TITUS
Physiologus: Wiener Prosa
Part No. 13
Previous part

Chapter: 11   Link to Physiol1 Link to Physiol3 Link to Physiold Link to Physioll
Item: 142r  (1)<E>in bilide sprach got zuo liuten, heizent Pharisei, unt chod sus: "<D>u Vipperen chunne, wer gewisit dich, daz du von dem chunftigen zorne inphliehen megist?"
Paragraph: 2     Uns zellit Phisiologus von der Vipperun: So diu Vippera gihien scol zuo zir machide, so ist <ir> zuo ime so liebe, daz si ginet so wite, unt stozzet er sin houbet in ire munt. so bizzit si ime daz houbet abe, so stirbet er. Da mag man ane vernemen, waz huorren minne machet.
Paragraph: 3     So denne dei jungin gewahsint in der Vipperun, so durch bizzent si ir die situn unt varent uz ir muoter, so irstirbet ouch siu.
Paragraph: 4     <D>ie Pharasei Item: 142v  sint der Vipperun gebenmazet, want si unsuber sint in ir werchen unt in ir gedanchen. <S>i irsluogen ir vater, den heiligen Christ unt ahten ir muoter der heiligen christenheit.
Paragraph: 5     An dem evangelio ist sus gescriben: "ir scult wesen fruot, so die Natrun."
Paragraph: 6     Phisiologus zellit, daz diu Natra driu geslahte habe. Ir erist geslahte ist, so siu iraltet, so negesihit siu nieht; so vastet si denne vierzich tage unt naht, unze sich daz fel ab ir losit. so suochet si denne ein engiz loch an eineme steine unte sliufet da durch; so vert ir diu obere hut abe, so wirdit siu gejunget.
Paragraph: 7     Diu porta ist vile enge, unt daz phad ist vile chleine, daz zuo dem ewigen libe leitet.
Paragraph: 8     Daz ander geslahte ist, so diu Natra trinchen wile, so spiwit si daz eiter von Item: 143r  ire, e si trinche.
Paragraph: 9     Wir sculn die Natrun sus piledon: so wir diu heiligen wort trinchen wellen, diu uns vorgescriben sint, so sculn wir uzspien die unser werltliche sunte.
Paragraph: 10     Wir sculn unsich reinen von allen unseren suntin unt sculen mit diemuotiger jouch mit warer pihte in daz goteshus gan unt sculn da beten unde singen gote in unserem herzen.
Paragraph: 11     Daz dritte geslahte ist der Natrun: so si den man nachiten gesihit, so furhtet si in und fliuhet; so er ave gewatot ist, so ahtit si sin.
Paragraph: 12     Da magin wir ane vernemen: do unser vater Adam in dem paradiso nachit was, do nemahte im der tiefal nieht getaren.
Paragraph: 13     So man die Natrun slahen wil, so nimit si Item: 143v  den zagil unt tuot in uber daz houbet unt lazit sich alsa slahen.
Paragraph: 14     Also sculn wir tuon, so unser viant unsich irslahen wellen; so sculn wir mit unserem lichnamen daz houbet bescirmen, wante unser houbet daz ist Christ.
Paragraph: 15     Wir sculen unser houbet, den heiligen Christ, ze diu bescirmen, daz wir von ime in dem jungisten zite mit gesunteme houbite zuo ewiger genzi geladet werden.

   
Paragraph: V1     über 1 Raum für ein Bild W.
Paragraph: V1     in: davor Lücke für Initiale W.: In Maßmann; uuip-\peren: davor Lücke für Initale (!), W.; gewisit (!) W.
Paragraph: V2     So diu: mit Initiale W.; gihien (!) W.; so ist jr Lauchert, Wilhelm: ir fehlt ohne Lücke W.; munt: m aus f korr. W.; huorren minne (!) W.
Paragraph: V4     ie: davor Lücke für Initiale W.; pharasei (!) W.; i: davor Lücke für Initiale W.; nach christenheit Absatz W.
Paragraph: V5     An: mit Initiale W.; scult (!) W.
Paragraph: V6     Er erist W., verb. von Hoffmann
Paragraph: V7     pha-\de W., verb. von Wilhelm
Paragraph: V10     pihte: i aus h korr. W.: phlihte Hoffmann Fußnote
Paragraph: V11     nachiten (!) W.
Paragraph: V12     nakchit W.
Paragraph: V13     den: d aus t korr. W.; alsa Wilhelm: alsua W.: andirswâ Lauchert
Paragraph: V14     ui-\ant unser irslahen W., verb. von Wilhelm, dagegen Lauchert; lichnamen: c aus i korr. W.
Paragraph: V15     unter 15 Raum für ein Bild W.



Next part


This text is part of the TITUS edition of Physiologus: Wiener Prosa.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.