TITUS
Black Yajur-Veda: Taittiriya-Samhita
Part No. 25
Previous part

Chapter: 6 
Paragraph: 1 
Verse: 1 
Sentence: 1=a    áśmann ū́rjam párvate śiśriyāṇā́ṃ vā́te parjánye váruṇasya śúṣme / adbʰyá óṣadʰībʰyo vánaspátibʰyó 'dʰi sámbʰr̥tāṃ tā́ṃ na íṣam ū́rjaṃ dʰatta marutaḥ saṁrarāṇā́ḥ //
Sentence: 2=b    áśmaṁs te kṣúd amúṃ te śúg r̥cʰatu yáṃ dviṣmáḥ
Sentence: 3=c    samudrásya tvāvā́kayā́gne pári vyayāmasi / pāvakó asmábʰyaṁ śivó bʰava //
Sentence: 4=d    himásya tvā jarā́yuṇā́gne pári vyayāmasi / pāvakó asmábʰyaṁ śivó bʰava //
Sentence: 5=e    úpa //

Verse: 2 
Sentence: 1    jmánn úpa vetasé 'vattaraṃ nadī́ṣv ā́ / ágne pittám apā́m asi //
Sentence: 2=f    máṇḍūki tā́bʰir ā́ gahi sémáṃ no yajñám / pāvakávarṇaṁ śiváṃ kr̥dʰi //
Sentence: 3=g    pāvaká ā́ citáyantyā kr̥pā́ / kṣā́man rurucá uṣáso ná bʰānúnā //
Sentence: 4=h    tū́rvan ná yā́mann étaśasya nū́ ráṇa ā́ yó gʰr̥ṇé / ná tatr̥ṣāṇó ajáraḥ //
Sentence: 5=i    ágne pāvaka rocíṣā mandráyā deva jihváyā / ā́ devā́n //

Verse: 3 
Sentence: 1    vakṣi yákṣi ca //
Sentence: 2=k    sá naḥ pāvaka dīdivó 'gne devā́ṁ ihā́ vaha / úpa yajñáṁ havíś ca naḥ //
Sentence: 3=l    apā́m idáṃ nyáyanaṁ samudrásya nivéśanam / anyáṃ te asmát tapantu hetáyaḥ pāvakó asmábʰyaṁ śivó bʰava //
Sentence: 4=m    námas te hárase śocíṣe námas te astv arcíṣe / anyáṃ te asmát tapantu hetáyaḥ pāvakó asmábʰyaṁ śivó bʰava //
Sentence: 5=n    nr̥ṣáde váṭ //

Verse: 4 
Sentence: 1    apsuṣáde váḍ vanasáde váḍ barhiṣáde váṭ suvarvíde váṭ //
Sentence: 2=o    yé devā́ devā́nāṃ yajñíyā yajñíyānāṁ saṃvatsarī́ṇam úpa bʰāgám ā́sate / ahutā́do havíṣo yajñé asmínt svayáṃ juhudʰvam mádʰuno gʰr̥tásya //
Sentence: 3=p    yé devā́ devéṣv ádʰi devatvám ā́yan yé brahmaṇaḥ puraetā́ro asyá / yébʰyo nárté pávate dʰā́ma kíṃ caná ná té divó ná pr̥tʰivyā́ ádʰi snúṣu //
Sentence: 4=q    prāṇadā́ḥ //

Verse: 5 
Sentence: 1    apānadā́ vyānadā́ś cakṣurdā́ varcodā́ varivodā́ḥ / anyáṃ te asmát tapantu hetáyaḥ pāvakó asmábʰyaṁ śivó bʰava //
Sentence: 2=r    agnís tigména śocíṣā yáṁsad víśvaṃ ny àtríṇam / agnír no vaṁsate rayím //
Sentence: 3=s    {F sáinā́nīkena} {W sáinā́nīkena} {ASS sáiṣā́nīkena} {BI sáinā́nīkena} {GLOS -} suvidátro asmé yáṣṭā devā́ṁ ā́yajiṣṭʰaḥ svastí / ádabdʰo gopā́ utá naḥ paraspā́ ágne dyumád utá revád didīhi //

Paragraph: 2 
Verse: 1 
Sentence: 1=a    yá imā́ víśvā bʰúvanāni júhvad ŕ̥ṣir hótā niṣasā́dā pitā́ naḥ / sá āśíṣā dráviṇam icʰámānaḥ paramacʰádo vára ā́ viveśa //
Sentence: 2=b    viśvákarmā mánasā yád víhāyā dʰātā́ vidʰātā́ paramótá saṃdŕ̥k / téṣām iṣṭā́ni sám iṣā́ madanti yátra saptarṣī́n pará ékam āhúḥ //
Sentence: 3=c    yó naḥ pitā́ janitā́ yó vidʰātā́ yó naḥ sató abʰy ā́ sáj jajā́na //

