TITUS
Avestan Corpus
Part No. 25
Previous part

Chapter: 24 
Paragraph: 1  zōt̰. u. rāspī::
Verse: a    ahurāi. mazdāi. haomą.1 āuuaēδaiiamahī::2
Verse: b       zōt̰:: imą.3 haomąsca.
Verse: c       miiazdąsca. zaoϑrā̊sca.4
Verse: d       barəsmaca. aṣ̌aiia. frastarətəm.
Verse: e       gąmca. huδā̊ŋhəm.
Verse: f       imąmcā. gąm. jīuuiiąm.5 aṣ̌aiia. uzdātąm.
Verse: g       imąmcā.6 uruuarąm. haδānaēpatąm.7 aṣ̌aiia. uzdātąm.8::

Paragraph: 2 
Verse: a       aiβiiō.1 vaŋuhibiiō.2 imā̊.3 zaoϑrā̊.
Verse: b          haomauuaitīš.4 gaomauuaitīš. haδānaēpatauuaitīš.5
Verse: c             aṣ̌aiia. uzdātā̊.
Verse: d       aiβiiō. vaŋuhibiiō.2 apəmca. haomiiąm.
Verse: e          asmanaca.6 hāuuana.7
Verse: f          aiiaŋhaēnaca.8 hāuuana::

Paragraph: 3 
Verse: a       imąmcā. uruuarąm. barəsmanīm.1
Verse: b       jaγmūṣ̌īmca. ratufritīm.
Verse: c       marəϑrəmca. varəzīmca.2
Verse: d          daēnaiiā̊. vaŋhuiiā̊.3 māzdaiiasnōiš.
Verse: e       gāϑanąmca. sraoϑrəm.
Verse: f       jaγmūṣ̌īmca. aṣ̌aonō. aṣ̌ahe. raϑβō. ratufritīm.
Verse: g       imą.4 aēsmąsca. baoiδīmca.
Verse: h       tauua. āϑrō. ahurahe. mazdā̊. puϑra.
Verse: i       vīspaca. vohu.5 mazdaδāta. aṣ̌aciϑra.
Verse: j    pairica. dadəmahī.6
Verse: k    āca. vaēδaiiamahī.7
Verse: l    āat̰. dīš. āuuaēδaiiamahī::8

Paragraph: 4 
Verse: a       ahurāica.1 mazdāi. sraoṣ̌āica. aš́iiāi.2
Verse: b       aməṣ̌aēibiiasca.3 spəṇtaēibiiō.
Verse: c       aṣ̌āunąmca.4 frauuaṣ̌ibiiō.
Verse: d       aṣ̌āunąmca.4 uruuōibiiō.5
Verse: e       āϑraēca.6 ahurahe. mazdā̊. raϑβaēca. bərəzaite.7
Verse: f       vīspaiiā̊. sącat̰ca.8 aṣ̌aonō. stōiš.
Verse: g          yasnāica. vahmāica. xṣ̌naoϑrāica. frasastaiiaēca.::

Paragraph: 5 
Verse: a    āat̰. dīš. āuuaēδaiiamahī.1 zaraϑuštrahe. spitāmahe.
Verse: b       aṣ̌aonō. frauuaṣ̌ə̄e.
Verse: c          yasnāica. vahmāica. xṣ̌naoϑrāica. frasastaiiaēca.2
Verse: d       aŋhuiiaoš.3 aṣ̌acinaŋhō.
Verse: e          4mat̰. vīspābiiō.5 aṣ̌aonibiiō. frauuaṣ̌ibiiō.
Verse: f             yā̊. irīriϑuṣ̌ąm.6 aṣ̌aonąm.
Verse: g             yā̊sca. juuaṇtąm.7 aṣ̌aonąm.
Verse: h             yā̊sca. narąm. azātanąm.8 fraṣ̌ō.carəϑrąm.9 saoš́iiaṇtąm.10::

Paragraph: 6 
Verse: a       1imą. haomąsca.
Verse: b       miiazdąsca. zaoϑrā̊sca.
Verse: c       barəsmaca. aṣ̌aiia. frastarətəm.
Verse: d       gąmca. huδā̊ŋhəm.
Verse: e       imąmcā. gąm. jīuuiiąm.2 aṣ̌aiia. uzdātąm.
Verse: f       imąmcā. uruuarąm. haδānaēpatąm. aṣ̌aiia. uzdātąm::

