TITUS
Denkard Book 7
Part No. 8
Previous part

Chapter: 7  

Paragraph: 0   abar abdīh ī paydāgīhist pas az wištāsp tā hanǰaftan ī ērān xwadāyīh



Paragraph: 1     hād abdīh paydāgīhist pas az wištāsp tā hanǰaftan ī ērān xwadāyīh; ǰud az wābarīgānīh ī war ud passāxtan, abārīg abestāgīg nērang ud wuzurg ōz ī abar ātaxšān ī wahrām ud any was dēnīg warzkārīh ī pad hāwištān ī zarduxšt paywastag būd.

Paragraph: 2     pas-iz az wišōbišn ī aleksandar, mad was ān ī xwadāyān ī az ān pas, az paragandagīh abāz ō hamīh āwurd ast ī pad ganǰ ī šabīgān dāštan framūd.

Paragraph: 3     wābarīhastan-iz ī ān ī abar xwadāyān ud dastwarān nām čiyōn andar zamānagīhā, āwāmīhā ī pas, pas ō ārāstārīh ī dēn ud gēhān rasēnd ud sāstār-iz ī ahlomōγ ī andar āwām-āwām ō wišuftārīh ī dēn ud xwadāyīh ud gēhān [padīd, paydāg madan] padīd hēnd.

Paragraph: 4     čiyōn az xwadāyān wahman ī spand-dādān ī-š andar abestāg ēn-iz abar abar gōwēd kū: "wahman ī rāst ī hanǰaman-kardārtom az māzdēsnān".

Paragraph: 5     ud az dastwarān, sēn čiyōn-iš ēn-iz abar gōwēd kū: "ē-sad sālag bawēd dēn, ka sēn zāyēd ud dō-sad sālag ka be widerēd ān-iz fradom Page of ed.: 416  māzdēsn ē-sad sālag ā-š bawēd kē pad ē-sad hāwištīh frāz rawēd abar ēn zamīg".

Paragraph: 6     az wišuftārān aleksandar, čiyōn-iš andar dēn ēn-iz gōwēd kū: "ē ān ī ham-ayābag zamestān; ōy ī xēšm, abar pad āz dāmān nigānīhā mar kunēd ī dušxwarrah aleksandar.

Paragraph: 7     ud az dastwarān "arezwāg" ī-š wizārišn ī nām "abēzag-gōwišn" ud "srūtōspādāg" ī-š wizārišn ī nām "srūd abzōnīg" zraiiaŋhå ī-š wizārišn ī nām "zrēh-axw" ud "spəntō-xratuuå" ī-š wizārišn ī nām "abzōnīg-xrad".

Paragraph: 8     čiyōn-šān ēn-iz abar gōwēd kū: "paydāgīh tō ōy āškāragīh daxšag-iz gōwēm, ka ēd ī tō dēn ī māzdēsnān čahār-sad sālag bawēd, andar ēn ēg šabīh bawēd ud axw ī astōmand pad mar paydāgīh wēnēnd abāxtar ud star-iz ud kē-z man ō sadōzem pad mayān-mānišnīh sīh zamestān, ī mayān ī mard hēnd, ahlaw arezwāg ud ān se ī did; awēšān hēnd az hastān ahlawtom ī andar ān zamānag awēšān abar rattom dastwartom.

Paragraph: 9     ud ēn-iz kū awēšān kē pad panǰom ud šašom sadōzem dēn ī māzdēsnān stāyēnd ud awēšān nē kas ruwān bōzēnd be kē pad rasišn ī čahār wizārišn kū pad dastwarīh ī ēn čahār kas ēstēnd; arezwāg ud srūtō.spāδå ud zraiiaŋhå ud spəntō.xratuuō kē pad mānsar xwāhēnd mēnišn, gōwišn, kunišn awēšān har čahār.

Paragraph: 10     ud rašnrēš ahlomōγ ī ān zamānag; čiyōn-išān andar rašnōš rēšišnīh was; ud ēn-iz abar gōwēd kū: "az ān ī awēšān bēšīdārīh bīšt Page of ed.: 417  hēnd harwisp kē hēnd spenāg-mēnōg dām ō awēšān mardān abar ēmēdagēnēnd arezwāg ān se ī did.

