TITUS Texts: Codex Zographensis

TITUS
Codex Zographensis
Part No. 45

Chapter: 3

Verse: 1

въ пѧтое же на десѧте лѣто · владычьства · тиверьѣ ќесар̑ѣ · о̆бладаѭштю пѫн᾽тьскоумоу пилатоу · ῾іюдееѭ · ῾і четврътовластьствоуѭштю · галилееѭ ῾іродоу · филипоу же братоу его · четврътовластьсствоуѭштю · ῾і туриеѭ · ῾і страхонитьскоѭ страноѭ · ῾і љунію · четврътовластьствоуѭштю · ӑвилиниеѭ ·
ⰲⱏ ⱂⱔⱅⱁⰵ ⰶⰵ ⱀⰰ ⰴⰵⱄⱔⱅⰵ ⰾⱑⱅⱁ · ⰲⰾⰰⰴⱏⰹⱍⱐⱄⱅⰲⰰ · ⱅⰻⰲⰵⱃⱐⱑ ⰽⰵⱄⰰⱃ̑ⱑ · ⱁ̆ⰱⰾⰰⰴⰰⱙⱎⱅⱓ ⱂⱘⱀ᾽ⱅⱐⱄⰽⱁⱆⰿⱁⱆ ⱂⰻⰾⰰⱅⱁⱆ · ῾ⰺⱓⰴⰵⰵⱙ · ῾ⰺ ⱍⰵⱅⰲⱃⱏⱅⱁⰲⰾⰰⱄⱅⱐⱄⱅⰲⱁⱆⱙⱎⱅⱓ · ⰳⰰⰾⰻⰾⰵⰵⱙ ῾ⰺⱃⱁⰴⱁⱆ · ⱇⰻⰾⰻⱂⱁⱆ ⰶⰵ ⰱⱃⰰⱅⱁⱆ ⰵⰳⱁ · ⱍⰵⱅⰲⱃⱏⱅⱁⰲⰾⰰⱄⱅⱐⱄⱄⱅⰲⱁⱆⱙⱎⱅⱓ · ῾ⰺ ⱅⱆⱃⰻⰵⱙ · ῾ⰺ ⱄⱅⱃⰰⱈⱁⱀⰻⱅⱐⱄⰽⱁⱙ ⱄⱅⱃⰰⱀⱁⱙ · ῾ⰺ ⰾ҄ⱆⱀⰹⱓ · ⱍⰵⱅⰲⱃⱏⱅⱁⰲⰾⰰⱄⱅⱐⱄⱅⰲⱁⱆⱙⱎⱅⱓ · ⰰ̆ⰲⰻⰾⰻⱀⰻⰵⱙ ·

Verse: 2

при ӑрхиӗреі ӑн᾽нѣ · ῾і каіѣфѣ · Быстъ г҃лъ б҃жіи · къ ῾іоӑнноу ӡахариноу с҃ноу · въ поустыњи ·
ⱂⱃⰻ ⰰ̆ⱃⱈⰻⰵ̆ⱃⰵⰹ ⰰ̆ⱀ᾽ⱀⱑ · ῾ⰺ ⰽⰰⰺⱑⱇⱑ · Ⰱⱏⰹⱄⱅⱏ ⰳ҃ⰾⱏ ⰱ҃ⰶⰹⰻ · ⰽⱏ ῾ⰺⱁⰰ̆ⱀⱀⱁⱆ ⰸⰰⱈⰰⱃⰻⱀⱁⱆ ⱄ҃ⱀⱁⱆ · ⰲⱏ ⱂⱁⱆⱄⱅⱏⰹⱀ҄ⰻ ·

Verse: 3

῾і приде въ вьсѫ странѫ ῾іор᾽даньскѫѭ · проповѣдаѧ крьштение на покаӑнье · въ отъпоуштенье грѣховъ ·
῾ⰺ ⱂⱃⰻⰴⰵ ⰲⱏ ⰲⱐⱄⱘ ⱄⱅⱃⰰⱀⱘ ῾ⰺⱁⱃ᾽ⰴⰰⱀⱐⱄⰽⱘⱙ · ⱂⱃⱁⱂⱁⰲⱑⰴⰰⱔ ⰽⱃⱐⱎⱅⰵⱀⰻⰵ ⱀⰰ ⱂⱁⰽⰰⰰ̆ⱀⱐⰵ · ⰲⱏ ⱁⱅⱏⱂⱁⱆⱎⱅⰵⱀⱐⰵ ⰳⱃⱑⱈⱁⰲⱏ ·

