TITUS Texts: Avestan Corpus

TITUS
Avestan Corpus
Part No. 163

Previous part

Book: N
Erbedestān und Nirangistān

On the basis of the editions by Sanjana and A. Waag 1941;
the Erbedestān collated with the editions by H. Humbach, 1990, and F. Kotwal / F. Kreyenbroek, 1994.

Erbedestān

Paragraph: 1
Verse: a    knmō. nmānahē. aϑaurunəm. pāraiiāt̰.
Verse: b    yō. aṣ̌āi. bərəjiiąstəmō.
Verse: c    huuōištō. vā. yōištō.
Verse: d    yim. vā. ainim. hapō-gaēϑa.
Verse: e    hazaōṣ̌iiā. paā^̊ŋha. caiiąn.

Paragraph: 2
Verse: a    para. paōiriiō. āiti.
Verse: b    para. bitiiō. āiti.. para. ϑritiiō. āiti.
Verse: c    aēta. parāiiaiti. yaϑā. gaēϑābiiō. hə̄nṇti.
Verse: d    aēšō. gaēϑanąm. irišiṇtanąm. raēše.
Verse: e    kat̰. dātahe. zaraϑuštroīš.
Verse: f    maγnō. mąϑrō.
Verse: g    ϑrixšaparəm. haϑrāknəm.
Verse: h    gaēϑanąm. vā. aspərənō. auuōit̰.
Verse: i    yōi. auuapa. aiβiiāsti.
Verse: j    ā. paiti. bərətīm. ərəcništəm.
Verse: k    nōit̰. frāurusti.
Verse: l    mastəm. āϑrnəṇtəm. āstāϑa.
Verse: m    paiti. bərətim. arstištim.

Paragraph: 3
Verse: a    katārəm. āϑrauuana. aϑaurunəm. vā. paraiiat̰. gaēϑanąm. vā. aspərənō. auuat̰.
Verse: b    gaēϑanąm. aspərənō. auuōit̰.
Verse: c    yezaca. aēšaiia. daēne.
Verse: d    yezaca. vəhrkō. gaēϑanąm.
Verse: e    yezica. aēša. daēnē.
Verse: f    yezica. aēšaiia. daenē.
Verse: g    yezica. vəhrkō. gaēϑā^̊.
Verse: h    paōiriiąm. him. varəm. ād[rəzaiiōit̰. he. yāhiia. he. huuanəm.

Paragraph: 4
Verse: a    cuuat̰. nā. aϑrauua. aϑaurunəm. haca. gāϑābiš. paraiiāt̰.
Verse: b    yat̰. hiš. ϑriš. yā. hmā. aiβiš. iti.
Verse: c    aϑaurunąmca.
Verse: d    cuuat̰. aiβištəm. paraiiat̰.
Verse: e    ϑrixṣ̌aparəm. haϑrākəm.. xšauuaš. xṣ̌afnō. āca. paraca.
Verse: f    ϑriṣ̌ūm. āsnąm. xṣ̌afnąmca.
Verse: g    yō. baōiiō. aētahmāt̰. parāiti.
Verse: h    nōit̰. pascaeta. anaiβištīm. āstriiaṇti.

Paragraph: 5
Verse: a    katārō. aϑaurunəm. paraiiāt̰. nāirika. vā. nmānō.paitiš. vā.
Verse: b    yezica. vā. gaeϑā^̊. vīmā. katārō. paraiiāt̰.
Verse: c    nairiiō. ratuš. kara.
Verse: d    nmānō.paitiš. gaeϑā^̊. nāirika. paraiiāt̰.
Verse: e    nāirikāi. gaeϑā^̊. viš. nmānō.paitiš. paraiiāt̰.
Verse: f    nōit̰. auuacinō. dātīm. vīnāt̰.
Verse: g    aēuuacina. dāitīm. vinānϑat̰.

Paragraph: 6
Verse: a    yō. aniiahe. nāirika. anahaxtō. aϑaurunəm. paraŋ́hāiti.
Verse: b    kat̰. hē. vā. aṣ̌əm. vərəziiāt̰. yā. nāirika. nmānō.paiti. vərəziiaṇti.
Verse: c    vərəziiāt̰. usaiti. nōit̰. ānusaiti.
Verse: d    ahaxtō. paraŋhacaiti.
Verse: e    vərəziiāt̰. usaitica. anusaitiiatica.
Verse: f    frōit̰. varə̄. paraŋhacāiti. ākā^̊. hazaŋuha. anākā^̊se. tāiiuš.
Verse: g    haxtō. u. anahaxtō.

Paragraph: 7
Verse: a    paṇcadaiiasiia. sarəidə.
Verse: b    yō. aniiehe. apərənāiiekahe. anaxtō. aϑaurunəm. paraŋhacāi.
Verse: c    pasca. hāra. tanūm. paraiieiti.
Verse: d    yat̰. aēša. yōi. apərənāiiiūkō. sraōši. vā. anu.tacaiti.
Verse: e    aōxtō. vāhe. aōxte. ϑβat̰. pairi. aŋuha.
Verse: f    pasca. haϑra. afra.sruiti. šē. paiti. tanūm. paraiieite.
Verse: g    yehe. aōxtō. aēša. yehe. apərənāiiukāi.

Paragraph: 8
Verse: a    ahmi. nmāne. aŋhe. vīse. ahmi. zaṇtuuō. aŋhe. daŋhuuō.
Verse: b    cuuat̰. biš. aiiā^̊. vītaiiā^̊. aŋhən.
Verse: c    yujaiiastiš. haca. nmāt̰. aϑa. daŋhōit̰. vīsat̰. hāϑrəm. zaṇtaə̄t̰. ā. daŋhaōit̰.
Verse: d    yaϑa. dāitiiā. spasaniia.
Verse: e    yaϑa. para. vaiieō. nmānəmca. vīsəmca. zaṇtə̄ušca. daŋhə̄ušca.

Paragraph: 9
Verse: a    āat̰. yat̰. hē. aōxte. aēša. yeŋ́he. apərənāiiūkō.
Verse: b    hacaŋuha. mē. hana. apərənāiiūka.
Verse: c    yaϑa. vaṣ̌i. aϑa. haxšaēte.
Verse: d    vana. pascaita. uzdaŋuhucit̰. paϑa. haxtōit̰.
Verse: e    cauuat̰. anā. dbōištəm. aiianəm. paraŋhacāiti.
Verse: f    yā. fraiiarəna. vā. uzaiieirine. vā. auuąn. aiβiiāstiš. aŋhat̰.
Verse: g    yō. aētahmāt̰. paraŋhacāiti.
Verse: h    nabānazdištəm. he. para. pascaita. raēšca. aδβadāitiiasca. āstrāiṇti.

Paragraph: 10
Verse: a    āat̰. huua. tąm. aba. aēϑrapaitīm.
Verse: b    yeŋ́he. nisritəm. frāra.
Verse: c    āhi. anistritim.
Verse: d    yezi. āat̰. he. nōit̰. aiγsritīm. frāra.
Verse: e    nōit̰. aini.sritim. āstraiieite.
Verse: f    yaϑra. apərəiiūkō.
Verse: g    nōit̰. hē. anisriš.
Verse: h    aϑa. aiβiiaŋhəm. yaϑra. ratuš. ϑβaiiaŋhəm. yaϑra. apərənāiiūkō.
Verse: i    āhe. aiϑsritim. stariieiti.
Verse: j    aδa. yat̰. vā. yaϑra. ϑβaiiaŋhəm. vā. ϑβaiiaŋhəm. vā.

Paragraph: 11
Verse: a    daēuuaiiasnahe. vā. tanu. pərəϑahe. vā. apərənāiiūka. paraŋhacāiti.
Verse: b    nisritit̰. aētahe. āstriieiti. nōit̰. asriti.
Verse: c    hāt̰.
Verse: d    nisritat̰.
Verse: e    yaϑa. dahmahe. fraŋharəzōit̰.
Verse: f    yauuatahe. nāfo. anuuaϑβarištō.
Verse: g    cuuaϑ. nā. aiϑra.paititim. upaōisāt̰. yārə. drājō.
Verse: h    ϑrizarəmaēm. xratūm. aṣ̌auuanəm. aiβiiāŋhat̰.
Verse: i    spaiiaēiti.
Verse: j    vīspaēibiiō. apərənāiiūbiiō. nōit̰. cahmāi. apərənāiiunąm.
Verse: k    barō.
Verse: l    yeŋ́he. aētaca. mazdaiiasnanąm. nāirika. auuaiiā^̊. xšudrā^̊. hąm. raēϑβaiieii. mazdaiiasnanąmca. daēuuaiiasnanaąmca.
Verse: m    yezi. aṇtarāt̰. naēmāt̰. aētahe. drənjaiieiti. para. paitiiāiti. vīraōδaiieiti.
Verse: n    hāϑrəm. nuuciainəm. aēϑrapaitim. upōisōit̰. āϑa. ϑritīm. upōisōit̰. aēuuaϑa. tūirīm. upōisōit̰.
Verse: o    yezi. auuat̰. vaēϑat̰. vaēnaϑa. aṇtarāt̰. naēmāt̰. hāϑrahe. drəṇjaiiāat̰ca. naēmca. pascaiti. vīrōaδai.
Verse: p    ϑrixšafarəm. dąždrəm.

