TITUS
Avestan Corpus
Part No. 29
Previous part

Chapter: 28 
Ahiiāsa Hāitiš


Paragraph: 0  zōt̰. u. rāspī::
Verse: a    yānīm. manō.   yānīm. vacō.
Verse: b    yānīm. š́iiaoϑnəm.1 aṣ̌aonō. zaraϑuštrahe::
Verse: c    fərā.2 aməṣ̌ā.3 spəṇtā. gāϑā̊. gə̄uruuāin.4
Verse: d    nəmō. və̄.5 gāϑā̊. aṣ̌aonīš::


Paragraph: 1 
Verse: a    ahiiā. yāsā. nəmaŋhā.   ustānazastō.1 rafəδrahiiā.
Verse: b    maniiə̄uš.2 mazdā.3 pouruuīm.4   spəṇtahiiā. aṣ̌ā. vīspə̄ṇg.5 š́iiaoϑanā.6
Verse: c    vaŋhə̄uš. xratūm.7 manaŋhō.   yā. xṣ̌nəuuīṣ̌ā.8 gə̄ušcā. uruuānəm.9:: (du. bār)::

Paragraph: 1_R1 
Verse: a    ahiiā. yāsā. nəmaŋhā.   ustānazastō. rafəδrahiiā.
Verse: b    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: c    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.::

Paragraph: 2  (zōt̰.)
Verse: a    yə̄. vā̊.1 mazdā.2 ahurā.   pairī.jasāi.3 vohū. manaŋhā.
Verse: b    maibiiō. dāuuōi.4 ahuuā̊.5   astuuatascā. hiiat̰cā.6 manaŋhō.
Verse: c    āiiaptā. aṣ̌āt̰. hacā.6   yāiš. rapaṇtō.7 daidīt̰.8 xvāϑrē.9

Paragraph: 3 
Verse: a    yə̄.1 vā̊.2 aṣ̌ā. ufiiānī.3   manascā. vohū. apaouruuīm.4
Verse: b    mazdąmcā. ahurəm.   yaēibiiō. xṣ̌aϑrəmcā. aγžaonuuamnəm.5
Verse: c    varədaitī.6 ārmaitiš.7   ā.mōi.8 rafəδrāi.9 zauuə̄ṇg.10 jasatā.11

Paragraph: 4 
Verse: a    yə̄.1 uruuānəm.2 mə̄ṇ.3 gairē.4   vohū. dadē.5 haϑrā. manaŋhā.
Verse: b    aṣ̌īšcā.6 š́iiaoϑananąm.7   vīduš. mazdā̊.8 ahurahiiā.
Verse: c    yauuat̰. isāi.9 tauuācā.10   auuat̰.11 xsāi.12 aēṣ̌ē.13 aṣ̌ahiiā.

Paragraph: 5 
Verse: a    aṣ̌ā. kat̰.1 ϑβā. darəsānī.2   manascā. vohū. vaēdəmnō.3
Verse: b    gātūmcā.4 ahurāi.   səuuīštāi.5 səraoṣ̌əm.6 mazdāi.7
Verse: c    anā. mąϑrā.8 mazištəm.   vāurōimaidī.9 xrafstrā.10 hizuuā.

Paragraph: 6 
Verse: a    vohū. gaidī.1 manaŋhā.   dāidī.2 aṣ̌ā.dā̊.3 darəgāiiū.4
Verse: b    ərəṣ̌uuāiš.5 tū. uxδāiš.6 mazdā.7   zaraϑuštrāi. aojōṇghuuat̰.8 rafənō.
Verse: c    ahmaibiiācā.9 ahurā.   yā.10 daibiṣ̌uuatō.11 duuaēṣ̌ā̊.12 tauruuaiiāmā.13

Paragraph: 7 
Verse: a    dāidī. aṣ̌ā. tąm.1 aṣ̌īm.   vaŋhə̄uš.2 āiiaptā. manaŋhō.
Verse: b    dāidī.3 tū.4 ārmaitē.5   vīštāspāi. īṣ̌əm.6 maibiiācā.7
Verse: c    dā̊stū.8 mazdā.9 xṣ̌aiiācā.   yā. və̄.10 mąϑrā.11 srəuuīm. ārādā̊.12

Paragraph: 8 
Verse: a    vahištəm. ϑβā. vahištā.   yə̄m.1 aṣ̌ā. vahištā. hazaoṣ̌əm.
Verse: b    ahurəm.2 yāsā. vāunuš.3   narōi. fəraṣ̌aoštrāi.4 maibiiācā.
Verse: c    yaēibiiascā. īt̰. rā̊ŋhaŋhōi.5   vīspāi. yauuē.6 vaŋhə̄uš. manaŋhō.

Paragraph: 9 
Verse: a    anāiš. vā̊. nōit̰.1 ahurā.   mazdā.2 aṣ̌əmcā. yānāiš. zaranaēmā.
Verse: b    manascā. hiiat̰.3 vahištəm.   yōi.4 və̄. yōiϑəmā.5 dasəmē.6 stūtąm:
Verse: c    yūžə̄m.7 zəuuīštiiā̊ŋhō.8   īṣ̌ō.9 xṣ̌aϑrəmcā. sauuaŋhąm.10

Paragraph: 10 
Verse: a    at̰. yə̄ṇg.1 aṣ̌āat̰cā.2 vōistā.   vaŋhə̄ušcā. dāϑə̄ṇg.3 manaŋhō.
Verse: b    ərəϑβə̄ṇg.4 mazdā.5 ahurā.   aēibiiō. pərənā. āpanāiš. kāməm:6
Verse: c    at̰. və̄. xṣ̌maibiiā.7 asūnā.8   vaēdā.9 xvaraiϑiiā.10 vaiṇtiiā.11 srauuā̊.

Paragraph: 11 
Verse: a    yə̄.1 āiš. aṣ̌əm. nipā̊ŋhē.2   manascā. vohū. yauuaētāitē.3
Verse: b    tuuə̄m.4 mazdā. ahurā.   frō.mā.5 sīṣ̌ā.6 ϑβahmāt̰. vaocaŋhē.7
Verse: c    maniiə̄uš.8 hacā. ϑβā. ə̄əā̊ŋhā.9   yāiš. ā. aŋhuš.10 pouruiiō.11 bauuat̰.::

Paragraph: 12  (zōt̰. u. rāspī::)
Verse: Q1Aa    ahiiā. yāsā. nəmaŋhā.   ustānazastō. rafəδrahiiā.
Verse: Q1Ab    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Ac    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.:: (..)

Verse: Q1Ba    ahiiā. yāsā. nəmaŋhā.   ustānazastō. rafəδrahiiā.
Verse: Q1Bb    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Bc    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.::

Verse: Q2Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm.:: (..)

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.

Verse: a    ahiiāsąm.4 hāitīm. yazamaide.::

Verse: Q4a    5yeŋ́hē. hātąm.   āat̰. yesnē. paitī. vaŋhō.6
Verse: Q4b    mazdā̊. ahurō.7 vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.