Verse: 2 
Sentence: 1    yó devā́nāṃ nāmadʰā́ éka evá táṁ sampraśnám bʰúvanā yanty anyā́ //
Sentence: 2=d    tá ā́yajanta dráviṇaṁ sám asmā ŕ̥ṣayaḥ pū́rve jaritā́ro ná bʰūnā́ / asū́rtā sū́rtā rájaso vimā́ne yé bʰūtā́ni samákr̥ṇvann imā́ni //
Sentence: 3=e    ná táṃ vidātʰa yá idáṃ jajā́nānyád yuṣmā́kam ántaram bʰavāti / nīhāréṇa prā́vr̥tā jálpyā cā́sutŕ̥pa uktʰaśā́saś caranti //
Sentence: 4=f    paró divā́ pará enā́ //

Verse: 3 
Sentence: 1    pr̥tʰivyā́ paró devébʰir ásurair gúhā yát / káṁ svid gárbʰaṃ pratʰamáṃ dadʰra ā́po yátra devā́ḥ samágacʰanta víśve //
Sentence: 2=g    tám íd gárbʰam pratʰamáṃ dadʰra ā́po yátra devā́ḥ samágacʰanta víśve / ajásya nā́bʰāv ádʰy ékam árpitam yásminn idáṃ víśvam bʰúvanam ádʰi śritám //
Sentence: 3=h    viśvákarmā hy ájaniṣṭa devá ā́d íd gandʰarvó abʰavad dvitī́yaḥ / tr̥tī́yaḥ pitā́ janitáuṣadʰīnām //

Verse: 4 
Sentence: 1    apā́ṃ gárbʰaṃ vy àdadʰāt purutrā́ //
Sentence: 2=i    cákṣuṣaḥ pitā́ mánasā hí dʰī́ro gʰr̥tám ene ajanan náṃnamāne / yadéd ántā ádadr̥ṁhanta pū́rva ā́d íd dyā́vāpr̥tʰivī́ apratʰetām //
Sentence: 3=k    viśvátaścakṣur utá viśvátomukʰo viśvátohasta utá viśvátaspāt / sám bāhúbʰyāṃ námati sám pátatrair dyā́vāpr̥tʰivī́ janáyan devá ékaḥ //
Sentence: 4=l    kíṁ svid āsīd adʰiṣṭʰā́nam ārámbʰaṇaṃ katamát svit kím āsīt / yádī bʰū́miṃ janáyan //

Verse: 5 
Sentence: 1    viśvákarmā ví dyā́m áurṇon mahinā́ viśvácakṣāḥ //
Sentence: 2=m    kíṁ svid vánaṃ ká u sá vr̥kṣá āsīd yáto dyā́vāpr̥tʰivī́ niṣṭatakṣúḥ / mánīṣiṇo mánasā pr̥cʰátéd u tád yád adʰyátiṣṭʰad bʰúvanāni dʰāráyan //
Sentence: 3=n    yā́ te dʰā́māni paramā́ṇi yā́vamā́ yā́ madʰyamā́ viśvakarmann utémā́ / śíkṣā sákʰibʰyo havíṣi svadʰāvaḥ svayáṃ yajasva tanúvaṃ juṣāṇáḥ //
Sentence: 4=o    vācás pátiṃ viśvákarmāṇam ūtáye //

Verse: 6 
Sentence: 1    manoyújaṃ vā́je adyā́ huvema / sá no nédiṣṭʰā hávanāni joṣate viśváśambʰūr ávase sādʰúkarmā //
Sentence: 2=p    víśvakarman havíṣā vāvr̥dʰānáḥ svayáṃ yajasva tanúvaṃ juṣāṇáḥ / múhyantv anyé abʰítaḥ sapátnā ihā́smā́kam magʰávā sūrír astu //
Sentence: 3=q    víśvakarman havíṣā várdʰanena trātā́ram índram akr̥ṇor avadʰyám / tásmai víśaḥ sám anamanta pūrvī́r ayám ugró vihavyò yátʰā́sat //
Sentence: 4=r    samudrā́ya vayúnāya síndʰūnām pátaye námaḥ / nadī́nāṁ sárvāsām pitré juhutā́ viśvákarmaṇe víśvā́hā́martyaṁ havíḥ //

Paragraph: 3 
Verse: 1 
Sentence: 1=a    úd enam uttarā́ṃ nayā́gne gʰr̥tenāhuta / rāyás póṣeṇa sáṁ sr̥ja prajáyā ca dʰánena ca //
Sentence: 2=b    índremám pratarā́ṃ kr̥dʰi sajātā́nām asad vaśī́ / sám enaṃ várcasā sr̥ja devébʰyo bʰāgadʰā́ asat //
Sentence: 3=c    yásya kurmó havír gr̥hé tám agne vardʰayā tvám / tásmai devā́ ádʰi bravann ayáṃ ca bráhmaṇas pátiḥ //
Sentence: 4=d    úd u tvā víśve devā́ḥ //

