TITUS
Avestan Corpus
Part No. 21
Previous part

Chapter: 20 
Paragraph: 1 
Verse: a    frāmraot̰. ahurō. mazdā̊::
Verse: b       aṣ̌əm. vohū. vahištəm. astī::1
Verse: c    para. ahmāi. vohū. vahištəm. cinasti.2
Verse: d       yaϑa. xvaētauue.3 xvaētātəm.
Verse: e    vohu.4 vahištəm. asti.5
Verse: f       aϑa.6 t̰kaēṣ̌əm. kāraiieiti::7

Paragraph: 2 
Verse: a    uštā.1 astī.2 uštā.1 ahmāi::
Verse: b       uštatāitiia.3 vīspəm. aṣ̌auuanəm.4 vīspāi. aṣ̌aone. para.cinasti.5
Verse: c    yaϑa. nā.6 stāitiia.7 vīspəm. aṣ̌auuanəm.4 vīspāi. aṣ̌aone. para.cinasti.8::

Paragraph: 3 
Verse: a    yat̰.1 aṣ̌āi. vahištāi. aṣ̌əm. para.cinasti::2
Verse: b       vīspəm. mąϑrəm. vīspəm. mąϑrāi::3
Verse: c    yaϑa. aṣ̌āi. xṣ̌aϑrəm. cinasti.
Verse: d    yaϑaca.4 zbaiieṇte.5 aṣ̌aone. aṣ̌əm. cinasti.
Verse: e    yaϑaca.6 xṣ̌māuuōiia.7 aṣ̌əm. cinasti.8
Verse: f       yat̰. saoš́iiaṇtaēbiiō::9
Verse: g    ϑrāiiō. t̰kaēṣ̌a::
Verse: h       vīspəm. vacō. frauuākəm.10
Verse: i       haurum.11 vacō.12 ahurahe. mazdā̊.::

Paragraph: 4 
Verse: a    mazdā̊. frāmraot̰::
Verse: b    cīm.1 frāmraot̰::
Verse: c       aṣ̌auuanəm. mainiiaomca.2 gaēϑīmca::
Verse: d    cuuąs.3 frāmraot̰. frauuākəm::
Verse: e       vahištō. xṣ̌aiiamnō::
Verse: f    cuuaṇtəm::
Verse: g       aṣ̌auuanəm. vahištəmca. auuasō.xṣ̌aϑrəmca.4::

Paragraph: 5 
Verse: a    baγəm. aṣ̌ahe. vahištahe. yazamaide::
Verse: b    aṣ̌ahe. vahištahe.1 yazamaide.
Verse: c       frasraoϑrəmca. framarəϑrəmca.2
Verse: d       fragāϑrəmca. frāiiaštīmca.::


Verse: Q1a    yeŋ́hē. hātąm.   āat̰. yesnē. paitī.3 vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.