TITUS
Avestan Corpus
Part No. 166
Previous part

Book: Any 
Nirang-ī Ataš

On the basis of the edition N.L. Westergaard, Copenhagen 1852-54, 317 ff.



Paragraph: 1  {~ Ny. 5,4}
Verse: a    nəmasə.tə̄.
Verse: b       ātarš. mazdā̊. ahurahe.
Verse: c       huδā̊.2 mazišta. yazata.̊1

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si. bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.::

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.::

Verse: d    frauuarāne. mazdaiiasnō. zaraϑuštriš. vīdaēuuō. ahura.t̰kaēṣ̌ō.
Verse: e       hāuuanə̄e. aṣ̌aone. aṣ̌ahe. raϑβe.
Verse: f          yasnāica. vahmāica. xṣ̌naoϑrāica. frasastaiiaēca.
Verse: g       āϑrō. ahurahe. mazdā̊. puϑra.
Verse: h       tauua. ātarš. puϑra. ahurahe. mazdā̊:

Verse: i       xṣ̌naoϑra.2 yasnāica. vahmāica. xṣ̌naoϑrāica. frasastaiiaēca.: {~ Ny. 5,6}

Verse: Q1a    yaϑā. ahū. vairiiō.
Verse: Q1b       zaotā. frā.mē. mrūtē:
Verse: Q1c    aϑā. ratuš. aṣ̌āt̰cīt̰. haca.
Verse: Q1d       frā. aṣ̌auua. vīδuuā̊. mraotū.


Paragraph: 2 
Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.::


Verse: a    ā. ϑβā. ātarəm.1 gāraiiemi.
Verse: b       vaŋhə̄uš. manaŋhō. zaraϑuštrō.
Verse: c    ā. ϑβā. ātarəm. gāraiiemi.
Verse: d       vaŋhə̄uš. uxδahe. zaoϑrābiiō.
Verse: e    ā. ϑβā. ātarəm. gāraiiemi.
Verse: f       vaŋhə̄uš. š́iiaoϑnahe. zaoϑrābiiō.2
Verse: g          sūkāi. manaŋha.
Verse: h          sūkāi. vacaŋha.
Verse: i          sūkāi. š́iiaoϑna.3

Paragraph: 3 
Verse: a    nəmasə.tə̄.


{= Y. 33,11}
Verse: Q1a    yə̄. səuuištō. ahurō.   mazdā̊scā. ārmaitišcā.
Verse: Q1b    aṣ̌əmcā. frādat̰.gaēϑəm.   manascā. vohū. xṣ̌aϑrəmcā.
Verse: Q1c    sraotā.mōi. mərəždātā.mōi.   ādāi. kahiiāicīt̰. paitī.::


Verse: b       xṣ̌naoϑra. ahurahe. mazdā̊.̊

{= Y. 35,2}
Verse: Q2a       humatanąm.2 hūxtanąm. huuarštanąm.
Verse: Q2b          iiadacā. aniiadacā.
Verse: Q2c       vərəziiamnanąmcā. vāuuərəzananąmcā.
Verse: Q2d    mahī. aidī.jarətārō.
Verse: Q2e       +naē-naēstārō.
Verse: Q2f          +yaϑənā. vohunąm. mahī.::3


{= Y. 33,12}
Verse: Q3a    us.mōi. uzārəṣ̌uuā. ahurā.   ārmaitī. təuuīṣ̌īm. dasuuā.
Verse: Q3b    spə̄ništā. mainiiū. mazdā.   vaŋhuiiā. zauuō. ādā.
Verse: Q3c    aṣ̌ā. hazō. ə̄mauuat̰.   vohū. manaŋhā. fəsaratūm.3



{= Y. 62,1}
Verse: Q4a    yasnəmca. vahməmca.
Verse: Q4b       hubərətīmca. ušta.bərətīmca. vaṇta.bərətīmca.
Verse: Q4c       āfrīnāmi. tauua. ātarš. puϑra. ahurahe. mazdā̊::
Verse: Q4d    yesniiō. ahi.
Verse: Q4e    vahmiiō. yesniiō. buiiā̊.
Verse: Q4f       vahmiiō. nmānāhu. maš́iiākanąm::
Verse: Q4g    ušta. buiiāt̰. ahmāi. naire.
Verse: Q4h       yasə. ϑβā. bāδa. frāiiazāite.
Verse: Q4i          aēsmō.zastō. barəsmō.zastō.
Verse: Q4j          gao.zastō. hāuuanō.zastō.

