TITUS
Avestan Corpus
Part No. 30
Previous part

Chapter: 29 
Xṣ̌māuuiia.gə̄uš.uruua Hāitiš



Paragraph: 1 
Verse: a    xṣ̌maibiiā. gə̄uš. uruuā.1 gərəždā:2   kahmāi. mā.3 ϑβarōždūm.4 kə̄.mā.5 taṣ̌at̰:
Verse: b    ā.mā.6 aēṣ̌əmō.7 hazascā.   rəmō.8 āhiṣ̌āiiā.9 dərəšcā.10 təuuišcā:11
Verse: c    nōit̰. mōi. vāstā.12 xṣ̌mat̰. aniiō.   aϑā. mōi. sąstā.13 vohū. vāstriiā.14

Paragraph: 2 
Verse: a    adā.1 taṣ̌ā.2 gə̄uš. pərəsat̰.   aṣ̌əm: kaϑā. tōi. gauuōi. ratuš.
Verse: b    hiiat̰.3 hīm.4 dātā.5 xṣ̌aiiaṇtō.6   hadā.7 vāstrā. gaodāiiō.8 ϑβaxṣ̌ō:
Verse: c    kə̄m. hōi. uštā. ahurəm.   yə̄. drəguuōdəbīš.9 aēṣ̌əməm.10 vādāiiōit̰.11

Paragraph: 3 
Verse: a    ahmāi. aṣ̌ā.1 nōit̰. sarəjā.   aduuaēṣ̌ō. gauuōi. paitī.mrauuat̰.2
Verse: b    auuaēṣ̌ąm. nōit̰. vīduiiē.3   yā. ṣ̌auuaitē.4 ādrə̄ṇg.5 ərəṣ̌uuā̊ŋhō:
Verse: c    hātąm. huuō. aojištō.   yahmāi. zauuə̄ṇg.6 jimā.7 kərəduṣ̌ā.8

Paragraph: 4 
Verse: a    mazdā̊.1 saxvārə̄.2 mairištō.3   yā.zī.4 vāuuərəzōi.5 pairī.ciϑīt̰.6
Verse: b    daēuuāišcā.7 maš́iiāišcā.8   yācā.7 varəṣ̌aitē.9 aipī.ciϑīt̰:10
Verse: c    huuō. vīcirō.11 ahurō.   aϑā.nə̄.12 aŋhat̰. yaϑā. huuō. vasat̰.

Paragraph: 5 
Verse: a    at̰. vā.1 ustānāiš.2 ahuuā.3   zastāiš. frīnəmnā.4 ahurāi. ā.5
Verse: b    mə̄.6 uruuā. gə̄ušcā. aziiā̊.   hiiat̰.7 mazdąm. duuaidī.8 fərasābiiō.9
Verse: c    nōit̰. ərəžəjiiōi.10 frajiiāitiš.11   nōit̰. fṣ̌uiieṇtē.12 drəguuasū.13 pairī.

Paragraph: 6 
Verse: a    at̰. ə̄.1 vaocat̰.2 ahurō.   mazdā̊. vīduuā̊.3 vafūš.4 viiānaiiā:5
Verse: b    nōit̰. aēuuā. ahū. vistō.6   naēdā.7 ratuš. aṣ̌āt̰cīt̰. hacā:
Verse: c    at̰. zī. ϑβā. fṣ̌uiiaṇtaēcā.8   vāstriiāicā.9 ϑβōrəštā.10 tataṣ̌ā.

Paragraph: 7 
Verse: a    tə̄m.1 āzūtōiš.2 ahurō.   mąϑrəm. taṣ̌at̰. aṣ̌ā. hazaoṣ̌ō.
Verse: b    mazdā̊.3 gauuōi.4 xṣ̌uuīdəmcā.5   huuō. uruṣ̌aēibiiō.6 spəṇtō. sāsnaiiā:7
Verse: c    kastē.8 vohū. manaŋhā.   yə̄.ī.9 dāiiāt̰. ə̄əāuuā.10 marətaēibiiō.

Paragraph: 8 
Verse: a    aēm. mōi.1 idā.2 vistō.3   yə̄.nə̄.4 aēuuō. sāsnā̊.5 gūṣ̌atā.6
Verse: b    zaraϑuštrō. spitāmō:   huuō. nə̄.7 mazdā.8 vaštī.9 aṣ̌āicā.
Verse: c    carəkərəϑrā.10 srāuuaiieŋ́hē.11   hiiat̰. hōi. hudəmə̄m.12 diiāi.13 vaxəδrahiiā.14

Paragraph: 9 
Verse: a    at̰cā. gə̄uš. uruuā. raostā.   yə̄.1 anaēṣ̌əm.2 xṣ̌ąnmə̄nē.3 rādəm.4
Verse: b    vācəm.5 nərəš.6 asūrahiiā.7   yə̄m. ā.8 vasəmī.9 īṣ̌ā.10 xṣ̌aϑrīm:11
Verse: c    kadā.12 yauuā. huuō. aŋhat̰.   yə̄. hōi. dadat̰. zastauuat̰.13 auuō.

Paragraph: 10 
Verse: a    yūžə̄m.1 aēibiiō. ahurā.   aogō.2 dātā. aṣ̌ā.3 xṣ̌aϑrəmcā.4
Verse: b    auuat̰. vohū. manaŋhā.   yā. huṣ̌əitīš.5 rāmąmcā. dāt̰:
Verse: c    azə̄mcīt̰.6 aiiā. mazdā.7   ϑβąm. mə̄ŋ́hī.8 paouruuīm.9 vaēdəm.

Paragraph: 11 
Verse: a    kudā.1 aṣ̌əm. vohucā.2   manō. xṣ̌aϑrəmcā: at̰. mā.3 maṣ̌ā.
Verse: b    yūžə̄m.4 mazdā. frāxṣ̌nənē.5   mazōi. magāi. ā. paitī.zānatā.6
Verse: c    ahurā. nū.nā̊.7 auuarə̄.8   ə̄hmā.9 rātōiš. yūṣ̌māuuatąm.10:

Paragraph: 12  (zōt̰. u. rāspī::)
Verse: Q1Aa    ahiiā. yāsā. nəmaŋhā.   ustānazastō. rafəδrahiiā.
Verse: Q1Ab    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Ac    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.:: (..)

Verse: Q1Ba    ahiiā. yāsā. nəmaŋhā.   ustānazastō. rafəδrahiiā.
Verse: Q1Bb    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Bc    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.::

Verse: Q2Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm.:: (..)

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.

Verse: a    xṣ̌māuuiia.gə̄uš.uruuąm.3 hāitīm. yazamaide.::

Verse: Q4a    yeŋ́hē. hātąm.   āat̰. yesnē. paitī. vaŋhō.
Verse: Q4b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.



At̰.tāuuaxṣ̌iia Haitiš


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.