Verse: 4

Ѣко же ӗстъ п᾽сано въ къњигахъ словесъ · ῾іса῾іѧ пророка г҃лѭшта · гласъ въпиѭштаӑго въ поустыњи · оуготоваіте пѫть г҃нь · правы творите стьӡѧ ӗго ·
Ⱑⰽⱁ ⰶⰵ ⰵ̆ⱄⱅⱏ ⱂ᾽ⱄⰰⱀⱁ ⰲⱏ ⰽⱏⱀ҄ⰻⰳⰰⱈⱏ ⱄⰾⱁⰲⰵⱄⱏ · ῾ⰺⱄⰰ῾ⰺⱔ ⱂⱃⱁⱃⱁⰽⰰ ⰳ҃ⰾⱙⱎⱅⰰ · ⰳⰾⰰⱄⱏ ⰲⱏⱂⰻⱙⱎⱅⰰⰰ̆ⰳⱁ ⰲⱏ ⱂⱁⱆⱄⱅⱏⰹⱀ҄ⰻ · ⱁⱆⰳⱁⱅⱁⰲⰰⰺⱅⰵ ⱂⱘⱅⱐ ⰳ҃ⱀⱐ · ⱂⱃⰰⰲⱏⰹ ⱅⰲⱁⱃⰻⱅⰵ ⱄⱅⱐⰸⱔ ⰵ̆ⰳⱁ ·

Verse: 5

всѣка дьбрь ῾ісплънитъ сѧ · ῾і всѣка гора ῾і хлъми съмѣритъ сѧ · ῾і бѫдѫтъ стръпътънаа въ праваѣ · ῾і остриѣ въ пѫти гладъкы ·
ⰲⱄⱑⰽⰰ ⰴⱐⰱⱃⱐ ῾ⰺⱄⱂⰾⱏⱀⰻⱅⱏ ⱄⱔ · ῾ⰺ ⰲⱄⱑⰽⰰ ⰳⱁⱃⰰ ῾ⰺ ⱈⰾⱏⰿⰻ ⱄⱏⰿⱑⱃⰻⱅⱏ ⱄⱔ · ῾ⰺ ⰱⱘⰴⱘⱅⱏ ⱄⱅⱃⱏⱂⱏⱅⱏⱀⰰⰰ ⰲⱏ ⱂⱃⰰⰲⰰⱑ · ῾ⰺ ⱁⱄⱅⱃⰻⱑ ⰲⱏ ⱂⱘⱅⰻ ⰳⰾⰰⰴⱏⰽⱏⰹ ·

