TITUS
Black Yajur-Veda: Kathaka-Samhita
Part No. 36
Previous part

Sthanaka: 36  
Anuvaka: 1  
Line : 5  Pada: a     indrasya vai vr̥traṃ jagʰnuṣa indriyaṃ vīryam apākrāmat

Pada: b     tad idam̐ sarvam anuprāviśad apa oṣadʰīr vanaspatīn \

Line : 6  Pada: c     tena devā aśrāmyan \

Pada: d     ta idam̐ samanayan

Pada: e     yat sānnāyyam \

Line : 7  Pada: f     mitʰunaṃ vai dadʰi ca payaś ca

Pada: g     yat sam̐sr̥ṣṭaṃ maṇḍam iva mastv iva parīva dadr̥śe garbʰa eva sa

Line : 8  Pada: h     tapaso vai prajāḥ prajāyante

Pada: i     tapastvam etad gaccʰati yac cʰr̥tatvaṃ gaccʰati

Line : 9  Pada: j     tata eva prajāyate

Pada: k     yad vaiśvadevyāmikṣayā prajā asr̥jata tasmād imā vaiśvadevīḥ prajās

Line : 10  Pada: l     stokā vai viśve devās

Pada: m     tān evaitad yajati \

Pada: n     amutaḥpradānād dʰi prajā upajīvanti //


Line : 11  Pada: o     yonir vā eṣa prajānām \

Pada: p     taṃ maruto 'bʰyakāmayanta

Line : 12  Pada: q     te 'm̐hogr̥hītā asr̥jyanta

Pada: r     yat svatavadbʰyas

Pada: s     svatvāyaiva niṣkr̥tyai


Page: 69  
Line : 1  Pada: t     paśavo vai marutaḥ

Pada: u     prajananāyaiṣa paśūnām \

Pada: v     saptakapālo bʰavati

Pada: w     sapta hi marutas \

Line : 2  Pada: x     niravattyā eva


Pada: y     mārutas \

Pada: z     atʰo grāmyam evaitenānnādyam avarunddʰe


Pada: aa     tā vaiśvadevena sr̥ṣṭā viṣūcīr vyudāyan \

Line : 3  Pada: ab     tā dyāvāpr̥tʰivyena paryagr̥hṇāt

Pada: ac     prajānām evaiṣa sr̥ṣṭānāṃ parigr̥hītyai


Line : 4  Pada: ad     yad ekakapālas

Pada: ae     tena prājāpatyaḥ

Pada: af     prajāpatim evaitad devatā abʰi pratitiṣṭʰati


Line : 5  Pada: ag     yajamāno vā ekakapālas \

Pada: ah     āhavanīyas svargo lokas

Line : 6  Pada: ai     sarvahutaṃ juhoti

Pada: aj     havirbʰūtam evainam̐ svargaṃ lokaṃ gamayati \


Pada: ak     ātmā vā ekakapālaḥ

Line : 7  Pada: al     paśavo gʰr̥tam \

Pada: am     yad gʰr̥tenābʰipūrayati

Pada: an     paśubʰir evainam̐ samardʰayati


Line : 8  Pada: ao     yad abʰipūrayed * abʰuñjanta enaṃ paśava upatiṣṭʰeran \
      FN emended. Ed.: ābʰipūrayed. cf. MS.1.10.7:147.3

Pada: ap     adʰaram̐ hy enaṃ paśubʰyaḥ karoti \

Pada: aq     āviḥpr̥ṣṭʰaḥ kāryas \

Line : 9  Pada: ar     uttaram evainaṃ paśubʰyaḥ karoti

Pada: as     bʰuñjanta enaṃ paśava upatiṣṭʰante


Line : 10  Pada: at     tat tan na sūrkṣyam

Pada: au     abʰy eva pūrayet \

Pada: av     na hi paśavo na bʰuñjanti


Pada: aw     barhiṣadaṃ karoti

Line : 11  Pada: ax     pratiṣṭʰityai


Pada: ay     yajamānaṃ vai hūrcʰantaṃ prajā anuhūrcʰanti

Pada: az     yajamānaṃ pratitiṣṭʰantam anu pratitiṣṭʰanti \

Line : 12  Pada: ba     r̥juḥ pratiṣṭʰito hotavyas \

Pada: bb     yajamānasya pratiṣṭʰityai //


Anuvaka: 2  
Line : 14  Pada: a     tredʰāsaṃnaddʰas barhir * bʰavati
      FN emended. Ed.: tarhi. cf. MS.1.10.7:147.10

Pada: b     tredʰāsaṃnaddʰa idʰmas

Pada: c     tredʰāvihitāni hi saṃvatsareṇa cāturmāsyāni


Line : 15  Pada: d     vasantā yajeta

Pada: e     prajananāya


Pada: f     pravaṇe * yajeta
      FN prāvr̥ṣi?

Pada: g     prajananāya


Line : 16  Pada: h     prasvo bʰavanti

Pada: i     pra mā janayānīti


Pada: j     nottaravedim upavapanti

Pada: k     prajananāya \


Line : 17  Pada: l     agniṃ mantʰati \

Pada: m     agniṃ vai paśavo 'nuprajāyante

Pada: n     prajananāya \

Pada: o     atʰo vr̥ṣāṇam evaitaṃ yajamānāya janayati


Line : 18  Pada: p     paśavo vai pr̥ṣadājyam \

Pada: q     nānārūpāḥ paśavas

Line : 19  Pada: r     tasmān nānārūpam āgneyaṃ gʰr̥tam aindraṃ dadʰy aindrāgnaṃ pr̥ṣadājyaṃ devatayā

Pada: s     prāṇāpānau vā indrāgnī

Line : 20  Pada: t     mitʰunaṃ prāṇāpānau

Pada: u     mitʰunayonayaḥ prajās

Pada: v     tasmād eva mitʰunāt prajāyate //


Line : 21  Pada: w     yadi vasantā yajeta dvir upastr̥ṇīyāt sakr̥d abʰigʰārayet \

Line : 22  Pada: x     oṣadʰīr eva pratiṣṭʰāpayati


Pada: y     yadi prāvr̥ṣi yajeta sakr̥d upastr̥ṇīyād dvir abʰigʰārayet \

Page: 70  
Line : 1  Pada: z     vr̥ṣṭyaiva paśūn abʰijigʰarti


Pada: aa     prāṇebʰyo vai prajāḥ prajāyante

Line : 2  Pada: ab     prāṇā etāni nava havīm̐ṣi

Pada: ac     nava prāṇās \

Pada: ad     ātmā devatā

Pada: ae     tata eva prajāyate


Line : 3  Pada: af     nava prayājās \

Pada: ag     navānuyājās \

Pada: ah     dvā ājyabʰāgau \

Pada: ai     aṣṭau havīm̐ṣi \

Pada: aj     agnaye samavadyati

Line : 4  Pada: ak     vājino yajati

Pada: al     tat trim̐śat

Pada: am     trim̐śadakṣarā virāḍ *
      FN < virāj

Pada: an     annaṃ virāḍ *
      FN < virāj

Pada: ao     virājy evānnādye pratitiṣṭʰati


Line : 5  Pada: ap     trim̐śadakṣarā vai virāḍ

Pada: aq     virājo yoneḥ prajāḥ prajāyante

Line : 6  Pada: ar     virāja evainā yoneḥ prajanayati //


Pada: as     trim̐śattrim̐śad vai rātrayo māsas \

Line : 7  Pada: at     yo vai māsas sa saṃvatsaras

Pada: au     saṃvatsaraḥ prajāpatis

Pada: av     tad etat prajāpateś caiva virājaś cādʰi mitʰunāt prajāyate \


Line : 8  Pada: aw     ekaikayā vā āhutyā dvādaśadvādaśa rātrīr ayuvanta

Line : 9  Pada: ax     tā yāvatīs saṃvatsarasya rātrayas tāvatīs saṃkʰyāne

Line : 10  Pada: ay     saṃvatsaram eva bʰrātr̥vyād yuvate


Pada: az     vaiśvadevena vai te caturo māso 'yuvanta

Pada: ba     varuṇapragʰāsaiḥ parām̐ś caturas

Line : 11  Pada: bb     sākamedʰaiḥ parām̐ś caturas

Pada: bc     tān eva bʰrātr̥vyād yuvate

Pada: bd     yac caturaścaturo māso 'yuvanta tac cāturmāsyānāṃ cāturmāsyatvam //


Anuvaka: 3  
Line : 13  Pada: a     vaiśvadevena yajate prajākāmo vā paśukāmo vā na varuṇapragʰāsair na sākamedʰais

