TITUS
Avestan Corpus
Part No. 32
Previous part

Chapter: 31 
Tā.və̄.uruuāta Hāitiš



Paragraph: 1 
Verse: a    1tā. və̄. uruuātā. marəṇtō.   aguštā.2 vacā̊. sə̄ṇghāmahī.3
Verse: b    aēibiiō.4 yōi. uruuātāiš. drūjō.5   aṣ̌ahiiā. gaēϑā̊. vīmərəṇcaitē.6
Verse: c    at̰cīt̰.7 aēibiiō. vahištā.   yōi. zarazdā̊.8 aŋhən. mazdāi.9

Paragraph: 2 
Verse: a    yezī.1 āiš. nōit̰. uruuānē.2   aduuā̊.3 aibī.dərəštā.4 vax́iiā̊.
Verse: b    at̰. vā̊.5 vīspə̄ṇg.6 āiiōi.7   yaϑā.8 ratūm. ahurō. vaēdā.
Verse: c    mazdā̊. aiiā̊. ąsaiiā̊.9   yā.10 aṣ̌āt̰. hacā. juuāmahī.11

Paragraph: 3 
Verse: a    yąm. dā̊. mainiiū. āϑrācā.   aṣ̌ācā.1 cōiš. rānōibiiā.2 xṣ̌nūtəm.
Verse: b    hiiat̰.3 uruuatəm.4 cazdōṇŋhuuadəbiiō.5   tat̰. nə̄.6 mazdā.7 vīduuanōi.8 vaocā.
Verse: c    hizuuā.9 ϑβahiiā. ā̊ŋhō.10   yā. juuaṇtō.11 vīspə̄ṇg.12 vāuraiiā.13

Paragraph: 4 
Verse: a    yadā.1 aṣ̌əm.2 zəuuīm.3   aŋhən. mazdā̊scā. ahurā̊ŋhō.
Verse: b    aṣ̌icā.4 ārmaitī.   vahištā. iṣ̌asā.5 manaŋhā.
Verse: c    maibiiō.6 xṣ̌aϑrəm. aojōṇghuuat̰.7   yehiiā. vərədā.8 vanaēmā. drujəm.9

Paragraph: 5 
Verse: a    tat̰. mōi. vīcidiiāi.1 vaocā.   hiiat̰.2 mōi. aṣ̌ā. dātā.3 vahiiō.
Verse: b    vīduiiē.4 vohū. manaŋhā.   mə̄ṇcā.5 daidiiāi.6 yehiiā.mā.7 ərəṣ̌iš.8
Verse: c    tācīt̰.8 mazdā.10 ahurā.   yā. nōit̰.11 vā. aŋhat̰. aŋhaitī.12 vā.

Paragraph: 6 
Verse: a    ahmāi.1 aŋhat̰. vahištəm.   yə̄.2 mōi. vīduuā̊.3 vaocāt̰.4 haiϑīm.
Verse: b    mąϑrəm. yim.5 hauruuatātō.6   aṣ̌ahiiā.7 amərətātascā:
Verse: c    mazdāi.8 auuat̰. xṣ̌aϑrəm.   hiiat̰.9 hōi. vohū. vaxṣ̌at̰. manaŋhā.

Paragraph: 7 
Verse: a    yastā. maṇtā.1 pouruiiō.2   raocə̄bīš. rōiϑβən.3 xvāϑrā.
Verse: b    huuō. xraϑβā. dąmiš.4 aṣ̌əm.   yā. dāraiiat̰. vahištəm. manō:
Verse: c    tā. mazdā.5 mainiiū. uxṣ̌iiō.6   yə̄. ā. nūrə̄mcīt̰.7 ahurā. hāmō.8

