TITUS
Avestan Corpus
Part No. 23
Previous part

Chapter: 22 
zōt̰. u. rāspī::
Paragraph: 1 
Verse: Q1Aa    aṣ̌əm. vohū. vahištəm. astī.1 (si. bār.)::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Verse: a    barəsmana. paiti.bərəta.2 haδa.zaoϑra.
Verse: b       daϑuṣ̌ō. ahurahe. mazdā̊. raēuuatō. xvarənaŋuhatō.3
Verse: c       aməṣ̌anąm. spəṇtanąm::
Verse: d    4iməm. haoməm. aṣ̌aiia. uzdātəm.5 āiiese. yešti::
Verse: e    imąmcā.6 gąm. jīuuiiąm. aṣ̌aiia. uzdātąm. āiiese. yešti::
Verse: f    imąmcā. uruuarąm. haδānaēpatąm.7 aṣ̌aiia. uzdātąm.8 āiiese. yešti.::

Paragraph: 2 
Verse: a    aiβiiō. vaŋuhibiiō.1 imā̊. zaoϑrā̊.
Verse: b       haomauuaitīš.2 gaomauuaitīš. haδānaēpatauuaitīš.3
Verse: c          aṣ̌aiia. uzdātā̊. āiiese. yešti::
Verse: d    aiβiiō. vaŋuhibiiō.1 apəmca.4 haomiiąm.5 āiiese. yešti.
Verse: e       asmanaca. hāuuana. āiiese. yešti::
Verse: f       aiiaŋhaēnaca. hāuuana. āiiese. yešti.::

Paragraph: 3 
Verse: a    imąmcā. uruuarąm. barəsmanīm.1
Verse: b       jaγmūṣ̌īmca.2 ratufritīm.3
Verse: c       marəϑrəmca. varəzīmca.4 daēnaiiā̊. vaŋhuiiā̊.5 māzdaiiasnōiš.
Verse: d       gāϑanąmca. sraoϑrəm.
Verse: e       jaγmūṣ̌īmca. aṣ̌aonō. aṣ̌ahe. raϑβō. ratufritīm.
Verse: f       imą.6 aēsmąsca. baoiδīmca. āiiese. yešti.
Verse: g    tauua. āϑrō.7 ahurahe. mazdā̊. puϑra.
Verse: h       vīspaca. vohu.8 mazdaδāta. aṣ̌aciϑra.9 āiiese. yešti::

Paragraph: 4 
Verse: a    xṣ̌nūmaine. ahurahe. mazdā̊.
Verse: b       aməṣ̌anąm. spəṇtanąm.
Verse: c       sraoṣ̌ahe. aš́iiehe.1
Verse: d       āϑrō. ahurahe. mazdā̊. raϑβō. bərəzatō.
Verse: e          yō.2 aṣ̌ahe.::

Paragraph: 5 
Verse: a    1āiiese. yešti. asniiaēibiiō. aṣ̌ahe. ratubiiō::
Verse: b       hāuuanə̄e.2 aṣ̌aone. aṣ̌ahe. raϑβe::
Verse: c    āiiese. yešti. sāuuaŋhə̄e.2
Verse: d       vīsiiāica. aṣ̌aone. aṣ̌ahe. raϑβe.
Verse: e    āiiese. yešti. miϑrahe. vouru.gaoiiaotōiš.
Verse: f          hazaŋrō.gaoṣ̌ahe.3 baēuuarə.caṣ̌manō.
Verse: g          aoxtō.nāmanō. yazatahe.
Verse: h       rāmanō. xvāstrahe.::

Paragraph: 6  zōt̰::
Verse: a    āiiese. yešti. rapiϑβināi. aṣ̌aone. aṣ̌ahe. raϑβe::
Verse: b    āiiese. yešti. frādat̰.fṣ̌auue.1 zaṇtumāica. aṣ̌aone. aṣ̌ahe. raϑβe::
Verse: c    āiiese. yešti. aṣ̌ahe. vahištahe.
Verse: d       āϑrasca. ahurahe. mazdā̊.::

Paragraph: 7 
Verse: a    āiiese. yešti. uzaiieirināi.1 aṣ̌aone. aṣ̌ahe. raϑβe::
Verse: b    āiiese. yešti. frādat̰.vīrāi. dāx́iiumāica.2 aṣ̌aone. aṣ̌ahe. raϑβe::
Verse: c    āiiese. yešti. bərəzatō. ahurahe. nafəδrō. apąm.
Verse: d       apasca. mazdaδātaiiā̊.::