Line : 14  Pada: b     sarvo vai puruṣas sāhasro jāyate

Pada: c     yāvattarasaṃ tvai gaccʰati

Pada: d     prajananam etad dʰavir yad vaiśvadevam \

Line : 15  Pada: e     prajananam eva yajate svāṃ mātrāṃ gaccʰānīti


Pada: f     yadā sahasraṃ paśūn gaccʰed atʰa varuṇapragʰāsair yajeta

Line : 16  Pada: g     yad eva tat sahasram agam̐s tasyām̐ho 'vayajate \


Line : 17  Pada: h     r̥tuyājī vā anyaś cāturmāsyayājy anyas \

Pada: i     yo vasanto 'bʰūt prāvr̥d abʰūc cʰarad abʰūd iti yajate sa r̥tuyājī

Line : 18  Pada: j     yas trayodaśaṃ māsaṃ saṃpādayati sa * trayodaśaṃ māsam abʰiyajate sa cāturmāsyayājī
      FN Mittwede, Textkritische Bemerkungen, p. 147: without sa

Line : 19  Pada: k     trīn r̥jūn iṣṭvā caturtʰam utsr̥jet \

Line : 20  Pada: l     dvau parā r̥jū iṣṭvā tr̥tīyam utsr̥jet \

Pada: m     ye vai trayas saṃvatsarās teṣām̐ ṣaṭtrim̐śat pūrṇamāsās \

Page: 71  
Line : 1  Pada: n     yau dvau tayoś caturvim̐śatis \

Pada: o     ye ṣaṭ trim̐śaty adʰi te caturvim̐śatim upayanti \

Line : 2  Pada: p     eṣa vāva sa trayodaśo māsas tam evaitat saṃpādayati

Pada: q     tam abʰiyajate //


Line : 3  Pada: r     yad barhiḥ prayājeṣu yajati \

Pada: s     oṣadʰīs tad yajati


Pada: t     yad barhir anuyājeṣu

Pada: u     pʰalaṃ tad yajati


Line : 4  Pada: v     yad barhir vāritīnām \

Pada: w     yad eva pʰalād adʰi prajāyate tat tad yajati


Pada: x     yad duro yajati \

Line : 5  Pada: y     upastʰaṃ tad yajati


Pada: z     yad uṣāsānaktās \

Pada: aa     vyuṣṭiṃ caiva nimruktiṃ ca tad yajati


Line : 6  Pada: ab     yaj joṣṭrī

Pada: ac     yad eva jātaṃ yaj janiṣyamāṇaṃ * tad yajati
      FN emended. Ed.: janiṣyamānaṃ. Mittwede, Textkritische Bemerkungen, p. 147


Pada: ad     yad ūrjāhutī

Pada: ae     yad evātti ca pibati ca tat tad yajati


Line : 7  Pada: af     yad daivyā hotārā * \
      FN emended. Ed.: hātāreme. Mittwede, Textkritische Bemerkungen, p. 147

Pada: ag     ime vai daivyā hotārā * \
      FN emended. Ed.: hātāreme. Mittwede, Textkritische Bemerkungen, p. 147

Pada: ah     ime eva tad yajati


Line : 8  Pada: ai     yat tisro devīs \

Pada: aj     vāg vai tisro devīs \

Pada: ak     vācam eva tad yajati

Pada: al     ccʰandām̐si vai vāk

Line : 9  Pada: am     cʰandām̐sy eva tad yajati


Pada: an     narāśam̐saṃ yajati

Pada: ao     tanūnapād vai yajñaḥ prasr̥tas \

Line : 10  Pada: ap     narāśam̐so 'prasr̥taḥ

Pada: aq     prasr̥to vā etarhi yajñas

Pada: ar     tasmān narāśam̐sam anuyājeṣu yajati


Line : 11  Pada: as     tvaṣṭāraṃ yajati

Pada: at     sa hi rūpāṇi vikaroti


Pada: au     vanaspatiṃ yajati \

Pada: av     ūrg vai somo vanaspatis

Line : 12  Pada: aw     saumīr imāḥ prajāḥ

Pada: ax     prajāsv evorjaṃ dadʰāti //


Anuvaka: 4  
Line : 13  Pada: a     vājino yajati

Pada: b     paśavo vai vājinas

Pada: c     tān eva tad yajati


Pada: d     na vā eṣa suyajña iva

Line : 14  Pada: e     sam̐stʰite hi yajñe prahr̥teṣu paridʰiṣu juhoti


Pada: f     yad anavānam̐ hotā yajati

Line : 15  Pada: g     tena yajñaḥ kriyate \


Pada: h     anuyajati \

Pada: i     agnis samiṣṭir agniḥ pratiṣṭʰitis

Pada: j     samiṣṭyā eva pratiṣṭʰityai


Line : 16  Pada: k     paśavo vai vājinas \ *
      FN MS 1.10.9:149.14 continues: tán ná sam̐stʰā́pyam

Pada: l     yat sam̐stʰāpayet tān sam̐stʰāpayet \

Line : 17  Pada: m     asam̐stʰitā hy ete sadadi prajāyante


Pada: n     barhir anuniṣiñcan gr̥hṇāti \

Pada: o     r̥ṣabʰeṣv eva reto dadʰāti

Line : 18  Pada: p     prajā vai barhī reto vājinam \

Pada: q     prajāsv eva reto dadʰāti \


Pada: r     ūrdʰvajñur āsīno yajati \

Line : 19  Pada: s     ūrdʰvajñur hi paśuḥ

Pada: t     paśau reto dadʰāti


Pada: u     samupahūya bʰakṣayanti

Pada: v     somapītʰa iva hy eṣa


Line : 20  Pada: w     sarva r̥tvijaḥ prāśnanti

Pada: x     vājino me yajñaṃ vahān iti \


Pada: y     ātmanā prāśnīyāt \

Line : 21  Pada: z     ātmann eva vājaṃ dʰatte //


Anuvaka: 5  
Page: 72  
Line : 1  Pada: a     tā vaiśvadevena sr̥ṣṭās tasmim̐s taruṇiman varuṇo 'gr̥hṇāt \

Pada: b     atʰo āhur ati vai tās tam acaram̐s tā aticarantīr varuṇenāgrāhayad iti

Line : 2  Pada: c     tasmāt pitā nāticaritavai


Line : 3  Pada: d     vaiśvadevena vai prajāpatiḥ prajā asr̥jata

Pada: e     tasya maruto havyaṃ vyamatʰnata

Line : 4  Pada: f     tato 'm̐hogr̥hītā asr̥jyanta

Pada: g     tābʰyo bʰeṣajam aiccʰat

Pada: h     tad ātmann evaiccʰat

Line : 5  Pada: i     sa etad ātmano 'dʰi payo niramimīta

Pada: j     tenābʰyo 'm̐ho 'vāyajat \

Pada: k     am̐haso vā eṣāveṣṭir yad varuṇapragʰāsās \

Line : 6  Pada: l     jagdʰād vai varuṇo gr̥hṇāti

Pada: m     tasmād varuṇapragʰāsās \


Line : 7  Pada: n     yāvad vai kumāre 'mno jāta enas tāvad etasminn eno bʰavati yo varuṇapragʰāsair yajate \