Verse: 2 
Sentence: 1    ágne bʰárantu cíttibʰiḥ / sá no bʰava śivátamaḥ suprátīko vibʰā́vasuḥ //
Sentence: 2=e    páñca díśo dáivīr yajñám avantu devī́r ápā́matiṃ durmatím bā́dʰamānāḥ / rāyás póṣe yajñápatim ābʰájantīḥ //
Sentence: 3=f    rāyás póṣe ádʰi yajñó astʰāt sámiddʰe agnā́v ádʰi māmahānáḥ / uktʰápattra ī́ḍyo gr̥bʰītás taptáṃ gʰarmám parigŕ̥hyāyajanta //
Sentence: 4=g    ūrjā́ yád yajñám áśamanta devā́ dáivyāya dʰartré jóṣṭre / devaśrī́ḥ śrī́maṇāḥ śatápayāḥ //

Verse: 3 
Sentence: 1    parigŕ̥hya devā́ yajñám āyan //
Sentence: 2=h    sū́ryaraśmir hárikeśaḥ purástāt savitā́ jyótir úd ayāṁ ájasram / tásya pūṣā́ prasaváṃ yāti deváḥ sampáśyan víśvā bʰúvanāni gopā́ḥ //
Sentence: 3=i    devā́ devébʰyo adʰvaryánto astʰur vītáṁ śamitré śamitā́ yajádʰyai / turī́yo yajñó yátra havyám éti tátaḥ pāvakā́ áśíṣo no juṣantām //
Sentence: 4=k    vimā́na eṣá divó mádʰya āsta āpaprivā́n ródasī antárikṣam / sá viśvā́cīr abʰí //

Verse: 4 
Sentence: 1    caṣṭe gʰr̥tā́cīr antarā́ pū́rvam áparaṃ ca ketúm //
Sentence: 2=l    ukṣā́ samudró aruṇáḥ suparṇáḥ pū́rvasya yónim pitúr ā́ viveśa / mádʰye divó níhitaḥ pŕ̥śnir áśmā ví cakrame rájasaḥ pāty ántau //
Sentence: 3=m    índraṃ víśvā avīvr̥dʰant samudrávyacasaṃ gíraḥ / ratʰī́tamaṁ ratʰīnā́ṃ vā́jānāṁ sátpatim pátim //
Sentence: 4=n    sumnahū́r yajñó devā́ṁ ā́ ca vakṣad yákṣad agnír devó devā́ṁ ā́ ca vakṣat /
Sentence: 5=o    vā́jasya mā prasavénodgrābʰéṇód agrabʰīt / átʰā sapátnāṁ índro me nigrābʰéṇā́dʰarāṁ akaḥ //
Sentence: 6=p    udgrābʰáṃ ca nigrābʰáṃ ca bráhma devā́ avīvr̥dʰan / átʰā sapátnān indrāgnī́ me viṣūcī́nān vy àsyatām //

Paragraph: 4 
Verse: 1 
Sentence: 1=a    āśúḥ śíśāno vr̥ṣabʰó ná yudʰmó gʰanāgʰanáḥ kṣóbʰaṇaś carṣaṇīnā́m / saṃkrándano 'nimiṣá ekavīráḥ śatáṁ sénā ajayat sākám índraḥ //
Sentence: 2=b    saṃkrándanenānimiṣéṇa jiṣṇúnā yutkāréṇa duścyavanéna dʰr̥ṣṇúnā / tád índreṇa jayata tát sahadʰvaṃ yúdʰo nara íṣuhastena vŕ̥ṣṇā //
Sentence: 3=c    sá íṣuhastaiḥ sá niṣaṅgíbʰir vāśī́ sáṁsraṣṭā sá yúdʰa índro gaṇéna / saṁsr̥ṣṭajít somapā́ bāhuśardʰy ū̀rdʰvádʰanvā prátihitābʰir ástā //
Sentence: 4=d    bŕ̥haspate pári dīya //

Verse: 2 
Sentence: 1    rátʰena rakṣohā́mítrāṁ apabā́dʰamānaḥ / prabʰañjánt sénāḥ pramr̥ṇo yudʰā́ jáyann asmā́kam edʰy avitā́ rátʰānām //
Sentence: 2=e    gotrabʰídaṃ govídaṃ vájrabāhuṃ jáyantam ájma pramr̥ṇántam ójasā / imáṁ sajātā ánu vīrayadʰvam índraṁ sakʰāyó 'nu sáṁ rabʰadʰvam //
Sentence: 3=f    balavijñāyá stʰáviraḥ právīraḥ sáhasvān vājī́ sáhamāna ugráḥ / abʰívīro abʰísatvā sahojā́ jáitram indra rátʰam ā́ tiṣṭʰa govít //
Sentence: 4=g    abʰí gotrā́ṇi sáhasā gā́hamāno 'dāyáḥ //