Paragraph: 12
Verse: a    kəm. aēmat̰. aēϑrapaitim. upaiiat̰. apnōtəm. dahməm.
Verse: b    yese. tat̰. apiiaeiti. pāraṇtarəm. isōit̰.
Verse: c    yauuat̰. aētahmiia. zrustaōtanąm. yesniianąm. dādrājōiš.
Verse: d    yaϑa. tat̰. āfrimari. nəmō. x́iiāt̰. aϑa. tat̰. āfrimnō. āstaraiieiti.
Verse: e    aētauuat̰ca. aēšascit̰. āstāraiieiti.

Paragraph: 13
Verse: a    yō. hē. apərəmnāi. nōit̰. vīsāiti. frāmrūiti.
Verse: b    kō. he. pōurunąm. aēϑrapaitinąmca. afrōxte. āstriieiti. nabānazdištō.
Verse: c    āat̰. hauuatąm. nana. yahmi. parəiti.
Verse: d    vīspaēšu. parənti. vīspaēšu. afrōti. āstriieiti.

Paragraph: 14
Verse: a    yō. asrut̰. gaōšō. vā. afriuuaōcō. vā. nōit̰. ōim. cinəm. vācim. aiβiiāš.
Verse: b    nōit̰. pascaati. anaiuuišti. āstriieiti.
Verse: c    yezi. āat̰. ōiium. pe. vācim. aiβiiāiš. anāβišti. āstriieite.
Verse: d    aϑā. āat̰. yazamaide. aṣ̌əm. vōhū. ā.
Verse: e    iϑā. āat̰. yazamaide.
Verse: f    aṣ̌əm. vōhū.

Paragraph: 15
Verse: a    yō. auuaδa. nōit̰. aiβiiāsti. aṣ̌aōne. araduša. hauuaiiaŋhəm. āxtəm.
Verse: b    darətō. vā. anaŋrō. tāiia. vā.
Verse: c    ynā. vā. aōdra. vā. taršnā. vā. auruuaš. aŋra. vā. aōdra. vā. tarṣ̌na.
Verse: d    aŋuha. vāca. taŋrō. piϑβā^̊. ahmāt̰. paiti. aδβā.
Verse: e    nōit̰. aēnauuišti. āstraeiti.
Verse: f    vāϑmaini. ašauuā. x^vafna. vā. anaiuuišti. āstriieiti.

Paragraph: 16
Verse: a    kat̰. vā. daēuuaiiasnāt̰. vā. tanu. pərəϑāt̰. aēϑra. patōit̰. pairi. aβiiaŋhat̰.
Verse: b    frasrāuuaiiō. auua. dāϑra. yim. dim. vaēnāt̰. əuuisaēušuua. vaṇdānəm.
Verse: c    nōit̰. āuua. yā. vistaēšuuā.
Verse: d    nōit̰. he. aṣ̌iš́iiaōϑānanąm. vərəziiōit̰.

Paragraph: 17
Verse: a    nā. daēuuaiiasnāi. vā. tanu. pərəϑāi. vā. aēϑraiiāi. caṣ̌āiti.
Verse: b    dahmō. niuruzdō. aδāitiiō. draōnā^̊.
Verse: c    dāitiiehe. draōnaŋhō. upa. janā^̊ŋha.
Verse: d    pāiri. gərəftaiiāt̰. paiti. zmanaiiā^̊. nōit̰. aipi. gərəpataiiāt̰. paiti.
Verse: e    cuuaiti. še. aēša. zəmana. aŋhat̰. yaϑa. gāuš. frauuaiti.
Verse: f    vəhrkāi. hizuuąm. daδāiti. yō. azravdāi. meϑrəm. cašte.

Paragraph: 18
Verse: a    kat̰. nā. daēuuāiiasnāi. tanu. pərəϑāi. vā. gə̄uš. aδāitiia. āstriieiti. nōit̰. āstriieiti.
Verse: b    aniiō. ahmāt̰. yō. he. gauuā. varəš. daidit̰. aētahmāi.

Paragraph: 19
Verse: a    dahmō. dahmāi. aōxte.
Verse: b    frā. mā. nərə. gāraiiōiš. yat̰. ratu.fritiš. ā.[ja]sāt̰.
Verse: c    vīsaiti. dim. fra.γrāraiiō. nōit̰. fra.γrāγrāiieiti.
Verse: d    aēšō. ratu.friš. yō. jagāra.

Paragraph: 20
Verse: a    cuuaiti. narąm. a.[ha]xtō. zaōta. ratu.friš.
Verse: b    ahunəm. vairīm. fra.sraōš́iiehe.
Verse: c    vīspaēibiiō. aē(i)biiō. yōi. he. maδəmiiā. vaca. fra.srāuuaiiamnahe. vā. upa.s(u)runuuaṇti. yat̰. vā. yasnəm. yazəmnahe.

Paragraph: 21
Verse: a    surunaōiti. zaōta. upa.sraōtaranąm.
Verse: b    nōit̰. upa.sraōtarō. zaōtarō.
Verse: c    zaōta. ratu.friš.
Verse: d    aētav[at]ō. upa.sraōtarō. yauuat̰. fra.marənte.
Verse: e    suru[nuuaṇti. upa.sraōtārō. zaōtarō].
Verse: f    nōit̰. zaōta. upa.sraōtaranąm.
Verse: g    upa.sraōtārō. ratu.friiō.
Verse: h    aētauuatō. zaōta. yauuat̰. fra.maraite.

Paragraph: 22
Verse: a    sraoϑra. na. gāϑanąm. r[a]tu.friš.
Verse: b    paiti.asti.ca. yasnahe. aδa. fṣ̌ūšō. mąϑrahe.
Verse: c    ahe. zī. nā. srauuaŋhō. a.fra.marəti. ā.striieite. yaϑa. gāϑanąm.cit̰.
Verse: d    manō. marətanąm.cā.
Verse: e    vacō. marətanąm.ca.
Verse: f    gāϑā^̊. srāuuaiiō. yasnəm. yazəṇtəm. paiti.[hi]štāiti.
Verse: g    vīspanąm. gāϑanąm. ratu.friš.
Verse: h    yasnəm. yazāiti. gāϑanąm. srāuuaiiamnanąm. paiti.[hi]š[tā]ti.
Verse: i    yasnahe. aēuuahe. ratu.friš. a.ratu.friš. gāϑanąm.

Paragraph: 23
Verse: a    yā. gāϑā^̊. afsmanuuat̰. [s]rā[uua]iiatō. uua. ratu.friia.
Verse: b    vacastaštiuuat̰. srāuuaii[a]mnō. aētauuatō. kataras.cit. ratu.friš. yauuat̰. fra.maraiti.

Paragraph: 24
Verse: a    yā. yasnəm. yazōiti. afsmanuuat̰. vā. vacastaštiuuat̰. vā. ,. uua. ratu.friia.
Verse: b    hąm.srut̰.vāciiāδa. yezōiti. uua. a.ratu.friia.
Verse: c    kat̰. hąm.srut̰.vācim.ca.
Verse: d    yat̰. hakat̰. ā.mrutō. afsmanuuat̰.ca. vacasta[štiuuat̰.ca].
Verse: e    auui. aniiō. surunuuaiti. nōit̰. ainiiō.
Verse: f    aēšō. ratu.friš. yō. nōit̰. aiβi.srun[uu]aiti.

Paragraph: 25
Verse: a    yō. gāϑanąm. anu.maiti. vā. anu.main[ii]aiti.
Verse: b    ainiiehe. vā. srāuuaiiatō. paiti.[hi]štaiti.
Verse: c    aniiō. vā. he. dahmō. srutā^̊. gāϑā^̊. daδāiti. ratu.friš.
Verse: d    a.srutā^̊. daδāiti. [a.ratu.friš].

Paragraph: 26
Verse: a    yō. gāϑā^̊. srāuuaiieiti. apō. vā. paitiš.x^vaine.
Verse: b    raōδaŋhō. vā. kərəs[an]ąm. vā. gaδōtinąm. [vā].
Verse: c    gauuąm. vā. vāsaiiatąm.
Verse: d    yezi. huuaēibiia. uš́ibiia. aiβi.srunuuaiti. ratu.friš.
Verse: e    yezi. āat̰. nōit̰. huuaēibiia. uš́ibiia. aiβi.surunuuaiti. apa.yāt̰.
Verse: f    yezi. apōiš. āat̰. nōit̰. apōiš.
Verse: g    aētaδa. maδəmiia. vaca. fra.marəmnō. ratu.friš.

Paragraph: 27
Verse: a    cuuatā. nā. nitəma. vaca. gāϑā^̊. srāuuaiiō. ratu.friš.
Verse: b    yauuat̰. he. nazdištō. dahmō. vī.s(u)runuuaiti. yauuat̰. vā. aēm. aēm. huuaēibiia. uš́ibiia.

