TITUS
Epistulae Pauli georgice (CD)
Part No. 31
Previous part

Chapter: 15  
15


Verse: 1   Link to pavleni Link to gnt   ხოლო გაუწყებ თქუენ, ძმანო, სახარებასა მას, რომელი გახარე თქუენ, რომელცა-იგი მიგიღებიეს, რომელსაცა ზედა სდგათ,


Verse: 2   Link to pavleni Link to gnt   რომლითაცა სცხონდებით, რომელი სიტყუაჲ გახარე თქუენ, უკუეთუ გაჴსოვს, გარნა თუ ცუდად რაიმე გრწმენა.

Verse: 2V     სცხოვნდებით ZT.


Verse: 3   Link to pavleni Link to gnt   რამეთუ მიგეც თქუენ პირველად რომელცა-იგი მოვიღე, რამეთუ ქრისტე მოკუდა ცოდვათა ჩუენთათჳს, ვითარცა წერილ არს,


Verse: 4   Link to pavleni Link to gnt   და რამეთუ დაეფლა და რამეთუ აღდგა მესამესა დღესა, ვითარცა წერილ არს,


Verse: 5   Link to pavleni Link to gnt   და რამეთუ ეჩუენა კეფას და მერმე ათორმეტთა მათ,

Verse: 5V     ათორმეტთა ] ათერთმეტთა F.


Verse: 6   Link to pavleni Link to gnt   და მერმე ეჩუენა უმრავლეს ხუთასისა ძმათა ერთგზის, რომელთაგანნი უმრავლესნი ცოცხალ არიან აქამომდე და რომელთამე შეისუენეს,

Verse: 6V     უმრავლეს ] ზეშთა IK, ძმათ T, შეისუენეს ] დაიძინეს TIK.


Verse: 7   Link to pavleni Link to gnt   მერმე ეჩუენა იაკობს და მერმე მოციქულთა ყოველთა,

Verse: 7V     და მერმე T.


Verse: 8   Link to pavleni Link to gnt   უკანაჲსკნელ ყოველთასა, ვითარცა ნარჩევსა, მეჩუენა მეცა.


Verse: 9   Link to pavleni Link to gnt   რამეთუ მე ვარ ნარჩევი მოციქულთაჲ, რომელი არა ვარ ღირს წოდებად მოციქულად, რამეთუ ვსდევნიდ ეკლესიათა ღმრთისათა.

Verse: 9V     ეკლესიასა ღმრთისასა K.


Verse: 10   Link to pavleni Link to gnt   ხოლო მადლითა ღმრთისაჲთა ვარ, რაჲ-იგი ვარ; და მადლი იგი მისი, რომელი ჩემდა მომართი იყო, არა ცუდად რაჲ იყო, არამედ უმეტეს მათ ყოველთასა დავშუერ; არა მე, არამედ მადლი იგი ღმრთისაჲ, რომელი იყო ჩემ თანა.


Verse: 11   Link to pavleni Link to gnt   აწ უკუე გინა თუ მე, გინა თუ იგინი ესრეთ ვქადაგებთ, და ესრეთ გრწმენა თქუენ.


Part: 9 
(თ̂)


Verse: 12   Link to pavleni Link to gnt   ხოლო უკუეთუ ქრისტე იქადაგების, ვითარმედ მკუდრეთით აღდგომილ არს, ვითარ იტყჳან ვინმე თქუენ შორის, ვითარმედ აღდგომაჲ მკუდართაჲ არა არს?

Verse: 12V     თქუენ შორის ვიეთმინე T.


Verse: 13   Link to pavleni Link to gnt   უკუეთუ აღდგომაჲ მკუდართაჲ არა არს, არცა ქრისტე აღდგომილ არს.


Verse: 14   Link to pavleni Link to gnt   უკუეთუ ქრისტე არა აღდგომილ არს, ცუდად სამე არს ქადაგებაჲ ესე ჩუენი და ცუდად არს სარწმუნოებაჲ ეგე თქუენი.

Verse: 14V     ქრისტე ] -- T.


Verse: 15   Link to pavleni Link to gnt   ვიპოვენით უკუე ცრუმოწამეცა ღმრთისა, რამეთუ ვწამებთ ღმრთისათჳს, ვითარმედ აღადგინა ქრისტე, რომელი არა აღადგინა, უკუეთუ ნანდჳლვე მკუდარნი არა აღდგებიან.

Verse: 15V     ვიპოენით V, ვწამეთ ZFTIK, ნამდჳლვე FTIK.


