TITUS
Pahlavi Rivayat
Part No. 24
Previous part

Chapter: 24 
Ch. 24


Paragraph: 1    ēn-iz paydāg kū ruwān ī ahlawān pas az ān ka gyān az tan be šawēd ka +gurg ud rōbāh ud sag ud way brīnēnd ud ǰōyēnd ruwān ī ahlawān tis-iz ī dušxwārīh nē bawēd ud ruwān ī druwandān pas az ān ka-šān ruwān az tan be šawēd ka-š gurg ud rōbāh ud sag ud way tan brīnēnd ud ǰōyēnd dard-ē ud dušxwārīh-ē ēdōn ōh bawēd kū wāng kunēd

Paragraph: 2    gōwēd kū ka hamāg dām ī ohrmazd man xward hē ēg-im ēn pādifrāh ud anāgīh was hē ud drāyēd be ō tan gōwēd kū tan ī duz ī druwand was xwāstag tō pad gētīg be kard +u-š im rōz pus ud brād ud xwēšāwand ī tō padīš pahikārēnd ud tō pad man kē ruwān hēm u-t tis-iz nēkīh nē kard ud awēšān tō rāy tis-iz nēkīh nē kunēnd ud drōn-iz-ē pad ruwān ī tō nē kunēnd ud man andar dušox andar dast ī dēwān +grīh hēm u-m tā tan ī pasēn ā-m anāgīh abāyēd widārdan ud tō sag ud way ud gurg ud rōbāh ēdar ǰōyēnd u-t xwāstag ī-t kard ā-t tis-iz be ō frayād nē rasēd harw kē wināh kunēd ā-š ēn pādifrāh


Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.