TITUS
Avestan Corpus
Part No. 31
Previous part

Chapter: 30 

Paragraph: 1 
Verse: a    at̰. tā. vaxṣ̌iiā. iṣ̌əṇtō.1   yā.2 mazdāϑā.3 hiiat̰cīt̰.4 vīduṣ̌ē.5
Verse: b    staotācā. ahurāi.6   yesniiācā.7 vaŋhə̄uš. manaŋhō.
Verse: c    humązdrā.8 aṣ̌ā.9 yecā.10   yā. raocə̄bīš.11 darəsatā.12 uruuāzā.

Paragraph: 2 
Verse: a    sraotā. gə̄uṣ̌āiš.1 vahištā.2   auuaēnatā.3 sūcā. manaŋhā.
Verse: b    āuuarənā̊.4 vīciϑahiiā.5   narə̄m.6 narəm. xvax́iiāi. tanuiiē.
Verse: c    parā. mazə̄.7 yā̊ŋhō.   ahmāi. nə̄. sazdiiāi.8 baodaṇtō.9 paitī.10

Paragraph: 3 
Verse: a    at̰. tā. mainiiū. pouruiiē.1   yā. yə̄mā.2 xvafənā.3 asruuātəm.
Verse: b    manahicā.4 vacahicā.5   š́iiaoϑanōi.6 hī.7 vahiiō. akəmcā.8
Verse: c    ā̊scā.9 hudā̊ŋhō.10   ərəš. vīš́iiātā.11 nōit̰. duždā̊ŋhō.

Paragraph: 4 
Verse: a    atcā. hiiat̰. tā. hə̄m.1 mainiiū.   jasaētəm.2 paouruuīm. dazdē.3
Verse: b    gaēmcā.4 ajiiāitīmcā.   yaϑācā. aŋhat̰. apə̄məm.5 aŋhuš.6
Verse: c    acištō. drəguuatąm.7   at̰. aṣ̌āunē.8 vahištəm. manō.

Paragraph: 5 
Verse: a    aiiā̊. maniuuā̊.1 varatā.2   yə̄. drəguuā̊.3 acištā.4 vərəziiō.5
Verse: b    aṣ̌əm. mainiiuš.6 spə̄ništō.   yə̄.7 xraoždištə̄ṇg.8 asə̄nō.9 vastē.10
Verse: c    yaēcā.11 xṣ̌naoṣ̌ən. ahurəm.   haiϑiiāiš. š́iiaoϑanāiš.12 fraorət̰.13 mazdąm.

Paragraph: 6 
Verse: a    aiiā̊. nōit̰. ərəš. vīš́iiātā.1   daēuuācinā.2 hiiat̰.3 īš.4 ā.dəbaomā.5
Verse: b    pərəsmanə̄ṇg.6 upā.jasat̰.7   hiiat̰.8 vərənātā.9 acištəm. manō:
Verse: c    at̰. aēṣ̌əməm.10 hə̄ṇduuārəṇtā.11   yā. bąnaiiən.12 ahūm.13 marətānō.14

Paragraph: 7 
Verse: a    ahmāicā.1 xṣ̌aϑrā.2 jasat̰.   manaŋhā. vohū. aṣ̌ācā.3
Verse: b    at̰. kəhrpə̄m.4 utaiiūitīš.5   dadāt̰. ārmaitiš. ąnmā.6
Verse: c    aēṣ̌ąm. tōi. ā.7 aŋhat̰.   yaϑā.8 aiiaŋhā. ādānāiš. pouruiiō.9

Paragraph: 8 
Verse: a    at̰cā. yadā.1 aēṣ̌ąm.   kaēnā. jamaitī.2 aēnaŋhąm.
Verse: b    at̰. mazdā. taibiiō.3 xṣ̌aϑrəm.   vohū. manaŋhā. vōiuuīdāitī.4
Verse: c    aēibiiō. sastē.5 ahurā.6   yōi. aṣ̌āi.7 dadən. zastaiiō. drujəm.8

Paragraph: 9 
Verse: a    at̰cā. tōi. vaēm. x́iiāmā.   yōi. īm. fəraṣ̌ə̄m.1 kərənāun.2 ahūm:
Verse: b    mazdā̊scā. ahurā̊ŋhō.   ā.mōiiastrā.3 baranā.4 aṣ̌ācā.5
Verse: c    hiiat̰.6 haϑrā.7 manā̊. bauuat̰.8   yaϑrā. cistiš.9 aŋhat̰. maēϑā.

Paragraph: 10 
Verse: a    adā.zī.1 auuā.2 drūjō.3 auuō.4   bauuaitī.5 skəṇdō.6 spaiiaϑrahiiā.
Verse: b    at̰. asištā.7 yaojaṇtē.8   ā.huṣ̌itōiš.9 vaŋhə̄uš. manaŋhō.
Verse: c    mazdā̊.10 aṣ̌ax́iiācā.11   yōi. zazəṇtī.12 vaŋhāu.13 srauuahī.14

Paragraph: 11 
Verse: a    hiiat̰.1 tā. uruuātā. saṣ̌aϑā.   yā. mazdā̊. dadāt̰. maš́iiā̊ŋhō.2
Verse: b    xvīticā.3 ə̄nəitī.4   hiiat̰cā.5 darəgə̄m.6 drəguuōdəbiiō.7 raṣ̌ō.8
Verse: c    sauuacā.9 aṣ̌auuabiiō.   at̰. aipī.10 tāiš. aŋhaitī.11 uštā.::

Paragraph: 12  (..)
Verse: Q1Aa    ahiiā. yāsā. nəmaŋhā.   ustānazastō. rafəδrahiiā.
Verse: Q1Ab    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Ac    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.:: (..)

Verse: Q1Ba    ahiiā. yāsā. nəmaŋhā.   ustānazastō. rafəδrahiiā.
Verse: Q1Bb    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Bc    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.::

Verse: Q2Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm.:: (..)

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.

Verse: a    at̰.tāuuaxṣ̌iiąm.4 hāitīm.5 yazamaide.::

Verse: Q4a    yeŋ́hē. hātąm.   āat̰. yesnē. paitī. vaŋhō.
Verse: Q4b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.