TITUS
Avestan Corpus
Part No. 20
Previous part

Chapter: 19 
zōt̰::
Paragraph: 1 
Verse: a    pərəsat̰. zaraϑuštrō. ahurəm. mazdąm::
Verse: b    ahura. mazda.
Verse: c       mainiiō.1 spə̄ništa.
Verse: d       dātarə. gaēϑanąm. astuuaitinąm.2 aṣ̌āum::3
Verse: e    cit̰. auuat̰. vacō. ās.4 ahura.mazda.
Verse: f       yat̰. mē. frāuuaocō.5

Paragraph: 2 
Verse: a          para. asməm.1
Verse: b          para. āpəm.
Verse: c          para. ząm.
Verse: d          para. gąm.
Verse: e          para. uruuarąm.
Verse: f          para. ātrəm.2 ahurahe. mazdā̊. puϑrəm.
Verse: g          para. narəm. aṣ̌auuanəm.
Verse: h          *para. daēuuāišca. xrafstrāiš.3 maš́iiāišca.*4
Verse: i          para. vīspəm. ahūm.5 astuuaṇtəm.
Verse: j          para. vīspa. vohu.6 mazdaδāta. aṣ̌aciϑra.7::

Paragraph: 3 
Verse: a    āat̰. mraot̰. ahurō. mazdā̊::
Verse: b    baγa. aēṣ̌a. ās.1 ahunahe. vairiiehe. spitama. zaraϑuštra.
Verse: c       yat̰. tē. frāuuaocəm.2

Paragraph: 4 
Verse: a          para. asməm.
Verse: b          para. āpəm.1
Verse: c          para. ząm.
Verse: d          para. gąm.
Verse: e          para. uruuarąm.
Verse: f          para. ātrəm.2 ahurahe. mazdā̊. puϑrəm.
Verse: g          para. narəm. aṣ̌auuanəm.
Verse: h          *para. daēuuāišca. xrafstrāiš.3 maš́iiāišca.*
Verse: i          para. vīspəm. ahūm. astuuaṇtəm.
Verse: j          para. vīspa. vohu.4 mazdaδāta. aṣ̌aciϑra.::

Paragraph: 5 
Verse: a    hā. mē.1 baγa. ahunahe. vairiiehe. spitama. zaraϑuštra.
Verse: b       anapiiūxδa.2 anapiṣ̌ūta.3 srāuuaiiamna.4
Verse: c          satəm. paiti. aniiaēṣ̌ąm.5 raϑβąm. gāϑanąm.
Verse: d             anapiiūxδanąm.2 anapiṣ̌ūtanąm.3 srāuuaiiamnanąm::4
Verse: e    āat̰. aipiiūxδa. aipiṣ̌ūta. srāuuaiiamna.
Verse: f       dasa. paiti. aniiē.6 ratauuō.7::

Paragraph: 6 
Verse: a    yasca. mē. aētahmi. aŋhuuō.1 yat̰. astuuaiṇti.2 spitama. zaraϑuštra.
Verse: b       baγąm. ahunahe. vairiiehe. marāt̰.3
Verse: c    frā.vā.4 marō.5 drəṇjaiiāt̰.6
Verse: d    frā.vā.7 drəṇjaiiō.8 srāuuaiiāt̰.
Verse: e    frā.vā.7 srāuuaiiō.9 yazāite.10
Verse: f       ϑrīšcit̰.11 tarō. pərətūmcit̰.12 hē. uruuānəm.
Verse: g          vahištəm. ahūm. frapāraiieni.13
Verse: h          azəm. yō. ahurō. mazdā̊.14
Verse: i             ā. vahištāt̰.15 aŋhaot̰.
Verse: j             ā. vahištāt̰.15 aṣ̌āt̰.
Verse: k             ā. vahištaēibiiō.15 raocə̄biiō.16::

Paragraph: 7 
Verse: a    yasca. mē. aētahmi. aŋhuuō.1 yat̰. astuuaiṇti.2 spitama. zaraϑuštra.
Verse: b       baγąm. ahunahe. vairiiehe. drəṇjaiiō.3 aparaoδaiiete.4
Verse: c          yat̰. vā. naēməm.
Verse: d          yat̰. vā. ϑriṣ̌um.5
Verse: e          yat̰. vā. caϑruṣ̌um.6
Verse: f          yat̰. vā. paŋtaŋhum.7
Verse: g       pairi.dim.8 tanauua.9 azəm. yō. ahurō. mazdā̊. uruuānəm.
Verse: h             haca. vahištāt̰. aŋhaot̰::
Verse: i    auuauuaitiia. bązasca. fraϑasca. pairi.tanuiia.10
Verse: j       yaϑa. īm.11 zā̊::
Verse: k    astica. īm.11 zā̊.
Verse: l       auuaiti.12 bązō.
Verse: m       yauuaiti.13 fraϑascit̰.14::