Verse: 6

῾і оуӡьритъ всѣка плъть с҃пенье б҃жие ·
῾ⰺ ⱁⱆⰸⱐⱃⰻⱅⱏ ⰲⱄⱑⰽⰰ ⱂⰾⱏⱅⱐ ⱄ҃ⱂⰵⱀⱐⰵ ⰱ҃ⰶⰻⰵ ·

Verse: 8

Г҃лаӑше же ῾ісходѧштіимъ народомъ · крьстити сѧ о̆тъ њего · ῾іштѧдьѣ ӗхидънова · къто съкаӡа вамъ бѣжати отъ грѧдѫштаго гнѣва · сътворите оубо плодъ досто῾інъ покаӑнию · ῾і не начинаіте г҃лати вь себѣ · ѣко о҃ца ῾імамъ ӑвраӑма · г҃лѭ бо вамъ · ѣко можетъ б҃ъ о̆тъ каменьѣ сего · вьӡдвигнѫти чѧда ӑвраӑмоу ·
Ⰳ҃ⰾⰰⰰ̆ⱎⰵ ⰶⰵ ῾ⰺⱄⱈⱁⰴⱔⱎⱅⰹⰻⰿⱏ ⱀⰰⱃⱁⰴⱁⰿⱏ · ⰽⱃⱐⱄⱅⰻⱅⰻ ⱄⱔ ⱁ̆ⱅⱏ ⱀ҄ⰵⰳⱁ · ῾ⰺⱎⱅⱔⰴⱐⱑ ⰵ̆ⱈⰻⰴⱏⱀⱁⰲⰰ · ⰽⱏⱅⱁ ⱄⱏⰽⰰⰸⰰ ⰲⰰⰿⱏ ⰱⱑⰶⰰⱅⰻ ⱁⱅⱏ ⰳⱃⱔⰴⱘⱎⱅⰰⰳⱁ ⰳⱀⱑⰲⰰ · ⱄⱏⱅⰲⱁⱃⰻⱅⰵ ⱁⱆⰱⱁ ⱂⰾⱁⰴⱏ ⰴⱁⱄⱅⱁ῾ⰺⱀⱏ ⱂⱁⰽⰰⰰ̆ⱀⰻⱓ · ῾ⰺ ⱀⰵ ⱀⰰⱍⰻⱀⰰⰺⱅⰵ ⰳ҃ⰾⰰⱅⰻ ⰲⱐ ⱄⰵⰱⱑ · ⱑⰽⱁ ⱁ҃ⱌⰰ ῾ⰺⰿⰰⰿⱏ ⰰ̆ⰲⱃⰰⰰ̆ⰿⰰ · ⰳ҃ⰾⱙ ⰱⱁ ⰲⰰⰿⱏ · ⱑⰽⱁ ⰿⱁⰶⰵⱅⱏ ⰱ҃ⱏ ⱁ̆ⱅⱏ ⰽⰰⰿⰵⱀⱐⱑ ⱄⰵⰳⱁ · ⰲⱐⰸⰴⰲⰻⰳⱀⱘⱅⰻ ⱍⱔⰴⰰ ⰰ̆ⰲⱃⰰⰰ̆ⰿⱁⱆ ·

Verse: 9

юже бо секыра при корене дрѣва лежитъ · вьсѣко оубо дрѣво не творѧштее добра плода · посѣкаѭтъ · ῾і въ огњь вълагаѭтъ ·
ⱓⰶⰵ ⰱⱁ ⱄⰵⰽⱏⰹⱃⰰ ⱂⱃⰻ ⰽⱁⱃⰵⱀⰵ ⰴⱃⱑⰲⰰ ⰾⰵⰶⰻⱅⱏ · ⰲⱐⱄⱑⰽⱁ ⱁⱆⰱⱁ ⰴⱃⱑⰲⱁ ⱀⰵ ⱅⰲⱁⱃⱔⱎⱅⰵⰵ ⰴⱁⰱⱃⰰ ⱂⰾⱁⰴⰰ · ⱂⱁⱄⱑⰽⰰⱙⱅⱏ · ῾ⰺ ⰲⱏ ⱁⰳⱀ҄ⱐ ⰲⱏⰾⰰⰳⰰⱙⱅⱏ ·

Verse: 10

І въпрашаӑхѫ і народи г҃лѭште · оучитељю чьто сътворимъ ·
Ⰹ ⰲⱏⱂⱃⰰⱎⰰⰰ̆ⱈⱘ ⰹ ⱀⰰⱃⱁⰴⰻ ⰳ҃ⰾⱙⱎⱅⰵ · ⱁⱆⱍⰻⱅⰵⰾ҄ⱓ ⱍⱐⱅⱁ ⱄⱏⱅⰲⱁⱃⰻⰿⱏ ·

Verse: 11

Ѡтъвѣштавъ же г҃лааше ῾імъ · ῾імѣѧи дьвѣ риӡѣ · да дастъ не ῾імѫштюмоу · ῾і имѣѧі брашьна такожде да творитъ ·
Ⱉⱅⱏⰲⱑⱎⱅⰰⰲⱏ ⰶⰵ ⰳ҃ⰾⰰⰰⱎⰵ ῾ⰺⰿⱏ · ῾ⰺⰿⱑⱔⰻ ⰴⱐⰲⱑ ⱃⰻⰸⱑ · ⰴⰰ ⰴⰰⱄⱅⱏ ⱀⰵ ῾ⰺⰿⱘⱎⱅⱓⰿⱁⱆ · ῾ⰺ ⰻⰿⱑⱔⰹ ⰱⱃⰰⱎⱐⱀⰰ ⱅⰰⰽⱁⰶⰴⰵ ⰴⰰ ⱅⰲⱁⱃⰻⱅⱏ ·