Line : 8  Pada: o     atʰaitāni pañca havīm̐ṣi

Pada: p     saṃtatyai //


Pada: q     sāvitro 'ṣṭākapālas \

Line : 9  Pada: r     gāyatro hi devānām̐ savitā \


Pada: s     aindrāgno dvādaśakapālas \

Pada: t     vaiṣvadevatvāya


Line : 10  Pada: u     yad vai tat prajā varuṇagr̥hītā avevlīyanteva tad āsv indrāgnī balam adʰattām \

Line : 11  Pada: v     na vai tāḥ prāṇam̐s tā aprāṇantīr varuṇo 'gr̥hṇāt

Pada: w     prāṇāpānau vā indrāgnī

Line : 12  Pada: x     prāṇāpānā evaitan madʰyato dʰīyete *
      FN Mittwede, Textkritische Bemerkungen, p. 147: dʰīyate


Pada: y     śitʰilā vai tāḥ prajā varuṇo 'gr̥hṇāt \

Line : 13  Pada: z     ojo vīryam indrāgnī

Pada: aa     oja evaitad vīryaṃ madʰyato dʰīyate


Line : 14  Pada: ab     niravattyā eva mārutī nirvaruṇatvāya vāruṇī kantvāya kāyas \


Pada: ac     yad vā ābʰyas tad varuṇagr̥hītābʰyaḥ kam abʰavat tasmāt kāyaḥ

Line : 15  Pada: ad     prajāpatir vai tāḥ prajā varuṇenāgrāhayat

Line : 16  Pada: ae     prajāpatiḥ kas \

Pada: af     ātmanaivainā * varuṇān muñcati \
      FN Mittwede, Textkritische Bemerkungen, p. 147


Pada: ag     r̥taṃ vai satyaṃ yajñas \

Line : 17  Pada: ah     anr̥tam̐ strī \

Pada: ai     anr̥tam eṣā karoti yā patyuḥ krītā saty atʰānyaiś carati \

Pada: aj     anr̥tam eva niravadāyartam̐ satyam upaiti


Line : 18  Pada: ak     yad vācayati

Pada: al     medʰyām evaināṃ yajñiyāṃ karoti


Line : 19  Pada: am     na mitʰu brūyāt \

Pada: an     yan mitʰu brūyāt priyatamena yātayet //


Anuvaka: 6  
Page: 73  
Line : 1  Pada: a     āmapeṣā́ bʰavanti

Pada: b     sárvasyā́m̐hasó 'veṣṭyai

Pada: c     yád bʰr̥jjyéyur víttvakam ám̐hó 'veṣṭam̐ syāt


Line : 2  Pada: d     pā́trebʰyo vaí tā́ḥ prajā́ váruṇo 'gr̥hṇāt \

Pada: e     yát pā́trāṇi

Pada: f     pā́trebʰya evaínā váruṇān muñcati


Line : 3  Pada: g     pratipuruṣáṃ bʰavanti

Pada: h     pratipuruṣám evā́m̐hó 'vayajate \


Line : 4  Pada: i     ékam ádʰi bʰavati

Pada: j     gárbʰebʰya evá ténā́m̐hó 'vayajate \


Pada: k     ánnād vaí tā́ḥ prajā́ váruṇo 'gr̥hṇāt \

Line : 5  Pada: l     śū́rpeṇā́nnaṃ bibʰrati

Pada: m     tásmāc cʰū́rpeṇa hūyate


Pada: n     strīpum̐saú juhutas \

Line : 6  Pada: o     mitʰunā́ evá prajā́ váruṇān muñcataḥ


Pada: p     purástāt pratyáñcau tíṣṭʰantau juhutaḥ

Pada: q     purástād evā́gré 'm̐hó 'vayajatas \


Line : 7  Pada: r     yát pā́trāṇi

Pada: s     yá evá dvipā́daḥ paśávo mitʰunā́s téṣāṃ téna purástād ám̐hó 'vayajatas \

Line : 8  Pada: t     yán meṣáś ca meṣī́ ca

Pada: u     yá evá cátuṣpādaḥ paśávo mitʰunā́s téṣāṃ ténopáriṣṭād ám̐hó 'vayajatas \

Line : 9  Pada: v     ubʰayáta evā́m̐hó 'vayajataḥ purástāc copáriṣṭāc ca //


Line : 10  Pada: w     pā́trāṇi hutvā́gním̐ sáṃmārṣṭi

Pada: x     yátrā́m̐ho 'vā́yākṣus tásminn útpūte devátā yajān íti


Line : 11  Pada: y     yád vaí prajā́ váruṇo gr̥hṇā́ti śamī́ṃ ca yávaṃ ca ná gr̥hṇāti

Line : 12  Pada: z     hemantó hí váruṇas

Pada: aa     tásmād etaú héman ná śuṣyatas \

Line : 13  Pada: ab     yā́ evā́varuṇagr̥hītau tā́bʰyām enā váruṇān muñcati


Pada: ac     varuṇyò vaí yávo varuṇadevatyàs

Line : 14  Pada: ad     svénaivá bʰāgadʰéyena váruṇaṃ nirávadayate \


Pada: ae     átʰaitā́ anr̥tapaśū́

Line : 15  Pada: af     ánr̥tād vaí tā́ḥ prajā́ váruṇo 'gr̥hṇāt \

Pada: ag     yád etā́ anr̥tapaśū́

Line : 16  Pada: ah     ánr̥tād evaínā váruṇān muñcati


Pada: ai     strīpum̐saú bʰavatas \

Pada: aj     mitʰunā́ evá prajā́ váruṇān muñcati


Line : 17  Pada: ak     lomaśaú bʰavatas \

Pada: al     medʰyatvā́ya

Pada: am     yā́vanto hí paśávo lóma jagr̥hús té médʰaṃ prāpús \


Line : 18  Pada: an     śamīparṇā́ni bʰavanti

Pada: ao     śantvā́ya


Pada: ap     bʰūrjó vaí nā́maiṣá vr̥kṣáḥ

Line : 19  Pada: aq     kāryā̀ vā́ etásya srúcaḥ


Pada: ar     prajā́patir vā́ annā́dyaṃ nā́vārunddʰa

Pada: as     tác cʰatédʰmenā́vārunddʰa

Page: 74  
Line : 1  Pada: at     paraśśatā́ni kāryā̀ṇi \

Pada: au     annā́dyasyā́varuddʰyai


Pada: av     sahásredʰmo ha tvā́ ám̐hasó 'veṣṭiṃ vivyāca

Line : 2  Pada: aw     parassahasrā́ṇi kāryā̀ṇi \

Pada: ax     ám̐hasó 'veṣṭyai //


Anuvaka: 7  
Line : 3  Pada: a     yatīn vai sālāvr̥keyā ādan \

Pada: b     teṣām etāni śīrṣāṇi yat kʰarjūrās

Pada: c     somapītʰa eṣa udīṣati yat karīrāṇi

Line : 4  Pada: d     yat karīrāṇi bʰavanti

Pada: e     somapītʰam evāvarunddʰe


Line : 5  Pada: f     prajāpater vā etaj jyeṣṭʰaṃ tokaṃ yat parvatās

Pada: g     te pakṣiṇa āsan \

Pada: h     te yatrayatrākāmayanta tat parāpātam āsata \

Line : 6  Pada: i     atʰa vā iyaṃ tarhi śitʰilāsīt

Line : 7  Pada: j     teṣām indraḥ pakṣān accʰinat

Pada: k     tair imām adr̥m̐hat \

Pada: l     ye pakṣā āsam̐s te jīmūtā abʰavan \

Line : 8  Pada: m     tasmāt te girim upaplavante

Pada: n     yonir hy eṣām eṣa

Pada: o     tasmād girau bʰūyiṣṭʰaṃ varṣati

Line : 9  Pada: p     yat prākṣarat tāni karīrāṇi

Pada: q     tad etat prāvr̥ṣy ujjīmūtāḥ plavante


Pada: r     yajante varuṇapragʰāsais \

Line : 10  Pada: s     vr̥ṣṭim eva saṃtanoti

Pada: t     tasmāt tarhi bʰūyiṣṭʰaṃ varṣati

Pada: u     vr̥ṣṭim̐ hi saṃtanoti


Line : 11  Pada: v     na vaiśvadeva uttaravedim upavapanti \

Pada: w     upātra vapanti

Pada: x     prajātā eva prajāḥ parigr̥hṇāti


Line : 12  Pada: y     yottarā vedir yā atrīḥ * prajās tāsām̐ sā yonis tās tām anuprajāyante
      FN Mittwede, Textkritische Bemerkungen, p. 147: attrīḥ

