და მე წელსა პირველსა კჳროსისსა დავდეგ ძალად და სიმტკიცედ;
და აწ გითხრა შენ ჭეშმარიტი. აჰა ესერა სამნი და მეფენი აღდგენ სპარსეთს და მეოთხჱ იგი განმდიდრდეს სიმდიდრითა დიდითა უფროჲს ყოველთა, და შემდგომად დაპყრობისა მის სიმდიდრისა აღდგეს ყოველთა ზედა მეფეთა იონთასა. Page of ms. J: B134r
და აღდგეს სხუაჲ მეფჱ ძლიერი, და უფლებდეს უფლებასა/ მრავალსა და ყოს ნებისაებრ თჳსისა.
და ვითარცა და-ოდენ-ემტკიცოს მეფობაჲ იგი მისი, შეიმუსროს და განიყოს ოთხთა ქართაგან ცისათა, და არა უკუანაჲსკნელსა მას მისსა და არა უფლებისაებრ მისისა <იყოს აღსასრული მისი> რომელსა უფლებდა, რამეთუ აღიფხურეს მეუფებაჲ იგი მისი და სხუანი გარეშე მისა ათნი.
და განძლიერდეს მეფჱ იგი სამხრისაჲ, და ერთი მისთაგანი განძლიერდეს მის ზედა, და უფლებდეს უფლებასა მრავალსა.
და შემდგომად წელთა მათ მისთა შეერთნენ, და შევიდეს ასული მეფისა მის სამხრისაჲ, მოვიდეს მეფისა მის ჩრდილოჲსა ყოფად მის თანა აღთქუმისა, და ვერ დაიპყრას ძალი მკლავისაჲ, და ვერ დადგეს ნათესავი მისი, და მისცეს ქალი იგი <და> რომელთა მოიყვანეს იგი, და ჭაბუკი იგი ქალი და რომელმან განაძლიერა იგი მათ ჟამთა შინა.
აღდგეს ყუავილისაგან ძირისა მისისა განმზადებულისა მისისა, და მოვიდეს ძალად მიმართ და შევიდეს სიმტკიცეთა მათ მეფისა მის ჩრდილოჲსათა, და ყოს მათ შორის და განძლიერდეს.
და ღმერთნიცა მათნი გამოდნობილთა მათთა თანა, და ყოველი ჭურჭერი გულის-სათქუმელი მათი და ოქროჲ და ვეცხლი ტყუენვით წარმოიღონ ეგჳპტედ, და იგი დადგეს უფროჲს მეფისა მის ჩრდილოჲსა.
და იგი შევიდეს სამეუფოსა მას მეფისა სამხრისასა, და მოიქცეს ქუეყანასა თჳსსა.
და ძეთა მისთა შეკრიბონ კრებული ერისა ძლიერთაჲსა მრავლისაჲ, და მოვიდეს მოსლვით, და წარმოჰრღუნიდეს, და წარმოვიდეს, და დაჯდეს ვიდრე ძლიერებადმდე მისა.
და განრისხნეს მეფჱ იგი სამხრისაჲ, და გამოვიდეს, და ჰბრძოდის მეფესა მას ჩრდილოჲსასა, და დაადგინოს ერი მრავალი, და მისცეს ერი იგი ჴელსა მისსა.
და წარმოიყვანოს ერი იგი, და აღმაღლდეს გული მისი დაცემად Page of ms. J: B134v ბევრეულთა და ვერ უძლოს./
და მოაქციოს მეფემან ჩრდილოჲსამან, და მოიყვანოს ერი მრავალი უფროჲს პირველისა, და დასასრულსა ჟამთასა და წელიწადთასა შევიდეს შესლვით ძალითა დიდითა და საფასითა მრავლითა.
და მათ ჟამთა შინა აღდგენ მრავალნი მეფესა ზედა სამხრისა, და ძენი ბილწნი ნათესავისა შენისანი აღმაღლდენ დამტკიცებად ხილვისა, და მოუძლურდენ.