Paragraph: 7 
Verse: a       aiβiiō. vaŋuhibiiō.1 imā̊. zaoϑrā̊.
Verse: b          haomauuaitīš.2 gaomauuaitīš.2 haδānaēpatauuaitīš.
Verse: c             aṣ̌aiia. uzdātā̊.
Verse: d       aiβiiō. vaŋuhibiiō.1
Verse: e          apəmca. haomiiąm.
Verse: f          asmanaca. hāuuana.
Verse: g          aiiaŋhaēnaca. hāuuana::

Paragraph: 8 
Verse: a       imąmcā. uruuarąm. barəsmanīm.
Verse: b       jaγmūṣ̌īmca. ratufritīm.
Verse: c       marəϑrəmca. varəzīmca.1 daēnaiiā̊. vaŋhuiiā̊. māzdaiiasnōiš.
Verse: d       gāϑanąmca. sraoϑrəm.
Verse: e       jaγmūṣ̌īmca. aṣ̌aonō. aṣ̌ahe. raϑβō. ratufritīm.
Verse: f       imą. aēsmąsca. baoiδīmca.
Verse: g       tauua. āϑrō. ahurahe. mazdā̊. puϑra.
Verse: h       vīspaca. vohu.2 mazdaδāta. aṣ̌aciϑra.
Verse: i    pairica. dadəmahī.3
Verse: j    āca. vaēδaiiamahī.4
Verse: k    āat̰. dīš. āuuaēδaiiamahī::5

Paragraph: 9 
Verse: a       1aməṣ̌aēibiiō. spəṇtaēibiiō.
Verse: b       huxṣ̌aϑraēibiiō. huδābiiō.2
Verse: c       yauuaējibiiō. yauuaēsubiiō.
Verse: d          yōi. vaŋhə̄uš. ā.manaŋhō.3 š́iieiṇti.4
Verse: e          yā̊sca. uiti.::

Paragraph: 10 
Verse: a    āat̰. dīš. āuuaēδaiiamahī. frāiiehīš.1
Verse: b       ahe. nmānahe. fradaϑāi.
Verse: c       ahe. nmānahe. pasuuąmca. narąmca. zātanąmca. ząhiiamnanąmca. aṣ̌aonąm.
Verse: d          yeŋ́he.:: aēm. həṇti.

Paragraph: 11 
Verse: a    āat̰. dīš. āuuaēδaiiamahī. aṣ̌āunąm.1 vaŋuhibiiō.2 frauuaṣ̌ibiiō.
Verse: b       yā̊. uγrā̊sca. aiβiϑūrā̊sca. aṣ̌aonąm.3 auuaŋhe.4::

Paragraph: 12 
Verse: a    āat̰. dīš. āuuaēδaiiamahī. daϑuṣ̌ō. ahurahe. mazdā̊. raēuuatō. xvarənaŋuhatō.1
Verse: b       mainiiə̄uš.2 mainiiaoiiehe.
Verse: c       aməṣ̌anąm. spəṇtanąm.
Verse: d          yasnāica. vahmāica. xṣ̌naoϑrāica. frasastaiiaēca.::

Paragraph: 13  {= Y. 4,8}
Verse: a    āat̰. dīš. āuuaēδaiiamahī.
Verse: b       1asniiaēibiiō. aṣ̌ahe. ratubiiō::
Verse: c       hāuuanə̄e. aṣ̌aone. aṣ̌ahe. raϑβe.
Verse: d          yasnāica. vahmāica. xṣ̌naoϑrāica. frasastaiiaēca::
Verse: e    āat̰. dīš. āuuaēδaiiamahī.
Verse: f       sāuuaŋhə̄e. vīsiiāica. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca::
Verse: h    āat̰. dīš. āuuaēδaiiamahī.
Verse: i       miϑrahe. vouru.gaoiiaotōiš.
Verse: j          hazaŋrō.gaoṣ̌ahe. baēuuarə.caṣ̌manō.
Verse: k          aoxtō.nāmanō. yazatahe.
Verse: l       rāmanō. xvāstrahe.
Verse: m          yasnāica. vahmāica. xṣ̌naoϑrāica. frasastaiiaēca.::

