Page of ms. Ga: 242r სიტყუაჲ, რომელი თქუა უფალმან ბაბილონსა Page of ed. 1709: 128a ზედა, ქუეყანასა ზედა ხალდეველთასა ჴელითა იერემია წინაჲსწარმეტყუელისაჲთა.
მიუთხრენით წარმართთა შორის და სასმენელ-ყვენით და აღიღეთ სასწაული, ასმინეთ და ნუ დაჰმალავთ, არქუთ; აღოჴრდა ბაბილონი, სირცხჳლეულ იქმნა ბილ, შუებული მიეცა მეოდახ, ჰრცხუენა კერპთა მისთა,
რამეთუ აღმოვიდა მის ზედა ნათესავი ჩრდილოჲთ. მან დადვას ქუეყანაჲ მისი მოსაოჴრებელად, და არა იყოს დამკჳდრებული მის შორის კაცითგან მისაცხოვართამდე, შეირყინეს, წარჴდეს.
მათ დღეთა შინა, იტყჳს უფალი, და მას ჟამსა შინა მოვიდენ ძენი ისრაილისანი, იგინი და ძენი იუდაჲსნი ერთბამად მოარულნი და მტირალნი, წავიდენ მეძიებელნი უფლისა ღმრთისა მათისანი.
ვიდრემდის სიონს იკითხონ გზაჲ, რამეთუ აქა მისცენ პირი მათი და მოვიდენ და შეივლტოდიან უფლისა მიმართ ღმრთისა მათისა, რამეთუ აღთქუმაჲ არა მოაკლდეს.
ცხოვარებ წყმედულებ იქმნა ერი ჩემი; მწყემსთა მათთა განჴადნეს იგინი, მთათა ზედა შეაცთუნნეს იგინი, მთათაგან ბორცუთა ზედა ვიდოდეს, დაავიწყდა სადგური მათი.
ყოველნი მპოვნელნი მათნი განჰლევდეს მათ. მტერთა მათთა თქუეს: არა ულხინოთ მათ მის წილ, რომელ შესცოდეს უფალსა შჯული სიმართლისაჲ, შემკრებელი მამათა მათთაჲ უფლისა.
უცხო იქმნენით ბაბილონისაგან და ქუეყანისაგან ხალდეველთაჲსა, ვითარცა ვეშაპნი წინაშე პირსა ცხოვართასა.
Page of ms. Ga: 242v რამეთუ აჰა მე აღვადგენ და აღმომიყვანებ ბაბილონსა ზედა შესაკრებელსა ნათესავსა დიდთასა ქუეყანისაგან ჩრდილოჲსა, და წყობა-ყონ მის შორის, მუნით მოესრულოს, ვითარცა სატყორცი მბრძოლისა გულისხუმიერისაჲ, ისარი მი\სნი Page of ed. 1709: 128b არა მოიქცენ ცუდად.
და იყოს ხალდეაჲ საიავროდ; ყოველნი მეიავრენი მისნი განძღენ, იტყჳს უფალი.
რამეთუ იშუებთ და იქადით დამტაცებელნი სამკჳდრებელისა ჩემისანი [11] და მით რამეთუ სტრიობდით, ვითარცა ზროხანი მწუანესა შორის და ურქენდით, ვითარცა კურონი.
სირცხჳლეულ იქმნა დედაჲ თქუენი ფრიად, მოიქცა მშობელი თქუენი დედაჲ კეთილთა მომართ, აჰა უკუანაჲსკნელი წარმართთაჲ ოჴე[რ] და ურწყულ და უვალ.
რისხვისაგან უფლისა არა დამკჳდრებულ იქმნეს, და იყოს განსარყუნელად ყოვლად, და ყოველი წარმვლელი ბაბილონით დაწუხნეს, დაისტჳნოს ყოველსა ზედა წყლულსა მისსა.
წყობა-ყავთ ბაბილონსა ზედა გარემოჲს ყოველთა მომრთხმელთა მშჳლდისათა მშჳლდვა-ყავთ მის ზედა, ნუ ჰრიდებთ მშჳლდვასა ზედა თქუენსა, რამეთუ უფალსა შესცოდა.
და დაიპყართ მის ზედა გარემოჲს. და იჴსნნეს ჴელნი მისნი, დაეცნეს და[რ]ეფანნი მისნი, დაირღუა ზღუდე მისი, რამეთუ შურის-გებაჲ ღმრთისა მიერ არს; შური იძიეთ მის ზედა, ვითარაც ყო, უყავთ მას.