Verse: 3 
Sentence: 1    vīráḥ śatámanyur índraḥ / duścyavanáḥ pr̥tanāṣā́ḍ ayudʰyò 'smā́kaṁ sénā avatu prá yutsú //
Sentence: 2=h    indrá āsāṃ netā́ bŕ̥haspátir dákṣiṇā yajñáḥ purá etu sómaḥ / devasenā́nām abʰibʰañjatīnā́ṃ jáyantīnām marúto yantv ágre //
Sentence: 3=i    índrasya vŕ̥ṣṇo váruṇasya rā́jña ādityā́nām marútāṁ śárdʰa ugrám / mahā́manasām bʰuvanacyavā́nāṃ gʰóṣo devā́nāṃ jáyatām úd astʰāt //
Sentence: 4=k    asmā́kam índraḥ sámr̥teṣu dʰvajéṣv asmā́kaṃ yā́ íṣavas tā́ jayantu //

Verse: 4 
Sentence: 1    asmā́kaṃ vīrā́ úttare bʰavantv asmā́n u devā avatā háveṣu //
Sentence: 2=l    úd dʰarṣaya magʰavann ā́yudʰāny út sátvanām māmakā́nām máhāṁsi / úd vr̥trahan vājínāṃ vā́jināny úd rátʰānāṃ jáyatām etu gʰóṣaḥ //
Sentence: 3=m    úpa préta jáyatā nara stʰirā́ vaḥ santu bāhávaḥ / índro vaḥ śárma yacʰatv anādʰr̥ṣyā́ yátʰā́satʰa //
Sentence: 4=n    ávasr̥ṣṭā párā pata śáravye bráhmasaṁśitā / gácʰāmítrān prá //

Verse: 5 
Sentence: 1    viśa máiṣāṃ káṃ canóc cʰiṣaḥ //
Sentence: 2=o    mármāṇi te vármabʰiś cʰādayāmi sómas tvā rā́jāmŕ̥tenābʰí vastām / urór várīyo várivas te astu jáyantaṃ tvā́m ánu madantu devā́ḥ //
Sentence: 3=p    yátra bāṇā́ḥ sampátanti kumārā́ viśikʰā́ iva / índro nas tátra vr̥trahā́ viśvāhā́ śárma yacʰatu //

Paragraph: 5 
Verse: 1 
Sentence: 1=a    prā́cīm ánu prādíśam préhi vidvā́n agnér agne puróagnir bʰavehá / víśvā ā́śā dī́dyāno ví bʰāhy ū́rjaṃ no dʰehi dvipáde cátuṣpade //
Sentence: 2=b    kramádʰvam agnínā nā́kam úkʰyaṁ hásteṣu bíbʰrataḥ / diváḥ pr̥ṣṭʰáṁ súvar gatvā́ miśrā́ devébʰir āddʰvam //
Sentence: 3=c    pr̥tʰivyā́ ahám úd antárikṣam ā́ruham antárikṣād dívam ā́ruham / divó nā́kasya pr̥ṣṭʰā́t súvar jyótir agām //

Verse: 2 
Sentence: 1    ahám //
Sentence: 2=d    súvar yánto nā́pekṣanta ā́ dyā́ṁ rohanti ródasī / yajñáṃ yé viśvátodʰāraṁ súvidvāṁso viteniré //
Sentence: 3=e    ágne préhi pratʰamó devayatā́ṃ cákṣur devā́nām utá mártyānām / íyakṣamāṇā bʰŕ̥gubʰiḥ sajóṣāḥ súvar yantu yájamānāḥ svastí //
Sentence: 4=f    náktoṣā́sā sámanasā vírūpe dʰāpáyete śíśum ékaṁ samīcī́ / dyā́vā kṣā́mā rukmó antár víbʰāti devā́ agníṃ dʰārayan draviṇodā́ḥ //
Sentence: 5=g    ágne sahasrākṣa //

Verse: 3 
Sentence: 1    śatamūrdʰañ cʰatáṃ te prāṇā́ḥ sahásram apānā́ḥ / tváṁ sāhasrásya rāyá īśiṣe tásmai te vidʰema vā́jāya svā́hā //
Sentence: 2=h    suparṇò 'si garútmān pr̥tʰivyā́ṁ sīda pr̥ṣṭʰé pr̥tʰivyā́ḥ sīda bʰāsā́ntárikṣam ā́ pr̥ṇa jyótiṣā dívam út tabʰāna téjasā díśa úd dr̥ṁha //
Sentence: 3=i    ājúhvānaḥ suprátīkaḥ purástād ágne svā́ṃ yónim ā́ sīda sādʰyā́ / asmínt sadʰástʰe ádʰy úttarasmin víśve devāḥ //