Verse: 12

придѫ же ῾і мытари крьститъ сѧ · ῾і рѣшѧ къ њемоу · оучитељю чьто сътворимъ ·
ⱂⱃⰻⰴⱘ ⰶⰵ ῾ⰺ ⰿⱏⰹⱅⰰⱃⰻ ⰽⱃⱐⱄⱅⰻⱅⱏ ⱄⱔ · ῾ⰺ ⱃⱑⱎⱔ ⰽⱏ ⱀ҄ⰵⰿⱁⱆ · ⱁⱆⱍⰻⱅⰵⰾ҄ⱓ ⱍⱐⱅⱁ ⱄⱏⱅⰲⱁⱃⰻⰿⱏ ·

Verse: 13

о̆нъ же рече къ њимъ · ничьтоже боље повелѣнаӑго вамъ творите ·
ⱁ̆ⱀⱏ ⰶⰵ ⱃⰵⱍⰵ ⰽⱏ ⱀ҄ⰻⰿⱏ · ⱀⰻⱍⱐⱅⱁⰶⰵ ⰱⱁⰾ҄ⰵ ⱂⱁⰲⰵⰾⱑⱀⰰⰰ̆ⰳⱁ ⰲⰰⰿⱏ ⱅⰲⱁⱃⰻⱅⰵ ·

Verse: 14

въпрашаӑхѫ же і · ῾і во῾іни г҃љѭште · ῾і мы чьто сътворимъ · ῾і рече къ њимъ · никогоже о̆бидите · ни о̆кљевета῾іте · ῾і довольни бѫдѣте о̆брокы вашими ·
ⰲⱏⱂⱃⰰⱎⰰⰰ̆ⱈⱘ ⰶⰵ ⰹ · ῾ⰺ ⰲⱁ῾ⰺⱀⰻ ⰳ҃ⰾ҄ⱙⱎⱅⰵ · ῾ⰺ ⰿⱏⰹ ⱍⱐⱅⱁ ⱄⱏⱅⰲⱁⱃⰻⰿⱏ · ῾ⰺ ⱃⰵⱍⰵ ⰽⱏ ⱀ҄ⰻⰿⱏ · ⱀⰻⰽⱁⰳⱁⰶⰵ ⱁ̆ⰱⰻⰴⰻⱅⰵ · ⱀⰻ ⱁ̆ⰽⰾ҄ⰵⰲⰵⱅⰰ῾ⰺⱅⰵ · ῾ⰺ ⰴⱁⰲⱁⰾⱐⱀⰻ ⰱⱘⰴⱑⱅⰵ ⱁ̆ⰱⱃⱁⰽⱏⰹ ⰲⰰⱎⰻⰿⰻ ·

Verse: 15

чаѭштемъ же љюдьмъ · ῾і помышлѣѭштемъ всѣмъ · въ сръдьцихъ сво῾іхъ · о̆ ῾іоан᾽нѣ ӗда тъ ӗстъ х҃ъ ·
ⱍⰰⱙⱎⱅⰵⰿⱏ ⰶⰵ ⰾ҄ⱓⰴⱐⰿⱏ · ῾ⰺ ⱂⱁⰿⱏⰹⱎⰾⱑⱙⱎⱅⰵⰿⱏ ⰲⱄⱑⰿⱏ · ⰲⱏ ⱄⱃⱏⰴⱐⱌⰻⱈⱏ ⱄⰲⱁ῾ⰺⱈⱏ · ⱁ̆ ῾ⰺⱁⰰⱀ᾽ⱀⱑ ⰵ̆ⰴⰰ ⱅⱏ ⰵ̆ⱄⱅⱏ ⱈ҃ⱏ ·

