TITUS
Black Yajur-Veda: Kathaka-Samhita
Part No. 39
Previous part

Sthanaka: 39  
Anuvaka: 1  
Line : 7  Pada: a     yad akrandaḥ pratʰamaṃ jāyamāna udyan samudrād uta vā purīṣāt /

Line : 8  Pada: b     śyenasya pakṣā hariṇasya bāhū upastutyaṃ mahi jātaṃ te arvan //

Line : 9  Pada: c     abʰyastʰād viśvāḥ pr̥tanā arātīs tad agnir āha tad u soma āha /

Line : 10  Pada: d     br̥haspatis savitendras tad āha pūṣā mādʰāt sukr̥tasya loke //

Line : 11  Pada: e     āstʰād udastʰād ajaniṣṭa vipro vyāstʰan mr̥dʰo aśiśīta bāhū /

Line : 12  Pada: f     samapr̥kṣi jyotiṣā sūryasya parā bādʰasva nirr̥tiṃ parācaiḥ //

Line : 13  Pada: g     prajāpatis tvā sādayatu //

Line : 14  Pada: h     divo mūrdʰāsi pr̥tʰivyā nābʰir ūrg apām oṣadʰīnām /

Line : 15  Pada: i     viśvāyuś śarma sapratʰā namas patʰe

Pada: j     vayas svas sadaḥ //

Page: 118  
Line : 1  Pada: k     prācīnam ūrdʰvam adʰarāg apāg udag devāḥ pāntu yajamānam amr̥tam r̥tāt /

Line : 2  Pada: l     tena brahmaṇā tena ccʰandasā tayā devatayāṅgirasvad dʰruvā sīda //

Line : 3  Pada: m     āpo revatīḥ kṣayatʰā hi vasvaḥ kratuṃ ca bʰadraṃ bibʰr̥tʰāmr̥taṃ ca /

Line : 4  Pada: n     rāyaś ca stʰa svapatyasya patnīs sarasvatī tad gr̥ṇate vayo dʰāt //


Line : 5  Pada: o     artʰetas stʰānvagatas \

Pada: p     agner vas tejasā devatābʰir gr̥hṇāmi

Pada: q     śarma ca stʰa varma ca stʰa

Line : 6  Pada: r     devasya vas savituḥ prasave madʰumatīs sādayāmi

Pada: s     jyotiṣe vām \

Line : 7  Pada: t     śukrās stʰa vīryāvatīs \

Pada: u     indrasya va indriyāvato devatābʰir gr̥hṇāmi \

Pada: v     amr̥taṃ ca stʰa satyaṃ ca stʰa

Line : 8  Pada: w     devasya vas savituḥ prasave madʰumatīs sādayāmi

Pada: x     cakṣuṣe vām \

Line : 9  Pada: y     mandrās stʰābʰibʰuvas \

Pada: z     viśveṣāṃ vo devānāṃ devatābʰir * gr̥hṇāmi
      FN emended. Ed.: devatābʰyo

Line : 10  Pada: aa     rakṣogʰnīś ca stʰārātigʰnīś ca stʰa

Pada: ab     devasya vas savituḥ prasave madʰumatīs sādayāmi

Line : 11  Pada: ac     retase vām

Pada: ad     adʰipatir asy ūrjasvān

Pada: ae     ādityānāṃ vo devānāṃ devatābʰir gr̥hṇāmi

Line : 12  Pada: af     sapatnagʰnīś ca stʰābʰimātigʰnīś ca stʰa

Pada: ag     devasya vas savituḥ prasave madʰumatīs sādayāmi

Line : 13  Pada: ah     prajābʰyo vām \

Pada: ai     vrajakṣitas stʰordʰvaśritas \

Pada: aj     br̥haspater vo brahmaṇā devatābʰir gr̥hṇāmi

Line : 14  Pada: ak     vasu ca stʰa vāmaṃ ca stʰa

Pada: al     devasya vas savituḥ prasave madʰumatīs sādayāmi

Line : 15  Pada: am     tejase vām \

Pada: an     kṣatrabʰr̥tas stʰaujasvinīs \

Pada: ao     mitrāvaruṇayor vo devayor devatābʰir gr̥hṇāmi

Line : 16  Pada: ap     bʰūtaṃ ca stʰa bʰavyaṃ ca stʰa

Pada: aq     devasya vas savituḥ prasave madʰumatīs sādayāmi

Line : 17  Pada: ar     varcase vām \

Pada: as     divi śrayasva \

Pada: at     antarikṣam āpr̥ṇa

Line : 18  Pada: au     pr̥tʰivyāṃ kalpasva //


Anuvaka: 2  
Line : 19  Pada: a     yad adas saṃprayatīr ahā anadatā hate /

Line : 20  Pada: b     tasmād ā nadyo nāma stʰa tā vo nāmāni sindʰavaḥ //

Line : 21  Pada: c     yat preṣitā varuṇenāc cʰībʰam̐ samavalgata /

Line : 22  Pada: d     tad indra āpnod yatīr vas tasmād āpo anuṣṭʰana //

Page: 119  
Line : 1  Pada: e     apakāmam̐ syandamānā avīvarata vo hikam /

Line : 2  Pada: f     indro vaś śaktibʰir devīs tasmād vār nāma vaḥ priyam //

Line : 3  Pada: g     eko devo apy atiṣṭʰat syandamānā upetya /

Line : 4  Pada: h     ud āniṣur mahīr iti tasmād udakam ucyate //

Line : 5  Pada: i     āpo devīr gʰr̥tam id āpa āsann agnīṣomau bibʰraty āpa it tāḥ /

Line : 6  Pada: j     tīvro * raso madʰupr̥cām araṃgama ā mā prāṇena saha varcasā gan //
      FN emended. Ed.: tīvrā. Mittwede, Textkritische Bemerkungen, p. 151

Line : 7  Pada: k     tapo yonir asi prājāpatyam \

Pada: l     viśvābʰis tvā dʰībʰir upadadʰāmi //


Line : 8  Pada: m     ye yajñam̐ samagr̥bʰṇan devā devebʰyas pari /

Line : 9  Pada: n     tān gāyatrī nayatu prajānatī svarge loke amr̥taṃ duhānā //

Line : 10  Pada: o     ye jyotīm̐ṣi saṃdadʰati svar ārohanto amr̥tasya lokam /

Line : 11  Pada: p     te yantu prajānanto yajñaṃ dadʰānās sukr̥tasya lokam //

Line : 12  Pada: q     yaḥ pantʰā vitato devayānaś cʰandobʰir vigr̥hīta eti /

Line : 13  Pada: r     tenātiṣṭʰa * divam antarikṣaṃ yajñaṃ gr̥hītvā sukr̥tasya lokam //
      FN cf. ĀpŚS.16.29.1, HirŚS.11.8.2: tenātiṣṭʰad.