Verse: 4 
Sentence: 1    yájamānaś ca sīdata //
Sentence: 2=k    préddʰo agne dīdihi puró nó 'jasrayā sūrmyā̀ yaviṣṭʰa / tvā́ṁ śáśvanta úpa yanti vā́jāḥ //
Sentence: 3=l    vidʰéma te paramé jánmann agne vidʰéma stómair ávare sadʰástʰe / yásmād yóner udā́ritʰā yáje tám prá tvé havī́ṁṣi juhure sámiddʰe //
Sentence: 4=m    tā́ṁ savitúr váreṇyasya citrā́m ā́háṃ vr̥ṇe sumatíṃ viśvájanyām / yā́m asya káṇvo áduhat prápīnāṁ sahásradʰārām //

Verse: 5 
Sentence: 1    páyasā mahī́ṃ gā́m //
Sentence: 2=n    saptá te agne samídʰaḥ saptá jihvā́ḥ saptárṣayaḥ saptá dʰā́ma priyā́ṇi / saptá hótrāḥ saptadʰā́ tvā yajanti saptá yónīr ā́ pr̥ṇasvā gʰr̥téna //
Sentence: 3=o    īdŕ̥ṅ cānyādŕ̥ṅ caitādŕ̥ṅ ca pratidŕ̥ṅ ca mitáś ca sámmitaś ca sábʰarāḥ /
Sentence: 4=p    śukrájyotiś ca citrájyotiś ca satyájyotiś ca jyótiṣmāṁś ca satyáś cartapā́ś cātyaṁhāḥ //

Verse: 6 
Sentence: 1=q    r̥tajíc ca satyajíc ca senajíc ca suṣeṇaś cā́ntyamitraś ca dūréamitraś ca gaṇáḥ /
Sentence: 2=r    r̥táś ca satyaś ca dʰruváś ca dʰarúṇaś ca dʰartā́ ca vidʰartā́ ca vidʰārayáḥ /
Sentence: 3=s    īdŕ̥kṣāsa etādŕ̥kṣāsa ū ṣú ṇaḥ sadŕ̥kṣāsaḥ prátisadr̥kṣāsa étana /
Sentence: 4=t    mitā́saś ca sámmitāsaś ca na ūtáye sábʰaraso maruto yajñé asmín \
Sentence: 5=u    índraṃ dáivīr víśo marúto 'nuvartmāno yátʰéndraṃ dáivīr víśo marútó 'nuvartmāna evám imáṃ yájamānaṃ dáivīś ca víśo mā́nuṣīś cā́nuvartmāno bʰavantu //

Paragraph: 6 
Verse: 1 
Sentence: 1=a    jīmū́tasyeva bʰavati prátīkaṃ yád varmī́ yā́ti samádām upástʰe / ánāviddʰayā tanúvā jaya tváṁ sá tvā vármaṇo mahimā́ pipartu //
Sentence: 2=b    dʰánvanā gā́ dʰánvanājíṃ jayema dʰánvanā tīvrā́ḥ samádo jayema / dʰánuḥ śátror apakāmáṃ kr̥ṇoti dʰánvanā sárvāḥ pradíśo jayema //
Sentence: 3=c    vakṣyántīvéd ā́ ganīganti kárṇam priyáṁ sákʰāyam pariṣasvajānā́ / yóṣeva śiṅkte vítatā́dʰi dʰánvan //

Verse: 2 
Sentence: 1    jyā́ iyáṁ sámane pāráyantī //
Sentence: 2=d    té ācárantī sámaneva yóṣā mātéva putrám bibʰr̥tām upástʰe / ápa śátrūn vidʰyatāṁ saṃvidāné ā́rtnī imé viṣpʰurántī amítrān //
Sentence: 3=e    bahvīnā́m pitā́ bahúr asya putráś ciścā́ kr̥ṇoti sámanāvagátya / iṣudʰíḥ sáṅkāḥ pŕ̥tanāś ca sárvāḥ pr̥ṣṭʰé nínaddʰo jayati prásūtaḥ //
Sentence: 4=f    rátʰe tíṣṭʰan nayati vājínaḥ puró yátrayatra kāmáyate suṣāratʰíḥ / abʰī́śūnām mahimā́nam //