Verse: 16

Ѡтъвѣштаваӑше ῾імъ ῾іоанъ г҃лѧ · ӑӡъ оубо водоѭ крьштаѭ вы · грѧдетъ же крѣпљи мене · ӗмоуже нѣсмь досто῾інъ · о̆трѣшити ремене сапогоу его · тъ вы крьститъ д҃хомь с҃тъімь · ῾і огњемь ·
Ⱉⱅⱏⰲⱑⱎⱅⰰⰲⰰⰰ̆ⱎⰵ ῾ⰺⰿⱏ ῾ⰺⱁⰰⱀⱏ ⰳ҃ⰾⱔ · ⰰ̆ⰸⱏ ⱁⱆⰱⱁ ⰲⱁⰴⱁⱙ ⰽⱃⱐⱎⱅⰰⱙ ⰲⱏⰹ · ⰳⱃⱔⰴⰵⱅⱏ ⰶⰵ ⰽⱃⱑⱂⰾ҄ⰻ ⰿⰵⱀⰵ · ⰵ̆ⰿⱁⱆⰶⰵ ⱀⱑⱄⰿⱐ ⰴⱁⱄⱅⱁ῾ⰺⱀⱏ · ⱁ̆ⱅⱃⱑⱎⰻⱅⰻ ⱃⰵⰿⰵⱀⰵ ⱄⰰⱂⱁⰳⱁⱆ ⰵⰳⱁ · ⱅⱏ ⰲⱏⰹ ⰽⱃⱐⱄⱅⰻⱅⱏ ⰴ҃ⱈⱁⰿⱐ ⱄ҃ⱅⱏⰺⰿⱐ · ῾ⰺ ⱁⰳⱀ҄ⰵⰿⱐ ·

Verse: 17

ӗмоуже лопата въ рѫкоу его · ῾і потрѣбитъ гоумъно свое ῾І съберетъ пьшеницѫ · вь житьницѫ своѭ · ӑ плѣвы съжежетъ о̆гњемь негашѫштимь ·
ⰵ̆ⰿⱁⱆⰶⰵ ⰾⱁⱂⰰⱅⰰ ⰲⱏ ⱃⱘⰽⱁⱆ ⰵⰳⱁ · ῾ⰺ ⱂⱁⱅⱃⱑⰱⰻⱅⱏ ⰳⱁⱆⰿⱏⱀⱁ ⱄⰲⱁⰵ ῾Ⰺ ⱄⱏⰱⰵⱃⰵⱅⱏ ⱂⱐⱎⰵⱀⰻⱌⱘ · ⰲⱐ ⰶⰻⱅⱐⱀⰻⱌⱘ ⱄⰲⱁⱙ · ⰰ̆ ⱂⰾⱑⰲⱏⰹ ⱄⱏⰶⰵⰶⰵⱅⱏ ⱁ̆ⰳⱀ҄ⰵⰿⱐ ⱀⰵⰳⰰⱎⱘⱎⱅⰻⰿⱐ ·

Verse: 18

многа же ῾іна благовѣствоваше г҃лѧ къ љюдьмъ ·
ⰿⱀⱁⰳⰰ ⰶⰵ ῾ⰺⱀⰰ ⰱⰾⰰⰳⱁⰲⱑⱄⱅⰲⱁⰲⰰⱎⰵ ⰳ҃ⰾⱔ ⰽⱏ ⰾ҄ⱓⰴⱐⰿⱏ ·

Verse: 19

῾Іродъ же четврътовластьникъ · обличаемъ ῾імь · о іродьѣ̆дѣ женѣ братра своего · ῾і о вьсемь ӡьлѣ еже створи ῾іродъ ·
῾Ⰺⱃⱁⰴⱏ ⰶⰵ ⱍⰵⱅⰲⱃⱏⱅⱁⰲⰾⰰⱄⱅⱐⱀⰻⰽⱏ · ⱁⰱⰾⰻⱍⰰⰵⰿⱏ ῾ⰺⰿⱐ · ⱁ ⰺⱃⱁⰴⱐⱑ̆ⰴⱑ ⰶⰵⱀⱑ ⰱⱃⰰⱅⱃⰰ ⱄⰲⱁⰵⰳⱁ · ῾ⰺ ⱁ ⰲⱐⱄⰵⰿⱐ ⰸⱐⰾⱑ ⰵⰶⰵ ⱄⱅⰲⱁⱃⰻ ῾ⰺⱃⱁⰴⱏ ·