Line : 14  Pada: s     ye paśavo medʰyāso yajñasya yonim abʰisaṃbabʰūvuḥ /

Line : 15  Pada: t     tān dadante kavayo vipaścito yajñaṃ duhānās sukr̥tasya loke //

Line : 16  Pada: u     yo yajñas sahasradʰāro dyāvāpr̥tʰivyor adʰi nirmitaḥ /

Line : 17  Pada: v     tenaitu yajamānas svastyā divo 'dʰi pr̥ṣṭʰam astʰāt //

Line : 18  Pada: w     āyave svāhā \

Pada: x     āyuṣkr̥te svāhā \

Pada: y     āyoḥ patmane svāhā \

Pada: z     viṣṇave svāhā

Line : 19  Pada: aa     br̥haspataye svāhā //

Line : 20  Pada: ab     adbʰyas saṃbʰr̥taḥ pr̥tʰivyā raso viśvakarmaṇas samavartatādʰi /

Line : 21  Pada: ac     tasya tvaṣṭā vidadʰad rūpam eti tan martyasya devam ājānam agre //


Page: 120  
Line : 1  Pada: ad     trivr̥t te agne śiras tan me agne śiraḥ


Pada: ae     pañcadaśau te agne bāhū tau me agne bāhū

Line : 2  Pada: af     saptadaśas te agna ātmā sa me agna ātmā \

Pada: ag     ekavim̐śau te agna ūrū tau me agna ūrū

Line : 3  Pada: ah     triṇavau te agne aṣṭʰīvantau tau me agne aṣṭʰīvantau

Line : 4  Pada: ai     trayastrim̐śaṃ te agne pratiṣṭʰānaṃ tan me agne pratiṣṭʰānam \

Pada: aj     trivr̥t te agne śiras tena mābʰipāhi

Line : 5  Pada: ak     pañcadaśau te agne bāhū tābʰyāṃ mābʰipāhi

Line : 6  Pada: al     saptadaśas te agna ātmā tena mābʰipāhi \

Pada: am     ekavim̐śau te agna ūrū tābʰyāṃ mābʰipāhi

Line : 7  Pada: an     triṇavau te agne aṣṭʰīvantau tābʰyāṃ mābʰipāhi

Pada: ao     trayastrim̐śaṃ te agne pratiṣṭʰānaṃ tena mābʰipāhi //


Anuvaka: 3  
Line : 9  Pada: a     prajāpatis tvā sādayatu pr̥tʰivyāḥ pr̥ṣṭʰe jyotiṣmatīṃ vyacasvatīṃ pratʰasvatīm \

Line : 10  Pada: b     pratʰo 'si

Pada: c     pr̥tʰivy asi

Pada: d     bʰūr asi

Pada: e     bʰūmir asi \

Pada: f     aditir asi viśvadʰāyā viśvasya bʰuvanasya dʰartrī

Line : 11  Pada: g     pr̥tʰivīṃ yaccʰa

Pada: h     pr̥tʰivīṃ dr̥m̐ha

Pada: i     pr̥tʰivīṃ mā him̐sīs \

Line : 12  Pada: j     viśvasmai prāṇāya vyānāyāpānāyodānāya pratiṣṭʰāyai caritrāya \

Pada: k     agniṣ ṭvābʰipātu mahyā svastyā cʰardiṣā śaṃtamena

Line : 13  Pada: l     tayā devatayāṅgirasvad dʰruvā sīda //

Line : 15  Pada: m     citiṃ * juhomi manasā yatʰā devā ihāgaman /
      FN Mittwede, Textkritische Bemerkungen, p. 151

Line : 16  Pada: n     vītihotrā r̥tāvr̥dʰaḥ //

Line : 17  Pada: o     samudrasya vayunasya patmañ juhomi viśvakarmaṇe /

Line : 18  Pada: p     viśvāhādābʰyam̐ haviḥ //

Line : 19  Pada: q     svāhā \

Pada: r     udapurā nāmāsy annena viṣṭā

Pada: s     vasavo rakṣitāras \

Pada: t     agnir adʰi viyatto asyām \

Line : 20  Pada: u     tāṃ tvā prapadye

Pada: v     sā me śarma ca varma ca bʰava

Pada: w     tayā devatayāṅgirasvad dʰruvā sīda

Page: 121  
Line : 1  Pada: x     jyotir asi

Pada: y     jyotir me yaccʰa

Pada: z     pr̥tʰivīṃ dr̥m̐ha

Pada: aa     pr̥tʰivyā mā pāhi

Line : 2  Pada: ab     tayā devatayāṅgirasvad dʰruvā sīda


Pada: ac     bʰūr asi bʰuvanasya retas \

Pada: ad     iṣṭakā svargo lokas \

Line : 3  Pada: ae     manasā tvānvārohāmi

Pada: af     sūr asi svar asīṣṭakā svarge loke

Line : 4  Pada: ag     vācā tvānvārohāmi

Pada: ah     yās te agna ārdrā yonayo yāḥ kulāyinīr ye te agna indavo yā u nābʰayas \

Line : 5  Pada: ai     yās te agne tanva ūrjo nāma tābʰis tvam ubʰayībʰis saṃvidānās

Line : 6  Pada: aj     svayaṃ cinvānās tanvo niṣīda //

Line : 7  Pada: ak     madʰu vātā * r̥tāyate madʰu kṣaranti sindʰavaḥ /
      FN Mittwede, Textkritische Bemerkungen, p. 151: vāta

Line : 8  Pada: al     mādʰvīr nas santv oṣadʰīḥ //

Line : 9  Pada: am     madʰu naktam utoṣasā madʰumat pārtʰivaṃ rajaḥ /

Line : 10  Pada: an     madʰu dyaur astu naḥ pitā //

Line : 11  Pada: ao     madʰumān no vanaspatir madʰumām̐ astu sūryaḥ /

Line : 12  Pada: ap     mādʰvīr gāvo bʰavantu naḥ //

Line : 13  Pada: aq     sam̐sarpan trīn samudrān svargān apāṃ patir vr̥ṣabʰa iṣṭakānām /

Line : 14  Pada: ar     tatra gaccʰa yatra pūrve paretāḥ purīṣaṃ vasānas sukr̥tasya lokam //

