TITUS
Biblia Mcxetica
Part No. 489
Previous part

Chapter: 5 
Verse: 1  Link to oskijerLink to sept   ხადოდეღა შენ, უკუეთუ ვინმე გერჩდეს, გინათუ ანგელოზთაგანი, წმიდათა იხილო.

Verse: 2  Link to oskijerLink to sept   და რამეთუ უგნური იგი რისხვამან მოკლის, ხოლო შეცთომილი იგი მოაკუდინის შურმან.

Verse: 3  Link to oskijerLink to sept   მე ვიხილენ უგნურნი, რომელთა ძირნი დაებნეს, არამედ მეყსეულადვე შეიჭამა როჭიკი მათი.

Verse: 4  Link to oskijerLink to sept   განეშორნეს ძირნი მათნი ცხორებისაგან და იქენჯნებოდენ იგინი კართა ზედა უნაკლულევანესთანა და არავინ იყოს განმრინებელ მათდა.

Verse: 5  Link to oskijerLink to sept   რამეთუ, რაჲ-იგი მათ შეიკრიბეს, მართალთა შეჭამონ და იგინი ბოროტისაგან ვერ განერნეს. გამოიწოვენ ძალი მათი,

Verse: 6  Link to oskijerLink to sept   რამეთუ არა გამოჴდის ქუეყანით ბნელი, არცა მთათაგან აღმოსცენდის სალმობაჲ.

Verse: 7  Link to oskijerLink to sept   არამედ კაცი იშვების სალმობად, მართუენი ყანჩისანი მაღალსა ფრინვენ.

Verse: 8  Link to oskijerLink to sept   არა ეგრე, არამედ მე უფალსა ვევედრებოდე და უფალსა ღმერთსა, ყოვლისა მპყრობელსა ვხადოდე,

Verse: 9  Link to oskijerLink to sept   რომელმან ქმნნა დიდ-დიდნი და გამოუკლეველნი დიდებულნი და საკჳრველნი, რომელთა არა არს რიცხჳ, რომელმან მოსცის წჳმაჲ ქუეყანასა და მოავლინის წყალი ცასა ქუეშე.

Verse: 11  Link to oskijerLink to sept   რომელმან ქმნნის მდაბალნი მაღალ და წარწყმედულნი აღმართნის,

Verse: 12  Link to oskijerLink to sept   და აგნის ზრახვანი წარმართთანი და არა ქმნის ჴელთა მათთა ჭეშმარიტებაჲ.

Verse: 13  Link to oskijerLink to sept   * რამეთუ წარეწიის ბრძენთა გონიერებითა და ზრახვა იგი მრავალმთხზველთა განაქარვა.

Verse: 14  Link to oskijerLink to sept   დღისი შეემთხჳოს მათ ბნელი და შუვასამხრის ეჩქუეფებოდიან, ვითარცა ღამე. წარწყმდედ იგინი ბრძოლასა შინა.

Verse: 15  Link to oskijerLink to sept   უძლური იგი განერის ჴელისაგან ძლიერისა.

Verse: 16  Link to oskijerLink to sept   იყავნ უძლურისა მის სასოებაჲ და ცრუისა მის პირი დაიყავნ.

Verse: 17  Link to oskijerLink to sept   ხოლო ნეტარ არს კაცი, რომელსა ამხილა უფალმან. სწავლასა ყოვლისა მპყრობელისასა ნუ განიშორებ,

Verse: 18  Link to oskijerLink to sept   რამეთუ მან ალმის და მერმე კუალად მოაგის, დასცა და ჴელთა მისთა განკურნეს.

Verse: 19  Link to oskijerLink to sept   ექუსგზის ბოროტისაგან გიჴსნეს შენ და მეშჳდესა მას არა შეგეხოს შენ ბოროტი.

Verse: 20  Link to oskijerLink to sept   სიყმილსა გიჴსნეს შენ სიკუდილისაგან, ბრძოლასა შინა ჴელისაგან მახჳლისა განგარინოს შენ.

Verse: 21  Link to oskijerLink to sept   გუემისაგან ენისა დაგიფაროს შენ და არა გეშინოდის შენ ბოროტისაგან მომავალისა.

Verse: 22  Link to oskijerLink to sept   ცრუთა და უსჯულოთა ეკიცხევდე და მჴეცთაგან ველურთა არა გეშინოდის.

Verse: 23  Link to oskijerLink to sept   რამეთუ მჴეცნი ველისანი დაგიმშჳდნენ შენ.

Verse: 24  Link to oskijerLink to sept   მაშინ სცნა, რამეთუ მშჳდობა არს სახლსა შენსა და წესმან საყოფლისა შენისამან არა ცოდოს.

Verse: 25  Link to oskijerLink to sept   მაშინ სცნა, რამეთუ მრავალ არს ნათესავი შენი და შვილნი შენი, ვითარცა ყოველი მწუანვილი ველისაჲ.

Verse: 26  Link to oskijerLink to sept   და მოხჳდე საფლავად, ვითარცა იფქლი ჟამისაჲ ჟამსა თჳსსა მომკილი, ანუ ვითარცა ზჳნი კალოსაჲ ჟამად-ჟამად შეკრებილი.

Verse: 27  Link to oskijerLink to sept   აჰა, ესე ესრეთ გამოვიკულიეთ და ესე არს, რომელი გუასმიეს, ხოლო შენ ცან თავისაჲ, რაჲ-იგი შენ გიქმნიეს

Section:  

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.