TITUS
Avestan Corpus
Part No. 22
Previous part

Chapter: 21 
Paragraph: 1 
Verse: a    yesnīm.1 vacō. aṣ̌aonō. zaraϑuštrahe::
Verse: b    yeŋ́hē.2 hātąm. āat̰. yesnē.3 paitī::4
Verse: c    yeŋ́he.5 iδa. mazdā̊.6 yasnəm.7 cinasti.8
Verse: d       yaϑa. dāta. ahurahe.9
Verse: e    hātąm. yasnəm.10 cinasti.

Paragraph: 2 
Verse: a    yaϑa. haδbīš.1 jījiṣ̌ąm. yā̊ŋhąm.
Verse: b    iδa. aṣ̌aoninąm.2 ārmaiti.paoiriianąm.3 yasnəm.4 para.cinasti.
Verse: c    yaϑa. vahməm. aməṣ̌aēibiiō::
Verse: d    ϑrāiiō. t̰kaēṣ̌a::
Verse: e       vīspəm. vacō. yesnīm::5
Verse: f    cīm.6 aoi.7 yasnō::8
Verse: g       aməṣ̌ə̄.9 spəṇtə̄.10 paiti. yasnahe.11::

Paragraph: 3 
Verse: a    āat̰. mraot̰.1 mazdā̊::
Verse: b    ušta.2 ahmāi.   yahmāi. ušta.2 kahmāicit̰.3
Verse: c    vasa.xṣ̌aiiąs.4   mazdā̊. dāiiāt̰. ahurō.::

Paragraph: 4 
Verse: a    cīm.1 aētaiia. paiti. vaca. paitiiāmraot̰::2
Verse: b    uštatātəm. paitiiāmraot̰.
Verse: c    uštatāitiiaca. vīspəm. aṣ̌auuanəm.
Verse: d       həṇtəmca.3 bauuaṇtəmca.4 būš́iiaṇtəmca::5
Verse: e          vahištəm. vahištō. paitiiāmraot̰::
Verse: f    vahištō. mazdā̊. paitiiāmraot̰.
Verse: g       vahištəm. aṣ̌auuanəm. vahištāi. aṣ̌aone.::

Paragraph: 5 
Verse: a    baγąm. yeŋ́hē.hātąm.1 hufrāiiaštąm. aṣ̌aonīm. yazamaide.::


Verse: Q1a    yeŋ́hē. hātąm.   āat̰. yesnē. paitī.2 vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.