Line : 13  Pada: z     yā dakṣiṇā vedir yā ādyāḥ prajās tāsām̐ sā yonis tās tām anuprajāyante \

Line : 14  Pada: aa     ubʰayīr evaitad atrīś * cādyāś ca prajāḥ prajanayati \
      FN Mittwede, Textkritische Bemerkungen, p. 147: attrīś


Pada: ab     ayaṃ vāva hasta āsīn nāyam \

Line : 15  Pada: ac     yaiṣā dvitīyā vedis tayemaṃ dvitīyam̐ hastam avindan \

Pada: ad     tasmād eṣa etasya pariveṣṭā \

Line : 16  Pada: ae     aparajo hi

Pada: af     tasmāt kanīyāñ jyāyām̐saṃ pariveveṣṭi


Pada: ag     same kārye

Line : 17  Pada: ah     samau hīmau hastā asaṃbʰinne bʰavatas \

Pada: ai     am̐haso 'veṣṭyai


Pada: aj     yat saṃbʰindyur anaveṣṭam am̐has syāt \

Line : 18  Pada: ak     ekaspʰyām * anu saṃbʰindanti \
      FN Mittwede, Textkritische Bemerkungen, p. 147: ekaspʰyayā

Pada: al     anusaṃtatyai \


Pada: am     upottarāṃ vapanti

Pada: an     na dakṣiṇām

Line : 19  Pada: ao     anabʰyārohāya //


Pada: ap     kṣatraṃ vai varuṇo viṇ marutas \

Pada: aq     nānā yajanti

Page: 75  
Line : 1  Pada: ar     pāpavasīyasasya vyāvr̥ttyai


Pada: as     yad adʰvaryuḥ karoti tat pratiprastʰātā karoti

Line : 2  Pada: at     tasmād yad rājā karoti tad viṭ karoti


Pada: au     na vaiśvadeve trim̐śad āhutayas santi na sākamedʰeṣu

Line : 3  Pada: av     varuṇapragʰāseṣu vāva trim̐śad āhutayas \

Pada: aw     vairājaḥ puruṣas \

Pada: ax     daśa hastyā aṅgulayo daśa padyā daśa prāṇās tat trim̐śat

Line : 4  Pada: ay     trim̐śadakṣarā virāḍ *
      FN < virāj

Pada: az     vairājaḥ puruṣas \


Line : 5  Pada: ba     yad etarhy avabʰr̥tʰam avaiti \

Pada: bb     ātmānam * evām̐ho 'vayajate
      FN Mittwede, Textkritische Bemerkungen, p. 148: ātmana


Pada: bc     yad vai yajñasya svagākr̥tiṃ na prāpnoti varuṇas tad gr̥hṇāti

Line : 6  Pada: bd     yan niṣkāṣeṇāvabʰr̥tʰam avaiti

Pada: be     yad eva varuṇagr̥hītaṃ tena varuṇaṃ niravadayate \

Line : 7  Pada: bf     atʰo yad evātra varuṇasya nyaktaṃ tasya niravattyai \


Line : 8  Pada: bg     anapekṣamāṇā āyānti

Pada: bh     varuṇasyānanvavāyāya \


Pada: bi     edʰo 'sy edʰiṣīmahīti

Line : 9  Pada: bj     varuṇam eva niravadāyaidʰatum upayanti


Pada: bk     samid asi samedʰiṣīmahīti \

Line : 10  Pada: bl     āśiṣam evāśāste


Pada: bm     tejo 'si tejo mayi dʰehīti

Pada: bn     teja evātmandʰatte //


Anuvaka: 8  
Line : 12  Pada: a     prajās sr̥ṣṭvām̐ho 'vejya so 'kāmayata vr̥tram̐ hanyām iti

Pada: b     sa etābʰir devatābʰis sayug bʰūtvopaplāyata marudbʰir viśāgninānīkena

Line : 13  Pada: c     sa vr̥tram abʰītya vr̥traṃ dr̥ṣṭvorustambʰagr̥hīto 'tiṣṭʰad anabʰidʰr̥ṣṇuvan \

Line : 14  Pada: d     taṃ maruta aiṣīkair vātaratʰair adʰyaiyanta

Line : 15  Pada: e     te 'tyaiṣan \

Pada: f     te 'sya yatra marmāgaccʰam̐s tad aceṣṭat

Pada: g     saṃ vā enaṃ tad atapan \

Line : 16  Pada: h     tasmāt sāṃtapanās \


Pada: i     vārtragʰnā vai sākamedʰās \

Pada: j     agninā vā anīkenendro vr̥tram ahan \

Line : 17  Pada: k     anīkatvāyaiva \


Pada: l     eṣo 'gnir devānām̐ senānīs

Pada: m     senottʰāpanīyam evaitat \


Line : 18  Pada: n     indro vai vr̥trāya vajram udyamaṃ nāśaknot

Pada: o     sa etaṃ marudbʰyo bʰāgaṃ niravapat

Line : 19  Pada: p     taṃ maruto vīryāya samatapan

Pada: q     sa tena vīryeṇa vajram udayaccʰat

Pada: r     saṃ vā enaṃ tad atapan \

Line : 20  Pada: s     tasmāt sāṃtapanās \


Pada: t     madʰyaṃdine nirupyas

Pada: u     tarhi hy ubʰā antau tapati


Line : 21  Pada: v     carur bʰavati

Pada: w     tam̐ hi sarvatas tapati


Pada: x     devā vai vr̥trasya marma nāvindan \

Page: 76  
Line : 1  Pada: y     taṃ marutaḥ kṣurapavinā vyayus

Pada: z     saṃ vā enaṃ tad atapan \

Pada: aa     tasmāt sāṃtapanāḥ //


Anuvaka: 9  
Line : 3  Pada: a     te śvo vr̥tram̐ haniṣyanta upāvasan \

Pada: b     te 'bruvan kasya vāhedam̐ śvo bʰavitā kasya vā pacateti *
      FN Mittwede, Textkritische Bemerkungen, p. 148: pakteti, paciteti

