     yád anāyatané nináyed anāyatanás syā́t \

Line : 9  Pada: u     madʰyaména parṇéna dyāvāpr̥tʰivyáyarcā́ntaḥparidʰí nínayet \

Line : 10  Pada: v     dyā́vāpr̥tʰivī́ vaí yajñásya pratiṣṭʰā́

Pada: w     pratiṣṭʰā́m evaínaṃ gamayati

Pada: x     saívá tátra prā́yaścittis \


Line : 11  Pada: y     yát prayājéṣv ániṣṭeṣu prā́ṅ áṅgāras skánded adʰvaryáve ca yájamānāya cā́kam̐ syāt \

Line : 12  Pada: z     yád dákṣiṇā bráhmaṇe ca yájamānāya cā́kam̐ syāt \

Pada: aa     yát pratyáṅ hótre ca pátnyai cā́kam̐ syāt \

Line : 13  Pada: ab     yád údaṅṅ agnídʰe ca yájamānasya ca paśúbʰyó 'kám̐ syāt

Line : 14  Pada: ac     táṃ práharet //

Line : 15  Pada: ad     sahásraśr̥ṅgo vr̥ṣabʰó jātávedās stómapr̥ṣṭʰo gʰr̥távān suprárīkaḥ /

Line : 16  Pada: ae     mā́ mā hāsīn nātʰitó nét tvā jáhāni sahasrapoṣáṃ ca * gopoṣáṃ ca yaccʰa //
      FN emended. Ed.: sahasrapoṣás sá. Oertel, Zur Kapiṣṭʰala-Kaṭʰa-Saṃhitā, p. 137, Raghuvira, KpS, xxix: sahasrapoṣáṃ me. Mittwede, Textkritische Bemerkungen, p. 146

Line : 17  Pada: af     íti

Pada: ag     bráhmaṇaivaínaṃ práharati

Pada: ah     saívá tátra prā́yaścittis \


Pada: ai     ardʰáṃ vā́ etásya yajñásya mīyate yásya vrátyé 'han pátny ánālambʰukā * bʰávati
      FN emended. Ed.: ánālambukā. Mittwede, Textkritische Bemerkungen, p. 147

Page: 65  
Line : 1  Pada: aj     tā́m aparúdʰya yajeta

Pada: ak     sárveṇaivá yajñéna yajate

Line : 2  Pada: al     tā́m iṣṭvópahvayeta //

Line : 3  Pada: am     sā́ tvám asy ámo 'hám ámo 'hám asmi sā́ tvám /

Line : 4  Pada: an     tā́ éhi sáṃrabʰāvahai pum̐sé putrā́ya kártave /

Line : 5  Pada: ao     rāyáspoṣāya suprajāstvā́ya suvī́ryāya //

Line : 6  Pada: ap     íti \

Pada: aq     ardʰá evaínām ā́bʰajati

Pada: ar     saívá tátra prā́yaścittiḥ //


Anuvaka: 19  
Line : 7  Pada: a     yád ávavr̥ṣṭena juhuyā́d áparūpam asyātmáñ jāyeta

Pada: b     yát pratyeyā́t pā́pīyān syāt \

Line : 8  Pada: c     yán ná juhuyā́d ā́rtim ā́rcʰet //

Line : 9  Pada: d     mitró jánān yātayati prajā́nan mitró dādʰāra pr̥tʰivī́m utá dyā́m /

Line : 10  Pada: e     mitráḥ kr̥ṣṭī́r ánimiṣābʰícaṣṭe mitrā́ya havyáṃ gʰr̥távad vidʰema //

Line : 11  Pada: f     íti maitryárcā samídʰam ādʰā́ya hotavyàm \

Pada: g     mitró vaí yajñásya śā́ntis \

Pada: h     mitrénaivaínac cʰamayati

Line : 12  Pada: i     tád dʰutvā́tʰānyā́ṃ dugdʰvā́ púnar hotavyàm \

Pada: j     saívá tátra prā́yaścittis \


Line : 13  Pada: k     yát kīṭā́vapannena juhuyā́d áprajā apaśúr yájamānas syāt \

Pada: l     yán ná juhuyā́d ā́rtim ā́rcʰet

Page: 66  
Line : 1  Pada: m     prājāpatyáyarcā́ valmīkavapā́yām ávanayet

Pada: n     prājāpatyó vaí valmī́ko yajñáḥ prajā́patis \

Line : 2  Pada: o     yajñá evá yajñáṃ prátiṣṭʰāpayati

Pada: p     tád dʰutvā́tʰānyā́ṃ dugdʰvā́ púnar hotavyàm \

Line : 3  Pada: q     saívá tátra prā́yaścittiḥ //


Pada: r     yádi pū́rvasyām ā́hutyām̐ hutā́yām úttarā́hutis skánded dvipā́dbʰiḥ paśúbʰir yájamāno vyr̥̀dʰyeta

Line : 4  Pada: s     yád abʰijuhuyā́c cátuṣpādbʰiḥ paśúbʰir yájamāno vyr̥̀dʰyate //