Paragraph: 29
Verse: a    yōi. aētə̄ē. maiδiianąm. parō. x^varətōit̰. gāϑā^̊. nōit̰. srāuuaiiei[n]ti.
Verse: b    paōiriiaiia. varəšta. aēšąm. š́iiaōϑanəm. ciϑaiia. uruuištəm.

Paragraph: 30
Verse: a    tat̰. x^varəRnō. bāδa. asti.
Verse: b    dahmō. hurąm. x^varaiti. maδō. aspiia[he]. payaŋhō.
Verse: c    dāitiiā. draōnā^̊. x^varō. maδaite.
Verse: d    nōit̰. gāϑanąm. a.sruiti. ā.striieiti.
Verse: e    fraiiā^̊. draōnā^̊. x^varō. maδaite.
Verse: f    gāϑanąm. a.sruiti. [ā.striieiti].

Paragraph: 31
Verse: a    yō[i]. biš.hastre. srāuuaiiei[n]ti. [a].ratu.friiō.
Verse: b    ϑriš.hastre. srāuuaiiənti. [ratu.friiō].
Verse: c    cuuat̰. nitəməm. hastrəm. aŋhaə. ratu.fri[t]ə̄e. ϑriš.

Paragraph: 32
Verse: a    yō[i]. gāϑā^̊. pairi.uxṣ̌aiti. srāuu[a]iiaṇti.
Verse: b    yezi. a.rastrəm. pairi.uxṣ̌iianta. pairi.āδa[rə.]
Verse: c    vā. vacat̰. apa.yaṇtō. a.ratu.friiō.
Verse: d    pasca. vā. parō. vā. pairi.āδa[rə]. a.ratu.friiō.

Paragraph: 33
Verse: a    kaϑa. zaōta. gāϑā^̊. fra.srāuuaiiāiti. naēmō.vacastašti. maδimiia. vaca. zaraϑuštri. mana.
Verse: b    yezi.ca. aētə̄e. vacō. apa.yaeiti. yōi. hənti. gāϑāhuua. biš.āmrūta. ϑriṣ̌.āmrūta.ca. caϑruš.āmrūta.ca.
Verse: c    aētaēšąm. vacąm. a.ratu.friš.

Paragraph: 34
Verse: a    kaiia. haṇti. vacō. biš.āmrūta.
Verse: b    ahiiā. yāsā. humatanąm. aṣ̌ahiia. āat̰. yaϑā. tū. ī. humāīm. ϑβā. īžəm. ϑβōi. staōtaras.cā. uštā. ahmāi. spəṇtā. mainyū. vōhū. xšaϑrəm. vairīm. vahištā. īštiš.

Paragraph: 35
Verse: a    kaiia. ϑriṣ̌.āmrūta.
Verse: b    aṣ̌əm. vōhū. yə̄. səuuištō. huxšaϑrōtəmāi. duž.varənāiš.

Paragraph: 36
Verse: a    kaiia. caϑruṣ̌.āmrūta.
Verse: b    yaϑā. ahū. vairiiō. mazdā. at̰. mōi. ā. [a]iriiemā.

Paragraph: 37
Verse: a    kaŋhąm. nā. gāϑanąm. srutanąm. a.ratu.friš.
Verse: b    yā. maēzō. vā. fra. uuā. ṣ̌āimnō. srā[uua]iieiti.
Verse: c    aētaēšąm. vacąm. a.ratu.friš.
Verse: d    aδa.ca. uiti. yaϑa. kaϑa.ca. dahmō. staōta. yesniia. hauruua. daδāiti.
Verse: e    pauruuāt̰. vā. naēmāt̰. aparāt̰. vā.
Verse: f    yō. vā. tacō. vā. hištəmnō. vā. ā^̊ŋhānō. vā. saiiānō. vā. barəmnō. vā. vazəmnō. vā. aiβiiāstō. aϑa. ratu.friš.
Verse: g    barō. aspō. vazō. raϑō.

Paragraph: 38
Verse: a    dahmō. zaōta. tanu.pərəϑa. upa.sraōtārō.
Verse: b    yezi. diš. tanu.pərəϑō. vaēδa.
Verse: c    aē[ta]uuatō. ratu.friš. yauuat̰. fra.maraiti.
Verse: d    yezi. āat̰. diš. nōit̰. tanu.pərəϑō. vaēδa.
Verse: e    vīspanąm. gāϑanąm. ratu.friš.

Paragraph: 39
Verse: a    tanu.pərəϑō. zaota. dahma. upa.sraōtārō.
Verse: b    yezi. dim. tanu.pərəϑəm. vīδarə.
Verse: c    aētauuatō. ratu.friiō. yauuat̰. fra.marənti.
Verse: d    yezi. āat̰. dim. nōit̰. tanu.pərəϑəm. vīδarə.
Verse: e    vīspanąm. gāϑanąm. ratu.friiō.
Verse: f    dahmō. zaōta. dahma. upa.sraōtārō. vīspe. ratu.friiō.
Verse: g    tanu.pərəϑō. zaōta. tanu.pərəϑa. upa.sraōtārō. vīspe. a.ratu.friiō.

Paragraph: 40
Verse: a    ka[h]iiā.cit̰. nā. dahmanąm. zaōϑrāδa. ratu.friiō.
Verse: b    nāirik[aii]ā^̊s.cit̰. a.pərənāiiūkahe.cit̰.
Verse: c    yezi. vaēδa. hāϑinąm. ϑβarəsə̄s.ca. fra.taurunā^̊s.ca.
Verse: d    aṇtarə. hāitišu. yasnəm. fra.yazōit̰.
Verse: e    aṣ̌əm. vōhū. vahištəm. astī.
Verse: f    uštā. astī. uštā. ahme.
Verse: g    hiiat̰. aṣ̌āi. vahištāi. aṣ̌əm.

Paragraph: 41
Verse: a    yō. gāϑā^̊. a.srāuuaiiō. ąstā. vā. tarō.maiti. vā. [apa]. tanūm. pərəiieiti.
Verse: b    kō. ąstā. kō. tārō.maiti.
Verse: c    yō. haca. daēnaiiāt̰. māzdaiiasnōit̰. apa.stauuōit̰.

Paragraph: 42
Verse: a    yō. gāϑā^̊. a.srāuuaiiō. yārə.drājō. apa. tanūm. pairiieiti.
Verse: b    yezi. ā^̊ŋhąm. ōiiąm. [a]pe. vācim. fra.maraiti.
Verse: c    paiti. še. hō. parətō.tanunąm. stā^̊ŋhaiti.
Verse: d    yahmat̰. haca. təm. auua.raōδənti.
Verse: e    yō. gāϑanąm. ōiiəm. vācim. apa.yāiti. aēuuąm. vā. vacas.taštīm.
Verse: f    ϑri. vā. āzāiti. aiiarə.drājō. vā. vāstr[a]iiāt̰.
Verse: g    aϑa. bitīm. aϑa. ϑritīm.
Verse: h    aϑa. vīspəm. ā. ahmāt̰. yat̰. hē. haṇ.jasaiti. yaϑa. caϑrušum. yārō. gāϑā^̊. a.srāuuaiiō. hyat̰. arəduša. hē. š́iiaōϑanəm.
Verse: i    ϑrišūm. tarō. x^vara. naēməm. tarō. bāzu.jatiia. vīspəm. tarō. yārə.drājō. hē. him. yātəm. ā.striieiti.
Verse: j    yat̰.cit̰. pascaēta. aēuuąm. ratu.fritīm. auua.raōδaiiēiti. [apa]. tanūm. pairiiēiti.

Paragraph: 43
Verse: a    yō. gāϑanąm. aēuuąm. ratu.fritīm. auua.raōδaiieiti. ϑri. vā. āzāiti. aiiarə.drājō. vā. vāstr[a]iiāt̰.

Paragraph: 44
Verse: a    yō. gāϑā^̊. a.srāuuaiiō. naēməm. yārə.drājō.
Verse: b    tat̰. paiti. ainim. dahməm. gāϑanąm. sraoϑrā^̊. pairi.štaiieiti.
Verse: c    yaδōit̰. naēm[əm]. yārō. gāϑā^̊. a.srāuuaiiō. hyat̰. aϑa. ā.striieiti.
Verse: d    paōurum. vā. naēmə̄m. yā[rō]. aparəm. vā. pairii.a.štaiieiti. pišō.tanuš.

Paragraph: 45
Verse: a    yō. gāϑā^̊. a.srāuuaiiō. naēməm. yārō.
Verse: b    tat̰. paiti. ainim. dahməm. jaṇti.
Verse: c    arəduš. vā. aγriiō.staōrəm. vā. bi.staōrəm. vā. yat̰. mazaŋhəm. vā. x^varəm.
Verse: d    x^varōit̰. hē. aŋhat̰. ciϑaiiaēca. upa.bərətaiiaē.ca.