Line : 4  Pada: c     ta etam odanam apacanta

Pada: d     te paśūn acikayur yatarān vā ime śvaḥ kamitāras te jetāra iti

Line : 5  Pada: e     tebʰya etena prātiṣṭʰan \

Pada: f     tān etenāyaccʰan

Line : 6  Pada: g     paśūnām evaiṣā yatis

Pada: h     te śvovijayino 'vasan \

Pada: i     te 'bruvan kasya vāhedam̐ śvo bʰavitā kasya vā pacateti

Line : 7  Pada: j     ta etam odanam apacanta

Pada: k     te 'bruvan māhutam aśiṣmeti

Line : 8  Pada: l     te marudʰbʰyo gr̥hamedʰebʰyo 'juhavuḥ

Pada: m     paśavo vai maruto gr̥hamedʰās

Line : 9  Pada: n     tebʰya eva tad ajuhavus


Pada: o     te saṃyattā āsan \

Pada: p     te 'surā devebʰyaḥ kṣudʰaṃ prāhiṇvan \

Line : 10  Pada: q     tāṃ devāḥ pratiśrutyaitam odanam apacanta

Pada: r     sā deveṣu lokam avittvā punar asurān prāviśat

Line : 11  Pada: s     sainān niradahat \


Pada: t     api prativeśa odanaṃ paceta

Pada: u     bʰrātr̥vyāyaiva kṣudʰaṃ prahiṇoti

Line : 12  Pada: v     sainaṃ nirdahati //


Pada: w     yad vai cāturmāsyānāṃ pākayajñasyaiva tad eṣāṃ paśavyam \

Line : 13  Pada: x     gr̥hamedʰyo vai pākayajñas \

Pada: y     na prayājā ijyante nānuyājās \

Pada: z     na sāmidʰenīr anvāha \

Line : 14  Pada: aa     ājyabʰāgau yajati

Pada: ab     tena yajñaḥ kriyate \


Pada: ac     agnaye samavadyati \

Pada: ad     agnis samiṣṭis \

Line : 15  Pada: ae     agniḥ pratiṣṭʰitis

Pada: af     samiṣṭʰyā eva partiṣṭʰityai


Pada: ag     paśavo vai gr̥hamedʰāḥ

Line : 16  Pada: ah     paśava iḍā

Pada: ai     tasmād iḍām upahvayante


Pada: aj     niṣkāṣo nidʰīyate

Pada: ak     saṃtatyai


Line : 17  Pada: al     teṣāṃ vā ubʰayeṣām indraḥ prāvasat

Pada: am     te devā etam indrāya bʰāgaṃ nyadadʰur

Pada: an     asmāñ cʰvo nihitabʰāgo vr̥ṇātā iti

Line : 18  Pada: ao     ruvatʰo vaṣaṭkāras \

Pada: ap     atʰo asurāṇām eva tad vr̥ṣabʰam atyāhvayan \

Line : 19  Pada: aq     asmān prajanayād iti \

Pada: ar     r̥ṣabʰam āhvayati \

Pada: as     indram eva tan nihvayate \

Line : 20  Pada: at     atʰo puṣṭim eva bʰrātr̥vyasya vr̥ṅkte //


Anuvaka: 10  
Line : 21  Pada: a     savatsā gāvo vasanti

Pada: b     sākamedʰatvāya


Pada: c     yat patnī nāśnīyād asākamedʰās syur

Line : 22  Pada: d     yat patny aśnāti

Pada: e     sākamedʰatvāya


Pada: f     nirr̥tir vā etad yajñasya gr̥hṇāti yat stry aśnāti

Page: 77  
Line : 1  Pada: g     nirr̥tir vai strī

Pada: h     striyā eṣa hasto yad darvis \

Pada: i     yad darvyā juhoti

Line : 2  Pada: j     nirr̥tyaiva nirr̥tiṃ niravadayate


Pada: k     yad vai yajñasya svagākr̥tiṃ na prāpnoti nirr̥tis tad gr̥hṇāti

Line : 3  Pada: l     nirr̥tigr̥hītā vai darvis

Pada: m     taptam̐ hy eṣāvacarati

Pada: n     yad darvyā juhoti

Line : 4  Pada: o     nirr̥tigr̥hītayaiva * nirr̥tiṃ niravadayate
      FN emended. Ed.: nirr̥tigr̥hītayeva. cf. MS.1.10.16:155.14: nírr̥tigr̥hītayaivá.


Pada: p     sa śvo vr̥tram̐ hantum upaplāyata

Line : 5  Pada: q     taṃ marutaḥ parikrīḍanta āyan \

Pada: r     te 'syāpvāṃ * vyanayan \
      FN emended. Ed.: 'syāptvā. Mittwede, Textkritische Bemerkungen, p. 148

Pada: s     ta enam abʰyadʰarṣayan \

Line : 6  Pada: t     tasmāt krīḍayas


Pada: u     te saṃyattā āsan \

Pada: v     te devā asurāṇāṃ param antaṃ na parāpaśyan \

Line : 7  Pada: w     te marutaḥ krīḍīn krīḍato 'paśyan \

Pada: x     te 'vidur jitamanaso vā ima iti

Line : 8  Pada: y     tebʰya etaṃ bʰāgaṃ niravapan \

Pada: z     tato 'jayan

Pada: aa     vijityā evaiṣas \

Pada: ab     asau vā āditya indras \

Line : 9  Pada: ac     raśmayaḥ krīḍayas

Pada: ad     sākaṃ raśmibʰiḥ pracaranti

Pada: ae     vijityai //


Line : 10  Pada: af     devā vai vr̥tram̐ hataṃ na vyajānan \

Pada: ag     taṃ maruto 'dʰyakrīḍan \

Pada: ah     tasmāt krīḍayas \


Pada: ai     atʰaitāni pañca havīm̐ṣi

Line : 11  Pada: aj     saṃtatyai \


Pada: ak     atʰaindrāgnas \

Pada: al     indrāgnī vai taṃ vajreṇābʰyauhatām

Line : 12  Pada: am     atʰo āhur indrāgnī asmai vajram anubibʰr̥tām * iti \
      FN Mittwede, Textkritische Bemerkungen, p. 148


Pada: an     atʰaindras \

Pada: ao     etena vā indro vr̥tram ahan

Line : 13  Pada: ap     sa etam uddʰāram udaharata \

Pada: aq     uddʰāra evāsya \

Pada: ar     eṣa bʰāga eva \


Pada: as     atʰa vaiśvakarmaṇas \

Line : 14  Pada: at     viśvā me karma kr̥tānīti

Pada: au     viśvakarmā hy abʰavad vr̥tram̐ hatvā \


Pada: av     agne ver hotraṃ ver dūtyam ity āgʰāram āgʰārayati \

Line : 15  Pada: aw     āhutīnām̐ saṃpattyai trim̐śattvāya //


Anuvaka: 11  
Line : 16  Pada: a     prajās sr̥ṣṭvām̐ho 'vejya vr̥tram̐ hatvā te 'mr̥tatvam akāmayanta

