TITUS
Dadestan-i denig
Part No. 46
Previous part

Chapter: 45  
Paragraph: 1     45-om pursišn ud pāsox ān ī pursēd kū ān ī hērbed ka-š az hērbedīh zīwišn ī rōzgārīg nēst hērbedīh be pādixšāy hištan ud any kār kard ayāb nē
Paragraph: 2     pāsox ēd kū hērbedān az hērbedīh kē xwad ast hammōxt-dānišn ud āsrōnīg-xēm ud ruwānīg-pahrēz ud xwāst-kirbag ud handōxt-husrawīh ēč zyān nēst
Paragraph: 3     ēn sūd ast kū āgāhīh ī az dēn ī yazadān ud abē-gumānīh ī pad mēnōg-mizdīh rāy pad tangīh hunsandtar ud andar saxtīh ud wīdwarīh ud abar astānag čārag-šnāstar ud ō bōxtišn ēmēdīg-menišntar bawānd
Paragraph: 4     ān ī a-zyān ud sud-iz rāy hērbedīh ī pad was ranǰ xwāst ud hammōxt be hilēnd nē sazāg
Paragraph: 5     bē ka az hērbedīh zīwišn ī rōzgārīg nē *ayābēnd u-šān wehān a-xwāst ahlaw-dād awiš nē dahēnd ud az nabānazdištān ī druwandān pad-iz xwāyišn nē windēnd ud az mizdīg-yazišngarīh ud hamāg-dēn rāyēnīdārīh ud abārīg āsrōnīh ud hāwištīh pad-iš zīwišn-ē xwāstan
Page of ed.: 39 
Paragraph: 6     ka pad-iz ān nē *ayābēnd pad warzīgarīh ud gōspand-warzīh ud *wabz-dār<īh> ud abārīg frārōn kār ī andar *wāstaryōšīh
Paragraph: 7     ka-šān pad-iz ān zīwistan nē tuwān pad zēnwarīh ud naxčīrgarīh ud abārīg frārōn kār ī andar pēšag ī frārōn artēštārīh zīwišn xwāst
Paragraph: 8     ud ka-z-išān pad ān *niyāzag-ōgārd xwēštan ud kē andar frēzwānīg-sālārīh dāštan nē tuwān ahlaw-dād xwāstan dastwarīhā pad čār tuwān
Paragraph: 9     az aǰgahānīhā zīwistan ayāb a-tuxšišnīhā xwēštan ud kē andar sālārīh abē-zīwišn be hištan nē dastwarīhā.

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.