Paragraph: 46
Verse: a    kahmāt̰. haca. uṣ̌ahinanąm. gāϑanąm. ratu.fr[it]iš. fra.jasaiti.
Verse: b    haca. maiδiiaiiā^̊. xšapat̰. hu[rō]. vaxṣ̌āi. pairi.sacāiti.
Verse: c    aϑa. aiβi.gāmi.
Verse: d    āat̰. hami. yezi. para. hu[rō]. vaxṣ̌āt̰. ahunauuat[īm].ca. gāϑąm. srāuuaiiēiti.
Verse: e    yasnəm.ca. hapta.ŋhāitīm. uštauuaitīm. hāitīm.ca.
Verse: f    an.ā.stərətō. pascaita. auuā^̊. yā^̊. aniiā^̊. srāuuaiiōit̰. ā. maiδiiāt̰. fr[ā].yarāt̰.

Paragraph: 47
Verse: a    kahmāt̰. [haca]. hāuuaninanąm. gāϑanąm. ratu.fr[it]iš. fra.jasaiti.
Verse: b    haca. hū[rō]. vaxṣ̌āt̰. maiδiiāi. fraiiarāi. pairi.sacāiti.
Verse: c    hami. aϑa.
Verse: d    āat̰. aiβi.gāmi. maiδiiāi. uzaiiarāi.

Paragraph: 49
Verse: a    kahmāt̰. haca. rapiϑβinanąm. gāϑanąm. ratu.fr[it]iš. fra.jasāiti.
Verse: b    haca. rapiϑβaiiāt̰. maiδiiāi. uzaiiarāi. pairi.sacāiti.

Paragraph: 50
Verse: a    kahmāt̰. haca. uzaiiairinanąm. gāϑanąm. r[a]tu.fr[it]iš. fra.ja[sa]iti.
Verse: b    haca. maiδiiāt̰. uzaiiarāt̰. hu[rō]. frāšmō.dāitə̄e. pairi.sacāiti.
Verse: c    hami. aϑa.
Verse: d    āat̰. aiβi.gāmi. yezi. para. hū[rō]. frāšmō.dātōit̰. ahunąs.ca. vairiiąn. fra.srāuuaiieiti.
Verse: e    spəṇtā.main[ii]ūm.ca. vacas.taštim. xšuuaš. vahištəm. srāuuaiieiti.
Verse: f    an.ā.stərətō. pascaita. auuā^̊. yā^̊. aniiā^̊. srāuuaiiōit̰. ā. maiδiiāt̰. xšapat̰.

Paragraph: 51
Verse: a    kahmāt̰. [haca]. aiβi.srūϑrəminanąm. gāϑanąm. ratu.fr[it]iš. fra.jas[a]iti.
Verse: b    haca. hū[rō]. frāšmō.dātōit̰. maiδ[iia]iiāi. xšape. pairi.sacāiti.
Verse: c    tat̰. hami. tat̰. aiβi.gāme.

Paragraph: 52
Verse: a    yōi. dāitiia. yaōna. carənti.
Verse: b    gauuāstr[ii]a.ca. varəšnā^̊. vərəz[ii]aṇtō. xratūm.ca. aṣ̌auuanəm. aiβi.ṣ̌aṇtō.
Verse: c    a.δāitiiahe. draōnaŋhas.ca. hatō.
Verse: d    dāitīm. gə̄uš. draōnō. upa.isəmna. aδa. auua.ŋhabdəṇti.
Verse: e    fra.maratąm. aēšąm.
Verse: f    nōit̰. aētaēšąm. ratu.fr[it]iš. ratu.fritīm. ϑβərəṣ̌āiti.
Verse: g    yaδōit̰. aēte. fra.marəṇti. yaδōit̰. ratu.friiō.

Paragraph: 53
Verse: a    āat̰. aēte. yōi. fra.carəṇti. kərəsąs.ca. gaδōitīš.ca. daēuuiia.ca. haṇ.dramana. upa.mrūϑə̄s.ca. vīspā^̊. xšap[a]nō.
Verse: b    dāitiiahe. draōnaŋhas.ca. hatō.
Verse: c    a.δāitīm. gə̄uš. draōnō. upa.isəmna. aδa. auua.ŋhabdəṇti.
Verse: d    a.fra.maratąm. aēšąm.
Verse: e    aētaēšąm. ratu.fr[it]iš. ratu.fritīm. ϑβərəsaitī.

Paragraph: 54
Verse: a    kahiia. [n]ā. gauua. ratu.friš.
Verse: b    yā^̊. huuaŋhe. tanuuā^̊. yā^̊. nāiriiā^̊. yā^̊. puϑrahe. apərənāiiaōš.
Verse: c    yā^̊. tanu.pərəϑahe. apa.raōδəmnahe. a.jaγauruua. [a]iia. ratu.friš.
Verse: d    yā^̊. haca. daēuua.yasnaēibiiō. auua.uruuaiti. apa.[ba]bara. aiia. ratu.friš.
Verse: e    taδa. yat̰. paiti.barənti. yā^̊. arədušat̰. apaititat̰. ā.jaγauruua.
Verse: f    yā^̊. varaŋha.
Verse: g    yā^̊. a.δāiti. fraiiaitinąm. frapa.
Verse: h    yā^̊. nōit̰. vistəm. druuatō.
Verse: i    yat̰. paiti.barā^̊nti.
Verse: j    nōit̰. a.pita. nōit̰. pita. aiia. ratu.friš.

Paragraph: 55
Verse: a    ratu.friš. a.pitanąm. kahiia.
Verse: b    ratu.friš. huuaŋhe. nmānahe. paiti.riciieihe.
Verse: c    yezi. hiš. huuāuuōiia. dazde. ratu.friš.
Verse: d    yezi. āat̰. nōit̰. hiš. huuāuuōiia. dazde. a.ratu.friš.
Verse: e    (yā. a.δaŋaŋhe. ).
Verse: f    yezi. āat̰. x^varəϑa. dazde. ratu.friš.
Verse: g    [yezi. āat̰. nōit̰]. x^varəϑa. dazde. a.r[a]tu.friš.

Paragraph: 64
Verse: a    yā. nara. hama. x^varəϑa. hama. gaō.dana. hamąm. aēta. xšāudriiąm. zaōϑrąm. barātō. hamąm. pāipiϑβąm.
Verse: b    hama. x^varəϑa. paitina. gaō.dana.
Verse: c    paitinąm. aēta. xšāudriiąm. zaōϑrąm. barātō. hamąm. pāpiϑβąm.
Verse: d    paitina. x^varəϑa. hama. gaō.dana.
Verse: e    hamąm. aēta. xṣ̌āudriiąm. zaōϑrąm. barātō. paitinąm. pāpiϑβąm.
Verse: f    paitina. x^varəϑa. paitina. gaō.dana. paitinąm. aēta. xšāudriiąm. [zaōϑrąm]. barātō. paitinąm. pāpiϑβąm.

Paragraph: 65
Verse: a    c[uu]aiti[š]. nā. aēuuahe. pasuuō. zaōϑrā^̊. barāt̰. cataŋrō.
Verse: b    aϑa. duu[aii]ā^̊. aϑa. ϑriiąm.
Verse: c    caturąm. aēuuąm. kahiiāi.cit̰. taδa. fraiiaŋhąm.
Verse: d    cuuat̰. gaōnahe. auua.barāt̰.
Verse: e    yā. duuaēibiia. ərəzubiia. haṇ.gərəβāt̰.
Verse: f    daṣ̌ənəm. ā. vā. gaōnauuatō.
Verse: g    barəṣ̌naōš. vā. paiti. vaγδanahe.
Verse: h    pōuru.cit̰. uϑahe.
Verse: i    yat̰. aētaδa. haṇ.jasā^̊ṇti. paōuru. gaōnahe. uϑahe.ca.
Verse: j    vīspaēšąm. ātare. paiti.barōit̰.
Verse: k    [ā]tarō. yasnəm. hapta.ŋhāitim. yezəmnō. nōit̰. āϑrō. frauuatim.ca. nōit̰. gə̄uš. vīmitim.[ca]. [kərənuiiāt̰].

Paragraph: 56
Verse: a    nōit̰. pasuua.ca. bazda. nōit̰. irišta. [nōit̰]. an.azdiia. ratu.friš.
Verse: b    a.basta. a.irišta. azdiia. pairišta.ŋhara. ratu.friš.

Paragraph: 57
Verse: a    ratu.friš. paiiə̄biš. x^vāstāiš.ca. a.x^vāstāiš.ca. azdiiāiš.ca. an.azdiiāiš.ca.
Verse: b    ratu.friš. pitu[bi]š. x^vāstāiš. nōit̰. a.x^vāstāiš. az[d]iiāiš.[ca]. nōit̰. an.az[d]iiāiš.
Verse: c    ratu.friš. spakaēbiš.ca. vīzu[bi]š.ca. x^vāstāiš.ca. nōit̰. a.x^vāstāiš. az[d]iiāiš.[ca]. nōit̰. an.az[d]iiāiš.

Paragraph: 58
Verse: a    ratu.friš. carəmanąm.ca. pasuu[ō]. vastranąm.ca.
Verse: b    uparištanąm. fratarāt̰. naēmāt̰.
Verse: c    mrātanąm. nōit̰. a.mrātanąm. az[d]iianąm. nōit̰. an.az[d]iianąm.