Line : 6  Pada: t     yátra véttʰa vanaspate devā́nāṃ gúhyā nā́māni /

Line : 7  Pada: u     tátra havyā́ni gāmaya //

Line : 8  Pada: v     íti vānaspatyáyarcā́ samídʰam ādʰā́ya hotavyàm \

Pada: w     vánaspátinaivā́syā́rtāṃ cā́nārtāṃ cā́hutī vídādʰāra

Line : 9  Pada: x     tád dʰutvā́tʰānyā́ṃ dugdʰvā́ púnar hotavyàm \

Pada: y     saívá tátra prā́yaścittiḥ //


Anuvaka: 20  
Line : 11  Pada: a     devā́ś ca vā́ ásurāś cā́smiṃl loká āsan

Pada: b     sá prajā́patir akāmayata párā́surān nudeya prajā́ssr̥jeyéti

Line : 12  Pada: c     sá etā́ni cāturmāsyā́ny apaśyat

Pada: d     sá cāturmāsyaír evā́surān prā́ṇudata cāturmāsyaíḥ prajā́ asr̥jata

Line : 13  Pada: e     yá eváṃ vidvā́m̐ś cāturmāsyair yájate párā bʰrā́tr̥vyaṃ nudáte prá prajáyā prá paśúbʰir jāyate \


Line : 14  Pada: f     agniṣṭomā́d vaiśvadeváṃ yajñakratúṃ nirmā́ya prajā́patiḥ prajā́ asr̥jata \

Line : 15  Pada: g     uktʰyā̀d varuṇapragʰāsā́n yajñakratúṃ nirmā́ya prajā́ váruṇenāgrāhayat \

Page: 67  
Line : 1  Pada: h     atirātrā́t sākamedʰā́n yajñakratúṃ nirmā́yéndro vr̥trám ahan

Line : 2  Pada: i     vaiśvadevéna vaí só 'surān prā́ṇudata vaiśvadevéna prajā́ asr̥jata //


Line : 3  Pada: j     sr̥ṣṭā́ vā́ anyā́ḥ prajā́ āsann ásr̥ṣṭā anyā́s \

Pada: k     átʰa prajā́patir akāmayata prajā́s sr̥jeyéti

Line : 4  Pada: l     saṃvatsaró vaí yajñó yajñáḥ prajā́patis

Pada: m     sá eté ātmánó 'dʰi páyasī níramimītodʰanyàṃ ca vádʰyaṃ ca \

Line : 5  Pada: n     átʰaitā́bʰyo devátābʰya etā́ni havī́m̐ṣi bʰāgáṃ níravapat

Line : 6  Pada: o     taíḥ prajā́ asr̥jata \

Pada: p     r̥túbʰyo vaí tā́ḥ prajā́ḥ prā́jāyanta \

Line : 7  Pada: q     r̥táva etā́ni páñca havī́m̐ṣi

Pada: r     pañca hy r̥távas

Pada: s     táta evá prájāyate \

Line : 8  Pada: t     agnír evá prā́vāpayat

Pada: u     sómo réto 'dadʰāt \

Pada: v     mitʰunáṃ vā́ agníś ca sómaś ca

Line : 9  Pada: w     savitā́ prā́suvat

Pada: x     saṃvatsaró vaí savitā́

Pada: y     dvā́daśa mā́sās saṃvatsarás

Pada: z     tásmād dvā́daśakapālás \

Line : 10  Pada: aa     átʰo vaiśvadevatvā́yaivá dvā́daśakapālas \


Pada: ab     upām̐śú yajati \

Line : 11  Pada: ac     ánirukto hí saṃvatsarás


Pada: ad     sárasvaty evá sr̥ṣṭā́su * vā́cam adadʰāt
      FN emended. Ed.: sr̥ṣṭā́mu. Raghuvira, KpS, xxix. Mittwede, Textkritische Bemerkungen, p. 147

Pada: ae     pūṣáṇaṃ pratiṣṭʰā́m abʰyàsr̥janta //

Line : 12  Pada: af     vā́g vaí sárasvatī

Pada: ag     paśávaḥ pūṣā́

Pada: ah     mitʰunáṃ vā́k ca paśávaś ca

Line : 13  Pada: ai     madʰyató vaí prajā́ visr̥jyánte \

Pada: aj     antató mitʰunā́d víṣūcīḥ prájāyante

Pada: ak     tád etát prajā́pater evā́dʰi madʰyatáḥ prajā́ visr̥jyánte \

Line : 14  Pada: al     átʰādò 'ntató mitʰunā́d ubʰayáto víṣūcīḥ prájāyante


Line : 15  Pada: am     vā́rtragʰnāni vā́ etā́ni havī́m̐ṣi \

Pada: an     agnínā vā́ ánīkenéndro vr̥trám ahan sómena rā́jñā savitrā́ prásūtas sárasvatyā caitryā́ṃ pūṣā́ vīryaìr ánvatiṣṭʰata

Page: 68  
Line : 2  Pada: ao     víjitir evaítā́ni havī́m̐ṣi //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.