Paragraph: 8 
Verse: a    āiiese. yešti. aiβisrūϑrimāi.1 aibigaiiāi.2 aṣ̌aone. aṣ̌ahe. raϑβe::
Verse: b    āiiese. yešti. frādat̰.vīspąm.hujiiātə̄e.3 zaraϑuštrōtəmāica. aṣ̌aone. aṣ̌ahe. raϑβe::
Verse: c    āiiese. yešti. aṣ̌āunąm.4 frauuaṣ̌inąm.
Verse: d       γənąnąmca. vīrō.vąϑβanąm.
Verse: e       yāiriiaiiā̊sca.5 huṣ̌itōiš.
Verse: f       amaheca. hutāštahe. huraoδahe.
Verse: g       vərəϑraγnaheca. ahuraδātahe.
Verse: h       vanaiṇtiiā̊sca.6 uparatātō.::

Paragraph: 9 
Verse: a    āiiese. yešti. uṣ̌ahināi. aṣ̌aone. aṣ̌ahe. raϑβe::
Verse: b    āiiese. yešti. bərəjiiāi. nmāniiāica. aṣ̌aone. aṣ̌ahe. raϑβe::
Verse: c    āiiese. yešti. sraoṣ̌ahe. aš́iiehe. aṣ̌iuuatō.1 vərəϑrājanō. frādat̰.gaēϑahe.
Verse: d       raṣ̌naoš. razištahe.
Verse: e       arštātasca. frādat̰.gaēϑaiiā̊. varədat̰.gaēϑaiiā̊.2::

Paragraph: 10 
Verse: a    āiiese. yešti. māhiiaēibiiō. aṣ̌ahe. ratubiiō::
Verse: b       aṇtarəmā̊ŋhāi. aṣ̌aone. aṣ̌ahe. raϑβe::
Verse: c    āiiese. yešti. pərənō.mā̊ŋhāi. vīṣ̌aptaϑāica. aṣ̌aone. aṣ̌ahe. raϑβe.::

Paragraph: 11 
Verse: a    āiiese. yešti. yāiriiaēibiiō. aṣ̌ahe. ratubiiō::
Verse: b       maiδiiōizarəmaiiāi.1 aṣ̌aone. aṣ̌ahe. raϑβe::
Verse: c    āiiese. yešti. maiδiiōiṣ̌əmāi.2 aṣ̌aone. aṣ̌ahe. raϑβe::
Verse: d    āiiese. yešti. paitišhahiiāi. aṣ̌aone. aṣ̌ahe. raϑβe::
Verse: e    āiiese. yešti. aiiāϑrimāi.3 fraouruuaēštrimāi.4 varṣ̌niharštāica. aṣ̌aone. aṣ̌ahe. raϑβe::
Verse: f    āiiese. yešti. maiδiiāiriiāi. aṣ̌aone. aṣ̌ahe. raϑβe::
Verse: g    āiiese. yešti. hamaspaϑmaēdaiiāi.5 aṣ̌aone. aṣ̌ahe. raϑβe::
Verse: h    āiiese. yešti. sarəδaēibiiō. aṣ̌ahe. ratubiiō.::

Paragraph: 12 
Verse: a    āiiese. yešti. vīspaēibiiō. aēibiiō. ratubiiō.
Verse: b          yōi. həṇti. aṣ̌ahe. ratauuō.
Verse: c       ϑraiiasca.1 ϑrisąsca. nazdišta. pairišhāuuanaiiō.
Verse: d          yōi. həṇti. aṣ̌ahe. yat̰. vahištahe. mazdō.frasāsta. zaraϑuštrō.fraoxta.::

Paragraph: 13 
Verse: a    āiiese. yešti. ahuraēibiia. miϑraēibiia.
Verse: b          bərəzaṇbiia.1 aiϑiiajaŋhaēibiia.2 aṣ̌auuanaēibiia.
Verse: c       stārąmca. spəṇtō.mainiiauuanąm. dāmanąm.
Verse: d       tištriieheca. stārō. raēuuatō. xvarənaŋuhatō.
Verse: e       mā̊ŋhaheca.3 gaociϑrahe.
Verse: f       huuarəca. xṣ̌aētahe. auruuat̰.aspahe. dōiϑrahe. ahurahe. mazdā̊.
Verse: g       miϑrahe. dax́iiunąm. daiŋ́hupatōiš::4
Verse: h    āiiese. yešti.
Verse: i       (rōz.) ahurahe. mazdā̊. raēuuatō. xvarənaŋuhatō::
Verse: j    āiiese. yešti.
Verse: k       (māh.) aṣ̌āunąm.5 frauuaṣ̌inąm.::

