TITUS
Dadestan-i denig
Part No. 43
Previous part

Chapter: 42  
Paragraph: 1     42-om pursišn ud pāsox ān ī pursēd kū mard-ē kē drōn-ē hamē yazēd u-š ātaxš az dur handēmān ka pad čand gām wēnēd a-šāyēd čē rāy ka drōn pad čirāy yazēnd tauua āÚærō nē gōwēnd čēōn pad abārīg ātaxš
Paragraph: 2     ud šnūmanīhā ī yazišn ud drōn ud gāh ud rōz ud māhīgān kadām ān ī ka pēš ud pas ēg-iz nē šāyēd kadām ān ī šāyēd māhīgān sīh rōz andar sāl wēštar ud šnūman-ē ī drōn ud yazišn ka be kunēnd čēōn šāyēd Page of ed.: 31  kardan kū pēš andar nē bawēd kadām ān ī ka kunēnd wēštar šnūman-ē šāyēd ud kadām ān ī nē šāyēd ud ān ī pēš ud pas kadām bawēd
Paragraph: 3     pāsox ēd kū az barsom tā ātaxš čehel hašt pāy ast čēōn hašt nāy ī mard-ē ī mayānag ud ka-z ātaxš wēnēd tauua āÚærō nē gōwēd šāyēd
Paragraph: 4     čirāγ-iz ham-brāh ī ātaxš ast ud pad čāštag ī amā čirāγ-iz kē-š ēsm-sōzišnīh abar nēst drōn nē yazēnd ud ān ī-š drōn pad-iš yazēnd ēsm-sōzišnīh abar kunēnd ud tauua āÚærō gōwēnd
Paragraph: 5     ud šnūman ī yazišn ud drōn ǰud ǰud pas az ān ī pēš ō pas nē ān ī pēš ō pēš ī ohrmazd-rōz nazdīktar čēōn ādur ud ābān ud abārīg rōz pad padisār ud abdom anaγrān-rōz čēōn pad ham-padisār anaγrān-rōz dūrtar
Paragraph: 6     ud ka haft amahraspand andar šnūman fradom haft amahraspand pad xwēš padisār ud pas gāh ud pas rōz ud pas māhīgān ī yazišnīg ud pas abārīg šnūman ī pad padisār ēdōn čēōn nibišt kardan abāyēd.
Paragraph: 7     ān ī pēš ud pas kunēnd ēk ka šnūman-ē pēš az haft amahraspand kunēnd ud ēk ān ī ka rōz pēš az gāh kunēnd ēk ka māhīgān pēš az rōz kunēnd ud ēk ān ī ka ǰud az haft amahraspand ud gāh ud rōz ud Page of ed.: 32  māhīgān šnūman ī pēš az amahraspandān ayāb pēš az gāh ayāb pēš az rōz ayāb pēš az māhīgān rāy šnūman abārōn ēdōn handāzīhēd čēōn im-rōz ud dīg ud parēr čēōn ka māh ī ābān ī yazišnīg ud rōz ī xwar šnūman ī rōz ud māhīgān ēdōn ī-š padisār ud ādur ud ābān u-šān padisārīg abāz ō pas-rawišnīh u-š padisārīhēd ēnyā ka-z andar hammāh rōz ud māhīgān šnūman ī rōz ud māhīgān bawēd az māh ī ābān gōwīhēd az ān ī čēōn nē ham-paywand ud an-andarag abāz šawēnd ēg-išān pad xūb dāštan

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.