TITUS
Avestan Corpus
Part No. 35
Previous part

Chapter: 34 
Yā.š́iiaoϑana Hāitiš



Paragraph: 1 
Verse: a    yā. š́iiaoϑanā.1 yā. vacaŋhā.   yā. yasnā. amərətatātəm.2
Verse: b    aṣ̌əmcā. taēibiiō.3 dā̊ŋhā.4   mazdā.5 xṣ̌aϑrəmcā. hauruuatātō.
Verse: c    aēṣ̌ąm. tōi. ahurā.   ə̄hmā. pourutəmāiš.6 dastē.7

Paragraph: 2 
Verse: a    at̰cā. ī.tōi.1 manaŋhā.   mainiiušcā.2 vaŋhuš.3 vīspā. dātā.
Verse: b    spəṇtax́iiācā.4 nərəš.5 š́iiaoϑanā.6   yehiiā. uruuā. aṣ̌ā. hacaitē.7
Verse: c    pairigaēϑē.8 xṣ̌māuuatō.   vahmē.9 mazdā.10 garōbīš.11 stūtąm.

Paragraph: 3 
Verse: a    at̰. tōi. miiazdəm.1 ahurā.2   nəmaŋhā. aṣ̌āicā.3 dāmā.
Verse: b    gaēϑā̊. vīspā̊. ā. xṣ̌aϑrōi.4   yā̊.5 vohū. ϑraoštā.6 manaŋhā.
Verse: c    ārōi.zī.7 hudā̊ŋhō.8   vīspāiš. mazdā.9 xṣ̌māuuasū. sauuō.10

Paragraph: 4 
Verse: a    1at̰. tōi. ātrə̄m.2 ahurā.   aojōŋhuuaṇtəm.3 aṣ̌ā. usə̄mahī.4
Verse: b    asištīm.5 ə̄mauuaṇtəm.6   stōi. rapaṇtē.7 ciϑrā.auuaŋhəm.8
Verse: c    at̰. mazdā.9 daibiṣ̌iiaṇtē.10   zastāištāiš.11 dərəštā.aēnaŋhəm.12

Paragraph: 5 
Verse: a    kat̰. və̄.1 xṣ̌aϑrəm. kā. īštīš.2   š́iiaoϑanāi.3 mazdā.4 yaϑā. vā.5 hahmī.6
Verse: b    aṣ̌ā. vohū. manaŋhā.   ϑrāiiōidiiāi.7 drigūm.8 yūṣ̌mākəm.
Verse: c    parə̄.vā̊.9 vīspāiš. parə̄. vaoxəmā.10   daēuuāišcā. xrafstrāiš.11 maš́iiāišcā.12

Paragraph: 6 
Verse: a    yezī.1 aϑā. stā.2 haiϑīm.   mazdā. aṣ̌ā. vohū. manaŋhā.
Verse: b    at̰. tat̰. mōi. daxštəm. dātā.   ahiiā. aŋhə̄uš. vīspā.3 maēϑā.
Verse: c    yaϑā.4 vā̊. yazəmnascā.5   uruuāidiiā̊.6 stauuas. aiienī.7 paitī.

Paragraph: 7 
Verse: a    kuϑrā.tōi.1 arədrā. mazdā.   yōi. vaŋhə̄uš. vaēdənā.2 manaŋhō.
Verse: b    sə̄ṇghūš.3 raēxənā̊.4 aspə̄ṇcīt̰.5   sādrācīt̰.6 caxraiiō.7 uṣ̌əurū.8
Verse: c    naēcīm.9 tə̄m. aniiə̄m.10 yūṣ̌mat̰.   vaēdā. aṣ̌ā. aϑā.nā̊.11 ϑrāzdūm.12

