TITUS
Dadestan-i denig
Part No. 40
Previous part

Chapter: 39  
Paragraph: 1     39-om pursišn ān ī pursīd kū čē ēwēnag xūbīh ud nē xūbīh [ī] kustīg pērāhan šāyēd wināh ī wišād-dwārišnīh ud yašt kardag yašt nē kardag [ud] čim ī *māwāg čē ast.
Paragraph: 2     pāsox ēd kū niyābag ast pad drust spēd ī pāk ī ēw-tāg ī ēw-kard čiyōn wahman-iz ēdōn ēk dām ī fradom pas az ān ī wastarag ī xwānīhēd ān ī andartom ud nihān pad dēn. parwandīh ī drust ī dō-tāg ī dō-tōf ī čiyōn ān-iz ī do-tōf ī dēnīg xrad [ī] parwandīhēd āgāhīhān kārān xwad ast dō bazišn ī xwānīhēd āsnīg ud gōšōsrū[d]īg. pas mard pad parwandišn pad bastan wināh<īh> daxšag ī bastag tan az wināh *wizārēnīd ēstēd.
Paragraph: 3     ka wišādag ayāb brahnag ayāb pad jāmag [ī] dō-tōf rawēd ēg-iš wišād-dwārišnīh andar bun *ast.
Page of ed.: 166 
Paragraph: 4     bē pad srōd gāhān andar xwarišn wāz nē šāyēd.
Paragraph: 5     čim ī *māwāg ēn kū mardōm arzānīgīh ī pad xwarišn az yazdān paristišnīhā ud yazdān stāyišnīh[ā] u-šān xward-iz ī xwarišn niyābag spāsdārīh u-šān stāyīdārīh pad im rāh rāst-ēwēnīhā framūd ēstēd.
Paragraph: 6     pēš az xwarišn ka dahān pad xwarišn nē ālūd pad ān ī abēzag stāyišnīh gōwišn yazdān rawēd [ī] ast pad ān xwarišn *arzānīgīhistan.
Paragraph: 7     ā-š xwarišn xward dahān pad dandān-*frašn ud āb pāk kardan.
Paragraph: 8     pas az xwarišn pēš az har(w) saxwan ī pad dahān ī šust ud pāk spāsdārīh ī yazdān stāyēd.
Paragraph: 9     andarag stāyīdārīh pēš xwarišn andarag pas stāyišnīh any saxwan nē guftan.
Paragraph: 10     ka andar xwarišn-ē pad dahān saxwan gōwīhēd ān ēwēnag stāyišn ī pēš ud pas az xwarišn ēwēn guftan az xwēš handām burd bawēd.
Paragraph: 11     har(w) handām ēk ēk kār pad dahān dō kār ī mādayān abar paywastag ī ast guftan [ud] xwardan čiyōn āgenēn ham-padīrag.
Paragraph: 12     čē guftārīh ān ī andarīg xwēšišn ō bērōn-iz āgāhīh paywandēnēd pad xwardārīh ān ī bērōnīg xwarišn ō andarōn freh zīwišn ī gyān rasēd.
Paragraph: 13     čiyōn pēšēnīgān guft kū ēk kār be ō dō kārīgar framūd čimīgtar kū dō kār.
Paragraph: 14     andar xwardārīh az guftārīh ud andar guftārīh az xwardārīh haspīn dād. ān dō kār ēk az did wizīdag dāštan ēwēn.
Page of ed.: 168 
Paragraph: 15     ka dahān pad xwardārīh ēstēd tā dahān az xwarišn pāk bawēd ān ī yazdān spāsdārīh yazdān-stāyišnīh guftan xāmōšīh framūd ēstēd.
Paragraph: 16     ud ān saxwan [ī] *māwāg andar wēnīg gōwēd *māwāg xwānīhēd [ud] čārag-ē ī andar āgāhdārīh ast.
Paragraph: 17     [ud] ān āgāhdārīh pādīrān nē dāštan rāy. bē ka ēdōn gōwēd ī andar ān mayān-ē gōwišnīh dahān hambun-iz abar nē dārēd čīš-iz pad uzwān nē gōwēd ēg-iš ān dēnīg stāyišn ī pēš ud pas az xwarišn ēwēnag guft az xwēš sāmān [ud] wimand burd ēstēd u-š az sāmān [ud] wimand xwēš be burd bawēd.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.