TITUS
Pahlavi Rivayat
Part No. 26
Previous part

Chapter: 26 
Ch. 26


Paragraph: 1    ēn-iz paydāg kū +gāw ud asp ud hōm yazad nifrīn kunēnd ka-šān a-dādīhā dārēnd

Paragraph: 2    ud gāw ōy kas rāy nifrīn kunēd u-š gōwēd kū-t frazand ma bawād u-t dusrawīh ud abārīg anāgīh abāg harw anāgīh bawād kē-m kušē u-m pazē u-m ō arzānīgān nē dahē ud zan-iz ud +pusarān ud aškamb ī xwēš rāy pahrēzē ud dārē

Paragraph: 3    asp +ōy kas nifrīn kunēd kē-š abar nišīnēd kū abar man nišast ma tuwān bawād kē pad zōr ud nērog ī man ayārīh ō wehān nē kunē ud dušmenān abāz nē dārē

Paragraph: 4    ud hōm yazad +oy kas rāy nifrīn kunēd gōwēd kū-t frazand ma bawād u-t dusrawīh-iz ud abārīg anāgīh xwēš bawād kē man andar yazišn kār nē framāyē ud sūr ī pid ohrmazd be ō man dād ēwārag abāg uzwān ud čašm ī hōy ī hamāg gōspand ud gōspand sardagān nē yazē bē +ǰōyē kē ān sūr ī pid ī man ohrmazd be ō man dād nē yazēd bē ǰōyēd andar mān ī ōy nē zāyēd nē āsrōn nē artēštār ud nē wāstaryōš andar mān ī ōy zāyēnd mardōm ī čihr ī ǰādūgān ud +wināhēd dahišn ī ohrmazd +kirrēnīdār ī tis tabāh kunēd ud kār ud dādestān was frāz gīrēd tis-iz be ō frazām nē āwarēd u-š mēnōgīhā pad ān band bandēm ī-m tūr ī frāsyāb bast


Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.