Paragraph: 14 
Verse: a    āiiese. yešti. tauua. āϑrō. ahurahe. mazdā̊. puϑra.
Verse: b       mat̰. vīspaēibiiō. ātərəbiiō::
Verse: c    āiiese. yešti. aiβiiō. vaŋuhibiiō.1
Verse: d       vīspanąmca. apąm. mazdaδātanąm.
Verse: e       vīspanąmca. uruuaranąm. mazdaδātanąm.::

Paragraph: 15 
Verse: a    āiiese. yešti. mąϑrahe. spəṇtahe. aṣ̌aonō. vərəziiaŋuhahe.1
Verse: b       dātahe. vīdaēuuahe.
Verse: c       dātahe. zaraϑuštrōiš.
Verse: d       darəγaiiā̊. upaiianaiiā̊.
Verse: e       daēnaiiā̊. vaŋhuiiā̊. māzdaiiasnōiš.::

Paragraph: 16 
Verse: a    āiiese. yešti. garōiš. uṣ̌i.darənahe.1 mazdaδātahe. aṣ̌axvāϑrahe.
Verse: b       vīspaēṣ̌ąmca. gairinąm. aṣ̌axvāϑranąm. pouru.xvāϑranąm. mazdaδātanąm.
Verse: c       kāuuaiieheca. xvarənaŋhō. mazdaδātahe.
Verse: d       axvarətaheca. xvarənaŋhō. mazdaδātahe::
Verse: e    āiiese. yešti. aṣ̌ōiš. vaŋhuiiā̊.
Verse: f       cistōiš. vaŋhuiiā̊.
Verse: g       ərəϑə̄. vaŋhuiiā̊.
Verse: h       rasąstātō. vaŋhuiiā̊.
Verse: i       xvarənaŋhō. sauuaŋhō. mazdaδātahe.::

Paragraph: 17 
Verse: a    āiiese. yešti. dahmaiiā̊. vaŋhuiiā̊. āfritōiš.
Verse: b       dahmaheca. narš. aṣ̌aonō.
Verse: c       uγraheca. taxmahe. dāmōiš. upamanahe. yazatahe.::

Paragraph: 18 
Verse: a    āiiese. yešti. ā̊ŋhąm. asaŋhąmca.
Verse: b       ṣ̌ōiϑranąmca. gaoiiaoitinąmca.
Verse: c       maēϑananąmca. auuō.xvarənanąmca.
Verse: d       apąmca. zəmąmca. uruuaranąmca.
Verse: e       aiŋ́hā̊sca.1 zəmō.
Verse: f       auuaiŋ́heca.2 aṣ̌nō.
Verse: g       vātaheca. aṣ̌aonō.
Verse: h       strąm.3 mā̊ŋhō. hūrō. anaγranąm. raocaŋhąm.
Verse: i       xvaδātanąm. vīspanąmca. spəṇtahe. mainiiə̄uš. dāmanąm.
Verse: j          aṣ̌aonąm. aṣ̌aoninąmca.
Verse: k       aṣ̌ahe. raϑβąm.::

Paragraph: 19 
Verse: a    āiiese. yešti. raϑβō. bərəzatō. yō. aṣ̌ahe::
Verse: b       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: c          yōi. həṇti. aṣ̌ahe. ratauuō::
Verse: d             hāuuanōiš. raϑβō.::

Paragraph: 20  zōt̰. u. rāspī::
Verse: a    1iməm. haoməm. aṣ̌aiia. uzdātəm. āiiese. yešti::
Verse: b    imąmcā. gąm. jīuuiiąm.2 aṣ̌aiia. uzdātąm.3 āiiese. yešti::
Verse: c    imąmcā. uruuarąm. haδānaēpatąm. aṣ̌aiia. uzdātąm. āiiese. yešti.::

