TITUS
Avestan Corpus
Part No. 34
Previous part

Chapter: 33 
Yaϑāišiϑa Hāitiš



Paragraph: 1 
Verse: a    yaϑāiš. iϑā.1 varəṣ̌aitē.2   yā. dātā. aŋhə̄uš. paouruiiehiiā.3
Verse: b    ratūš.4 š́iiaoϑanā.5 razištā.   drəguuataēcā.6 hiiat̰cā.7 aṣ̌āunē.8
Verse: c    yex́iiācā.9 hə̄məmiiāsaitē.10   miϑahiiā.11 yācā. hōi. ārəzuuā.12

Paragraph: 2 
Verse: a    at̰. yə̄. akəm.1 drəguuāitē.2   vacaŋhā. vā. at̰. vā. manaŋhā.
Verse: b    zastōibiiā. vā. varəṣ̌aitī.3   vaŋhāu.4 vā. cōiϑaitē.5 astīm.
Verse: c    tōi. vārāi.6 rādəṇtī.7   ahurahiiā. zaoṣ̌ē. mazdā̊.8

Paragraph: 3 
Verse: a    yə̄. aṣ̌āunē.1 vahištō.   xvaētū. vā. at̰. vā. vərəzə̄niiō.2
Verse: b    airiiamnā.3 vā. ahurā.   vīdąs. vā. ϑβaxṣ̌aŋhā. gauuōi.4
Verse: c    at̰. huuō. aṣ̌ahiiā. aŋhat̰.   vaŋhə̄ušcā. vāstrē.5 manaŋhō.

Paragraph: 4 
Verse: a    yə̄. ϑβat̰. mazdā. asruštīm.   akəmcā. manō. yazāi. apā.
Verse: b    xvaētə̄ušcā. tarə̄maitīm.1   vərəzə̄nax́iiācā.2 nazdištąm. drujəm.3
Verse: c    airiiamanascā.4 nadəṇtō.   gə̄ušcā. vāstrāt̰. acištəm. maṇtūm.

Paragraph: 5 
Verse: a    yastē.1 vīspə̄.mazištəm.2   səraoṣ̌əm.3 zbaiiā.4 auuaŋhānē.5
Verse: b    apānō. darəgō.jiiāitīm.6   ā. xṣ̌aϑrəm.7 vaŋhə̄uš.8 manaŋhō.
Verse: c    aṣ̌āt̰. ā.9 ərəzūš.10 paϑō.   yaēṣ̌ū. mazdā̊. ahurō.11 yaētī.12

Paragraph: 6 
Verse: a    yə̄. zaotā. aṣ̌ā.1 ərəzūš.2   huuō. maniiə̄uš.3 ā. vahištāt̰.4 kaiiā.
Verse: b    ahmāt̰. auuā. manaŋhā.   yā. vərəziieidiiāi.5 maṇtā. vāstriiā.6
Verse: c    tā.tōi.7 iziiāi.8 ahurā.9   mazdā. darštōišcā.10 hə̄m.parštōišcā.11

Paragraph: 7 
Verse: a    ā.mā.1 āidūm.2 vahištā.   ā. xvaiϑiiācā.3 mazdā. darəṣ̌at̰cā.4
Verse: b    aṣ̌ā. vohū. manaŋhā.   5yā. sruiiē. parə̄.6 magāunō:7
Verse: c    āuuiš.nā̊.8 aṇtarə.9 hə̄ṇtū.10   nəmaxvaitīš.11 ciϑrā̊.12 rātaiiō.

Paragraph: 8 
Verse: a    frō.mōi.1 frauuōizdūm.2 arəϑā. tā.3   yā. vohū. š́iiauuāi.4 manaŋhā.
Verse: b    yasnəm.5 mazdā. xṣ̌māuuatō.   at̰. vā.6 aṣ̌ā. staomiiā.7 vacā̊.8
Verse: c    dātā. və̄. amərətā̊scā.9   utaiiūitī. hauruuatās.10 draonō.