Line : 15  Pada: as     apāṃ gambʰīraṃ gaccʰa

Pada: at     mā tvā sūryaḥ paritāpsīn māgnir vaiśvānaraḥ /

Line : 16  Pada: au     anu tvā divyā vr̥ṣṭis sacatām

Pada: av     akʰidrāḥ prajā abʰivipaśya //

Line : 17  Pada: aw     mahī dyauḥ pr̥tʰivī ca na imaṃ yajñaṃ mimikṣatām /

Line : 18  Pada: ax     pipr̥tāṃ no bʰarīmabʰiḥ //


Line : 19  Pada: ay     syūtā devebʰir amr̥tenāgād ukʰā svasāram adʰi vedim astʰāt /

Page: 122  
Line : 1  Pada: az     satyaṃ pūrvebʰir r̥ṣibʰiś cākl̥pāno 'gniḥ pravidvām̐ iha tad dadʰātu //


Line : 2  Pada: ba     pr̥tʰivi pr̥tʰivyām̐ sīda mātā mātari mātā syonā syonāyām //


Line : 3  Pada: bb     kratuṃ devānām amr̥tatvam īmahe 'gnim̐ sadʰastʰe sadaneṣv acyutam /

Line : 4  Pada: bc     vaiśvānaraṃ brahmaṇā viśvavyacasam̐ stomasya dʰāman nidadʰe purīṣyam //

Line : 5  Pada: bd     nyadʰur mātrayā kavayo vayodʰasam agnim̐ sadʰastʰe sadaneṣu sukratum /

Line : 6  Pada: be     vaiśvānaraṃ brahmaṇā viśvavyacasam̐ stomasya dʰāman nyadʰāṃ purīṣyam //

Line : 7  Pada: bf     samidʰyamānam̐ samidʰā samindʰate 'gnim̐ sadʰastʰe sadaneṣv adbʰutam /

Line : 8  Pada: bg     vaiśvānaraṃ brahmaṇā viśvavyacasam̐ stomasya dʰāman pavamānam ābʰr̥tam //

Line : 9  Pada: bh     samās tvāgne //


Anuvaka: 4  
Line : 10  Pada: a     viśvákarmā diśā́ṃ pátiḥ prajā́patis

Pada: b     sá naḥ paśū́n pātu

Pada: c     sá mā́ṃ pātu

Line : 11  Pada: d     táyā devátayāṅgirasvád dʰruvā́ sīda

Pada: e     prajā́patir diśā́ṃ pátiḥ prajā́patis

Pada: f     sá naḥ paśū́n pātu

Line : 12  Pada: g     sá mā́ṃ pātu

Pada: h     táyā devátayāṅgirasvád dʰruvā́ sīda

Pada: i     rudró diśā́ṃ pátir váruṇo diśā́ṃ pátir agnír diśā́ṃ pátiḥ prajā́patis

Line : 13  Pada: j     sá naḥ paśū́n pātu

Line : 14  Pada: k     sá mā́ṃ pātu

Pada: l     táyā devátayāṅgirasvád dʰruvā́ sīda //


Pada: m     mā́ cʰándas tát pr̥tʰivy àgnír devátā

Line : 15  Pada: n     pramā́ cʰándas tád antárikṣaṃ vā́to devátā

Pada: o     pratimā́ cʰándas tád dyaús sū́ryo devátā \

Line : 16  Pada: p     asrīváyaś cʰándas tád díśas sómo devátā

Pada: q     virā́ṭ cʰándas tád vā́g váruṇo devátā

Line : 17  Pada: r     gāyatrī́ cʰándas tád ajā́ bŕ̥haspátir devátā

Pada: s     triṣṭúp cʰándas tád dʰíraṇyam índro devátā

Line : 18  Pada: t     jágatī cʰándas tád gaúḥ prajā́patir devátā \

Pada: u     anuṣṭúp cʰándas tád ā́yur mitró devátā \

Line : 19  Pada: v     uṣṇíhā cʰándas tác cákṣuḥ pūṣā́ devátā

Pada: w     br̥hatī́ cʰándas tád vr̥ṣṭíḥ parjányo devátā

Page: 123  
Line : 1  Pada: x     paṅktíś cʰándas tád áśvaḥ parameṣṭʰī́ devátā

Pada: y     téna bráhmaṇā téna ccʰándasā táyā devátayāṅgirasvád dʰruvā́s sīdata //


Anuvaka: 5  
Line : 3  Pada: a     r̥tasad asi

Pada: b     satyasad asi

Pada: c     tejassad asi

Pada: d     varcassad asi

Pada: e     yaśassad asi

Pada: f     gr̥ṇānāsi

Line : 4  Pada: g     dʰāmāsi

Pada: h     dʰāmne tvā

Pada: i     dʰāmabʰyas tvā

Pada: j     dʰāmasu sīda

Pada: k     sanir asi

Pada: l     sanyai * tvā saneyam \
      FN emended. Ed.: sanye

Line : 5  Pada: m     vittir asi

Pada: n     vittyai tvā videyam \

Pada: o     karmāsi

Pada: p     karmaṇe tvā kriyāsam \

Line : 6  Pada: q     śaktir asi

Pada: r     śaktyai tvā śakeyam \

Pada: s     bʰūtir asi

Pada: t     bʰūtyai tvā bʰūyāsam \

Pada: u     gūrdo 'si

Pada: v     gūrdāya tvā

Line : 7  Pada: w     gūrdebʰyas tvā

Pada: x     gūrde sīda

Pada: y     kṣatraṃ pāhi

Pada: z     kṣatraṃ pinva

Pada: aa     kṣatraṃ jinva

Pada: ab     kṣatraṃ yaccʰa

Line : 8  Pada: ac     kṣatram asi

Pada: ad     kṣatrāya tvā

Pada: ae     kṣatrebʰyas tvā

Pada: af     kṣatre sīda

Pada: ag     viśveṣu tvā pārtʰiveṣu sādayāmi

Line : 9  Pada: ah     viśveṣu tvāntarikṣeṣu sādayāmi

Pada: ai     viśveṣu tvā divyeṣu sādayāmi

Line : 10  Pada: aj     viśvāsu tvāpsu sādayāmi

Pada: ak     viśvāsu tvauṣadʰiṣu * sādayāmi
      FN Mittwede, Textkritische Bemerkungen, p. 151: tvauṣadʰīṣu

Line : 11  Pada: al     viśveṣu tvā vanaspatiṣu sādayāmi

Pada: am     viśvāsu tvā dikṣu sādayāmi

Pada: an     viśvāsu tvā pradikṣu sādayāmi //

Line : 12  Pada: ao     divi sīda

Pada: ap     svarjid asi

Pada: aq     pr̥tanājid asi

Line : 13  Pada: ar     bʰūrijid asi \

Pada: as     abʰijid asi

Pada: at     viśvajid asi

Pada: au     sarvajid asi

Pada: av     satrājid asi

Pada: aw     dʰanajid asi

Line : 14  Pada: ax     bʰrāḍ asi

Pada: ay     vibʰrāḍ asi

Pada: az     prabʰrāḍ asi

Pada: ba     sapatnahanaṃ tvā vajram̐ sādayāmi

Line : 15  Pada: bb     rakṣohaṇaṃ * tvā vajram̐ sādayāmi
      FN emended. Ed.: rakṣohanaṃ