Verse: 3 
Sentence: 1    panāyata mánaḥ paścā́d ánu yacʰanti raśmáyaḥ //
Sentence: 2=g    tīvrā́n gʰóṣān kr̥ṇvate vŕ̥ṣapāṇayó 'śvā rátʰebʰiḥ sahá vājáyantaḥ / avakrā́mantaḥ prápadair amítrān kṣiṇánti śátrūṁr ánapavyayantaḥ //
Sentence: 3=h    ratʰavā́hanaṁ havír asya nā́ma yátrā́yudʰaṃ níhitam asya várma / tátrā rátʰam úpa śagmáṁ sadema viśvā́hā vayáṁ sumanasyámānāḥ //
Sentence: 4=i    svāduṣaṁsádaḥ pitáro vayodʰā́ḥ kr̥cʰreśrítaḥ śáktīvanto gabʰīrā́ḥ / citrásenā íṣubalā ámr̥dʰrāḥ satóvīrā urávo vrātasāhā́ḥ //
Sentence: 5=k    brā́hmaṇāsaḥ //

Verse: 4 
Sentence: 1    pítaraḥ sómyāsaḥ śivé no dyā́vāpr̥tʰivī́ anéhasā / pūṣā́ naḥ pātu duritā́d r̥tāvr̥dʰo rákṣā mā́kir no agʰáśaṁsa īśata //
Sentence: 2=l    suparṇáṃ vaste mr̥gó asyā dánto góbʰiḥ sáṃnaddʰā patati prásūtā / yátrā náraḥ sáṃ ca ví ca drávanti tátrāsmábʰyam íṣavaḥ śárma yaṁsan //
Sentence: 3=m    ŕ̥jīte pári vr̥ṅgdʰi nó 'śmā bʰavatu nas tanū́ḥ / sómo ádʰi bravītu nó 'ditiḥ //

Verse: 5 
Sentence: 1    śárma yacʰatu //
Sentence: 2=n    ā́ jaṅgʰanti sā́nv eṣāṃ jagʰánāṁ úpa jigʰnate / áśvājani prácetasó 'śvānt samátsu codaya //
Sentence: 3=o    áhir iva bʰogáiḥ páry eti bāhúṃ jyā́yā hetím paribā́dʰamānaḥ / hastagʰnó víśvā vayúnāní vidvā́n púmān púmāṁsam pári pātu viśvátaḥ //
Sentence: 4=p    vánaspate vīḍvàṅgo hí bʰūyā́ asmátsakʰā pratáraṇaḥ suvī́raḥ / góbʰiḥ sáṃnaddʰo asi vīḍáyasvāstʰātā́ te jayatu jétvāni //
Sentence: 5=q    diváḥ pr̥tʰivyā́ḥ pári //

Verse: 6 
Sentence: 1    ója údbʰr̥taṃ vánaspátibʰyaḥ páry ā́bʰr̥taṁ sáhaḥ / apā́m ojmā́nam pári góbʰir ā́vr̥tam índrasya vájraṁ havíṣā rátʰaṃ yaja //
Sentence: 2=r    índrasya vájro marútām ánīkam mitrásya gárbʰo váruṇasya nā́bʰiḥ / sémā́ṃ no havyádātiṃ juṣāṇó déva ratʰa práti havyā́ gr̥bʰāya //
Sentence: 3=s    úpa śvāsaya pr̥tʰivī́m utá dyā́m purutrā́ te manutāṃ víṣṭʰitaṃ jágat / sá dundubʰe sajū́r índreṇa deváir dūrā́t //

Verse: 7 
Sentence: 1    dávīyo ápa sedʰa śátrūn //
Sentence: 2=t    ā́ krandaya bálam ójo na ā́ dʰā ní ṣṭanihi duritā́ bā́dʰamānaḥ / ápa protʰa dundubʰe ducʰúnāṁ itá índrasya muṣṭír asi vīḍáyasva //
Sentence: 3=u    ā́mū́r aja pratyā́vartaye 'mā́ḥ ketumád dundubʰír vāvadīti / sám áśvaparṇāś cáranti no náro 'smā́kam indra ratʰíno jayantu //

Paragraph: 7 
Verse: 1 
Sentence: 1=a    yád ákrandaḥ pratʰamáṃ jā́yamāna udyánt samudrā́d utá vā púrīṣāt / śyenásya pakṣā́ hariṇásya bāhū́ upastútyam máhi jātáṃ te arvan //
Sentence: 2=b    yaména dattáṃ tritá enam āyunag índra eṇam pratʰamó ádʰy atiṣṭʰat / gandʰarvó asya raśanā́m agr̥bʰṇāt sū́rād áśvaṃ vasavo nír ataṣṭa //
Sentence: 3=c    ási yamó ásy ādityó arvann ási tritó gúhyena vraténa / ási sómena samáyā vípr̥ktaḥ //

