TITUS
Avestan Corpus
Part No. 162
Previous part

Chapter: 2 
(Yašt-Fragment 22)
Paragraph: 1 
Verse: a    pərəsat̰. zaraϑuštrō. ahurəm.1 mazdą̇m.
Verse: b          ahura. mazda. mainiiū. spə̄ništa.
Verse: c          dātarə. gaēϑaną̇m. astuuaitiną̇m.2 aṣ̌āum.
Verse: d       yat̰. aṣ̌auua. para.iriϑiieiti.1
Verse: e    kuua.2 aētą̇m. xšapanəm.
Verse: f       hauuō. uruua. vaŋhaite.3

Paragraph: 2 
Verse: a    āat̰. mraot̰. ahurō. mazdā̊.
Verse: b       asne. vaγδanāt̰.1 nišhiδaiti.
Verse: c          uštauuaitīm.1 gāϑą̇m. srāuuaiiō.
Verse: d          uštatātəm. nimraomnō.


Verse: Q1a    uštā. am̨āi.   yahmāi. uštā. kahmāicīt̰.2 {= Y. 43,1ab}
Verse: Q1b    vasə̄.xšaiią̇s.3   mazdā̊. dāiiāt̰. ahurō.*


Verse: e       upa. aētą̇m. xšapanəm.
Verse: f          auuauuat̰. šātōiš. uruua. iṣ̌aite.1
Verse: g             yaϑa. vīspəm. imat̰.
Verse: h                yat̰.2 juiiō. aŋhuš.

Paragraph: 3 
Verse: a       yą̇m. bitiią̇m.
Verse: b    kuua.1 aētą̇m. xšapanəm.
Verse: c       hauuō. uruua. vaŋhaite.2

Paragraph: 4 
Verse: a    āat̰. mraot̰. ahurō. mazdā̊.
Verse: b       asne. vaγδanāt̰. nišhiδaiti.
Verse: c          uštauuaitīm. gāϑą̇m. srāuuaiiō.
Verse: d          uštatātəm. nimraomnō.


Verse: Q1a    uštā. am̨āi.   yahmāi. uštā. kahmāicīt̰. {= Y. 43,1ab}
Verse: Q1b    vasə̄.xšaiią̇s.   mazdā̊. dāiiāt̰. ahurō.*


Verse: e    upa. aētą̇mcit̰. xšapanəm.
Verse: f       auuauuat̰. šātōiš. uruua. iṣ̌aite.
Verse: g             yaϑa. vīspəm. imat̰.
Verse: h                yat̰. juiiō. aŋhuš.

Paragraph: 5 
Verse: a       yą̇m. ϑritiią̇m.
Verse: b    kuua.1 aētą̇mcit̰.2 xṣ̌apanəm.
Verse: c       hauuō. uruua. vaŋhaite.3

Paragraph: 6 
Verse: a    āat̰. mraot̰. ahurō. mazdā̊.
Verse: b       asne. vaγδanāt̰. nišhiδaiti.
Verse: c          uštauuaitīm. gāϑą̇m. srāuuaiiō.
Verse: d          uštatātəm. nimraomnō.


Verse: Q1a    uštā. am̨āi.   yahmāi. uštā. kahmāicīt̰. {= Y. 43,1ab}
Verse: Q1b    vasə̄.xšaiią̇s.   mazdā̊. dāiiāt̰. ahurō.*


Verse: e    upāca. aētą̇mcit̰. xšapanəm.
Verse: f       auuauuat̰. šātōiš. uruua. iṣ̌aite.
Verse: g             yaϑa. vīspəm. imat̰.
Verse: h                yat̰. juiiō. aŋhuš.

Paragraph: 7 
Verse: a    ϑritiiā̊.* xšapō. ϑraošta.1 viiusą̇. saδaiieiti.2
Verse: b       yō. narš. ašaonō. uruua.
Verse: c          uruuarāhuca. paiti.
Verse: d          baoiδišca.3 vīdiδārəmnō.
Verse: e             saδaiieiti.4
Verse: f    ā. dim.† vātō. upa.vāuuō.1 saδaiieiti.2
Verse: g       rapiϑβitarat̰. haca. naēmāt̰.
Verse: h       rapiϑβitaraēibiiō. haca. naēmaēibiiō.
Verse: i          hubaoiδiš. hubaoiδitarō. aniiaēibiiō. vātaēibiiō.