Paragraph: 8 
Verse: a    tāiš. zī.nā̊.1 š́iiaoϑanāiš.2 biieṇtē.3   yaēṣ̌ū.4 as. pairī.5 pourubiiō.6 iϑiiejō.7
Verse: b    hiiat̰. as.8 aojiiā̊.9 nāidiiā̊ŋhəm.10   ϑβahiiā. mazdā. ąstā. uruuātahiiā.11
Verse: c    yōi.12 nōit̰. aṣ̌əm. mainiiaṇtā.13   aēibiiō. dūirē. vohū. as. manō.14

Paragraph: 9 
Verse: a    yōi.1 spəṇtąm. ārmaitīm.   ϑβahiiā. mazdā. bərəxδąm. vīduṣ̌ō.2
Verse: b    duš.š́iiaoϑanā.3 auuazazat̰.4   vaŋhə̄uš. əuuistī.5 manaŋhō.
Verse: c    aēibiiō. maš.6 aṣ̌ā. siiazdat̰.7   yauuat̰. ahmat̰.8 aurunā.9 xrafstrā.10

Paragraph: 10 
Verse: a    ahiiā. vaŋhə̄uš. manaŋhō.   š́iiaoϑanā.1 vaocat̰. gərəbąm.2 huxratuš.
Verse: b    spəṇtąmcā. ārmaitīm.   dąmīm.3 vīduuā̊. hiϑąm.4 aṣ̌ahiiā.
Verse: c    tācā. vīspā. ahurā.   ϑβahmī. mazdā.5 xṣ̌aϑrōi.ā.6 vōiiaϑrā.7

Paragraph: 11 
Verse: a    at̰. tōi. ubē.1 hauruuā̊scā.   xvarəϑāi.2 ā.3 amərətatā̊scā.
Verse: b    vaŋhə̄uš. xṣ̌aϑrā.4 manaŋhō.   aṣ̌ā.5 mat̰. ārmaitiš. vaxšt.6
Verse: c    utaiiūitī. təuuīṣ̌ī.7   tāiš. ā.8 mazdā. vīduuaēṣ̌ąm.9 ϑβōi. ahī.10

Paragraph: 12 
Verse: a    kat̰. tōi. rāzarə̄.1 kat̰. vaṣ̌ī.2   kat̰. vā. stūtō.3 kat̰. vā.4 yasnahiiā.5
Verse: b    srūidiiāi.6 mazdā. frāuuaocā.7   yā. vīdāiiāt̰.8 aṣ̌īš.9 rāṣ̌nąm.10
Verse: c    sīṣ̌ā.nā̊.11 aṣ̌ā. paϑō.   vaŋhə̄uš. xvaētə̄ṇg. manaŋhō.

Paragraph: 13 
Verse: a    tə̄m. aduuānəm. ahurā.   yə̄m.1 mōi. mraoš. vaŋhə̄uš. manaŋhō.
Verse: b    daēnā̊. saoš́iiaṇtąm.2   yā.3 hū.karətā.4 aṣ̌ācīt̰.5 uruuāxṣ̌at̰.6
Verse: c    hiiat̰. ciuuištā.7 hudābiiō.8   mīždəm.9 mazdā. yehiiā. tū. daϑrəm.10

Paragraph: 14 
Verse: a    tat̰.zī. mazdā.1 vairīm.   astuuaitē. uštānāi.2 dātā.
Verse: b    vaŋhə̄uš. š́iiaoϑanā.3 manaŋhō.4   yōi.zī. gə̄uš. vərəzə̄nē.5 aziiā̊.
Verse: c    xṣ̌mākąm. hucistīm.6 ahurā.   xratə̄uš. aṣ̌ā. frādō.7 vərəzə̄nā.8

Paragraph: 15 
Verse: a    1mazdā. at̰. mōi. vahištā.   srauuā̊scā.2 š́iiaoϑanācā.3 vaocā.
Verse: b    tā. tū.4 vohū. manaŋhā.   aṣ̌ācā.5 iṣ̌udəm.6 stūtō.
Verse: c    xṣ̌mākā. xṣ̌aϑrā. ahurā.   fəraṣ̌ə̄m.7 vasnā. haiϑiiə̄m.8 dā̊.9 ahūm.:: (..)