Verse: 2 
Sentence: 1    āhús te trī́ṇi diví bándʰanāni //
Sentence: 2=d    trī́ṇi ta āhur diví bándʰanāni trī́ṇy apsú trī́ṇy antáḥ samudré / utéva me váruṇaś cʰantsy arvan yátrā ta āhúḥ paramáṃ janítram //
Sentence: 3=e    imā́ te vājinn avamā́rjanānīmā́ śapʰā́nāṁ sanitúr nidʰā́nā / átrā te bʰadrā́ raśanā́ apaśyam r̥tásya yā́ abʰirákṣanti gopā́ḥ //
Sentence: 4=f    ātmā́naṃ te mánasārā́d ajānām avó divā́ //

Verse: 3 
Sentence: 1    patáyantam pataṃgám / śíro apaśyam patʰíbʰiḥ sugébʰir areṇúbʰir jéhamānam patatrí //
Sentence: 2=g    átrā te rūpám uttamám apaśyaṃ jígīṣamāṇam iṣá ā́ padé góḥ / yadā́ te márto ánu bʰógam ā́naḍ ā́d íd grásiṣṭʰa óṣadʰīr ajīgaḥ //
Sentence: 3=h    ánu tvā rátʰo ánu máryo arvann ánu gā́vó 'nu bʰágaḥ kanī́nām / ánu vrā́tāsas táva sakʰyám īyur ánu devā́ mamire vīryàm //

Verse: 4 
Sentence: 1    te //
Sentence: 2=i    hiraṇyaśr̥ṅgó 'yo asya pā́dā mánojavā ávara índra āsīt / devā́ íd asya havirádyam āyan yó árvantam pratʰamó adʰyátiṣṭʰat //
Sentence: 3=k    īrmā́ntāsaḥ sílikamadʰyamāsaḥ sáṁ śū́raṇāso divyā́so átyāḥ / haṁsā́ iva śreṇiśó yatante yád ā́kṣiṣur divyám ájmam áśvāḥ //
Sentence: 4=l    táva śárīram patayiṣṇv àrvan táva cittáṃ vā́ta iva dʰrájīmān / táva śŕ̥ṅgāṇi víṣṭʰitā purutrā́raṇyeṣu járbʰurāṇā caranti //
Sentence: 5=m    úpa //

Verse: 5 
Sentence: 1    prā́gāc cʰásanaṃ vājy árvā devadrī́cā mánasā dī́dʰyānaḥ / ajáḥ puró nīyate nā́bʰir asyā́nu paścā́t kaváyo yanti rebʰā́ḥ //
Sentence: 2=n    úpa prā́gāt paramáṃ yát sadʰástʰam árvāṁ ácʰā pitáram mātáraṃ ca / adyā́ devā́ñ júṣṭatamo hí gamyā́ átʰā́ śāste dāśúṣe vā́ryāṇi //

Paragraph: 8 
Verse: 1 
Sentence: 1=a    mā́ no mitró váruṇo aryamā́yúr índra r̥bʰukṣā́ marútaḥ pári kʰyan / yád vājíno devájātasya sápteḥ pravakṣyā́mo vidátʰe vīryā̀ṇi //
Sentence: 2=b    yán nirṇíjā rékṇasā prā́vr̥tasya rātíṃ gr̥bʰītā́m mukʰató náyanti / súprāṅ ajó mémyad viśvárūpa indrāpūṣṇóḥ priyám ápy eti pā́tʰaḥ //
Sentence: 3=c    eṣá cʰā́gaḥ puró áśvena vājínā pūṣṇó bʰāgó nīyate viśvádevyaḥ / abʰipríyaṃ yát puroḍā́śam árvatā tváṣṭét //

Verse: 2 
Sentence: 1    enaṁ sauśravasā́ya jinvati
Sentence: 2=d    yád dʰavíṣyam r̥tuśó devayā́naṃ trír mā́nuṣāḥ páry áśvaṃ náyanti / átrā pūṣṇáḥ pratʰamó bʰāgá eti yajñáṃ devébʰyaḥ prativedáyann ajáḥ //
Sentence: 3=e    hótādʰvaryúr ā́vayā agnimindʰó grāvagrābʰá utá śáṁstā súvipraḥ / téna yajñéna svàraṃkr̥tena svìṣṭena vakṣáṇā ā́ pr̥ṇadʰvam //
Sentence: 4=f    yūpavraskā́ utá yé yūpavāhā́ś caṣā́laṃ yé aśvayūpā́ya tákṣati / yé cā́rvate pácanaṁ sambʰáranty utó //