Paragraph: 8 
Verse: a    āat̰.1 təm. vātəm. nā̊ŋhaiia.
Verse: b       uzgərəmbiiō. saδaiieiti.
Verse: c          yō. narš. aṣ̌aonō. uruua.
Verse: d    kuda.δaēm.* vātō. vāiti.
Verse: e       yim. yauua. vātəm. nā̊ŋhābiia.
Verse: f          hubaoiδitəməm.1 jiġauruua.2

Paragraph: 9 
Verse: a    aŋ́hā̊.1 dim. vātaiiā̊.2
Verse: b       frə̄rənta. saδaiiaeiti.
Verse: c          yā. hauua. daēna.
Verse: d             kainīnō.1 kəhrpa. srīraiiā̊.
Verse: e             xšōiϑniiā̊. auruṣ̌a.bāzuuō.2 amaiiā̊.
Verse: f             huraoδaiiā̊. huzarštaiiā̊.3
Verse: g             bərəzaitiiā̊.4 ərəduuafšniiā̊.5
Verse: h             sraotanuuō.6 āzātaiiā̊.*
Verse: i                raēuuasciϑraiiā̊.
Verse: j                paṇcadasaiiā̊. raoδaēšuua.7
Verse: k             kəhrpa. auuauuatō. sraiiā̊.8
Verse: l                yaϑa. dāmą̇n. sraēštāiš.

Paragraph: 10 
Verse: a    āat̰. hīm.1 aoxta. pərəsō.
Verse: b          yō. narš. ašaonō. uruua.
Verse: c       cišca. carāitiš. ahi.
Verse: d          yą̇m. it̰. yauua. carāitiną̇m.
Verse: e             kəhrpa. sraēštą̇m. dādarəsa.

Paragraph: 11 
Verse: a    āat̰. he.† paiti.aoxta.
Verse: b          yā. hauua. daena.†
Verse: c       azəm. bā. te. am̨i.
Verse: d          yim.1 humanō. huuacō.
Verse: e             huš́iiaoϑana.2 hudaena.†
Verse: f          yā. hauua. daena.†
Verse: g             xvaēpaiϑe. tanuuō.
Verse: h       cišca. ϑβą̇m. cakana. auua.
Verse: i          masanaca. vaŋhanaca. sraiianaca.
Verse: j          hubaoiδitaca. vərəϑrają̇staca.
Verse: k             paiti.duuaēšaiiaṇtaca.1
Verse: l        yaϑa. yat̰. me. saδaiiehi.2

Paragraph: 12 
Verse: a       tum. mą̇m. cakana.
Verse: b          yum.1 humanō. huuaca.
Verse: c             huš́iiaoϑana.2 hudaena.†
Verse: d          auua.
Verse: e          masanaca.3 vaŋhanaca. sraiianaca.4̊
Verse: f       yaϑa. yat̰. te. saδaiiemi.

Paragraph: 13 
Verse: a    yat̰. tum. ainim.1 auuaēnōiš.2
Verse: b       saocaiiaca. kərənauuantəm. baosauuasca.
Verse: c          varaxəδrā̊sca.3 varō.žintəm.
Verse: d             uruuarō.straiią̇sca. kərənauuantəm.*
Verse: e    āat̰.1 [tą̇m.*] tum. nišhiδōiš.†
Verse: f       gāϑā̊sca. srāuuaiiō.2
Verse: g       apasca. vaŋuhīš.3 yazəmnō.
Verse: h          ātarəmca. ahurahe. mazdā̊.
Verse: i       narəmca. ašauuanəm. kuxšnuuą̇nō.
Verse: j          asnāat̰ca.4 [jasəṇtəm. dūrāat̰ca.5]

