TITUS
Avestan Corpus
Part No. 27
Previous part

Chapter: 26 
Paragraph: 1 
Verse: a    1aṣ̌āunąm. vaŋuhīš.2 sūrā̊. spəṇtā̊.3 frauuaṣ̌aiiō. (zōt̰::) staomi.4
Verse: b       zbaiiemi.5
Verse: c       ufiiemi::6
Verse: d    yazamaide.7 nmāniiā̊. vīsiiā̊. zaṇtumā̊. dāx́iiumā̊.8 zaraϑuštrōtəmā̊.

Paragraph: 2 
Verse: a    1vīspanąmca. ā̊ŋhąm. paoiriianąm.2 frauuaṣ̌inąm. iδa. yazamaide.
Verse: b       frauuaṣ̌īm.3 auuąm.
Verse: c          yąm. ahurahe. mazdā̊.
Verse: d             mazištąmca.4 vahištąmca. sraēštąmca.
Verse: e             xraoždištąmca. xraϑβištąmca.
Verse: f             hukərəptəmąmca.5 aṣ̌āt̰. apanōtəmąmca.6

Paragraph: 3 
Verse: a    1aṣ̌āunąm. vaŋuhīš.2 sūrā̊. spəṇtā̊. frauuaṣ̌aiiō. yazamaide.
Verse: b       yā̊. aməṣ̌anąm. spəṇtanąm.
Verse: c          xṣ̌aētanąm.3 vərəzi.dōiϑranąm.4
Verse: d          bərəzatąm.5 aiβiiāmanąm.6
Verse: e          taxmanąm.7 āhūiriianąm.8
Verse: f          yōi.9 aiϑiiajaŋhō.10 aṣ̌auuanō.11

Paragraph: 4 
Verse: a       1paoiriianąm. t̰kaēṣ̌anąm.
Verse: b       paoiriianąm. sāsnō.gūṣ̌ąm.2 iδa.
Verse: c       aṣ̌aonąm. aṣ̌aoninąmca.3
Verse: d    ahūmca. daēnąmca. baoδasca.4 uruuānəmca. frauuaṣ̌īmca. yazamaide.
Verse: e          yōi.5 aṣ̌āi. vaonarə::6
Verse: f    gə̄uš. huδā̊ŋhō. uruuanəm. yazamaide.::

Paragraph: 5 
Verse: a    yōi.1 aṣ̌āi. vaonarə.2 gaiiehe. marəϑnō.3 aṣ̌aonō. frauuaṣ̌īm. yazamaide::
Verse: b    zaraϑuštrahe. spitāmahe. iδa. aṣ̌aonō. aṣ̌īmca.4 frauuaṣ̌īmca. yazamaide::
Verse: c    kauuōiš. vīštāspahe. aṣ̌aonō. frauuaṣ̌īm. yazamaide::
Verse: d    isat̰.vāstrahe.5 zaraϑuštrōiš. aṣ̌aonō. frauuaṣ̌īm. yazamaide.::

Paragraph: 6 
Verse: a       1nabānazdištanąm. iδa. aṣ̌aonąm. aṣ̌aoninąmca.
Verse: b    ahūmca. daēnąmca. baoδasca. uruuānəmca. frauuaṣ̌īmca. yazamaide.
Verse: c       yōi.2 aṣ̌āi. vaonarə. mat̰. vīspābiiō.3 aṣ̌aonibiiō. frauuaṣ̌ibiiō.
Verse: d          yā̊. irīriϑuṣ̌ąm.4 aṣ̌aonąm.
Verse: e          yā̊sca. juuaṇtąm.5 aṣ̌aonąm.
Verse: f          yā̊sca. narąm. azātanąm. fraṣ̌ō.carəϑrąm.6 saoš́iiaṇtąm.7

Paragraph: 7 
Verse: a    iδa. iristanąm. uruuąnō.1 yazamaide.
Verse: b       yā̊. aṣ̌aonąm.2 frauuaṣ̌aiiō::
Verse: c    vīspanąm. ahmiia. nmāne. nabānazdištanąm. para.iristanąm.
Verse: d       aēϑrapaitinąm.3 aēϑriianąm.4
Verse: e       narąm. nāirinąm. iδa.
Verse: f       aṣ̌aonąm. aṣ̌aoninąm. frauuaṣ̌aiiō. yazamaide.

Paragraph: 8 
Verse: a    vīspanąm. aēϑrapaitinąm.1 aṣ̌aonąm. frauuaṣ̌aiiō.2 yazamaide::
Verse: b    vīspanąm. aēϑriianąm.3 aṣ̌aonąm. frauuaṣ̌aiiō.2 yazamaide::
Verse: c    vīspanąm. narąm. aṣ̌aonąm.4 frauuaṣ̌aiiō. yazamaide::
Verse: d    vīspanąm. nāirinąm. aṣ̌aoninąm.5 frauuaṣ̌aiiō.2 yazamaide.

Paragraph: 9 
Verse: a    vīspanąm. apərənāiiūkanąm.1 dahmō.kərətanąm. aṣ̌aonąm. frauuaṣ̌aiiō. yazamaide::
Verse: b    ādax́iiunąmca. aṣ̌aonąm. frauuaṣ̌aiiō. yazamaide::
Verse: c    uzdāx́iiunąmca.2 aṣ̌aonąm. frauuaṣ̌aiiō. yazamaide.

Paragraph: 10 
Verse: a    narąmca. aṣ̌aonąm. frauuaṣ̌aiiō. yazamaide::
Verse: b    nāirinąmca.1 aṣ̌aoninąm.2 frauuaṣ̌aiiō. yazamaide::
Verse: c    vīspā̊. aṣ̌āunąm.3 vaŋuhīš.4 sūrā̊. spəṇtā̊. frauuaṣ̌aiiō. yazamaide.
Verse: d       yā̊. haca. gaiiāt̰. marəϑnat̰.5
Verse: e          ā. saoš́iiaṇtāt̰.6 vərəϑraγnat̰.

Paragraph: 11  zōt̰. u. rāspī::
Verse: a    vīspā̊. frauuaṣ̌aiiō. aṣ̌āunąm.2 yazamaide::
Verse: b    iristanąm. uruuanō. yazamaide.
Verse: c       yā̊. aṣ̌aonąm.3 frauuaṣ̌aiiō.::


Verse: Q1a    yeŋ́hē. hātąm.   āat̰. yesnē. paitī.4 vaŋhō.
Verse: Q1b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q1c    tąscā. tā̊scā. yazamaide.::


Verse: Q2a    rāspī:: yaϑā. ahū. vairiiō.
Verse: Q2b       yō. zaotā. frā.mē. mrūtē::
Verse: Q2c    zōt̰:: aϑā. ratuš. aṣ̌āt̰cīt̰. haca.
Verse: Q2d       frā. aṣ̌auua. vīδuuā̊. mraotū.::::



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.