Paragraph: 21 
Verse: a    aiβiiō. vaŋuhibiiō.1 imā̊. zaoϑrā̊.
Verse: b       haomauuaitīš.2 gaomauuaitīš.2 haδānaēpatauuaitīš.3
Verse: c          aṣ̌aiia. uzdātā̊. āiiese. yešti::
Verse: d    aiβiiō. vaŋuhibiiō.1 apəmca. haomiiąm. āiiese. yešti::
Verse: e    asmanaca. hāuuana. āiiese. yešti.
Verse: f    aiiaŋhaēnaca. hāuuana. āiiese. yešti.::

Paragraph: 22 
Verse: a    imąmcā. uruuarąm. barəsmanīm.1
Verse: b       jaγmūṣ̌īmca. ratufritīm.2
Verse: c       marəϑrəmca.3 varəzīmca.4
Verse: d       daēnaiiā̊. vaŋhuiiā̊. māzdaiiasnōiš.
Verse: e       gāϑanąmca. sraoϑrəm.5
Verse: f       jaγmūṣ̌īmca. aṣ̌aonō. aṣ̌ahe. raϑβō. ratufritīm.
Verse: g       imą. aēsmąsca. baoiδīmca. āiiese. yešti.
Verse: h    tauua. āϑrō. ahurahe. mazdā̊. puϑra::
Verse: i    vīspaca. vohu.6 mazdaδāta. aṣ̌aciϑra. āiiese. yešti::

Paragraph: 23 
Verse: a    1xṣ̌nūmaine. ahurahe. mazdā̊. raēuuatō. xvarənaŋuhatō.2
Verse: b       aməṣ̌anąm. spəṇtanąm.
Verse: c       miϑrahe. vouru.gaoiiaotōiš.3
Verse: d       rāmanasca. xvāstrahe::

Paragraph: 24 
Verse: a       1huuarəxṣ̌aētahe. aməṣ̌ahe. raēuuahe.2 auruuat̰.aspahe::
Verse: b       vaiiaoš.3 uparō.kairiiehe. taraδātō.4 aniiāiš. dāmąn::
Verse: c    *aētat̰.5 tē. vaiiō. yat̰. tē.6 asti. spəṇtō.mainiiaom::7*
Verse: d       razištaiiā̊.8 cistaiiā̊. mazdaδātaiiā̊. aṣ̌aoniiā̊.
Verse: e       daēnaiiā̊. vaŋhuiiā̊. māzdaiiasnōiš::

Paragraph: 25 
Verse: a       1mąϑrahe. spəṇtahe. aṣ̌aonō. vərəziiaŋuhahe.2
Verse: b       dātahe. vīdaēuuahe.3
Verse: c       dātahe. zaraϑuštrōiš.
Verse: d       darəγaiiā̊. upaiianaiiā̊.4
Verse: e       daēnaiiā̊. vaŋhuiiā̊. māzdaiiasnōiš.
Verse: f       zarazdātōiš. mąϑrahe. spəṇtahe.
Verse: g       *uṣ̌i.darəϑrəm.5 daēnaiiā̊. māzdaiiasnōiš.
Verse: h       vaēδīm.6 mąϑrahe. spəṇtahe::*
Verse: i       āsnahe. xraϑβō. mazdaδātahe. gaoṣ̌ō.srūtahe.7
Verse: j       xraϑβō. mazdaδātahe::

Paragraph: 26 
Verse: a       āϑrō. ahurahe. mazdā̊. *puϑra.
Verse: b    tauua. ātarš. puϑra. ahurahe. mazdā̊.1 mat̰. vīspaēibiiō. ātərəbiiō::2
Verse: c       garōiš. uṣ̌i.darənahe.3 mazdaδātahe. aṣ̌axvāϑrahe::

Paragraph: 27 
Verse: a       vīspaēṣ̌ąm. yazatanąm. aṣ̌aonąm. mainiiauuanąm. gaēϑiianąm::
Verse: b       aṣ̌āunąm.1 frauuaṣ̌inąm. uγranąm. aiβiϑūranąm.
Verse: c       paoiriiō.t̰kaēṣ̌anąm. frauuaṣ̌inąm.
Verse: d       nabānazdištanąm. frauuaṣ̌inąm::
Verse: e       aoxtō.nāmanō. yazatahe.::