Verse: 16   Link to pavleni Link to gnt   რამეთუ უკუეთუ მკუდარნი არა აღდგებიან, არცა ქრისტე აღდგომილ არს.

Verse: 16V     რამეთუ ] ხოლო TIK.


Verse: 17   Link to pavleni Link to gnt   და უკუეთუ ქრისტე არა აღდგომილ არს, ამაო არს სარწმუნოებაჲ ეგე თქუენი; ცოდვათავე სამეღა შინა თქუენთა ხართ აქამომდე.


Verse: 18   Link to pavleni Link to gnt   და შესუენებულნი იგი ქრისტეს მიერ წარ-ვე=სამე-წყმდენ

Verse: 18V     შესუენებულნიცა ZFT ] დაძინებულნიცა TK.


Verse: 19   Link to pavleni Link to gnt   უკუეთუ ამას ხოლო ცხორებასა ვართ მოსავ ქრისტესა, უსაწყალობელეს ყოველთა კაცთასა ვართ.

Verse: 19V     ხოლო ] -- T, ქრისტესსა T.


Verse: 20   Link to pavleni Link to gnt   ხოლო აწ ქრისტე აღდგა მკუდრეთით და იქმნა იგი დასაბამ შესუენებულთა.


Verse: 21   Link to pavleni Link to gnt   რამეთუ კაცისა მიერ იყო სიკუდილი და კაცისა მიერ _ აღდგომაჲ მკუდართაჲ.


Verse: 22   Link to pavleni Link to gnt   და ვითარცა-იგი ადამის გამო ყოველნი მოსწყდებიან, ეგრეთცა ქრისტეს მიერ ყოველნი ცხოველ იქმნენ.

Verse: 22V     მოსწყდებიან T, ეგრეცა FTIK, იქმნებიან F.


Verse: 23   Link to pavleni Link to gnt   ხოლო თითოეული თჳსითა წესითა: პირველად ქრისტე და მერმე ქრისტესნი იგი მოსლვასა მას მისსა.

Verse: 23V     თითოეული IK, პირველად ] დასაბამ IK, და ] -- IK.


Verse: 24   Link to pavleni Link to gnt   მაშინღა აღსასრული, რაჟამს მოსცეს სუფევაჲ ღმერთსა და მამასა, რაჟამს განაქარვნეს ყოველნი მთავრობანი და ყოველნი ჴელმწიფებანი და ძალნი.

Verse: 24V     მოსცეს სუფევაჲ ] მისცეს მეუფებაჲ IK, ყოველნი (2) ] -- TIK.


Verse: 25   Link to pavleni Link to gnt   რამეთუ ჯერ-არს მისა სუფევაჲ, ვიდრემდის დაისხნეს ყოველნი მტერნი მისნი ქუეშე ფერჴთა მისთა.

Verse: 25V     მისსა ZTIK.


Verse: 26   Link to pavleni Link to gnt   უკუანაჲსკნელ მტერი იგი განქარდეს _ სიკუდილი,

Verse: 26V     მტერი ] + ცა F.


Verse: 27   Link to pavleni Link to gnt   რამეთუ ყოველივე დაამორჩილა ქუეშე ფერჴთა მისთა. ხოლო რაჟამს თქუას, ვითარმედ: ყოველივე დაამორჩილა, ცხად არს, რამეთუ თჳნიერ მისა, რომელმან-იგი დაამორჩილა მას ყოველი.

Verse: 27V     დამორჩილა V, მისსა TIK.


Verse: 28   Link to pavleni Link to gnt   ხოლო რაჟამს დაემორჩილოს მას ყოველი, მაშინ თავადიცა ძე დაემორჩილოს მას, რომელმან-იგი დაამორჩილა მას ყოველი, რაჲთა იყოს ღმერთი ყოვლად ყოველსა შინა.

Verse: 28V     დაამორჩილოს F.


Verse: 29   Link to pavleni Link to gnt   უკუეთუ არა, რაჲმე ყონ, რომელნი-იგი ნათელს-იღებენ მკუდართათჳს? უკუეთუ ყოვლად მკუდარნი არა აღდგებიან, რაჲსაღა ნათელ-იღებენ მკუდართათჳს?

Verse: 29V     ნათელ-იღებენ V.


Verse: 30   Link to pavleni Link to gnt   ანუ ჩუენ რაჲსაღამე ვიჭირვით ყოველსა ჟამსა?

Verse: 30V     რაჲსამე-ღა ZTIK, ყოველსა ჟამსა ] -- IK.


