TITUS
Pahlavi Rivayat
Part No. 25
Previous part

Chapter: 25 
Ch. 25


Paragraph: 1    ahlāyīh ēdōn sahīg ud wuzurg ud arzōmand gyāg-ē paydāg kū zarduxšt az ohrmazd pursīd kū čand zamān abāz ō frašagird zamān ka frašagird kardārīh bawēd ud tan ī pasēn

Paragraph: 2    ohrmazd guft kū sē hazār sāl

Paragraph: 3    zarduxšt be tarsīd u-š guft kū zamān ī dērand abāz ast

Paragraph: 4    ohrmazd guft kū ēn zamān ā-t dērand ma ēd sahēd čē ruwān ī ahlawān tā andar garōdmān hēnd ā-šān ēn and zamān ī sē hazār sāl ā-šān and drahnāy pad čašm u-š ēdōn xwār sahēd čēōn kanīzag-ē abāyišnīg ī pānzdah sālag ud mard ī ǰuwān ī wist sālag ka-šān ēk abag did andar ō xānag-ē kunēnd u-šān pad wastarag ī narm be xwābēnd ud mērag ō ziyānag pad gyān dōst u-šān ān abāyēd kū šab hagriz rōšn ma bawād awēšān-iz kē ahlaw hēnd andar garōdmān ā-šān xwašīh ud rāmišn rāy ī-šān ast ā-šān ān abāyēd kū hagriz ān zamān nē rasē


Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.