Paragraph: 20_R1 
Verse: a    iməm. haoməm. aṣ̌aiia. uzdātəm. āiiese. yešti::
Verse: b    imąmcā. gąm. jīuuiiąm. aṣ̌aiia. uzdātąm. āiiese. yešti::
Verse: c    imąmcā. uruuarąm. haδānaēpatąm. aṣ̌aiia. uzdātąm. āiiese. yešti.::
Paragraph: 21_R1 
Verse: a    aiβiiō. vaŋuhibiiō. imā̊. zaoϑrā̊.
Verse: b       haomauuaitīš. gaomauuaitīš. haδānaēpatauuaitīš.
Verse: c          aṣ̌aiia. uzdātā̊. āiiese. yešti::
Verse: d    aiβiiō. vaŋuhibiiō. apəmca. haomiiąm. āiiese. yešti::
Verse: e    asmanaca. hāuuana. āiiese. yešti.
Verse: f    aiiaŋhaēnaca. hāuuana. āiiese. yešti.::
Paragraph: 22_R1 
Verse: a    imąmcā. uruuarąm. barəsmanīm.
Verse: b       jaγmūṣ̌īmca. ratufritīm.
Verse: c       marəϑrəmca. varəzīmca.
Verse: d       daēnaiiā̊. vaŋhuiiā̊. māzdaiiasnōiš.
Verse: e       gāϑanąmca. sraoϑrəm.
Verse: f       jaγmūṣ̌īmca. aṣ̌aonō. aṣ̌ahe. raϑβō. ratufritīm.
Verse: g       imą. aēsmąsca. baoiδīmca. āiiese. yešti.
Verse: h    tauua. āϑrō. ahurahe. mazdā̊. puϑra::
Verse: i    vīspaca. vohu. mazdaδāta. aṣ̌aciϑra. āiiese. yešti::
Paragraph: 23_R1 
Verse: a    xṣ̌nūmaine. ahurahe. mazdā̊. raēuuatō. xvarənaŋuhatō.
Verse: b       aməṣ̌anąm. spəṇtanąm.
Verse: c       miϑrahe. vouru.gaoiiaotōiš.
Verse: d       rāmanasca. xvāstrahe::
Paragraph: 24_R1 
Verse: a       huuarəxṣ̌aētahe. aməṣ̌ahe. raēuuahe. auruuat̰.aspahe::
Verse: b       vaiiaoš. uparō.kairiiehe. taraδātō. aniiāiš. dāmąn::
Verse: c    *aētat̰. tē. vaiiō. yat̰. tē. asti. spəṇtō.mainiiaom::*
Verse: d       razištaiiā̊. cistaiiā̊. mazdaδātaiiā̊. aṣ̌aoniiā̊.
Verse: e       daēnaiiā̊. vaŋhuiiā̊. māzdaiiasnōiš::
Paragraph: 25_R1 
Verse: a       mąϑrahe. spəṇtahe. aṣ̌aonō. vərəziiaŋuhahe.
Verse: b       dātahe. vīdaēuuahe.
Verse: c       dātahe. zaraϑuštrōiš.
Verse: d       darəγaiiā̊. upaiianaiiā̊.
Verse: e       daēnaiiā̊. vaŋhuiiā̊. māzdaiiasnōiš.
Verse: f       zarazdātōiš. mąϑrahe. spəṇtahe.
Verse: g       *uṣ̌i.darəϑrəm. daēnaiiā̊. māzdaiiasnōiš.
Verse: h       vaēδīm. mąϑrahe. spəṇtahe::*
Verse: i       āsnahe. xraϑβō. mazdaδātahe. gaoṣ̌ō.srūtahe.
Verse: j       xraϑβō. mazdaδātahe::
Paragraph: 26_R1 
Verse: a       āϑrō. ahurahe. mazdā̊. *puϑra.
Verse: b    tauua. ātarš. puϑra. ahurahe. mazdā̊. mat̰. vīspaēibiiō. ātərəbiiō::
Verse: c       garōiš. uṣ̌i.darənahe. mazdaδātahe. aṣ̌axvāϑrahe::
Paragraph: 27_R1 
Verse: a       vīspaēṣ̌ąm. yazatanąm. aṣ̌aonąm. mainiiauuanąm. gaēϑiianąm::
Verse: b       aṣ̌āunąm. frauuaṣ̌inąm. uγranąm. aiβiϑūranąm.
Verse: c       paoiriiō.t̰kaēṣ̌anąm. frauuaṣ̌inąm.
Verse: d       nabānazdištanąm. frauuaṣ̌inąm::
Verse: e       aoxtō.nāmanō. yazatahe. (du. bār.::)::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.