Paragraph: 14 
Verse: a    āat̰. mą̇m. friϑą̇m. haitīm.1
Verse: b       friϑōtarą̇m. srīrą̇m.2 haitīm.3
Verse: c       srīrōtarą̇m.4 bərəxδą̇m. haitīm.5
Verse: d          bərəxδōtarą̇m. frataire. gātuuō.
Verse: e          ā̊ŋhaną̇m.1 fratarō.taire.2 gātuuō.3
Verse: f             niṣ̌āδaiiōiš.
Verse: g       aēta. humata. aēta. hūxta. aēta. huuaršta.
Verse: h    āat̰. mą̇m. narō. paskāt̰. yazənte.
Verse: i       ahurəm. mazdą̇m.
Verse: j          darəγō.yaštəmca. hą̇m.parštəmca.

Paragraph: 15 
Verse: a    paoirīm.1 gāma. frabarat̰.
Verse: b       yō. narš. aṣ̌aonō. uruua.
Verse: c          humate. paiti. nidaδāt̰.†
Verse: d    bitīm.2 gāma. frabarat̰.
Verse: e       yō. narš. ašaonō. uruua.
Verse: f          hūxte.3 paiti. nidaδāt̰.
Verse: g    ϑritīm.4 gāma. frabarat̰.
Verse: h       yō. narš. ašaonō. uruua.
Verse: i          huuaršte. paiti. nidaδāt̰.
Verse: j    tūirīm.1 gāma. frabarat̰.
Verse: k       yō. narš. ašaonō. uruua.
Verse: l          anaγraēṣ̌uua. raocōhuua. nidaδāt̰.

Paragraph: 16 
Verse: a    ā. dim.† aoxta. pərəsō.
Verse: b       pouruuō.1 ašauua. para.iriϑiiō.
Verse: c    kaϑa. ašāum. 2para.iriϑiiō.3
Verse: d    kaϑa. ašāum.4 apa.jasō.
Verse: e       š́itibiiasca. haca.5 gaomaitibiiasca.
Verse: f       vaiiaēibiiasca. haca. māiiauuaitibiiasca.6
Verse: g       astuuatat̰.1 haca. aŋhaot̰.
Verse: h          manahīm.2 auui. ahūm.3
Verse: i       iϑiiejaŋuhatat̰. haca. aŋhaot̰.
Verse: j          aiϑiiejaŋhuntəm.4 auui. ahūm.5
Verse: k    kaϑa. te. darəγəm. ušte.* abauuat̰.

Paragraph: 17 
Verse: a    āat̰. mraot̰. ahurō. mazdā̊.
Verse: b    mā. dim.1 pərəsō. yim. pərəsahi.2
Verse: c       yim. xruuaṇtəm.3 āiϑiuuantəm.4
Verse: d          uruuištrəm. paṇtą̇m. aiβitəm.
Verse: e       yat̰. astasca. baoδaŋhasca. vī.uruuištīm.5

Paragraph: 18 
Verse: a    xvarəϑaną̇m. he. bərətaną̇m.1
Verse: b       zarəmaiiehe.2 raoγnahe.
Verse: c    tat̰.3 asti.4 yūnō.
Verse: d       humanaŋhō. huuacaŋhō.
Verse: e       huš́iiaoϑnahe. hudaēnahe.
Verse: f          xvarəϑəm.5 pasca.6 para.iristīm.7
Verse: g    tat̰. nāirikaiiāi.
Verse: h       frāiiō.humataiiāi. frāiiō.hūxtaiiāi.1 frāiiō.huuarštaiiāi.
Verse: i       huš.hą̇m.sāstaiiāi. ratuxšaϑraiiāi. ašaoniiāi.
Verse: j          xvarəϑəm. pasca. para.iristīm.

Paragraph: 19 
Verse: a    pərəsat̰. zaraϑuštrō.1 ahurəm. mazdą̇m.
Verse: b          ahura. mazda. mainiiū. spə̄ništa.
Verse: c          dātarə. gaēϑaną̇m. astuuaitiną̇m. [aṣ̌āum.]
Verse: d       yat̰. druuā̊. auua.mairiieite.1
Verse: e    kuua.2 aētą̇m. xšapanəm.
Verse: f       hauuō. uruua. vaŋhaite.*†

Paragraph: 20 
Verse: a    āat̰. mraot̰. ahurō. mazdā̊.
Verse: b    auuaδa. bā. ašāum. zaraϑuštra.
Verse: c       asne. kamərəδāt̰. handuuaraiti.
Verse: d    kimą̇m. gāϑβiią̇m. vacō. srāuuaiiō.