Paragraph: 15_R1 
Verse: a    mazdā. at̰. mōi. vahištā.   srauuā̊scā. š́iiaoϑanācā. vaocā.
Verse: b    tā. tū. vohū. manaŋhā.   aṣ̌ācā. iṣ̌udəm. stūtō.
Verse: c    xṣ̌mākā. xṣ̌aϑrā. ahurā.   fəraṣ̌ə̄m. vasnā. haiϑiiə̄m. dā̊. ahūm.::

Paragraph: 15_R2 
Verse: a    mazdā. at̰. mōi. vahištā.   srauuā̊scā. š́iiaoϑanācā. vaocā.
Verse: b    tā. tū. vohū. manaŋhā.   aṣ̌ācā. iṣ̌udəm. stūtō.
Verse: c    xṣ̌mākā. xṣ̌aϑrā. ahurā.   fəraṣ̌ə̄m. vasnā. haiϑiiə̄m. dā̊. ahūm.::

Paragraph: 15_R3 
Verse: a    mazdā. at̰. mōi. vahištā.   srauuā̊scā. š́iiaoϑanācā. vaocā.
Verse: b    tā. tū. vohū. manaŋhā.   aṣ̌ācā. iṣ̌udəm. stūtō.
Verse: c    xṣ̌mākā. xṣ̌aϑrā. ahurā.   fəraṣ̌ə̄m. vasnā. haiϑiiə̄m. dā̊. ahūm.::

Paragraph: 16  (..)
Verse: Q1Aa    ahiiā. yāsā. nəmaŋhā.   ustānazastō. rafəδrahiiā.
Verse: Q1Ab    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Ac    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.:: (..)

Verse: Q1Ba    ahiiā. yāsā. nəmaŋhā.   ustānazastō. rafəδrahiiā.
Verse: Q1Bb    maniiə̄uš. mazdā. pouruuīm.   spəṇtahiiā. aṣ̌ā. vīspə̄ṇg. š́iiaoϑanā.
Verse: Q1Bc    vaŋhə̄uš. xratūm. manaŋhō.   yā. xṣ̌nəuuīṣ̌ā. gə̄ušcā. uruuānəm.::

Verse: Q2Aa    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Ab    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Ac    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ba    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Bb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Bc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Ca    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Cb    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Cc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q2Da    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q2Db    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q2Dc    xšaϑrəmcā. ahurāi.ā.   yim. drigubiiō. dadat̰. vāstārəm.::

Verse: Q3Aa    aṣ̌əm. vohū. vahištəm. astī::
Verse: Q3Ab    uštā. astī. uštā. ahmāi.
Verse: Q3Ac    hiiat̰. aṣ̌āi. vahištāi. aṣ̌əm.:: (..)

Verse: Q3Ba    aṣ̌əm. vohū. vahištəm. astī::
Verse: Q3Bb    uštā. astī. uštā. ahmāi.
Verse: Q3Bc    hiiat̰. aṣ̌āi. vahištāi. aṣ̌əm.

Verse: Q3Ca    aṣ̌əm. vohū. vahištəm. astī::
Verse: Q3Cb    uštā. astī. uštā. ahmāi.
Verse: Q3Cc    hiiat̰. aṣ̌āi. vahištāi. aṣ̌əm.

Verse: a    yā.š́iiaoϑanąm.2 hāitīm. yazamaide.::
Verse: b    ahunauuaitīm.3 gāϑąm. aṣ̌aonīm.4 aṣ̌ahe. ratūm. yazamaide::
Verse: c    ahunauuaitiiā̊.5 gāϑaiiā̊.6 haṇdātā.7 yazamaide.::

Verse: Q4a    yeŋ́hē. hātąm.   āat̰. yesnē. paitī. vaŋhō.
Verse: Q4b    mazdā̊. ahurō. vaēϑā.   aṣ̌āt̰. hacā. yā̊ŋhąmcā.
Verse: Q4c    tąscā. tā̊scā. yazamaide.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.