Paragraph: 11     ud az āwām-ārāstārān ardaxšēr ī pābagān čiyōn-iš ēn-iz abar gōwēd kū: "kadār ān ī zōrīg kay-ardaxšēr ī tagīg ī tan-framān ī škaft-zēn ī xwadāy? kē ōy andar mān ahlišwang ī nēk ud rōšn frāz rawēd pad kanīg kirb ī nēk ī was amāwand ī hurust ī buland ēbyāst ī rāst ī rāyōmandtōm ī āzād".

Paragraph: 12     kē ast kū pad rasišn ī ardīg pad ān ī xwēš bāzāy ō tan frāxīh dahēd, kē ast kū pad rasišn ī ardīg kū pad ān ī xwēš bāzāy ō hamēmālān abar āyōzēd.

Paragraph: 13     u-š tansar pad abāgīh čiyōn-išān ēn-iz abar gōwēd; "abāz-īš az ōy pursīd zarduxšt kū: "kē deh bēšāzēnītārtom; kē dēwān abespārd az čiš ī frārōn, kē-š dastwarīh abar burd ēstēd druwand ud drō-čāš?"

Paragraph: 14     guft-iš ohrmazd kū; "sāstār deh-ē bēšazēnēdan a-riftag, kū wehān nē bēšēd, ud hu-framān, kū framān ī frārōn dahēd, kē ast azād-tōhmag ud āsrōg-iz ī āgāh pahikār ī deh nāmīg ī ahlaw ān deh bēšazēnīdārtom hēnd".

Paragraph: 15     ud ān ō tō gōwēm kū; zanišn ahlomōγīh! čiyōn gurg ī čahār zang; kē ān gēhān frāz dahēd ō wardag tāšišnīh, kū az kard ī ōy pad wardag be nayēd, kē ast kū ōy-iz ī a-tuwānīg wēmārēnēd, kū-š čiš be stanēd az ān ī awēšān dast ud abar-pāyišnīh āhōg ī gēhān nayēd pad wardagīh.

Page of ed.: 418 
Paragraph: 16     be abar ō ān deh ān ī abārōn anāštīh padēd be ān ī abārōn snōhišn be ān ī abārōn spazgīh ud nē-z az ān deh ān ī abārōn anāštīh frāz abesīhēd ud nē ān ī abārōn snōhišn ud nē ān ī abārōn spazgīh tā ka ō ōy dahēnd padīrišn āsrōn ī mēnōg sālār ī purr-guftār ī rāst-guftār ī ahlaw tansar.

Paragraph: 17     ud ka dahēnd padīrišn ō mēnōg sālār ī purr-guftār ī rāst-guftār ī ahlaw tansar, ast kū awēšān deh ka xwāhēnd bēšāzēnišnīh, windēnd ud nē anēwēnag-ē az ān ī zarduxšt dēn.

Paragraph: 18     ud pad dēn-ārāstār ādurbād ī māraspandān ī friyān nāf čiyōnīh ī abar paywandišn ī xwarrah ō tōhmag, ēn-iz gōwēd kū: ka ul rasēd ahlāyīh az nāfān ud nafdagān ī tūrān, ka uzīd pad friyānān, guft kū-š ānōh padīrišn bawēd, pad bowandag-mēnišnīh frāyēnd, gēhān ī astōmand ī ahlāyīh ud tangīh ō druǰ dahēnd ud ham awēšān abar pad wahman mānēnd zarduxšt awēšān rāmēnīdārīh pad gōwišn.

Paragraph: 19     zayagīh ī zarduxšt az amā kē amahraspand hēm, ēd ō tō rādīh ast kē amahraspand hēm.

Paragraph: 20     ādurbād frašwaxštōm awādag būd; u-š ēn-iz abar gōwēd kū: ān āwām ī pulāwadīg kē andar ān mard zāyēd "auuarəϑrabå" abzōnīgīh ārāstār, ahlāyīh-ārāstār, hanǰamanīg ādurbād ī māraspandān. ēn-iz "auuarəϑrabå" ārāstār ī ahlaw frawahr yazēm".

Paragraph: 21     wakēdrōkeh ī manuščihr awādag ud ādurbād niyāg gōwēd kū: "az ōy be auuarəϑrabå ud ē ī az dēn-petyāragān, ahlomōγān ahlomōγ Page of ed.: 419  ī-šān mazdagīg-iz xwānd hēnd".

Paragraph: 22     čiyōn-išān ēn-iz abar gōwēd kū: "ēn ī man dēn pad axw-mēnišn nigerē, was be nigerē zarduxšt! ka was ahlomōγ āgāh, ahlāyīh-kardārīh ud āsrōgīh-iz gōwēnd awināhīh, ud kam āškār [ud] warzīdār hēnd".

