TITUS
Avestan Corpus
Part No. 33
Previous part

Chapter: 32 
Xvaētumaiti Hāitiš



Paragraph: 1 
Verse: a    ax́iiācā. xvaētuš.1 yāsat̰.   ahiiā. vərəzə̄nəm.2 mat̰. airiiamnā.3
Verse: b    ahiiā. daēuuā.4 mahmī.5 manōi.6   ahurahiiā. uruuāzəmā. mazdā̊:7
Verse: c    ϑβōi. dūtā̊ŋhō.8 ā̊ŋhāmā.   tə̄ṇg. dāraiiō.9 yōi. vā̊.10 daibiṣ̌əṇtī.11

Paragraph: 2 
Verse: a    aēibiiō. mazdā̊. ahurō.   sārəmnō.1 vohū. manaŋhā.
Verse: b    xṣ̌aϑrāt̰. hacā. paitī.mraot̰.2   aṣ̌ā. huš.haxā.3 xvə̄nuuātā:4
Verse: c    spəṇtąm. və̄. ārmaitīm.5   vaŋuhīm.6 varəmaidī.7 hā.nə̄.8 aŋhat̰.

Paragraph: 3 
Verse: a    at̰. yūš. daēuuā.1 vīspā̊ŋhō.   akāt̰. manaŋhō. stā. ciϑrəm.2
Verse: b    yascā. vā̊.3 maš.4 yazaitē.   drūjascā.5 pairimatōišcā.6
Verse: c    š́iiaomąm.7 aipī.8 daibitānā.9    yāiš. asrūdūm.10 būmiiā̊.11 haptaiϑē.

Paragraph: 4 
Verse: a    yāt̰.1 yūštā.2 framīmaϑā.3   yā. maš́iiā.4 acištā. daṇtō.5
Verse: b    vaxṣ̌əṇtē.6 daēuuō.zuštā.   vaŋhə̄uš. sīždiiamnā.7 manaŋhō.
Verse: c    mazdā̊.8 ahurahiiā.   xratə̄uš. nasiiaṇtō.9 aṣ̌āat̰cā.10

Paragraph: 5 
Verse: a    tā. dəbənaotā.1 maṣ̌īm.2   hujiiātōiš. amərətātascā.
Verse: b    hiiat̰.3 vā̊.4 akā.5 manaŋhā.6   yə̄ṇg. daēuuə̄ṇg. akascā. mainiiuš.7
Verse: c    akā. š́iiaoϑanəm.8 vacaŋhā.   yā. fracinas.9 drəguuaṇtəm.10 xṣ̌aiiō.11

Paragraph: 6 
Verse: a    pourū.aēnā̊.1 ə̄nāxštā.2   yāiš. srāuuahiieitī.3 yezī.4 tāiš. aϑā.
Verse: b    hātā.marānē.5 ahurā.   vahištā. vōistā. manaŋhā.
Verse: c    ϑβahmī. və̄.6 mazdā.7 xṣ̌aϑrōi.   aṣ̌āicā.8 sə̄ṇghō.9 vīdąm.

Paragraph: 7 
Verse: a    aēṣ̌ąm. aēnaŋhąm.   naēcīt̰.1 vīduuā̊. aojōi.2 hādrōiiā.3
Verse: b    yā. jōiiā.4 sə̄ṇghaitē.5   yāiš. srāuuī.6 xvaēnā. aiiaŋhā.7
Verse: c    yaēṣ̌ąm. tū.8 ahurā.9   irixtəm.10 mazdā.9 vaēdištō.11 ahī.

Paragraph: 8 
Verse: a    aēṣ̌ąm. aēnaŋhąm.   vīuuaŋhuṣ̌ō. srāuuī. yimascīt̰.1
Verse: b    yə̄.2 maš́iiə̄ṇg.3 cixṣ̌nuṣ̌ō.4   ahmākə̄ṇg.5 gāuš.5 bagā.6 xvārəmnō.7
Verse: c    aēṣ̌ąmcīt̰. ā.9 ahmī.   ϑβahmī. mazdā. vīciϑōi.10 aipī.11

Paragraph: 9 
Verse: a    duš.sastiš.1 srauuā̊. mōrəṇdat̰.2   huuō. jiiātə̄uš.3 sə̄ṇghanāiš.4 xratūm.5
Verse: b    apō. mā. īštīm.6 apaiiaṇtā.   bərəxδąm.7 hāitīm.8 vaŋhə̄uš. manaŋhō.
Verse: c    tā. uxδā. maniiə̄uš.9 mahiiā.   mazdā. aṣ̌āicā. yūṣ̌maibiiā. gərəzē.10

