TITUS
Avestan Corpus
Part No. 165
Previous part

Book: Vn_(FrK) 
Vaethā Nask / Fragment Kotwal

On the basis of the edition H. Humbach / K.M. JamaspAsa, Wiesbaden 1969.


As against the named edition, word dividing stops have been added.



Paragraph: 1 
Verse: a    vaeϑā. daeniiā̊. māzdaiiasnōiš. ahurahe.1 mazda.2 mraot̰.

Paragraph: 2 
Verse: a    tat̰. narəm. aṣ̌auuanəm. asta.1

Paragraph: 3 
Verse: a    paoiriiō. frā.darəṇjaiiaiti. humatōi.biiascā.1 hūxtō.biiascā.2 huuarštōi.biiascā.3

Paragraph: 4 
Verse: a    pasca.1 paita.2 huuaršta.3 š́iiaoϑnāuuarəzi.

Paragraph: 5 
Verse: a    narəm. vā. nāirika.1 vā.1 puϑrəm. vā. iriϑiiāt̰.

Paragraph: 6 
Verse: a    haδa.1 pāδi.2 spānəm. naeṣ̌iiaeiti.

Paragraph: 7 
Verse: a    hamat̰. haca. nasāuuō.1 jainiti.

Paragraph: 8 
Verse: a    pascaiti.1 duua. narə.2 xvāstriš.3 xvābərəziš.4 daδāiti.

Paragraph: 9 
Verse: a    pascaiti. yat̰. iristi. daxmanąm. bairiiṇti.

Paragraph: 10 
Verse: a    taita. pascaiti. ϑri. asna. ϑri. xšfna. sraošahe. ašiiahe. yauždaiia. kərənaoiti.

Paragraph: 11 
Verse: a    hamat̰. haca.1 he. uruuānəm. ϑrīscīt̰. tarō. pairitūm.cīt̰.2 he. uruuānəm. vahištəm. ahūm.
Verse: b    frapāraiiaən. azəm. yō. ahurō. mazdā̊.

Paragraph: 12 
Verse: a    ā-vahištāt̰. aŋhut̰. ā-vahištāt̰. aṣ̌āt̰. ā-vahištaibiiō. raocaibiiō. āat̰. barāmi.

Paragraph: 13 
Verse: a    āziiaiti. kara. āziiaiti. maiδiiaən. amā. vastrə. buiiāt̰.

Paragraph: 14-15 
Verse: a    14mā. aibiiō. haca. zanda. 15yātūmarə.antəm. āzaiiaiti. pərənāušaiti.1

Paragraph: 16 
Verse: a    pairəgərəptaiiāt̰.

Paragraph: 17 
Verse: a    mraot̰. ahurō. mazdā̊. spitamāi. zaraϑuštrāi.

Paragraph: 18-21 
Verse: a    18 uxδšnai-mašiiō. 19 gaoδrā̊. saŋharō.1 20 frazānaiti. vaŋhā̊. yaϑa. daṇŋ́harō. uxδō.vacā̊.
Verse: b    tanuuaca. husrauuaŋhəm. uraonaeca. 21 darəγəm. auuaŋhəm.

Paragraph: 22 
Verse: a    yā.kərə.1 dārəšca.1 dušmainiiauuanąm. apa.dazāt̰.

Paragraph: 23 
Verse: a    ādim.1 pərəsat̰. zaraϑuštrō. ahurəm.2 mazdąm.

Paragraph: 24 
Verse: a    yezi. ahe.1 daeniiā̊. māzdaiiasnōiš. narəm. aŋhat̰.

Paragraph: 25 
Verse: a    ainiiō.t̰kaeša.1 nāiriki.2 pairi.3 xšudrā̊.3 fraŋharəzaiti.

Paragraph: 26 
Verse: a    hamat̰.1 haca. puϑrō.2 zaiiaiti.3

Paragraph: 27 
Verse: a    yezi.1 ahe.1 narō.1 šaētō.2 aŋhat̰. puϑra. daδāiti. vā. nōit̰. daδāiti.

Paragraph: 28 
Verse: a    āat̰. paiti.aoxta. ahura.1 mazdā̊.

Paragraph: 29 
Verse: a    yezi. ahe.1 daeniiā̊. māzdaiiasnōiš. narəm.2 asti.

Paragraph: 30 
Verse: a    ainiiō.t̰kaeša.1 nāiriki.2 pairi. xšūdrā̊.3 fraŋharəzaiti.