Pada: bc     piśācahanaṃ tvā vajram̐ sādayāmi

Pada: bd     yātudʰānahanaṃ tvā vajram̐ sādayāmi \

Line : 16  Pada: be     arātihanaṃ tvā vajram̐ sādayāmi \

Pada: bf     abʰimātihanaṃ tvā vajram̐ sādayāmi

Line : 17  Pada: bg     śatruhaṇam asi śatruhaṇaṃ bʰrātr̥vyahaṇam asurahaṇaṃ tvaindraṃ vajram̐ sādayāmi //


Anuvaka: 6  
Line : 19  Pada: a     udvad asi \

Pada: b     uditir asi \

Pada: c     udyaty asi \

Pada: d     ākramamāṇāsi \

Pada: e     ākrāmanty asi \

Pada: f     ākrāntir asi

Pada: g     saṃkramamāṇāsi

Line : 20  Pada: h     saṃkrāmanty asi

Pada: i     saṃkrāntir asi

Pada: j     svargāsi

Pada: k     svar asi \

Pada: l     iṣi sīda \

Pada: m     ūrji sīda

Line : 21  Pada: n     bʰage sīda

Pada: o     draviṇe sīda

Pada: p     subʰūte sīda

Pada: q     pr̥tʰivyā yajñiye sīda

Line : 22  Pada: r     viṣṇoḥ pade sīda \

Pada: s     iḍāyāḥ pade sīda

Pada: t     gʰr̥tavati sīda

Pada: u     pinvamāne sīda

Pada: v     saṃvatsare sīda

Page: 124  
Line : 1  Pada: w     parivatsare sīda \

Pada: x     idāvatsare sīda \

Pada: y     anuvatsare sīda \

Pada: z     udvatsare sīda \

Pada: aa     ekasyām̐ sīda

Line : 2  Pada: ab     daśasu sīda

Pada: ac     śate sīda

Pada: ad     sahasre sīda \

Pada: ae     ayute sīda

Pada: af     prayute sīda

Pada: ag     niyute sīda \

Line : 3  Pada: ah     arbude sīda

Pada: ai     nyarbude sīda

Pada: aj     badve sīda

Pada: ak     samudre sīda

Pada: al     madʰye sīda \

Pada: am     ante sīda

Line : 4  Pada: an     parārdʰe sīda //

Pada: ao     pinvamānāsi

Pada: ap     pinvamānāya tvā

Pada: aq     pinvamānebʰyas tvā

Line : 5  Pada: ar     pinvamāne sīda \

Pada: as     r̥tam asi \

Pada: at     r̥tāya tvā \

Pada: au     r̥tebʰyas tvā \

Pada: av     r̥te sīda

Pada: aw     satyam asi

Pada: ax     satyāya tvā

Line : 6  Pada: ay     satyebʰyas tvā

Pada: az     satye sīda

Pada: ba     saṃdʰir asi

Pada: bb     saṃdʰaye tvā

Pada: bc     saṃdʰibʰyas tvā

Pada: bd     saṃdʰiṣu sīda

Line : 7  Pada: be     sam̐śliḍ asi

Pada: bf     sam̐śliṣe tvā

Pada: bg     sam̐śliḍbʰyas tvā

Pada: bh     sam̐śliṭsu sīda

Pada: bi     saṃpad asi

Pada: bj     saṃpade tvā

Line : 8  Pada: bk     saṃpadbʰyas tvā

Pada: bl     saṃpatsu sīda //


Anuvaka: 7  
Line : 9  Pada: a     prācī dik \

Pada: b     gāyatrī cʰandas \

Pada: c     ratʰantaram̐ sāma \

Pada: d     agnir devatā

Pada: e     vasanta r̥tus

Pada: f     trivr̥t stomaḥ pañcadaśavartanis

Line : 10  Pada: g     triyavir vayaḥ

Pada: h     kr̥tam ayānām \

Pada: i     purovāto vātas

Pada: j     sānaga r̥ṣir

Line : 11  Pada: k     dakṣiṇā dik

Pada: l     triṣṭup cʰandas \

Pada: m     br̥hat sāma \

Pada: n     indro devatā

Pada: o     grīṣma r̥tuḥ

Line : 12  Pada: p     pañcadaśas stomas saptadaśavartanis \

Pada: q     dityavāḍ vayas

Pada: r     tretāyānām \

Pada: s     dakṣiṇādvāto vātaḥ

Line : 13  Pada: t     pratna r̥ṣiḥ

Pada: u     pratīcī dik \

Pada: v     jagatī cʰandas \

Pada: w     vairūpam̐ sāma

Pada: x     maruto devatā

Line : 14  Pada: y     varṣā r̥tus

Pada: z     saptadaśas stoma ekavim̐śavartanis

Pada: aa     trivatso vayas \

Pada: ab     dvāparo 'yānām \

Line : 15  Pada: ac     paścādvāto vātas

Pada: ad     sanātana r̥ṣir

Pada: ae     udīcī dik \

Pada: af     anuṣṭup cʰandas \

Pada: ag     vairājam̐ sāma

Line : 16  Pada: ah     viśve devā devatā

Pada: ai     śarad r̥tur

Pada: aj     ekavim̐śas stomas triṇavavartanis

Pada: ak     turyavāḍ vayas \

Line : 17  Pada: al     āskando 'yānām

Pada: am     uttarādvāto vātaḥ

Pada: an     purāṇa r̥ṣir

Pada: ao     ūrdʰvā dik

Pada: ap     paṅktiś cʰandas \

Line : 18  Pada: aq     śākvaraṃ raivatam̐ sāma

Pada: ar     mitrāvaruṇau devatā

Pada: as     hemantaśiśirā r̥tū

Line : 19  Pada: at     triṇavas stomas trayastrim̐śavartaniḥ

Pada: au     paṣṭʰavāḍ vayas \

Pada: av     abʰibʰūr ayānām \

Pada: aw     viṣvagvāto vātas

Line : 20  Pada: ax     suparṇa r̥ṣiḥ

Pada: ay     pitaraḥ pitāmahā pare 'varebʰyas te naḥ pāntu te no 'vantu \

Line : 21  Pada: az     asmin brahmaṇy asmin kṣatre 'syām āśiṣy asyāṃ purodʰāyām asyāṃ devahūtyām \

Line : 22  Pada: ba     tena brahmaṇā tena ccʰandasā tayā devatayāṅgirasvad dʰruvās sīdata //