Paragraph: 59
Verse: a    ratu.friš. nāirikaiiā^̊. kəhrpa. nōit̰. paiiaŋha.
Verse: b    nōit̰. sunō. kəhrpa. [nōit̰]. paiiaŋha.
Verse: c    ratu.friš. vəhrkaiiā^̊. kəhrpa.ca. paiiaŋha.ca. haδa. vīspanąm.ca. daēuua.yasnanąm. tanu.pərəϑanąm.ca. haϑra. baōδaŋha. fra.varšta.

Paragraph: 60
Verse: a    yō. aēuuō. haδō.gaēϑanąm. barəsma.ca. fra.starən[āi]ti. gə̄uš.ca. paiti.baraiti.
Verse: b    aδāt̰. aniie. aṇtarāt̰. naēmāt̰. hāϑrahe. vacas.ca. fra.maraiṇti. gauuāstriiā.ca. varəšnā^̊. vərəz[iia]ṇti.
Verse: c    vīspaēšąm.ca. aiβi.s(u)runuuaiti. vīspe. ratu.friiō.
Verse: d    (aϑā. ratuš. aṣ̌āt̰.cīt̰. haca. frā. aṣ̌auua. vīδuuā^̊. mraotū)
Verse: e    yezi. āat̰. nōit̰. aiβi.srunuuaṇti. aēṣ̌ō. ratu.friṣ̌. yō. barəsma. fra.stərəṇ[āi]ti. gə̄uš.ca. paiti.baraiti.

Paragraph: 61
Verse: a    kahmāt̰. haca. miiazdauuanąm. miiazde. raēϑβaiti.
Verse: b    yā. xšudra. yat̰. vā. yazaṇti. yat̰. vā. hąm.raēϑβəṇti.
Verse: c    yat̰. vā. frā. uiϑe.tātō. pərəsəṇti.
Verse: d    yat̰. vā. aēšąm. aniiō. aētahmāi. dāiti. daδāiti.

Paragraph: 62
Verse: a    kahmāt̰. haca. miiazdauuanąm. miiazde. raēϑβaiti.
Verse: b    yā. pāpiϑβa. vasō. a.cištə̄e.
Verse: c    yat̰. pairi. barəsma. haṇ.jasaṇte. āat̰. ratu.fritəe.
Verse: d    yat̰. yazaṇti. yat̰. vā. hąm.raēϑβaṇti. [yat̰. vā. frā. uiϑe.tātō. pərəsəṇti.]
Verse: e    yat̰. vā. aiβi.ϑβərəsō. nōit̰. vərəz[ii]əṇti.
Verse: f    aiβi.ϑβarəs.
Verse: g    mruiiāt̰.ca.
Verse: h    yat̰. vā. aēšąm. aniiō. aētahmāi. dāiti. daδāiti.

Paragraph: 63
Verse: a    yasca. aētaēšąm. miiazdauuanąm. aētaŋhąm. miiazdanąm. an.a.haxtō. para.baraiti.
Verse: b    nōit̰. tāiiuš. nōit̰. hazaŋha. bauuat̰.
Verse: c    aiβi.ciciṣ̌[ə]mnāia. δa. ciϑąm. staiiāt̰.
Verse: d    ainiiō. kas.cit̰. aŋhə̄uš. astuuatō. para.baraiti. ākā^̊. hazaŋha. an.ākā^̊sə. tāiiuš.

Paragraph: 67
Verse: j    auuaēzō. pasūm. hąm.puxδəm. draōnaŋhō. nōit̰. paiiaŋhō.
Verse: k    usca. āpe. ṣ̌auuō. gāmiiāiš.
Verse: l    xšuuaš. vaγžibiš. aṇtarə.barōit̰.
Verse: m    yaϑa. nōit̰. aēti. nidātā^̊s.ca. a.iriš́iią.
Verse: n    a. zī. dim. aētaēšąm. baōδō.jaitiš. a.stār[ii]aiti.

Paragraph: 68
Verse: a    auuaϑa. fra.bərəta. zaōϑrā^̊. fra.barōit̰.
Verse: b    aϑa. hāuuana. haōmąn. huniiāt̰.
Verse: c    yaϑa. hauuat̰. vaēδat̰. aϑa. me. zaōϑrā^̊. yeiṇte. raocahe. nōit̰. təmahe.
Verse: d    vīdiiāt̰. zi. yaϑa. hō[i]. aṣ̌iš. aŋhat̰.
Verse: e    vīspanąm. zi. auua.srascatąm. parā.ca. išiiamnanąm. daēuua. raēzaēte. upa.nuxturuṣ̌u. tąϑraēšu. a.srāuuaiiamnāt̰. paiti. ahunāt̰. vairiiāt̰.
Verse: f    yaϑā. ahū. vairiiō.
Verse: g    aϑā. yō. dim. fra.hiṇc[aiti]. aṇtarə. ātarəm.ca. barəsma.ca.
Verse: h    an.airiianąm. tat̰. dahiiunąm. vərəϑrāi. uz.jasaiti.

Paragraph: 69
Verse: a    yō. paiti. ape. baraiti. nōit̰. barəsmaine.
Verse: b    yezi. barəsma. aṇtarāt̰. naēmāt̰. aēšō.drājiiehe. yauuō.fraϑiiehe.
Verse: c    paiti. barəsma[ine].cit̰. barōit̰.
Verse: d    yezi. nōit̰. [paiti.baraiti]. ϑri. vā. āzāiti. aiiarə.drājō. vā. vāstr[a]iiāt̰.
Verse: e    yō. paiti. barəsmaine. [baraiti]. nōit̰. ape.
Verse: f    yezi. āfš. aṇtarāt̰. naēmāt̰. ϑri.gāmiiehe.
Verse: g    paiti. apaē.cit̰. barōit̰.
Verse: h    yezi. nōit̰. paiti.baraiti. ϑri. vā. āzāiti. aiiārə.drājō. vā. vāstr[a]iiāt̰.

Paragraph: 70
Verse: a    yat̰. barəsma. aēšō.drājō. yauuō.fraϑō. kuua.cit̰. aētahe. paiti.barōit̰.
Verse: b    yat̰. masiiō. aētahmāt̰. barəsma.
Verse: c    yaϑa. aētahe. fra.stərənāiti. aϑa. aētahe. paiti.barōit̰.
Verse: d    yat̰. zaōta. ahurəm. mazdąm. yazāiti. maδimāi. barəsmaine. paiti.barōit̰.
Verse: e    aməṣ̌ə̄. spəṇtə̄. yazāiti. frātəmāi. barəsmaine. paiti.barōit̰.
Verse: f    apō. at̰. yazāiti. haō[iiō]təmāi. barəsmaine. paiti.barōit̰.
Verse: g    aṣ̌āunąm.ca. urunas.ca. fravaṣ̌iš.ca. yazāiti. [d]aṣ̌[i]nōtəmāi. barəsmaine. paiti.barōit̰.
Verse: h    vīspaēbiiō. yasnō.kərətibiiō. maδəmāi. barəsm[ain]e. paiti.barō[i]t̰.
Verse: i    yeŋ́hē. hāt̰ąm.
Verse: j    daxšmaēstim. aētat̰. barəsma. yat̰. paiti. āpəm. frānaiiata.

Paragraph: 71
Verse: a    apa. aδāt̰. fra.bərəta. aētāibiiō. zaōϑrābiiō. y[as]āiti.
Verse: b    yā^̊ŋhąm. nōit̰. aiβiiō. vaŋhībiiō. fra.barat̰.
Verse: c    frā. aētā^̊. zaōϑrā^̊. barōit̰.
Verse: d    zaōta. gə̄uš. paiti. afšuua. paōiriiō. fra.ŋharōit̰.
Verse: e    mrūiti. aēta[δa]. zaōta. imąn. vacō.
Verse: f    aməṣ̌a. spəṇta. daēne. māzdaiiasne.
Verse: g    vaŋhauuas.ca. vaŋhīš.ca. zaōϑrā^̊s.ca.
Verse: h    yō. aṣ̌auua. mazdaiiasnaēṣ̌uuā. mazdaiiasnō. aōjanō.
Verse: i    aṣ̌ahe. rāϑme. jūšaiiamnō.
Verse: j    yāϑβa. gaēϑā^̊. aṣ̌ahe. mərəṇjaiti.
Verse: k    aōi. tū. dim. disiiata. yā^̊. apas.ca. uruuarā^̊s.ca. zaōϑrā^̊s.ca.
Verse: l    yas.ca. aētaēšąm. mazdaiiasnanąm. pərənāiiunąm. aiβi.zūzuiianąm. imąn. vaco. nōit̰. vīsaite. fra.mrūit[ə̄]e.
Verse: m    aməṣ̌a. spəṇta.
Verse: n    aē[ta]tąm. ā. yātum[n]ahe. jasaiti.
Verse: o    fraša. aδāt̰. [aṇt]arāt̰. naemāt̰. yujiiastōiš. pai[ti.y]asənti. aesmąs.ca. barəsma.ca.

