TITUS
Pahlavi Translation of the Avesta: Yasna and Vispered
Part No. 17
Previous part

Chapter: 16  Link to avesta Link to yasna
Yasna 16


Paragraph: 1  Link to avesta Link to yasna
Verse: a    Ohrmazd ī ahlaw ī ahlāyīh rad yazam
Verse: b    xwadāy ī mahist yazam ī sūd-xwāstār an Ohrmazd ī frāyīdār gēhān dādār ī
Verse: c    wehīgān dāmān
Verse: d    pad awēšān rādēnēd zōhr ī andar zōhrbarān ān-iz ī rāst gōwišn Abestāg ī rāst
Verse: e    harwisp-iz ān ī ahlaw mēnōy yazd yazam

Paragraph: 2  Link to avesta Link to yasna
Verse: a    Zardušt ī ahlaw ī ahlāyīh rad yazam
Verse: b    pad awēšān rādēnēd zōhr ī andar zōhrbarān ān-iz ī rāst gōwišn Abestāg ī rāst
Verse: c    harwisp-iz ān ī ahlaw gētīy yazd yazam
Verse: d    Zardušt ī ahlaw frawahr yazam
Verse: e    ān ī Zardušt sraw yazam Abestāg ud zand
Verse: f    ān ī Zardušt dēn yazam
Verse: g    ān ī Zardušt kāmag ud dādestān yazam

Paragraph: 3  Link to avesta Link to yasna
Verse: a    az andar axwān ahlāyīh kāmagtom būd az pēšdādān dāmān ī ahlawān dādār ī
Verse: b    Ohrmazd rāyōmand ī xwarrahōmand yazam
Verse: c    ān ī weh menišn ī Wahman yazam
Verse: d    ahlāyīh ī pahlom yazam
Verse: e    xwadāy kāmag Xšahrewar yazam
Verse: f    Spandarmad ī weh bowandag menišnīh yazam
Verse: g    Hordad yazam Amurdad yazam

Paragraph: 4  Link to avesta Link to yasna
Verse: a    dādār ī Ohrmazd yazam
Verse: b    ātaxš ī Ohrmazd pus yazam
Verse: c    āb ī weh ī Ohrmazd-dād ahlawēnī yazam
Verse: d    xwaršēd ī arwand-asp yazam
Verse: e    māh ī gōspand-čihrag yazam
Verse: f    Tištar star ī rāyōmand ī xwarrahōmand yazam
Verse: g    gōspand ī hudāg ruwān yazam

Paragraph: 5  Link to avesta Link to yasna
Verse: a    dādār ī Ohrmazd yazam
Verse: b    Mihr frāgōyōd yazam
Verse: c    Srōš ahlī yazam
Verse: d    Rašn ī ristag yazam
Verse: e    ahlawān wehān abzārān abzōnīgān frawahr yazam
Verse: f    pērōzgar ī Ohrmazd-dād yazam ast kē Wahrām yazd gōwēd
Verse: g    rāmišn xwālom yazam
Verse: h    wād ī abzōnīg ī hudāg yazam

Paragraph: 6  Link to avesta Link to yasna
Verse: a    dādār Ohrmazd yazam
Verse: b    dēn ī weh ī mahistān yazam
Verse: c    Ahlišwang ī weh yazam
Verse: d    aštād yazd yazam
Verse: e    āsmān yazam
Verse: f    zamīg ī hudāg yazam
Verse: g    mānsarspand yazam
Verse: h    anagr ī asar rōšnīh ī xwadād yazam

Paragraph: 7  Link to avesta Link to yasna
Verse: a    ān ī nēk kard ahlāyīh warzišn yazam Garōdmān kē ān ān ī widardagān ruwān
Verse: b    āsāyēnd kē ahlawān frawahr
Verse: c    ān ī pahlom axwān ī ahlawān yazam rōšn ī hamāg xwārīh

Paragraph: 8  Link to avesta Link to yasna
Verse: a    šīrēnīh ud čarbīh yazam
Verse: b    az tazišn ī āb waxšišn urwar āz ī dēwān-dād hamēstārīh rāy ud ān mūš ān parīg
Verse: c       abāz estišnīh rāy kū tā ān mad ēstēd abāz estēnēd
Verse: d       abāz wisinnišnīh rāy abāz tarwēnišnīh rāy kū ān andar rāh ēstād hād
Verse: e    abāz dārād
Verse: f       padīrag rasišnīh ī bēš rāy kū tā az bun bē nē hilād
Verse: g    ahlomoγ-iz ī anahlaw ud sāstār-iz ī purr-marg rāy kū tā anāgīh az awēšān
Verse: h    abāz dārād

Paragraph: 9  Link to avesta Link to yasna
Verse: a    yazam harwisp āb
Verse: b    yazam harwisp urwar pad ēk-radagīh
Verse: c    yazam harwisp kē weh nar hēnd
Verse: d    yazam harwisp kē weh mādag hēnd
Verse: e    yazam harwisp kē mēnōy yazd kē-iz gētīy kē weh-dāg ahlaw hēnd

Paragraph: 10  Link to avesta Link to yasna
Verse: a    yazam abartom mēhan ud abartom gēhān kē Spandarmad pad kadag-bānūgīh
Verse: b    yazam abartom mēhan ud abartom gēhān kē pad ahlaw Ohrmazd pad
Verse: c    kadag-xwadāyīh drīst-ramag ud drīst wīr az ōy bē drīst drīst ahlāyīh
Verse: d    paydāgīh az ōy bē drīst
Verse: e    čiyōn az ōy bē kadār-iz-ēw kē tanān drāztar amāh pad mānišn mānēm ēdōn pad
Verse: f    hāmīn ēdōn pad zamestān kū apagaiiehe mā bawād



Next part


This text is part of the TITUS edition of Pahlavi Translation of the Avesta: Yasna and Vispered.

Copyright TITUS Project, Frankfurt a/M, 9.1.2021. No parts of this document may be republished in any form without prior permission by the copyright holder.