TITUS
Black Yajur-Veda: Taittiriya-Samhita
Part No. 20
Previous part

Book: 4 
Chapter: 1 
Paragraph: 1 
Verse: 1 
Sentence: 1=a    yuñjānáḥ pratʰamám mánas tatvā́ya savitā́ dʰíyaḥ / agníṃ jyótir nicā́yya pr̥tʰivyā́ ádʰy ā́bʰarat //
Sentence: 2=b    yuktvā́ya mánasā devā́nt súvar yató dʰiyā́ dívam / br̥háj jyótiḥ kariṣyatáḥ savitā́ prá suvati tā́n //
Sentence: 3=c    yukténa mánasā vayáṃ devásya savitúḥ savé / suvargéyāya śáktyai //
Sentence: 4=d    yuñjáte mána utá yuñjate dʰíyo víprā víprasya br̥ható vipaścítaḥ / ví hótrā dadʰe vayuṇāvíd éka ít //

Verse: 2 
Sentence: 1    mahī́ devásya savitúḥ páriṣṭutiḥ //
Sentence: 2=e    yujé vām bráhma pūrvyáṃ námobʰir ví ślókā yanti patʰyèva sū́rāḥ / śr̥ṇvánti víśve amŕ̥tasya putrā́ ā́ yé dʰā́māni divyā́ni tastʰúḥ //
Sentence: 3=f    yásya prayā́ṇam áv anyá íd yayúr devā́ devásya mahimā́nam árcataḥ / yáḥ pā́rtʰivāni vimamé sá étaśo rájāṁsi deváḥ savitā́ mahitvanā́ //
Sentence: 4=g    déva savitaḥ prá suva yajñám prá suva //

Verse: 3 
Sentence: 1    yajñápatim bʰágāya divyó gandʰarváḥ ketapū́ḥ kétaṃ naḥ punātu vācás pátir vā́cam adyá svadāti naḥ //
Sentence: 2=h    imáṃ no deva savitar yajñám prá suva devāyúvaṁ sakʰivídaṁ satrājítaṃ dʰanajítaṁ suvarjítam //
Sentence: 3=i    r̥cā́ stómaṁ sám ardʰaya gāyatréṇa ratʰaṃtarám / br̥hád gāyatrávartani //
Sentence: 4=k    devásya tvā savitúḥ prasavè 'śvínor bāhúbʰyām pūṣṇó hástābʰyām gāyatréṇa cʰándasā́ dade 'ṅgirasvát \
Sentence: 5=l    ábʰrir asi nā́riḥ //

Verse: 4 
Sentence: 1    asi pr̥tʰivyā́ḥ sadʰástʰād agním purīṣyàm aṅgirasvád ā́ bʰara traiṣṭubʰéna tvā cʰándasā́ dade 'ṅgirasvát \
Sentence: 2=m    bábʰrir asi nā́rir asi tváyā vayáṁ sadʰástʰa ā́gníṁ śakema kʰánitum purīṣyàṃ jā́gatena tvā cʰándasā́ dade 'ṅgirasvát \
Sentence: 3=n    hásta ādʰā́ya savitā́ bíbʰrad ábʰriṁ hiraṇyáyīm / táyā jyótir ájasram íd agníṃ kʰātvī́ na ā́ bʰarā́nuṣṭubʰena tvā cʰándasā́ dade 'ṅgirasvát //

Paragraph: 2 
Verse: 1 
Sentence: 1=a    imā́m agr̥bʰṇan raśanā́m r̥tásya pū́rva ā́yuṣi vidátʰeṣu kavyā́ / táyā devā́ḥ sutám ā́ babʰūvur r̥tásya sā́mant sarám ārápantī //
Sentence: 2=b    prátūrtaṃ {F vājinn} {W vájinn} {ASS vājinn} {BI vājinn} {GOLS -} ā́ drava váriṣṭʰām ánu saṃvátam / diví te jánma paramám antárikṣe nā́bʰiḥ pr̥tʰivyā́m ádʰi yóniḥ //
Sentence: 3=c    yuñjā́tʰāṁ rā́sabʰaṃ yuvám asmín yā́me vr̥ṣaṇvasū / agním bʰárantam asmayúm //
Sentence: 4=d    yógeyoge tavástaraṃ vā́je-vāje havāmahe / sákʰāya índram ūtáye //
Sentence: 5=e    pratū́rvan //

Verse: 2 
Sentence: 1    éhy avakrā́mann áśastī rudrásya gā́ṇapatyān mayobʰū́r éhi / urv àntárikṣam ánv ihi svastígavyūtir ábʰayāni kr̥ṇván //
Sentence: 2=f    pūṣṇā́ sayújā sahá pr̥tʰivyā́ḥ sadʰástʰād agním puriṣyàm aṅgirasvád ácʰehi \
Sentence: 3=g    agním purīṣyàm aṅgirasvád ácʰemas \
Sentence: 4=h    agním purīṣyàm aṅgirasvád bʰariṣyāmas \
Sentence: 5=i    agním purīṣyàm aṅgirasvád bʰarāmaḥ /
Sentence: 6=k    ánv agnír uṣásām ágram akʰyad ánv áhāni pratʰamó jātávedāḥ / ánu sū́ryasya //