Paragraph: 72
Verse: a    cit̰. zaotarš. kairim. aŋhat̰. miiazdahe. aiṇ.
Verse: b    g[āϑ]ā^̊s.ca. fra.srāuuaiiāiti. vacim.ca. aŋhe. astuuāiti. paiti.ā.δaiiāt̰.
Verse: c    (aϑā. ratuš). āat̰. hāuuanānō. yat̰. haōməm.ca. a.hunauuat̰. a.ŋhauuanəm.ca. vī.man[t]āt̰.

Paragraph: 73
Verse: a    āat̰. ātra.vaxšahe. yat̰. ātrəm.ca. aiβi.vaxšaiiāt̰. āϑras.ca. tišrō. ϑraxtiš. yaōždaϑat̰.
Verse: b    zaoϑraē.ca. vācim. paiti.ā.δaiiāt̰.

Paragraph: 74
Verse: a    (aϑā. ratuš). āat̰. fra.bərətarš. yat̰. āϑras.ca. aēuuąm. ϑraxtim. yaōždaϑat̰.
Verse: b    barəsmąn.ca. frakəm. āϑraē.ca. yasnō.kərətibiiō. paiti.barāt̰.

Paragraph: 75
Verse: a    āat̰. ā.snatarš. yat̰. haōməm.ca. ā.snaiiāt̰. haōməm.ca. pairi.harəzāt̰.

Paragraph: 76
Verse: a    āat̰. raēiϑβiškarahe. yat̰. haōməm.ca. gauua. ra[ē]ϑβaiiāt̰. baxšaiiāat̰.ca.

Paragraph: 77
Verse: a    āpəm. ābərəs. ā.barāt̰. sraōšā.varəzō. aiβii.āxšaiiāt̰.

Paragraph: 78
Verse: a    zaōtarš. dāitiiō. gātuš.
Verse: b    maδəm[a]iia. nmānahe. maδəmāt̰. a.rāϑrāt̰. apa.sritō. stūna.yuxtōiš.

Paragraph: 79
Verse: a    hāuuanānō. dāitiiō. gātuš.
Verse: b    daṣ̌inąm. upa. sraxtim. fratarąm. barəsmanō. aparąm. āϑrō.
Verse: c    haōiiāt̰. haē. naēmāt̰. ā.snatārš.
Verse: d    ātra.vaxšahē. dāitiiō. gātuš.
Verse: e    daṣ̌inąm. upa. ϑraxtim. fratarąm. āϑrō. [aparąm. barəsmanō].
Verse: f    fra.bərətarš. dāitiiō. gātuš.
Verse: g    haōiiąm. upa. ϑraxtim. fratarąm. barəsmanō. [aparąm. āϑrō].
Verse: h    daṣ̌ināt̰. haē. naēmāt̰. raēϑβiškarahe.
Verse: i    an.aiβi.[d]ərəzuuō.gātū. aēta. ābərəta.sraōšāuuarəza. vī.caratəm.

Paragraph: 80
Verse: a    yezi.ca. aēti. ratauuō. an.a.haxti. para.yaṇti.
Verse: b    zaōta. vīspō.ratuϑβāiš. raēϑβaiiaiti.
Verse: c    parāk. aēuuaδa. ā.snāϑrāt̰. hāuuanāne. raēϑβaiieiti.
Verse: d    zaōta. an.a.haxtō. paraiiat̰. dąhištāi. arš.vacastəmāi. zaōϑrəm. raēϑβaiiaiti.

Paragraph: 81
Verse: a    yat̰. aēuuō. zaōta. frā.maniiāiti. miiazdahe. aiṇ. zaōtarš. gātauua.
Verse: b    aēte. miiazde. aiβi.vaēδaiieiti. raϑβaē.ca. miiazdahe. raϑβaē.ca.
Verse: c    vīspaiiā^̊s.cit̰.ca. aṣ̌aōnō. stōiš. yasnāi.ca. vahmāi.ca. xšnaōϑrāi.ca. fra.sastaiiaē.ca.
Verse: d    zaōtarš. gātauua. ahunəm. vairīm. fra.srāuuaiiōit̰.
Verse: e    š́iiaōϑanō.tāitiia. hāuuanaēibiiō. paiti.jaŋhōit̰.
Verse: f    š́iiaōϑananąm.
Verse: g    hāuuanānō. gātūm.
Verse: h    ātra.vaxšahe. gātauua. ātarəm. aiβi.vaxšaiiōit̰.
Verse: i    fra.bərətarš. gātauua. yasnəm. hapta.ŋhāitīm. frā.yazaiti.

Paragraph: 82
Verse: a    yas.ca. aētaēšąm. raϑβąm. paōiriiō. paiti.ā.jasāt̰. hāuuanānəm. aētəm. ā.staiieiti.
Verse: b    bitīm. ātra.vaxšəm. ϑritīm. fra.bərətārəm. tūirīm. dānazuuāzəm.
Verse: c    puxδəm. ā.snatārəm. xš[uuaš]təm. raēϑβiškarəm. haptaϑəm. sraōšā.varəzəm.

Paragraph: 83
Verse: a    aδāt̰. aniiaēšąm. raϑβąm. paiti.ā.δaiiāt̰.
Verse: b    aēte. ratauuō. parāii[aṇti].
Verse: c    ϑri.gāmi[m]. aṇtarā. an.aṇtarə.iϑa. [an].antarə.hixta.
Verse: d    yat̰. aṇtarə. vā. aiiat̰. aṇtarə. vā. hiṇcāiti. ϑri. vā. āzāiti. aiiarə.drājō. vā. vāstr[a]iiāt̰.
Verse: e    zaōϑranąm. paitišta. [a]sti. miiazdahe. aiṇ.
Verse: f    ratuš. rāitinąm. dāϑranąm. sruuanąm.ca. pasuu[ō]. vastranąm.ca.

Paragraph: 84
Verse: a    āuuōiia. vanaiti. spitama. zaraϑuštra. yō. fra.uruxti. huuahe. [urunō]. vanaiti.
Verse: b    āuuōiia. drujaiti. spitama. zaraϑuštra. yō. fra.uruxti. huuahe. urunō. družaite.
Verse: c    āuuōiia. dā[ϑ]rəm. daδāiti. spitama. zaraϑuštra. yeŋ́he. dāϑrahe. dāiti. nōit̰. huuō. uruua. vaorāza.
Verse: d    dāϑri. zī. paiti. ni.vāitiš. vīspahe. aŋhə̄uš. astuuatō. humataēšu.ca. hūxtaēšu.ca. huuarəštaēšu.ca.
Verse: e    aēša. zaōϑranąm. mazišta.ca. vahišta.ca. sraēšta.ca.
Verse: f    yā. nairi. aṣ̌aōne. dasti. aiβi.ca. haiϑi. ciṣ̌ānāi.ca.
Verse: g    paiti.ca. pārəsmanāi. xratūm. aṣ̌auuanəm.
Verse: h    aṣ̌əm. vohū. vahištəm. [asti].

Paragraph: 85
Verse: a    aiβiiāsta. mazdaiiasna. gāϑā^̊. srāuuaiiąn. nōit̰. an.aiβiiāsta.
Verse: b    kuua. iϑra. aiβiiā^̊ŋhaiiā^̊ṇti. aδairi. kašaē(i)biia.
Verse: c    cuuat̰. aiβiiā^̊ŋhaiiā^̊ṇti.
Verse: d    yat̰. aēšąm. arəduuaiia. gauuāstriiā. varəšnā^̊. vərəz[ii]atąm. nōit̰. auua.raōδaiiāt̰. aδairi. parəϑraēbiia.

Paragraph: 86
Verse: a    [cuuatō]. na. nitəma[he]. vastrahe. aiβiiāstō. ratu.friš.
Verse: b    yaϑa. āϑrāune. duiie. paiti. maiδiiōi. paiti.štāne.

Paragraph: 87
Verse: a    kuuatā.cīt̰. aētahe. aiβiiāstō. ratu.friš.
Verse: b    yat̰. masiiō. aētahmāt̰. vāstrəm.
Verse: c    aētauuatō. aētahe. nitəma[he]. aiβiiāstō. ratu.friš.
Verse: d    yō[i]. aiβiiā^̊ŋhiiā^̊ṇte. kərətīš.ca. a.ratu.friiō.
Verse: e    pasca. aiβiiāstəm. ni.taōšaiiei[ṇ]ti. ratu.friiō.

Paragraph: 91
Verse: a    yō[i]. vaŋhəṇti. kərətīš.ca.
Verse: b    paiti.vaŋhąs.ca. šərauuārəš.ca.
Verse: c    yezi. aṇtarəm. a.spərənō. vastrahe. aiβiiā^̊ŋhaiiā^̊ṇti. ratu.friiō.
Verse: d    an.a.spərənō. vastrahe. aiwiiā^̊ŋhaiiā^̊ṇti. a.ratu.friiō.

Paragraph: 92
Verse: a    yō[i]. vaŋhai[n]ti. varənā^̊s.ca. pairi.uruuištiš.[ca].
Verse: b    at̰kə̄s.ca.
Verse: c    frazušō. vaŋhas.ca. upa.rasmane.
Verse: d    yezi. azarəm. aiwiiā^̊ŋh[a]iiā^̊ṇti. ratu.friiō.
Verse: e    uparəm. aiβiiā^̊ŋh[a]iiā^̊ṇti. a.ratu.friiō.
Verse: f    aniiąm.ca. suβəm. vaŋhānahe. barəmna. ratu.friiō.

