TITUS
Dadestan-i denig
Part No. 50
Previous part

Chapter: 49  
Paragraph: 1     49-om pursišn ud pāsox ān ī pursēd kū kē may xrīnēd be ō an-ērān ud ag-dēnān frōšēd ēg-iš dādestān čē
Paragraph: 2     pāsox ēd kū abēr saxt ud garān wināh ud bīm ud wad-pēšagīhā
Paragraph: 3     bē agar kardan ī-š ān may-frōšīh rāy may az awēšān kē may a-paymān xwarēnd ud may xwardan rāy wattar bawēnd wēš abāz dārīhēd ud ō awēšān kē may pad paymān xwarēnd ud may xwardan rāy weh bawēnd wēš rasēd kū ān ī ka ōy ān may-frōšīh nē kunēd
Paragraph: 4     ēg-iš ān may-frōšīh rāy tuwān pad xwāst kē-šān abāz dāšt mardōm pad weh-dēnīh pattāyēnīd ud az šud ī ō ag-dēnīh wardēnīd rawāgīh ī wināh bast ud kirbag rawāgēnīd
Paragraph: 5     ān bawēd wehān-ayārīh ud dēn-pānagīh ud wināh-hamēmālīh ud kirbag-ayārīh
Paragraph: 6     ka nē kunēd ān may-frōšīh rāy bawēd wēš ud frēh az wināh wināh
Paragraph: 7     ud zamān ī a-dādīhā-xwarišnīh ī may rawāgīhēd ayāb-iš any meh-dādestānīh ud meh-kirbag ī ēwarīg andar ast
Paragraph: 8     ōy kē may ō an-ērān ud ag-dēnān ud abārīg-iz kē mastīh rāy a-dādīh az-iš bawēd frōšēd was-wināhīhā ud nē dastwarīhā

Page of ed.: 55 
Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.