Paragraph: 14  {= Y. 4,9}
Verse: a    āat̰. dīš. āuuaēδaiiamahī.
Verse: b       rapiϑβināi. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       frādat̰.fṣ̌auue. zaṇtumāica. aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       aṣ̌ahe. vahištahe.
Verse: i       āϑrasca. ahurahe. mazdā̊.
Verse: j          yasnāica. vahmāica. xṣ̌naoϑrāica. frasastaiiaēca.::

Paragraph: 15  {= Y. 4,10}
Verse: a    āat̰. dīš. āuuaēδaiiamahī.
Verse: b       uzaiieirināi. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       frādat̰.vīrāi. dāx́iiumāica. aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       bərəzatō. ahurahe. nafəδrō. apąm.
Verse: i       apasca. mazdaδātaiiā̊.
Verse: j          yasnāica. vahmāica. xṣ̌naoϑrāica. frasastaiiaēca.::

Paragraph: 16  {= Y. 4,11}
Verse: a    āat̰. dīš. āuuaēδaiiamahī.
Verse: b       aiβisrūϑrimāi. aibigaiiāi. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       frādat̰.vīspąm.hujiiātə̄e. zaraϑuštrōtəmāica. aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       aṣ̌āunąm. frauuaṣ̌inąm.
Verse: i       γənąnąmca. vīrō.vąϑβanąm.
Verse: j       yāiriiaiiā̊sca. huṣ̌itōiš.
Verse: k       amaheca. hutāštahe. huraoδahe.
Verse: l       vərəϑraγnaheca. ahuraδātahe.
Verse: m       vanaiṇtiiā̊sca. uparatātō.
Verse: n          yasnāica. vahmāica. xṣ̌naoϑrāica. frasastaiiaēca.::

Paragraph: 17  {= Y. 4,12}
Verse: a    āat̰. dīš. āuuaēδaiiamahī.
Verse: b       uṣ̌ahināi. aṣ̌aone. aṣ̌ahe. raϑβe.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       bərəjiiāi. nmāniiāica. aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       sraoṣ̌ahe. aš́iiehe. aṣ̌iuuatō. vərəϑrājanō. frādat̰.gaēϑahe.
Verse: i       raṣ̌naoš. razištahe.
Verse: j       arštātasca. frādat̰.gaēϑaiiā̊. varədat̰.gaēϑaiiā̊.
Verse: k          yasnāica. vahmāica. xṣ̌naoϑrāica. frasastaiiaēca.::

Paragraph: 18  {= Y. 4,13}
Verse: a    āat̰. dīš. āuuaēδaiiamahī.
Verse: b       māhiiaēibiiō. aṣ̌ahe. ratubiiō::
Verse: c       aṇtarəmā̊ŋhāi. aṣ̌aone. aṣ̌ahe. raϑβe.
Verse: d          yasnāica. vahmāica. xṣ̌naoϑrāica. frasastaiiaēca::
Verse: e    āat̰. dīš. āuuaēδaiiamahī.
Verse: f       pərənō.mā̊ŋhāi. vīṣ̌aptaϑāica. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca.::