და შევიდეს მეფჱ იგი ჩრდილოჲსაჲ, და მოადგას პატნეზი, და შეიპყრნეს ქალაქნი ძლიერნი, და მკლავნი მეფისა მის სამხრისანი ვერ დაუდგენ; რჩეულნი მისნი და ძალი არა იყოს დადგომად;
და ყოს შემავალმან მან მისა ნებისაებრ მისისა, და არა ვინ არს დამდგომ წინაშე მის<ს>ა, და დარჩეს ქუეყანასა მას საბირისასა, და აღესრულოს ჴელითა მისითა.
და განმზადოს პირი თჳსი შესლვად ძალითა ყოვლისა სუფევისა თჳსისაჲთა, და სიწრფოებაჲ ყოველი ყოს მის თანა, და ასული დედათაჲ მისცეს მას განჴრწნად იგი, და არა დაადგრეს და არცა მისა იყოს.
და მოიქციოს პირი თჳსი ჭალაკთა მომართ, და შეიპყრნეს ქალაქნი მრავალნი, და დაწუნეს მთავარნი ყუედრებითა მათითა, ხოლო ყუედრებაჲ იგი მისი მას ვე მიექცეს.
და მოიქციოს პირი თჳსი ძალსა ქუეყანისა თჳსისასა, და მოუძ1ურდეს, და დაეცეს.
და დადგეს განმზადებულებასა მისსა ზედა, და წარმოიღებდეს დიდებასა მეფობისასა, და მათ დღეთა შინა შეიმუსროს და არცა პირითა და არცა ბრძოლითა.
დადგეს განმზადებულსა მას ზედა მისსა, შეურაცხ-იქმნა, და არა მოეცეს მის ზედა დიდებაჲ მეფობისაჲ, და მოვიდეს ნაყოფიერებით, და განაძლიეროს მეფობაჲ შეპკოლებითა.
და მკლავნი წარმომრღუეველისანი დაიწუნენ Page of ms. J: B135r პირისაგან/ მისისა, და შეიმუსრნენ და წინამძღუარმან აღთქუმისამან
ნადთაგანისამან ყოს მისა მიმართ ზაკუვაჲ, და აღმოვიდეს, და განძლიერდეს უფროჲს მის<ს>ა მცირითა ნათესავითა,
სიმდიდრითა და უმრავლჱსითა სოფლებითა მოვიდეს, და ყოს რომელი არა ყვეს მამათა მისთა და მამათა მამათა მისთასა, ავარი და ნატყუენავი, და საფასჱ მათ განუყოს და ეგჳპტედ იზრახოს ზრახვაჲ, და ვიდრე ჟამადმდე.
და აღდგეს ძალი მისი, და გული მისი მეფესა ზედა სამხრისასა ძალითა დიდითა, და მეფემან სამხრისამან ყოს ბრძოლაჲ ძლიერი ფრიად, და ვერ დაუდგეს, რამეთუ იზრახონ მის ზედა ზრახვაჲ.
და შეჭამონ ნაყოფი მისი, და შემუსრონ იგი, და ძალნი წარმოიხუნეს, და დაეცნენ წყლულნი მრავალნი.
და ორთავე მათ მეფეთა გულნი მათნი უკეთურებად, და ერთსა ტაბლასა ზედა ნაცილსა იტყოდიან, და არა წარემართოს, რამეთუ არს და დასასრულადმდე ჟამი.
და მოიქცეს ქუეყანად თჳსა საფასითა მრავლითა, და გული მისი აღთქუმისა მიმართ წმიდისა, და ყოს, და მოიქცეს ქუეყანად თჳსა.
ჟამსა მის<ს>ა მოიქცეს, და მოვიდეს სამხრად, და არა იყოს იგი პირველ უკუანაჲსკნელი მისი.
და შევიდენ წელიწადსა გამომავალნი იგი კიტიელნი, და დამდაბლდეს, და მოაქციოს, და განრისხნეს შჯულისა მიმართ წმიდისა, და ყოს, და მოიქცეს, და გულის-ჴმა-ყოს მათ ზედა, რომელთა დაუტევეს შჯული წმიდაჲ.