Verse: 3 
Sentence: 1    purutrā́ ca raśmī́n ánu dyā́vāpr̥tʰivī́ ā́ tatāna //
Sentence: 2=l    āgátya vājy ádʰvanaḥ sárvā mŕ̥dʰo ví dʰūnute / agníṁ sadʰástʰe mahatí cákṣuṣā ní cikīṣate //
Sentence: 3=m    ākrámya vājin pr̥tʰivī́m agním icʰa rucā́ tvám / bʰū́yā vr̥tvā́ya no brūhi yátaḥ kʰánāma táṃ vayám //
Sentence: 4=n    dyáus te pr̥ṣṭʰám pr̥tʰivī́ sadʰástʰam ātmā́ntárikṣaṁ samudrás te yóniḥ / vikʰyā́ya cákṣuṣā tvám abʰí tiṣṭʰa //

Verse: 4 
Sentence: 1    pr̥tanyatáḥ //
Sentence: 2=o    út krāma mahaté sáubʰagāyāsmā́d āstʰā́nād draviṇodā́ vājin / vayáṁ syāma sumatáu pr̥tʰivyā́ agníṃ kʰaniṣyánta upástʰe asyāḥ //
Sentence: 3=p    úd akramīd draviṇodā́ vājy árvā́kaḥ sá lokáṁ súkr̥tam pr̥tʰivyā́ḥ / tátaḥ kʰanema suprátīkam agníṁ súvo rúhāṇā ádʰi nā́ka uttamé //
Sentence: 4=q    {F apó} {W apó} {ASS apó} {BI apò} {GOLS -} devī́r úpa sr̥ja mádʰumatīr ayakṣmā́ya prajā́bʰyaḥ / tā́sāṁ stʰā́nād új jihatām óṣadʰayaḥ supippalā́ḥ //
Sentence: 5=r    jígʰarmi //

Verse: 5 
Sentence: 1    agním mánasā gʰr̥téna pratikṣyántam bʰúvanāni víśvā / pr̥tʰúṃ tiraścā́ váyasā br̥hántaṃ vyáciṣṭʰam ánnaṁ rabʰasáṃ vídānam //
Sentence: 2=s    ā́ tvā jigʰarmi vácasā gʰr̥ténārakṣásā mánasā táj juṣasva / máryaśrī spr̥hayádvarṇo agnír nā́bʰimŕ̥śe tanúvā járhr̥ṣāṇaḥ //
Sentence: 3=t    pári vā́japatiḥ kavír agnír hávyāny akramīt / dádʰad rátnāni dāśúṣe //
Sentence: 4=u    pári tvāgne púraṃ vayáṃ vípraṁ sahasya dʰīmahi / dʰr̥ṣádvarṇaṃ divédive bʰettā́ram bʰaṅgurā́vataḥ //
Sentence: 5=v    tvám agne dyúbʰis tvám āśuśukṣáṇis tvám adbʰyás tvám áśmanas pári / tváṃ vánebʰyas tvám óṣadʰībʰyas tváṃ nr̥ṇā́ṃ nr̥pate jāyase śúciḥ //

Paragraph: 3 
Verse: 1 
Sentence: 1=a    devásya tvā savitúḥ prasavè 'śvínor bāhúbʰyām pūṣṇó hástābʰyām pr̥tʰivyā́ḥ sadʰástʰe 'gním purīṣyàm aṅgirasvát kʰanāmi //
Sentence: 2=b    jyótiṣmantaṃ tvāgne suprátīkam ájasreṇa bʰānúnā dī́dyānam / śivám prajā́bʰyó 'hiṁsantam pr̥tʰivyā́ḥ sadʰástʰe 'gním purīṣyàm aṅgirasvát kʰanāmi //
Sentence: 3=c    apā́m pr̥ṣṭʰám asi saprátʰā urv àgním bʰariṣyád áparāvapiṣṭʰam / várdʰamānam mahá ā́ ca púṣkaraṃ divó mā́trayā variṇā́ pratʰasva //
Sentence: 4=d    śárma ca stʰaḥ //