Verse: 31   Link to pavleni Link to gnt   მარადღე მოვკუდები, ვფუცავ თქუენსა სიქადულსა, რომელ მაქუს ქრისტე იესუჲს მიერ უფლისა ჩუენისა.

Verse: 31V     მოვკუდებით T.


Verse: 32   Link to pavleni Link to gnt   უკუეთუ კაცობრივ მჴეცთა ბრძოლა-ვყავ ეფესოს, რაჲმე სარგებელი არს ჩემდა, უკუეთუ მკუდარნი არა აღდგენ? ვჭამოთ და ვსუათ, რამეთუ ხვალე მოვსწყდებით!3

Verse: 32V     მჴეცი V, ჴორცთა F, აღდგებიან TIK.

Verse: 32-3N     აშიაზე განმარტებაა: საეროჲ სიტყუაჲ, ლაკონიკელთაჲ (ლუკაონიკელთაჲ F) ძველი იგავი და ესაჲასჲსი (ესაიაჲსი FIK), მენანდროს (მენანდროჲს FIK) ცნობაჲ VZFIK.


Verse: 33   Link to pavleni Link to gnt   ნუ სცთებით: განხრწნიან წესთა კეთილთა ზრახვანი ბოროტნი.

Verse: 33V     განჰხრწნიან TIK.


Verse: 34   Link to pavleni Link to gnt   განიფრთხვეთ სიმართლით და ნუ სცოდავთ; რამეთუ უმეცრებაჲ ღმრთისაჲ ვიეთმე აქუს, საკდემელად თქუენდა ვიტყჳ.

Verse: 34V     რამეთუ ] -- V.


Verse: 35   Link to pavleni Link to gnt   არამედ თქუას ვინმე, ვითარმედ: ვითარმე აღდგენ მკუდარნი, ანუ რომლითამე ჴორცითა მოვიდენ?

Verse: 35V     -მე (2) ] -- T.


Verse: 36   Link to pavleni Link to gnt   უგუნურო, შენ რომელ დასთესი, არა ცხოვნდის, ვიდრემდე არა მოკუდის.

Verse: 36V     ცხონდის V.


Verse: 37   Link to pavleni Link to gnt   და რომელი-იგი დასთესი, არა თუ იგი გუამი რომელ ყოფად არნ დასთესი, არამედ შიშუელი მარცუალი გინა თუ იფქლისაჲ, ანუ თუ სხუაჲ რომელიმე თესლი.

Verse: 37V     ანუ სხუაჲ რაჲმე TIK.


Verse: 38   Link to pavleni Link to gnt   ხოლო ღმერთმან მოსცის მას გუამი, ვითარცა უნებნ, თითოეულსა თესლსა თჳსი გუამი.

Verse: 38V     თითოეულსა IK.


Verse: 39   Link to pavleni Link to gnt   არა ყოველი ჴორცი ერთ ჴორც არს, არამედ სხუაჲ არს კაცთაჲ და სხუაჲ ჴორცი არს პირუტყუთაჲ და სხუაჲ ჴორცი არს მფრინველთაჲ და სხუაჲ ჴორცი არს თევზთაჲ,


Verse: 40   Link to pavleni Link to gnt   და ჴორცნი იგი ზეცისათანი და ჴორცნი იგი ქუეყანისათანი; არამედ სხუაჲ არს ზეცისათა მათ დიდებაჲ და სხუაჲ არს ქუეყანისათაჲ.

Verse: 40V     სხუა (1) E.


Verse: 41   Link to pavleni Link to gnt   სხუაჲ დიდებაჲ არს მზისაჲ და სხუაჲ დიდებაჲ არს მთოვარისაჲ და სხუაჲ დიდებაჲ არს ვარსკულავთაჲ; რამეთუ ვითარცა-იგი ვარსკულავი ვარსკულავსა ჰმატს დიდებითა,

Verse: 41V     ვარსკლვთაჲ V.


Verse: 42   Link to pavleni Link to gnt   ეგრეთცა აღდგომაჲ მკუდართაჲ: დაეთესვის ხრწნილებით და აღდგების უხრწნელებით;

Verse: 42V     ეგრეცა FTIK.


Verse: 43   Link to pavleni Link to gnt   დაეთესვის გინებით და აღდგეს დიდებით; დაეთესვის უძლურებით და აღდგების ძლიერებით;

Verse: 43V     გინებით ] უპატიოებით TIK


Verse: 44   Link to pavleni Link to gnt   დაეთესვის ჴორცი მშჳნვიერი და აღდგების ჴორცი სულიერი. არს ჴორცი მშჳნვიერი და არს სულიერი.


