TITUS
Pahlavi Translation of the Avesta: Yasna and Vispered
Part No. 16
Previous part

Chapter: 15  Link to avesta Link to yasna
Yasna 15


Paragraph: 1  Link to avesta Link to yasna
Verse: a    pad hammōxtišn ka tis ī frārōn hammōxt ēstam ud hayārīh ī amahrspandān
Verse: b    rāmišn ī xwēš
Verse: c    amahrspandān pad ān weh nēk nām xwānam
Verse: d    frāz yazam pad ārzōg ī ān ī weh ahlāyīh abāyist ī ō kār ud kirbag
Verse: e    ārzōg ī dēn ī weh ī mahistān abāyist ī ēn dēn rāy

Paragraph: 2  Link to avesta Link to yasna
Verse: a    ōy kē az ahlāyīh abāgīh ī pahlom kū abāgīh az ahlāyīh rāy az yazdān ān meh
Verse: b    ī man yazišn abar ō ōy āgāh Ohrmazd
Verse: c    kē būd hēnd ud kē-iz ī bawēnd awēšān yazam pad ān ī xwēš nām
Verse: d    u-šān abar rasam ō hayārīh kū-šān hamāg hayārōmandīh ōh kunam ud daham
Verse: e    ōy ī weh xwadāy pad kāmg bahr abar barišnīh kū bahr ō ōy daham kē xwadāyīh
Verse: f    ī nēk abāyēd

Paragraph: 3  Link to avesta Link to yasna
Verse: a    niyōxšišn ēdar ēd ast Ohrmazd ō yazišn kū bē ō ēn yazišn rasād ī sūdōmand
Verse: b    ahlaw ān Ohrmazd kē amāh xwāstār ī nēkīh
Verse: c    čiyōn fradom menišnīg andar ō ēn yazišn ēstād-am ā-š abdom-iz ēdōn menišnīg
Verse: d    sar bē kunam
Verse: e    ēdar ēdōn niyōxšišn ēd ast Ohrmazd ō yazišn kū bē ō ēn yazišn rasād ī
Verse: f    sūdōmand ahlaw ān Ohrmazd kē amāh xwāstār ī nēkīh

Paragraph: 4  Link to avesta Link to yasna
Verse: a    čiyōn axw kāmag čiyōn Ohrmazd kāmag ādarwaxš frāz ō man gōw
Verse: b    ādōn radīhā ēdōn dastwarīhā az ahlāyīh čēgām-iz-ēw frāz ahlawān āgāhīhā gōwam



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.