Verse: 2 
Sentence: 1    várma ca stʰo ácʰidre bahulé ubʰé / vyácasvatī sáṃ vasātʰām bʰartám agním purīṣyàm //
Sentence: 2=e    sáṃ vasātʰāṁ suvarvídā samī́cī úrasā tmánā / agním antár bʰariṣyántī jyótiṣmantam ájasram ít //
Sentence: 3=f    purīṣyò 'si viśvábʰarāḥ / átʰarvā tvā pratʰamó nír amantʰad agne
Sentence: 4=g    tvā́m agne púṣkarād ádʰy átʰarvā nír amantʰata / mūrdʰnó víśvasya vāgʰátaḥ //
Sentence: 5=h    tám u tvā dadʰyáṅṅ ŕ̥ṣiḥ putrá īdʰe //

Verse: 3 
Sentence: 1    átʰarvaṇaḥ / vr̥traháṇam puraṃ darám //
Sentence: 2=i    tám u tvā pātʰyó vŕ̥ṣā sám īdʰe dasyuhántamam / dʰanaṃjayáṁ ráṇeraṇe //
Sentence: 3=k    sī́da hotaḥ svá u loké cikitvā́nt sādáyā yajñáṁ sukr̥tásya yónau / devāvī́r devā́n havíṣā yajāsy ágne br̥hád yájamāne váyo dʰāḥ //
Sentence: 4=l    ní hótā hotr̥ṣádane vídānas tveṣó dīdivā́ṁ asadat sudákṣaḥ / ádabdʰavratapramatir vásiṣṭʰaḥ sahasrambʰaráḥ śúcijihvo agníḥ //
Sentence: 5=m    sáṁ sīdasva mahā́ṁ asi śócasva //

Verse: 4 
Sentence: 1    devavī́tamaḥ / ví dʰūmám agne aruṣám miyedʰya sr̥já praśasta darśatám //
Sentence: 2=n    jániṣvā hí jényo ágre áhnām hitó hitéṣv aruṣó váneṣu / dámedame saptá rátnā dádʰāno 'gnír hótā ní ṣasādā yájīyān //

Paragraph: 4 
Verse: 1 
Sentence: 1=a    sáṃ te vāyúr mātariśvā dadʰātūttānā́yai hŕ̥dayaṃ yád víliṣṭam / devā́nāṃ yáś cárati prāṇátʰena tásmai ca devi váṣaḍ astu túbʰyam //
Sentence: 2=b    sújāto jyótiṣā sahá śárma várūtʰam ā́sadaḥ súvaḥ / vā́so agne viśvárūpaṁ sáṃ vyayasva vibʰāvaso //
Sentence: 3=c    úd u tiṣṭʰa svadʰvarā́vā no devyā́ kr̥pā́ / dr̥śé ca bʰāsā́ br̥hatā́ suśukvánir ā́gne yāhi suśastíbʰiḥ //

Verse: 2 
Sentence: 1=d    ūrdʰvá ū ṣú ṇa ūtáye tíṣṭʰā devó ná savitā́ / ūrdʰvó vā́jasya sánitā yád añjíbʰir vāgʰádbʰir vihváyāmahe //
Sentence: 2=e    sá jātó gárbʰo asi ródasyor ágne cā́rur víbʰr̥ta óṣadʰīṣu / citráḥ śíśuḥ pári támāṁsy aktáḥ prá mātŕ̥bʰyo ádʰi kánikradad gāḥ //
Sentence: 3=f    stʰiró bʰava vīḍvàṅga āśúr bʰava vājy àrvan / pr̥tʰúr bʰava suṣádas tvám agnéḥ purīṣavā́hanaḥ //
Sentence: 4=g    śivó bʰava //

Verse: 3 
Sentence: 1    prajā́bʰyo mā́nuṣībʰyas tvám aṅgiraḥ / mā́ dyā́vāpr̥tʰivī́ abʰí śūśuco mā́ntárikṣam mā́ vánaspátīn //
Sentence: 2=h    práitu vājī́ kánikradan nā́nadad rā́sabʰaḥ pátvā / bʰárann agním purīṣyàm mā́ pādy ā́yuṣaḥ purā́ //
Sentence: 3=i    rā́sabʰo vāṃ kánikradat súyukto vr̥ṣaṇā rátʰe / sá vām agním purīṣyàm āśúr dūtó vahād itáḥ //
Sentence: 4=k    vŕ̥ṣāgníṃ vŕ̥ṣaṇam bʰárann apā́ṃ gárbʰaṁ samudríyam / ágna ā́ yāhi //

Verse: 4 
Sentence: 1    vītáya r̥táṁ satyám //
Sentence: 2=l    óṣadʰayaḥ práti gr̥hṇītāgním etáṁ śivám āyántam abʰy átra yuṣmā́n / vyásyan víśvā ámatīr árātīr niṣī́dan no ápa durmatíṁ hanat //
Sentence: 3=m    óṣadʰayaḥ práti modadʰvam enam púṣpāvatīḥ supippalā́ḥ / ayáṃ vo gárbʰa r̥tvíyaḥ pratnáṁ sadʰástʰam ā́sadat //