Pada: b     svargo vai loko 'mr̥tatvam \

Line : 17  Pada: c     dvādaśa māsās saṃvatsaras svargo lokas \

Pada: d     yad dvādaśāhutayas \

Line : 18  Pada: e     amr̥tatvam eva tena spr̥ṇoti


Pada: f     saṃ vā etat saṃvatsaram akr̥kṣat \

Pada: g     āpad vā etat saṃvatsaram \

Line : 19  Pada: h     yat ṣaṭṣaṭ saṃpādayati

Pada: i     ṣaḍ vā r̥tavas \

Pada: j     r̥tūn evaitat punar apipādayati

Page: 78  
Line : 1  Pada: k     tān apipadyamānān anvapipadyate

Pada: l     tataḥ prajāyate \


Pada: m     ati vā etat saṃvatsaram agāt \

Line : 2  Pada: n     yad dvādaśāhutayas

Pada: o     saṃvatsaram evābʰiparyāvartate \


Pada: p     āpad vā etat saṃvatsaram \

Pada: q     pitara r̥tavas

Line : 3  Pada: r     tam eva prajanayati

Pada: s     taṃ prajāyamānam anuprajāyate \


Pada: t     etad vā asya saṃvatsaro 'bʰīṣṭo 'bʰūd abʰīṣṭā r̥tavas \

Line : 4  Pada: u     atʰāsya pitaro 'nabʰīṣṭās \

Pada: v     yad eṣa pitr̥yajñas

Line : 5  Pada: w     tenāsya pitaro 'bʰīṣṭāḥ prītā bʰavanti //


Pada: x     dakṣiṇato nirupyam \

Line : 6  Pada: y     dakṣiṇā hi pitr̥̄ṇām


Pada: z     ubʰayato nirupyam

Pada: aa     ubʰaye hījyante


Pada: ab     tat tan na sūrkṣyam \

Pada: ac     dakṣiṇata eva nirupyam \

Line : 7  Pada: ad     dakṣiṇā hi pitr̥̄ṇām \


Pada: ae     ṣaṭkapālaḥ puroḍāśo bʰavati

Line : 8  Pada: af     ṣaḍ vā r̥tavas \

Pada: ag     r̥tava evāsya tenābʰīṣṭāḥ prītā bʰavanti


Pada: ah     na vai dʰānābʰir na mantʰena yajñas \

Line : 9  Pada: ai     yad eṣa puroḍāśas tena yajñaḥ kriyate \

Pada: aj     atʰaitā dʰānās

Pada: ak     sudʰā vā etā amuṣmiṃl loke 'parimitās samvatsarasya rātrayas

Line : 10  Pada: al     tā evāsyaitābʰir abʰīṣṭāḥ prītā bʰavanti


Line : 11  Pada: am     na vai dʰānābʰir na puroḍāśena pitr̥yajñas \

Pada: an     yad eṣa mantʰas tena pitr̥yajñas \

Line : 12  Pada: ao     abʰivānyavatsāyā dugdʰe bʰavati

Pada: ap     sā hi pitr̥̄ṇām \


Line : 13  Pada: aq     nediṣṭʰam ekayopamantʰati \

Pada: ar     ekalokā hi pitaras \


Pada: as     dakṣiṇopamantʰati

Pada: at     dakṣiṇā hi pitr̥̄ṇām


Line : 14  Pada: au     anārabʰyopamantʰati

Pada: av     tad dʰi pitr̥̄n gaccʰati //


Anuvaka: 12  
Line : 15  Pada: a     na prācy uddʰatyā

Pada: b     pitr̥yajño hi


Pada: c     na dakṣiṇā

Pada: d     yajño hi \


Pada: e     ubʰe diśā antaroddʰanti \

Line : 16  Pada: f     ubʰaye hījyante \

Pada: g     ubʰayān eva vyaśnoti devām̐ś ca pitr̥̄m̐ś ca


Pada: h     catussraktir vedir bʰavati

Line : 17  Pada: i     sarvāsu hi dikṣu pitaraḥ


Pada: j     pariśrite yājayanti \

Pada: k     antarhitā hy amuṣmād ādiyāt pitaras \

Line : 18  Pada: l     atʰo antarhitā hi devebʰyaś ca manuṣyebʰyaś ca pitaras \


Line : 19  Pada: m     upamūlaṃ barhir dāti

Pada: n     tena pitr̥̄ṇām \

Pada: o     yad r̥temūlam \

Pada: p     tena devānām

Pada: q     ubʰaye hījyante


Line : 20  Pada: r     samantaṃ barhis str̥ṇan paryeti

Pada: s     samantam̐ hīma r̥tavaḥ pariviṣṭās \


Pada: t     eti vā eṣo 'smāl lokād yaḥ pitr̥yajñaṃ paryeti

Line : 21  Pada: u     yad astr̥ṇan punaḥ paryeti \

Pada: v     imam eva lokam upāvartate \


Line : 22  Pada: w     amuṣmin vai pūrvasmin devatā yajanti

Pada: x     yat tatra yajed āhutīs sam̐sr̥jet

Line : 23  Pada: y     samadaṃ kuryāt \

Pada: z     gārhapatye śr̥taṃ kurvanti

Pada: aa     tena yajñaḥ kriyate \


Pada: ab     odanapacanād agnim āharanti

Page: 79  
Line : 1  Pada: ac     tad u svin nānyata āhriyate \


Pada: ad     uśantas tvā havāmaha ity anvāha \

Line : 2  Pada: ae     uśanto hi pitaras \


Pada: af     anuṣṭubʰam anvāha \

Pada: ag     anto vā anuṣṭub

Pada: ah     antaḥ pitaras \

Line : 3  Pada: ai     atʰo anuṣṭub bʰi sarvāṇi ccʰandām̐si \


Pada: aj     ekām anvāha \

Pada: ak     ekalokā hi pitaras


Pada: al     trir anvāha

Line : 4  Pada: am     tr̥tīye hi loke pitaras \


Pada: an     yad ekām anvāha

Pada: ao     tena pitr̥̄ṇām \

Pada: ap     yat trir anvāha

Line : 5  Pada: aq     tena devānām

Pada: ar     ubʰaye hījyante


Pada: as     nārṣeyaṃ vr̥ṇīte na hotāram \

Pada: at     mr̥tyor evainā utsr̥jati \


Line : 6  Pada: au     apabarhiṣaḥ prayājān yajati

Pada: av     prajā vai barhiḥ

Pada: aw     prajā eva mr̥tyor utsr̥jati


Line : 7  Pada: ax     saṃvyayate vai manuṣyebʰyaḥ kariṣyan

Pada: ay     dakṣiṇato devebʰya upavyayate \

Line : 8  Pada: az     atʰātra prācīnāvītena bʰavyam \

Pada: ba     vyāvr̥ttyai


Pada: bb     dakṣiṇato 'vadāyodaṅṅ atikramya dakṣiṇāvr̥tya juhoti

Line : 9  Pada: bc     dakṣiṇā hi pitr̥̄ṇām //


Anuvaka: 13  
Line : 10  Pada: a     somam agre yajati

Pada: b     somo vai pitr̥̄ṇāṃ devatā

Pada: c     pitr̥devatyo hi somas \


Line : 11  Pada: d     yat somaṃ pitr̥mantaṃ yajati

Pada: e     somapām̐s tat pitr̥̄n yajati

Pada: f     yad barhiṣado yajvanas tat \

Line : 12  Pada: g     yad agniṣvāttān gr̥hamedʰinas tat \


Pada: h     yad agniṃ kavyavāhanam \

Pada: i     dve vā agnes tanvau

Pada: j     havyavāhanyā devebʰyo havyaṃ vahati kavyavāhanyā pitr̥bʰyas \

Line : 13  Pada: k     agnis samiṣṭir agniḥ pratiṣṭʰitis

Line : 14  Pada: l     samiṣṭyā eva pratiṣṭʰityai


Pada: m     pañcapañca kr̥tvo 'vadyati

Line : 15  Pada: n     pañca hy r̥tavas


Pada: o     svadʰā nama iti vaṣaṭkaroti

Pada: p     svadʰā hi pitr̥̄ṇāṃ namaskāro devānām \


Line : 16  Pada: q     dve vai devānāṃ yājyānuvākye

Pada: r     prānyayā yaccʰati gamayaty anyayā \

Pada: s     atʰātra tisraḥ kāryās \

Line : 17  Pada: t     vyāvr̥ttyai


Pada: u     dve anuvākye ekā yājyā

Pada: v     pare vai devebʰyaḥ pitaras \

Line : 18  Pada: w     yaiṣā tr̥tīyābʰy evaitayā prayaccʰati //

Pada: x     devān vai pitr̥̄n manuṣyāḥ pitaro 'nuprapipate *
      FN emended. Ed.: 'nuprapibante. Mittwede, Textkritische Bemerkungen, p. 148