Paragraph: 10 
Verse: a    huuō. mā.nā.1 srauuā̊.2 mōrəṇdat̰.3   yə̄.4 acištəm. vaēnaŋhē.5 aogədā.
Verse: b    gąm. aṣ̌ibiiā.6 huuarəcā.   yascā. dāϑə̄ṇg. drəguuatō. dadāt̰.
Verse: c    yascā. vāstrā.7 vīuuāpat̰.   yascā. vadarə̄.8 vōiždat̰.9 aṣ̌āunē.10

Paragraph: 11 
Verse: a    taēcīt̰.1 mā. mōrəṇdən.2 jiiōtūm.3   yōi.4 drəguuatō. mazibīš.6 cikōitərəš.7
Verse: b    aŋuhīšcā.8 aŋhuuascā.9   apaiieitī.10 raēxənaŋhō.11 vaēdəm.12
Verse: c    yōi. vahištāt̰. aṣ̌āunō.13   mazdā.14 rārəš́iiąn.15 manaŋhō.

Paragraph: 12 
Verse: a    yā. rā̊ŋhaiiən.1 srauuaŋhā.   vahištāt̰. š́iiaoϑanāt̰.2 marətānō.
Verse: b    aēibiiō. mazdā̊.3 akā.4 mraot̰.   yōi. gə̄uš. mōrəṇdən.5 uruuāxš.uxtī.6 jiiōtūm.7
Verse: c    yāiš. gərə̄hmā.8 aṣ̌āt̰. varatā.9   karapā.10 xṣ̌aϑrəmcā. īṣ̌anąm.11 drujəm.12

Paragraph: 13 
Verse: a    yā.1 xṣ̌aϑrā. gərə̄hmō.2 hīṣ̌asat̰.3   acištahiiā. dəmānē.4 manaŋhō.
Verse: b    aŋhə̄uš.6 maraxtārō.5 ahiiā.   yaēcā. mazdā.6 jīgərəzat̰.7 kāmē.8
Verse: c    ϑβahiiā. mąϑrānō. dūtīm.9   yə̄.īš.10 pāt̰. darəsāt̰.11 aṣ̌ahiiā.

Paragraph: 14 
Verse: a    ahiiā. gərə̄hmō.1 ā.hōiϑōi.2   nī. kāuuaiiascīt̰. xratūš.3 nī. dadat̰.4
Verse: b    varəcā̊.5 hīcā. fraidiuuā.6   hiiat̰.7 vīsə̄ṇtā.8 drəguuaṇtəm. auuō.9
Verse: c    hiiat̰cā.10 gāuš.11 jaidiiāi.12 mraoī.13   yə̄. dūraoṣ̌əm. saocaiiat̰. auuō.14

Paragraph: 15 
Verse: a    anāiš. ā. vī.nə̄nāsā.1   yā. karapōtā̊scā.2 kəuuītā̊scā.3
Verse: b    auuāiš.4 aibī.5 yə̄ṇg. daiṇtī.6   nōit̰. jiiātə̄uš. xṣ̌aiiamnə̄ṇg.7 vasō.
Verse: c    tōi.8 ābiiā. bairiiā̊ṇtē.   vaŋhə̄uš. ā. dəmānē.9 manaŋhō.

Paragraph: 16 
Verse: a    hamə̄m.1 tat̰. vahištācīt̰.2   yə̄. uṣ̌uruiiē.3 siiascīt̰.4 dahmahiiā.5
Verse: b    xṣ̌aiiąs. mazdā.6 ahurā.   yehiiā.mā.7 aiϑīšcīt̰.8 duuaēϑā.
Verse: c    hiiat̰.9 aēnaŋhē.10 drəguuatō.11   ə̄əānū.12 iš́iiə̄ṇg.13 aŋhaiiā.::14

Paragraph: 17  (..)
Verse: Q1Aa    ahiiā. yāsā. nəmaŋhā.   ustānazastō. rafəδrahiiā.
Verse: Q1Ab    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Ac    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.:: (..)

Verse: Q1Ba    ahiiā. yāsā. nəmaŋhā.   ustānazastō. rafəδrahiiā.
Verse: Q1Bb    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Bc    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.::

Verse: Q2Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm.:: (..)

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.

Verse: a    xvaētumaiϑiiə̄m.2 hāitīm. yazamaide.

Verse: Q4a    yeŋ́hē. hātąm.   āat̰. yesnē. paitī. vaŋhō.
Verse: Q4b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.