Paragraph: 93
Verse: a    yō[i]. vastra. vastrəm. aiβ[iiā^̊ŋha]iiā^̊ṇti.
Verse: b    [yezi. aδarāt̰. naēmāt̰]. uz.barəṇti. a.ratu.friiō.
Verse: c    uparāt̰. naēmāt̰. auua.barəṇti. aϑa. aiβiiā^̊ŋhaiiā^̊ṇti. ratu.friiō.

Paragraph: 94
Verse: a    yezi. uz.gərəsnā. uuaγδanā. ni.va[ŋhə]ṇti.
Verse: b    yā. hama. aiβiiā^̊ŋhana. aiβiiā^̊ŋhaiiā^̊ṇti.
Verse: c    yezi. aṇtarə.darəṇjaiiāiti. va[iiā^̊]. ratu.friiō.
Verse: d    yezi. ā[at̰]. nōit̰. aṇtarə.dərəz[a]iiāiti. uua[iiā^̊]. a.ratu.friiō.

Paragraph: 95
Verse: a    yō[i]. aiβiiā^̊ŋhaiiā^̊ṇti. pairi.māniiąs.ca.
Verse: b    yezi. tarasca. aiβiiā^̊ŋhana. aipi.varəcaiṇti. ratu.friiō.
Verse: c    [parō. vā]. pasca. vā. pairi.barəṇti. a.ratu.friiō.
Verse: d    yō[i]. vaŋhai[n]ti. naδə̄s.ca. sāδaiiaṇtiš.ca. carəmąn.ca. hiku.
Verse: e    [yezi]. maγnąm. tanūm. aiβiiāstąm. irīriš[iiąn]. nōit̰. an.aiβiiāsti. a.str[ii]ənti.
Verse: f    yezi. āat̰. nōit̰. maγnąm. tanu[m]. aiβii[ā]stąm. ririṣ̌iiąn. an.aiβiiāsti. [ā].str[ii]əṇti.

Paragraph: 96
Verse: a    yō[i]. gāϑā^̊. ratu.frita. paiti.frīnaṇti.
Verse: b    yezi. a.spərənō. vastrahe. aiβiiāstəm. dādaraiiō. an.aiβiiāsti. [ā].str[ii]əṇti.
Verse: c    yezi. āat̰. nōit̰. a.spərənō. vastrahe. aiβiiāstəm. dādaraiiō. nōit̰. an.aiβiiāsti. [ā.striiəṇti].

Paragraph: 97
Verse: a    yō[i]. barəsmąn. fra.starə[nə]ṇti. haōmąs.ca. varədə̄s.ca. ϑanūs.ca. aṇtarə.dā[da]ta.
Verse: b    yezi. ϑri[bi]š. hāϑrakə̄biš. y[āt]aiieiṇti. ratu.friiō.
Verse: c    yezi. āat̰. nōit̰. ϑri[bi]š. hāϑrākə̄biš. yātaiiaṇti. a.ratu.friiō.
Verse: d    yō[i]. raϑə̄s.ca. pasuuarəδə̄s.ca. barəsmaine. hąm.varətaiiəṇti.

Paragraph: 88
Verse: a    yezi. ϑri[bi]š. hāϑrākə̄biš. yātaiiaṇte. ratu.friiō.
Verse: b    yezi. āat̰. nōit̰. [ϑribiš]. hāϑrākə̄biš. yātaiiaṇti. a.ratu.friiō.

Paragraph: 89
Verse: a    yō. anu. aēšąm. barəsma. fra.starəṇ[āi]ti. yaϑa. aṣ̌auua. jāmāspō. fra.starənīta. ratu.friš.

Paragraph: 90
Verse: a    cuuat[a]. nā. nitəma. barəsmana. ratu.friš. ϑriš.uruuara.
Verse: b    cīuuaitiš. aētā^̊. uruuarā^̊. aŋhən.
Verse: c    tarō.dənānō. varəsō.stauuaŋhō.
Verse: d    āat̰. upama. aēšō.drājaŋha. yauuō.fraϑaŋha.

Paragraph: 98
Verse: a    yō. uruuarąm. barəsma. fra.starəṇ[āi]ti. hamō.varəšəjim. paōuru.fravāxšəm.
Verse: b    vī.barō. frauuāxšō. ratu.friš. nōit̰. [a].vī.barō.
Verse: c    paōiriš. paōuru.frauuāxšō. fra.starəṇ[āi]ti.
Verse: d    vī.baras.ca. a.vi.barə̄s.ca. ratu.[fri]š.

Paragraph: 99
Verse: a    yō. barəsma. aēuuahmāt̰. naēmāt̰. hąm.sriṣ̌āiti. hąm. vā. darəzaiieiti.
Verse: b    vī.barō. ratu.friš. nōit̰. [a].vī.barō.
Verse: c    aϑa. yaϑa. yō. hąm.vaēš́iiā. hąm.vaēšaiieiti. va. naēma. hąm.srišaiti. v[ī.b]arəs.ca. a.vī.barəs.ca. ratu.friš.

Paragraph: 100
Verse: a    yō[i]. barəsma. [ni].taoṣ̌a[ii]ei[n]ti. d[ā]raōš. vā. paiti. sōinma.
Verse: b    ni.taoṣ̌aiiəṇti.
Verse: c    unąm. vā. kat̰.cit̰. vā. paiti. sidranąm.
Verse: d    yezi. tišrō. [tarō].dinānō. haϑrāciš. ni.šhištaṇti. ratu.friiō.
Verse: e    yō. uruuarā^̊. auua.vaēc[aii]eiti.
Verse: f    yezi. tišrō. tarō.dənānō. haϑraciš. barəṇti. ratu.friš.
Verse: g    yezi. āat̰. nōit̰. tišrō. tarō.dənānō. haϑraciš. barəṇti. a.ratu.friš.

Paragraph: 101
Verse: a    yō. zəmi. tišrō. karəṣ̌ā^̊. fra.kāraiieiti.
Verse: b    auua. iϑa. baraiti. yauuahē. vā. gauuanahe. vā.
Verse: c    gāuuina.
Verse: d    yezi. tišrō. tarō.dənānō. haϑraciš. haṇ.darəžəṇti. ratu.friš.
Verse: e    yezi. āat̰. nōit̰. tišrō. tarō.dənānō. [haϑraciš]. haṇ.darəžaṇti. a.ratu.friš.
Verse: f    yō. aniiehe. as[a]hiia. barəsma. fra.starəṇ[āi]ti.
Verse: g    yezi. paitiṣ̌ā^̊. uruuarā^̊. upa.daδāiti. ratu.friš.
Verse: h    parō. upa.dātā^̊. fra.starəṇ[āi]ti. a.ratu.friš.

Paragraph: 102
Verse: a    hapta. haṇti. hāuuana. ratauue. barəsma. stərənaiti.
Verse: b    paōiriia. yeŋ́hē. mē. aṣ̌āt̰. hacā.
Verse: c    (yeŋ́hē.) [mē]. (aṣ̌āt̰. hacā.)
Verse: d    bitiiā. ahunanąm. vairiianąm.
Verse: e    ϑritiiā. daidī. mōi.
Verse: f    tūiriiā. uštauuaitiiā^̊. vā. spəṇtā.mainii[ə̄]uš. vā. hātōiš. haṇ.dātā.
Verse: g    puxδa. yeŋ́he. mē. aṣ̌āt̰. hacā.
Verse: h    (yeŋ́he. mē. aṣ̌āt̰. hacā.)
Verse: i    xšuuašta. daidī. mōi.
Verse: j    (daidī. mōi.)
Verse: k    haptaϑa. uštauuaitiiā^̊. vā. spəṇtā.mainiiə̄uš. vā. hātōiš. haṇ.dātā.
Verse: l    āat̰. aniiāhu. ratu.fri[ti]šu. cataŋrō. kā^̊scit̰. barəsmąn. fra.starənaite.
Verse: m    paōiriiā. yeŋ́hē. mē.
Verse: n    (yeŋ́he. mē.)
Verse: o    bitiiā. ahunanąm. vairiianąm. [ϑritiiā]. dāidī. mōi. yə̄. gąm. tūiriiā. uštauuaitiiā^̊. gāϑaiiā^̊. vā. spəṇtā.mainiiə̄uš. vā. [hātōiš. haṇ.dātā].