Anuvaka: 8  
Page: 125  
Line : 1  Pada: a     āyuṣaḥ prāṇam̐ saṃtanu

Pada: b     prāṇād vyānam̐ saṃtanu

Pada: c     vyānād apānam̐ saṃtanu \

Pada: d     apānāc cakṣus saṃtanu

Line : 2  Pada: e     cakṣuṣaś śrotram̐ saṃtanu

Pada: f     śrotrād vācam̐ saṃtanu

Pada: g     vāca ātmānam̐ saṃtanu \

Line : 3  Pada: h     ātmanaḥ pr̥tʰivīm̐ saṃtanu

Pada: i     pr̥tʰivyā antarikṣam̐ saṃtanu \

Pada: j     antarikṣād divam̐ saṃtanu

Line : 4  Pada: k     divas svas saṃtanu

Pada: l     pr̥tʰivī vaśāmāvāsyā * garbʰo vanaspatayo jarāyv agnir vatso 'gnihotraṃ pīyūṣas \
      FN emended. Ed.: vaśāmāvasyā

Line : 5  Pada: m     antarikṣaṃ vaśā dʰātā garbʰo rudrā jarāyu vāyur vatso gʰarmaḥ pīyūṣas \

Line : 6  Pada: n     dyaur vaśā stanayitnur garbʰo nakṣatrāṇi jarāyu sūryo vatso vr̥ṣṭiḥ pīyūṣas \

Line : 7  Pada: o     r̥g vaśā br̥hadratʰantare * garbʰaḥ praiṣanivido jarāyu yajño vatso dakṣiṇā pīyūṣas \
      FN emended. Ed.: vr̥hadratʰantare. Mittwede, Textkritische Bemerkungen, p. 151

Line : 8  Pada: p     viḍ vaśā rājanyo garbʰaḥ paśavo jarāyu rājā vatso baliḥ pīyūṣaḥ //


Anuvaka: 9  
Line : 10  Pada: a     bʰūyaskr̥d * asi
      FN emended. Ed.: bʰūmaskr̥d. Mittwede, Textkritische Bemerkungen, p. 152

Pada: b     varivaskr̥d asi

Pada: c     prācy asi \

Pada: d     ūrdʰvāsi \

Pada: e     antarikṣam asi

Pada: f     tejodāṃ tvā tejasi sādayāmi

Line : 11  Pada: g     varcodāṃ tvā varcasi sādayāmi

Pada: h     payodāṃ tvā payasi sādayāmi

Line : 12  Pada: i     yaśodāṃ tvā yaśasi sādayāmi

Pada: j     draviṇodāṃ tvā draviṇe sādayāmi

Line : 13  Pada: k     pr̥tʰivyās tvā draviṇe sādayāmi \

Pada: l     antarikṣasya tvā draviṇe sādayāmi

Line : 14  Pada: m     divas tvā draviṇe sādayāmi

Pada: n     diśāṃ tvā draviṇe sādayāmi

Pada: o     draviṇodāṃ tvā draviṇe sādayāmi \

Line : 15  Pada: p     apsuṣad asi

Pada: q     vayassad asi

Pada: r     śyenasad asi

Pada: s     gr̥dʰrasadasi

Line : 16  Pada: t     suparṇasad asi //

Line : 17  Pada: u     yā devy asīṣṭaka āyurdā upaśīvarī /

Line : 18  Pada: v     sā mām upaśeṣva jāyeva patim it sadā //

Line : 19  Pada: w     yā devy asīṣṭake prāṇadā vyānadā apānadāś cakṣurdāś śrotradā vāgdā ātmadāḥ pr̥tʰividā antarikṣadā dyaurdās svardāḥ kumārīdāḥ prapʰarvīdāḥ pratʰamaupaśadā yuvatidā upaśīvarī //

Line : 21  Pada: x     sā mām upaśeṣva jayeva patim it sadā //


Anuvaka: 10  
Page: 126  
Line : 1  Pada: a     iyam eva sā yā pratʰamā vyauccʰat sāvāsv antaś carati praviṣṭā /

Line : 2  Pada: b     vadʰūr mimāya navagaj janitrī traya enāṃ mahimānas sacante //

Line : 3  Pada: c     cʰandasvatī uṣasau pepiśāne samānaṃ yonim anu saṃcarete /

Line : 4  Pada: d     sūryapatnī vicarataḥ prajānatī ketumatī ajare bʰūriretasā //

Line : 5  Pada: e     r̥tasya pantʰām anu tisra āgus trayo gʰarmāso anu retasāguḥ /

Line : 6  Pada: f     prajām ekā rakṣaty ūrjam ekā kṣatram ekā rakṣati devayūnām //

Line : 7  Pada: g     catuṣṭomam adadʰād yā turīyā yajñasya pakṣā r̥ṣayo bʰavantī /

Line : 8  Pada: h     gāyatrī triṣṭub jagatī virāḍ arkaṃ yuñjānās svar ābʰarann idam //

Line : 9  Pada: i     pañcabʰir dʰātā vidadʰā idaṃ yat tāsām̐ svasr̥̄r ajanan pañcapañca /

Line : 10  Pada: j     tāsām u yanti prayaveṇa pañca nānā rūpāṇi kratavo vasānāḥ //

Line : 11  Pada: k     pañca vyuṣṭīr anu pañca dohā gāṃ pañcanāmnīm r̥tavo 'nu pañca /

Line : 12  Pada: l     pañca diśaḥ pañcadaśena kl̥ptās samānamūrdʰnīr abʰi lokam ekam //

Line : 13  Pada: m     jyotiṣmatī pratimuñcate nabʰa uṣā devī sūryasya vratena /

Line : 14  Pada: n     vipaśyanti paśavo jāyamānā nānārūpā mātur asyā upastʰe //

Line : 15  Pada: o     trim̐śat svasāra upayanti niṣkr̥tam̐ samānaṃ ketuṃ pratimuñcamānāḥ /

Line : 16  Pada: p     r̥tūm̐s tanvate kavayaḥ prajānatīr madʰye cʰandasaḥ pariyanti bʰāsvatīḥ //

Page: 127  
Line : 1  Pada: q     śukrarṣabʰā nabʰasā jyotiṣāgād viśvarūpā śavaly agniketuḥ /

Line : 2  Pada: r     samānam artʰam̐ svapasyamānā bibʰratī jarām ajara uṣa āgāḥ //

Line : 3  Pada: s     r̥tūnāṃ patnī pratʰameyam āgād ahnāṃ netrī janitrī prajānām /

Line : 4  Pada: t     ekā satī bahudʰoṣo vyuccʰājīrṇā tvaṃ jaraya sarvam anyat //

