TITUS
Avestan Corpus
Part No. 19
Previous part

Chapter: 18 
zōt̰. u. zōt̰::
Paragraph: 1 
Verse: Q1Aa    1aṣ̌əm. vohū. vahištəm. astī. (si. bār)::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Verse: a    2dāidī. mōi.
Verse: b       yə̄. gąm. taṣ̌ō.
Verse: c          apascā. uruuarā̊scā.
Verse: d          amərətātā. hauruuātā. spə̄ništā.3 mainiiū. mazdā.4
Verse: e          təuuīṣ̌ī.5 utaiiūitī. manaŋhā. vohū. sə̄ŋhē.6::


Paragraph: 2  {= Y. 47,1}
Verse: a    1spəṇtā. mainiiū.   vahištācā. manaŋhā.
Verse: b    hacā.2 aṣ̌āt̰.   š́iiaoϑanācā.3 vacaŋhācā.4
Verse: c    ahmāi. dąn.5   hauruuātā. amərətātā.
Verse: d    mazdā̊.6 xṣ̌aϑrā.7   ārmaitī.8 ahurō.::
Paragraph: 2_R1 
Verse: a    (spəṇtā. mainiiū.   vahištācā. manaŋhā.
Verse: b    hacā. aṣ̌āt̰.   š́iiaoϑanācā. vacaŋhācā.
Verse: c    ahmāi. dąn.   hauruuātā. amərətātā.
Verse: d    mazdā̊. xṣ̌aϑrā.   ārmaitī. ahurō. du. bār.::)

Paragraph: 3  {= Y. 47,2} zōt̰::
Verse: a    ahiiā. maniiə̄uš.1   spə̄ništahiiā. vahištəm.
Verse: b    hizuuā.2 uxδāiš.   vaŋhə̄uš. ə̄əānū.3 manaŋhō.
Verse: c    ārmatōiš.4   zastōibiiā. š́iiaoϑanā.5 vərəziiat̰.6
Verse: d    ōiiā.7 cistī::8   huuō. ptā.9 aṣ̌ahiiā. mazdā̊.10::

Paragraph: 4  {= Y. 47,3}
Verse: a    ahiiā. maniiə̄uš.1   tuuə̄m.2 ahī.3 tā. spəṇtō.
Verse: b    yə̄. ahmāi.4 gąm.   rāniiō.skərətīm.5 hə̄m.taṣ̌at̰.6
Verse: c    at̰. hōi. vāstrāi.7   rāmā.dā̊.8 ārmaitīm.9
Verse: d    hiiat̰.10 hə̄m.11 vohū.   mazdā. *hə̄mə.fraštā.12 manaŋhā.::

Paragraph: 5  {= Y. 47,4}
Verse: a    ahmāt̰. maniiə̄uš.1   rārəš́iieiṇtī.2 drəguuaṇtō.3
Verse: b    mazdā.4 spəṇtāt̰.5   nōit̰. aϑā.6 aṣ̌āunō.7
Verse: c    kasə̄ušcīt̰.8 nā.   aṣ̌āunē.9 kāϑē.10 aŋhat̰.11
Verse: d    isuuācīt̰.12 hąs.   paraoš.13 akō. drəguuāitē.14::

Paragraph: 6  {= Y. 47,5}
Verse: a    tācā. spəṇtā.   mainiiū. mazdā.1 ahurā.
Verse: b    aṣ̌āunē.2 cōiš.3   yā. zī.4 cīcā. vahištā.
Verse: c    hanarə̄.5 ϑβahmāt̰.   zaoṣ̌āt̰. drəguuā̊. baxṣ̌aitī.6
Verse: d    ahiiā. š́iiaoϑanāiš.7   akāt̰. āš́iiąs.8 manaŋhō.::

Paragraph: 7  {= Y. 47,6}
Verse: a    tā.1 dā̊.2 spəṇtā.   mainiiū. mazdā.3 ahurā.
Verse: b    āϑrā. vaŋhāu.4   vīdāitīm.5 rānōibiiā.6
Verse: c    ārmatōiš.   dəbązaŋhā. aṣ̌ax́iiācā.
Verse: d    hā. zī.7 pourūš.8   iṣ̌əṇtō.9 vāurāitē.10::

Paragraph: 8  {= Y. 47,1} rāspī::
Verse: Q1Aa    spəṇtā. mainiiū.   vahištācā. manaŋhā.
Verse: Q1Ab    hacā. aṣ̌āt̰.   š́iiaoϑanācā.1 vacaŋhācā.
Verse: Q1Ac    ahmāi. dąn.2   hauruuātā. amərətātā.
Verse: Q1Ad    mazdā̊. xṣ̌aϑrā.   ārmaitī.3 ahurō. (du. bār.)::

Verse: Q1Ba    spəṇtā. mainiiū.   vahištācā. manaŋhā.
Verse: Q1Bb    hacā. aṣ̌āt̰.   š́iiaoϑanācā. vacaŋhācā.
Verse: Q1Bc    ahmāi. dąn.   hauruuātā. amərətātā.
Verse: Q1Bd    mazdā̊. xṣ̌aϑrā.   ārmaitī. ahurō.


Verse: Q1Aa    aṣ̌əm. vohū. vahištəm. astī.4 (si.bār.)::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::


Verse: a    spəṇtā.mainiiūm.5 hāitīm. yazamaide.::


Verse: Q2a    yeŋ́hē. hātąm.   āat̰. yesnē. paitī.6 vaŋhō.
Verse: Q2b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q2c    tąscā. tā̊scā. yazamaide.::::


Paragraph: 9 
Verse: Q1Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.1 (čihār. bār.)
Verse: Q1Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q1Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1Dc    xšaϑrəmcā. ahurāi.ā.   yim. drigubiiō. dadat̰. vāstārəm.::


Verse: Q2Aa    aṣ̌əm. vohū. vahištəm. astī.1 (si.bār.)::
Verse: Q2Ab    uštā. astī. uštā. ahmāi.
Verse: Q2Ac    hiiat̰. aṣ̌āi. vahištāi. aṣ̌əm.::

Verse: Q2Ba    aṣ̌əm. vohū. vahištəm. astī::
Verse: Q2Bb    uštā. astī. uštā. ahmāi.
Verse: Q2Bc    hiiat̰. aṣ̌āi. vahištāi. aṣ̌əm.::

Verse: Q2Ca    aṣ̌əm. vohū. vahištəm. astī::
Verse: Q2Cb    uštā. astī. uštā. ahmāi.
Verse: Q2Cc    hiiat̰. aṣ̌āi. vahištāi. aṣ̌əm.::

Verse: a    ahunəm. vairīm. yazamaide::
Verse: b    aṣ̌əm. vahištəm. sraēštəm. aməṣ̌əm. spəṇtəm. yazamaide.::


Verse: Q3a    yeŋ́hē.2 hātąm.   āat̰. yesnē. paitī. vaŋhō.
Verse: Q3b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q3c    tąscā. tā̊scā. yazamaide.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.