TITUS
Pahlavi Rivayat
Part No. 27
Previous part

Chapter: 27 
Ch. 27


Paragraph: 1    ēn-iz paydāg kū hangām ast ka mard ašemwohū-ē be gōwēd ān ēk ašemwohū az dah ašemwohū arzōmandtar

Paragraph: 2    ud hangām ast +ka ēk ašemwohū az sad ašemwohū arzōmandtar

Paragraph: 3    ud hangām ast ka ēk ašemwohū az +ē-hazār ašemwohū arzōmandtar

Paragraph: 4    ud hangām ast ka ēk ašemwohū az +bēwar ašemwohū arzōmandtar

Paragraph: 5    hangām ast ka ēk ašemwohū az kišwar ī xwanirah ǰud az mardōm arzōmandtar

Paragraph: 6    hangām ast ka ēk ašemwohū az hamag gēhān ud gētīgīhā arzōmandtar

Paragraph: 7    ān ka be gōwēd ud srōš drōn xwarēd ā-š az dah arzōmandtar

Paragraph: 8    ud ān ka be gōwēd ud parāhōm xwarēd ā-š ān az sad arzōmandtar

Paragraph: 9    ud ān ka be gōwēd be xufsēd ā-š ān az ē-hazār arzōmandtar

Paragraph: 10    ān ka wigrād bawēd ud ō dudīgar kust wardēd ā-š ān az bēwar arzōmandtar

Paragraph: 11    ka pad abdom wardišn ā-š be gōwēd ā-š az kišwar ī xwanirah arzōmandtar

Paragraph: 12    ka-š dādestān ēdōn bawēd ka ān ašemwohū <gōwēd> be az dušoxīg<īh> be ō hamestagānīgīh rasēd ā- š ān az harw tis arzōmandtar



Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.