Paragraph: 8 
Verse: a    at̰.1 ϑβā. mə̄ṇghī.2 pouruuīm.3   mazdā.4 yezīm.5 stōi. manaŋhā.
Verse: b    vaŋhə̄uš. patarə̄m.6 manaŋhō.   hiiat̰. ϑβā. hə̄m.7 caṣ̌mainī.8 hə̄ṇgrabəm.9
Verse: c    haiϑīm. aṣ̌ahiiā. dąmīm.10   aŋhə̄uš. ahurəm. š́iiaoϑanaēṣ̌ū.11

Paragraph: 9 
Verse: a    ϑβōi. as.1 ārmaitīš.2   ϑβə̄.3 ā. gə̄uš.4 taṣ̌ā. as.5 xratūš.6
Verse: b    maniiə̄uš.7 mazdā.8 ahurā.   hiiat̰. ax́iiāi.9 dadā̊. paϑąm.10
Verse: c    vāstriiāt̰.11 vā. āitē.12   yə̄. vā. nōit̰. aŋhat̰. vāstriiō.

Paragraph: 10 
Verse: a    at̰. hī.1 aiiā̊.2 frauuarətā.3   vāstrīm.4 ax́iiāi. fṣ̌uiiaṇtəm.
Verse: b    ahurəm. aṣ̌auuanəm.   vaŋhə̄uš. fṣ̌ə̄ṇghīm.5 manaŋhō:
Verse: c    nōit̰. mazdā.6 auuāstriiō.   dauuąscinā.7 humərətōiš.8 baxštā.

Paragraph: 11 
Verse: a    hiiat̰. nə̄.1 mazdā.2 paouruuīm.3   gaēϑā̊scā. taṣ̌ō. daēnā̊scā.
Verse: b    ϑβā. manaŋhā. xratūšcā.4   hiiat̰.5 astuuaṇtəm. dadā̊. uštanəm.6
Verse: c    hiiat̰.7 š́iiaoϑanācā.8 sə̄ṇghąscā.9   yaϑrā. varənə̄ṇg.10 vasā̊. dāiietē:11

Paragraph: 12 
Verse: a    aϑrā. vācəm.1 baraitī.2   miϑahuuacā̊.3 vā. ərəšuuacā̊.4 vā.
Verse: b    vīduuā̊. vā. əuuīduuā̊.5 vā.   ahiiā. zərədācā.6 manaŋhācā:
Verse: c    ānuš.haxš. ārmaitīš.7   mainiiū. pərəsāitē.8 yaϑrā. maēϑā.

Paragraph: 13 
Verse: a    yā. frasā. āuuīš́iiā.1   yā.2 vā. mazdā.3 pərəsāitē.4 taiiā.5
Verse: b    yə̄.6 vā. kasə̄uš. aēnaŋhō.   ā. mazištąm.7 aiiamaitē. būjəm.8
Verse: c    tā. caṣ̌mə̄ṇg.9 ϑβisrā.10 hārō.   aibī. aṣ̌ā.11 aibī. vaēnahī.12 vīspā.

Paragraph: 14 
Verse: a    tā.ϑβā.1 pərəsā. ahurā.   yā.zī.2 āitī.3 jə̄ṇghaticā.4
Verse: b    yā̊.5 iṣ̌udō. dadəṇtē.6   dāϑranąm. hacā. aṣ̌āunō.7
Verse: c    yā̊scā.8 mazdā. drəguuōdəbiiō.9   yaϑā. tā̊. aŋhən. hə̄ṇkərətā.10 hiiat̰.

Paragraph: 15 
Verse: a    pərəsā. auuat̰.1 yā.2 mainiš.3   yə̄.4 drəguuāitē.5 xṣ̌aϑrəm. hunāitī.
Verse: b    duš.š́iiaoϑanāi.6 ahurā.   yə̄. nōit̰. jiiōtūm.7 hanarə.8 vīnastī.
Verse: c    vāstriiehiiā. aēnaŋhō.9   pasə̄uš. vīrāat̰cā.10 adrujiiaṇtō.11