Paragraph: 5 
Verse: 1 
Sentence: 1=a    ví pā́jasā pr̥tʰúnā śóśucāno bā́dʰasva dviṣó rakṣáso ámīvāḥ / suśármaṇo br̥hatáḥ śármaṇi syām agnér aháṁ suhávasya práṇītau //
Sentence: 2=b    ā́po hí ṣṭʰā́ mayobʰúvas tā́ na ūrjé dadʰātana / mahé ráṇāya cákṣase //
Sentence: 3=c    yó vaḥ śivátamo rásas tásya bʰājayate 'há naḥ / uśatī́r iva mātáraḥ //
Sentence: 4=d    tásmā áraṃ gamāma vo yásya kṣáyāya jínvatʰa / ā́po janáyatʰā ca naḥ //
Sentence: 5=e    mitráḥ //

Verse: 2 
Sentence: 1    saṁsŕ̥jya pr̥tʰivī́m bʰū́miṃ ca jyótiṣā sahá / sújātaṃ jātávedasam agníṃ vaiśvānaráṃ vibʰúm //
Sentence: 2=f    ayakṣmā́ya tvā sáṁ sr̥jāmi prajā́bʰyaḥ / víśve tvā devā́ vaiśvānarā́ḥ sáṁ sr̥jantv ā́nuṣṭubʰena cʰándasāṅgirasvát //
Sentence: 3=g    rudrā́ḥ sambʰŕ̥tya pr̥tʰivī́m br̥háj jyótiḥ sám īdʰire / téṣām bʰānúr ájasra íc cʰukró devéṣu rocate //
Sentence: 4=h    sáṁsr̥ṣṭāṃ vásubʰī rudráir dʰī́raiḥ karmaṇyā̀m mŕ̥dam / hástābʰyām mr̥dvī́ṃ kr̥tvā́ sinīvālī́ karotu //

Verse: 3 
Sentence: 1    tā́m //
Sentence: 2=i    sinīvalī́ sukapardā́ sukrīrā́ svaupaśā́ / sā́ túbʰyam adite maha ókʰā́ṃ dadʰātu hástayoḥ //
Sentence: 3=k    ukʰā́ṃ karotu śáktyā bāhúbʰyām áditir dʰiyā́ / mātā́ putráṃ yátʰopástʰe sā́gním bibʰartu gárbʰa ā́ //
Sentence: 4=l    makʰásya śíro 'si
Sentence: 5=m    yajñásya padé stʰaḥ /
Sentence: 6=n    vásavas tvā kr̥ṇvantu gāyatréṇa cʰándasāṅgirasvát pr̥tʰivy àsi rudrā́s tvā kr̥ṇvantu tráiṣṭubʰena cʰándasāṅgirasvád antárikṣam asi //

Verse: 4 
Sentence: 1    ādityā́s tvā kr̥ṇvantu jā́gatena cʰándasāṅgirasvád dyáur asi víśve tvā devā́ vaiśvānarā́ḥ kr̥ṇvantv ā́nuṣṭubʰena cʰándasāṅgirasvád díśo 'si dʰruvā́si dʰāráyā máyi prajā́ṁ rāyás póṣaṃ gaupatyáṁ surī́ryaṁ sajātā́n yájamānāya \
Sentence: 2=o    ádityai rā́snāsi \
Sentence: 3=p    áditis te bílaṃ gr̥hṇātu pā́ṅktena cʰándasāṅgirasvát /
Sentence: 4=q    kr̥tvā́ya sā́ mahī́m ukʰā́m mr̥nmáyīṃ yónim agnáye / tā́m putrébʰyaḥ sám prā́yacʰad áditiḥ śrapáyān íti //

Paragraph: 6 
Verse: 1 
Sentence: 1=a    vásavas tvā dʰūpayantu gāyatréṇa cʰándasāṅgirasvád rudrā́s tvā dʰūpayantu tráiṣṭubʰena cʰándasāṅgirasvád ādityā́s tvā dʰūpayantu jā́gatena cʰándasāṅgirasvád víśve tvā devā́ vaiśvānarā́ dʰūpayantv ā́nuṣṭubʰena cʰándasāṅgirasvád índras tvā dʰūpayatv aṅgirasvád víṣṇus tvā dʰūpayatv aṅgirasvád váruṇas tvā dʰūpayatv aṅgirasvát \
Sentence: 2=b    áditis tvā devī́ viśvádevyāvatī pr̥tʰivyā́ḥ sadʰástʰe 'ṅgirasvát kʰanatv avaṭa
Sentence: 3=c    devā́nāṃ tvā pátnīḥ //