Paragraph: 103
Verse: a    ōiiəm.cit̰. vācim. gāϑanąm. a.srutəm. paiti.barō. a.ratu.friš.
Verse: b    pasca. vā. parō. vā. pairi.barō. a.ratu.friš.
Verse: c    fra.carātō. aēuua. mazdaiiasna. barəsmąn. stərətə̄e.
Verse: d    yō. anu. aēšąm.
Verse: e    tat̰. hami. tat̰. aiβi.gāme.
Verse: f    āat̰. aēšō. yō. arəmōi.[ša]dō. aiβi.[d]ərətō.gātuš.
Verse: g    aēuuāiuuas.cit̰. aēšō. barəsma. stər[ən]aiti. ratu.friš.
Verse: h    fra.ṣ̌āuuaiiō. aiβi.gāmi. ratu.friš. nōit̰. a.fra.ṣ̌āuuaiiō.
Verse: i    kā. fra.šūitiš. yat̰. kuuat̰.
Verse: j    frā. vā. apa. vā. ṣ̌āuuaiieiti.
Verse: k    āat̰. hami. yā^̊. paiti. fraiiat̰. tā^̊. paiti. barəsmąn. upa.baraiti.

Paragraph: 104
Verse: a    yō. aniiehe. dahmahe. barəsma. fra.starətə̄e. fra.jasaiti.
Verse: b    yezi. hōi. dahmō. aṇtarāt̰. naēmāt̰. hāϑrahe. a.ratu.friš.
Verse: c    yezi. āat̰. nōit̰. dahmō. aṇtarāt̰. naēmāt̰. hāϑrahe. narō. hāϑrāt̰.
Verse: d    fra.ϑrāuuaiiō. ratu.friš. nōit̰. a.ϑrāuuaiiō.

Paragraph: 105
Verse: a    yō. kə̄m.cit̰. dahmanąm. a.pərənāiiunąm. aštəm. dasti.
Verse: b    hā. mē. bara. aēsməm.ca. barəsma.ca.
Verse: c    yezi. šē. dāiti. daδāiti. ratu.friš.
Verse: d    (nōit̰. ϑriiąm. upa.manąm. fra.vāxšinąm. [upa.ϑβarəsōit̰]).
Verse: e    yezi. āat̰. hē. nōit̰. dāiti. daδāiti. a.ratu.friš.
Verse: f    nāirikąm. vā. a.pərənāiiūk[ą]m. [vā]. aštəm. dasti.
Verse: g    huuāi. raϑβe. paϑiieiti.
Verse: h    daēuuaiiasnəm. vā. tanu.pərəϑəm. vā. aštəm. dasti.
Verse: i    paōiriiāi. dahmanąm. pairi.gərəβāi. paϑiieiti.

Paragraph: 106
Verse: a    cuua[ṇ]t[əm]. nā. nitəməm. aēsməm. paiti.barō. ratu.friš.
Verse: b    yaϑa. varəṣ̌nahe. kəhrpō. də̄uš.
Verse: c    kuua. aētəm. aēsməm. paiti.barāt̰. aṇtarə. ahuna. airiiamna.

Paragraph: 107
Verse: a    hauuanaēibiia. [nā]. ratu.friš. aiiaŋhaēn[aē]ibiia. zəmaēnə̄ibiia.
Verse: b    yezi. an.usauuaṇta. ratu.friš.
Verse: c    nōit̰. astaēnaēibiia. nōit̰. dāruuaēnaēibiia. nōit̰. frauuāxš[aē]naēibiia. ratu.friš.
Verse: d    dāitiiō. aniiō. hauuanō. dāitiiō. aniiō.
Verse: e    yaϑa. va. δāitiia. hii[ā]ta.

Paragraph: 108
Verse: a    cuuat̰biia. nā. nitəmaēibiia. hāuuanaēibiia. ratu.friš.
Verse: b    yaϑa. ϑriiąm. ąsunąm. haōma.huitīm. hiš. hunutō.
Verse: c    cuuaṇtō. aētə̄e. ąsauuō. aŋhən.
Verse: d    baṣ̌i.drajaŋhō. varəsō.stauuaŋhō.
Verse: e    kat̰. haϑrācō. vī.barāt̰. nōit̰.
Verse: f    ϑriiąm. kuua[tas].cit̰. upa.barō. ratu.friš.
Verse: g    aētauuat̰. āpō. yauuat̰. aētaēibiiō. upa.ŋharəštə̄e.
Verse: h    kuuatā.cit̰. gə̄uš. vi.ciϑra. paiti.barō. ratu.friš.
Verse: i    asānaēnaēibiia. nā. huuaēibiiā.ca. a.huuaēibiia.ca. [ratu.friš].
Verse: j    aϑa. haōma. aϑa. apa. [aϑa. varəsa]. aϑa. aiβiiā^̊ŋhana. [huua. nā. gauua. ratu.friš]. huua. aēsma. huua. barəsmana.

Paragraph: 109
Verse: a    cuuat̰. aētaēšąm. vaŋhuuąm. kat̰.cit̰. upa.isāt̰. yauuat̰. hāϑrəm.
Verse: b    yō. aētaēšąm. ōim. kat̰.cīt̰. upa.isāt̰. aētauuat̰. upa.yaēša.
Verse: c    aṇtarə. hāϑrəm.cit̰. aētə̄e. aniia. upa.isōit̰.
Verse: d    yezi. nōit̰. upa.isaiti. ϑri. uuā. āzāiti. aiiarə.drājō. vā. vāstr[a]iiāt̰.
Verse: e    yō. upa.isōit̰. nōit̰. vinasti.
Verse: f    an.a.[stərətō. pa]scaēta.
Verse: g    vaŋharəštas.ca. maγnəṇtas.cit̰. srāuuaiiōit̰.
Verse: h    yezi. išta. nōit̰. išta. nōit̰. aṣ̌auuanəm. an.ištəm. ā.stāraiti.

Paragraph: 48
Verse: a    kahmāt̰. haca. apąm. vaŋhīnąm. [ratu.]fritiš. fra.jasaiti.
Verse: b    haca. hū[rō]. vaxṣ̌āt̰. ā. hu[rō]. frāšmō.dāitōit̰. pairi.sacaiti.
Verse: c    tat̰. hami. tat̰. aiβi.gāme.
Verse: d    yō. āpe. zaōϑrąm. fra.baraite.
Verse: e    pasca. hū[rō]. frāšmō.dāi[tī]m. para. hū[rō]. vaxṣ̌āt̰.
Verse: f    nōit̰. vaŋh[ii]ō. ahmāt̰. š́iiaōϑanəm. vərəziieiti.
Verse: g    yaϑa. yat̰. hīm. ažōiš. viṣ̌āpahe. gastrəm. paiti. apa.karšōit̰.

Paragraph: 66
Verse: a    cuuat̰. nā. ape. fra.tacatiiāi. xšāudrinąm. paiiaŋhąm. paiti.barāt̰. yaϑa. tašta. zaōϑrō.barana.
Verse: b    āat̰. tūirinąm. yaϑa. ϑrāiiō. x^varə̄ma. raēϑβiš.bājinō.
Verse: c    āat̰. pitəuš. yaϑa. caϑβārō. ašti.masō. ainii[a]d. kim. bązā^̊.

Paragraph: 67
Verse: a    cuuat̰. nā. ape. armaē.štaiiāi. xšāudrinąm. paiiaŋhąm. paiti.barāt̰. yaϑa. ϑrāiiō. x^varəma. raēϑβiš.bājinō.
Verse: b    auui.gərəftəm. pitum. gərəbiiāt̰.
Verse: c    fra.darita.cit̰. tūirinąm. fra.daraiiōit̰.
Verse: d    nāuuiiaiiāi. iϑa. ape.
Verse: e    āat̰. nāuuiiāiiāi.
Verse: f    auuaēzō. aētaŋhąm. fra.barəta. dāstra.masō. paiti.barāt̰.
Verse: g    aipi.γžauruuatąm. aspiianąm.ca. paiiaŋhąm. gāuuiianąm.ca. maēšiianąm.ca. buziianąm.ca.
Verse: h    aṣ̌əm. vohū. vahištəm. astī.
Verse: i    uštā. astī. uštā. ahme. hiiat̰. aṣ̌āi. vahištāi. aṣ̌əm.

Paragraph: 28
Verse: a    gaṇtumō. yauuanąm. ratu.friš.
Verse: b    aṣ̌aiia. daδąṇmi. x^varəϑəm. miiazdəm. hauruuata. amərətāta.
Verse: c    ahurahe. mazdā^̊.
Verse: d    aṣ̌aiia. nō. paitī. jamiiāt̰.
Verse: e    x^varata. narō.
Verse: f    aṣ̌aiia. nō. paitī. jamiiāt̰.
Verse: g    aētąm. āiiātąmanahe.
Verse: h    xšnaōϑra.
Verse: i    xšnaōϑra. aməṣ̌a. spəṇta.
Verse: j    iϑā. āt̰. yazamaide.
Verse: k    x^varəϑəm. miiazdəm.
Verse: l    hauruuata. amərətātā.
Verse: m    gāuš. gudā^̊.
Verse: n    āpe.
Verse: o    uruuara.
Verse: p    hauruuata. amərətāta.
Verse: q    aēsmi. baōiδi.
Verse: r    huuarəϑəm. miiazdim.
Verse: s    ama. humatā.ca. hūxtā.ca.
Verse: t    iϑā.
Verse: u    nōit̰. hiš. barōit̰. ypa. kaṣ̌əm.
Verse: v    aṣ̌əm. vōhū.
Verse: w    iϑā. aṣ̌əm. vōhū.
Verse: x    iϑā.

Next part

This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.