Line : 19  Pada: y     devān evaitat pitr̥̄n ayāṭ \


Pada: z     yat sraktiṣu nidadʰāti

Pada: aa     tena manuṣyān pitr̥̄n yajati


Line : 20  Pada: ab     trir nidadʰāti

Pada: ac     trīn hīdaṃ puruṣān abʰismas


Pada: ad     trīn parān anvācaṣṭe

Line : 21  Pada: ae     trayo vai pitā putraḥ pautras \

Pada: af     anusaṃtatyai


Pada: ag     sarvāsu sraktiṣu nidadʰāti

Pada: ah     sarvā eva diśo gamayati

Line : 22  Pada: ai     sarvāsu hi dikṣu pitaras \


Pada: aj     nāsyāṃ nidadʰyāt \

Pada: ak     yad asyāṃ nidadʰyān mr̥tyunainān parigr̥hṇīyāt


Page: 80  
Line : 1  Pada: al     tām evānūdyanti

Pada: am     yat tasyāṃ nimārṣṭi

Pada: an     tenaiva tān prīṇāti \


Line : 2  Pada: ao     atra pitaro mādayadʰvam iti niṣkrāmanti

Pada: ap     ta āhavanīyam upāyanti

Line : 3  Pada: aq     susaṃdr̥śaṃ tvā vayam iti

Pada: ar     ta ā tamitos tiṣṭʰanti \

Pada: as     antaṃ vā ete prāṇasya gaccʰanti ye pitr̥yajñam upayanti \

Line : 4  Pada: at     agnim evopadraṣṭāraṃ kr̥tvāntaṃ prāṇasya gaccʰanti


Line : 5  Pada: au     pareta pitaras somyāsa iti punar āyanti \

Pada: av     anuṣaktā vā etān pitaras \

Line : 6  Pada: aw     vyāvr̥ttyai \


Pada: ax     amīmadanta pitara iti prapadyante

Pada: ay     ta ūrṇāṃ vā daśāṃ vā nyasyanti

Line : 7  Pada: az     yad eva tatra nigaccʰanti tasya niravattyai \


Pada: ba     apaḥ pariṣiñcati

Line : 8  Pada: bb     mārjayaty eva


Pada: bc     punar apariṣiñcan paryeti \

Pada: bd     amuṃ vā ete lokaṃ nigaccʰanti ye pitr̥yajñam upayanti

Line : 9  Pada: be     prajāpatis tvā enān ata unnetum arhati

Pada: bf     yad etām aniruktāṃ prājāpatyām anvāha \ ayā viṣṭʰā janayan kurvarāṇi \ iti

Line : 10  Pada: bg     prajāpatir evainām̐s tata unnayati

Line : 11  Pada: bh     pitr̥̄n vā etad yajño 'gan


Pada: bi     paṅktyā punar āyanti

Line : 12  Pada: bj     pāṅkto yajñas

Pada: bk     sahaiva yajñenāyanti *
      FN emended. Ed.: yajñenāyānti


Pada: bl     pitr̥̄n vā etasya mano gaccʰati

Pada: bm     mano nv āhuvāmaha * iti
      FN emended. Ed.: ahuvāmaha. Mittwede, Textkritische Bemerkungen, p. 148

Line : 13  Pada: bn     tad eva punar upahvayate //


Anuvaka: 14  
Line : 14  Pada: a     etad vā asya saṃvatsaro 'bʰīṣṭo 'bʰūd abʰīṣṭāḥ pitaras \

Pada: b     atʰāsya rudrā anabʰīṣṭās \

Line : 15  Pada: c     rudrās tryambakās \

Pada: d     yad ete tryambakās

Pada: e     tenāsya rudrā abʰīṣṭāḥ prītā bʰavanti


Line : 16  Pada: f     pratipuruṣaṃ bʰavanti

Pada: g     pratipuruṣam eva rudraṃ niravadayate \


Pada: h     eko 'dʰi bʰavati

Line : 17  Pada: i     garbʰebʰya eva tena rudraṃ niravadayate \


Pada: j     ekakapālā bʰavanti

Pada: k     na vai puruṣaṃ kapālair āptum arhati \

Line : 18  Pada: l     ekadʰaivainam āpnoti \


Pada: m     abʰigʰāryā3 nābʰigʰāryā3 iti mīmām̐sante *
      FN sic

Line : 19  Pada: n     abʰigʰāryā eva

Pada: o     na hi havir anabʰigʰr̥tam \

Pada: p     yad abʰigʰārayed rudraṃ paśūn anvavanayet

Line : 20  Pada: q     tasmān nābʰigʰāryās \


Pada: r     ekolmukam̐ haranti \

Pada: s     ekolmukam̐ hi rudrāṇām \


Line : 21  Pada: t     dʰūpāyad dʰaranti

Pada: u     dʰūpāyad dʰi rudrāṇām \


Pada: v     parācīnam̐ haranti

Pada: w     parāñcam eva rudram̐ haranti \


Line : 22  Pada: x     imāṃ diśam̐ haranti

Pada: y     etasyāṃ vai diśi rudrāṇāṃ gr̥hās \

Pada: z     gr̥heṣv eva rudraṃ niravayajate //


Page: 81  
Line : 1  Pada: aa     rudrākʰuṃ te paśuṃ karomīty ākʰukirā ekam upavapati

Pada: ab     paśubʰya eva rudraṃ niravadayate

Line : 2  Pada: ac     tasmāt tān paśupatir gʰātukas \


Pada: ad     catuṣpatʰe yājayanti

Pada: ae     catuṣpatʰe vai rudrāṇāṃ gr̥hās \

Line : 3  Pada: af     gr̥heṣv eva rudraṃ niravayajate \


Pada: ag     eṣa te rudra bʰāgas saha svasrāmbikayā taṃ juṣasva svāheti

Line : 4  Pada: ah     śarad vai rudrasya svasāmbikā

Pada: ai     tām eṣo 'nvavacarati

Line : 5  Pada: aj     tasmād eṣa śaradi bʰūyiṣṭʰam̐ hanti

Pada: ak     tayaivainam̐ saha niravadayate


Pada: al     madʰyamena parṇena juhoti

Line : 6  Pada: am     tad dʰy arakṣohatam \


Pada: an     yad grāmyeṇa juhuyād rudraṃ * paśūn anvavanayet
      FN emended. Ed.: rudraḥ. Mittwede, Textkritische Bemerkungen, p. 148

Line : 7  Pada: ao     tasmād āraṇyena hūyate \


Pada: ap     avāmba rudram adimahīti \

Pada: aq     anr̥ṇā evābʰūvan


Pada: ar     bʰeṣajaṃ gave 'śvāya puruṣāya ceti \

Line : 8  Pada: as     anr̥ṇā eva bʰūtvā bʰeṣajam akrata //


Pada: at     tryambakaṃ yajāmaha iti pariyanti

Line : 9  Pada: au     yā patikāmā syāt sāpi parīyāt

Pada: av     pativedanam evāsyai kurvanti


Line : 10  Pada: aw     tān udasya pratilabʰante \

Pada: ax     anr̥ṇā eva bʰūtvā bʰagaṃ pratilabʰante


Line : 11  Pada: ay     tān yajamānāya samāvapanti

Pada: az     bʰagam evāsmai samāvapanti


Pada: ba     yā patikāmā syāt tasyai samāvapeyus \

Line : 12  Pada: bb     bʰagam evāsyai samāvapanti


Pada: bc     tān mūte kr̥tvā vr̥kṣa āsacanty * eṣa te rudra bʰāgas tenāvasena paro mūjavato 'tīhīti
      FN Mittwede, Textkritische Bemerkungen, p. 149: āsajanty

Line : 13  Pada: bd     girir vai rudrasya yonis

Line : 14  Pada: be     tata eṣo 'bʰyavacarati

Pada: bf     svenaivainaṃ bʰāgadʰeyena svaṃ yoniṃ gamayati \


Line : 15  Pada: bg     anapekṣamāṇā āyānti

Pada: bh     rudrasyānanvavāyāya \


Pada: bi     edʰo 'sy edʰiṣīmahīti

Line : 16  Pada: bj     rudram eva niravadāyaidʰatum upayanti


Pada: bk     samid asi samedʰiṣīmahīti \

Pada: bl     āśiṣam evāśāste


Line : 17  Pada: bm     tejo 'si tejo mayi dʰehīti

Pada: bn     teja evātman dʰatte \


Pada: bo     ambī vai strī bʰagānāmnī *
      FN Mittwede, Textkritische Bemerkungen, p. 149: bʰaganāmnī

Line : 18  Pada: bp     tasmāt tryambakās \


Pada: bq     apratitiṣṭʰato vā eṣa yasyāpratiṣṭʰitam̐ havir apratiṣṭʰitās tryambakās \