Paragraph: 31 
Verse: a    hamat̰.1 haca. puϑrō.2 zaiiati.3 nōit̰. γniiāi. uštāni.4

Paragraph: 32 
Verse: a    yezi. ahmāt̰.1 buiδi.2 mairiiaiti.3

Paragraph: 33 
Verse: a    aϑa. narəm. āstāraiiaiti.1 yaϑa. pəšō.tanui.2

Paragraph: 34 
Verse: a    aetat̰. he. narəm. ainiiat̰kaeša.1 bauuaiti.2

Paragraph: 35 
Verse: a    nōit̰. tarō. cinuuat̰.pərətūm. vīdāraiianəm.1 azəm. yō. ahurō. mazdā̊.

Paragraph: 36 
Verse: a    yezi. ahe.1 narō.1 ṣ̌aētō.2 aŋhat̰.

Paragraph: 37 
Verse: a    naimi.rāϑa.1 puϑra. daδāiti. naimi.rāϑa.2 ainiia.t̰kaeša.3 nāirika. daδāiti.

Paragraph: 38 
Verse: a    nōit̰. huuąm. maš́iiāki.1 pərəgərə.ptaiiāt̰.2

Paragraph: 39 
Verse: a    āat̰. narəm.1 druuaṇtąm.2 bauuaiti.3

Paragraph: 40-41 
Verse: a    40 yō. daeniiā̊. māzdaiiasnōiš. kąmcit̰.1 narəm. vā. nāiriki. vā. . . 41 t̰kaeša. vā.
Verse: b    ainiia.t̰kaeša.2 vā. paiti.ciš. xšuδrā̊. nōit̰. fraŋharə.zaiti.3

Paragraph: 42 
Verse: a    nōit̰. frā.ϑβərəsaiti.

Paragraph: 43 
Verse: a    āat̰. huuąm. tanūm. aiiaoždāiti. kərənaoiti. yauuaca. yauuatātaca.

Paragraph: 44 
Verse: a    ciϑąm. nōit̰. ϑβərəsaiti.

Paragraph: 45 
Verse: a    paititəm. ratūm. nazdištəm.1 bauuaiti.

Paragraph: 46 
Verse: a    āpəm. ā-vā. zəmō. taciṇti.

Paragraph: 47 
Verse: a    hapta. haṇti.1 paṇca. zaiiana. aš. kərəta.

Paragraph: 48-49 
Verse: a    48 tica. həṇti.1 saraδa. cauuaṇtəm. zaruuānəm. 49 satiš. aṣ̌aonō. dāta. asi.

Paragraph: 50 
Verse: a    āat̰. yezi-ša. barāt̰. aeuua. yat̰. iristəm.

Paragraph: 51 
Verse: a    nōit̰. maxša.bərətō.

Paragraph: 52 
Verse: a    yō. vīsat̰. aitiiąm. zaoϑnąm. ātarəm. ā-frabarōt̰. yaϑa. narəm. dušaca. zarətəm.

Paragraph: 53 
Verse: a    xvā̊.aoϑrəm. ahe. aiiatō.

Paragraph: 54 
Verse: a    yō. aiŋ́hā̊. zəmō. kanənte.

Paragraph: 55-56 
Verse: a    55 yō. narəš.1 aṣ̌aonō. 56 iriϑušō.2 zəme. kəhrpa. nikainti.3

Paragraph: 57 
Verse: a    parākauuahe.māt̰.1 nərət̰.

Paragraph: 58 
Verse: a    nōit̰. pairištəm.1 tūiriiąm. ahmāt̰. dahiiunąm.

Paragraph: 59 
Verse: a    vitastō. frārasni. aēšąmca.1 narąm.

Paragraph: 60 
Verse: a    yārə.drājō. vīspā̊. vīspō.sarəδō.

Paragraph: 61 
Verse: a    aēšąmca. narąm. a-iriϑiiāt̰. spā-vainiti. haši. māciš. barō. aēuuō.

Paragraph: 62 
Verse: a    *aiβi.γnixti. aduki.bari. xvaiiaiβi. xvābarayst. aiβi.γnixti. **haca. tūirīnąm. ahmāt̰.
Verse: b    dax́iiunąm. ***yārə. narš. xvaoϑraheiiatō. ****təcō. yāgərə. *****bauuaṇta.2
Verse: c    ******barō.aspō. vazō.rasϑō. *******xvāstarš. xvā.bərəziš. ********kərəaṇtō. irišiiāt̰.
Verse: d    *********pairiaeuuaiiaiti. daxmanąm. daδāiti.

