TITUS
Pahlavi Rivayat
Part No. 28
Previous part

Chapter: 28 
Ch. 28
(a)


Paragraph: a1    ēn-iz paydāg kū ohrmazd be ō zarduxšt guft kū harw kār ud kirbag ī-t tuwān hād kardan harw ham rōzgār ī mad estēd be kun čē ka gōwē kū pas kunēm bawēd ka-t astwihād awiš rasēd u-t kardan nē tuwān


(b)


Paragraph: b1    ēn-iz paydāg kū mard-ē ka gōwēd kū tā-m xwāstag sē-hazār bowandag bawēd kirbag nē kunēm ud ruwān nē āmurzēm ā-š pad ān gōwišn astwihād be awiš rasēd u-š pas kardan nē tuwān


(c)


Paragraph: 1    ēn-iz paydāg kū ohrmazd be ō zarduxšt guft kū pad kār ud kirbag kardan tuxšāg bāš čē andar ē rōz mard ēn hamāg tis be awiš rasēd az gāh ī fradāg tuwāngar pad gyān ī xwadāyān xūb dāšt estēd az gāh ī čāšt zamān az xwadāyān ā-š az dar abāz dārēnd pas az nēm-rōz ā-š xwāstag abāz ō šahīgān kunēnd ka šab bawēd ā-šān be ōzad ud wayān xward dastwarān abar čāšt estēd čēōn wahrām ī ādurmāhān būd <kū> murw-iz ī pad <an>darwāy šawēnd ā-šān ān astwihād ud zarmānīh be awiš rasēd ōšōmand pad zamīg ōftēnd ud be mīrēnd tan ī ōšōmand pad tan ī ōšōmand anāgīh kunēd pad ēn čim tuxšēd kū tā-m xwāstag nē bawād pad ēn čim tuxšēd kū tā-m frazand nē bawād pad ēn čim tuxšēd kū tā-m gōspand be mīrād ka āgāh pad ān ī xwēš xrad dānēd kū ōšōmand mīrēd ud xāk bawēd gāw xāk bawēd asp xāk bawēd zarr ud asēm xāk bawēd mard ī tagīg xāk bawēd harwisp xīr ī gētīg xāk bawēd ān ēk xāk nē bawēd ka mard ahlāyīh menēd kār ud kirbag kunēd ud kār ud kirbag was kunēd ud ahlawān tis dahēd


Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.