Verse: 2 
Sentence: 1    devī́r viśvádevyāvatīḥ pr̥tʰivyā́ḥ sadʰástʰe 'ṅgirasvád dadʰatūkʰe
Sentence: 2=d    dʰiṣáṇās tvā devī́r viśvádevyāvatīḥ pr̥tʰivyā́ḥ sadʰástʰe 'ṅgirasvád abʰī́ndʰatām ukʰe gnā́s tvā devī́r viśvádevyāvatīḥ pr̥tʰivyā́ḥ sadʰástʰe 'ṅgirasvác cʰrapayantūkʰe várūtrayo jánayas tvā devī́r viśvádevyāvatīḥ pr̥tʰivyā́ḥ sadʰástʰe 'ṅgirasvát pacantūkʰe /
Sentence: 3=e    mítraitā́m ukʰā́m pacaiṣā́ mā́ bʰedi /
Sentence: 4=f    etā́ṃ te pári dadāmy ábʰittyai
Sentence: 5=g    abʰī́mā́m //

Verse: 3 
Sentence: 1    mahinā́ dívam mitró babʰūva saprátʰāḥ / utá śrávasā pr̥tʰivī́m //
Sentence: 2=h    mítrasya carṣaṇīdʰŕ̥taḥ śrávo devásya sānasím / dyumnáṃ citráśravastamam //
Sentence: 3=i    devás tvā savitód vapatu supāṇíḥ svaṅguríḥ / subāhúr utá śáktyā //
Sentence: 4=k    ápadyamānā pr̥tʰivy ā́śā díśa ā́ pr̥ṇa / út tiṣṭʰa br̥hatī́ bʰavordʰvā́ tiṣṭʰa dʰruvā́ tvám //
Sentence: 5=l    vásavas tvā́ cʰr̥ndantu gāyatréṇa cʰándasāṅgirasvád rudrā́s tvā́ cʰr̥ndantu tráiṣṭubʰena cʰándasāṅgirasvád ādityā́s tvā cʰr̥ndantu jā́gatena cʰándasāṅgirasvád viśve tvā devā́ vaiśvānarā́ ā́ cʰr̥ndantv ā́nuṣṭubʰena cʰándasāṅgirasvát //

Paragraph: 7 
Verse: 1 
Sentence: 1=a    sámās tvāgna r̥távo vardʰayantu saṃvatsarā́ ŕ̥ṣayo yā́ni satyā́ / sáṃ divyéna dīdihi rocanéna víśvā ā́ bʰāhi pradíśaḥ pr̥tʰivyā́ḥ //
Sentence: 2=b    sáṃ cedʰyásvāgne prá ca bodʰayainam úc ca tiṣṭʰa mahaté sáubʰagāya / mā́ ca r̥ṣad upasattā́ te agne brahmā́ṇas te yaśásaḥ santu mā́nyé //
Sentence: 3=c    tvā́m agne vr̥ṇate brāhmaṇā́ imé śivó agne //

Verse: 2 
Sentence: 1    saṃváraṇe bʰavā naḥ / sapatnahā́ no abʰimātijíc ca své gáye jāgr̥hy áprayucʰan //
Sentence: 2=d    iháivā́gne ádʰi dʰārayā rayím mā́ tvā ní kran pūrvacíto nikāríṇaḥ / kṣatrám agne suyámam astu túbʰyam upasattā́ vardʰatāṃ te ániṣṭr̥taḥ //
Sentence: 3=e    kṣatréṇāgne svā́yuḥ sáṁ rabʰasva mitréṇāgne mitradʰéye yatasva / sajātā́nām madʰyamastʰā́ edʰi rājñā́m agne vihavyò dīdihīhá //
Sentence: 4=f    áti //

Verse: 3 
Sentence: 1    níbo áti srídʰó 'ty ácittim áty árātim agne / viśvā hy àgne duritā́ sáhasvā́tʰāsmábʰyaṁ sahávīrāṁ rayíṃ dāḥ //
Sentence: 2=g    anādʰr̥ṣyó jātávedā ániṣṭr̥to virā́ḍ agne kṣatrabʰŕ̥d dīdihīhá / víśvā ā́śāḥ pramuñcán mā́nuṣīr bʰiyáḥ śivā́bʰir adyá pári pāhi no vr̥dʰé //
Sentence: 3=h    bŕ̥haspate savitar bodʰáyainaṁ sáṁśitaṃ cit saṃtarā́ṁ sáṁ śiśādʰi / vardʰáyainam mahaté sáubʰagāya //

Verse: 4 
Sentence: 1    víśva enam ánu madantu devā́ḥ //
Sentence: 2=i    amutrabʰū́yād ádʰa yád yamásya bŕ̥haspate abʰíśaster ámuñcaḥ / práty auhatām aśvínā mr̥tyúm asmād devā́nām agne bʰiṣájā śácībʰiḥ //
Sentence: 3=k    úd vayáṃ támasas pári páśyanto jyótir úttaram / deváṃ devatrā́ sūryam áganma jyótir uttamám //