Verse: Q1a    kām. nəmōi.*† zą̇m. {= Y. 46,1a}


Verse: e          ahura. mazda.


Verse: Q1b             kuϑra. nəme. aiieni.*


Verse: f    upa. aētą̇m. xšapanəm.
Verse: g       auuauuat̰. ašātōiš. uruua. išaite.*†
Verse: h          yaϑa. vīspəm. imat̰.
Verse: i             yat̰. juiiō. aŋhuš.

Paragraph: 21 
Verse: a    yą̇m. bitiią̇m.1
Verse: b    kuua. aētą̇m. xšapanəm.
Verse: c       hauuō. uruua. vaŋhaite.

Paragraph: 22 
Verse: a    āat̰. mraot̰. ahurō. mazdā̊.
Verse: b    auuaδa. bā. ašāum. zaraϑuštra.
Verse: c       asne. kamərəδāt̰. handuuaraiti.
Verse: d    kimą̇m. gāϑβiią̇m. vacō. srāuuaiiō.


Verse: Q1a    kām. nəmōi.* zą̇m. {= Y. 46,1a}


Verse: e          ahura. mazda.


Verse: Q1b             kuϑra. nəme. aiieni.*


Verse: f    upa. aētą̇m. xšapanəm.
Verse: g       auuauuat̰. ašātōiš. uruua. išaite.*
Verse: h          yaϑa. vīspəm. imat̰.
Verse: i             yat̰. juiiō. aŋhuš.

Paragraph: 23 
Verse: a    yą̇m. ϑritiią̇m.1
Verse: b    kuua. aētą̇m. xšapanəm.
Verse: c       hauuō. uruua. vaŋhaite.

Paragraph: 24 
Verse: a    āat̰. mraot̰. ahurō. mazdā̊.
Verse: b    auuaδa. bā. ašāum. zaraϑuštra.
Verse: c       asne. kamərəδāt̰. handuuaraiti.
Verse: d    kimą̇m. gāϑβiią̇m. vacō. srāuuaiiō.


Verse: Q1a    kām. nəmōi.* zą̇m. {= Y. 46,1a}


Verse: e          ahura. mazda.


Verse: Q1b             kuϑra. nəme. aiieni.*


Verse: f    upa. aētą̇m. xšapanəm.
Verse: g       auuauuat̰. ašātōiš. uruua. išaite.*
Verse: h          yaϑa. vīspəm. imat̰.
Verse: i             yat̰. juiiō. aŋhuš.

Paragraph: 25 
Verse: a    ϑritiiā̊. xšapō. ϑraošta.1
Verse: b             ašāum. zaraϑuštra.
Verse: c          viiusą̇.2 saδaiieiti.
Verse: d       yō. narš. druuatō. uruua.
Verse: e          aēiϑāhuca.* paiti.3
Verse: f             gaitīšca.4† vīkiδārəmnō.†
Verse: g                saδaiieiti.
Verse: h    ā. dim.† vātō. upa.vāuuō.1 saδaiieiti.
Verse: i       apāxtarat̰. haca. naēmāt̰.
Verse: j       apāxtaraēibiiō. haca. naēmaēibiiō.
Verse: k          dužgaiṇtiš.1 dužgaiṇtitarō. aniiaēibiiō. vātaēibiiō.

Paragraph: 26 
Verse: a    āat̰. təm. vātəm. nā̊ŋhaiia.
Verse: b          uzgərəmbiiō.1 saδaiieiti.
Verse: c       yō. narš. druuatō. uruua.
Verse: d    kuda.daēm. vātō. vāiti.
Verse: e       yim. yauua. vātəm. nā̊ŋhābiia.
Verse: f          dužgaintitəməm.2 jigauruua.