Verse: 45   Link to pavleni Link to gnt   ეგრეცა წერილ არს: იყო პირველი იგი კაცი ადამ სამშჳნველად ცხოველად,(1) ხოლო უკანაჲსკნელი ადამ _ სულად განმაცხოველებელად.

Verse: 45-1Q     Link to mcat Gen. 2,7


Verse: 46   Link to pavleni Link to gnt   არამედ არა პირველად სულიერი იგი, არამედ მშჳნვიერი, მაშინღა სულიერი.


Verse: 47   Link to pavleni Link to gnt   პირველი იგი კაცი ქუეყანისაგან მიწისაჲ, ხოლო მეორე იგი კაცი უფალი ზეცით.


Verse: 48   Link to pavleni Link to gnt   ვითარცა-იგი მიწისაგანი, ეგრეთცა მიწისაგანნი, და ვითარცა-იგი ზეცისაჲ, ეგრეთცა ზეცისაგანნი იგი.

Verse: 48V     ეგრეცა ZFTIK.


Verse: 49   Link to pavleni Link to gnt   და ვითარცა-იგი შევიმოსეთ ხატი იგი მიწისაგანისაჲ, შევიმოსოთ ხატი იგი ზეცისაგანისაჲ.


Verse: 50   Link to pavleni Link to gnt   ხოლო ამას ვიტყჳ, ძმანო, რამეთუ ჴორცთა და სისხლთა სასუფეველი ღმრთისაჲ დამკჳდრებად ვერ ძალ-უც, არცა ხრწნილებამან უხრწნელებაჲ დაიმკჳდროს.


Verse: 51   Link to pavleni Link to gnt   აჰა, ესერა, საიდუმლოსა გითხრობ თქუენ: ყოველთავე უკუე არა შევისუენოთ, ხოლო ყოველნივე განვახლდეთ

Verse: 51V     საჲდუმლოსა VZ, უკუე ] -- TIK, შევისუენოთ ] დავიძინოთ IK, ყოველნივე განვახლდეთ ] ყოველნი შევიცვალნეთ IK.


Verse: 52   Link to pavleni Link to gnt   მეყსა შინა წამსა თუალისასა უკუანაჲსკნელითა მით საყჳრითა, რამეთუ საყჳრსა დაეცეს, და მკუდარნი იგი აღდგენ უხრწნელნი, და ჩუენ განვახლდეთ.

Verse: 52V     მეყსა განუკუეთელსა IK, თუალისსა V, განვახლდეთ ] შევიცვალნეთ TIK.


Verse: 53   Link to pavleni Link to gnt   რამეთუ ჯერ-არს ხრწნილისა ამის შემოსად უხრწნელებაჲ, და მოკუდავისა ამის შემოსად უკუდავებაჲ.

Verse: 53V     ამის (1) ] მის TIK.


Verse: 54   Link to pavleni Link to gnt   ხოლო რაჟამს განხრწნადმან ამან შეიმოსოს უხრწნელებაჲ და მოკუდავმან ამან შეიმოსოს უკუდავებაჲ, მაშინ აღესრულოს სიტყუაჲ იგი წერილისაჲ: დაინთქა სიკუდილი ძლევითა.(1)

Verse: 54-1Q     Link to mcat Is. 25,8

Verse: 54V     ამან ] -- T.


Verse: 55   Link to pavleni Link to gnt   სადა არს, სიკუდილო, საწერტელი შენი? სადა არს, ჯოჯოხეთო, ძლევაჲ შენი?(2)

Verse: 55-2Q     Link to mcat Jer. 3,19


Verse: 56   Link to pavleni Link to gnt   რამეთუ საწერტელ სიკუდილისა _ ცოდვაჲ, ხოლო ძალ ცოდვისა _ შჯული.

Verse: 56V     სჯული FTIK.


Verse: 57   Link to pavleni Link to gnt   ხოლო ღმერთსა მადლი, რომელმან მომცა ჩუენ ძლევაჲ ქრისტე იესუჲს მიერ უფლისა ჩუენისა.

Verse: 57V     ქრისტეს ZT.


Verse: 58   Link to pavleni Link to gnt   ამიერითგან, ძმანო ჩემნო საყუარელნო, მტკიცე იყვენით და შეურყეველ და ჰმატებდით საქმესა უფლისასა. მარადის უწყოდეთ, რამეთუ შრომაჲ ეგე თქუენი არა ცუდად იყოს უფლისა მიერ.

Verse: 58V     საქმეთა უფლისათა VF, მიერ ] -- T.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.