Line : 5  Pada: u     r̥tasya dʰāma pratʰamā vyūṣuṣy apām ekā mahimānaṃ bibʰarti /

Line : 6  Pada: v     sūryasyaikā carati niṣkr̥tāni gʰarmasyaikā savitaikāṃ niyaccʰate //

Line : 7  Pada: w     ekāṣṭakā tapasā tapyamānā jajāna garbʰaṃ * mahimānam indram /
      FN emended. Ed.: garbʰa. Mittwede, Textkritische Bemerkungen, p. 152

Line : 8  Pada: x     tena dasyūn vyasahanta devā hantāsurāṇām abʰavac cʰacībʰiḥ //

Line : 9  Pada: y     anānujām anujāṃ mām akarta satyaṃ vadanty anuyaccʰa etat /

Line : 10  Pada: z     bʰūyāsam asya sumatau yatʰā yūyam anyā vo anyām ati mā prayukta //

Line : 11  Pada: aa     abʰūn nu nas sumatau viśvavedā āṣṭa pratiṣṭʰām avidan * nu gādʰam /
      FN Mittwede, Textkritische Bemerkungen, p. 152: āṣṭʰāḥ pratiṣṭʰām avido nu

Line : 12  Pada: ab     bʰūyāsam asya sumatau yatʰā yūyam anyā vo anyām ati mā prayukta //

Line : 13  Pada: ac     pratʰamā ha vyuvāsa sā dʰenur abʰavad yame /

Line : 14  Pada: ad     sā naḥ payasvatī duhām uttarāmuttarām̐ samām //


Anuvaka: 11  
Line : 15  Pada: a     agninartāṣāṭ

Pada: b     kratvā śacīpatis

Pada: c     sauhārdyena * svargas \
      FN Mittwede, Textkritische Bemerkungen, p. 152

Pada: d     yajñena magʰavān

Pada: e     manyunā vr̥trahā

Line : 16  Pada: f     vr̥ṣabʰeṇa * tvaṣṭā
      FN emended. Ed.: vr̥ṣabʰena

Pada: g     vaṣaṭkāreṇārdʰabʰāk

Pada: h     pr̥tʰivyās tr̥ṇīkas \

Pada: i     annena gayas

Line : 17  Pada: j     sāmnā tanūmān

Pada: k     r̥gbʰir annādas

Pada: l     tapasānādʰr̥ṣṭas

Pada: m     sūryeṇa virāḍ

Pada: n     r̥tubʰiḥ prābʰavat

Page: 128  
Line : 1  Pada: o     saṃvatsareṇa paryabʰavat \

Pada: p     abʰīṣāṭ cābʰīṣāhyaś ca \

Pada: q     abʰivayāś cordʰvavayāś ca

Pada: r     savayāś ca br̥hadvayāś ca

Line : 2  Pada: s     sāsahvām̐ś ca sahīyām̐ś ca

Pada: t     sahamānaś ca sahasvām̐ś ca \

Pada: u     abʰi tvā śūra nonumas

Line : 3  Pada: v     tvām id dʰi havāmahe //


Anuvaka: 12  
Line : 4  Pada: a     káyā naś citrá ā́bʰuvad ūtī́ sadā́vr̥dʰas sákʰā /

Line : 5  Pada: b     káyā śáciṣṭʰayā vr̥tā́ //

Line : 6  Pada: c     kás tvā satyó mádānāṃ mám̐hiṣṭʰo matsad ándʰasaḥ /

Line : 7  Pada: d     dr̥ḍʰā́ cid ārúje vásu //

Line : 8  Pada: e     abʰī́ ṣú ṇas sákʰīnām avitā́ jaritr̥̄ṇā́m /

Line : 9  Pada: f     śatáṃ bʰavāsy ūtíbʰiḥ //

Line : 10  Pada: g     indro dadʰīco astʰabʰir vr̥trāṇy apratiṣkutaḥ /

Line : 11  Pada: h     jagʰāna navatīr nava //

Line : 12  Pada: i     iccʰann aśvasya yac cʰiraḥ parvateṣv apaśritam /

Line : 13  Pada: j     avindac cʰaryaṇāvati //

Line : 14  Pada: k     atrāha gor amanvata nāma tvaṣṭur apīcyam /

Line : 15  Pada: l     ittʰā candramaso gr̥he //

Line : 16  Pada: m     tam indraṃ vājayāmasi mahe vr̥trāya hantave /

Line : 17  Pada: n     sa vr̥ṣā vr̥ṣabʰo bʰuvat //

Line : 18  Pada: o     indras sa dāmane kr̥ta ojiṣṭʰas sa bale vr̥dʰī /

Line : 19  Pada: p     dyumnī śuklī sa somyaḥ //

Page: 129  
Line : 1  Pada: q     girā vajro na saṃbʰr̥tas sabalo anapacyutaḥ /

Line : 2  Pada: r     vavakṣa ugro astr̥taḥ //

Line : 3  Pada: s     indram id gātʰino br̥had indram arkebʰir arkiṇaḥ /

Line : 4  Pada: t     indraṃ vāṇīr anūṣata //

Line : 5  Pada: u     indra id dʰaryos sacā saṃmiśla ā vacoyujā /

Line : 6  Pada: v     indro vajrī hiraṇyayaḥ //

Line : 7  Pada: w     indra vājeṣu no vaha sahasrapradʰaneṣu ca /

Line : 8  Pada: x     ugra ugrābʰir ūtibʰiḥ //

Line : 9  Pada: y     abʰi tvā śūra nonumo 'dugdʰā iva dʰenavaḥ /

Line : 10  Pada: z     īśānam asya jagatas svardr̥śam īśānam indra tastʰuṣaḥ /

Line : 11  Pada: aa     īśānam indra tastʰuṣaḥ //

Line : 12  Pada: ab     na tvāvām̐ anyo divyo na pārtʰivo na jāto na janiṣyate /

Line : 13  Pada: ac     aśvāyanto magʰavann indra vājino gavyantas tvā havāmahe //

Line : 14  Pada: ad     tvām id dʰi havāmahe sātā vājasya kāravaḥ /

Line : 15  Pada: ae     tvāṃ vr̥treṣv indra satpatiṃ naras tvāṃ kāṣṭʰāsv arvataḥ /

Line : 16  Pada: af     tvāṃ kāṣṭʰāsv arvataḥ //

Line : 17  Pada: ag     sa tvaṃ naś citra vajrahasta dʰr̥ṣṇuyā mahas stavāno adrivaḥ /