Paragraph: 27 
Verse: a    aŋ́hā̊. dim. vātaiiā̊.
Verse: b       frə̄rənta. saδaiiaeiti.
Verse: c          yā. hauua. daēna.
Verse: d             kainīnō. kəhrpa. srīraiiā̊.
Verse: e             xšōiϑniiā̊. auruṣ̌a.bāzuuō. amaiiā̊.
Verse: f             huraoδaiiā̊. huzarštaiiā̊.
Verse: g             bərəzaitiiā̊. ərəduuafšniiā̊.
Verse: h             sraotanuuō. āzātaiiā̊.*
Verse: i                raēuuasciϑraiiā̊.
Verse: j                paṇcadasaiiā̊. raoδaēšuua.
Verse: k             kəhrpa. auuauuatō. sraiiā̊.
Verse: l                yaϑa. dāmą̇n. sraēštāiš.

Paragraph: 28 
Verse: a    āat̰. hīm. aoxta. pərəsō.
Verse: b          yō. narš. ašaonō. uruua.
Verse: c       cišca. carāitiš. ahi.
Verse: d          yą̇m. it̰. yauua. carāitiną̇m.
Verse: e             kəhrpa. sraēštą̇m. dādarəsa.

Paragraph: 29 
Verse: a    āat̰. he. paiti.aoxta.
Verse: b          yā. hauua. daena.
Verse: c       azəm. bā. te. am̨i.
Verse: d          yim. humanō. huuacō.
Verse: e             huš́iiaoϑana. hudaena.
Verse: f          yā. hauua. daena.
Verse: g             xvaēpaiϑe. tanuuō.
Verse: h       cišca. ϑβą̇m. cakana. auua.
Verse: i          masanaca. vaŋhanaca. sraiianaca.
Verse: j          hubaoiδitaca. vərəϑrają̇staca.
Verse: k             paiti.duuaēšaiiaṇtaca.
Verse: l             yaϑa. yat̰. me. saδaiiehi.

Paragraph: 30 
Verse: a       tum. mą̇m. cakana.
Verse: b          yum. humanō. huuaca.
Verse: c             huš́iiaoϑana. hudaena.
Verse: d          auua.
Verse: e          masanaca. vaŋhanaca. sraiianaca.̊
Verse: f       yaϑa. yat̰. te. saδaiiemi.

Paragraph: 31 
Verse: a    yat̰. tum. ainim. auuaēnōiš.
Verse: b       saocaiiaca. kərənauuantəm. baosauuasca.
Verse: c          varaxəδrā̊sca. varō.žintəm.
Verse: d             uruuarō.straiią̇sca. kərənauuantəm.*
Verse: e    āat̰. [tą̇m.*] tum. nišhiδōiš.
Verse: f       gāϑā̊sca. srāuuaiiō.
Verse: g       apasca. vaŋuhīš. yazəmnō.
Verse: h          ātarəmca. ahurahe. mazdā̊.
Verse: i       narəmca. ašauuanəm. kuxšnuuą̇nō.
Verse: j          asnāat̰ca. [jasəṇtəm. dūrāat̰ca.]

Paragraph: 32 
Verse: a    āat̰. mą̇m. friϑą̇m. haitīm.
Verse: b       friϑōtarą̇m. srīrą̇m. haitīm.
Verse: c       srīrōtarą̇m. bərəxδą̇m. haitīm.
Verse: d          bərəxδōtarą̇m. frataire. gātuuō.
Verse: e          ā̊ŋhaną̇m. fratarō.taire. gātuuō.
Verse: f             niṣ̌āδaiiōiš.
Verse: g       aēta. humata. aēta. hūxta. aēta. huuaršta.
Verse: h    āat̰. mą̇m. narō. paskāt̰. yazənte.
Verse: i       ahurəm. mazdą̇m.
Verse: j          darəγō.yaštəmca. hą̇m.parštəmca.