Paragraph: 8 
Verse: a    fraca. aētat̰. vacō. vaoce.1
Verse: b       yat̰. ahumat̰.
Verse: c       yat̰. ratumat̰.
Verse: d          para. auuaiŋ́he.2 aṣ̌nō.3 dā̊ŋhōit̰.4
Verse: e          para. āpō.
Verse: f          para. zəmō.
Verse: g          para. uruuaraiiā̊.
Verse: h          para. gə̄uš. caϑβarə.paitištānaiiā̊.5 dā̊ŋhōit̰.4
Verse: i          para. narš. aṣ̌aonō. bipaitištānahe. ząϑāt̰.6
Verse: j          para. auuaiŋ́he.2 hū. ϑβarštō.7 kəhrpiia.8
Verse: k          ape.9 aməṣ̌anąm. spəṇtanąm. dāhīm.10::

Paragraph: 9 
Verse: a    frā. mē.1 spaniiā̊.2 maniuuā̊.3 vauuaca.4
Verse: b       vīspąm. aṣ̌aonō. stīm.
Verse: c       haitīmca.5 bauuaiṇtīmca.6 būš́iieiṇtīmca.7
Verse: d          š́iiaoϑnō.tāitiia::8
Verse: e    š́iiaoϑənanąm.9 aŋhə̄uš. mazdāi.10::

Paragraph: 10 
Verse: a    aētat̰ca. aēṣ̌ąm. uxδanąm. uxδōtəməm.
Verse: b       yāiš.1 yauua. fraca. vaoce.1
Verse: c          fraca. mruiiē.2
Verse: d          fraca. vaxṣ̌iiete::3
Verse: e    asti. zī.4 ana. auuauuat̰. uxδata.
Verse: f       yaϑa. yat̰. dit̰.5 vīspō. aŋhuš.6 astuuā̊. āsaxṣ̌at̰.
Verse: g    saxṣ̌ąs.7 dadrānō.8 nī. pairi.9 iriϑiiąstātat̰.10 haraite.11::

Paragraph: 11 
Verse: a    aētat̰ca. nō. vacō. frāuuaoce.1
Verse: b       saxṣ̌aēmca.2 hiṣ̌māirīmca.3
Verse: c          yaϑna.4 kahmāicit̰.5 hātąm.
Verse: d             aṣ̌āt̰. haca.6 yat̰. vahištāt̰.::

Paragraph: 12 
Verse: a    yaϑa. frā. iδa.1 āmraot̰.
Verse: b          yat̰. dim.2 ahūmca. ratūmca.3 ādadat̰::4
Verse: c    iϑa.5 dim.2 para.cinasti. yim. ahurəm. mazdąm.
Verse: d       manas.paoiriiaēibiiō. dāmabiiō::
Verse: e    yaϑa. īm.6 vīspanąm. mazištəm. cinasti.
Verse: f    aϑa.7 ahmāi. dāmąn.8 cinasti.::

Paragraph: 13 
Verse: a    yaϑa. mazdā̊.1 hujītīš.2 vaŋhə̄uš.3
Verse: b       iδa.4 ϑritīm. t̰kaēṣ̌əm.5 ādrəṇjaiieiti.6
Verse: c    dazda.7 manaŋhō.
Verse: d       para. īm.8 iδa.9 manaŋhe.10 cinasti.
Verse: e          yaϑa. fradaxṣ̌tārəm. manaŋhe::11
Verse: f    manaŋhō.
Verse: g       aētauuaitiia.12 īm. kāraiieiti::13
Verse: h    š́iiaoϑənanąm.14
Verse: i       iδa. ahūm. kāraiieiti.13::