Paragraph: 9 
Verse: a    at̰. tōi. mazdā.1 tə̄m.2 mainiiūm.3   aṣ̌aoxṣ̌aiiaṇtā̊.4 sarədiiaiiā̊.5
Verse: b    xvāϑrā. maēϑā.6 maiiā.7   vahištā. barətū.8 manaŋhā.
Verse: c    aiiā̊. arōi.9 hākurənəm.10   yaiiā̊. haciṇtē.11 uruuąnō.12

Paragraph: 10 
Verse: a    vīspā̊.stōi.1 hujītaiiō.   yā̊.zī.2 ā̊ŋharə̄.3 yā̊scā. həṇtī.
Verse: b    yā̊scā. mazdā.4 bauuaiṇtī.5   ϑβahmī.hīš. zaoṣ̌ē.6 ābaxṣ̌ōhuuā.7
Verse: c    vohū. uxṣ̌iiā.8 manaŋhā.   xṣ̌aϑrā.9 aṣ̌ācā.10 uštā. tanūm.11

Paragraph: 11 
Verse: a    1yə̄. səuuištō.2 ahurō.   mazdā̊scā. ārmaitišcā.3
Verse: b    aṣ̌əmcā. frādat̰.gaēϑəm.   manascā. vohū. xṣ̌aϑrəmcā.
Verse: c    sraotā.mōi.4 mərəždātā.mōi.5   ādāi.6 kahiiāicīt̰.7 paitī.:: (..)

Paragraph: 11_R1 
Verse: a    yə̄. səuuištō. ahurō.   mazdā̊scā. ārmaitišcā.
Verse: b    aṣ̌əmcā. frādat̰.gaēϑəm.   manascā. vohū. xṣ̌aϑrəmcā.
Verse: c    sraotā.mōi. mərəždātā.mōi.   ādāi. kahiiāicīt̰. paitī.::

Paragraph: 11_R2 
Verse: a    yə̄. səuuištō. ahurō.   mazdā̊scā. ārmaitišcā.
Verse: b    aṣ̌əmcā. frādat̰.gaēϑəm.   manascā. vohū. xṣ̌aϑrəmcā.
Verse: c    sraotā.mōi. mərəždātā.mōi.   ādāi. kahiiāicīt̰. paitī.::

Paragraph: 12 
Verse: a    1us.mōi. uzārəṣ̌uuā.2 ahurā.   ārmaitī.3 təuuīṣ̌īm.4 dasuuā.
Verse: b    spə̄ništā. mainiiū. mazdā.   vaŋhuiiā. zauuō.5 ādā.
Verse: c    aṣ̌ā. hazō. ə̄mauuat̰.6   vohū. manaŋhā. fəsəratūm.7

Paragraph: 13 
Verse: a    rafəδrāi. vourucaṣ̌ānē.1   dōiṣ̌ī.mōi.2 yā.və̄.3 abifrā.4
Verse: b    tā. xṣ̌aϑrahiiā. ahurā.   yā. vaŋhə̄uš. aṣ̌iš. manaŋhō.
Verse: c    frō. spəṇtā. ārmaitē.5   aṣ̌ā. daēnā̊.6 fradaxṣ̌aiiā.7

Paragraph: 14 
Verse: a    at̰. rātąm. zaraϑuštrō.   tanuuascīt̰.1 xvax́iiā̊. uštanəm.2
Verse: b    dadāitī.3 pauruuatātəm.4   manaŋhascā. vaŋhə̄uš. mazdāi.5
Verse: c    š́iiaoϑanahiiā.6 aṣ̌āi.7 yācā.   uxδax́iiācā. səraoṣ̌əm.8 xṣ̌aϑrəmcā.::

Paragraph: 15  (..)
Verse: Q1Aa    ahiiā. yāsā. nəmaŋhā.   ustānazastō. rafəδrahiiā.
Verse: Q1Ab    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Ac    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.:: (..)

Verse: Q1Ba    ahiiā. yāsā. nəmaŋhā.   ustānazastō. rafəδrahiiā.
Verse: Q1Bb    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Bc    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.::

Verse: Q2Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm.:: (..)

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.

Verse: a    yaϑāišiϑąm.2 hāitīm. yazamaide.::

Verse: Q4a    yeŋ́hē. hātąm.   āat̰. yesnē. paitī. vaŋhō.
Verse: Q4b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.