Line : 18  Pada: ah     mahas stavāno adrivas \

Pada: ai     gām aśvaṃ ratʰyam indra saṃkira satrā vājaṃ na jigyuṣe //

Line : 20  Pada: aj     yajñāyajñā vo agnaye girāgirā ca cakṣase /

Line : 21  Pada: ak     prapra vayam amr̥taṃ jātavedasaṃ priyaṃ mitraṃ na śam̐siṣam /

Page: 130  
Line : 1  Pada: al     priyaṃ mitraṃ na śam̐siṣam //

Line : 2  Pada: am     ūrjo napātam̐ sa hināyam asmayur dāśema havyadātaye

Pada: an     dāśema havyadātaye /

Line : 3  Pada: ao     bʰuvad vājeṣv avitā bʰuvad vr̥dʰa uta trātā tanūnām //


Anuvaka: 13  
Line : 4  Pada: a     ágne devā́m̐ ihā́vaha jajñānó vr̥ktábarhiṣe /

Line : 5  Pada: b     ási hótā na ī́ḍyaḥ //

Line : 6  Pada: c     áganma mahó námasā yáviṣṭʰaṃ yó dīdā́ya sámiddʰas své duroṇé /

Line : 7  Pada: d     citrábʰānuṃ ródasī antár urvī́ svā̀hutaṃ viśvátaḥ pratyáñcam //

Line : 8  Pada: e     medʰākāráṃ vidátʰasya prasā́dʰanam agním̐ hótāraṃ paribʰū́tamaṃ matím /

Line : 9  Pada: f     tvā́m árbʰasya havíṣas samānám ít tvā́ṃ mahó vr̥ṇate nā́nyáṃ tvát //

Line : 10  Pada: g     manuṣvát tvā nídʰīmahi manuṣvát sámidʰīmahi /

Line : 11  Pada: h     ágne manuṣvád aṅgiro devā́n devayaté yaja //

Line : 12  Pada: i     agnír hí vājínaṃ viśé dádāti viśvácarṣaṇiḥ /

Line : 13  Pada: j     agnī́ rāyé svābʰúvam̐ sá prītó yāti vā́ryam

Pada: k     íṣam̐ stotŕ̥bʰya ā́bʰara //

Line : 14  Pada: l     agnír devátā

Pada: m     kŕ̥ttikā nákṣatram \

Pada: n     prajā́patir devátā

Pada: o     rohiṇī́ nákṣatram \

Pada: p     marúto devátā \

Line : 15  Pada: q     invakā́ nákṣatram \

Pada: r     rudró devátā

Pada: s     bāhúr nákṣatram

Pada: t     áditir devátā

Pada: u     púnarvasu nákṣatram \

Line : 16  Pada: v     bŕ̥haspátir devátā

Pada: w     tíṣyo nákṣatram \

Pada: x     sarpā́ devátā \

Pada: y     aśleṣā́ nákṣatram \

Pada: z     pitáro devátā

Line : 17  Pada: aa     magʰā́ nákṣatram \

Pada: ab     bʰágo devátā

Pada: ac     pʰálgunīr nákṣatram

Pada: ad     aryamā́ devátā \

Pada: ae     úttarāḥ pʰálgunīr nákṣatram \

Page: 131  
Line : 1  Pada: af     savitā́ devátā

Pada: ag     hástau * nákṣatram \
      FN Mittwede, Textkritische Bemerkungen, p. 152: hásto

Pada: ah     tváṣṭā devátā

Pada: ai     citrā́ nákṣatram \

Line : 2  Pada: aj     vāyúr devátā

Pada: ak     níṣṭyā nákṣatram

Pada: al     indrāgnī́ devátā

Pada: am     víśākʰaṃ nákṣatram \

Line : 3  Pada: an     mitró devátā \

Pada: ao     anūrādʰā́ nákṣatram

Pada: ap     índro devátā

Pada: aq     jyeṣṭʰā́ nákṣatram \

Pada: ar     }nírr̥tir devátā

Line : 4  Pada: as     mū́laṃ nákṣatram

Pada: at     ā́po devátā \

Pada: au     aṣāḍʰā́ nákṣatram \

Pada: av     víśve devā́ devátā \

Pada: aw     úttarā aṣāḍʰā́ nákṣatram \

Line : 5  Pada: ax     víṣṇur devátā

Pada: ay     aśvattʰó nákṣatram \

Pada: az     vásavo devátā

Pada: ba     śráviṣṭʰā nákṣatram \

Pada: bb     váruṇo devátā

Line : 6  Pada: bc     śatábʰiṣaṅ nákṣatram

Pada: bd     ajá ékapād devátā

Pada: be     proṣṭʰapadā́ nákṣatram

Pada: bf     áhir budʰnyò devátā \

Line : 7  Pada: bg     úttare proṣṭʰapadā́ nákṣatram \

Pada: bh     pūṣā́ devátā

Pada: bi     revátī nákṣatram

Pada: bj     aśvínau devátā \

Line : 8  Pada: bk     aśvayújau nákṣatram \

Pada: bl     yamó devátā \

Pada: bm     apabʰáraṇīr nákṣatram

Pada: bn     agné rúcas stʰa prajā́pates sómasya dʰātúr bʰūyā́saṃ prájaniṣīya

Line : 9  Pada: bo     téna bráhmaṇā téna ccʰándasā táyā devátayāṅgirasvád dʰruvā́s sīdata //


Anuvaka: 14  
Line : 11  Pada: a     agnir mūrdʰā \

Pada: b     ayam agnis

Pada: c     tvām agne puṣkarād adʰi //

Line : 12  Pada: d     huve vas sudyotmānam̐ suvr̥ktiṃ viśām agnim atitʰim̐ suprayasam * /
      FN Mittwede, Textkritische Bemerkungen, p. 152: suprayāsam

Line : 13  Pada: e     mitra iva yo didʰiṣāyyo bʰūd deva ādeve jane jātavedāḥ //

Line : 14  Pada: f     puro vo mandraṃ divyam̐ suvr̥ktiṃ prayati yajñe agnim adʰvare dadʰidʰvam /

Line : 15  Pada: g     pura uktʰebʰis sa hi no vibʰāvā svadʰvarā karati jātavedāḥ //

Line : 16  Pada: h     kā ta ākūtir manaso varāya bʰuvad agne śaṃtamā kā manīṣā /

Line : 17  Pada: i     ko vā yajñaiḥ pari dakṣaṃ ta āpa kena vā te manasā dāśema //

Line : 18  Pada: j     janasya gopā ajaniṣṭa jāgr̥vir agnis sudakṣas suvitāya navyase /

Line : 19  Pada: k     gʰr̥tapratīko br̥hatā divispr̥śā dyumad vibʰāti bʰaratebʰyaś śuciḥ //