მოსპეთ თესლი ბაბილონისაგან, მპყრობელი მანგლისაჲ ჟამსა მკისასა, პირისაგან მახჳლისა ელლინებრისა; კაცადი ერისა მიმართ თჳსისა მიიქცენ, და კაცადი ქუეყანად თჳსსა მიივლტოდინ.
ცხოვარი ცთომილი ისრაილი, ლომთა განაგარეეს იგი, პირველად შეჭამა იგი მეფემან ასსურისამან, და ესრეთ უკანაჲსკნელ მეფემან ბაბილონისამან, ნაბუხოდონოსორ, ძუალნი მისნი დაჭამნა.
ამისთჳს ამათ იტყჳს უფალი ძალთაჲ, ღმერთი ისრაილისაჲ: აჰა მე შურის-ძიებასა ვჰყოფ მეფისა ზედა ბაბილონისასა და ქუეყანასა ზედა მისსა, ვითარცა შური ვიძიე მეფისა ზედა ასურისსა.
და კუალად-ვაგო ისრაილი საძოვრისა მიმართ მისისა, და ძოვდეს შორის კარმილსა და შორის ბასანსა და Page of ed. 1709: 129a შორის მთასა ეფრემისსა და შორის გალაადისა, და აღივსენ სულნი მათნი.
მათ დღეთა შინა და მას ჟამსა შინა, იტყჳს უფალი, ეძიებდენ უსამართლოებასა ისრაილისასა, და არა იყოს, და ცოდვათა იუდაჲსთა, და არა იპოოს, რამეთუ Page of ms. Ga: 245r მლხინებელ ვეყო დაშთომილთა ქუეყანასა ზედა, იტყჳს უფალი.
ქუეყანასა ზედა განმამწარებელთასა მიიწიე მას ზედა მწარედ და დამკჳდრებულთა მისთა ზედა შური იძიე, მახჳლო, და უჩინო ყავ, იტყჳს უფალი, უკუანათგან მათსა ძჳრნი, და ჰყოფდ ყოველთაებრ, რავდენთა გამცნებ შენ.
ჴმაჲ ბრძოლისაჲ და შემუსრვაჲ დიდი ქუეყანასა შინა ხალდეველთასა.
ვითარ შეიმუსრა და შეიფქვა უროჲ ყოვლისა ქუეყანისაჲ! ვითარ იქმნა განსარყუნელ ბაბილონი წარმართთა შორის!
წინა-განგეწყვე შენ და ზედადაგესხნენ შენ, და წარჰჴდე, ბაბილონ, და ვერ სცნა. იპოვე და შეპყრობილ იქმენ, რამეთუ უფალსა უჴდებოდე.
განაღო უფალმან საფასე თჳსი და გამოიხუნა ჭურნი რისხვისა მისისანი, რამეთუ საქმე არს უფლისა ღმრთისა ძალთაჲსა შორის ქუეყანისა ხალდეველთაჲსა.
რამეთუ მოიწინეს ჟამნი მისნი. განახუენით დასაკრებელნი მისნი, გამოიკულიეთ იგი, ვითარცა ქუაბი, და მოასრულეთ იგი, ნუ იყოფინ მისსა დანეშტებული.
აღაჴმენით ყოველნი ნაყოფნი მისნი, და შთავიდოდედ კლვად. ვაჲ მათდა, რამეთუ მოიწია დღე მათი და ჟამი შურისგებისა მათისაჲ.
ჴმაჲ მეოტთაჲ და განრინებულთაჲ ქუეყანისაგან ბაბილონისა მითხრობად შორის სიონსა შურის-ძიებაჲ უფლისა მიერ ღმრთისა ჩუენისაჲ, შურისძიებაჲ ტაძრისა მისისაჲ.
დამოწმება-ყავთ ბაბილონსა ზედა მრავალთა, ყოვლით კერძო გარდამცუმელთა მშჳლდისათა მოადეგით მას ზედა გარემოჲს, ნუ იყოფინ, მისსა განრინებული, მიაგეთ მას საქმეთაებრ მისთა, ყოველთაებრ, Page of ed. 1709: 129b რავდენნი ყვნა, უყავთ მას, რამეთუ უფლისა მიმართ წინა-განეწყო წმიდისა ისრაილისა.
ამისთჳს დაეცნენ ჭაბუკნი მისნი უბანთა მისთა ზედა, და ყოველნი მამაკაცნი მბრძოლნი მისნი განერნენ, თქუა უფალმან.
აჰა მე შენ ზედა, იტყჳს უფალი ძალთაჲ, მაგინებელო, რამეთუ მოიწია დღე დაცემისა შენისაჲ და ჟამი შურისგებისა შენისაჲ.