Paragraph: 23     pad dēn ī māzdēsn ēd kū: "pad dēn be niger u-šān čārag xwāh, ud kē awēšān čēgām-iz-ē petyārdār būd ēstēnd andar axw ī astōmand ud a-griftār ēg hēnd ahlāyīh, kē az hastān pahlom" ud ēdōn dēn ī māzdēsnān: pad tōhmag-bōzišnīh baxšēnd, kardārīh xwēšān rāy gōwēnd ud bahr ō xwēšān dahēnd.

Paragraph: 24     xwarišn ud pihw wēnēnd kū xwarišn suy paymān gōwēnd; ud zahagīh gōwēnd [gōwēnd] kū paywand pad mādarān gōwēnd, ud gurgīh hunēnd, kū čiš ī gurgīhā kunēnd, awēšān sāxtan ī pad kāmag-rawišnīh čiyōn ān ī gurg zahag pas mādar.

Paragraph: 25     awēšān-iz paywand pad mādarān kunēnd. awēšān nārīg ī gōspand xrīnēnd; ān-iz ī zahag pus. ā-š be barēnd ō bar. kū-šān ašmā ō hamīh dād hēm; nē pādixšāy hēd be pad hamīh ēstād. awēšān nē-z wurrōyēd war, nē ka āškārag abar dahēd, kū be bōxtēd awēšān pad-iz frazandān druzēnd, kū-šān mihrō-druz abar rasišn, ud pad-iz ān ī xwēš tan.

Paragraph: 26     ēdar abar dēn-ārāstārīh ī anōšag-ruwān husrōg ī kawādān gōwēd kū: "pad ān ī awēšān abāz astišnīh mard ī dād ī ahlaw anōšag-ruwān ī uzwān a-ǰōyīdār ī dānāg ī kē-š hanǰaman az niyōšišn saxon, kū ān ī gōwēd pad dastwar gōwēd, ān ka srōšīgīh frāz Page of ed.: 420  dahēd, kū wināhkarān pādifrāh kunēd.

Paragraph: 27     bāstān pafšārēd kastarān, ōy wīr bīm az ān hanǰaman ka az nazdīg pad abganišn abganēd, kū zūd-zūd nišast kunēd, az ōy sišd bawēnd, dādār! ān-iz ī ahlaw nūn mardōm; čiyōn nūn ka ān ī sišd ī xrad-stard az ašmā ī sišd ī spitāmān!

Paragraph: 28     anōšag-ruwān rāy wānīdan ī axw ī ahlomōγīh ēn-iz gōwēd kū: harwispīn rāy ō tō gōwēm spitāmān zarduxšt! kū-šān hangām pad ōy kē āškārag mihr xwābar druxtārtom, druwandān-iz ahlawān-iz anōšag-ruwān āyōxtār dāmān afrāz; kē dāmān hēnd ī ahlawān kū abāz ō kār ēstēd pad kardan ī anōšag-ruwān kē paywastār-kārān rāst passox-guftār ān anōšag-ruwān.

Paragraph: 29     ud abar daxšag rasišn ī wišuftārān xwadāyīh ī ērān-šahr ud ēn abē-nām būd<an> ō dēn ēn-iz gōwēd kū: "ēg ka fradom daxšag ahlaw zarduxšt! rasēd ī rēšīdār ī deh ēg kēn-zadārtar ud anāmurzīdārtar ī deh bawēnd sāstār; ud pad-iz ān rēšēnd mān pad ān wīs ud pad ān zand ud pad ān deh, pad ān harwisp-iz deh. ān paydāgīh čegām-iz-ē čāšišnīh ī rasēd ī rēšīdār deh, ud ēdōn mard ī wēnāg ī frazānag abar nigāh ē dārēd, deh čiyōn-iš pad menišn āgāh-dahišnīh"

Paragraph: 30     ēg ka dudīgar daxšag rasēd ī rēšīdār ī deh...