Verse: 3 
Sentence: 1    téṣām abʰígūrtir na invatu //
Sentence: 2=g    úpa prā́gāt sumán me 'dʰāyi mánma devā́nām ā́śā úpa vītápr̥ṣṭʰaḥ / ánv enaṃ víprā ŕ̥ṣayo madanti devā́nām puṣṭé cakr̥mā subándʰum //
Sentence: 3=h    yád vājíno dā́ma saṃdā́naṃ árvato yā́ śīrṣaṇyā̀ raśanā́ rájjur asya / yád vā gʰāsya prábʰr̥tam āsyè tŕ̥ṇaṁ sárvā tā́ te ápi devéṣv astu //
Sentence: 4=i    yád áśvasya kravíṣaḥ //

Verse: 4 
Sentence: 1    mákṣikā́śa yád vā svárau svádʰitau riptám ásti / yád dʰástayoḥ śamitúr yán nakʰéṣu sárvā tā́ te ápi devéṣv astu //
Sentence: 2=k    yád ū́vadʰyam udárasyāpavā́ti yá āmásya kravíṣo gandʰó ásti / sukr̥tā́ tác cʰamitā́raḥ kr̥ṇvantūtá médʰaṁ śr̥tapā́kam pacantu //
Sentence: 3=l    yát te gā́trād agnínā pacyámānād abʰí śū́laṃ níhatasyāvadʰā́vati / mā́ tád bʰū́myām ā́ śriṣan mā́ tŕ̥ṇeṣu devébʰyas tád uśádbʰyo rātám astu //

Paragraph: 9 
Verse: 1 
Sentence: 1=a    yé vājínam paripáśyanti pakváṃ yá īm āhúḥ surabʰír nír haréti / yé cā́rvato māṁsabʰikṣā́m upā́sata utó téṣām abʰígūrtir na invatu //
Sentence: 2=b    yán nī́kṣaṇam māṁspácanyā ukʰā́yā yā́ pā́trāṇi yūṣṇá āsécanāni / ūṣmaṇyā̀pidʰā́nā carūṇā́m aṅkā́ḥ sūnā́ḥ pári bʰūṣanty áśvam //
Sentence: 3=c    nikrámaṇaṃ niṣádanaṃ vivártanaṃ yác ca páḍbīśam árvataḥ / yác ca papáu yác ca gʰāsím //

Verse: 2 
Sentence: 1    jagʰā́sa sárvā tā́ te ápi devéṣv astu //
Sentence: 2=d    mā́ tvāgnír dʰvanayid dʰūmágandʰir mókʰā́ bʰrā́janty abʰí vikta jágʰriḥ / iṣṭáṃ vītám abʰígūrtaṃ váṣaṭkr̥taṃ táṃ devā́saḥ práti gr̥bʰṇanty áśvam //
Sentence: 3=e    yád áśvāya vā́sa upastr̥ṇánty adʰīvāsáṃ yā́ híraṇyāny asmai / saṃdā́nam árvantam páḍbīśam priyā́ devéṣv ā́ yāmayanti //
Sentence: 4=f    yát te sādé máhasā śū́kr̥tasya pā́rṣṇiyā vā káśayā //

Verse: 3 
Sentence: 1    vā tutóda / srucéva tā́ havíṣo adʰvaréṣu sárvā tā́ te bráhmaṇā sūdayāmi //
Sentence: 2=g    cátustriṁśad vājíno devábandʰor váṅkrīr áśvasya svádʰitiḥ sám eti / ácʰidrā gā́trā vayúnā kr̥ṇota páruṣparur anugʰúṣyā ví śasta //
Sentence: 3=h    ékas tváṣṭur áśvasyā viśastā́ dvā́ yantā́rā bʰavatas tátʰartúḥ / yā́ te gā́trāṇām r̥tutʰā́ kr̥ṇómi tā́tā píṇḍānām prá juhomy agnáu //
Sentence: 4=i    mā́ tvā tapat //

Verse: 4 
Sentence: 1    priyá ātmā́piyántam mā́ svádʰitis tanúva ā́ tiṣṭʰipat te / mā́ te gr̥dʰnúr aviśastā́tihā́ya cʰidrā́ gā́trāṇy asínā mítʰū kaḥ //
Sentence: 2=k    ná vā́ uv etán mriyase ná riṣyasi devā́ṁ íd eṣi patʰíbʰiḥ sugébʰiḥ / hárī te yúñjā pŕ̥ṣatī abʰūtām úpāstʰād vājī́ dʰuri rā́sabʰasya //
Sentence: 3=l    sugávyaṃ no vājī́ sváśviyam puṁsáḥ putrā́ṁ utá viśvāpúṣaṁ rayím / anāgāstváṃ no áditiḥ kr̥ṇotu kṣatráṃ no áśvo vanatāṁ havíṣmān //

Next part


This text is part of the TITUS edition of Black Yajur-Veda: Taittiriya-Samhita.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.