და მოუძლურდეს გინებაჲ შენი და დაეცეს, და არა იყოს აღმმართებელი მისი; და აღვაგზნა ცეცხლი მაღნარსა მისსა შორის და შეჭამნეს ყოველნი გარემოჲსნი მისნი.
ამათ იტყჳს უფალი ძალთაჲ: მომძლავრებულ არ\იან, Page of ms. Ga: 245v ძენი ისრაილისანი და ძენი იუდაჲსნი, ერთბამად ყოველნი წარმტყუენველნი მათნი ემძლავრნეს მათ, რომელთა არა ინებეს გამოვლინებაჲ მათი.
და მჴსნელი მათი ძლიერ, უფალი ძალთაჲ, ყოვლისა-მპყრობელ სახელი მისი. საშჯელი საჯოს წინამოსაჯულეთა მისთა მიმართ, რაჲთა მოსპოს ქუეყანაჲ იგი და განურისხნეს მკჳდრთა ბაბილონისათა.
მახჳლი ხალდეველთა ზედა, თქუა უფალმან, და დამკჳდრებულთა ზედა ბაბილონისათა და დიდებულთა ზედა მისთა და გულის-ხუმის-მყოფელთა-ზედა მისთა, და მოისპნენ.
მახჳლი მისანთა ზედა მისთა, და დაშურენ, მახჳლი მბრძოლთა ზედა მისთა, და დაიჴსნნენ;
მახჳლი ცხენებსა ზედა მისსა და ეტლებსა ზედა მისსა, მახჳლი მჴედართა ზედა მისთა და შერთულთა ზედა შორის მისსა, და იყვნენ ვითარცა დედანი; მახჳლი საუნჯეთა ზედა მისთა, და დაიტაცნენ;
მახჳლი წყალსა ზედა მისსა, რომლისამი ესვიდა, და განჴმეს და სირცხჳლეულ იქმნეს, რამეთუ ქუეყანაჲ ქანდაკებულთაჲ არს ჭალაკთა შენთა შორის, და ექადოდინ.
ამისთჳს დაემკჳდრნენ ურჩხულნი ჭალაკთა შინა, და დაემკჳდრნენ მას შინა ასულნი სირინოსთანი, და არა აღეშენოს Page of ed. 1709: 130a მერმე უკუნისამდე და არა დამკჳდრებულ იქმნეს მერმე ნათესავითი ნათესავად.
ვითარცა დააქცინა უფალმან სოდომაჲ და ღომორრაჲ და მოზღვრენი მათნი, თქუა უფალმან, არა დაეშენოს მუნ კაცი და არა იმსხემოს ძემან კაცისამან.
აჰა ერი მოვალს ჩრდილოჲთ, და ნათესავი დიდი და მეფენი მრავალნი აღდგენ დასასრულით ქუეყანისაჲთ;
მშჳლდი და მაზრაკი აქუნდესყე, უგბილ არიან და არა შეიწყალებენ. ჴმაჲ მათი, ვითარცა ზღუაჲ, მღელვარე; ცხენთა ზედა ცხენოსნობდენ, განმზადებულნი ვითარცა ცეცხლი მბრძოლობად შენ ზედა, ასულო ბაბილონისაო.
ესმა მეფესა ბაბილონისასა სასმენელი მათი, დაიჴსნნეს ჴელნი მისნი, ჭირმან შეიპყრა იგი სალმობათა, ვითარცა მშობისათა.
აჰა ვითარცა ლომი გამოვიდეს მაღნართაგან იორდანისათა ადგილსა ეთამისთა Page of ms. Ga: 244r , სამკჳდრებელსა შორის დასაბამისასა, რამეთუ მალიად განვდევნნე იგინი მისგან და ყოველი ჭაბუკი მას ზედა დავადგინო; რამეთუ ვინ, ვითარ მე? და ვინ წინა-აღმიდგეს მე? დავინ ესრეთ მწყემსი, რომელ დადგეს წინაშე პირსა ჩემსა?
ამისთჳს ისმინეთ განზრახვაჲ უფლისაჲ, რომელსა განიზრახავს ბაბილონსა ზედა, და გულის-სიტყუანი მისნი, რომელნი სიტყუნა ყოველთა ზედა დამკჳდრებულთა ხალდეაჲსათა, არა თუ განხრწნეთ კრავნი ცხოვართა მისთანი, არა თუ განქარდეს მათგან საძოარი.
მით რამეთუ ჴმისაგან მოსრვისა ბაბილონისა შეიძრას ქუეყანაჲ და ღაღადებაჲ მისი ისმეს ნათესავთა შორის.