Paragraph: 31     ēg ka sidīgar daxšag rasēd rēšīdār deh, āsrōn mardōm a-wizīdār-gōwišn bawēnd, kū čiš ī dānāgīhā nē gōwēnd, hēd ēd-rāy čē-šān nē padīrēnd ud ān nē ka rāst gōwēd ā-šān nē wurrōyēd, Page of ed.: 421  ān ī rēšīdār deh ud pad-iz ān rēšēnd mān ud pad ān wīs ud pad ān zand ud pad ān deh ud pad ān harwisp-iz deh. ān paydāgīh čegām-iz čāsīšnīh ī rasēd ī rēšīdār ī deh. ud ēdōn-iz mard ī wēnāg ī frazānag abar nigāh-ē dārēd, deh čiyōn-iš pad mēnišn āgāh-dahišnīh.

Paragraph: 32     ēg ka tasum daxšag rasēd ī rēšīdār ī deh ul uzēd ān ātaxš hu-barišnīh ud ul ān mardān ī ahlawān, kū-šān pahrēz nē kunēnd zōhr-iz, ud nē ēdōn ō ōy ī rad barēnd, kū bahr ī radān be grift nē dahēnd ān ī rēšīdār deh ud pad-iz ān rēšēnd mān ud pad ān wīs ud pad ān zand ud pad ān deh ud pad ān harwisp-iz deh ān paydāgīh čegām-iz čāšišnīh rasēd ī rēšīdār ī deh ēdōn-iz mard ī wēnāg ī frazānag abar nigāh-ē dārēd, čiyōn-iš ī pad mēnišn āgāh-dahišnīh.

Paragraph: 33     abar hanǰābišn ī ērān xwadāyīh, ēn-iz gōwēd kū: "ān-iz mar, zarduxšt! awēšān dehān abar rasēnēd ō wardag-tāšišnīh, kū-šān uškāftag be kunēd, kē ōy ast xwadāyīh ī tuwānīg hēnd. ud ēg ān ast pad kāmag-zadār ī ahlawān.

Paragraph: 34     ān-iz mar zarduxšt! nē dagr pas dagr zīyēd be wisēnd frazand, kū be abesīhēnd, be ān ī ōy ruwān padēd ō bun ī axwān ī tom kē ērang dušox, ud abar awēšān tanān harwispīn az xwad rasēd a-dād, a-šādīh az kardan ī xwēš; ka nē dahēnd padīrišn ō āsrōn ī mēnōg-sālār ī purr-guftār ī rāst-guftār ī ahlaw.

Page of ed.: 422 
Paragraph: 35     frāz ān mar pahīkārēd zarduxšt! pad harwisp axw ī astōmand axwīh ud radīh, kū man weh šāyēm [ud] frāz dādestān tāšišnīh, wizīr kardan, wad frāz be dahišnīh, pahīkārdārān druwandān-iz ahlawān-iz kē ān ī dūr-astišn wīs, dūdag ī bunīg ō wiyābān-iz kunēnd.

Paragraph: 36     ud zamīg-iz kē ō tarist wardēd ganāg-mēnōg awēšān būm be murnǰēnēd, pad seǰ abārīg-iz anāgīh ud be abar ō ān deh ān ī guxrōn anāštīh padēd be ān ī abārōn snōhišn; be ān ī abārōn spazgīh.

Paragraph: 37     ud nē-z az ān deh ān ī abārōn anāštīh frāz abesīhēd ud nē ān ī abārōn snōhišn ud nē ān ī abārōn spazgīh; pēš az ān tā ka ō ōy dahēnd, padīrišn ō āsrōn ī mēnōg-salār ī purr-guftār ī rāst-guftār ī ahlaw ud ka ō ōy dahēnd padīrišn, ast kū awēšān deh ka axwāhēnd bēšāzišnīh windēnd; ud nē anēwēnag ī az ān zarduxšt!

Paragraph: 38     ud ēn ī ōšmurd, nihang-ē ī az was ud frahist čiš ī az abestāg pad bawēd rasišn pas az wištāsp tā hanǰābišn ī ērān-xwadāyīh az ērān-šahr paydāg kū ēn ī nibišt mad gēhānīgān āgāhīh.

Paragraph: 39     ēn-iz abar gugāy ast ī abar [ud] "agar ēd ī az abestāg pad rasišn ī pas az kay wištāsp tā frazām ī ērān xwadāyīh, ī paydāg nē mad būd hē wābarīgānīh: ī abestāg kē-iz: "ēn xīr tā nūn būd pad ōh bawēd ī andar ān, u-š gāh az-iš paydāg andar awēšān xwadāyān ud dastwarān az wištāsp", frāz wišuft wisīd ō amā nē paywast hē.



Page of ed.: 423 
Next part


This text is part of the TITUS edition of Denkard Book 7.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.