Paragraph: 19  {= Y. 4,14}
Verse: a    āat̰. dīš. āuuaēδaiiamahī.
Verse: b       yāiriiaēibiiō. aṣ̌ahe. ratubiiō::
Verse: c       maiδiiōizarəmaiiāi. aṣ̌aone. aṣ̌ahe. raϑβe.
Verse: d          yasnāica. vahmāica. xṣ̌naoϑrāica. frasastaiiaēca::
Verse: e    āat̰. dīš. āuuaēδaiiamahī.
Verse: f       maiδiiōiṣ̌əmāi. aṣ̌aone. aṣ̌ahe. raϑβe.
Verse: g          yasnāica. vahmāica. xṣ̌naoϑrāica. frasastaiiaēca::
Verse: h    āat̰. dīš. āuuaēδaiiamahī. paitišhahiiāi. aṣ̌aone. aṣ̌ahe. raϑβe.
Verse: i       yasnāica. vahmāica. xṣ̌naoϑrāica. frasastaiiaēca::
Verse: j    āat̰. dīš. āuuaēδaiiamahī.
Verse: k       aiiāϑrimāi. fraouruuaēštrimāi. varṣ̌niharštāica. aṣ̌aone. aṣ̌ahe. raϑβe.
Verse: l          yasnāica. vahmāica. xṣ̌naoϑrāica. frasastaiiaēca::
Verse: m    āat̰. dīš. āuuaēδaiiamahī.
Verse: n       maiδiiāiriiāi. aṣ̌aone. aṣ̌ahe. raϑβe.
Verse: o          yasnāica. vahmāica. xṣ̌naoϑrāica. frasastaiiaēca::
Verse: p    āat̰. dīš. āuuaēδaiiamahī.
Verse: q       hamaspaϑmaēdaiiāi. aṣ̌aone. aṣ̌ahe. raϑβe.
Verse: r          yasnāica. vahmāica. xṣ̌naoϑrāica. frasastaiiaēca::
Verse: s    āat̰. dīš. āuuaēδaiiamahī.
Verse: t       sarəδaēibiiō. aṣ̌ahe. ratubiiō.
Verse: u          yasnāica. vahmāica. xṣ̌naoϑrāica. frasastaiiaēca.::

Paragraph: 20  {= Y. 4,15}
Verse: a    āat̰. dīš. āuuaēδaiiamahī.
Verse: b       vīspaēibiiō. aēibiiō. ratubiiō.
Verse: c          yōi. həṇti. aṣ̌ahe. ratauuō. ϑraiiasca. ϑrisąsca. nazdišta. pairišhāuuanaiiō.
Verse: d          yōi. həṇti. aṣ̌ahe. yat̰. vahištahe. mazdō.frasāsta. zaraϑuštrō.fraoxta.
Verse: e             yasnāica. vahmāica. xṣ̌naoϑrāica. frasastaiiaēca.::

Paragraph: 21  {= Y. 4,16}
Verse: a    āat̰. dīš. āuuaēδaiiamahī.
Verse: b       ahuraēibiia. miϑraēibiia. bərəzaṇbiia. aiϑiiajaŋhaēibiia. aṣ̌auuanaēibiia.
Verse: c       stārąmca. spəṇtō.mainiiauuanąm. dāmanąm.
Verse: d       tištriieheca. stārō. raēuuatō. xvarənaŋuhatō.
Verse: e       mā̊ŋhaheca. gaociϑrahe.
Verse: f       huuarəca. xṣ̌aētahe. auruuat̰.aspahe. dōiϑrahe. ahurahe. mazdā̊.
Verse: g       miϑrahe. dax́iiunąm. daiŋ́hupatōiš.
Verse: h          yasnāica. vahmāica. xṣ̌naoϑrāica. frasastaiiaēca::
Verse: i    āat̰. dīš. āuuaēδaiiamahī.
Verse: j       (rōz.) ahurahe. mazdā̊. raēuuatō. xvarənaŋuhatō.
Verse: k          yasnāica. vahmāica. xṣ̌naoϑrāica. frasastaiiaēca::
Verse: l    āat̰. dīš. āuuaēδaiiamahī.
Verse: m       (māh.) aṣ̌āunąm. frauuaṣ̌inąm.
Verse: n          yasnāica. vahmāica. xṣ̌naoϑrāica. frasastaiiaēca.::

Paragraph: 22  {= Y. 4,17}
Verse: a    āat̰. dīš. āuuaēδaiiamahī.
Verse: b       tauua. āϑrō. ahurahe. mazdā̊. puϑra. mat̰. vīspaēibiiō. ātərəbiiō.
Verse: c          yasnāica. vahmāica. xṣ̌naoϑrāica. frasastaiiaēca::
Verse: d    āat̰. dīš. āuuaēδaiiamahī.
Verse: e       aiβiiō. vaŋuhibiiō.
Verse: f       vīspanąmca. apąm. mazdaδātanąm.
Verse: g       vīspanamca. uruuaranąm. mazdaδātanąm.
Verse: h          yasnāica. vahmāica. xṣ̌naoϑrāica. frasastaiiaēca.::