Paragraph: 63 
Verse: a    *hiϑīm. aṣ̌auuanəm. bauuaitəmca. **vīspəm. tat̰. paiti. framərəzaiiaiti. dusmatəmca.
Verse: b    dužūxtəmca. dužuuarštəmca.1 ***yaϑa. narəm. aṣ̌auuanəm. aṣ̌aone.2

Paragraph: 64-65 
Verse: a    64tat̰. nā.1 aŋhat̰.1 yā. aṣ̌ahe. mainiiaiti. yā. aṣ̌ahe. iṣ̌aiiaiti. aṣ̌ahe. upa.raoδaiiaiti.
Verse: b    65yā-nasāumaitīm. āpəm. zaoϑrąm. frajasāita.

Paragraph: 66 
Verse: a    aetat̰. he. š́iiaoϑna.1 pəšō.tanui. yauuaca. yauuatātaca. aiiaoždāiti.

Paragraph: 67 
Verse: a    ašaritāt. gāirimi.

Paragraph: 68 
Verse: a    *gātu. aiiąm. vā. vīrata.1 jasaṇti.2 vā. **bāδaištəm. vā. haδaeti. ***pərəgət̰.
Verse: b    ****tanūąmca. maeϑiiāt̰.

Paragraph: 69 
Verse: a    *airiiā. pərəϑa. zimanaiiā̊. **mā. aēbiiō. vīra. jaṇti. mā. aēbiiō. spānəm. jaṇti.

Paragraph: 70 
Verse: a    nasə. daeuuō. druxš.1 fraδāiti.

Paragraph: 71-72 
Verse: a    71 mazdaiiasnahe. namāne. ciϑβārə.asnahe. 72 miiazdəm. daδāiti. gaoməṇtəm. maδumaṇtə.1
Verse: b    kairiiaeti.

Paragraph: 73 
Verse: a    *aeti. ciṇti. həṇti. miiazdəm. huδā̊ŋhō. uruuaranąm. sarəδanąm.1 **frauuarə. kərənōit̰.
Verse: b    vāstarə. vərəziiōit̰.2

Paragraph: 74-75 
Verse: a    74 barasmana. pairi.baraiti.1 mat̰.zaoϑri. yasnaiiasca. frabarəti. 75 xvarənaŋhat̰tō.
Verse: b    aməšanąm.2 spəṇtanąm. frabaraiti. aṣ̌əmca. vaŋuhīm. frabaraiti. humatā̊sca.3 hūxtā̊sca.
Verse: c    huuarštā̊sca.4

Paragraph: 76 
Verse: a    daeniiā̊. māzdaiiasnōiš. miϑrəmca. vouru.gaoiiatōiš. sraoṣ̌īmca. yim. aṣ̌auuanəm.
Verse: b    vərəϑraγnaeca. ahuraδāti. ṇdaiiā̊. sūriiā̊. vīspąmca. pārə. daeniiā̊. māzdaiiasnōiš.

Paragraph: 77 
Verse: a    pərəsat̰. zaraϑuštrō. ahurəm. mazdąm.

Paragraph: 78 
Verse: a    yezi.1 ahe. ainiiat̰kaeša.2 narō. druuatō.3 aŋhuuaiti.

Paragraph: 79 
Verse: a    ahe. narō. vaŋuhi.1 daeni. māzdaiiasnōiš. išaiiata.2

Paragraph: 80 
Verse: a    auuahe. vīdaeuuō. ahura.t̰kaešō. gərəftaiiāṇti. vā. nōit̰. gərəptaiiaṇti.1

Paragraph: 81 
Verse: a    āat̰. mraot̰. ahurō. mazdā̊.

Paragraph: 82 
Verse: a    yezi. ahe. ainiiat̰kaeša. narō. daruuatō.1 aŋhuuaiti.

Paragraph: 83 
Verse: a    ahe. narō. vaŋuhi. daeniiā̊. māzdaiiasnōiš. išiiaiti.1

Paragraph: 84 
Verse: a    auuahe. vīdaeuuō. ahurat̰kaešō.1 āstaotaeibiiō. gərəptaiiāiti.

