TITUS
Avestan Corpus
Part No. 26
Previous part

Chapter: 25 
zōt̰. u. rāspī::
Paragraph: 1 
Verse: a    aməṣ̌ā.1 spəṇtā. huxṣ̌aϑrā. huδā̊ŋhō. yazamaide::
Verse: b    iməm. haoməm. aṣ̌aiia. uzdātəm. yazamaide::
Verse: c    imąmcā. gąm. jīuuiiąm.2 aṣ̌aiia. uzdātąm. yazamaide::
Verse: d    imąmcā. uruuarąm. haδānaēpatąm.3 aṣ̌aiia. uzdātąm. yazamaide.::

Paragraph: 2 
Verse: a    aiβiiō. vaŋuhibiiō.1 imā̊. zaoϑrā̊.
Verse: b       haomauuaitīš. gaomauuaitīš. haδānaēpatauuaitīš.
Verse: c          aṣ̌aiia. uzdātā̊. yazamaide::
Verse: d    aiβiiō. vaŋuhibiiō.1 apəmca. haomiiąm. yazamaide::
Verse: e    asmanaca. hāuuana. yazamaide::
Verse: f    aiiaŋhaēnaca.2 hāuuana. yazamaide.::

Paragraph: 3 
Verse: a    imąmcā. uruuarąm. barəsmanīm.1
Verse: b       jaγmūṣ̌īmca. ratufritīm.
Verse: c       marəϑrəmca.2 varəzīmca.3 daēnaiiā̊. vaŋhuiiā̊. māzdaiiasnōiš.
Verse: d       gāϑanąmca. sraoϑrəm.
Verse: e       jaγmūṣ̌īmca. aṣ̌aonō. aṣ̌ahe. raϑβō. ratufritīm.
Verse: f       imą. aēsmąsca. baoiδīmca. yazamaide.
Verse: g    tauua. āϑrō. ahurahe. mazdā̊. puϑra.4
Verse: h       vīspaca. vohu.5 mazdaδāta. aṣ̌aciϑra. yazamaide.::

Paragraph: 4 
Verse: a    ahurəm. mazdąm. raēuuaṇtəm.1 xvarənaŋuhaṇtəm.2 yazamaide::
Verse: b    aməṣ̌ā. spəṇtā.3 huxṣ̌aϑrā. huδā̊ŋhō. yazamaide::
Verse: c    4miϑrəm. vouru.gaoiiaoitīm. yazamaide::
Verse: d    rāma. xvāstrəm.5 yazamaide::
Verse: e    huuarəxṣ̌aētəm. aməṣ̌əm. raēm. auruuat̰.aspəm. yazamaide.::

Paragraph: 5 
Verse: a    1vaēm. aṣ̌auuanəm. yazamaide.
Verse: b    vaēm. uparō.kairīm.2 yazamaide. taraδātəm.3 aniiāiš. dāmąn::
Verse: c    aētat̰. tē.4 vaiiō. yazamaide.
Verse: d       yat̰. tē. asti. spəṇtō.mainiiaom::5
Verse: e    razištąm. cistąm.6 mazdaδātąm. aṣ̌aonīm. yazamaide::
Verse: f    daēnąm. vaŋuhīm.7 māzdaiiasnīm.8 yazamaide.::

Paragraph: 6 
Verse: a    1mąϑrəm. spəṇtəm. ašxvarənaŋhəm.2 yazamaide::
Verse: b    dātəm. vīdōiiūm.3 yazamaide::
Verse: c    dātəm. zaraϑuštri.4 yazamaide::
Verse: d    darəγąm. upaiianąm. yazamaide::
Verse: e    daēnąm. vaŋuhīm.5 māzdaiiasnīm. yazamaide::
Verse: f    zarazdāitīm.6 mąϑrəm. spəṇtəm. yazamaide::
Verse: g    uṣ̌i.darəϑrəm.7 daēnąm. māzdaiiasnīm.8 yazamaide::
Verse: h    vaēδīm.9 mąϑrəm. spəṇtəm. yazamaide::
Verse: i    āsnəm.10 xratūm. mazdaδātəm. yazamaide::
Verse: j    gaoṣ̌ō.srūtəm. xratūm. mazdaδātəm. yazamaide.::

Paragraph: 7 
Verse: a    ātrəm.1 ahurahe. mazdā̊. puϑrəm. yazamaide::
Verse: b    2ϑβąm. ātrəm.3 ahurahe. mazdā̊. puϑrəm. aṣ̌auuanəm. aṣ̌ahe. ratūm. yazamaide::
Verse: c    vīspe.4 ātarō.5 yazamaide::6
Verse: d    gairīm.7 uṣ̌i.darənəm.8 mazdaδātəm. aṣ̌axvāϑrəm.9 yazatəm. yazamaide.

Paragraph: 8 
Verse: a    1vīspəmca. aṣ̌auuanəm. mainiiaom.2 yazatəm. yazamaide::
Verse: b    vīspəmca. aṣ̌auuanəm. gaēϑīm. yazatəm. yazamaide.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.