Line : 19  Pada: br     na prayājā ijyante nānuyājā

Pada: bs     na sāmidʰenīr anvāha \

Line : 20  Pada: bt     adityai caruṃ nirvapati \

Pada: bu     iyaṃ vā aditis \

Pada: bv     iyaṃ pratiṣṭʰā \

Pada: bw     asyām eva pratitiṣṭʰati //


Anuvaka: 15  
Page: 82  
Line : 1  Pada: a     apā́ṃ yó drávaṇe rásas tám ahám asmā́ amúṣmā āmuṣyāyaṇā́ya téjase várcase gr̥hṇāmi \

Line : 2  Pada: b     apā́ṃ yá ūrmaú rásas tám ahám asmā́ amúṣmā āmuṣyāyaṇā́yaújase kṣatrā́ya gr̥hṇāmi \

Line : 3  Pada: c     apā́ṃ yó mádʰye rásas tám ahám asmā́ amúṣmā āmuṣyāyaṇā́ya prajā́yai púṣṭyai gr̥hṇāmi \

Line : 4  Pada: d     apā́ṃ yā́ yajñíyā tanū́s tā́m ahám asmā́ amúṣmā āmuṣyāyaṇā́yā́yuṣe dīrgʰāyutvā́ya gr̥hṇāmi //

Line : 6  Pada: e     rátʰe akṣéṣu vr̥ṣabʰásya vā́je vā́te parjánye váruṇasya śúṣme /

Line : 7  Pada: f     índraṃ yā́ devī́ subʰágā jajā́na séyám ā́gād várcasā saṃvidānā́ //

Line : 8  Pada: g     yā́ hastíni dvīpíni yā́ híraṇye góṣv áśveṣu púruṣeṣv antáḥ /

Line : 9  Pada: h     índraṃ yā́ devī́ subʰágā jajā́na séyám ā́gād várcasā saṃvidānā́ //

Line : 10  Pada: i     sim̐hé vyāgʰrá utá yā́ pŕ̥ḍākau tvíṣir agnaú brāhmaṇé sū́rye yā́ /

Line : 11  Pada: j     índraṃ yā́ devī́ subʰágā jajā́na séyám ā́gād várcasā saṃvidānā́ //

Line : 12  Pada: k     yā́ rājanyè dundubʰā́ ā́yatāyām áśvasya kránde púruṣasya māyaú /

Line : 13  Pada: l     índraṃ yā́ devī́ subʰágā jajā́na séyám ā́gād várcasā saṃvidānā́ //

Line : 14  Pada: m     rā́ḍ asi

Pada: n     virā́ḍ asi

Pada: o     samrā́ḍ asi

Pada: p     svarā́ḍ asi \

Pada: q     índrāya tvā mádʰumate mádʰumantam̐ śrīṇāmi \

Line : 15  Pada: r     índrāya tvaújasvata ójasvantam̐ śrīṇāmi \

Pada: s     índrāya tvā páyasvate páyasvantam̐ śrīṇāmi \

Line : 16  Pada: t     índrāya tvā́yuṣmata ā́yuṣmantam̐ śrīṇāmi

Pada: u     várco 'si tán me níyaccʰa tát te níyaccʰāmi \

Line : 17  Pada: v     ójo 'si tán me níyaccʰa tát te níyaccʰāmi

Page: 83  
Line : 1  Pada: w     páyo 'si tán me níyaccʰa tát te níyaccʰāmi \

Pada: x     ā́yur asi tán me níyaccʰa tát te níyaccʰāmi //

Line : 3  Pada: y     várcasvad astu me múkʰaṃ várcasvac cʰíro astu me /

Line : 4  Pada: z     várcasvān viśvátaḥ pratyáṅ várcasā sáṃpipr̥gdʰi mā //

Line : 5  Pada: aa     ójasvad astu me múkʰam ójasvac cʰíro astu me /

Line : 6  Pada: ab     ójasvān viśvátaḥ pratyáṅṅ ójasā sáṃpipr̥gdʰi mā //

Line : 7  Pada: ac     páyasvad astu me múkʰaṃ páyasvac cʰíro astu me /

Line : 8  Pada: ad     páyasvān viśvátaḥ pratyáṅ páyasā sáṃpipr̥gdʰi mā //

Line : 9  Pada: ae     ā́yuṣmad astu me múkʰam ā́yuṣmac cʰíro astu me /

Line : 10  Pada: af     ā́yuṣmān viśvátaḥ pratyáṅṅ ā́yuṣā sáṃpipr̥gdʰi mā //

Line : 11  Pada: ag     idám aháṃ gāyatréṇa ccʰándasā trivŕ̥tā stómena ratʰaṃtaréṇa sā́mnāgnínā devátayā téjas te várca ā́dade 'sau \

Line : 12  Pada: ah     idám aháṃ traíṣṭubʰena ccʰándasā pañcadaśéna stómena br̥hatā́ sā́mnéndreṇa devátayaújasa te kṣatrám ā́dade 'sau \

Line : 13  Pada: ai     idám aháṃ jāgaténa ccʰándasā saptadaśéna stómena vairūpéṇa sā́mnā víśvair devaír devátayā prajā́ṃ te púṣṭim ā́dade 'sau \

Line : 15  Pada: aj     idám ahám ā́nuṣṭubʰena ccʰándasaikavim̐śéna stómena vairājéna sā́mnā prajā́patinā devátayā́yus te dīrgʰāyutvám ā́dade 'sau //

Line : 17  Pada: ak     imám agna ā́yuṣe várcase kr̥dʰi tigmám ójo varuṇa sám̐śiśādʰi /

Line : 18  Pada: al     mātévāsmā adite śárma yaccʰa víśve devā jarádaṣṭir yátʰā́sat //

Line : 19  Pada: am     viśvákarmā viśvádevo viśvajíd viśvádarśataḥ /

Line : 20  Pada: an     té tvā gʰr̥tásya dʰā́rayā śraiṣṭʰyāya sámasūṣata //

Line : 21  Pada: ao     yáto vā́to mánojavā yátaḥ kṣáranti síndʰavaḥ /

Line : 22  Pada: ap     tā́sāṃ tvā sárvāsāṃ rucā́bʰíṣiñcāmi várcasā //

Page: 84  
Line : 1  Pada: aq     abʰí tvā várcasāsicaṃ yajñéna páyasā sahá /

Line : 2  Pada: ar     yátʰā́so mitravárdʰanas tátʰā tvā savitā́ karat //

Line : 3  Pada: as     índraṃ víśvā avīvr̥dʰan samudrávyacasaṃ gíraḥ /

Line : 4  Pada: at     ratʰī́tamaṃ ratʰī́nāṃ vā́jānām̐ sátpatiṃ pátim //

Line : 5  Pada: au     apā́ṃ yó drávaṇe rásas ténāhám imám amúm āmuṣyāyaṇám amúṣyāḥ putráṃ téjase brahmavarcasā́yābʰíṣiñcāmi \

Line : 6  Pada: av     apā́ṃ yá ūrmaú rásas ténāhám imám amúm āmuṣyāyaṇám amúṣyāḥ putrám ójase kṣatrā́yābʰíṣiñcāmi \

Line : 7  Pada: aw     apā́ṃ yó mádʰye rásas ténāhám imám amúm āmuṣyāyaṇám amúṣyāḥ putráṃ prajā́yai púṣṭyā abʰíṣiñcāmi \

Line : 8  Pada: ax     apā́ṃ yā́ yajñíyā tanū́s táyāhám imám amúm āmuṣyāyaṇám amúṣyāḥ putrám ā́yuṣe dīrgʰāyutvā́yābʰíṣiñcāmi //


Line : 11  Pada: ay     iti śrīmadyajuṣi kāṭʰake carakaśākʰāyām orimikāyāṃ cāturmāsyāni nāma ṣaṭtriṃśaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.