და ნათესავნი მისგანნი აღდგენ, და შეაგინონ სიწმიდე იგი ძლიერებისაჲ, და გარდაადგინონ მსახურებაჲ იგი მსხუერპლთაჲ, და მოსცენ საძაგელებაჲ იგი განრყუნილი.
და რომელნი უშჯულო იქმნ<ნ>ენ, შჯულსა მოაწიონ Page of ms. J: B135v შეპკოლებაჲ; და იტყოდიან ამაოსა, და ერმან რომელმან იცოდის ღმერთი/ მათი ჰმძლავრობდენ მათ და ყონ.
და გულის-ჴმის-მყოფელთა ერისა შენისათა გულის-ჴმა-ყონ ყოვლად, და მოუძლურდენ მახჳლითა, და ალითა ცეცხლისაჲთა და ტყუეობითა და მიტაცებითა დღეთაჲთა.
და მოუძლურებასა მას მათსა შეწევნა<ჲ> ეცეს მათ, შეწევნაჲ მცირედი, და შეერთნენ მათ მრავალნი ზაკუვით.
და გულის-ჴმის-მყოფელთაგანნი მოუძლურდენ გამოჴურვებად მათა და მოლოდებად და გამოცხადებად ვიდრე ჟამადმდე დასასრულად, რამეთუ ჟამადმდე იყოს.
და ყოს ნებისა-ებრ თჳსისა მეფემან მან, და ა<ღ>მაღლდეს და განდიდნეს ყოველღა ზედა ღმერთთა, და იტყოდეს გარდარეულსა, და წარემართოს ვიდრე აღსრულებადმდე რისხვისა, რამეთუ აღსასრულსა იყოს.
და ყოველთა ზედა ღმერთთა მამათა მისთა არა გულის-ჴმა-ყოს, და გულის-თქუმაჲ დედათაჲ; და ყოველთა ზედა ღმერთთა არა გულის-ჴმა-ყოს, რამეთუ ყოველთა ზედა განდიდნეს.
და ღმერთი მაუზ<ე>ნი ადგილსა თჳსსა ადიდოს, და ღმერთი რომელი არა იცოდეს მამათა მისთა, ვეცხლითა და ოქროჲთა და ქვითა პატიოსნითა და გულის-სათქუმელითა.
და ყოს მოძნელებულთა შესავედრებელად რომელნი ივლტოდიან ღმრთისა უცხოჲსა, და განიმრავლოს დიდებაჲ; და დაიმორჩილნეს მან მრავალნი, და ქუეყანაჲ განყოს ნიჭითა.
და ჟამსა დასასრულისასა ერქინოს მეფისა მის თანა სამხრისა, და შეკრბეს მის ზედა მეფჱ ჩრდილოჲსაჲ ეტლებითა და მჴედრებითა <და ნავებითა> მრავლითა.
და შევიდეს ქუეყანად, და შემუსროს იგი, და თანაწარვლოს ქუეყანაჲ იგი საბირისაჲ, და მრავალნი მოუძლურდენ, და ესენი განერნენ ჴელსა მისსა, ედომი და მოაბი და მთავარნი ძეთა ამონისთანი.
და განირთხას ჴელი თჳსი ქუეყანასა ზედა, და ქუეყანაჲ ეგჳპტისაჲ ვერ იყოს საცხორებელად.
და Page of ms. J: B136r უფლებდეს დაფარულთა ზედა ოქროჲსათა და ვეცხ/ლისათა და ყოველთა ზედა გულის-სათქუმელთა ეგჳჴტისათა და ლჳბიელთასა და ეთიოპელთასა და მოზ<ღ>უდვილთა მათთა.
და ჰამბავნი და წრაფანი შეაძრწუნებდენ მას მზის-აღმოსავალით და ჩრდილოჲთ, <და> მოვიდეს გულის-წყრომითა მრავლითა განრყუნად მრავალთა.
და აღიდგას კარავი თჳსი ზედა აბანოთა შორის ორთა ზღუათა მთასა წმიდასა საბირს, და მოვიდეს ვიდრე ზოგადმდე მისა, და არა ვინ იყოს მჴსნელ მისა სხუაჲ.;