Paragraph: 16 
Verse: a    pərəsā. auuat̰. yaϑā. huuō.   yə̄.1 hudānuš.2 dəmanahiiā.3 xṣ̌aϑrəm.
Verse: b    ṣ̌ōiϑrahiiā. vā. dax́iiə̄uš.4 vā.   aṣ̌ā. fradaϑāi.5 aspərəzatā.6
Verse: c    ϑβāuuąs. mazdā. ahurā.   yadā.7 huuō. aŋhat̰. yā. š́iiaoϑanascā.8

Paragraph: 17 
Verse: a    katārə̄m.1 aṣ̌auuā. vā.   drəguuā̊. vā. vərənuuaitē.2 maziiō:
Verse: b    vīduuā̊. vīduṣ̌ē. mraotū.   mā. əuuīduuā̊.3 aipī.də̄bāuuaiiat̰:4
Verse: c    zdī.nə̄.5 mazdā. ahurā.   vaŋhə̄uš. fradaxštā.6 manaŋhō.

Paragraph: 18 
Verse: a    mā.ciš.1 at̰. və̄.2 drəguuatō.   mąϑrąscā. gūštā.3 sāsnā̊scā.4
Verse: b    āzī. dəmānəm.5 vīsəm. vā.   ṣ̌ōiϑrəm.6 vā. dax́iiūm. vā. ādāt̰.
Verse: c    duṣ̌itācā.7 marakaēcā.8   aϑā. īš.9 sāzdūm. snaiϑiṣ̌ā.

Paragraph: 19 
Verse: a    gūštā. yə̄. maṇtā. aṣ̌əm.   ahūmbiš.1 vīduuā̊. ahurā.
Verse: b    ərəžuxδāi.2 vacaŋhąm.   xṣ̌aiiamnō.3 hizuuō. vasō.
Verse: c    ϑβā. āϑrā.4 suxrā. mazdā.5   vaŋhāu.6 vīdātā. rąnaiiā̊.7

Paragraph: 20 
Verse: a    yə̄.1 āiiat̰.2 aṣ̌auuanəm.   diuuamnəm.3 hōi.4 aparəm. xṣ̌iiō.5
Verse: b    darəgə̄m.6 āiiū. təmaŋhō.7   dušxvarəϑə̄m.8 auuaētās.9 vacō.10
Verse: c    tə̄m. vā.11 ahūm. drəguuaṇtō.12   š́iiaoϑanāiš.13 xvāiš. daēnā. naēṣ̌at̰.14

Paragraph: 21 
Verse: a    mazdā̊. dadāt̰.1 ahurō.   hauruuatō. amərətātascā.
Verse: b    būrōiš.2 ā.3 aṣ̌ax́iiācā.   xvāpaiϑiiāt̰.4 xṣ̌aϑrahiiā.5 sarō.6
Verse: c    vaŋhə̄uš. vazduuarə̄.7 manaŋhō.   yə̄. hōi. mainiiū. š́iiaoϑanāišcā.8 uruuaϑō.9

Paragraph: 22 
Verse: a    ciϑrā. ī.1 hudā̊ŋhē.2   yaϑanā.3 vaēdəmnāi.4 manaŋhā.5
Verse: b    vohū. huuō. xṣ̌aϑrā.6 aṣ̌əm.   vacaŋhā. š́iiaoϑanācā.7 haptī.
Verse: c    huuō. tōi. mazdā. ahurā.   vāzištō.8 aŋhaitī.9 astiš.

Paragraph: 23  (..)
Verse: Q1Aa    ahiiā. yāsā. nəmaŋhā.   ustānazastō. rafəδrahiiā.
Verse: Q1Ab    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Ac    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.:: (..)

Verse: Q1Ba    ahiiā. yāsā. nəmaŋhā.   ustānazastō. rafəδrahiiā.
Verse: Q1Bb    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Bc    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.::

Verse: Q2Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm.:: (..)

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.

Verse: a    tā.və̄.uruuātąm.2 hāitīm. yazamaide.::

Verse: Q4a    yeŋ́hē. hātąm.   āat̰. yesnē. paitī. vaŋhō.
Verse: Q4b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.