TITUS
Dadestan-i denig
Part No. 49
Previous part

Chapter: 48  
Paragraph: 1     48-om pursišn ud pāsox ān ī pursēd kū kē ǰōrdā xrīnēd ud pad hambār dārēd kū tā garān be bawēd ēg-iš pad garānīh frōšēd dādestān čē ēwēnag bawēd
Paragraph: 2     pāsox ēd kū kē-š tis andar nēst ān rāy ǰuttar āōn sahēm kū az *xwardārīg xwarišn abāyišn ī xwad
Paragraph: 3     ān kē-š sālārīh ud nē frayādišn ī arzānīgān ud wehān frayād ī andar hangām ī niyāz rāy bē ēwāzīg gētīgīg-sūd ud wāzargānīh ud abar mardōm tang kardan ud garāntar abāz frōxtan rāy xrīnēd ud pad hambār dārēd abar-iz wehān ēdōn bast dārēd čēōn abar wattarān ka wehān ud arzānīg-mardōm andar abāyēd ud az xwarišn rāy xwāhēnd pad arz ī andar ān hangām arzēd nē frōšēd ud garāntar būdan rāy andar hambār dārēd a-dastwarīhā ud garān-wināhīhā
Paragraph: 4     harw wizand ī awēšān wehān barēnd kē-š pad wahāg xwāhēnd nē frōšēd ud ān an-ayāftagīh ī ǰōrdā ayāb ān a-dādihā garān-wināhīhā rāy ud garān-wahāgīh rāy abar xwad ayāb awēšān ī andar sālārīh ayāb driyōšān kē-s awiš dād hē ān hu-dahišnīh rāy dādan nē šāyēd ud rēšišn rasēd ēg-iš pad-iš tōzišnōmand
Paragraph: 5     agar ān ǰōrdā frēh-zamānīhā andar hambār dāštan rāy tabāhīhēd ud Page of ed.: 53  az xwarišn appārīhēd pad-iz ān bōyōzadīh ī ǰōrdā āstārōmand agar ān a-dādīhā dārišnīh rāy andar ān ǰōrdā xrafstar hambūsīhēd pad ān-iz ī garān wināh āstārīhēd pad sūd ī ān abārōn wāzargānīh an-arzānīg
Paragraph: 6     bē agar andar abāyist ī xwēš ud mardōm kē-š andar sālārīh bīm ī niyāz hangām rāy andar hangām ī arzānīh xrīnēd ud pānagīh kunēd ayāb frayādišn ī wehān ud arzānīgān rāy az gyāg kū ǰōrdā wēš az abāyišn ī xwardārān arzān-wahāgīh rāy ǰōrdā xrīnēd be ō ānōh kū ǰōrdā kam ud agar wehān ī ǰōrdā-abāyišnīgān wasān hēnd barēnd kū tā awēšān ǰōrdā-niyāzān frayādišnīgīh az-iš xwad-iz az wēš-wahāgīh sūd bawād ayāb ham-frayādišn ī wehān xwābarīh kū tā abar wehān frāxtar bawēd kū abar wattarān
Paragraph: 7     andar-iz hangām ī niyāz pad wahāg abērtar ayābīhēd andar frēh-ǰōrdāīh arzān-wahāgīh ǰōrdā xrīnēd kū tā hangām ī niyāz *nigāh dārēd ka wehān awiš niyāz bawēd pad wahāg čēōn-iš xrīnēd andar hangām arz ī šahrīg ast frōšēd ān rāy andar niyāz-hangāmīh pad wahāg abērtar ayābīhēd abar wehān frāxtar bawēd ēg-iš spās ī padēxēnīdār stāyišnīg pad-iz ān sūd arzānīg
Paragraph: 8     ǰud-iz az ǰōrdā-xwarišnīh ud xwarišnīg-tis ī pad gyān-dārišnīh ud dārūg ud darmān ī pad gyān-bēšazišnīh ud ēd čē pad gyān-bōzišnīh xrīnēnd ud garān frōšēnd pādixšāy

Page of ed.: 54 
Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.