Paragraph: 8 
Verse: 1 
Sentence: 1=a    ūrdʰvā asya samídʰo bʰavanty ūrdʰvā́ śukrā́ śocī́ṁṣy agnéḥ / dyumáttamā suprátīkasya sūnóḥ //
Sentence: 2=b    tánūnápād ásuro viśvávedā devó devéṣu deváḥ / patʰá ā́nakti mádʰvā gʰr̥téna //
Sentence: 3=c    mádʰvā yajñáṃ nakṣase prīṇānó nárāśáṁso agne / sukŕ̥d deváḥ savitā́ viśvávāraḥ //
Sentence: 4=d    ácʰāyám eti śávasā gʰr̥téneḍānó váhnir námasā / agníṁ srúco adʰvaréṣu prayátsu //
Sentence: 5=e    sá yakṣad asya mahimā́nam agnéḥ sáḥ //

Verse: 2 
Sentence: 1    ī mandrā́su prayásaḥ / vásuś cétiṣṭʰo vasudʰā́tamaś ca //
Sentence: 2=f    dvā́ro devī́r ánv asya víśve vratā́ dadante agnéḥ / uruvyácaso dʰā́mnā pátyamānāḥ //
Sentence: 3=g    té asya yoṣaṇe divyé ná yónāv uṣā́sānáktā / imáṃ yajñám avatām adʰvaráṃ naḥ //
Sentence: 4=h    dáivyā hotārāv ūrdʰvám adʰvaráṃ no 'gnér jihvā́m abʰí gr̥ṇītam / kr̥ṇutáṃ naḥ svìṣṭim //
Sentence: 5=i    tisró devī́r barhír édáṁ sadantv íḍā sárasvatī //

Verse: 3 
Sentence: 1    bʰā́ratī mahī́ gr̥ṇānā́ //
Sentence: 2=k    tán nas turī́pam ádbʰutam purukṣú tváṣṭā suvī́ram / rāyás póṣaṃ ví ṣyatu nā́bʰim asmé //
Sentence: 3=l    vánaspaté 'va sr̥jā rárāṇas tmánā devéṣu / agnír havyáṁ śamitā́ sūdayāti //
Sentence: 4=m    ágne svā́hā kr̥ṇuhi jātaveda índrāya havyám / víśve devā́ havír idáṃ juṣantām //
Sentence: 5=n    hiraṇyagarbʰáḥ sám avartatā́gre bʰūtásya jātáḥ pátir éka āsīt / sá dādʰāra pr̥tʰivī́ṃ dyā́m //

Verse: 4 
Sentence: 1    utémā́ṃ kásmai devā́ya havíṣā vidʰema //
Sentence: 2=o    yáḥ prā́ṇato nimiṣató mahitváika íd rā́jā jágato babʰū́va / yá ī́śe asya dvipádaś cátuṣpadaḥ kásmai devā́ya havíṣā vidʰema //
Sentence: 3=p    yá ātmadā́ baladā́ yásya víśva upā́sate praśiṣaṃ yásya devā́ḥ / yásya cʰāyā́mŕ̥taṃ yásya mr̥tyúḥ kásmai devā́ya havíṣā vidʰema //
Sentence: 4=q    yásyeme himá vanto mahitvā́ yásya samudráṁ rasáyā sahá //

Verse: 5 
Sentence: 1    āhúḥ / yásyemā́ḥ pradíśo yásya bāhū́ kásmai devā́ya bavíṣā vidʰema //
Sentence: 2=r    yáṃ krándasī ávasā tastábʰāne abʰyáikṣetām mánasā réjamāne / yátrā́dʰi sū́ra úditau vyéti kásmai devā́ya havíṣā vidʰema //
Sentence: 3=s    yéna dyáur ugrā́ pr̥tʰivī́ ca dr̥ḍʰé yéna súva stábʰitaṃ yéna nā́kaḥ / yó antárikṣe rájaso vimā́naḥ kásmai devā́ya havíṣā vidʰema //
Sentence: 4=t    ā́po ha yán mahatī́r víśvam //

Verse: 6 
Sentence: 1    ā́yan dákṣaṃ dádʰānā janáyantīr agním / táto devā́nāṃ nír avartatā́sur ékaḥ kásmai devā́ya havíṣā vidʰema //
Sentence: 2=u    yáś cid ā́po mahinā́ paryápaśyad dákṣaṃ dádʰānā janáyantīr agním / yó devéṣv ádʰi devá éka ā́sīt kásmai devā́ya havíṣā vidʰema //

Paragraph: 9 
Verse: 1 
Sentence: 1=a    ā́kūtim agním prayújaṁ svā́hā máno medʰā́m agním prayújaṁ svā́hā cittáṃ víjñātam agním prayújaṁ svā́hā vācó vídʰr̥tim agním prayújaṁ svā́hā prajā́pataye mánave svā́hāgnáye vaiśvānarā́ya svā́hā
Sentence: 2=b    víśve devásya netúr márto vr̥ṇīta sakʰyáṃ víśve rāyá iṣudʰyasi dyumnáṃ vr̥ṇīta puṣyáse svā́hā
Sentence: 3=c    mā́ sú bʰittʰā mā́ sú riṣo dŕ̥ṁhasva vīḍáyasva sú / ámba dʰr̥ṣṇu vīráyasva //