Paragraph: 14 
Verse: a    yat̰. dim.1 dāmabiiō. cinasti. mazda.2
Verse: b       iϑa. təm.3 yat̰. ahmāi. dāmąn::4
Verse: c    xṣ̌aϑrəm. ahurāi. cinasti::
Verse: d    tat̰. mazda. tauua. xṣ̌aϑrəm::5
Verse: e    drigubiiō.6 vāstārəm. cinasti::
Verse: f       yaϑa. uruuaϑəm. spitamāi::7
Verse: g    paṇca. t̰kaēṣ̌a::8
Verse: h       vīspəm. vacō. frauuākəm.
Verse: i       haurum.9 vacō. ahurahe. mazdā̊.::

Paragraph: 15 
Verse: a    vahištō. ahurō. mazdā̊. ahunəm. vairīm. frāmraot̰.
Verse: b    vahištō. hāmō.1 kāraiiat̰::
Verse: c    hiϑβat̰.2 akō. abauuat̰.3
Verse: d    aṇtarəca.4 druuaṇtəm.5 āmrūta.6 aiia. aṇtarə.uxti::7
Verse: e    8nōit̰. nā. manā̊.9 nōit̰. saŋha.10   nōit̰.11 xratauuō. naēδa.12 varəna.13
Verse: f    nōit̰. uxδa.14 naēδa.15 š́iiaoϑna.16   nōit̰. daēnā̊. nōit̰. uruuąnō.17 haciṇte.18::

Paragraph: 16 
Verse: a    aētat̰ca. vacō. mazdaoxtəm.1
Verse: b       ϑri.afsməm.2 caϑru.pištrəm.3
Verse: c       paṇca.ratu.4 rāiti. haṇkərəϑəm::5
Verse: d    kāiš.6 hē. afsmąn::7
Verse: e       humatəm. hūxtəm. huuarštəm.8::

Paragraph: 17 
Verse: a    kāiš. pištrāiš::
Verse: b       āϑrauua. raϑaēštā̊. vāstriiō. fṣ̌uiiąs. hūitiš.1
Verse: c       vīspaiia.2 irina.3 hacimna.4 naire.5 aṣ̌aone.6
Verse: d          aršmanaŋha.7 aršuuacaŋha.7 aršš́iiaoϑna::8
Verse: e       ratuš. mərəta.9 daēnō.sāca.
Verse: f    10yeŋ́he. š́iiaoϑnāiš.11   gaēϑā̊. aṣ̌a. frādəṇte.12::

Paragraph: 18 
Verse: a    kaiia.1 ratauuō::
Verse: b       nmāniiō. vīsiiō.2 zaṇtumō. dāx́iiumō.3 zaraϑuštrō. puxδō.
Verse: c          ā̊ŋhąm. dax́iiunąm. yā̊. aniiā̊.4 rajōit̰.5 zaraϑuštrōit̰::
Verse: d    caϑru.ratuš.6 raγa. zaraϑuštriš::
Verse: e    kaiia.7 aiŋ́hā̊.8 ratauuō::
Verse: f       nmāniiasca. vīsiiasca. zaṇtumasca.9 zaraϑuštrō. tūiriiō.::

Paragraph: 19 
Verse: a    kat̰. humatəm::
Verse: b       aṣ̌auuanəm. manaspaoiriiō::1
Verse: c    kat̰. hūxtəm::
Verse: d       mąϑrō. spəṇtō::
Verse: e    kat̰. huuarštəm::2
Verse: f       staotāiš.3 aṣ̌a.paoiriiāišca.4 dāmə̄bīš.5::

Paragraph: 20 
Verse: a    1mazdā̊. frāmraot̰::2
Verse: b    cīm.3 frāmraot̰::2
Verse: c       aṣ̌auuanəm. mainiiaomca.4 gaēϑīmca::
Verse: d    cuuąs.5 frāmraot̰. frauuākəm::
Verse: e       vahištō. xṣ̌aiiamnō::6
Verse: f    cuuaṇtəm::7
Verse: g       aṣ̌auuanəm. vahištəmca. auuasō.xṣ̌aϑrəmca.::

Paragraph: 21 
Verse: a    baγąm. ahunahe. vairiiehe. yazamaide::
Verse: b    ahunahe. vairiiehe. yazamaide.
Verse: c       frasraoϑrəmca.   framarəϑrəmca.1
Verse: d       fragāϑrəmca.   frāiiaštīmca::2


Verse: Q1a    yeŋ́hē. hātąm.   āat̰. yesnē. paitī.3 vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.