Paragraph: 33 
Verse: a    paoirīm. gāma. frabarat̰.
Verse: b       yō. narš. aṣ̌aonō. uruua.
Verse: c          humate. paiti. nidaδāt̰.
Verse: d    bitīm. gāma. frabarat̰.
Verse: e       yō. narš. ašaonō. uruua.
Verse: f          hūxte. paiti. nidaδāt̰.
Verse: g    ϑritīm. gāma. frabarat̰.
Verse: h       yō. narš. ašaonō. uruua.
Verse: i          huuaršte. paiti. nidaδāt̰.
Verse: j    tūirīm.1 gāma. frabarat̰.
Verse: k       yō. narš. druuatō. uruua.
Verse: l          anaγraēšuua. təmōhuua. nidaδāt̰.

Paragraph: 34 
Verse: a    ā. dim.† aoxta. pərəsō.
Verse: b       pouruuō. druuō. auua.mərətō.
Verse: c    kaϑa. druuō. auua.mairiiaŋuha.1
Verse: d    kaϑa. drujō.2 apa.jasō.
Verse: e       š́itibiiasca. haca. gaomaitibiiasca.1
Verse: f       vaiiaēibiiasca. haca. māiiauuaitibiiasca.
Verse: g       astuuatat̰.1 haca. aŋhaot̰.
Verse: h          manahīm.2 auui. ahūm.
Verse: i       iϑiiejaŋuhatat̰. haca. aŋhaot̰.
Verse: j          aiϑiiejaŋhuntəm.3 auui. ahūm.4
Verse: k    kaϑa. te.5 darəγəm. āuuōiia.6 aŋhat̰.

Paragraph: 35 
Verse: a    adauuata. aŋrō. mainiiuš.
Verse: b    mā. dim.1 pərəsō. yim. pərəsahi.2
Verse: c       yim. xruuaṇtəm.3 aiϑiuuantəm.4†
Verse: d          uruuištrəm. paṇtą̇m. aiβitəm.
Verse: e       yat̰. astasca. baoδaŋhasca. vī.uruuištīm.5†

Paragraph: 36 
Verse: a    xvarəϑaną̇m. he. bərətaną̇m.1†
Verse: b       višaiiāat̰ca. 2viš.gaitaiiāat̰ca.†
Verse: c    tat̰. asti. yūnō.
Verse: d       dušmanaŋhō. dužuuacaŋhō.
Verse: e       duš.š́iiaoϑnahe. duždaenahe.†
Verse: f          xvarəϑəm.3 pasca. auua.mərəitīm.4
Verse: g    tat̰. jahikaiiāi.
Verse: h       frāiiō.dušmataiiāi. 1frāiiō.dužūxtaiiāi.2 3frāiiō.dužuuarštaiiāi.
Verse: i       duš.hą̇m.sāstaiiāi. aratuxšaϑraiiāi. druuaitiiāi.
Verse: j          xvarəϑəm. pasca. auua.mərəitīm.

Paragraph: 37 
Verse: a    ahe. narš. aṣ̌aonō. frauuaṣ̌īm. yazamaide.
Verse: b       yō. asmō.xvanuuā̊. ną̇ma.
Verse: c          aδāt̰. aniiaēṣ̌ą̇m. aṣ̌aoną̇m.
Verse: d             fraxšti. yazāi. frauuarəta.1

Paragraph: 38 
Verse: a    1uṣ̌i. ahurahe. mazdā̊. yazamaide.
Verse: b    darəϑrāi. mą̇ϑrahe. spəṇtahe.
Verse: c       xratūm. ahurahe. mazdā̊. yazamaide.
Verse: d    marəϑrāi.2 mą̇ϑrahe. spəṇtahe.
Verse: e       hizuuą̇m. ahurahe. mazdā̊. yazamaide.
Verse: f    frauuākāi.3 mą̇ϑrahe. spəṇtahe.
Verse: g       aom. gairīm. yazamaide.
Verse: h          yim. uṣ̌i.dą̇m. uṣ̌i.daranəm.4
Verse: i             paiti. asni.5 paiti. xšafne.6
Verse: j                 yasō.bərətābiiō. zaoϑrābiiō.

Paragraph: 39-42  (= FrW 10,39-42)



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.