Paragraph: 23  {= Y. 4,18}
Verse: a    āat̰. dīš. āuuaēδaiiamahī.
Verse: b       mąϑrahe. spəṇtahe. aṣ̌aonō. vərəziiaŋuhahe.
Verse: c       dātahe. vīdaēuuahe.
Verse: d       dātahe. zaraϑuštrōiš.
Verse: e       darəγaiiā̊. upaiianaiiā̊.
Verse: f       daēnaiiā̊. vaŋhuiiā̊. māzdaiiasnōiš.
Verse: g          yasnāica. vahmāica. xṣ̌naoϑrāica. frasastaiiaēca.::

Paragraph: 24  {= Y. 4,19}
Verse: a    āat̰. dīš. āuuaēδaiiamahī.
Verse: b       garōiš. uṣ̌idarənahe. mazdaδātahe. aṣ̌axvāϑrahe.
Verse: c       vīspaēṣ̌ąmca. gairinąm. aṣ̌axvāϑranąm. pouru.xvāϑranąm. mazdaδātanąm.
Verse: d       kāuuaiieheca. xvarənaŋhō. mazdaδātahe.
Verse: e       axvarətaheca. xvarənaŋhō. mazdaδātahe.
Verse: f          yasnāica. vahmāica. xṣ̌naoϑrāica. frasastaiiaēca::
Verse: g    āat̰. dīš. āuuaēδaiiamahī.
Verse: h       aṣ̌ōiš. vaŋhuiiā̊.
Verse: i       cistōiš. vaŋhuiiā̊.
Verse: j       ərəϑə̄. vaŋhuiiā̊.
Verse: k       rasąstātō. vaŋhuiiā̊.
Verse: l       xvarənaŋhō. sauuaŋhō. mazdaδātahe.
Verse: m          yasnāica. vahmāica. xṣ̌naoϑrāica. frasastaiiaēca.::

Paragraph: 25  {= Y. 4,20}
Verse: a    āat̰. dīš. āuuaēδaiiamahī.
Verse: b       dahmaiiā̊. vaŋhuiiā̊. āfritōiš.
Verse: c       dahmaheca. narš. aṣ̌aonō.
Verse: d       uγraheca. taxmahe. dāmōiš. upamanahe. yazatahe.
Verse: e          yasnāica. vahmāica. xṣ̌naoϑrāica. frasastaiiaēca.::

Paragraph: 26  {= Y. 4,21}
Verse: a    āat̰. dīš. āuuaēδaiiamahī.
Verse: b       ā̊ŋhąm. asaŋhąmca. ṣ̌ōiϑranąmca. gaoiiaoitinąmca. maēϑananąmca. auuō.xvarənanąmca.
Verse: c       apąmca. zəmąmca. uruuaranąmca.
Verse: d       aiŋ́hā̊sca. zəmō.
Verse: e       auuaiŋ́heca. aṣ̌nō.
Verse: f       vātaheca. aṣ̌aonō.
Verse: g       strąm. mā̊ŋhō. hūrō. anaγranąm. raocaŋhąm. xvaδātanąm.
Verse: h       vīspanąmca. spəṇtahe. mainiiə̄uš. dāmanąm.
Verse: i          aṣ̌aonąm. aṣ̌aoninąmca.
Verse: j       aṣ̌ahe. raϑβąm.
Verse: k          yasnāica. vahmāica. xṣ̌naoϑrāica. frasastaiiaēca.::

Paragraph: 27  {= Y. 4,22}
Verse: a    āat̰. dīš. āuuaēδaiiamahī.
Verse: b       raϑβō. bərəzatō. yō. aṣ̌ahe::
Verse: c       raϑβąm. aiiaranąmca. asniianąmca.
Verse: d       māhiianąmca. yāiriianąmca. sarəδanąmca.
Verse: e          yōi. həṇti. aṣ̌ahe. ratauuō.
Verse: f       hāuuanōiš. raϑβō.
Verse: g          yasnāica. vahmāica. xṣ̌naoϑrāica. frasastaiiaēca.::