Verse: 2 
Sentence: 1    agníś cedáṃ kariṣyatʰaḥ //
Sentence: 2=d    dŕ̥ṁhasva devi pr̥tʰivi svastáya āsurī́ māyā́ svadʰáyā kr̥tā́si / júṣṭaṃ devā́nāṃ idám astu havyám áriṣṭā tvám úd ihi yajñé asmín //
Sentence: 3=e    mítraitā́m ukʰā́ṃ tapaiṣā́ mā́ bʰedi /
Sentence: 4=f    etā́m te pári dadāmy ábʰittyai /
Sentence: 5=g    drvànnaḥ sarpírāsutiḥ pratnó hótā váreṇyaḥ / sáhasas putró ádbʰutaḥ //
Sentence: 6=h    párasyā ádʰi saṃvátó 'varāṁ abʰy ā́ //

Verse: 3 
Sentence: 1    tara / yátrāhám ásmi tā́ṁ ava //
Sentence: 2=i    paramásyāḥ parāváto rhídaśva ihā́ gahi / purīṣyàḥ purupriyó 'gne tváṃ tarā mŕ̥dʰaḥ //
Sentence: 3=k    sī́da tvám mātúr asyā́ upástʰe víśvāny agne vayúnāni vidvā́n / máinām arcíṣā mā́ tápasābʰí śūśuco 'ntár asyāṁ śukrájyotir ví bʰāhi //
Sentence: 4=l    antár agne rucā́ tvám ukʰā́yai sádane své / tásyās tváṁ hárasā tápaṅ jā́tavedaḥ śivó bʰava //
Sentence: 5=m    śivó bʰūtvā́ mahyám agné 'tʰo sīda śivás tvám / śivā́ḥ kr̥tvā́ díśaḥ sárvāḥ svā́ṃ yónim ihā́sadaḥ //

Paragraph: 10 
Verse: 1 
Sentence: 1=a    yád agne yā́ni kā́ni cā́ te dā́rūṇi dadʰmási / tád astu túbʰyam íd gʰr̥táṃ táj juṣasva yaviṣṭʰya //
Sentence: 2=b    yád átty upajíhvikā yád vamró atisárpati / sárvaṃ tád astu te gʰr̥táṃ táj juṣasva yaviṣṭʰya //
Sentence: 3=c    rā́triṁrātrim áprayāvam bʰáratnó 'śvāyeva tíṣṭʰate gʰāsám asmai / rāyás póṣeṇa sám iṣā́ mádantó 'gne mā́ te prátiveśā riṣāma //
Sentence: 4=d    nā́bʰā //

Verse: 2 
Sentence: 1    pr̥tʰivyā́ḥ samidʰānám agníṁ rāyás póṣāya br̥haté havāmahe / irammadám br̥háduktʰaṃ yájatraṃ jétāram agním pŕ̥tanāsu sāsahím //
Sentence: 2=e    yā́ḥ sénā abʰī́tvarīr āvyādʰínīr úgaṇā utá / yé stenā́ yé ca táskarās tā́ṁs te agné 'pi dadʰāmy āsyè //
Sentence: 3=f    dáṁṣṭrābʰyām malímlūñ jámbʰyais táskarāṁ utá / hánūbʰyāṁ sténān bʰagavas tā́ṁs tváṃ kʰāda súkʰāditān //
Sentence: 4=g    yé jáneṣu malímlava stenā́sas táskarā váne / yé //

Verse: 3 
Sentence: 1    kákṣeṣv agʰāyávas tā́ṁs te dadʰāmi jámbʰayoḥ //
Sentence: 2=h    yó asmábʰyam arātīyā́d yáś ca no dvéṣate jánaḥ / níndād yó asmā́n dípsāc ca sárvaṃ tám masmasā́ kuru //
Sentence: 3=i    sáṁśitam me bráhma sáṁśitaṃ vīryàm bálam / sáṁśitam kṣatráṃ jiṣṇú yásyāhám ásmi puróhitaḥ //
Sentence: 4=k    úd eṣām bāhū́ atiram úd várca úd ū bálam / kṣiṇómi bráhmaṇāmítrān ún nayāmi //

