TITUS
Pahlavi Translation of the Avesta: Yasna and Vispered
Part No. 15
Previous part

Chapter: 14  Link to avesta Link to yasna
Yasna 14


Paragraph: 1  Link to avesta Link to yasna
Verse: a    padīram az ašmāh amahrspandān stāyišn ud zōdīh xwānišnīh ud yaštārīh
Verse: b    franāmišn abar gīrišnīh
Verse: c    ān ī ašmāh yazišn ud niyāyišn kē amahrspand hēd ōh kunam
Verse: d    ān ī amāh huaxwīh ahlāyīh kē sūdōmand ī ahlaw hēm

Paragraph: 2  Link to avesta Link to yasna
Verse: a    bē ō ašmāh amahrspandān ī huxadāy ī hudāg daham
Verse: b    ān ī man tan ān-iz ī xwēš jān
Verse: c    bē harwisp huzāyišnīh ī bun ud bar

Paragraph: 3  Link to avesta Link to yasna
Verse: a    ād ēn zōhrag ud barsom harwisp ān ī ahlaw yazd xwāham ō ēn yazišn
Verse: b    harwisp ī ahlāyīh rad xwāham ō ēn yazišn
Verse: c    pad Hāwan abar radīh ud Sawang Wīs-iz abar-radīh rad ī harwisp meh abar-radīh

Paragraph: 4  Link to avesta Link to yasna
Verse: a    franāmam mahistīh ī Zardušt kū andarg ī wattarān gōwam ī ǰud-dēw kū-š dēw
Verse: b    abāg nēst Ohrmazd-dādestān kū-š dādestān ān ī Ohrmazd
Verse: c    ahlaw ī ahlāyīh rad
Verse: d       pad yazišn ud niyāyišn ud šnāyēnīdārīh ud frāz afrīgānīh
Verse: e    Sawang ud Wīs-iz ī ahlaw ī ahlāyīh rad
Verse: f       pad yazišn ud niyāyišn šnāyēnīdārīh frāz afrīgānīh
Verse: g    rad ī rōz asnīy āwām māhīgān ī gāhānbār ud sāl
Verse: h       pad yazišn ud niyāyišn ud šnāyēnīdārīh frāz afrīgānīh



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.