Page: 132  
Line : 1  Pada: l     tvām agne aṅgiraso guhā hitam anvavindañ cʰiśriyāṇaṃ vanevane /

Line : 2  Pada: m     sa jāyase matʰyamānas saho mahat tvām āhus sahasas putram aṅgiraḥ //

Line : 3  Pada: n     yajñasya ketuṃ pratʰamaṃ purohitam agniṃ naras triṣadʰastʰe samīdʰire /

Line : 4  Pada: o     indreṇa devais saratʰaṃ sa barhiṣi sīdan ni hotā yajatʰāya sukratuḥ //

Line : 5  Pada: p     tvām agne haviṣmanto devaṃ martāsa īḍate /

Line : 6  Pada: q     manye tvā jātavedasam̐ sa havyā vakṣy ānuṣak //

Line : 7  Pada: r     tvāṃ citraśravastama havante vikṣu jantavaḥ /

Line : 8  Pada: s     śociṣkeśaṃ purupriyāgne havyāya voḍʰave //

Line : 9  Pada: t     yad vāhiṣṭʰaṃ tad agnaye br̥had arca vibʰāvaso /

Line : 10  Pada: u     mahiṣīva tvad rayis tvad vājā udīrate //

Line : 11  Pada: v     ā te agna idʰīmahi //

Line : 12  Pada: w     ā te agna r̥cā haviś śukrasya śociṣas pate /

Line : 13  Pada: x     suścandra dama viśpate havyavāṭ tubʰyam̐ hūyate \

Pada: y     iṣam̐ stotr̥bʰya ābʰara //

Line : 14  Pada: z     agniṃ taṃ manye yo vasur astaṃ yaṃ yanti dʰenavaḥ /

Line : 15  Pada: aa     astam arvanta āśavo 'staṃ nityāso vājinas \

Pada: ab     iṣam̐ stotr̥bʰya ābʰara //


Anuvaka: 15  
Line : 17  Pada: a     agniṃ naro dīdʰitibʰir araṇyor hastacyutī janayanta praśastam /

Line : 18  Pada: b     dūredr̥śaṃ gr̥hapatim atʰaryum //

Line : 19  Pada: c     tam agnim aste vasavo nyr̥ṇvan supraticakṣam avase kutaś cit /

Line : 20  Pada: d     dakṣāyyo yo dama āsa nityaḥ //

Line : 21  Pada: e     preddʰo agne dīdihi puro no 'jasrayā sūrmyā yaviṣṭʰa /

Page: 133  
Line : 1  Pada: f     tvām̐ śaśvanta upayanti vājāḥ //

Line : 2  Pada: g     enā vo agniṃ namasorjo napātam āhuve /

Line : 3  Pada: h     priyaṃ cetiṣṭʰam aratim̐ svadʰvaraṃ viśvasya dūtam amr̥tam //

Line : 4  Pada: i     agna āyāhy agnibʰir hotāraṃ tvā vr̥ṇīmahe /

Line : 5  Pada: j     ā tvām anaktu prayatā haviṣmatī yajiṣṭʰaṃ barhir āsade //

Line : 6  Pada: k     ud asya śocir astʰād ājuhvānasya mīḍʰuṣaḥ /

Line : 7  Pada: l     ud dʰūmāso aruṣāso divispr̥śas sam agnim indʰate naraḥ //

Line : 8  Pada: m     agne vājasya gomata īśānas sahaso yaho /

Line : 9  Pada: n     asme dʰehi jātavedo mahi śravaḥ //

Line : 10  Pada: o     sa idʰāno vasuṣ kavir agnir īḍenyo girā /

Line : 11  Pada: p     revad asmabʰyaṃ purvaṇīka dīdihi //

Line : 12  Pada: q     kṣapo rājann uta tmanāgne vastor utoṣasaḥ /

Line : 13  Pada: r     sa tigmajambʰa rakṣaso daha prati //

Line : 14  Pada: s     bʰadro no agnir āhuto bʰadrā rātis subʰaga bʰadro adʰvaraḥ /

Line : 15  Pada: t     bʰadrā uta praśastayaḥ //

Line : 16  Pada: u     yas samidʰā ya āhutyā yo vedena dadāśa marto agnaye /

Line : 17  Pada: v     yo namasā svadʰvaraḥ //

Line : 18  Pada: w     tad agne dyumnam ābʰara yat sāsāhat sadane kaṃcid atriṇam /

Line : 19  Pada: x     manyuṃ * janasya dūḍʰyaḥ //
      FN emended. Ed.: manyaṃ. Mittwede, Textkritische Bemerkungen, p. 152

Page: 134  
Line : 1  Pada: y     agniṃ hotāraṃ manye dāsvantaṃ vasum̐ sūnum̐ sahaso jātavedasam \

Pada: z     vipraṃ na jātavedasam /

Line : 3  Pada: aa     ya ūrdʰvayā svadʰvaro devo devācyā kr̥pā /

Line : 4  Pada: ab     gʰr̥tasya vibʰrāṣṭim anu vaṣṭi śociṣājuhvānasya sarpiṣaḥ //

Line : 5  Pada: ac     yajiṣṭʰaṃ tvā yajamānā huvema jyeṣṭʰam aṅgirasāṃ vipra manmabʰir

Pada: ad     viprebʰiś śukra manmabʰiḥ /

Line : 7  Pada: ae     parijmānam iva dyām̐ hotāraṃ carṣaṇīnām /

Line : 8  Pada: af     śociṣkeśaṃ vr̥ṣaṇaṃ yam imā viśaḥ prāvantu jūtaye viśaḥ //

Line : 9  Pada: ag     evena sadyaḥ paryeṣi pārtʰivaṃ muhurgīrito vr̥ṣabʰaḥ kanikradat \

Pada: ah     dadʰad retaḥ kanikradat /

Line : 11  Pada: ai     śataṃ cakṣāṇo akṣabʰir devo vaneṣu turvaṇiḥ /

Line : 12  Pada: aj     sado dadʰāna upareṣu sānuṣv agniḥ pareṣu sānuṣu //

Line : 13  Pada: ak     acety agniś cikitir havyavāṭ sa sumadratʰaḥ /

Line : 14  Pada: al     agniś śukreṇa śociṣā br̥hat sūryo arocata //

Line : 15  Pada: am     gʰnan mr̥dʰrāṇy apa dviṣo dahan rakṣām̐si viśvahā /

Line : 16  Pada: an     agnir viśvasya rājati /

Pada: ao     agnir viśvaṃ virājati /

Line : 17  Pada: ap     agnis sarvaṃ virājati //


Line : 18  Pada: aq     iti śrīmadyajuṣi kāṭʰake carakaśākʰāyām orimikāyāṃ yadakrando nāmaikonacatvāriṃśaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.