Verse: 20

приложи ῾і се надъ вьсѣмь · ῾і ӡаі҃кљючи ῾іоана вь тьмьници ·
ⱂⱃⰻⰾⱁⰶⰻ ῾ⰺ ⱄⰵ ⱀⰰⰴⱏ ⰲⱐⱄⱑⰿⱐ · ῾ⰺ ⰸⰰⰺ҃ⰽⰾ҄ⱓⱍⰻ ῾ⰺⱁⰰⱀⰰ ⰲⱐ ⱅⱐⰿⱐⱀⰻⱌⰻ ·

Verse: 21

быстъ же ӗгда крьстишѧ сѧ вьси љюдье · і҃у крьштьшоу сѧ · ῾і молѧштю сѧ отврьӡе сѧ небо ·
ⰱⱏⰹⱄⱅⱏ ⰶⰵ ⰵ̆ⰳⰴⰰ ⰽⱃⱐⱄⱅⰻⱎⱔ ⱄⱔ ⰲⱐⱄⰻ ⰾ҄ⱓⰴⱐⰵ · ⰺ҃ⱆ ⰽⱃⱐⱎⱅⱐⱎⱁⱆ ⱄⱔ · ῾ⰺ ⰿⱁⰾⱔⱎⱅⱓ ⱄⱔ ⱁⱅⰲⱃⱐⰸⰵ ⱄⱔ ⱀⰵⰱⱁ ·

Verse: 22

῾і съниде д҃хъ с҃ты · тѣлесънъ῾імь ӡракомь · ѣко голѫбь на њь · ῾і гласъ съ н҃се быс҃ г҃лѧ · ты еси с҃нъ моі въӡљюбљенъі · о̆ тебѣ благоволихъ ·
῾ⰺ ⱄⱏⱀⰻⰴⰵ ⰴ҃ⱈⱏ ⱄ҃ⱅⱏⰹ · ⱅⱑⰾⰵⱄⱏⱀⱏ῾ⰺⰿⱐ ⰸⱃⰰⰽⱁⰿⱐ · ⱑⰽⱁ ⰳⱁⰾⱘⰱⱐ ⱀⰰ ⱀ҄ⱐ · ῾ⰺ ⰳⰾⰰⱄⱏ ⱄⱏ ⱀ҃ⱄⰵ ⰱⱏⰹⱄ҃ ⰳ҃ⰾⱔ · ⱅⱏⰹ ⰵⱄⰻ ⱄ҃ⱀⱏ ⰿⱁⰹ ⰲⱏⰸⰾ҄ⱓⰱⰾ҄ⰵⱀⱏⰺ · ⱁ̆ ⱅⰵⰱⱑ ⰱⰾⰰⰳⱁⰲⱁⰾⰻⱈⱏ ·

Verse: 23

῾і тъ бѣ и҃с · ѣко трьми десѧты лѣт҃ · начинаѧ · с҃нъ сы ѣко мьнимъ бѣ · ῾іосифовъ · ῾ілеіевъ ·
῾ⰺ ⱅⱏ ⰱⱑ ⰻ҃ⱄ · ⱑⰽⱁ ⱅⱃⱐⰿⰻ ⰴⰵⱄⱔⱅⱏⰹ ⰾⱑⱅ҃ · ⱀⰰⱍⰻⱀⰰⱔ · ⱄ҃ⱀⱏ ⱄⱏⰹ ⱑⰽⱁ ⰿⱐⱀⰻⰿⱏ ⰱⱑ · ῾ⰺⱁⱄⰻⱇⱁⰲⱏ · ῾ⰺⰾⰵⰹⰵⰲⱏ ·

Verse: 24

мат᾽татовъ · леўђиінъ · мельхиевъ · ῾іан᾽нѣевъ · ῾іосифовъ · ̅̅̅̅̅̅̅̅̅̅̅
ⰿⰰⱅ᾽ⱅⰰⱅⱁⰲⱏ · ⰾⰵⱆ̆ⰼⰻⰹⱀⱏ · ⰿⰵⰾⱐⱈⰻⰵⰲⱏ · ῾ⰺⰰⱀ᾽ⱀⱑⰵⰲⱏ · ῾ⰺⱁⱄⰻⱇⱁⰲⱏ · ̅̅̅̅̅̅̅̅̅̅̅

This text is part of the TITUS edition of Codex Zographensis.

Copyright TITUS Project, Frankfurt a/M, 11.5.2014. No parts of this document may be republished in any form without prior permission by the copyright holder.