Paragraph: 85 
Verse: a    aēšąmca. narąm. vīsāuuaiiaṇti. humatā̊sca.1 hūxtā̊sca. huuarštā̊sca.2

Paragraph: 86 
Verse: a    gāϑanąmca. sraoϑrəm. zbaiiaiti.1

Paragraph: 87 
Verse: a    nōit̰. dužō.uxδu. vərəziiaiti.1

Paragraph: 88 
Verse: a    aŋhat̰. aēšąmca. narąm. paouruua. vīspa. dužō.š́iiaoϑna. vərəziiaiti.1

Paragraph: 89 
Verse: a    spaiiaiti.1 vaŋuhi. daena. māzdaiiasnōiš. vīspəm.2 dužō.š́iiaoϑna.2

Paragraph: 90 
Verse: a    aϑa. narəm. auua. vaŋuhi. daena. bauuaiti.1

Paragraph: 91 
Verse: a    yaϑa. ahe.1 nā.1 paouruua. daenąm. asti.

Paragraph: 92 
Verse: a    mąniiən. ahe. aēšąmca. narąm. aṣ̌āum. bauuaiti. spitama. zaraϑuštra.1

Paragraph: 93 
Verse: a    aitišąm. narąm. vaŋuhi. daena.1 māiiaṇti.2

Paragraph: 94 
Verse: a    aetaiiąm. gāϑanąm. draṇjaiiaṇti.1

Paragraph: 95 
Verse: a    aetaiiąm.1 vīspa. yaezaiti.2 aišiiaṇti.

Paragraph: 96 
Verse: a    pascaiti. xvaraϑa. xvāsti. xvarəṇtaca. yaϑa. zafənəm. baiṇdaiiāiti.

Paragraph: 97 
Verse: a    aeša. yąm. xvarəϑaṇti. pascaiti. gāϑanąm. yazaiiaṇti. yaϑa. zafənəm. fraŋharəzaiiaiti.1

Paragraph: 98 
Verse: a    aϑa. narəm. vaŋhə̄uš. daeniiā̊. bauuaiti.

Paragraph: 99 
Verse: a    asna. paṇca. gātubiiō. gāϑanąmca. sraoϑrəm. zbaiiaṇti.

Paragraph: 100 
Verse: a    *asnaiiaebiiō. ašahe. ratubiiō. **hāuuana. paiti. gātubiiō. miϑrəmca. vōuru.gaoiiatōiš.
Verse: b    yezaiiaiti.

Paragraph: 101 
Verse: a    huuarə. miϑrəmca. nā.maŋhaṇti.

Paragraph: 102 
Verse: a    rapīϑβana. paiti. gātubiiō. aṣ̌a-vahišta. yezaiiaiti.

Paragraph: 103 
Verse: a    huuarə.1 miϑrəmca.2 namaŋhaṇti.

Paragraph: 104 
Verse: a    uzaiiaēirana.1 paiti.2 gātubiiō.2 bərəzaṇti. yezaiiaṇti.3

Paragraph: 105 
Verse: a    hauuarə. miϑrəmca.1 namaŋhaṇti.

Paragraph: 106 
Verse: a    aiβisrūϑrəm. aibigaiia. paiti. gātubiiō. aṣ̌āunąm. frauuašanąm. yazaiiaṇti.

Paragraph: 107 
Verse: a    sraoṣ̌īmca. aṣ̌īm. vaŋuhīm. yazaiiaṇti.

Paragraph: 108 
Verse: a    ušahenāi. paiti.1 gātubiiō.1 sraošahe. ašiiehe. mat̰. kahmāicit̰. drəṇjaiiaiti.

Paragraph: 109 
Verse: a    māniciš. daeuuanąm. darəṇjaiiaiti. auuahe-ciš. narąm. daeuuaiiasnanąm. zbaiiaṇti.

Paragraph: 110 
Verse: a    auua.he. narąm. ahum. iϑiia.jaŋhəm.1 vīdāriiaṇtəm.2 azəm. yō. ahurō. mazdā̊.

Paragraph: 111 
Verse: a    aitišąmca. narąm. maesma. maezaiiaṇti.1

Paragraph: 112 
Verse: a    jaṇtaiiaṇti. aŋrō.1 mainiiaoiš. druuatō.

Paragraph: 113 
Verse: a    aeuuō. ahuna.vairiia. frasrāuuaiiōit̰. paiti. zfənəm.1 baiṇdaiiāt̰.

Paragraph: 114 
Verse: a    pasca. maizaiiaṇta.1 kərənaṇtaca.

Paragraph: 115 
Verse: a    humatā̊sca. gāϑanąm. zbaiiaṇti.

Paragraph: 116 
Verse: a    auuahe. ϑri. aṣ̌əm. vōhū. duuahe. humatanąm. ϑriš. huxšaϑrō.təmāi. ciϑβārō. ahunəm. vairīm.
Verse: b    frasrauuiiaōiš.



Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.