{= Y. 62,2}
Verse: Q5a    dāitiiō.aēsmi. buiiā̊.
Verse: Q5b    dāitiiō.baoiδi. buiiā̊.
Verse: Q5c    dāitiiō.piϑβi. buiiā̊.
Verse: Q5d    dāitiiō.upasaiieni. buiiā̊.
Verse: Q5e    pərənāiiuš.harəϑri. buiiā̊.
Verse: Q5f    dahmāiiuš.harəϑri. buiiā̊.
Verse: Q5g       ātarš. puϑra. ahurahe. mazdā̊.

{= Y. 62,3}
Verse: Q6a       saoci.buiie. ahmiia. nmāne.
Verse: Q6b       mat̰.saoci.buiie. ahmiia. nmāne.
Verse: Q6c       raocahi.buiie. ahmiia. nmāne.
Verse: Q6d       vaxṣ̌aϑi.buiie. ahmiia. nmāne.
Verse: Q6e          darəγəmcit̰. aipi. zruuānəm.
Verse: Q6f          upa. sūrąm. fraṣ̌ō.kərətīm.
Verse: Q6g          haδa. sūraiiā̊. vaŋhuiiā̊. fraṣ̌ō.kərətōit̰.

{= Y. 62,4}
Verse: Q7a    dāiiā̊. mē. ātarš. puϑra. ahurahe. mazdā̊.
Verse: Q7b       āsu. xvāϑrəm.   āsu. ϑrāitīm.    āsu. jītīm.
Verse: Q7c       pouru. xvāϑrəm.   pouru. ϑrāitīm.   pouru. jītīm..
Verse: Q7d       mastīm. spānō. xṣ̌uuiβrəm. hizuuąm.
Verse: Q7e       urune. uṣ̌i.
Verse: Q7f       xratūm. pascaēta. masitəm.
Verse: Q7g          mazā̊ṇtəm. apairi.āϑrəm.

{= Y. 62,5}
Verse: Q8a       nairiiąm. pascaēta. hąm.varəitīm.
Verse: Q8b          ərəδβō.zəṇgąm. axvaϑriiąm.
Verse: Q8c          āsitō.gātūm. jaγaurūm.
Verse: Q8d          tuϑruṣ̌ąm. āsnąm. frazaṇtīm.
Verse: Q8e          karṣ̌ō.rāząm. viiaxanąm.
Verse: Q8f          hąm.raoδąm. huuapąm.
Verse: Q8g          ązo.būjim. huuīrąm.
Verse: Q8h          yā. mē. frāδaiiāt̰. nmānəmca. vīsəmca.
Verse: Q8i             zaṇtūmca. dax́iiūmca. daiŋ́husastīmca.

{= Y. 62,6}
Verse: Q9a    dāiiā̊. mē. ātarš. puϑra. ahurahe. mazdā̊.
Verse: Q9b          yā. mē. aŋhat̰. afrasā̊ŋhā̊.
Verse: Q9c             nūrəmca. yauuaēca.tāite.
Verse: Q9d       vahištəm. ahūm. aṣ̌aonąm.
Verse: Q9e       raocaŋhəm. vīspō.xvāϑrəm.
Verse: Q9f       zazə.buiie. vaŋhāuca. mižde.
Verse: Q9g          vaŋhāuca. srauuahi.
Verse: Q9h       urunaēca. darəγe. hauuaŋhe.

{= Y. 62,7}
Verse: Q10a    vīspaēibiiō. sastīm. baraiti.
Verse: Q10b       ātarš. mazdā̊. ahurahe.
Verse: Q10c          yaēibiiō. aēm. hąm.pacāite.
Verse: Q10d             xṣ̌āfnīmca. sūirīmca::
Verse: Q10e    vīspaēibiiō. haca. iziieite.
Verse: Q10f       hubərətīm. uštā.bərətīmca.
Verse: Q10g          vaṇtā.bərətīmca. spitama.