Verse: 4 
Sentence: 1    svā́ṁ ahám /
Sentence: 2=l    dr̥śānó rukmá urvyā́ vy àdyaud durmárṣam ā́yuḥ śriyé rucānáḥ / agnír amŕ̥to abʰavad váyobʰir yád enaṃ dyáur ájanayat surétāḥ //
Sentence: 3=m    víśvā rūpā́ṇi práti muñcate kavíḥ prā́sāvīd bʰadráṃ dvipáde cátuṣpade / ví nā́kam akʰyat savitā́ váreṇyó 'nu prayā́ṇam uṣáso ví rājati //
Sentence: 4=n    náktoṣā́sā sámanasā vírūpe dʰāpáyete śíśum ékaṁ samīcī́ / dyā́vā kṣā́mā rukmáḥ //

Verse: 5 
Sentence: 1    antár ví bʰāti devā́ agníṃ dʰārayan draviṇodā́ḥ //
Sentence: 2=o    suparṇò 'si garútmān trivŕ̥t te śiro gāyatráṃ cákṣu stóma ātmā́ sā́ma te tanū́r vāmadevyám br̥hadratʰantaré pákṣau yajñāyajñíyam púcʰaṃ cʰándāṁsy áṅgāni dʰíṣṇiyāḥ śápʰā yájūṁṣi nā́ma /
Sentence: 3=p    suparṇò 'si garútmān dívaṃ gacʰa súvaḥ pata //

Paragraph: 11 
Verse: 1 
Sentence: 1=a    ágne yáṃ yajñám adʰvaráṃ viśvátaḥ paribʰū́r ási / sá íd devéṣu gacʰati //
Sentence: 2=b    sóma yā́s te mayobʰúva ūtáyaḥ sánti dāśúṣe / tā́bʰir no 'vitā́ bʰava //
Sentence: 3=c    agnír mūrdʰā́
Sentence: 4=d    bʰúvaḥ /
Sentence: 5=e    tváṃ naḥ soma
Sentence: 6=f    yā́ te dʰā́māni /
Sentence: 7=g    tát savitúr váreṇyam bʰárgo devásya dʰīmahi / dʰíyo yó naḥ pracodáyāt //
Sentence: 8=h    ácittī yác cakr̥mā́ dáivye jáne dī́nair dákṣaiḥ prábʰūtī pūruṣatvátā //

Verse: 2 
Sentence: 1    devéṣu ca savitar mā́nuṣeṣu ca tváṃ no átra suvatād ánāgasaḥ //
Sentence: 2=i    codayitrī́ sūnŕ̥tānāṃ cétantī sumatīnā́m / yajñáṃ dadʰe sárasvatī //
Sentence: 3=k    pā́vīravī kanyā̀ citrā́yuḥ sárasvatī vīrápatnī dʰíyaṃ dʰāt / gnā́bʰir ácʰidraṁ śaraṇáṁ sajóṣā durādʰárṣaṃ gr̥ṇaté śárma yaṁsat //
Sentence: 4=l    pūṣā́ gā́ ánv etu naḥ pūṣā́ rakṣatv árvataḥ / pūṣā́ vā́jaṁ sanotu naḥ //
Sentence: 5=m    śukráṃ te anyád yajatáṃ te anyát //

Verse: 3 
Sentence: 1    víṣurūpe áhanī dyáur ivāsi / víśvā hí māyā́ ávasi svadʰāvo bʰadrā́ te pūṣann ihá rātír astu //
Sentence: 2=n    tè 'vardʰanta svátavaso mahitvanā́ nā́kaṃ tastʰúr urú cakrire sádaḥ / víṣṇur yád dʰā́vad vŕ̥ṣaṇam madacyútaṃ váyo ná sīdann ádʰi barhíṣi priyé /
Sentence: 3=o    prá citrám arkáṃ gr̥ṇaté turā́ya mā́rutāya svátavase bʰaradʰvam / yé sáhāṁsi sáhasā sáhante //

Verse: 4 
Sentence: 1    réjate agne pr̥tʰivī́ makʰébʰyaḥ //
Sentence: 2=p    víśve devā́s \
Sentence: 3=q    víśve devā́ḥ /
Sentence: 4=r    dyā́vā naḥ pr̥tʰivī́ imáṁ sidʰrám adyá divispŕ̥śam / yajñáṃ devéṣu yacʰatām //
Sentence: 5=s    prá pūrvajé pitárā návyasībʰir gīrbʰíḥ kr̥ṇudʰvaṁ sádane r̥tásya / ā́ no dyāvāpr̥tʰivī dáivyena jánena yātam mahí vāṃ várūtʰam //
Sentence: 6=t    agníṁ stómena bodʰaya samidʰānó ámartyam / havyā́ devéṣu no dadʰat //
Sentence: 7=u    sá havyavā́ḍ ámartya uśíg dūtáś cánohitaḥ / agnír dʰiyā́ sám r̥ṇvati //
Sentence: 8=v    śáṃ no bʰavantu
Sentence: 9=w    vā́jevāje //

Next part


This text is part of the TITUS edition of Black Yajur-Veda: Taittiriya-Samhita.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.