Paragraph: 28  {= Y. 0,8}
Verse: a    āat̰. dīš. āuuaēδaiiamahī.
Verse: b       (zōt̰. u. rāspī::1) ahurahe. mazdā̊. raēuuatō. xvarənaŋuhatō.2
Verse: c       aməṣ̌anąm. spəṇtanąm.3
Verse: d       miϑrahe. vouru.gaoiiaotōiš.
Verse: e       rāmanasca. xvāstrahe::

Paragraph: 29  {= Y. 0,9}
Verse: a       huuarəxṣ̌aētahe. aməṣ̌ahe. raēuuahe. auruuat̰.aspahe::
Verse: b       vaiiaoš. uparō.kairiiehe. taraδātō. aniiāiš. dāmąn::
Verse: c    *aētat̰. tē. vaiiō.
Verse: d          yat̰. tē. asti. spəṇtō.mainiiaom::*
Verse: e       razištaiiā̊. cistaiiā̊. mazdaδātaiiā̊.
Verse: f       aṣ̌aoniiā̊. daēnaiiā̊. vaŋhuiiā̊. māzdaiiasnōiš::

Paragraph: 30  {= Y. 0,10}
Verse: a       mąϑrahe. spəṇtahe. aṣ̌aonō. vərəziiaŋuhahe.
Verse: b       dātahe. vīdaēuuahe.
Verse: c       dātahe. zaraϑuštrōiš.
Verse: d       darəγaiiā̊. upaiianaiiā̊.
Verse: e       daēnaiiā̊. vaŋhuiiā̊. māzdaiiasnōiš.
Verse: f       zarazdātōiš. mąϑrahe. spəṇtahe::
Verse: g    *uṣ̌i.darəϑrəm. daēnaiiā̊. māzdaiiasnōiš.
Verse: h    vaēδīm. mąϑrahe. spəṇtahe::*
Verse: i       āsnahe. xraϑβō. mazdaδātahe.
Verse: j       gaoṣ̌ō.srūtahe. xraϑβō. mazdaδātahe::

Paragraph: 31  {= Y. 0,11}
Verse: a       āϑrō. ahurahe. mazdā̊. puϑrahe.
Verse: b          tauua. ātarš. puϑra. ahurahe. mazdā̊. mat̰. vīspaēibiiō. ātərəbiiō::2
Verse: c       garōiš. uṣ̌i.darənahe. mazdaδātahe. aṣ̌axvāϑrahe::

Paragraph: 32  {= Y. 0,12}
Verse: a       vīspaēṣ̌ąm. yazatanąm. aṣ̌aonąm. mainiiauuanąm. gaēϑiianąm::
Verse: b       aṣ̌āunąm. frauuaṣ̌inąm. uγranąm. aiβiϑūranąm.
Verse: c       paoiriiō.t̰kaēṣ̌anąm. frauuaṣ̌inąm.
Verse: d       nabānazdištanąm. frauuaṣ̌inąm.
Verse: e          xṣ̌naoϑra. yasnāica. vahmāica. xṣ̌naoϑrāica. frasastaiiaēca.::

Paragraph: 33 
Verse: a    1āat̰. dīš. āuuaēδaiiamahī. aṣ̌āunąm.2 frauuaṣ̌inąm. uγranąm. aiβiϑūranąm.
Verse: b       paoiriiō.t̰kaēṣ̌anąm. frauuaṣ̌inąm.
Verse: c       nabānazdištanąm. frauuaṣ̌inąm.
Verse: d       hauuahe. urunō. frauuaṣ̌ə̄e.3
Verse: e          yasnāica. vahmāica. xṣ̌naoϑrāica. frasastaiiaēca.::

Paragraph: 34 
Verse: a    āat̰. dīš. āuuaēδaiiamahī. vīspaēibiiō. aṣ̌ahe. ratubiiō.
Verse: b       yasnāica. vahmāica. xṣ̌naoϑrāica. frasastaiiaēca::
Verse: c    āat̰. dīš. āuuaēδaiiamahī. vīspaēibiiō. vaŋhuδābiiō.1 yazataēibiiō.
Verse: d       mainiiaoibiiascā. gaēϑiiaēibiiascā.
Verse: e          yōi. həṇti.
Verse: f             yasniiāca.2 vahmiiāca.3 aṣ̌āt̰. haca. yat̰. vahištāt̰. ::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.