{= Y. 62,8}
Verse: Q11a    vīspanąm. para.carəṇtąm.
Verse: Q11b       ātarš. zasta. ādiδaiia::
Verse: Q11c    cīm. haxa. haṣ̌ē. baraitī.
Verse: Q11d       fracarəϑβā̊. armaēṣ̌āiδe.

{= Y. 62,9}
Verse: Q12a    āat̰. yezi. ṣ̌ē. aēm. baraiti.
Verse: Q12b       aēsməm. vā. aṣ̌aiia. bərətəm.
Verse: Q12c       barəsma. vā. aṣ̌aiia. frastarətəm.
Verse: Q12d       uruuarąm. vā. haδānaēpatąm.
Verse: Q12e    ā. hē. pascaēta. frīnaiti.
Verse: Q12f       ātarš. mazdā̊. ahurahe.
Verse: Q12g       xṣ̌nūtō. at̰bištō. haγδaŋhum::

{= Y. 62,10}
Verse: Q13a    upa. ϑβā. haxṣ̌ōit̰. gə̄uš. vąϑβa.
Verse: Q13b       upa. vīranąm. pourutās.
Verse: Q13c    upa. ϑβā. vərəzuuat̰ca. manō.
Verse: Q13d       vərəzuuatica. haxṣ̌ōit̰. aŋuha.
Verse: Q13e    uruuāxṣ̌aŋha. gaiia. jiγaēṣ̌a.
Verse: Q13f       tā̊. xṣ̌apanō. yā̊. juuāhī::
Verse: Q13g    imat̰. āϑrō. āfriuuanəm.
Verse: Q13h       yō. ahmāi. aēsməm. baraiti.
Verse: Q13i          hukūš. raocas.pairīštą.
Verse: Q13j          aṣ̌ahe. bərəja. yaoždātąm.̊4

Verse: Q1Aa    aṣ̌əm. vohū. vahištəm. astī::
Verse: Q1Ab    uštā. astī. uštā. ahmāi.
Verse: Q1Ac    hiiat̰. aṣ̌āi. vahištāi. aṣ̌əm.:: (si. bār.)

Verse: Q1Ba    aṣ̌əm. vohū. vahištəm. astī::
Verse: Q1Bb    uštā. astī. uštā. ahmāi.
Verse: Q1Bc    hiiat̰. aṣ̌āi. vahištāi. aṣ̌əm.

Verse: Q1Ca    aṣ̌əm. vohū. vahištəm. astī::
Verse: Q1Cb    uštā. astī. uštā. ahmāi.
Verse: Q1Cc    hiiat̰. aṣ̌āi. vahištāi. aṣ̌əm.


Paragraph: 4  {= Y. 27,13}
Verse: Q1a    yaϑā. ahū. vairiiō.   aϑā. ratuš. aṣ̌āt̰cīt̰. hacā.
Verse: Q1b    vaŋhə̄uš. dazdā. manaŋhō.   š́iiaoϑananąm. aŋhə̄uš. mazdāi.
Verse: Q1c    xšaϑrəmcā. ahurāi.ā.   yim. drigubiiō. dadat̰. vāstārəm.::


{~ Ny. 5,7 ~ Y. 62,1}
Verse: a    yasnəmca. vahməmca.
Verse: b       hubərətīmca. ušta.bərətīmca. vaṇta.bərətīmca.
Verse: c       āfrīnāmi. tauua. ātarš. puϑra. ahurahe. mazdā̊::


{= Y. 43,9d}
Verse: Q2a    at̰. ā. ϑβahmāi.   āϑre. rātąm. nəmaŋhō.̊2


{~ Ny. 1,18 / Y. 72,9 / 68,11 / SrB 5}
Verse: Q3a    ahmāi. raēšca.4 xvarənasca.
Verse: Q3b       ahmāi. tanuuō. druuatātəm.
Verse: Q3c       ahmāi. tanuuō. vazduuarə.
Verse: Q3d       ahmāi. tanuuō. vərəϑrəm.
Verse: Q3e       ahmāi. īštīm. pouruš.xvāϑrąm.
Verse: Q3f       ahmāi. āsnąmcit̰. frazaṇtīm.
Verse: Q3g       ahmāi. darəγąm. darəγō.jītīm.
Verse: Q3h       ahmāi. vahištəm. ahūm. aṣ̌aonąm. raocaŋhəm. vīspō.xvāϑrəm:




Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.