TITUS
Avestan Corpus
Part No. 24
Previous part

Chapter: 23 
Paragraph: 1 
Verse: a    āiiese. yešti.1 (zōt̰::) auuaŋhā̊.2 frauuaṣ̌aiiō.3
Verse: b          yā̊.4 paoiriia.5 ā̊ŋharə.6
Verse: c       nmānanąmca. vīsąmca. zaṇtunąmca.7 dax́iiunąmca::8
Verse: d          9yā̊. asmanəm. vīδāraiiən.10
Verse: e          yā̊. āpəm.11 vīδāraiiən.
Verse: f          yā̊. ząm.11 vīδāraiiən.
Verse: g          yā̊. gąm. vīδāraiiən.
Verse: h          yā̊. barəϑriṣ̌uua.12 puϑre.13 vīδāraiiən.14
Verse: i             paiti.vərəte.15 apara.iriϑəṇtō.16::

Paragraph: 2 
Verse: a    āiiese. yešti. āfrauuaṣ̌i.1
Verse: b       ahurahe. mazdā̊.
Verse: c       aməṣ̌anąm. spəṇtanąm.
Verse: d          mat̰. vīspābiiō.2 aṣ̌aonibiiō. frauuaṣ̌ibiiō.3
Verse: e             yā̊. mainiiauuanąm.4 yazatanąm::
Verse: f    āiiese. yešti. āfrauuaṣ̌i.5
Verse: g       gaiiehe.6 marəϑnō.7
Verse: h       zaraϑuštrahe. spitāmahe.
Verse: i       kauuōiš. vīštāspahe.
Verse: j       isat̰.vāstrahe.8 zaraϑuštrōiš.
Verse: k          mat̰. vīspābiiō.2 aṣ̌aonibiiō. frauuaṣ̌ibiiō.3
Verse: l             yā̊. paoiriianąm. t̰kaēṣ̌anąm.::

Paragraph: 3 
Verse: a    āiiese. yešti. vīspaiia.1 aṣ̌auuane.2 frauuaṣ̌e.3
Verse: b    ke.4 asti.
Verse: c       kuuacit̰.5 aŋ́hā̊.6 zəmō. para.iristi.7
Verse: d    dahma.8 nāirike.9 apərənāiiūke.10 kainike.11 vāstriiāuuarəzi.12 upaṣ̌aēti.13
Verse: e       haca. ahmāt̰. nmānāt̰. iziieiṇti.14
Verse: f          yā̊. paitiṣ̌marəṇti.15
Verse: g          yā̊. aiβināsəṇti.16
Verse: h             vaŋhūš.17 yasnąsca. vahmąsca.::

Paragraph: 4 
Verse: a    1āiiese. yešti. aṣ̌āunąm.2 frauuaṣ̌inąm. uγranąm. aiβiϑūranąm.
Verse: b       paoiriiō.t̰kaēṣ̌anąm. frauuaṣ̌inąm.
Verse: c       nabānazdištanąm. frauuaṣ̌inąm.
Verse: d       hauuahe. urunō.3 frauuaṣ̌ə̄e::
Verse: e    4āiiese. yešti. vīspaēibiiō. aṣ̌ahe. ratubiiō::
Verse: f    āiiese. yešti. vīspaēibiiō. vaŋhuδābiiō.5 yazataēibiiō.
Verse: g       mainiiaoibiiascā.6 gaēϑiiaēibiiascā.7
Verse: h          yōi. həṇti.
Verse: i             yasniiāca.8 vahmiiāca.9
Verse: j             aṣ̌āt̰. haca. yat̰. vahištāt̰.::

Paragraph: 5  {= Y. 3,24-25}
Verse: Q1a    1frauuarāne. mazdaiiasnō. zaraϑuštriš. vīdaēuuō. ahura.t̰kaēṣ̌ō::
Verse: Q1b       hāuuanə̄e. aṣ̌aone. aṣ̌ahe. raϑβe.
Verse: Q1c          yasnāica. vahmāica. xṣ̌naoϑrāica. frasastaiiaēca::
Verse: Q1d       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: Q1e          yasnāica. vahmāica. xṣ̌naoϑrāica. frasastaiiaēca::
Verse: Q1f       raϑβąm. aiiaranąmca. asniianąmca. māhiianąmca. yāiriianąmca. sarəδanąmca.
Verse: Q1g             yasnāica. vahmāica. xṣ̌naoϑrāica. (rāspī::) frasastaiiaēca.::

Verse: Q2a    zōt̰:: yaϑā. ahū. vairiiō. zaotā.
Verse: Q2b       frā.mē. mrūtē::
Verse: Q2c    rāspī:: yaϑā. ahū. vairiiō.
Verse: Q2d       yō. zaotā. frā.mē. mrūtē:: (..)
Verse: Q2e    zōt̰:: aϑā. ratuš. aṣ̌āt̰cīt̰. haca.
Verse: Q2f       frā. aṣ̌auua. vīδuuā̊. mraotū.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.